ଭୁବନେଶ୍ୱର : ଅଢେଇ ମାସ ହେବ ଲକଡାଉନ । ଅଖ ବନ୍ଦ ଚକ ବନ୍ଦ । ଆଉ ତାରି ଭିତରେ ମହାମାରୀ କରୋନା କୁ ହରେଇବା ପାଇଁ ଚାଲିଛି ସଂଘର୍ଷ । ପୁରା ଦେଶ ଏକଜୁଟ ହୋଇଛି । ଅର୍ଥନୀତି ସହିତ ଜୀବନ ବଞ୍ଚାଇବା ପାଇଁ ସବୁଠି ଚାଲିଛି ପ୍ରୟାସ । ସେ ସରକାରୀ ସ୍ତରରେ ହେଉ ଅବା ରାଜନୈତିକ ସ୍ତରରେ । ଯାହାର ମାଧ୍ୟମ ସାଜିଛି ଟେକ୍ନୋଲୋଜି । ନେତା ଏବେ ହାଇଟେକ ପଲିଟିକ୍ସକୁ ଆପଣାଇଛନ୍ତି । ସେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ହୁଅନ୍ତୁ କି ପିସିସି ସଭାପତି ନିରଞ୍ଜନ ପଟ୍ଟନାୟକ ବା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ । ସଭିଏଁ ଏବେ ସାଙ୍ଗଠନିକ କାର୍ଯ୍ୟକ୍ରମକୁ ସକ୍ରିୟ କରିବା ପାଇଁ ଓ କରୋନା ସମୟରେ ଲୋକଙ୍କୁ ସହାୟତ କରିବା ପାଇଁ ZOOM APP ଜରିଆରେ ନେତାଙ୍କ ସହ ଆଲୋଚନ ଜାରି ରଖିଛନ୍ତି ।…

ପ୍ରଣବ ପ୍ରକାଶ ଦାସ ;ବିଜେଡି ସଂଗଠନ ସମ୍ପାଦକ – ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଏବେ ଟେକ୍ନୋଲୋଜି ମାଧ୍ୟମରେ ଦଳୀୟ କର୍ମୀଙ୍କ ସହ ପ୍ରତ୍ୟେକଙ୍କୁ ଭିଡିଓ କନଫରେନ୍ସି ମାଧ୍ୟମରେ କଥା ହେଉଛନ୍ତି । ତୃଣମୂଳ ସ୍ତରରେ ନେତାଏ କିଭଳି ଏଇ ଦୁଃଖଦ ସମୟରେ ଲୋକଙ୍କ ସେଵା କରିପାରିବେ ସେନେଇ ଆଲୋଚନା କରୁଛନ୍ତି । ମୁଖ୍ୟମନ୍ତ୍ରୀଙ୍କ ନିର୍ଦ୍ଧେଶ ତୃଣମୂଳ ସ୍ତରରେ କିପରି କାର୍ଯ୍ୟକାରିତା ହେଉଛି ତାହାକୁ ତଦାରଖ କରିବା ସହ ଲୋକଙ୍କ ସମସ୍ୟା ସହ ଜଡିତ ହୋଇ ରହିବା ପାଇଁ ପ୍ରଣବ ବିଜେଡି ର ନେତା ଓ କର୍ମୀଙ୍କୁ ଆହ୍ୱାନ ଦେଇଛନ୍ତି । କେବଳ ସେତିକି ନୁହେଁ ଏହି ସମୟରେ ଲୋକଙ୍କ ସମସ୍ୟା ସହ ପୁରା ଜଡିତ ରହିବାକୁ ପରାମର୍ଶ ଦେଇଛନ୍ତି l

