ବ୍ୟୁରୋ : ମା କରୁଣାମୟୀ । ମା ଧର୍ଯ୍ୟର ପ୍ରତୀକ । କେତେବେଳେ କାଳୀ ରୂପଧରି ପାପୀ ସଂଘାର କରେ ତ ଆଉ କେତେବେଳେ ଲକ୍ଷ୍ମୀ ରୂପେ ଜଗତ କଲ୍ୟାଣ କରେ। ନିଜର କର୍ତ୍ତବ୍ୟ ପାଇଁ ସେ ଦେବୀ। ବର୍ତ୍ତମାନ ଚାରିଆଡେ କରୋନାର ପ୍ରକୋପ ।ଏହି ସମୟରେ କରୋନାକୁ ହରେଇବା ପାଇଁ ଅନେକ ମା ଆଗେଇ ଆସିଛନ୍ତି। କିଏ ଏକ ମାସର ଛୁଆକୁ ସାଥିରେ ନେଉଛି । ତ ଆଉ କିଏ ୧୪୦୦ କିଲୋମିଟର ସ୍କୁଟିରେ ଯାଇ ନିଜ ପୁଅକୁ ଘରକୁ ଆଣୁଛି। ନିଜ ୬ ମାସର ଛୁଆଠାରୁ ୧୫ ଦିନ ଦୂରରେ ରହି ନିଜର କର୍ତ୍ତବ୍ୟ ସମ୍ପାଦନ କରୁଛି ।
ଗୁମାଲା ଶ୍ରୀଜନ । ଜନସାଧାରଣଙ୍କ ସେବା ପାଇଁ ମାସକର ସନ୍ତାନକୁ କାଖରେ ଧରି ଅଫିସ ଆସିଲେ ମହିଳା ଆଇଏଏସ ଅଧିକାରୀ। ଆନ୍ଧ୍ରପ୍ରଦେଶର ଗ୍ରେଟର ବିଶାଖାପାଟଣା ମୁନିସପାଲିଟି କମିଶନର ଗୁମାଲା ଶ୍ରୀଜନଙ୍କ କ୍ଷେତ୍ରରେ ଦେଖିବାକୁ ମିଳିଛି। ତାଙ୍କୁ ମା ହେବାର ମାତ୍ର ଏକ ମାସ ହୋଇଛି। ସେ ଏବେ ମାତୃତ୍ୱ ଛୁଟିରେ ରହିବା କଥା। କିନ୍ତୁ ସେ ଏହା କରିନାହାନ୍ତି। କରୋନା ରୂପୀ ମହାମାରୀକୁ ହରେଇବା ପାଇଁ ନିଜକୁ ସମର୍ପିତ କରିଛନ୍ତି।
ସେମିତି ଆଉ ଜଣେ ମା ହେଉଛନ୍ତି ହାଇଦ୍ରାବାଦ୍ର ବେଗମ ନାମ୍ନୀ । ତାଙ୍କ ଭଲ ପାଇବା ଓ ତ୍ୟାଗ ସାମ୍ନାରେ ଦୂରତା ନାମକ ପ୍ରତିବନ୍ଧକ ହାର ମଣିଯାଇଛି । ଏହାର ଏକ ଉଦାହରଣ ଆସିଛି ତେଲେଙ୍ଗାନାର ନିଜାମ୍‌ବାଦରୁ । ସେ ପେଶାରେ ଜଣେ ଶିକ୍ଷୟିତ୍ରୀ। ସେ ଲକ ଡାଉନ ସମୟରେ ନିଜ ପୁଅକୁ ଆଣିବା ପାଇଁ ୧୪୦୦ କିଲୋମିଟର ସ୍କୁଟିରେ ଯାଇଛନ୍ତି। ଏ ପରି ଏକ ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି ।ବେଗମ ନାମ୍ନୀ ଏହି ମହିଳା ଜଣକ ନିଜାମାବାଦର ବୋଧାନର ଏକ ସ୍କୁଲରେ ଶିକ୍ଷୟିତ୍ରୀ ଭାବେ କାମ କରନ୍ତି। ଲକ୍‌ଡାଉନ ଘୋଷଣା କରାଯିବା ପରେ ତାଙ୍କର ପୁଅ ଆନ୍ଧ୍ର ପ୍ରଦେଶର ନେଲ୍ଲୋରରେ ଫସି ଯାଇଥିଲେ।ପୁଅକୁ ଆଣିବା ପାଇଁ ରାଜିଆ ନିଜ ସ୍କୁଟିରେ ନେଲ୍ଲୋର ପହଞ୍ଚି ଯାଇଥିଲେ।
ଏହି ମହାମାରୀ ସମୟରେ ଅନେକ ନର୍ସ ଓ ମହିଳା ପୋଲିସ ଅଫିସର କାମରେ ଲାଗିଛନ୍ତି।ଯେଉଁମାନେ କି ଦୀର୍ଘ ଦିନଧରି ନିଜ ପରିବାର ଏବଂ ପିଲାଙ୍କ ଠାରୁ ଦୂରରେ ଅଛନ୍ତି। ସେମାନେ ପରିବାରଠାରୁ ପ୍ରଥମେ ଦେଶକୁ ପ୍ରାଥମିକତା ଦେଇ ନିଜର ନିଷ୍ଠାପରତା ଦେଖାଇଛନ୍ତି।
ଆଉ ଜଣେ ମା ହେଲେ ସାଂସଦ ପ୍ରମିଳା ବିଶୋଇ। ସେ ଗାଁ ରୁ ଗାଁକୁ ବୁଲି ଗୀତ ଗାଇ ଗାଇ ଲୋକଙ୍କୁ ସଚେତନ କାରାଉଛନ୍ତି। ଏମିତି ହାଜର ହଜାର ମା ଯେଉଁମାନେ କି ସ୍ୱୟଂ ସାହାୟକ ଗୋଷ୍ଠୀ, ଆଶାକର୍ମୀ ,ଅଙ୍ଗନାଓ୍ବାଡି କର୍ମୀ ନିଜକୁ ଏବଂ ନିଜ ପରିବାରକୁ ପରକରି ଏହି କରୋନା ଯୁଦ୍ଧରେ ଝାସ ଦେଇଛନ୍ତି। ତାଙ୍କ କର୍ତ୍ତବ୍ୟ ଓ ନିଷ୍ଠା ଆଗରେ ଫିକା ପଡିଯାଇଛି ସାମାଜିକ ବନ୍ଧନ । ସେହି ମା ମାନଙ୍କୁ ସତ ନମନ।

