ସଫଳତା ପାଇଁ ନିଜର ଅନ୍ତର୍ନିହିତ ଗୁଣକୁ ବିକଶିତ କର: ଛାତ୍ରଛାତ୍ରୀଙ୍କୁ ସନ୍ଥ ଗୌର ଗୋପାଳ ଦାସଙ୍କ ଆହ୍ୱାନ
ସଫଳତା ହାସଲ କରିବା କ୍ଷେତ୍ରରେ ଦକ୍ଷତା ଓ କାର୍ଯ୍ୟ କୁଶଳତା ହିଁ ମାପଦଣ୍ଡ ବୋଲି ଅନେକଙ୍କର ଚିନ୍ତାଧାରା ରହିଥିବା ବେଳେ ପ୍ରକୃତରେ କିନ୍ତୁ ମଣିଷର ମାନସିକତା ହିଁ ତାକୁ ଆଗକୁ ବଢ଼ିବାରେ ସହାୟକ ହୋଇଥାଏ ବୋଲି ମତ ରଖିଛନ୍ତି ପଥ ପ୍ରଦର୍ଶକ, ବିଶିଷ୍ଟ ପ୍ରେରଣାଦାୟୀ ବକ୍ତା, ସାଧୁ ତଥା ଲେଖକ ଗୌର ଗୋପାଳ ଦାସ ।
ଶୁକ୍ରବାର ଶିକ୍ଷା ଓ ଅନୁସନ୍ଧାନ (ସୋଆ)ର ଆନୁଆଲ୍ ଟ୍ୟାଲେଂଟ ଏନ୍ଗେଜମେଂଟ କାର୍ଯ୍ୟକ୍ରମ ‘ସୋଆ ପ୍ରକ୍ସିମା ୨୦୨୬’ର ୩-ଦିନିଆ ଉତ୍ସବର ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇ ଗୌର ଗୋପାଳ ଦାସ ଛାତ୍ରଛାତ୍ରୀଙ୍କୁ କହିଛନ୍ତି ଯେ କର୍ପୋରେଟ ଜଗତର ପସନ୍ଦ ଦକ୍ଷ ଓ କାର୍ଯ୍ୟ କୁଶଳତା ସମ୍ପନ୍ନ ବ୍ୟକ୍ତିଙ୍କ ପ୍ରତି ଅଧିକ ରହିଥିବା ବେଳେ ସଫଳତା ପ୍ରତି ଅଧିକ ଆସକ୍ତି ରଖୁ ନଥିବା ଚିନ୍ତାଧାରାର ବ୍ୟକ୍ତି ବିଶେଷ ହିଁ ପ୍ରକୃତରେ ନିଜ ଜୀବନରେ ଉନ୍ନତି କରିଥାନ୍ତି ।
ଛାତ୍ରଛାତ୍ରୀଙ୍କ ମଧ୍ୟରେ ଅନ୍ତର୍ନିହିତ ଗୁଣର ଆବଶ୍ୟକତାକୁ ବିସ୍ତୃତ ଭାବେ ବୁଝାଇ ସନ୍ଥ ଦାସ କହିଥିଲେ ଯେ ପିଲାମାନେ ରଂଗବେରଙ୍ଗ ପ୍ରଜାପତିଙ୍କୁ ଧରିବାକୁ ଖୁବ ଭଲ ପାଇଥାନ୍ତି । କିନ୍ତୁ ଗୋଟିଏ ସୁନ୍ଦର ବଗିଚା ପ୍ରସ୍ତୁତ କରିବା ଆବଶ୍ୟକ ଯେଉଁଠାକୁ ବିଭିନ୍ନ ପ୍ରଜାପତି ଆସି ଘୂରି ବୁଲିବେ । ଛାତ୍ରଛାତ୍ରୀମାନଙ୍କୁ ସଫଳତା ହାସଲ କରିବା ନିମନ୍ତେ ବିକାଶ ଉପରେ ଗୁରୁତ୍ୱ ନ ଦେଇ ସେ କହିଥିଲେ ଯେ ନିଜର ବଗିଚା ନିଜେ ପ୍ରସ୍ତୁତ କର ଯେଉଁଥିରେ କି ପ୍ରଜାପତିମାନେ ଉଡ଼ି ବୁଲିବେ । ସଫଳତା ହାସଲ କରିବା ନିମନ୍ତେ କଠିନ ପରିଶ୍ରମର ଆବଶ୍ୟକତା ରହିଥିବା ସେ କହିଥିଲେ ।
ଯୁଦ୍ଧ ପାଇଁ ବିଧାନସଭାରେ ସଂକଳ୍ପ ଅଣାଯାଉ, ନହେଲେ ଗୃହ ଐତିହାସିକ ଭୂଲ କରିବ : ଅରୁଣ ସାହୁ
ଯୁଦ୍ଧ ପାଇଁ ବିଧାନସଭାରେ ସଂକଳ୍ପ ଅଣାଯାଉ, ନହେଲେ ଗୃହ ଐତିହାସିକ ଭୂଲ କରିବ : ଅରୁଣ ସାହୁ
ଲକ୍ଷାଧିକ ଓଡ଼ିଆ ଲୋକ ମଧ୍ୟ ପ୍ରାଚ୍ୟରେ ଫସିଛନ୍ତି. ସେମାନଙ୍କୁ ସୁରକ୍ଷିତ ଫେରାଇ ଆଣିବାକୁ ଭାରତ ସରକାର ଓ ଓଡ଼ିଶା ରାଜ୍ୟ ସରକାର କଣ ପଦକ୍ଷେପ ନେଇଛନ୍ତି l
ଓଡ଼ିଆ ଅସ୍ମିତା କଥା କହୁଥିବା ବିଜେପି ସରକାର ଓଡ଼ିଆମାନେ ବାହାରେ କିପରି ଅସୁବିଧାର କିପରି ହଇରାଣ ହେଉଛନ୍ତି ତାହା ବୁଦ୍ଧିଯିବି ମାନେ କହିଲେଣି l ଯୁଦ୍ଧ ଯୋଗୁଁ ବହୁ ଓଡ଼ିଆ ଅସୁବିଧାର ସମୁଖୀନ ହେଉଛନ୍ତି l ନାଁ ସେମାନେ ଘରକୁ ଆସିପାରୁଛନ୍ତି ନାଁ ପଇସା ପଠାଇ ପାରୁଛନ୍ତି l ବାହାର ଦେଶରେ ଯେଉଁମାନେ ଅଛନ୍ତି ସେମାନେ ଯେତିକି ନିର୍ଯାତିତ ଏଠି ତାଙ୍କ ପରିବାର ମଧ୍ୟ ନିର୍ଯାତନା ର ଶିକାର ହେଉଛନ୍ତି l ମହାମାରୀ ସମୟରେ ନବୀନ ପଟନାୟକ ଓଡ଼ିଆ ଶ୍ରମିକ ମାନଙ୍କୁ ଫେରାଇ ଆଣିଥିଲେ l ଯେଉଁଠି ପାଇଁ ସାରା ଭାରତ ବର୍ଷ ନବୀନ ପଟନାୟକ ପ୍ରସଂଶା କରିଥିଲେ l ପ୍ରବାସୀଙ୍କୁ ବୁଝୁବା ପାଇଁ ଓଡିଶା ପ୍ରବାସୀ ନିର୍ଦେଶାଳୟ କରିଥିଲେ l ଏବେ ତାହା ପଙ୍ଗୁ l ଯୁଦ୍ଧରେ ଲୋକମାନେ ହଇରାଣ ହେଉଛନ୍ତି l ଯୁଦ୍ଧ ହେଲେ ଖାଦ୍ୟର ଅଭାବ ସୁଷ୍ଟି ହେବ l ଏବେ ଗ୍ୟାସ ସଙ୍କଟ ଦେଖା ଦେଲାନି l ଅଭାବ ଯୋଗୁଁ ଲୋକେ ଅହାକାର ହେଲେଣି l ଆଗକୁ ସାର ସଙ୍କଟ ଦେଖାଦେବ l ଏବେ ଖାଇବା ତେଲ ର ଅଭାବ ଦେଖା ଦେଲାନି l ସେୟାର ବଜାର ତଳକୁ ଗଲାଣି l ଭୁବନେଶ୍ୱରର ଅନେକ ହୋଟେଲ ବନ୍ଧ ହେଲାଣି l ଯୁଦ୍ଧ ପାଇଁ ସରକାରଙ୍କ ଉଦ୍ୟମ କଣ?