ଧର୍ମେନ୍ଦ୍ର ପ୍ରଧାନ ; କେନ୍ଦ୍ରମନ୍ତ୍ରୀ – କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜେପିର ପାୱାରଫୁଲ ନେତା କାରଣ ମହାମାରୀ ସମୟରେ ଦଳୀୟ କର୍ମୀ ଓ ନେତାମାନେ କିପରି ଲୋକଙ୍କୁ ସାହାଯ୍ୟ ସହଯୋଗ କରିପାରିବେ ସେ ବିଷୟରେ ZOOM APP ଜରିଆରେ ନିଜ ଦଳ ଓ ନେତା କର୍ମୀଙ୍କୁ ସହ ଆଲୋଚନା କରିଛନ୍ତି । କେନ୍ଦ୍ର ସରକାର ଯୋଗାଉଥିବା ଅର୍ଥ ଲୋକଙ୍କ ପାଖରେ ପହଁଚୁଛି କି ନାହିଁ ଓ ବାହାରେଥିବା ଓଡ଼ିଆ ମାନେ କିପରି ସେମାନଙ୍କର ସମସ୍ୟା ଦୂର ହେବ ସେ ବିଷୟରେ ଆଲୋଚନା କରୁଛନ୍ତି ।

ନିରଞ୍ଜନ ପଟ୍ଟନାୟକ : ପିସିସି ସଭାପତି – ଭିଡିଓ କନଫରେନ୍ସି ଜରିଆରେ ପିସିସି ସଭାପତି ନିରଞ୍ଜନ ପଟ୍ଟନାୟକ ତୃଣମୂଳ ସ୍ଥରର କଂଗ୍ରେସ କର୍ମୀଙ୍କ ସହ କୋଭିଡି -୧୯ ସମସ୍ୟା ସମ୍ପର୍କରେ ଆଲୋଚନ କରିଛନ୍ତି । ଲୋକମାନଙ୍କର ସମସ୍ୟା ଓ ସରକାରଙ୍କର ଦୋଷ ଦୁର୍ବଳତାକୁ ସାମ୍ନାକୁ ଆଣିବା ପାଇଁ ସେ ଦଳୀୟ କର୍ମୀ ଓ ନେତାଙ୍କ ଆହ୍ୱାନ କରିଛନ୍ତି । ଏହାସହ ପ୍ରବାସୀ ଶ୍ରମିକଙ୍କ ସମସ୍ୟା ଦୂର କରିବା ପାଇଁ ସମସ୍ତେ ଯତ୍ନବାନ ହେଵା ଉଚିତ ବୋଲି ସେ କହିଛନ୍ତି ।

ନୂଆଦିଲ୍ଲୀ :ଗତକାଲି ପ୍ରଧାନମନ୍ତ୍ରୀ ଆତ୍ମନିର୍ଭର ଭାରତ ଅଭିଯାନ ପାଇଁ ୨୦ ଲକ୍ଷ କୋଟି ଟଙ୍କାର ପ୍ୟାକେଜ ଘୋଷଣା କରିଥିଲେ।ଯାହାକି ଦେଶର ମୋଟ ଜିଡିପିର ପ୍ରାୟ ୧୦ ପ୍ରତିଶତ । ଏହି ପ୍ୟାକେଜ ମୁଖ୍ୟତଃ ଚାଷୀ ଓ କ୍ଷୁଦ୍ର ଉଦ୍ୟଗିମାନଙ୍କ ଆର୍ଥିକ ସ୍ଥିତି ସୁଧାରିବାରେ ସହାୟକ ହେବ ବୋଲି କହିଥିଲେ ।ଏ ନେଇ ଆଜି ଅର୍ଥମନ୍ତ୍ରୀ ନିର୍ମଳା ସୀତାରମଣ ଓ ଅନୁରାଗ ଠାକୁର ସବିଶେଷ ତଥ୍ୟ ପ୍ରେସମିଟ ମାଧ୍ୟମରେ ଦେଇଛନ୍ତି ।
●ଏହି ପ୍ୟାକେଜ ଦ୍ଵାରା ଏମଏସଏମଇକୁ ଇ-ମାର୍କେଟ ସହ ଯୋଡ଼ାଯିବ। ଫଳରେ ଏହାର ବଜାର ପ୍ରବେଶ ସୁଗମ ହେବ।
