ନୂଆଦିଲ୍ଲୀ: ଚାରି ମାସ ହେଲାଣି ବିଶ୍ୱ କରୋନା କବଳରେ ଅଛି ।ଯାହାକି ତଥା ଦେଶ ପାଇଁ ଏବେ ବଡ଼ ବିପଦ। ହେଲେ ଏହି ବିପଦକୁ ଡରି ନଯାଇ ଏହାର ସାମ୍ନା କରିବା । ଏହା ଭାରତ ପାଇଁ ଏକ ନୂଆ ସୁଯୋଗ ମଧ୍ୟ ଆଣିଛ। କାରଣ କରୋନା ହେଉଛି ଏକ ଲମ୍ବା ଲଢେଇ ।କିନ୍ତୁ ଆମେ ଲଢେଇରେ ଭାଙ୍ଗିବା ନାହିଁ। ଆହୁରି ମଜଭୁତ ହେବା । ଏହି ସମୟରେ ଚୁପ ରହିବାନି । ସତର୍କ ରାହି କାମ କରିବାକୁ ପ୍ରଧାନମନ୍ତ୍ରୀ ମୋଦୀ ଦେଶବାସୀଙ୍କ ଆହ୍ୱାନ ଦେଇଛନ୍ତି ।
ପ୍ରଧାନମନ୍ତ୍ରୀଙ୍କ ଆଜି ଦେଶକୁ ସମ୍ବୋଧନ କରି ଏକ ନୂଆ ଦିଗ ଦେଖାଇଛି । ସେ କହିଛନ୍ତି କରୋନା ଦେଶ ପାଇଁ ବିପଦ ଆଣିଛି ।ହେଲେ ଏହା ଆମକୁ ବଂଚିବାର ଏକ ନୂଆ ଦିଗ ଦେଖାଇଛି ।ଏବଂ ଆମକୁ ଆତ୍ମ ନିର୍ଭରଶୀଳ କରିଛି ।କାରଣ ପୂର୍ବରୁ ଆମର ପିପିଇ ଦେଶରେ ତିଆରି ହେଉ ନଥିଲା ।କିନ୍ତୁ ଏବେ ପ୍ରତିଦିନ ଆମେ ଦୁଇ ଲକ୍ଷ ପିପିଇ ତିଆରି କରୁଛନ୍ତି । ଏହାସହ ଦୁଇ ଲକ୍ଷ ଏନ 95 ମାସ୍କ ମଧ୍ୟ ପ୍ରତିଦିନ ତିଆରି କରାଯାଉଛି ।ଯାହାକି ଭାରତର ଆତ୍ମନିର୍ଭରଶୀଳତା ଦର୍ଶାଉଛି। ଏହାସହ ଲୋକଙ୍କୁ ଗ୍ଲୋବାଲ ବ୍ରାଣ୍ଡ ପରିବର୍ତେ ନିଜର ତଥା ଲୋକଲ ବ୍ରାଣ୍ଡର ସାମଗ୍ରୀ ପ୍ରଚାର ଓ ବ୍ୟବହାର ଉପରେ ଗୁରୁତ୍ୱ ଦେବାକୁ କହିଛନ୍ତି। ଭାରତ ଦେଶ ୫ଟି ତତ୍ୱ ଉପରେ ନିର୍ଭର।ଯଥା ଅର୍ଥନୀତି, ଡିମାଣ୍ଡ, ଜନସଂଖ୍ୟା , ଇନଫ୍ରାଷ୍ଟ୍ରକଚର ।