ମିଟର ନାଁରେ ଲୁଟୁଛି ଟାଟା ପାୱାର, ବିଧାନସଭାରେ ଝଡ଼
କଂଗ୍ରେସ ପକ୍ଷରୁ “ଟାଟା ପାୱାର ଦ୍ୱାରା ଉପଭୋକ୍ତାଙ୍କୁ ଜବରଦସ୍ତ ସ୍ମାର୍ଟ ମିଟର ଲଗାଇବା, ମନ ଇଚ୍ଛା ବିଲ ଦେବା ଓ ଅଘୋଷିତ ବିଦ୍ୟୁତ୍ କାଟ କରିବା ସମ୍ପର୍କରେ” ଦିଆଯାଇଥିବା ମୁଲତବୀ ପ୍ରସ୍ତାବ ଉପରେ ଆଲୋଚନା
ମୁଲତବୀ ଆଲୋଚନାରେ ଭାଗ ନେଇ କଂଗ୍ରେସ ବିଧାୟକ ପବିତ୍ର ସାଉଁତାଙ୍କ କହିଛନ୍ତି l ବିଜୁଳି ସାଧାରଣ ଲୋକଙ୍କ ସହ ସିଧାସଳଖ ଜଡିତ ଥିବା ସମସ୍ୟା। ଅଘୋଷିତ ବିଦ୍ୟୁତ କାଟ ସମସ୍ତଙ୍କୁ ହଇରାଣ କରୁଛି। ଶିକ୍ଷା, ସ୍ୱାସ୍ଥ୍ୟ ,ଶିଳ୍ପ ସବୁଥିରେ ବିଦ୍ୟୁତ ଆବଶ୍ୟକ। ରାଜ୍ୟରେ 25 ହଜାର ମେଗାୱାଟ ବିଦ୍ୟୁତ ଉତ୍ପାଦନ ହେଉ ଥିବା ବେଳେ ଆନେକ ଗାଁକୁ ବିଜୁଳି ଯାଇ ପାରି ନାହିଁ। ଯାହାକି ଦୁର୍ଭାଗ୍ୟ ଜନକ ଚିତ୍ର। ଟାଟା ପାୱାରକୁ ସାଗମାଛ ଦରରେ ସରକାର ଟେକି ଦିଆଯାଇଛି। ଲୋକଙ୍କୁ 1000 ଭତ୍ତା ଦେଉଥିବା ବେଳେ ଗରିବ ଲୋକ ଇଲେକ୍ଟ୍ରି ବିଲ କେମିତି ଦେବେ। ଗରିବ ଲୋକଙ୍କୁ ହଜାର ହଜାର ଟଙ୍କା ବିଲ ଆସୁଛି। ସ୍ମାର୍ଟ ମିଟର ବ୍ୟବସ୍ଥା କାହିଁକି କରାଗଲା। ଟାଟା ପାୱାର ମନ ଇଛା ବିଲ ଦେଉଛନ୍ତି। ମୋ ନିର୍ବାଚନ ମଣ୍ଡଳିରେ କେବଳ 400 କୋଟି ଟଙ୍କା ଫାଇନ ପକାଇଛି ଟାଟା ପାୱାର। ସାରା ରାଜ୍ୟରେ 5000 କୋଟି ଫାଇନ ପକେଇଛନ୍ତି। ଆଜି ରାଜ୍ୟ ସରକାର 80 ହଜାର କୋଟି ଟଙ୍କା ଶିଳ୍ପ ସାଂସ୍ଥା ରିହାତି ହେଇଛନ୍ତି। ହେଲେ କୃଷି କ୍ଷେତ୍ରରେ ଦେଉ ନାହାନ୍ତି। ଆମ ରାଜ୍ୟରେ ମାତ୍ର 2 ପ୍ରତିଶତ ବିଦ୍ୟୁତକୁ କୃଷି କ୍ଷେତ୍ରରେ ବ୍ୟବହାର କରାଯାଉଛି। କୃଷି କ୍ଷେତ୍ରରେ ଚାଷୀଙ୍କୁ ସୁବିଧା ନ ଦେଲେ କେମିତି ବିକଶିତ ଓଡ଼ିଶା ଓ ବିକଶିତ ଭାରତ ହେବ। ସବୁ ଦେଖି ବିଭାଗୀୟ ମନ୍ତ୍ରୀ ଚୁପ କାହିଁକି । ଗାଁରେ ଅଘୋଷିତ ପାୱାର କଟ ଫଳରେ ପିଲାଙ୍କ ପାଠ ପଢା ଠିକରେ ହୋଇ ପାରୁ ନାହିଁ। ବିଦ୍ୟୁତ ଦର ରାଜ୍ୟରେ ବଢୁଛି। ରାଜ୍ୟରେ ସବୁ ସମ୍ବଳ ଥାଇ ମଧ୍ୟ ଦର ରାଜ୍ୟରେ କମୁ ନାହିଁ କାହିଁକି ।ସରକାର ବିଦ୍ୟତ ଦର କମାଉ ନାହାନ୍ତି । ନିର୍ବଛିନ୍ନ ସହ କୃଷକଙ୍କୁ କମ ଦରରେ ବିଦ୍ୟୁତ ଦିଅନ୍ତୁ ସରକାର। ମାଗଣା 300 ୟୁନିଟ ମାଗଣା ବିଜୁଳି ଗଲା କୁଆଡେ। ଅନ୍ୟ ରାଜ୍ୟରେ ଲୋକଙ୍କୁ ଫ୍ରି ବିଜୁଳି ଦିଆଯାଉଛି। ହେଲେ ଆମ ଠି କାହିଁକି ନାହିଁ। ବିପିଏଲ ଧାରୀ ଲୋକଙ୍କୁ ମାଗଣାରେ ବିଜୁଳି ମିଳିବା ଉଚିତ।
*ମୁଲତବୀ ଆଲୋଚନାରେ ଭାଗ ନେଇ ବିଜେଡି ବିଧାୟକ ଗଣେଶ୍ୱର ବେହେରାଙ୍କ କହିଛନ୍ତି ପାରମ୍ପରିକ ରୀତିରେ ବିରୋଧୀ ଦଳଙ୍କ ପ୍ରଶ୍ନ ରେ ସରକାର ମିଛ କହିଛନ୍ତି କହିଲେ ସମସ୍ୟାର ସମାଧାନ ହେବ ନାହିଁ। ସ୍ମାର୍ଟ ମିଟରକୁ ଲୋକଙ୍କ ଉପରେ ଲଦି ଦିଆଯାଉଛି। ଫଳରେ ଲୋକଙ୍କୁ ଶୋଷଣ କରାଯାଉଛି। ଓଇଆରସି ବୈଠକରେ ଟାଟା ପାୱାରକୁ static meter.କୁ କାହିଁକି ବଦଳାଉଛନ୍ତି ବୋଲି ପ୍ରଶ୍ନ କରିଥିଲେ। static meterକୁ
ପରିବର୍ତ୍ତନ କଲେ 800 ଟଙ୍କା ଚର୍ଚ୍ଚା ହେବ। ହେଲେ କାହିଁକି 5000 ଟଙ୍କା ଦେଇ ସ୍ମାର୍ଟ ମିଟର ଲଗାଯିବ। ଟାଟା କମ୍ପାନୀ ଯାହା କମ ଖର୍ଚ୍ଚରେ ହେବ ତାହା ନ କରି ଲୋକଙ୍କୁ ଖର୍ଚ୍ଚାନ୍ତ କରୁଛନ୍ତି। ଏପଟେ ସରକାର 735 କୋଟି ଟଙ୍କା ବେଜେଟରେ କାହିଁକି ବ୍ୟବସ୍ଥା କରିଛନ୍ତି। ରାଜ୍ୟ ସରକାର ଟାଟା କମ୍ପାନୀକୁ କାହିଁକି ଅହେତୁକ ଅନୁକମ୍ପା ଦେଖାଉଛନ୍ତି। ସରକାର ଲୋକଙ୍କର । ହେଲେ ତାଙ୍କ ପ୍ରତି ଦରଦ ବଦଳରେ କମ୍ପାନୀକୁ କାହିଁକି ଏତେ ଦରଦ ଦେଖାଉଛନ୍ତି। ସ୍ମାର୍ଟ ମିଟର କମ୍ପାନୀ ନିଜ ପୁଞ୍ଜିରୁ ଲଗେଇବା ଉଚିତ। ଏହା ନ କରି ଲୋକ କାହିଁକି ଟଙ୍କା ଦେବେ। ଲୋକଙ୍କୁ ଶୋଷଣ କଣ ପାଇଁ କରୁଛନ୍ତି। ଅତିରିକ୍ତ ସୁରକ୍ଷା ଜମା ରାଶି ବାବଦରେ ଆପଣ 13 ମାସର ଟଙ୍କା ଟାଟା କମ୍ପାନୀ ନେଲା। ଫଳରେ ଖାଉଟିଙ୍କୁ ଶୋଷଣ କରାଗଲା। ଏହାକୁ ଅସ୍ବୀକାର କରିବେ କି। ରାଜ୍ୟରେ ଅଘୋଷିତ ବିଦ୍ୟୁତ କାଟ ହେଉଛି। ଆପଣ ମଧ୍ୟ ଏହା ଜାଣିଛନ୍ତି । ଏହା ଦୁର୍ଭାଗ୍ୟ ଜନକ। ଆମେ ଉଚିତ ଦରରେ ଉଚ୍ଚ ମାନର ନିରବଛିନ୍ନ ବିଦ୍ୟୁତ ଚାହୁଁ।