ଏହାସହ ଏମଏସଏମଇ ବ୍ୟବସାୟ କରିବା ସହଜ ହେବ। ଆତ୍ମନିର୍ଭରଶୀଳ ଭାରତ ବର୍ତ୍ତମାନ ମେକ୍ ଇନ୍ ଇଣ୍ଡିଆ ଅଧୀନରେ ଗତି କରିବ: ଅର୍ଥମନ୍ତ୍ରୀ କହିଛନ୍ତି ।

●୨ଶହ କୋଟି ଟଙ୍କା ମଧ୍ୟରେ କୌଣସି ଟେଣ୍ଡର ବିଶ୍ୱସ୍ତରୀୟ ଟେଣ୍ଡର ହେବ ନାହିଁ।
ଏହାର କାରବାର ୫ କୋଟି ପର୍ଯ୍ୟନ୍ତ ହେଲେ ମଧ୍ୟ ଏହାକୁ କ୍ଷୁଦ୍ର ଶିଳ୍ପରେ ଗଣତି କରାଯିବ। ପୂର୍ବରୁ କ୍ଷୁଦ୍ର ଶିଳ୍ପରେ କେବଳ ୨୫ ହଜାର ଟଙ୍କା ପର୍ଯ୍ୟନ୍ତ ପୁଞ୍ଜି ବିନିଯୋଗ କରାଯାଉଥିଲା। ବର୍ତ୍ତମାନ ଏହି ପୁଞ୍ଜି ବିନିଯୋଗ ପରିମାଣକୁ ୧ କୋଟି ପର୍ଯ୍ୟନ୍ତ ବୃଦ୍ଧି କରାଯାଇଛି।
●ବିଭିନ୍ନ ଅସୁବିଧାରେ ଥିବା ଏମଏସଏମଇ ସେକ୍ଟର ପାଇଁ ୨୦ ହଜାର କୋଟି ଟଙ୍କାର ଘୋଷଣା। ଏହାଦ୍ୱାରା ୪୫ ଲକ୍ଷ ଏମଏସଏମଇ ସେକ୍ଟରକୁ ଗୋଟିଏ ବର୍ଷ ପାଇଁ ଟିକସ ଦେୟରୁ ମୁକ୍ତି ମିଳିବ।
ବିନା କୌଣସି ଗ୍ୟାରେଣ୍ଟିରେ ଏମଏସଏମଇକୁ ଚାରି ବର୍ଷ ପାଇଁ ତିନି ଲକ୍ଷ କୋଟି ଟଙ୍କାର ଋଣ ଦିଆଯିବ ବୋଲି ଅର୍ଥ ରାଷ୍ଟ୍ରମନ୍ତ୍ରୀ ଅନୁରାଗ ଠାକୁର କହିଛନ୍ତି ।
●୧୫ଟି ଭିନ୍ନ ପଦକ୍ଷେପ ବିଷୟରେ ଉଲ୍ଲେଖ କରାଯିବ, ଯେଉଁଥିରେ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ପାଇଁ ୬ଟି ପଦକ୍ଷେପ ନିଆଯିବ।
ଲକଡାଉନ୍ ହେବାର କିଛି ଘଣ୍ଟା ମଧ୍ୟରେ ରିଲିଫ ପ୍ୟାକେଜ ଘୋଷଣା କରାଯାଇଥିଲା ଏବଂ ଲୋକଙ୍କୁ ସହାୟତା ଯୋଗାଇ ଦିଆଯାଇଥିଲା
●ବଜେଟ ପରେ ତୁରନ୍ତ କରୋନା ବିସ୍ଫୋରଣ ହୋଇଥିଲା। ଏହାପରେ ୭୯ କୋଟି ଟଙ୍କା ଗରିବ ଲୋକ ଆକାଉଣ୍ଟରେ ଦିଆଯାଇଥିଲା: ଅର୍ଥମନ୍ତ୍ରୀ
ପ୍ରତିଦିନ ଭିନ୍ନ ଭିନ୍ନ ସେକ୍ଟରକୁ ନେଇ ସୂଚନା ଦିଆଯିବ ।
●ଆତ୍ମନିର୍ଭରଶୀଳ ଭାରତ ଗଠନ ପାଇଁ ପ୍ରଧାନମନ୍ତ୍ରୀ ମୋଦୀଙ୍କ ଚିନ୍ତାଧାରା ଦେଶର ଲୋକଙ୍କୁ ନୂତନ ଶକ୍ତି ଯୋଗାଇଛି ।
