ଦିଲ୍ଲୀରେ ହାଉଜାଉ, ଓଡ଼ିଶାରେ ହାଇ ଆଲଟ 

କୋଭିଡ ହସ୍ପିଟାଲରେ 5ଟି ପ୍ରହରୀ

ଦିନରାତି ଏକ କରିଛନ୍ତି ପ୍ରଶାସନିକ ଅଧିକାରୀ

କରୋନା ମୁକାବିଲାରେ ଓଡିଶା ସାଜିଛି ଉଦାହରଣ 

ଭୁବନେଶ୍ୱର: ଆମେରିକା,ଚୀନ, ଇଟାଲୀ ବିଶ୍ୱର ବିକଶିତ ରାଷ୍ଟ୍ର। ସଭିଙ୍କ ଉନ୍ନତ ସ୍ବାସ୍ଥ୍ୟ ବ୍ୟବସ୍ଥା। ହେଲେ କରୋନା ମୁକାବିଲାରେ ସେମାନେ ବିଫଳ କହିଲେ ଭୁଲ ହେବ ନାହିଁ।ହେଲେ ଜଗନ୍ନାଥଙ୍କ ଆଶୀର୍ବାଦରୁ ପ୍ରାକୃତିକ ବିପର୍ଯ୍ୟୟ ମୁକାବିଲାରେ ସବୁବେଳେ ସଫଳ ହୋଇଛି ଓଡ଼ିଶା। ଯାହାର ସମସ୍ତ ଶ୍ରେୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଯାଉଛି। କାରଣ ତାଙ୍କ ଦୂରଦୃଷ୍ଟି ସବୁବେଳେ ଓଡ଼ିଶାକୁ କବଚ ପରି ଘୋଡାଇ ରଖିଛି। ଏହା ପୁଣିଥରେ କରୋନା ମୁକାବିଲାକୁ ଦେଖିଲେ ଜଣାପଡୁଛି।

କରୋନା ମୁକାବିଲା ପାଇଁ ନବୀନଙ୍କ ଟିମ୍ ଦିନରାତି ପରିଶ୍ରମ କରୁଛନ୍ତି। ଯାହାର କମାଣ୍ଡ ସମ୍ଭାଳୁଛନ୍ତି ଖୋଦ 5-T ସଚିବ ଭି. କେ ପାଣ୍ଡିଆନ। ଲୋକଙ୍କୁ  ସତର୍କ ଓ ସଚେତନତା ପ୍ରାଥମିକତା ଦେଇ କରୋନାକୁ ରୋକିବା ଦିଗରେ ଅଗ୍ରସର ହେଉଛି ଏହି ଟିମ୍। ଲୋକଙ୍କ ଅସୁବିଧାକୁ ଶୁଣିବା ପାଇଁ 24 ଘଣ୍ଟିଆ କଣ୍ଟ୍ରୋଲ ରୁମ ଖୋଲା ଯାଇଛି। ଯାହା ଆଜି କରୋନା ଆକ୍ରାନ୍ତ ସଂଖ୍ୟା କମାଇବାରେ ସହାୟକ ହୋଇଛି। ଯାହାର ଫଳ ସ୍ୱରୂପ କି
ଅନ୍ୟ ରାଜ୍ୟ ତୁଳନାରେ ଓଡ଼ିଶାର ସ୍ଥିତି ଭଲ ଅଛି। ଏହା ପଛରେ ପାଣ୍ଡିଆନଙ୍କ ପରିଶ୍ରମ ରହିଛି । ମୁଖ୍ୟମନ୍ତ୍ରୀଙ୍କ ନିର୍ଦେଶ କ୍ରମେ ସେ କରୋନା ମୁକାବିଲାକୁ ଗୁରୁତର ସହ ନେଇ ଯେଉଁ ପରିଶ୍ରମ କରୁଛନ୍ତି ତାହା ସବୁଦିନ ଗଣମାଧ୍ୟମରେ ଜଳଜଳ କରି ଦିଶୁଛି । ଯାହା ସାରା ଦେଶ ପାଇଁ ଉଦାହରଣ ସୃଷ୍ଟି