*ମୁଲତବୀ ଆଲୋଚନାରେ ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓଙ୍କ ଅନୁପସ୍ଥିତିରେ ଗଣ ଶିକ୍ଷା ମନ୍ତ୍ରୀ ନିତ୍ୟାନନ୍ଦଙ୍କ ଉତ୍ତର କହିଛନ୍ତି କେବଳ ଚର୍ଚ୍ଚା ପାଇଁ ଅଭିଯୋଗ ଆଣିଛନ୍ତି ବିରୋଧୀ । ସେମାନେ ଯେତେବେଳେ ସରକାରରେ ଥିଲେ କଣ ବ୍ୟବସ୍ଥା ଥିଲା ସେମାନେ ଜାଣିଛନ୍ତି । ଲୋ ଭୋଲ୍ଟେଜ ସତ୍ତ୍ୱେ ବିଦ୍ୟୁତ୍ ବିଲ୍ ଆସୁଥିଲା । ଲୋକ ବିଦ୍ୟୁତ୍ ପାଉନଥିଲେ । ସୌଭାଗ୍ୟ ଯୋଜନା ମାଧ୍ୟମରେ 9.57 ଲକ୍ଷ ଉପଭୋକ୍ତାଙ୍କୁ ବିଦ୍ୟୁତ ଯୋଗାଣ ହୋଇଛି । ସେମାନେ ବିଦ୍ୟୁତ୍ ଯୋଗାଣରେ କୌଣସି ସଂସ୍କାର ଆଣି ନାହାନ୍ତି । ସ୍ମାର୍ଟ ମିଟର ଦ୍ୱାରା ତ୍ରୁଟି ଶୂନ୍ୟ ହେଉଛି । ଉପଭୋକ୍ତା ଲାଭବାନ୍ ହେଉଛନ୍ତି । ଲୋ ଭୋଲ୍ଟେଜ ନାହିଁ କି ଅଘୋଷିତ ବିଦ୍ୟୁତ୍ କାଟ ହେଉନାହିଁ । ସମଗ୍ର ଦେଶରେ ଫେବୃଆରୀ ସୁଦ୍ଧା 5.80 କୋଟି ସ୍ମାର୍ଟ ମିଟର ସ୍ଥାପନ କରାଯାଇଛି । ସ୍ମାର୍ଟ ମିଟର ଦ୍ୱାରା ମିଟର ରିଡିଙ୍ଗ ଓ ବିଲିଂ ତ୍ରୁଟି ଶୂନ୍ୟ ହୋଇଥାଏ । ରାଜ୍ୟରେ କୌଣସି ସ୍ଥାନରେ ଅଘୋଷିତ ବିଦ୍ୟୁତ କାଟ କରାଯାଉନାହିଁ । ବନ୍ୟା, ବାତ୍ୟା, ଝଡ଼ ବର୍ଷା ଭଳି ବିପର୍ଯ୍ୟୟ ଯୋଗୁଁ କ୍ଷୟକ୍ଷତି ରୋକିବା ପାଇଁ ସାମୟିକ ଭାବେ ବିଦ୍ୟୁତ୍ କାଟ କରାଯାଇଥାଏ । ବିଦ୍ୟୁତ୍ ଚୋରି ପାଇଁ ଫାଇନ ଆଦାୟ କରାଯାଉଛି । ଏହାର ଉଚ୍ଚ ବିଦ୍ୟୁତ ଦର ଅଭିଯୋଗ ସହ କୌଣସି ସମ୍ପର୍କ ନାହିଁ । ଶକ୍ତି କ୍ଷେତ୍ରରେ ସଂସ୍କାର ଆଣିବାରେ ଓଡ଼ିଶା ଦେଶରେ ପ୍ରଥମ ରାଜ୍ୟ । ଗ୍ରାହକ ମାନଙ୍କ ସଂଖ୍ୟା ବୃଦ୍ଧି ପାଇବା ସହ ବିଦ୍ୟୁତ୍ ଯୋଗାଣ ମାନରେ ମଧ୍ୟ ବୃଦ୍ଧି ପାଇଛି । ଆଗାମୀ ଦିନରେ ବିଦ୍ୟୁତ୍ ବିଲ୍ ଓଡ଼ିଆରେ ଦେବା ପାଇଁ ସରକାର ଚିନ୍ତା କରୁଛନ୍ତି ।
ଅଭ୍ୟାସ ବଦଳାନ୍ତୁ ଖୁସରେ ରୁହନ୍ତୁ
ଅନେକ ସମୟରେ ମଣିଷ ନିଜର କିଛି ଅଭ୍ୟାସ ପାଇଁ ପରବର୍ତୀ ସମୟରେ ଅନୁତାପ କରେ l ସେ ଅଭ୍ୟାସ କେତେ ଠିକ ଥିଲା କେତେ ଭୂଲ ସେକଥା ଆକଳନ କରି ଆପଣ ହୁଏତ ଚିନ୍ତାର ମହାସାଗରକୁ ଚାଲିଯିବେ l
ଏମିତି ଦିନେ ଖରାଦିନିଆ ସଂଧ୍ୟାରେ ବସି ଟୁନା ଭାବୁଥିଲା କେତେ ଅଭ୍ୟାସ କଥା l ମୋର ଏ ଅଭ୍ୟାସ ଖରାପ ସେ ଅଭ୍ୟାସ ଖରାପ ଏଟା ଠିକ, ସେଟା ଭୂଲ l ଏମିତି କେତେ କଥା l ଆରେ ଏ ଭୂଲ ଠିକ ଯଦି ଆମେ ସବୁ ଭାବିବା ତେବେ ସମାଜରେ ବଂଚୁଥିବା କୋଟି କୋଟି ଲୋକ ତାହାଲେ କଣ ଭାବିବେ l
ଯଦି କୌଣସି ଗୋଟେ ଅଭ୍ୟାସ ଆପଣ ଅଧିକ ଗୁରୁତ୍ୱ ଦେଉଛନ୍ତି ତେବେ ଭାବିନିଅନ୍ତୁ ଆପଣ ଆଉ ଆପଣଙ୍କ ନିୟନ୍ତ୍ରଣରେ ନାହାନ୍ତି l ସେ ଅଭ୍ୟାସ ହୁଏତ ଆପଣଙ୍କୁ ଖୁସି ଦେଇପାରେ, କିନ୍ତୁ ତାହାର ମାପକାଠି ବି ରହିବା ଦରକାର l ନହେଲେ କେବଳ ଦୁଃଖ ଆଉ ଦୁଃଖ l ଖରାପ ଅଭ୍ୟାସ୍ ତ ଛାଡ଼ନ୍ତୁ, ଯଦି କିଛି ଭଲ ଅଭ୍ୟାସ କରିଛନ୍ତି ତାହାକୁ ବି ନିଜ ନିୟନ୍ତ୍ରଣ ଭିତରୁ ରହିବା ଦରକାର l
ଲୋକେ କଣ କହୁଛନ୍ତି ସେ ଅଭ୍ୟାସ ନେଇ ଯଦି ଆପଣ ଚିନ୍ତା କରିବେ ଆପଣଙ୍କ ଆଗକୁ ବଢିବାରେ ସେଥିରେ ବ୍ରେକ ଲାଗିବ l ଏମିତି ଟୁନା ଭାବିଚାଲିଥାଏ, ହଠାତ ମଣ୍ଟୁ ଫୋନ କଲ ଆସିଲା ଟୁନାର ମୋବାଇଲକୁ l ମଣ୍ଟୁ କହିଲା ସାଙ୍ଗ କି ଶାନ୍ତିରେ କାଟୁଛି ଜୀବନ l ଜୀବନଟା ଏତେ ଆନନ୍ଦଦାୟକ ତାହା ଆଜି ମୁଁ ବୁଝୁଛି l ଅଭ୍ୟାସ ଛାଡ଼ିଲି, ଖୁସିରେ ରହିଲି l ହେଲେ କେଉଁ ଅଭ୍ୟାସ ଛାଡି ମଣ୍ଟୁ ଏତେ ଖୁସି ତାହା ଟୁନା ବୁଝିପାରିଲା ନାହିଁ l କାରଣ ମଣ୍ଟୁ ଜଣେ ସରଳ, ନିଷ୍କପଟ ଓ ସାଧାରଣ ପିଲାଟିଏ l ଟୁନା ଭାବିଲା ମଣ୍ଟୁର ତ ସେମିତି କିଛି କୁ ଅଭ୍ୟାସ ନଥିଲା, ତେବେ କଣ ଛାଡିଲା ଯେ ଏତେ ଖୁସି l ଟୁନା ମନକୁ କଣ ଆସିଲା କେଜାଣେ ସେ ବି ମନେ ମନେ ସ୍ଥିର କଲା ଅଭ୍ୟାସ ବଦଳାଇବି ଆଉ ଖୁସିରେ ରହିବି….
