ନୂଆଦିଲ୍ଲୀ : ଆଜି ମୋଦି ସରକାରର ଦ୍ୱିତୀୟ ପାଳିର ପ୍ରଥମ ବର୍ଷ ପୁରିଛି। ଏହି ବର୍ଷଟି ମୋଦି ସରକାରଙ୍କ ପାଇଁ ବେଶ ଗୁରୁତ୍ୱପୂର୍ଣ୍ଣ ବର୍ଷ ଥିଲା। ଏବେ ଦେଶ କରୋନା ମହାମାରୀ ସହ ଲଢ଼ୁଛି। ଯାହାକି ବର୍ତ୍ତମାନ ସମୟର ସରକାରଙ୍କ ପାଇଁ ସବୁଠାରୁ ବଡ଼ ଚ୍ୟାନେଲ। ଯଦି ସରକାର ଏହାକୁ ମୁକାବିଲା କରିବାରେ ସଫଳତା ପାଆନ୍ତି ତାହାଲେ ଦେଶ ପାଇଁ ଏହା ସ୍ବର୍ଣ୍ଣିମ ଇତିହାସ ଭାବେ ଲେଖାଯିବ। ଏହାସହ ସରକାର ତାଙ୍କ ପାଳିର ପ୍ରଥମ ଦିନରୁ କାମରେ ଲାଗିଯାଇଥିଲେ। ତାଙ୍କ ସାମ୍ନାରେ ଥିଲା ଅନେକ ଚ୍ୟାଲେଞ୍ଜ।କାରଣ ଅନେକ ବିବାଦୀୟ ତଥା ମହତ୍ତ୍ୱପୂର୍ଣ୍ଣ ବିଲ ପାରିତ କରିଥିଲେ ସରକାର।ପାଳିର ପ୍ରଥମରୁ ଉଭୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହା ସେଥିପାଇଁ ଗୋଟି ଚାଳନା କରିଥିଲେ ।ଆଉ ସଫଳ ମଧ୍ୟ ହୋଇଥିଲେ। ପ୍ରଥମ ପର୍ଯ୍ୟାୟରେ ଏନ୍ଆଏ ବିଲ୍। ପରେ ଧାରା୩୭୦ ଓ ୩୫ କ ହଟାଇବା, ଏସପିଜି ସୁରକ୍ଷା ଆଇନରେ ପରିବର୍ତ୍ତନ ଏବଂ ନାଗରିକ ସଂଶୋଧନ ବିଲ୍। ସବୁ ବିଲକୁ ପାସ୍ କରାଇଥିଲେ ସରକାର।

ଏବେ କେନ୍ଦ୍ର ସରକାରଙ୍କ ପାଇଁ ସବୁଠାରୁ ବଡ଼ ପରୀକ୍ଷାର ବେଳ ଆସିଛି।କାରଣ ସାରା ପୃଥିବୀ ଏବେ କରୋନା ମାହାମାରୀରୁ ବଂଚିବା ପାଇଁ ଆପ୍ରାଣ ଉଦ୍ୟମ ଜାରି ରଖିଛି। ବିଶ୍ୱର ବଡ଼ ବଡ଼ ଦେଶ ମଧ୍ୟ କରୋନାକୁ ଆୟତ୍ତ କରିବାରେ ବିଫଳ ହେଲେଣି। ହେଲେ ପ୍ରଧାନମନ୍ତ୍ରୀଙ୍କ ଦୂର ଦୃଷ୍ଟି ଏହି ମହାମାରୀକୁ ଆୟତ୍ତ କରିବାରେ କିଛି ମାତ୍ରାରେ ସଫଳ ହୋଇପାରିଛି। ଦେଶରେ ଲକ୍ ଡାଉନ ପାଇଁ ପ୍ରବାସୀ ଶ୍ରମିକଙ୍କୁ ଅନେକ କଷ୍ଟ ସହିବାକୁ ପଡ଼ିଲାଣି ।ସେମାନଙ୍କୁ କିପରି ପୁଣି ରୋଜଗାର କ୍ଷମ କରାଯିବ ତାହା ବର୍ତ୍ତମାନ ସରକାରଙ୍କ ପାଇଁ ଆଉ ଏକ ବଡ଼ ଚ୍ୟାଲେଞ୍ଜ କହିଲେ ଭୁଲ ହେବ ନାହିଁ।ଏହାସହ ଦ୍ୱିତୀୟ ପାଳିର ବର୍ଷ ଆରମ୍ଭରୁ ସରକାର ବେଶ ତତ୍ପରତା ଦେଖାଇଥିଲେ। ଅନେକ ବିବାଦୀୟ ତଥା ବହୁ ପ୍ରତୀକ୍ଷିତ ବିଲକୁ ଉଭୟ ଗୃହରେ ପାରିତ କରିଥିଲେ। ବିରୋଧୀଙ୍କ ସବୁ ଯୋଜନାକୁ ପଣ୍ଡ କରିଥିଲେ ମୋଦି- ଶାହା ଯୋଡି।
ବର୍ଷ ଆରମ୍ଭରୁ ବିରୋଧୀଙ୍କ ସବୁ ରଣନୀତିକୁ ବିଫଳ କରି ଗୋଟେ ପରେ ଗୋଟେ ନୂଆ ଇତିହାସ ଲେଖିଥିଲା ମୋଦି ସରକାର। କାଶ୍ମୀରରୁ ୩୭୦ଧାରା ହଟାଇ ବିରୋଧୀଙ୍କ ନିଦ ହଯାଇ ଦେଇଥିଲେ । ଏତେ ଚତୁରତାର ସହ ବିଲକୁ ଆଣିଥିଲେ ଯେ ବିରୋଧୀ ତାର ସୁରାକ ବି ପାଇନଥିଲେ । ଏହା ପୂର୍ବରୁ କାଶ୍ମୀରର ସୁରକ୍ଷା ବ୍ୟବସ୍ଥା ବଢାଇବା ସହ ସୁଚିନ୍ତିତ ରଣନୀତି କରାଯାଇଥିଲା। ଯାହା କି ବିରୋଧୀଙ୍କ ଚିନ୍ତାର ବାହାରେ ଥିଲା । ପରବର୍ତ୍ତୀ ସମୟରେ ଭାରତର ସର୍ବୋଚ୍ଚ ସୁରକ୍ଷା ଗାନ୍ଧୀ ପରିବାର ଠାରୁ ଉଠାଇଦେଇଥିଲେ। ଯାହାକୁ ନେଇ ସରକାରଙ୍କୁ ବିରୋଧୀ ଘେରିବା ପାଇଁ ଚେଷ୍ଟା କରିଥିଲେ। କିନ୍ତୁ ଶାହାଙ୍କ ଗୋଟି ଚାଳନା ସାମ୍ନାରେ ଫିକା ପଡ଼ି ଯାଇଥିଲେ ବିରୋଧୀ। ଆଉ ପରେ ବହୁ ଚର୍ଚ୍ଚିତ ନାଗରିକ ସଂଶୋଧନ ବିଲ୍ କୁ ପୁଣି ଉଭୟ ଗୃହରେ ପାସ କାରାଗଲା। ଯାହାକୁ ନେଇ ବହୁତ ଦିନ ଯାଏଁ ବିରୋଧର ମଧ୍ୟ ସମ୍ମୁଖୀନ ହୋଇଥିଲେ ସରକାର। ଲୋକସଭାରେ ବିଜେପି ପାଖରେ ବହୁମତ ଥିବାରୁ ଏହା ସେଠି ସହଜରେ ପାସ୍ ହୋଇଗଲା। କିନ୍ତୁ ଏହା ଏକ ଏମିତିକା ବିବାଦୀୟ ବିଲ୍ ଥିଲା କି ରାଜ୍ୟସଭାରେ ପାସ୍ କରିବା କଷ୍ଟକର ପରି ଲାଗୁଥିଲା । କିନ୍ତୁ ସେଠି ମଧ୍ୟ ବିରୋଧୀଙ୍କୁ ଫେଲ୍ ହେବା ପାଇଁ ପଡିଥିଲା। ଏହି ବିଲ୍ ପାସ୍ କରିବା ଶାହାଙ୍କ ଏକ ଚ୍ୟାଲେଞ୍ଜ ଥିଲା କାରଣ ଏ ବିଲକୁ ନେଇ ନିଜ ଲୋକ ମଧ୍ୟ ଶତ୍ରୁ ହେବାର ସମ୍ଭାବନା ଥିଲା। ଏବଂ ବିରୋଧୀଙ୍କ ଆକ୍ରୋଶକୁ ମଧ୍ୟ ସମ୍ନା କରିବାର ଥିଲା।
ସରକାରଙ୍କ ଏହି ପ୍ରଥମ ବର୍ଷରେ ଦୀର୍ଘ ଦିନର ରାମ ଜନ୍ମ ଭୂମି ବିବାଦର ସମାଧାନ ହୋଇଥିଲା। ଏ ଉପରେ ରାୟ ତ ସୁପ୍ରିମକୋର୍ଟଙ୍କର ଦେବାର ଥିଲା। ଏହା ହେଉଛି ଧାର୍ମିକ ଆସ୍ଥାର ବିଷୟ। ଏହାର ରାୟ ଆସିବା ପରେ ଦଙ୍ଗା ହେବାର ଆଶଙ୍କା ମଧ୍ୟ ଥିଲା। କିନ୍ତୁ ସରକାରଙ୍କର ପାରଦର୍ଶିତା ମଧ୍ୟ ଏ ବିପଦରୁ ଦେଶକୁ ଦୂରରେ ରଖିଲା।