କରୁଛି। ଘରୋଇ ହସ୍ପିଟାଲ ସହ ଚୁକ୍ତି ସ୍ଵାକ୍ଷର  କରି ଏକ ହଜାର ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ନିର୍ମାଣ କରୁଛି ଓଡ଼ିଶା। ଯାହାକି ଦେଶରେ ପ୍ରଥମ। ଭୁବନେଶ୍ୱରର କିମ୍ସ ଓ ସମ୍ ହସ୍ପିଟାଲରେ ୫୦୦ ଶଯ୍ୟା ଲେଖାଏଁ କୋଭିଡ଼ ହସ୍ପିଟାଲ ପ୍ରସ୍ତୁତ ହେଉଛି । ଯାହା ୧୫ ଦିନ ଭିତରେ ନିର୍ମାଣ କାର୍ଯ୍ୟ ଶେଷ ହେବ। ଚୁକ୍ତି ଅନୁସାରେ ହସ୍ପିଟାଲଗୁଡିକ କୋଭିଡ଼ ହସ୍ପିଟାଲ ପ୍ରସ୍ତୁତି ଠିକ ଚାଲିଛି କି ନାହିଁ  କରୁଛନ୍ତି ତାକୁ ଲୋକ ସେବା ଭବନରୁ ନୁହେଁ, ବରଂ ଗ୍ରାଉଣ୍ଡକୁ ଯାଇ ସମୀକ୍ଷା କରିଛନ୍ତି ଭି. କେ  ପାଣ୍ଡିଆନ। ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀ,ସ୍ବାସ୍ଥ୍ୟ ସଚିବ ନିକୁଞ୍ଜ କିଶୋର ଧଳ ଏବଂ ସିବିକେ ମହାନ୍ତିଙ୍କୁ ଧରି କିମ୍ସରେ ବୁଲି ଦେଖିଛନ୍ତି ସେ। ଏହା ସହ ୧୫ଦିନ ଭିତରେ କାମ ସାରିବାକୁ ପରାମର୍ଶ ଦେଇଛନ୍ତି। ଯେତେବେଳେ କି ଦିଲ୍ଲୀରେ ଲକ୍ ଡାଉନକୁ ଠିକ୍ ରେ ପାଳନ କରାଯାଉ ନାହିଁ ।ରାସ୍ତାରେ ଲୋକ ମେଳି ହେଉଛନ୍ତି। ଏମିତି ସମୟରେ ଓଡ଼ିଶାରେ ଲକ୍ ଡାଉନକୁ ସଠିକ ପରିଚାଳନା କରାଯାଉଛି। କେବଳ ସେତିକି ନୁହେଁ  ଲୋକ ସେବା ଭବନରେ ଘନ ଘନ ସମୀକ୍ଷା ବୈଠକ କରି ମୁଖ୍ୟମନ୍ତ୍ରୀଙ୍କୁ ରିପୋର୍ଟ ପ୍ରଦାନ କରୁଛନ୍ତି 5-ଟି ସଚିବ l  କୋଭିଡ -19 ବିଷୟରେ ପ୍ରତ୍ୟେକ ଦିନ ଜନସାଧାରଣଙ୍କୁ ଦେଉଛନ୍ତି ରାଜ୍ୟ ସରକାର l  କରୋନା ମୁକାବିଲା ଟିକନିକ ଖବର ଲୋକଙ୍କ ପାଖରେ ପହଂଚାଇବା ପାଇଁ ସୁବ୍ରତ ବାଚୀଙ୍କୁ ଦାୟିତ୍ୱ ଦେଇଛନ୍ତି ମୁଖ୍ୟମନ୍ତ୍ରୀ l ପୁରା ଅପରେସନଙ୍କୁ ତଦାରଖ କରୁଛନ୍ତି 5-ଟି ସଚିବ ଭି. କେ. ପାଣ୍ଡିଆନ l ତାଙ୍କର ଏପରି ନିଷ୍ଠା ପାଇଁ ମୁଖ୍ୟମନ୍ତ୍ରୀ ତାଙ୍କୁ ସବୁବେଳେ ଗୁରୁ ଦାୟିତ୍ୱ ଦିଅନ୍ତି l ଯାହାକୁ ସେ ଠିକ ଭାବରେ ପରିଚାଳନା କରନ୍ତି l

କଟକ: କଟକ ହେଉଛି ଭାଇଚାରର ସହର। ଆଜି ପରିସ୍ଥିତିରେ ସାରା ଦେଶ ଭାଇଚାରରେ ବାନ୍ଧି ହୋଇଛି। ଯାହାକୁ କି ସାରା ଓଡ଼ିଶା ସମର୍ଥନ ଜଣାଇଛି। କେହି ବି ଘରୁ ବାହାରୁ ନାହାନ୍ତି । ଆଉ ଯେଉଁମାନେ ଏହାକୁ ମାନୁନାହାନ୍ତି ତାଙ୍କ ପାଇଁ ବାର୍ତ୍ତା ପଠାଇଛନ୍ତି ଅରିନ୍ଦମ ରାୟ। ଓଲିଉଡର ଭାଇଜାନ। ସବୁବେଳେ ନିଜର ସ୍ୱତନ୍ତ୍ର ବ୍ୟକ୍ତିତ୍ୱ ପାଇଁ ସେ ବେଶ ପରିଚିତ। ଜଣେ ଅଭିନେତା ଭାବରେ ସେ ଯେତିକି ପରିଚିତ ତା ଠାରୁ ଅଧିକ ଜଣେ ସମାଜସେବକ  ଭାବରେ ପରିଚିତ । ସେଥିପାଇଁ ତ ନିର୍ବାଚନ ସମୟରେ ସେ ବିଜେଡିର ଷ୍ଟାର ପ୍ରଚାରକ ହୋଇଥାନ୍ତି ।
ଏବେ ସାରା ବିଶ୍ୱରେ କରୋନା ଆତଙ୍କ ସୃଷ୍ଟି କରିଛି । ଭାରତରେ ମଧ୍ୟ ଏବେ କରୋନାକୁ ନେଇ ଭୟର ବାତାବରଣ ।ସେଥିପାଇଁ ଲୋକଙ୍କୁ ସତର୍କ ଓ ସଚେତନତ କରାଇବାରେ ଲାଗିଯାଇଛନ୍ତି ସୁପରଷ୍ଟାର ଅରିନ୍ଦମ । ସୋସିଆଲ ମିଡିଆରେ ଭିଡିଓ ସେୟାର କରୁଛନ୍ତି। କିପରି ସ୍ୱଚ୍ଛତା ଏବଂ ସମାଜିକ ଦୂରତା ରଖିବା ଦ୍ଵାରା କରୋନା ମୁକାବିଲା କରିହେବ ତାହା ବୁଝାଉଛନ୍ତି। ଯାହା କି ଏବେ ସୋସିଆଲ ମିଡିଆରେ  ଭାଇରାଲ ହେବାରେ ଲାଗିଛି। କେବଳ ଅଭିନୟ ନୁହେଁ ଲୋକଙ୍କ ସେବାକୁ ଆପଣାଇ ନେଇଛନ୍ତି ଏହି ଅଭିନେତା । ପଦ ପଦବୀରୁ ସେ ସବୁବେଳେ ଦୂରରେ ରହି ସେବା ପାଇଁ। ନିଜକୁ ସମର୍ପିତ କରିଛନ୍ତି ସେ।