ସ୍ଥାୟିତ୍ୱ ଓ ନୂତନ ଉଦ୍ଭାବନକୁ ନେଇ ଆଇବିସିଏସ୍ ପକ୍ଷରୁ ଦୁଇ ଦିନିଆ ଜାତୀୟ ସମ୍ମିଳନୀ “ସଷ୍ଟେନହେଲ୍ଥ – ୨୦୨୬” ଆୟୋଜିତ
ଶିକ୍ଷା ଓ ଅନୁସନ୍ଧାନ (ସୋଆ) ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ବିଜିନେସ୍ ଆଣ୍ଡ କମ୍ପ୍ୟୁଟର ଷ୍ଟଡିଜ (ଆଇବିସିଏସ), ଇନ୍ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସେସ୍ ଆଣ୍ଡ ସମ ହସ୍ପିଟାଲ୍ ଏବଂ କନ୍ସୋରଟିୟମ୍ ଅଫ୍ ଆକ୍ରେଡିଟେଡ ହେଲ୍ଥ କେୟାର ଅର୍ଗାନାଇଜେସନ୍ସ(କାହୋ)ର ମିଳିତ ଆନୁକୂଲ୍ୟରେ ସୋଆ କ୍ୟାମ୍ପସ-୨ ପରିସରରେ ଦୁଇ ଦିନ ଧରି ଜାତୀୟ ସ୍ତରର “ସଷ୍ଟେନ୍ହେଲ୍ଥ – ୨୦୨୬” ସମ୍ମିଳନୀ ଅନୁଷ୍ଠିତ ହୋଇଯାଇଛି ।
ଏହି ସମ୍ମିଳନୀର ଉଦ୍ଘାଟନୀ କାର୍ଯ୍ୟକ୍ରମରେ ଭାରତ ସରକାରଙ୍କ ବ୍ୟୁରୋ ଅଫ୍ ଏନର୍ଜି ଏଫିସିଏନ୍ସିର ଡାଇରେକ୍ଟର ଜେନେରାଲ ଶ୍ରୀ କୃଷ୍ଣ ଚନ୍ଦ୍ର ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗ ଦେଇ ‘ସ୍ୱାସ୍ଥ୍ୟ ସେବା କ୍ଷେତ୍ରରେ ସ୍ଥିରତା ଏବଂ ନୂତନ ଉଦ୍ଭାବନ’ର ପ୍ରସଙ୍ଗକୁ ନେଇ ଏହି କ୍ଷେତ୍ରରେ ଉପୁଜୁଥିବା ବିଭିନ୍ନ ପ୍ରକାର ସମସ୍ୟାର ସମାଧାନ ନିମନ୍ତେ କୃତ୍ରିମ ବୁଦ୍ଧିମତାର ବ୍ୟବହାର, ଡିଜିଟାଲ୍ ପରିବର୍ତନ ଏବଂ ନୂତନ ଉଦ୍ଭାବନକୁ ନେଇ ରୋଗୀମାନଙ୍କୁ କିପରି ଉନ୍ନତମାନର ଚିକିତ୍ସା ଯୋଗାଇ ଦିଆଯାଇପାରିବ ସେ ଉପରେ ଗୁରୁତ୍ୱାରୋପ କରିଥିଲେ ।
ସ୍ୱାସ୍ଥ୍ୟ କ୍ଷେତ୍ରରେ ଜଟିଳ ସମସ୍ୟା ଦେଖାଦେଲେ ତାହା ଆର୍ଥିକ କ୍ଷେତ୍ରକୁ ମଧ୍ୟ ପ୍ରଭାବିତ କରିଥାଏ । ଭବିଷ୍ୟତର ଯୁବପିଢ଼ିଙ୍କୁ ଚିକିତ୍ସା କ୍ଷେତ୍ରରେ ସଷ୍ଟେନ୍ହେଲ୍ଥ କେୟାରକୁ କିପରି ବଜାୟ ରଖିବା ସହିତ ଉଦ୍ଭାବନ ଓ ଡିଜିଟାଲ୍ ପରିବର୍ତନ ବିକାଶର ଆବଶ୍ୟକତା ରହିଛି ବୋଲି ସେ ମତ ରଖିଥିଲେ ।
ଏହି କାର୍ଯ୍ୟକ୍ରମରେ ଓଡ଼ିଶା ୟୁନିସେଫ୍ର ହେଲ୍ଥ ସ୍ପେଶିଆଲିଷ୍ଟ ଡକ୍ଟର ମୀନା ସୋମ ସମ୍ମାନିତ ଅତିଥି ଭାବେ ଯୋଗ ଦେଇ ସ୍ୱାସ୍ଥ୍ୟସେବାରେ ରୋଗୀର ଚିକିତ୍ସା କରିବା ସହିତ ଯତ୍ନ ନେବା ଓ ପରିଷ୍କାର ପରିଚ୍ଛନତା ଉପରେ ଗୁରୁତ୍ୱ ଦେବା ଆବଶ୍ୟକ ବୋଲି କହିଥିଲେ । ସ୍ୱାସ୍ଥ୍ୟ କ୍ଷେତ୍ରରେ ରୋଗୀ ସେବା ନିମନ୍ତେ ହେଲ୍ଥ କେୟାର, ଇନୋଭେସନ, ଫ୍ରେଣ୍ଡଲି କେୟାରିଂ ଉପରେ ଦୃଷ୍ଟି ଦେବା ଜରୁରୀ । ବର୍ତମାନ ସମୟରେ ସ୍ୱାସ୍ଥ୍ୟ କ୍ଷେତ୍ରରେ ଡିଜିଟାଲ୍ ଚିକିତ୍ସା ଏବଂ କୃତ୍ରିମ ବୁଦ୍ଧିମତାର ଆବଶ୍ୟକତା ରହିଛି ବୋଲି ସେ କହିଥିଲେ ।
ଏହି କାର୍ଯ୍ୟକ୍ରମରେ ସୋଆର କୁଳପତି ପ୍ରଫେସର ପ୍ରଦୀପ୍ତ କୁମାର ନନ୍ଦ ଅଧ୍ୟକ୍ଷତା କରି କ୍ୱାଲିଟି ହେଲ୍ଥ କେୟାରରେ ସ୍ଥିରତା, ନୂତନତା ଓ କୃତ୍ରିମ ବୁଦ୍ଧିମତାକୁ ପ୍ରୟୋଗ କରି ସ୍ୱାସ୍ଥ୍ୟସେବା ସାଧାରଣ ଲୋକଙ୍କ ପାଖରେ କିପରି ପହଂଚା ଯାଇପାରିବ ଓ ଉନ୍ନତମାନର ଚିକିତ୍ସା ପ୍ରଦାନ କରାଯାଇପାରିବ ତାହା ଏହି ସମ୍ମିଳନୀର ମୁଖ୍ୟ ଉଦ୍ଦେଶ୍ୟ ବୋଲି କହିଥିଲେ ।
ଏଭଳି ସମ୍ମିଳନୀ ଦ୍ୱାରା ଡାକ୍ତର, ନର୍ସ, ଫାର୍ମାସିଷ୍ଟ, ଛାତ୍ରଛାତ୍ରୀ, ରିସର୍ଚ୍ଚ ସ୍କଲାର ଓ ହସ୍ପିଟାଲ୍ର ସମସ୍ତ କର୍ମଚାରୀମାନେ ବିଶେଷ ଭାବରେ ଉପକୃତ ହେବା ସହିତ ରୋଗୀର ମାନସିକ, ଶାରୀରିକ ଓ ସାମାଜିକ ସ୍ୱାସ୍ଥ୍ୟର ସମତୂଲ ତଥା ଉନ୍ନତ ଚିକିତ୍ସା ପ୍ରଦାନ କରିପାରିବେ ବୋଲି ସେ କହିଥିଲେ ।