ସେ ଏହି ପରିପେକ୍ଷ ସେ ଆତ୍ମନିର୍ଭର ଭାରତ ଅଭିଯାନ ପାଇଁ ୨୦ ଲକ୍ଷ କୋଟି ଟଙ୍କାର ପ୍ୟାକେଜ ଘୋଷଣା କଲେ ପ୍ରଧାନମନ୍ତ୍ରୀ ।ଯାହାକି ଦେଶର ମୋଟ ଜିଡିପିର ପ୍ରାୟ ୧୦ ପ୍ରତିଶତ । ଏହି ପ୍ୟାକେଜ ମୁଖ୍ୟତଃ ଚାଷୀ ଓ କ୍ଷୁଦ୍ର ଉଦ୍ୟଗିମାନଙ୍କ ଆର୍ଥିକ ସ୍ଥିତି ସୁଧାରିବାରେ ସହାୟକ ହେବ। ଏହାର ସବିଶେଷ ତଥ୍ୟ ଅର୍ଥମନ୍ତ୍ରୀ ଦିନ ଦୁଇ ଦିନ ଭିତରେ ଦେଶବାସୀଙ୍କୁ ଜଣାଇବେ। ଏହା ସହ ନୂଆ ରଙ୍ଗ ନୂଆ ରୂପରେ ଲକ୍ ଡାଉନ ୪.୦ ଆସିବ ବୋଲି ସୂଚନା ଦେଇଛନ୍ତି ।ମେ ମାସ ୧୮ ତାରିଖ ପୂର୍ବରୁ ଏହି ନିୟମକୁ ସରକାର ଘୋଷଣା କରିବେ ।

ଭୁବନେଶ୍ୱର : କରୋନା ମହାମାରୀ କୁ ମୁକାବିଲା କରିବା କ୍ଷେତ୍ରରେ ଜୀବନ ଆଉ ଜୀବିକା ଭିତରେ ସମନ୍ୱୟ ଆଣି ଓଡ଼ିଶା ପାଇଁ ଏକ ରୋଡ଼ମ୍ୟାପ ପ୍ରସ୍ତୁତ କରିବା ସମ୍ପର୍କରେ ଆଜି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି l କରୋନା ସଂକ୍ରମଣ ପ୍ରତିହତ କରିବା ସହିତ ଅର୍ଥନୈତିକ କାର୍ଯ୍ୟକଳାପ କୁ ଚଳଚଞ୍ଚଳ କରି ଲୋକଙ୍କ ଜୀବିକା କୁ ସୁରକ୍ଷା ଦେବା ଆଜି ସବୁଠୁ ବଡ଼ ଆହ୍ୱାନ ବୋଲି କହିଲେ ଅତ୍ୟୁକ୍ତି ହେବ ନାହିଁ l ଏଥିପାଇଁ କୃଷି, କ୍ଷୁଦ୍ର ଓ ଅଣୁଶିଳ୍ପ, ଗ୍ରାମଦ୍ୟୋଗ ଇତ୍ୟାଦି ପ୍ରତି ସରକାର ଦୃଷ୍ଟି ଦେବା ଅତ୍ୟନ୍ତ ଜରୁରୀ l ରବି ଫସଲରେ ଚାଷୀ ମାନେ ଅମଳ କରିଥିବା ଧାନ ଏବଂ ଅନ୍ୟାନ୍ୟ ଡାଲି ଓ ତୈଳ ଜାତୀୟ ଶସ୍ୟ ସରକାର ତୁରନ୍ତ କିଣନ୍ତୁ l ଖରିଫ ଫସଲ ପାଇଁ ଚାଷୀଙ୍କୁ ବିହନ, ସାର, କୀଟନାଶକ ଓ ମଜୁରୀ ମାଗଣାରେ ଉପଲବ୍ଧ କରେଇବାର ଦାୟିତ୍ୱ ନିଅନ୍ତୁ l ଗ୍ରାମାଞ୍ଚଳରେ ବିପର୍ଯ୍ୟସ୍ତ ହୋଇ ପଡ଼ିଥିବା ଉଦ୍ୟୋଗ ଗୁଡ଼ିକୁ ଆର୍ଥିକ ଏବଂ ବୈଷୟିକ ତଥା ମାର୍କେଟ ର ସୁବିଧା ଦେଇ ସେଗୁଡିକୁ ପୁନଃରୁଦ୍ଧାର କରନ୍ତୁ l ଗ୍ରାମଦ୍ୟୋଗ ର ନୂଆ ସମ୍ଭାବନା କୁ ଚିନ୍ହଟ କରି ସେ ଦିଗରେ ଅଣୁ ସ୍ତରରେ ଯୋଜନା ଏବେଠୁ ପ୍ରସ୍ତୁତ କରନ୍ତୁ l ଆଦିବାସୀ ମାନଙ୍କର ଜୀବିକା କୁ ସୁରକ୍ଷିତ କରିବା ପାଇଁ ଲଘୁ ବନଜାତ ଦ୍ରବ୍ୟର ସର୍ବନିମ୍ନ ସହାୟକ ମୂଲ୍ୟ ଆଧାର ରେ କିଣିବାର ବ୍ୟବସ୍ଥା କରନ୍ତୁ l ଏସବୁ ସୁସଂଘତ ଭାବରେ କରି ପାରିଲେ ରାଜ୍ୟର ଅର୍ଥନୀତି ଚଳଚଞ୍ଚଳ ହୋଇପାରିବ ଏବଂ ଲୋକଙ୍କ ର ଜୀବିକା କୁ ସୁରକ୍ଷା ଦେଇ ହେବ l

ବାହାରେ ଫସି ରହିଥିବା ପ୍ରବାସୀ ଶ୍ରମିକ ମାନଙ୍କ ର ଘର ବାହୁଡା଼ ବିଷୟରେ ସରକାର ବର୍ତ୍ତମାନ ପର୍ଯ୍ୟନ୍ତ ସ୍ପଷ୍ଟ ଆଭିମୁଖ୍ୟ ନ ନେବା ଅତି ଦୁର୍ଭାଗ୍ୟଜନକ l ସେମାନେ କେବେ ଏବଂ କେମିତି ଓଡ଼ିଶା ଫେରିବେ ସେ ବିଷୟରେ ସରକାର ବିଶେଷ ଚିନ୍ତିତ ନୁହନ୍ତି ବୋଲି ପ୍ରତୀୟମାନ ହୁଏ l ଏହା ପ୍ରବାସୀ ଓଡ଼ିଆ ଶ୍ରମିକ ମାନଙ୍କ ପାଇଁ ସରକାରଙ୍କ ର ସମ୍ବେଦନଶୀଳ ମନୋଭାବର ପରିଚାୟକ l ମାନବିକତା ଏବଂ ମୂଲ୍ୟବୋଧ ର କଥାକୁ ବାରମ୍ବାର ସରକାର କହୁଥିବା ବେଳେ ପ୍ରବାସୀ ଶ୍ରମିକ ମାନଙ୍କ ପ୍ରତି ଏପରି ମନୋଭାବ ଅତ୍ୟନ୍ତ ଦୁଃଖଦାୟକ ଏବଂ ଲଜ୍ଜାଜନକ ମଧ୍ୟ l

ଏବେ କରୋନା ସଂକ୍ରମଣ ଏକ ଭୟାନକ ପରିସ୍ଥିତିର ସୂଚନା ଦିଏ l ଏହି ସମୟରେ ସାଧାରଣ ଜନତା ଯେମିତି ଆତ୍ମସଂଯମ ର ସହିତ ସାମ୍ନା କରିବା ଉଚିତ ସେହିପରି ସରକାର ମଧ୍ୟ ଆତ୍ମସଂଯମତା କୁ ଆୟୁଧ କରି ଏହି ଆହ୍ୱାନ କୁ ମୁକାବିଲା କରିବା ବାଞ୍ଚନୀୟ l ଏ କ୍ଷେତ୍ରରେ ଆତ୍ମ ବଡ଼ିମା ବା ଆତ୍ମ ପ୍ରଚାର ର ସ୍ଥାନ ନାହିଁ ବୋଲି ଆମେ ଅନୁଭବ କରୁ l