ଭୁବନେଶ୍ୱର : କରୋନା ପାଇଁ ବଦଳୁଛି ସବୁକିଛି l ପ୍ରଥମ ଥର ପାଇଁ ବିଧାନସଭା ବସିବ ଲୋକସେବା ଭବନରେ l ଏପରି ନିଷ୍ପତି ନେଇଛନ୍ତି ବାଚସ୍ପତି l  ବିଧାନସଭା କାର୍ଯ୍ୟସୂଚି ମାର୍ଚ୍ଚ 31 ପରିବର୍ତେ 30ରେ ବ୍ୟୟ ମଞ୍ଜୁରୀ ବିଲ ଆସିଥାନ୍ତା। ହେଲେ ଗତକାଲି ତିରେ ଆମେ ଜାଣିବାକୁ ପାଇଲୁ ଯେ ଆମ ବିଧାନସଭାର ଜଣେ କର୍ମଚାରୀ ତୃତୀୟ କରନା ସଂସ୍ପର୍ଶରେ ଆସିଛି। ତେଣୁ ସମସ୍ତ କର୍ମଚାରୀ ଙ୍କୁ quarantine କରିବା ସହ ବିଧାନସଭା ବିଲ୍ଡିଂକୁ disinfection କରିବା ଆବଶ୍ୟକ। ତେଣୁ ମୁଁ ଆଜି ନିର୍ଦେଶ ଦେଇଛି, ଲୋକସେବା ଭବନ convention ହଲରେ ବିଧାନସଭା ବସିବ। ଯେହେତୁ ବିଧାୟକମାନେ ଦୁଇ ମିଟର ଦୂରରେ ବସିବେ, ମୁଁ ଅନୁରୋଧ କରୁଛି ସବୁ ଦଳର ନେତାଙ୍କୁ ନିଜ ଦଳର 30 ପ୍ରତିଶତ ବିଧାୟକଙ୍କୁ ନେଇକି ଆସିବେ। ସମସ୍ତ ଜିଲ୍ଲାପାଳ ଓ SPଙ୍କୁ ଜଣେଇ ଦେଇଛୁ ବିଧାୟକମାନଙ୍କୁ ନ ଅଟକାଇବାକୁ।

1. ଯାଜପୁର: ପ୍ରଣବ ପ୍ରକାଶ ଦାସ(ବବି ) । ଯାଜପୁର ବିଧାୟକ ଏବଂ ବିଜେଡି ସାଂଗଠନ ସମ୍ପାଦକ। ତାଙ୍କର ନିଷ୍ଠା, ପରିଶ୍ରମ ଓ ଲୋକଙ୍କ ପାଇଁ ସେବା କରିବା ମନବୃତ୍ତୀ ଆଜି ତାଙ୍କୁ ଓଡ଼ିଶାର ଦ୍ୱିତୀୟ ଶକ୍ତିଶାଳୀ ରାଜନେତାଭାବେ ପରିଚୟ କରିଛି । କଥା ନୁହେଁ କାମରେ ସେ ସବୁବେଳେ ବିଶ୍ୱାସ କରନ୍ତି । କେବଳ ଭୋଟ ପାଇଁ ନିର୍ବାଚନ ଲଢ଼ନ୍ତି ନି ସେ । ଲୋକଙ୍କ ସୁବିଧା ଅସୁବିଧାର ସେ ବଡ ସାଥି ହୁଅନ୍ତି । ଲୋକଙ୍କ ପାଇଁ ସେ ଦିନ ରାତି ପରିଶ୍ରମ କରିଥାନ୍ତି। ଯେଉଁଠି ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେ ଅତ୍ୟନ୍ତ ବିଶ୍ୱସ୍ତ ହୋଇଛନ୍ତି l
   ସାରା ଦେଶରେ ଏବେ କରୋନାକୁ ନେଇ ଲକ୍ ଡାଉନ । ଓଡ଼ିଶାରେ ମୁଖ୍ୟମନ୍ତ୍ରୀଙ୍କ ସହ ପ୍ରଣବ ମିଶି ଏହି ଲକ୍ ଡାଉନକୁ ସଫଳ କରିବା ପାଇଁ ପ୍ରଶାସନିକ ଅଧିକାରୀଙ୍କ ସହ ମିଶି ଆଲୋଚନା କରୁଛନ୍ତି l ସବୁଠାରୁ ବଡ କଥା ହେଉଛି ଚାରିଆଡେ ଏବେ ଶୁନ୍ ଶାନ୍। କେହି ଘରୁ ବାହାରି ପାରୁନାହାନ୍ତି । ଚାରିଆଡେ ପୋଲିସ ଛାଉଣୀ ।