ଏହି କାର୍ଯ୍ୟକ୍ରମରେ ଆଇଏମଏସ ଆଣ୍ଡ ସମ ହସ୍ପିଟାଲ୍ର ମେଡିକାଲ୍ ସୁପରିଟେଣ୍ଡେଂଟ ତଥା ସମ୍ମିଳନୀର ମୁଖ୍ୟ ପରାମର୍ଶଦାତା ପ୍ରଫେସର (ଡାକ୍ତର) ପୁଷ୍ପରାଜ ସାମନ୍ତସିଂହାର, କାହୋର ଚେୟାର ସଷ୍ଟେନେବଲ୍ ଫୋରମ୍ ତଥା ପ୍ରୋଗ୍ରାମ ପରାମର୍ଶଦାତା ଡାକ୍ତର କରନ୍ ଠାକୁର ଓ ଇଞ୍ଜିନିୟର୍ସ ଫୋରମର ଶ୍ରୀ ବିନୋଦ କୁମାର କେବି ଓ ଆଇବିସିଏସ୍ର ଡିନ୍ ତଥା ପ୍ରୋଗ୍ରାମ ନିର୍ଦ୍ଦେଶକ ପ୍ରଫେସର ଅୟସ କାନ୍ତ ମହାନ୍ତି ଉପସ୍ଥିତ ରହି ନିଜର ବକ୍ତବ୍ୟ ରଖିଥିଲେ ।
ଏହି ଅବସରରେ ଆଇଏମ୍ଏସ୍ ଆଣ୍ଡ ସମ ହସ୍ପିଟାଲ୍ର କ୍ୱାଲିଟି ବିଭାଗର ମୁଖ୍ୟ ତଥା ଆଇବିସିଏସ୍ର ହସ୍ପିଟାଲ୍ ଆଡ୍ମିନିଷ୍ଟ୍ରେସନ୍ ବିଭାଗର ପ୍ରଫେସର ଓ ପ୍ରୋଗ୍ରାମ କୋଅର୍ଡିନେଟର ଡକ୍ଟର ଅରୋଲିପି ଦାସ ସ୍ୱାଗତ ଭାଷଣ ପ୍ରଦାନ କରି ଏହି କାର୍ଯ୍ୟକ୍ରମର ବିସ୍ତୃତ ତଥ୍ୟ ଉପସ୍ଥାପନ କରିଥିବା ବେଳେ ଶେଷରେ ପ୍ରୋଗ୍ରାମ କୋଅର୍ଡିନେଟର ଶ୍ରୀମତି ପ୍ରସନ୍ନା ଦାଶ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ସଷ୍ଟେନହେଲ୍ଥ ୨୦୨୬ ନାମକ ଏକ ପୁସ୍ତକ ଉନ୍ମୋଚନ କରାଯାଇଥିଲା ।
ଦ୍ୱିତୀୟ ଦିନର କାର୍ଯ୍ୟକ୍ରମରେ ସୋଆର ଉପକୁଳପତି ପ୍ରଫେସର (ଡକ୍ଟର) ଅନୁପ କୁମାର ସାମନ୍ତରାୟ ଅଧ୍ୟକ୍ଷତା କରି ମେଡିକାଲ୍ର ୱେଷ୍ଟ ମ୍ୟାନେଜମେଂଟ, ଜଳବାୟୁ ପରିବର୍ତନ ପ୍ରଭାବରେ ଦେଖାଯାଉଥିବା ଜରୁରୀକାଳୀନ ପରିସ୍ଥିତିରେ ରୋଗୀକୁ କିପରି ଉତମ ଚିକିତ୍ସା ପ୍ରଦାନ କରାଯିବା ସହ ଆଗାମୀ ସମୟରେ ସଷ୍ଟେନେବିଲିଟିର ସନ୍ତୁଳନକୁ କିପରି ବଜାୟ ରଖାଯିବ ସେ ବିଷୟରେ ମତ ରଖିଥିଲେ ।
ଷ୍ଟେଟ୍ ଲେବଲ୍ ଏନ୍ଭାଇରନ୍ମେଂଟ ଇମ୍ପାକ୍ଟ ଆସେସ୍ମେଂଟ ଅଥରିଟି, ଆଇଏଫ୍ଏସ୍ର ଚେୟାରମ୍ୟାନ୍ ଡକ୍ଟର ସୁଦର୍ଶନ ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇ କହିଥିଲେ ଯେ ସୋଆ ଦ୍ୱାରା ଆୟୋଜିତ ଏଭଳି ପ୍ରୟାସ ଖୁବ ପ୍ରଶଂସନୀୟ । ସ୍ଥାୟିତ୍ୱ ଓ ନୂତନତାକୁ ନେଇ କିପରି ବୁଦ୍ଧିମତାର ସହିତ ଚିକିତ୍ସା କ୍ଷେତ୍ରରେ ପ୍ରୟୋଗ କରାଯାଇ ରୋଗୀ ଉନ୍ନତମାନର ଚିକିତ୍ସା ପାଇପାରିବ ଏବଂ ସାଧାରଣ ଲୋକଙ୍କ ପାଖରେ କିପରି ଏହାର ସୁବିଧା ଉପଲବ୍ଧ ହୋଇପାରିବ ସେ ନେଇ ସରକାରଙ୍କ ତରଫରୁ ବିଭିନ୍ନ ପଦକ୍ଷେପ ନିଆଯାଉଛି ବୋଲି ଡକ୍ଟର ପଣ୍ଡା କହିଥିଲେ ।
ଏହି ଅବସରରେ ସୋଆ ଛାତ୍ରମଙ୍ଗଳ ଡିନ୍ ପ୍ରଫେସର ଜ୍ୟୋତି ରଞ୍ଜନ ଦାସ, ଆଇବିସିଏସ୍ର ଆସୋସିଏଟ୍ ଡିନ୍ ପ୍ରଫେସର ମନୋରଞ୍ଜନ ଦାଶ ଏବଂ କାହୋର ପ୍ରୋଗ୍ରାମ ପରାମର୍ଶଦାତା ଶ୍ରୀ କୀର୍ଥୀ ଡି’ ସୁଜା ଯୋଗ ଦେଇ ନିଜର ବକ୍ତବ୍ୟ ରଖିଥିଲେ ।
କାର୍ଯ୍ୟକ୍ରମରେ ତିନୋଟି ଅଧିବେଶନ ରଖାଯାଇଥିବା ବେଳେ ସ୍ଥାୟିତ୍ୱ କ୍ଷେତ୍ରରେ ଭିତିଭୂମି, ଆର୍ଥିକ ବ୍ୟବସ୍ଥା, ବୈଷୟିକ ଅଗ୍ରଗତି, ଷ୍ଟାର୍ଟଅପ୍ ଓ ନୂତନ ଉଦ୍ଭାବନର ଆବଶ୍ୟକତା ସମ୍ପର୍କରେ ଆଲୋଚନା କରାଯାଇଥିଲା ।
ଏହି କାର୍ଯ୍ୟକ୍ରମକୁ ନେଇ କାହୋ ପକ୍ଷରୁ ପ୍ଲାଟିନମ୍ ଆଖ୍ୟା ପ୍ରଦାନ କରାଯାଇଥିଲା । ଏହି ଜାତୀୟ ଓ ଅନ୍ତର୍ଜାତିକ ସ୍ତରର କାର୍ଯ୍ୟକ୍ରମଟି ପ୍ରଥମ ଥର ପାଇଁ ଓଡ଼ିଶାର ଓ ସୋଆରେ ଆୟୋଜନ କରାଯାଇଛି ।
କାର୍ଯ୍ୟକ୍ରମରେ ମେଲବର୍ନର ଡାକ୍ତର ରାହୁଲ ମହାନ୍ତି ଯୋଗ ଦେଇ ସ୍ଥାୟିତ୍ୱ କ୍ଷେତ୍ରରେ ଆଇନର ମାପଦଣ୍ଡ ସମ୍ପର୍କରେ ବକ୍ତବ୍ୟ ରଖିଥିଲେ ।