ନୂଆଦିଲ୍ଲୀ : ଆଜି ଦେଶବାସୀଙ୍କୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।ଏହି ପରିପେକ୍ଷ ସେ ଆତ୍ମନିର୍ଭର ଭାରତ ଅଭିଯାନ ପାଇଁ ୨୦ ଲକ୍ଷ କୋଟି ଟଙ୍କାର ପ୍ୟାକେଜ ଘୋଷଣା କଲେ ପ୍ରଧାନମନ୍ତ୍ରୀ । ଏହାର ସବିଶେଷ ତଥ୍ୟ ଅର୍ଥମନ୍ତ୍ରୀ ଦିନ ଦୁଇ ଦିନ ଭିତରେ ଦେଶବାସୀଙ୍କୁ ଜଣାଇବେ। ଏହା ସହ ନୂଆ ରଙ୍ଗ ନୂଆ ରୂପରେ ଲକ୍ ଡାଉନ ୪.୦ ଆସିବ ବୋଲି ସୂଚନା ଦେଇଛନ୍ତି ।ମେ ମାସ ୧୮ ତାରିଖ ପୂର୍ବରୁ ଏହି ନିୟମକୁ ସରକାର ଘୋଷଣା କରିବେ ।

ଭୁବନେଶ୍ୱର :ଗ୍ରୀନ ଯୋନରେ ବସ ଗଡ଼ିବା ନେଇ ପରିବହନ ବିଭାଗ ପଠାଇଥିବା ପ୍ରସ୍ତାବକୁ ମୁଖ୍ୟମନ୍ତ୍ରୀଙ୍କ ଅନୁମୋଦନ ମିଳିଛି l ତେଣୁ ଏବେ ଗ୍ରୀନ ଜୋନରେ ଗଡିବ ବସ l ଏଥିଲାଗି ଭଡ଼ାକୁ ଦୁଇ ଗୁଣିତ କରିବା ପାଇଁ ବ୍ୟବସ୍ଥା ହୋଇଛି lଯେହେତୁ ଗ୍ରୀନ ଯୋନ ରେଡ଼ ଯୋନ ହୋଇଯାଉଛି ତେଣୁ ବସ ଚଳାଚଳ କରି ପାରୁନି ସେଥିପାଇଁ ଏପରି ନିଷ୍ପତି ନିଆଯାଇଛି ବୋଲି ପରିବହନ ମନ୍ତ୍ରୀ କହିଛନ୍ତି l ଦିନେ କି ଦୁଇ ଦିନ ଭିତରେ ସରକାର ଏନେଇ ନିଷ୍ପତ୍ତି ନେବେl ତେବେ
ସରକାରୀ ଅଧିକାରୀଙ୍କ ଯିବା ଆସିବା ପାଇଁ ବସ ଚଳାଇବେ ରାଜ୍ୟ ସରକାର l ଆସନ୍ତା କାଲି ଠୁ ଏହି ସେବା ଆରମ୍ଭ ହେବ l କଟକରୁ ଭୁବନେଶ୍ୱର କୁ ଗୋଟିଏ ବସ ଚଳାଯିବ ଓ ଭଡା 30 ଟଙ୍କା ନିଆଯିବ ବୋଲି ମନ୍ତ୍ରୀ କହିଛନ୍ତି l