।

ଭୁବନେଶ୍ୱର : ଓଡ଼ିଶା ସରକାର ସବୁଦିନ ସନ୍ଧ୍ୟାରେ କରୋନାର ଟିକ୍ ନିକ୍ ବିବରଣୀ ଦେଉଛନ୍ତି । ଯାହାର ଭାର ମୁଣ୍ଡେଇଛନ୍ତି କରୋନା ମୁଖପାତ୍ର ସୁବ୍ରତ ବାଗଚି । ଯାହାଙ୍କର ବାକ ଚତୁରତା ସବୁ ଓଡ଼ିଆଙ୍କୁ ମନମୁଗ୍ଧ କରିଛି। ବିଶ୍ୱ ,ଦେଶ ତଥା ରାଜ୍ୟର କରୋନା ବିବରଣୀ ଅତି ନିଛକ ଢଙ୍ଗରେ ଉପସ୍ଥାପନା କରୁଛନ୍ତି । ସବୁ ଲୋକ ବୁଝିପାରିଲା ପରି ସରଳ ଓ ଲୋକବାଣୀ ଦ୍ଵାରା ବୁଝାଉଛନ୍ତି । ସବୁଠି ଏବେ ଚର୍ଚ୍ଚାର ବିଷୟ । ଅନେକ ସମୟରେ ମଧ୍ୟ ତାଙ୍କ ବିବରଣୀକୁ ଲୋକ ନାପସନ୍ଦ ମଧ୍ୟ କରିଛନ୍ତି।ଯେମିତିକି କ୍ରିକେଟ ଖେଳରେ ଆଇପିଏଲ, ଏବଂ ପୋକରା ବାଇଗଣ ଘରକୁ ଆଣିବା। କିନ୍ତୁ ତାଙ୍କ ଅନେକ କଥା ଲୋକଙ୍କୁ ଛୁଇଁଛି ।ଆସନ୍ତୁ ନଜର ପକାଇବା ତାଙ୍କର ୧୪ଟି ଚର୍ଚ୍ଚିତ କଥା ଉପରେ
୧- ମହାପ୍ରଭୁ ୧୪ଦିନ ଅଣସର ଘରେ ରହିଥାନ୍ତି । ଏବେ ଆମକୁ ମଧ୍ୟ ୧୪ ଦିନ କ୍ବାରେଣ୍ଟାଇନରେ ରହିବାକୁ ପଡିବ।
୨-ଆମେ ଲାଇନରୁ ଓହରିଯିବା ଉଚିତ।
୩-ବାଘ ମାମୁଁ ଗପ। ଥରେ ଗୋଟେ କୁନି ପିଲା ବାଘ କବଳରେ ପଡିଗଲା ।ବାଘ ତାକୁ ଖାଇବାକୁ ଖାଇବାକୁ କହିଲା। ସେ ପିଲାଟି ବାଘକୁ କହିଲା ମୁଁ ତ ଛୋଟ ପିଲାଟିଏ ।ମୁଁ ଘରୁ ଖାଇପିଇ ମୋଟା ହୋଇକି ଆସେ ମୋତେ ଖାଇବ। ସେଠାରୁ ସେ ତାର ଉପସ୍ଥିତ ବୁଦ୍ଧି ପାଇଁ ବଞ୍ଚିପାରିଲା। ସେମିତି ସବୁବେଳେ ଉପସ୍ଥିତ ବୁଦ୍ଧି ଆବଶ୍ୟକ ।
୪-୧୬ ଘଣ୍ଟାରେ ମଣିଷ ୩୨୮ ଥର ନିଜ ମୁହଁରେ ହାତ ମରିଥାଏ ।