ସମ୍ମିଳନୀର ପ୍ରସଙ୍ଗ ‘ଡେକୋରବୋନାଇଜିଂ କେୟାର, ଷ୍ଟ୍ରେନ୍ଥନିଙ୍ଗ ରିସାଇଲେନ୍ସ, ଆଡ୍ଭାନ୍ସିଂ ଇନୋଭେସନ୍’ ରହିଥିଲା । ଏଥିରେ ଓଡ଼ିଶାରୁ ପ୍ରାୟ ୬୦୦ରୁ ଊର୍ଦ୍ଧ୍ୱ ବିଭିନ୍ନ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନ, ମେଡିକାଲ୍ ଛାତ୍ରଛାତ୍ରୀ, ଫାର୍ମାସିଷ୍ଟ, ରିସର୍ଚ୍ଚ ସ୍କଲାର, ବାୟୋଟେକ୍ନୋଲଜିଷ୍ଟସ, ଇଞ୍ଜିନିୟର୍ସ ପ୍ରମୁଖ ଯୋଗ ଦେଇଥିଲେ । ଦୁଇ ଦିନ ଧରି ଚାଲିଥିବା ବିଭିନ୍ନ ବିଷୟବସ୍ତୁକୁ ନେଇ ବୈଜ୍ଞାନିକ ଆଲୋଚନାଚକ୍ରରେ ମଧ୍ୟ ରିସର୍ଚ୍ଚ ସ୍କଲାର ଓ ବିଶେଷଜ୍ଞମାନେ ଭର୍ଚୁଆଲି ଉପସ୍ଥିତ ଥିଲେ ।
ଏହି ସମ୍ମିଳନୀରେ ବିଭିନ୍ନ ପ୍ରକାର ପ୍ରତିଯୋଗିତାରେ ଅଂଶଗ୍ରହଣ କରିଥିବା କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିବା ବେଳେ ସମ୍ମିଳନୀର ଦ୍ୱିତୀୟ ଦିନରେ ଆଇବିସିଏସ୍ର ପ୍ରଫେସର ପ୍ରୀତି ୱାଇ ଷଡ଼ଙ୍ଗୀ ସ୍ୱାଗତ ଭାଷଣ ପ୍ରଦାନ କରିଥିଲେ । ପ୍ରୋଗ୍ରାମ କୋଅର୍ଡିନେଟର ତଥା ଫ୍ୟାକଲ୍ଟି ଅଫ୍ ମ୍ୟାନେଜମେଂଟ ସାଇନ୍ସେସ୍ରେ ଆସିଷ୍ଟାଂଟ ପ୍ରଫେସର ପ୍ରସନ୍ନା ଦାଶ ସମ୍ମଳିନୀର ରିପୋର୍ଟ ପ୍ରଦାନ କରିବା ସହ ଧନ୍ୟବାଦ ଅର୍ପଣ କରିଥିଲେ ।
ମଣିଷ ଖୋଜୁଛି ଆତ୍ମୀୟତା
କଥାରେ ଅଛି ଆତ୍ମା ଯାହା ଚାହୁଁଛି ତାହା କର ଓ ଇଚ୍ଛାକୁ ମାରନାହଁ l ହେଲେ ବର୍ତମାନର ବ୍ୟସ୍ତବହୁଳ ଜୀବନରେ ତାହା କଣ ସମ୍ଭବ ହୋଇପାରୁଛି l ସମୟ ଚକ୍ରରେ ମଣିଷ ଏମିତି ଘାଣ୍ଟି ହୋଇଯାଇଛି ଯେ ଏସବୁ ବାଟମଣା ହୋଇଛି l
ଘର ହେଉ କି ବାହାର, କେଉଁଠି ବି ଆଉ ଆତ୍ମୀୟତା ରହୁନି l ଯେଉଁ କିଛି ଅଛି ତାହାବି ବାହାକୁ ବତା l ଏହାର କାରଣ ଅନେକ ହୋଇପାରେ l ମଣିଷବାଦି ନହୋଇ ଆମେ ବସ୍ତୁପ୍ରେମୀ ହେବା ଗୋଟେ ମାତ୍ର କାରଣ କି? ନା ନିଜ ଭିତରେ ଆତ୍ମୀୟତାର ସୁଗୁଣକୁ ମଣିଷ ନିଜେ ମାରିଦେଉଛି ଆଧୁନିକତାର ମାୟା ଜାଲରେ l କେଜାଣେ କାହିଁକି ମୁନାର ମନ ଏ କଥାକୁ ନେଇ ଘାଣ୍ଟି ହେଲା l ଆତ୍ମୀୟତାର ଅବକ୍ଷୟ ପାଇଁ କଣ ସମୟ ଦାୟୀ ନାଁ ନିଜେ ମଣିଷ ଦାୟୀ l ତାହାରି ଭିତରେ ସମାଜର କଥା ବି ଆସିଲା l
ପିଲାଦିନ, କଲେଜ ସମୟ, ଅବସର ସମୟ ସବୁଠି ଧନୀ ଠାରୁ ଗରିବ ଯାଏ ଖୋଜୁଛି ଆତ୍ମୀୟତା ମଧୁର ପଣ l ସ୍ୱାର୍ଥ, ଜଂଜାଳ, ପାଇବା ଓ ହରେଇବା ଆଶାରେ ଜୀବନକୁ କଣ ଯେ ମିଳୁଛି ତାହା କିଏ କହିବ? ନିଜକୁ ଚିହ୍ନି ଓ ପ୍ରଶ୍ନ କଲେ ଜାଣିହେଉଛି ନିଜ ଭିତରେ କେମିତି ଚାପି ହୋଇଯାଇଛି ତାହାର ଆତ୍ମୀୟ ପଣ l
ଯାହାର ପ୍ରଭାବ ମଣିଷର ମାନିସିକ ସ୍ଥିତି ଉପରେ ଏମିତି ଚାପ ସୁଷ୍ଟି କରୁଛି ଯେ ମଣିଷ ନିଜକୁ ଭୁଲି ଯାଉଛି l ସମସ୍ତକୁ ଆତ୍ମୀୟତାର ବନ୍ଧନରେ ବାନ୍ଧି ରଖିବା ଓ ନିଜ ଭିତରେ ସେ ପଣ ସୁଷ୍ଟି କରିବାର ସମୟ ଆସିଛି l
କିଏ କଣ ଭାବୁଛି, କିଏ କଣ କହୁଛି ତାହାର ଗୁରୁତ୍ୱ ଯେତିକି ନିଜ ମନ ଭିତରେ ଥିବା ଆତ୍ମ ଚେତନା ଜାଗ୍ରତ କରିପାରିଲେ ଦୁନିଆଟା ଆତ୍ମୀୟ ଲାଗିବା ସହ ମନ ଓ ଆତ୍ମ ଶାନ୍ତିମୟ ହେବ l ନା ସେଥିରେ ଥିବ ଛଳନା ଓ କିଛି ବି ଚିନ୍ତା l କେବଳ ମୁକ୍ତି ଓ ତୃପ୍ତି l ନିଜେ ଖୁସି ରହିବ ଓ ସମାଜକୁ ଖୁସିରେ ରଖିବ l ଆଉ ସମୟ କାହିଁ ଚାଲ ଆତ୍ମୀୟତାରେ ବାନ୍ଧି ହେବା ଓ ଏକ ନୂତନ ସମାଜର ଆରମ୍ଭ କରିବା l
ଏଥର ଫଗୁଣ, ଅନେକ କଥା
ଫଗୁଣ ଆସେ ଆଉ ଯାଏ l ଫଗୁ ଆନନ୍ଦ ଦିଅ ମନରେ ପ୍ରେମ ଭାବ ଭରିଦିଏ l ଜାଗ୍ରତ କରେ ନିଜକୁ ଚିହ୍ନି ଓ ହୃଦୟକୁ ନିର୍ମଳ କରିବା ଲାଗି l ରଙ୍ଗ ଯେମିତି ଦେହରେ ଲାଗିଲେ ମନ ଆନନ୍ଦ ହୁଏ ଓ ହୃଦୟ ନିର୍ମଳ ହୋଇଯାଏ ଆପେ ଆପେ, ଠିକ ସେମିତି ରଙ୍ଗ ଛାଡିଲେ ମଧ୍ୟ ଦେହରେ ଲାଗି ରହିଥିବା ଅଦୃଶ୍ୟ ଅହଂକାର ଦୂର ହୋଇ ସଭିଙ୍କୁ ପ୍ରେମ ବନ୍ଧନରେ ବାନ୍ଧି ରଖିବା ପାଇଁ ପ୍ରେରଣାର ଶକ୍ତି ଦିଏ l କାହିଁ କେଉଁ ପୁରାଣକାଳରୁ ଦୋଳ ପୂର୍ଣ୍ଣମି ପାଳନ ହୋଇଆସୁଛି ଏହି ବାର୍ତ୍ତା ଦେଇ l ପରମ୍ଫରା ସହ ଦେବତା ଓ ମଣିଷ ଏକହୋଇ ଫଗୁର ମହକରେ ମଜି ଯାଆନ୍ତି l ସାଙ୍ଗ, ସାଥି, ପରିବାର, ସମ୍ଫର୍କ ସଭିଙ୍କୁ ଆନନ୍ଦରେ ଯୋଡେ ଫଗୁ l ତାହା ପୁଣି ଫଗୁଣର ଆଗମନରେ l ଫଗୁଣ ମାସରେ ପ୍ରକୃତି ନୂଆରୂପ ନିଏ l ଧରାପୃଷ୍ଠ ସଜେଇ ହୁଏ l
