କରୋନାକୁ ହରାଇବା ପାଇଁ ମୋଦିଙ୍କ ସପ୍ତସୂତ୍ରୀ –
1.ବୟସ୍କ ବ୍ୟକ୍ତିଙ୍କ ଅଧିକ ଯତ୍ନ ନିଅନ୍ତୁ
2. ଘରେ ରୁହନ୍ତୁ ଓ ସାମାଜିକ ଦୂରତ୍ୱ ବଜାୟ ରଖି ଘରେ ତିଆରି ମାସ୍କ ବ୍ୟବହାର କରନ୍ତୁ
3. ଏହି ସମୟରେ କୌଣସି କର୍ମଚାରୀଙ୍କ ଚାକିରୀରୁ ବାହାର କରନ୍ତୁ ନାହିଁ
4. ଆରୋଗ୍ୟ ସେତୁ ଆପ ଡାଉନଲୋଡ଼ କରନ୍ତୁ
5. ଗରିବ ଲୋକଙ୍କୁ ସହାୟତା ଦିଅନ୍ତୁ
6. ଅସୁବିଧା ଥିବା ବ୍ୟକ୍ତିଙ୍କୁ ଘରଭଡା ପାଇଁ ଘରୁ ବାହାର କରନ୍ତୁ ନାହିଁ
7. କରୋନା ଯୋଦ୍ଧାଙ୍କ ଆଦର, ସ୍ନେହ ଓ ଯତ୍ନ କରନ୍ତୁ

ଭୁବନେଶ୍ୱର : ପୁଣି ସ୍ୱାସ୍ଥ୍ୟ ବିଭାଗ ଦେଲା ବଡ ଖବର l ସୁସ୍ଥ ହେଲେ ଓଡ଼ିଶାର ଆଉ 5 ଜଣ କୋରନା ସଂକ୍ରମିତ l ଏ ପର୍ଯ୍ୟନ୍ତ 18 ଜଣ ସୁସ୍ଥ ହୋଇଥିବା ବେଳେ ଜଣେ ମର୍ତ୍ୟୁ ବରଣ କରିଛନ୍ତି l ତେଣୁ ସର୍ବମୋଟ 55 ଜଣ ସଂକ୍ରମିତ ବ୍ୟକ୍ତିଙ୍କ ମଧ୍ୟରୁ 36 ଟି ଆକ୍ଟିଭ କେସ ରହିଲା ଆମ ରାଜ୍ୟରେ l ଓଡ଼ିଆ ନବ ବର୍ଷରେ ଏହି ଖବର ରାଜ୍ୟବାସୀଙ୍କ ମନରେ ଆନନ୍ଦ ଖେଳିଯାଇଛି l

ଭୁବନେଶ୍ୱର : ବର୍ତ୍ତମାନ ସମୟରେ ଓଡ଼ିଶା ପାଇଁ ଏକ ଗୁରୁତ୍ୱପୂର୍ଣ୍ଣ ଖବର। ରାଜ୍ୟରେ ଏବେ ଆଉ ଜଣେ କରୋନା ପଜେଟିବ ଚିହ୍ନଟ ହୋଇଛନ୍ତି ବୋଲି ସ୍ୱାସ୍ଥ୍ୟ ଓ ପରିବାର ବିଭାଗ ପକ୍ଷରୁ ଏହି ସୂଚନା ପ୍ରଦାନ କରାଯାଇଛି । ଆକ୍ରାନ୍ତ ଜଣଙ୍କ ବମୀଖାଲ ଅଞ୍ଚଳର। ତାଙ୍କ ବୟସ ୩୫ ।ସେ ସେହି ଅଂଚଳ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ ।ବର୍ତ୍ତମାନ ସୁଦ୍ଧା ରାଜ୍ୟରେ କରୋନା ପଜେଟିବଙ୍କ ସଂଖ୍ୟା ୫୫ ରେ ପହଞ୍ଚିଛି । ଯାହାକୁ ନେଇ ରାଜ୍ୟ ସରକାର ଙ୍କ ଚିନ୍ତା ବଢିଯାଇଛି ।

ଭୁବନେଶ୍ୱର: ଆଜି ଓଡ଼ିଆ ନବ ବର୍ଷ ଏବଂ ମହାବୀର ଜୟନ୍ତୀ । ଏହି ଦିନ ସୂର୍ଯ୍ୟଙ୍କର ଦକ୍ଷିଣାୟନ ଗତି ହୋଇଥାଏ । ଓଡ଼ିଆ ପରମ୍ପରା ଅନୁସାରେ ଆଜିଠାରୁ ଓଡ଼ିଆ ପାଞ୍ଜି ମଧ୍ୟ ପ୍ରଚଳନ ହୋଇଥାଏ। ଏଥିପାଇଁ ପାଇଁ ସବୁ ମନ୍ଦିରରେ ଠାକୁରଙ୍କ ସ୍ୱତନ୍ତ୍ର ରୀତିନୀତିରେ ପୂଜାର୍ଚ୍ଚନା କରାଯାଇଥାଏ । ଏଥିପାଇଁ ଶ୍ରୀମନ୍ଦିରରେ ମଧ୍ୟ ସ୍ୱତନ୍ତ୍ର ରୀତିନୀତିରେ ପୂଜା ହୋଇଛି । ହେଲେ ଏବେ ସାରା ଦେଶରେ ଲକ୍ ଡାଉନ ପରିସ୍ଥିତି । ତେଣୁ ଏ ବର୍ଷର ପଣା ସଂକ୍ରାନ୍ତି ଫିକା ପଡିଯାଇଛି । କେବଳ ଠାକୁରଙ୍କର ପୂଜାର୍ଚ୍ଚନା ଛଡା ଆଉ ସମସ୍ତେ କାର୍ଯ୍ୟକ୍ରମକୁ ପ୍ରଶାସନ ତରଫରୁ ବାତିଲ କରାଯାଇଛି।
ଏହି ଲକ୍ ଡାଉନର ସିଧାସଳଖ ପ୍ରଭାବ ଗାଁ ଗଣ୍ଡାରେ ପଡିଛି । ପଣା ସଂକ୍ରାନ୍ତି ଦିନ ଦଣ୍ଡ ଯାତ୍ରାର ଶେଷ ଦିନ ହୋଇଥାଏ ।ସେଥିପାଇଁ ସବୁ ଗାଁରେ ଆଜିର ଦିନରେ ପାର୍ବଣର ମାହୋଲ ଥାଏ। କିନ୍ତୁ ଏ ବର୍ଷ ସେ ସବୁ କିଛି ନାହିଁ। ଦେଶରେ ତାଲା ବନ୍ଦ ପାଇଁ ସୁନ୍ ଶାନ୍ ସବୁ ଗାଁ ଗଣ୍ଡା ଓ ଦେବୀ ପୀଠ।