ଭୁବନେଶ୍ୱର : ଗତକାଲି ପ୍ରଧାନମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀ ନବୀନ ପଟନାୟକ ଆଲୋଚନା ବେଳେ ଦିଆଯାଇଥିବା ପ୍ରସ୍ତାବକୁ ପିସିସି ସଭାପତି ନିରଞ୍ଜନ ପଟ୍ଟନାୟକ ଓ ବିଜେପି ନେତା ବିଜୟ ମହାପାତ୍ର ସ୍ୱାଗତ କରିଛନ୍ତି l ଏହାସହ ନିରଞ୍ଜନ ପଟ୍ଟନାୟକ ଓଡ଼ିଶାରେ ଅର୍ଥନୈତିକ ପୁନରୁଦ୍ଧାର ପାଇଁ ମୁଖ୍ୟମନ୍ତ୍ରୀ ଏକ ସ୍ବତନ୍ତ୍ର ବ୍ଲୁ ପ୍ରିଣ୍ଟ ପ୍ରସ୍ତୁତ କରନ୍ତୁ ବୋଲି ପ୍ରସ୍ଥାବ ଦେଇଛନ୍ତି l ଯଦି ସରକାର ତାହା ନକରନ୍ତି ତେବେ ଭବିଷ୍ୟତରେ ଓଡିଶା ବାସୀଙ୍କୁ ବହୁମୂଲ୍ୟ ଦେବାକୁ ଦେବାକୁ ପଡ଼ିବ ଏବଂ ରାଜ୍ୟରେ ସ୍ଥିତି ଅସମ୍ଭାଳ ହୋଇଯିବ ସେ କହିଛନ୍ତି l

ଭୁବନେଶ୍ୱର : ସରକାର ଅହମିକା ଛାଡ଼ନ୍ତୁ । ସତ୍ୟକୁ ଲୁଚେଇବାକୁ ଚେଷ୍ଟା କରନ୍ତୁ ନାହିଁ ।ପ୍ରବାସୀ ଓଡ଼ିଆଙ୍କ ତାଲିକା ରାଜ୍ୟ ସରକାରଙ୍କ ପାଖରେ ନାହିଁ । ସେମାନେ ଆସିଲେ ସରକାର ଜାଣୁଛନ୍ତି । ଏକ ମାସରୁ ଅଧିକ ସମୟ ବିତିଗଲାଣି କିନ୍ତୁ କେତେ ଓଡ଼ିଆ ବାହାରେ ଅଛନ୍ତି ସରକାର ତଥ୍ୟ ପାଇଲେ ନାହିଁ । ଏବେ ଅନେକ ଓଡ଼ିଆ ଅନ୍ୟ ରାଜ୍ୟରେ ଦୁଃଖ ଦୁର୍ଦ୍ଦଶାରେ ଅଛନ୍ତି । କିନ୍ତୁ ସରକାର ଏଠି କ୍ବାରାଣ୍ଟାଇନ କେନ୍ଦ୍ରରେ କଣ ଦରକାର ତାହା ଯୋଗାଇବାରେ ବ୍ୟସ୍ତ ଅଛନ୍ତି ବୋଲି କହିଛନ୍ତି ବରିଷ୍ଠ ବିଜେପି ନେତା ବିଜୟ ମହାପାତ୍ର । ଏହାସହ ମୁଖ୍ୟମନ୍ତ୍ରୀ ଯେଉଁ ପ୍ରସ୍ତାବ ପ୍ରଧାନମନ୍ତ୍ରୀଙ୍କୁ ଦେଇଛନ୍ତି ତାହା ସ୍ବାଗତଯୋଗ୍ୟ ବୋଲି ବିଜୟ କହିଛନ୍ତି । କଣ୍ଟେନମେଣ୍ଟ ଅଞ୍ଚଳରେ କଟକଣା ଲାଗୁ ହେଉ । ଅନ୍ୟ ମାନେ କାହିଁକି ଅସୁବିଧା ଭୋଗିବେ ? ବର୍ତ୍ତମାନ ସରକାରଙ୍କୁ ସମସ୍ତ ବର୍ଗରୁ ଅକୁଣ୍ଠ ସହଯୋଗ ମିଳୁଛି । ଯଦି ସରକାର ଏହାର ସଦୁପଯୋଗ ନକରିବେ ଏହାଠାରୁ ବିଡ଼ମ୍ବନାର ବିଷୟ କିଛି ନାହିଁ ।