୫-କମ ଖାଆନ୍ତୁ… ଏହା ଅଧିକ ଖାଇବାର ସମୟ ନୁହେଁ….

୬-ମଣିଷ ଲକଡାଉନରେ ରହୁ… ମଣିଷପଣିଆ ଲକଡାଉନରେ ନ ରହୁ….
୭-ଅଦୃଶ୍ୟ ଶତ୍ରୁର ମୁକାବିଲା ପାଇଁ ଅସାଧାରଣ ପଦକ୍ଷେପ….

୮-ଲକଡାଉନ୍ ଦ୍ୱାରା ଜନଜୀବନରେ ବିଶେଷ ଅସୁବିଧା ହେବ… କିନ୍ତୁ ଆମେ ବଞ୍ଚିଲେ ହିଁ ସ୍ଥିରତା ଆସିବ

୯-ହାତୀ ବୁଡିଲାଣି ମେଣ୍ଢା କହୁଛି ପାଣି କେତେ

୧୦- ପୁରୁଷମାନେ ରୋଷେଇ ସହ ସମସ୍ତ ଘରକାମରେ ସାହାଯ୍ୟ କରନ୍ତୁ, ମା’,ଭଉଣୀ ,ମାଉସୀ ଓ ଭାଉଜ ମାନଙ୍କ ଉପରେ ସବୁ କାମ ଲଦି ଦିଅନ୍ତୁ ନାହିଁ । ସେମାନେ ଭାଂଗିପଡିଲେ ଦେଶ ଭାଂଗିପଡିବ ।

୧୧-ମଦ ପିଅନ୍ତୁନି, ମଦ୍ୟପଙ୍କୁ ଆଗେ କରୋନା ମାରିବ ।

୧୨-ସୋସିଆଲ ମିଡ଼ିଆ ରେ ଡିଜିଟାଲ ଫୂଟପ୍ରିଣ୍ଟ ଛାଡ଼ନ୍ତୁ ନାହିଁ ।

୧୩- କରୋନା କ୍ରିକେଟ ନୁହଁ।ଯେ ତାର ସବୁବେଳେ ଉପଡେଟ୍ ଖବର ଦିଆଯିବ।
୧୪-ବାଇଗଣରେ ପୋକ ରହୁ ପଛେ ଭୁତାଣୁ ନ ରହୁ…. ବଜାରରୁ ପରିବା ବାଛିକି ଆଣନ୍ତୁ ନାହିଁ।