ତେଣୁ ଚାଲନ୍ତୁ କେବଳ ରଙ୍ଗ ଖେଳକୁ ମଜାମସ୍ତିରେ ନୁହେଁ, ଜୀବନକୁ ପ୍ରକୃତି ସହ ଯୋଡି ନୂଆରୂପ ଗଢିତୋଳିବା, ଯେମିତି ଫଗୁଣ ଆସୁ ଆସୁ ଗଛରେ ପତ୍ର କଂଅଳେ , କାଚକେନ୍ଦୁ ପରି ନଦୀ ପାଣି ଦେଖାଯାଏ, ଆକାଶ ନିର୍ମଳ ହୋଇଯାଏ ଠିକ ସେହିପରି l ପ୍ରଭୁ ଦୋଳ ଝୁଲଣରେ ଘରେ ଘରେ ଆସି ଆମକୁ ଆଶୀର୍ବାଦ କରନ୍ତି l ଠିକ ସେମିତି ବଦଳିଯିବା ଆମେ, ନୂଆ ଜୀବନ ଆରମ୍ଭ କରି l ସବୁ ଭୁଲି ନିଜେ ଖୁସିରେ ରହି ଅନ୍ୟକୁ ଖୁସି କରିବା ସହ ପ୍ରକୃତି ସହିତ ଯୋଡିହୋଇ ଜୀବନକୁ ଆନନ୍ଦମୟ କରିବା l ଫଗୁର ରଙ୍ଗ ଆମକୁ ଯେମିତି ଅଧିକ ରଙ୍ଗୀନ କରିଛି ଠିକ ସେହିପରି ଜୀବନରେ ନୂଆ ରଙ୍ଗ ଲଗାଇ ଚାଲନ୍ତୁ ସମାଜକୁ ଅଧିକ ରଙ୍ଗୀନ କରିବା l
ଭବିଷ୍ୟତରେ ଯନ୍ତ୍ର ଅଧିକ କାର୍ଯ୍ୟକ୍ଷମ ଓ ଚତୁର ଭାବେ ଉଭା ହେବ: ପ୍ରଫେସର (ଡକ୍ଟର) ପେନ୍
ଆର୍ଟିଫିସିଆଲ୍ ଇନ୍ଟେଲିଜେନ୍ସ (ଏଆଇ) ବା କୃତ୍ରିମ ବୁଦ୍ଧିମତା ଏବେ ସବୁଠି ଚର୍ଚ୍ଚାରେ ରହିଥିବା ବେଳେ ଏହି ସମ୍ପର୍କିତ ଜଣେ ଆନ୍ତର୍ଜାତିକ ବିଶେଷଜ୍ଞ କହିଛନ୍ତି ଯେ ଭବିଷ୍ୟତରେ ମେସିନ୍ ଅଧିକ କାର୍ଯ୍ୟକ୍ଷମ ଓ ଚତୁର ହେବା ସହ ମଣିଷର ବୁଦ୍ଧିମତାକୁ ପଛରେ ପକାଇଦେବ ।
ମେସିନ୍ କେବଳ ଶିକ୍ଷା ଆହରଣ କରିବ ନାହିଁ ବରଂ ଶିକ୍ଷା ଗ୍ରହଣ କିଭଳି କରାଯାଏ ତାହାକୁ ମଧ୍ୟ ଶିଖିବାରେ ସକ୍ଷମ ହୋଇଯିବ ବୋଲି କହିଛନ୍ତି କେମ୍ବ୍ରିଜ୍ ବିଶ୍ୱବିଦ୍ୟାଳୟର ଏଆଇ ଏଥିକ୍ସ ଆଣ୍ଡ ସୋସାଇଟିର ପ୍ରଫେସର ଓ ହାଭାର୍ଡ ବିଶ୍ୱବିଦ୍ୟାଳୟର ବର୍କମ୍ୟାନ୍ କ୍ଲେନ୍ ସେଂଟର ଫର ଇନ୍ଟରନେଟ ଆଣ୍ଡ ସୋସାଇଟିର ଫ୍ୟାକଲ୍ଟି ପ୍ରଫେସର (ଡକ୍ଟର) ଜନି ପେନ୍ । ସୋମବାର ଶିକ୍ଷା ଓ ଅନୁସନ୍ଧାନ (ସୋଆ) ବିଶ୍ୱବିଦ୍ୟାଳୟ ପକ୍ଷରୁ ଆୟୋଜିତ ଏକ ଆନ୍ତର୍ଜାତିକ ଏଆଇ କନ୍କ୍ଲେଭ୍ରେ ମୁଖ୍ୟ ଅତିଥି ଭାବେ ଯୋଗ ଦେଇ ଏହା କହିଛନ୍ତି ପ୍ରଫେସର ପେନ୍ ।
ସମ୍ମିଳନୀର ପ୍ରସଙ୍ଗ “ଇଣ୍ଡିଆଜ୍ ଏଆଇ ଫ୍ୟୁଚର- ରୋଲ ଅଫ୍ ଏକାଡେମିଆ, ଇଣ୍ଡଷ୍ଟ୍ରି, ରିସର୍ଚ୍ଚ ଆଣ୍ଡ ଇନୋଭେସନ୍” ଉପରେ ନିଜ ବକ୍ତବ୍ୟ ରଖି ପ୍ରଫେସର ପେନ୍ କହିଥିଲେ ଯେ ବର୍ତମାନ ଭଳି ୧୫ ବର୍ଷ ତଳେ ଏଆଇ କୌଣସି ଚର୍ଚ୍ଚାରେ ନଥିଲା । ତେବେ ବର୍ତମାନ ଲୋକମାନେ ଏଆଇ ଓ ଏହା ଭବିଷ୍ୟତକୁ କିଭଳି ପ୍ରଭାବିତ କରିବ ସେ ବିଷୟରେ ଚିନ୍ତିତ ଅଛନ୍ତି ।
ପ୍ରଫେସର ପେନ୍ କହିଥିଲେ ଯେ ‘ଇନ୍ଟେନ୍ସନ୍ ଇକୋନୋମି’ କ୍ଷେତ୍ରରେ ଏଆଇର ପ୍ରଭାବ ରହିଥିବା ବେଳେ ସାମାଜିକ ବୈଷୟିକ କ୍ଷେତ୍ର ଏବଂ ଜଳବାୟୁ ପରିବର୍ତନକୁ ନେଇ ଏହାର ଭୂମିକା ରହିବ ।
କାର୍ଯ୍ୟକ୍ରମରେ ସୋଆର କୁଳପତି ପ୍ରଫେସର ପ୍ରଦୀପ୍ତ କୁମାର ନନ୍ଦ ଅଧ୍ୟକ୍ଷତା କରିଥିବା ବେଳେ ଭାରତରେ ଅବସ୍ଥାପିତ ଗାଏନାର ରାଷ୍ଟ୍ରଦୂତ ଶ୍ରୀ ଧରମକୁମାର ସିରାଜ, ଟିମୋର-ଲେଷ୍ଟେର ରାଷ୍ଟ୍ରଦୂତ ଶ୍ରୀ କାର୍ଲିଟୋ ନ୍ୟୁନସ ଏବଂ ବଲିଭିଆର କାଉନ୍ସେଲର ମିସ୍ ଆର୍ଲେଟ ଗାବ୍ରିଏଲା ବୁସ୍ତାମାଂଟେ ଗାର୍ସିଆ ମଧ୍ୟ ଯୋଗ ଦେଇ ବକ୍ତବ୍ୟ ରଖିଥିଲେ ।