ଡିବିଟି ମାଧ୍ୟମରେ ଆମ ସରକାର ଗରିବ ଲୋକଙ୍କୁ ସାହାଯ୍ୟ କରିବା ପାଇଁ କାର୍ଯ୍ୟ କରୁଛନ୍ତି।
●ଲୋକାଲ୍ ବ୍ରାଣ୍ଡକୁକୁ ବିଶ୍ୱ ସମ୍ମୁଖକୁ ଆଣିବାକୁ ହେବ।
ସମାଜରେ ଥିବା ବିଭିନ୍ନ ବର୍ଗର ଲୋକଙ୍କ ସହ ଆଲୋଚନା କରି ଏହି ପ୍ୟାକେଜକୁ ପ୍ରସ୍ତୁତ କରାଯାଇଛି।
●ଆତ୍ମନିର୍ଭରଶୀଳ ଭାରତ ଗଠନ ପାଇଁ ଏହି ପ୍ରଧାନମନ୍ତ୍ରୀ ଏହି ପ୍ୟାକେଜର ଘୋଷଣା କରିଛନ୍ତି : ଅର୍ଥମନ୍ତ୍ରୀ
୨୦ ଲକ୍ଷ କୋଟି ଟଙ୍କାର ପ୍ୟାକେଜ ବିଷୟରେ ଘୋଷଣା କରୁଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ।

ଭୁବନେଶ୍ୱର- ଆଜି ଓଡିଶା ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ ପ୍ରେସବାର୍ତ୍ତା ମାଧ୍ୟମରେ କହିଛନ୍ତି ଯେ ଗତକାଲି ପ୍ରଧାନମନ୍ତ୍ରୀ ମହାଶୟ ଆତ୍ମନିର୍ଭର ଭାରତ ଉପରେ ବହୁ ସମୟ ଧରି ପ୍ରବଚନ ଦେଲେ । ଉକ୍ତ ପ୍ରବଚନ ମନମୋହନ ସିଂ ପ୍ରଧାନମନ୍ତ୍ରୀ ଥିଲେ ୫ ମିନିଟ୍‌ରେ ସାରିଥାନ୍ତେ । ଆମ ରାଜ୍ୟର ମୁଖ୍ୟମନ୍ତ୍ରୀ ପ୍ରଧାନମନ୍ତ୍ରୀ ଥିଲେ ୨ ମିନିଟ୍‌ରେ ସାରିଥାନ୍ତେ । ତେବେ ପ୍ରଶ୍ନହେଲା ଯେ ବର୍ତମାନ ଲୋକଙ୍କୁ ରେଳ ଟିକେଟ୍ ଦିଆଯାଇପାରିଲା ନାହିଁ, ଖାଇବାକୁ ଦିଆଗଲା ନାହିଁ, ଶ୍ରମିକମାନେ ଆସି ପାରିଲେ ନାହିଁ, ଶ୍ରମିକମାନେ ନଆସିପାରି ଆତ୍ମହତ୍ୟା କଲେଣି । ସେଥିପାଇଁ କୌଣସି ବନ୍ଦୋବସ୍ତ ହେଲାନାହିଁ । ଶ୍ରୀ ପଟ୍ଟନାୟକ ପ୍ରଶ୍ନ କରିଛନ୍ତି ଏ ୨୦ ଲକ୍ଷ କୋଟି ଟଙ୍କା ଆସିବ କେଉଁଠୁ ନା ବଜେଟ୍ ପଇସାରୁ କାଟିକି କରିବେ, ଯଦି ବଜେଟ୍ ପଇସାରୁ ନକାଟିବେ ତେବେ ଅଧିକ ଟ୍ୟାକ୍ସ ପକେଇବେ କି? ସେ ଯାହା ହେଉନା କାହିଁକି ଯେଉଁ ଭୋକାଲ ହେବା ପାଇଁ ପ୍ରଧାନମନ୍ତ୍ରୀ ଯାହା ଦେଶବାସୀଙ୍କୁ କହିଛନ୍ତି ସେ ନୂଆ କଥା କିଛି ନୁହେଁ । ଜାତିର ପିତା ମହାତ୍ମା ଗାନ୍ଧୀ ଏହି ପଥ ଆଗରୁ ଦେଖାଇଥିଲେ । ଏହିକଥାଟି, ପ୍ରଚାର କରିବା ପୂର୍ବରୁ ଆମେ ନିଜେ ଆମ ଉତ୍ପାଦିତ ପଦାର୍ଥର ବ୍ୟବହାର କରିବାର ବ୍ୟବସ୍ଥା କରାଯିବା ଉଚିତ୍ । ଆମ ଉତ୍ପାଦିତ ପଦାର୍ଥ ବ୍ୟବହାର କଲାବେଳେ ଆମ ପଦାର୍ଥର କ୍ୱାଲିଟି ଓ ପ୍ରାଇସ୍ ଯଦି ଅନ୍ୟ ଦେଶ ତୁଳନାରେ ଭଲ ନହେବ ତେବେ ବିଦେଶରୁ ଆସୁଥିବା ଜିନିଷ ସହିତ ସମକକ୍ଷ ହୋଇପାରିବ ନାହିଁ । ଏ କ୍ଷେତ୍ରରେ ପ୍ରଥମେ ବିଦେଶୀ ଜିନିଷର ଆମଦାନୀକୁ ବନ୍ଦ କରିବେ କି? ଯଦି ବିଦେଶୀ ଜିନିଷକୁ ବନ୍ଦ କରିବେ ତେବେ ଆମ ଦେଶରେ ଲୋକମାନେ ଆମ ଜିନିଷ ବ୍ୟବହାର କରିବାକୁ ସୁଯୋଗ ପାଇବେ । ଏ ପର୍ଯ୍ୟନ୍ତ କେନ୍ଦ୍ର ସରକାର ବୋଧେ ଏ ବିଷୟରେ ମନ ସ୍ଥିର କରିନାହାନ୍ତି । ପ୍ରଚାର ଦୃଷ୍ଟିରୁ ଏହା କରାଯାଇଛି ବୋଲି ଶ୍ରୀ ପଟ୍ଟନାୟକ କ୍ଷୋଭ ପ୍ରକାଶ କରିଛନ୍ତି । ଯଦି ଏହାର ବାସ୍ତବତାର ରୂପରେଖ ପ୍ରଧାନମନ୍ତ୍ରୀ ବର୍ଣ୍ଣନା କରି କହିଥାନ୍ତେ ତେବେ କିଛି ଜଣାପଡିଥାନ୍ତା । ତଥାପି ଆମେ ଅପେକ୍ଷା କରିବା ଅର୍ଥମନ୍ତ୍ରୀ ପ୍ୟାକେଜ୍ କଥା କ’ଣ କହୁଛନ୍ତି ଏବଂ ପ୍ୟାକେଜ୍ ଆସିଲା ପରେ ତା’ର ପ୍ରତିକ୍ରିୟା କ’ଣ ପ୍ରକାଶ ପାଇବ । ପ୍ରକୃତରେ ଭାରତବାସୀଙ୍କ ପାଇଁ ଏହି ପ୍ରକ୍ରିୟା ସହାୟକ ହେବ ନା ନାହିଁ? ବର୍ତମାନ ଏହା ଏକ ସ୍ୱପ୍ନ ମାତ୍ର । ଏ ସ୍ୱପ୍ନକୁ କିପରି ସାକାର କରାଯିବ କେନ୍ଦ୍ର ସରକାର ବିଚାର କରିବେ । କିନ୍ତୁ ଆଜି ଦିନରେ ଯେଉଁ ପରିସ୍ଥିତି ସେ ପରିସ୍ଥିତିରେ ଗରିବ, ଶ୍ରମିକ, ଚାଷୀ ବା ମଧ୍ୟବିତ ପରିବାରଙ୍କୁ ଯେପରି ସହାୟତା ହେବ ସେହିପରି କୌଣସି କାର୍ଯ୍ୟକ୍ରମ କେନ୍ଦ୍ର ସରକାର ବା ରାଜ୍ୟ ସରକାରଙ୍କୁ ଏ ପର୍ଯ୍ୟନ୍ତ ଦେଖାଗଲା ନାହିଁ । ଏହା ପରିସ୍ଥିତିକୁ ଆସ୍ତେ ଆସ୍ତେ ଆହୁରି ଜଟିଳ କରୁଛି ବୋଲି ପ୍ରକାଶ କରିଛନ୍ତି ପିସିସି ସଭାପତି ଶ୍ରୀ ପଟ୍ଟନାୟକ ।