ଯାହା ଫଳରେ ନେତା ବି ଘରୁ ବାହାରିବା ମୁସ୍କିଲ ହେଲାଣି। କିନ୍ତୁ ପ୍ରଣବ ଯାଜପୁର ତଥା ଓଡିଶାବାସୀ କିପରି କରୋନାରୁ ସୁରକ୍ଷିତ ରହିବେ ସେଥିପାଇଁ ଚେଷ୍ଟା ଜାରିରଖିଛନ୍ତି । ଭୁବନେଶ୍ୱର ରୁ ଯାଜପୁର ଆଉ ଯାଜପୁରରୁ ଭୁବନେଶ୍ୱର ଯିବା ଆସିବା କରୁଛନ୍ତି ସବୁ ଦିନ l ପ୍ରତିଦିନ ସକାଳୁ ସେ ନିଜେ ୨ ଘଣ୍ଟା ଯାଜପୁରର ସଫେଇ କାର୍ଯ୍ୟକ୍ରମକୁ ତଦାରଖ କରୁଛନ୍ତି ।ପରେ ଭୁବନେଶ୍ୱର ଆସି ଲୋକ ସେବା ଭବନରେ କରୋନା ମୁକାବିଲା ନେଇ ହେଉଥିବା କାର୍ଯ୍ୟକ୍ରମରେ ନିଜକୁ ସାମିଲ କରୁଛନ୍ତି l ପ୍ରସ୍ତୁତ ହେଉଛି  କରୋନା ମୁକାବିଲା ଲାଗି  ବ୍ଲୁ ପ୍ରିଣ୍ଟ l  ଲୋକସେବା ଭବନରେ କାମ ସରିଲା ପରେ ପୁଣି ସେ ୩ଟା ବେଳେ ଯାଜପୁର ଗସ୍ତ କରୁଛନ୍ତି l ଆଉ ପହଁଚିକି  ନିଜ ନିର୍ବାଚନ ମଣ୍ଡଳିକୁ କରୋନା ମୁକାବିଲାର ତଦାରଖ କରୁଛନ୍ତି l
   ଦିନ ରାତିକୁ ଖାତିର ନ କରି କରୋନା ନିରାକାରଣ ପାଇଁ ସେ କାମ କରୁଛନ୍ତି। ଯେଉଁ କାରଣରୁ ତାଙ୍କୁ ବିଭିନ୍ନ ମହଲରୁ ପ୍ରସଂଶା ମିଳୁଛି। କେବଳ ଯାଜପୁର ନୁହେଁ ସାରା ଓଡ଼ିଶା ତାଙ୍କ କାର୍ଯ୍ୟଦକ୍ଷତାକୁ ସଲାମ କରୁଛି। ଲୋକଙ୍କ ସୁଖ ଦୁଃଖର ସାଥି ସେ।  କେବଳ ସେତିକି ନୁହେଁ ସୋସିଆଲ ମିଡ଼ିଆରେ ଲୋକଙ୍କୁ ସଚେତନ କରାଇଛନ୍ତି ମଧ୍ୟ । ଯେଉଁଥି ପାଇଁ ସେ ମୁଖ୍ୟମନ୍ତ୍ରୀଙ୍କ ପ୍ରିୟ ନେତା ହୋଇପାରିଛନ୍ତି। ଗତକାଲି ଯେତେବେଳେ ସାରା ଯାଜପୁର ଶୋଇ ପଡ଼ିଥିଲା ସେତେବେଳେ ବିଧାୟକ ପ୍ରଣବ ମେଡିକାଲ, କଲେଜ ଛକ ଆଦି ବୁଲି ସ୍ଥିତି ଅନୁଧ୍ୟାନ କରିଥିଲେ। ପୁରା ଯାଜପୁର ଜିଲ୍ଲାର ପରିଷ୍କାର ପରିଚ୍ଛନତାକୁ ତଦାରଖ କରିଛନ୍ତି।