ଶ୍ରୀ ସିରାଜ କହିଥିଲେ ଯେ ମଣିଷର ଦୈନନ୍ଦିନ ଜୀବନରେ ଏଆଇର ପ୍ରଭାବ ରହିଥିବା ବେଳେ ବିକାଶ କ୍ଷେତ୍ରରେ ମଧ୍ୟ ଏହା ସହାୟକ ହେଉଛି । ଏଆଇ ଆମ ଜୀବନରେ ଏକ ବଡ଼ ଭୂମିକା ନେବାକୁ ଯାଉଥିବା ବେଳେ ଅର୍ଥନୀତି ଏବଂ ବିକାଶ ଉପରେ ମଧ୍ୟ ଏହାର ଭୂମିକା ରହିବ ବୋଲି ସେ କହିଥିଲେ ।
ସେହିପରି ଏଆଇ ଯୋଗୁଁ ଚାକିରି କ୍ଷେତ୍ର ପ୍ରଭାବିତ ହେଉଥିବା ପ୍ରସଙ୍ଗକୁ ନେଇ ଶ୍ରୀ ସିରାଜ କହିଥିଲେ ଯେ ଏଆଇ ପ୍ରଶିକ୍ଷିତ ଏବଂ ଏଆଇର ବ୍ୟବହାର ଜାଣିଥିବା ବ୍ୟକ୍ତିମାନଙ୍କ ପାଇଁ ଏଆଇକୁ ନେଇ ଭୟଭୀତ ହେବା ଆବଶ୍ୟକ ନୁହେଁ । ତେବେ ଯେଉଁମାନେ ଏଆଇ ପ୍ରଶିକ୍ଷିତ ନୁହଁନ୍ତି ସେମାନେ ଚାକିରି ହରାଇବାର ସମ୍ଭାବନା ରହିଥିବା ସେ କହିଥିଲେ ।
ଏହି ଅବସରରେ ସୋଆ କୁଳପତି ପ୍ରଫେସର ନନ୍ଦ କହିଥିଲେ ଯେ ଏଆଇ ଯେ ଚାକିର ଛଡ଼ାଇ ନେବ ସେ ନେଇ ଭୟଭୀତ ହେବାର ନାହିଁ ବରଂ ବୃତିଗତ ସ୍ତରରେ ଏହା ସହାୟକ ହେବ । ତେବେ ଭବିଷ୍ୟତରେ ଏଆଇ ସମ୍ପର୍କିତ ଜ୍ଞାନ ରଖୁଥିବା ବ୍ୟକ୍ତି ଏ ସମ୍ପର୍କରେ ଅନଭିଜ୍ଞ ଥିବା ବ୍ୟକ୍ତିଙ୍କ ଠାରୁ ଆଗରେ ରହିବେ ବୋଲି ସେ କହିଥିଲେ ।
କାର୍ଯ୍ୟକ୍ରମରେ ସୋଆର ଉପକୁଳପତି ପ୍ରଫେସର ପ୍ରଶାନ୍ତ କୁମାର ପାତ୍ର ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଛାତ୍ର ମଙ୍ଗଳ ଡିନ୍ ପ୍ରଫେସର ଜ୍ୟୋତି ରଞ୍ଜନ ଦାସ କାର୍ଯ୍ୟକ୍ରମ ପରିଚାଳନା କରିବା ସହ ଧନ୍ୟବାଦ ଅର୍ପଣ କରିଥିଲେ ।
ହୋଲି ପୂର୍ବରୁ ରଙ୍ଗୀନ ମନ
ନୂଆ ବର୍ଷର 2ମାସ ପରେ ପଡେ ହୋଲି l ଫେବୁଆରୀ ଅଧାରୁ ହୋଲିକୁ ନେଇ ଉତ୍ସାହ ନକହିଲେ ଭଲ l ମାର୍ଚ୍ଚ ମାସର କେଉଁ ତାରିଖରେ ହୋଲି ପଡୁଛି ଓ ସେଦିନ ବାର କଣ ସେ ସବୁ 15ଦିନ ଆଗରୁ ଆଲୋଚନା ହୁଏ l ଏଥର ହୋଲି କେମିତି ପାଳିବା ସେ ଏନେଇ ତ ଘରୁ ସାଙ୍ଗ ସାଥି ଯାଏ ଘନଘନ ଆଲୋଚନା ହୋଇ ପ୍ଲାନ ପ୍ରସ୍ତୁତ ହୁଏ ହୋଲି ପାଇଁ l
ରଙ୍ଗର ପର୍ବ ହୋଲି l ପ୍ରେମ ଓ ଆନନ୍ଦର ପର୍ବ ବି l ଫଗୁର ରଙ୍ଗରେ ପ୍ରଭୁ ଓ ମଣିଷ ସମସ୍ତେ ଆନନ୍ଦ ପାଆନ୍ତି lଶୀତ ଛାଡିଛାଡି ଯାଉଥିବା ବେଳେ ଖରା ଧୀରେ ଧୀରେ ଟାଣ ହୋଇଆସୁଛି l ବସନ୍ତ ଆଗମନରେ ପ୍ରକୃତି, ପୁରୁଷ ଓ ପ୍ରେମର ପ୍ରତୀକ ସାଜେ ହୋଲି l ଫଗୁର ରଙ୍ଗ ଲାଗିଲା ପୂର୍ବରୁ ମନ ରଙ୍ଗିନ ହୋଇଯାଏ l
ଛୋଟ ପିଲାଙ୍କ ଠାରୁ ଆରମ୍ଭ କରି ବୁଢ଼ା ଯାଏ ସଭିଏଁ ହୋଲିରେ ମତୁଆଲା ହୁଅନ୍ତି l ହୋଲିର ସାତ ରଙ୍ଗ ଭିତରେ ଲୁଚି ରହିଥାଏ ଭଲ ପାଇବା, ଶ୍ରେହ୍ନ, ଶ୍ରଦ୍ଧାର ରଙ୍ଗ l ବୟସ କି ସ୍ଥାନ ନୁହେଁ ହୋଲି ସବୁଠି ସବୁ ସମୟରେ ସବୁ ବୟସରେ ଆନନ୍ଦ ଦିଏ l ହେଲେ ଆଜିକାଲି ରଙ୍ଗ ଖେଳ ପ୍ରତି ସେମିତି କାହାରି ମନରେ ଆଗ୍ରହ ରହୁନାହୁଁ l ପିଲାଙ୍କୁ ବାପା ମା ମାନେ ଡରାଉଥିବା ବେଳେ ଦେହ ଭଲ ନାହିଁ ବାହାନରେ ଅନେକ ବୟସ ରଙ୍ଗ ଖେଳ ଠାରୁ ଦୁରେଇ ଯାଉଛନ୍ତି l ଏତେ ପରେ ବି ହୋଲି ରଙ୍ଗମୟ ହେଉଛି l
ହୋଲି ସପ୍ତାହ ପୂର୍ଵରୁ ଯୁବପିଢ଼ି ମଧ୍ୟରେ ରଙ୍ଗ ଖେଳ ଆରମ୍ଭ ହୋଇଯାଏ l ଭଲ ପାଇବାର ପ୍ରଥମ ସୋପାନ ରଙ୍ଗ ଲଗାଇ ରଙ୍ଗୀନ ହୁଅନ୍ତି l ଚାଲ ସବୁ ଭୁଲିଯିବା, ଦେହରେ ଫଗୁର ରଙ୍ଗ ଲଗାଇ ପ୍ରେମ ରହିବା ଓ ପ୍ରେମ ବାଣ୍ଟିବା l ଦେହ ଓ ମନରେ ଥିବା ଘୃଣା, ରାଗ, ଅହଂକାରର ମଳିକୁ ଫଗୁର ରଙ୍ଗ ଲଗାଇ ଛଡାଇ ଦେବା l ତେବେ ଯାଇ ସିନା ଫଗୁର ରଙ୍ଗ ଦେହରେ କେହି ଲଗାଇବା ପୂର୍ବରୁ ରଙ୍ଗିନ ହେବା l ରଙ୍ଗ ଯେମିତି ଜୀବନକୁ ରଙ୍ଗୀନ କରେ ଠିକ ସେମିତି ରଙ୍ଗ ଲଗାଇ ପୁରା ଦୁନିଆରେ ଶ୍ରେହ୍ନ, ପ୍ରେମ ଓ ଭଲ ପାଇବାର ନିସ୍ଵାର୍ଥପର ନୂଆ ଜୀବନ ଆରମ୍ଭ କରିବା l
ଯିଏ ଯେଉଁଥିରେ ଖୁସି ହେଉଛି ହେଉ