ମୋଟ ଉପରେ ଆଲୋଚନା କଲେ ପ୍ରଥମ ବର୍ଷଟି ସରକାରଙ୍କ ପାଇଁ ଏତେ ସହଜ ନଥିଲା।କାରଣ ବହୁତ ବଡ଼ ବଡ଼ ନିଷ୍ପତ୍ତି ନେଇଛନ୍ତି ସରକାର। ଆଉ ସେଥିରେ ସଫଳ ମଧ୍ୟ ହୋଇଛନ୍ତି। ହେଲେ ଏବେ ଦେଶ ସବୁଠାରୁ ବଡ଼ ସଙ୍କଟ ଦେଇ ଗତି କରୁଛି। ଆଉ ଦେଖୁବା ବାକି ରହିଲା ଉଭୟ କରୋନା ଓ କରୋନା ପାଇଁ ବୃତ୍ତି ହରାଇ ଥିବା ଲୋକଙ୍କୁ କିପରି ଥଇଥାନ କରିପାରିବେ। ଆଉ ବିଶ୍ୱ ସହ ତାଳ ଦେଇ ଆର୍ଥନୀତିକୁ କିପରି ଆଗକୁ ନେଉଛନ୍ତି।

ନବ କିଶୋର ସାହୁ

ବିଶେଷ ଦ୍ରଷ୍ଟବ୍ୟ: ଏହି ଲେଖାରେ ପ୍ରକାଶିତ ହୋଇଥିବା ବିଚାର ବା ମତ ସମ୍ପୂର୍ଣ୍ଣ ଭାବେ ଲେଖକଙ୍କର ନିଜସ୍ୱ ଅଟେ । ଏହି ସ୍ତମ୍ଭରେ ପ୍ରକାଶିତ କୌଣସି ଅଂଶ ଲାଗି big newsର ସମ୍ପାଦନା ମଣ୍ଡଳୀ ଦାୟୀ ନୁହଁନ୍ତି ।

ଭୁବନେଶ୍ୱର : ଆଜି ସନ୍ଧ୍ୟା ୫.୩୦ ମିନିଟ୍ ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତ୍ୟେକ  ଓଡ଼ିଆଙ୍କୁ ବନ୍ଦେ ଉତ୍କଳ ଜନନୀ ଗୀତ ଗାନ କରିବାକୁ ଅପିଲ କରିଛନ୍ତି। କରୋନା ଯୋଦ୍ଧାଙ୍କୁ ମନବଳ ବୃଦ୍ଧି ତଥା ସମ୍ମାନ ଜଣାଇବା ପାଇଁ ଏପରି ପ୍ରୟାସ କରାଯାଇଛି । ଏଥିପାଇଁ ପ୍ରତ୍ୟେକ  ଓଡ଼ିଆ  ମୁଖ୍ୟମନ୍ତ୍ରୀଙ୍କ ସହ ଛିଡା ହେବାକୁ ନିବେଦନ କରିଛନ୍ତି ବିଜେଡି ସାଧାରଣ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ। ସେ କହିଛନ୍ତି “ମୁଁ ବି ଗାଇବି , ଆପଣମାନେ ବି ଗାଆନ୍ତୁ। ଯିଏ ଯେଉଁଠି ଅଛନ୍ତି ଠିକ ସନ୍ଧ୍ୟା ୫.୩୦ ମିନିଟ୍ ସମୟରେ ସେଇଠି ଛିଡା ହୋଇ ଓ ସାମାଜିକ ଦୂରତା ବଜାୟ ରହି ବନ୍ଦେ ଉତ୍କଳ ଜନନୀ ଗୀତ ଗାନ କରିବାଜୁ ପ୍ରଣବ ଅପିଲ କରିଛନ୍ତି l ଜିଲାସ୍ତରରେ ବିଜେଡି କର୍ମୀ ଓ ନେତାମାନେ ଏହି କାର୍ଯ୍ୟକ୍ରମକୁ କିପରି ସଫଳ କରିବେ ସେ ନେଇ ପ୍ରଣବ ବିଧାୟକ, ନେତାମାନଙ୍କ ସହ ଆଲୋଚନା କରିଛନ୍ତି l
ମୁଖ୍ୟମନ୍ତ୍ରୀଙ୍କ ସବୁ ଯୋଜନାର ସଫଳ ରୂପାୟନ ପାଇଁ ଦିନ ରାତି କାମ କରିଥାଆନ୍ତି ସେ । ଠିକ୍ ରାଜାଙ୍କର ସେନାପତି ପରି। ଏ କରୋନା ଯୁଦ୍ଧରେ ମଧ୍ୟ ମୁଖ୍ୟମନ୍ତ୍ରୀଙ୍କ ନିର୍ଦେଶରେ  ସେ  ପ୍ରମୁଖ ଭୂମିକା ନେଇ ଲଢ଼ୁଛନ୍ତି । ଆଉ ଲୋକଙ୍କ ପାଖକୁ ଯାଇ ସୁବିଧା ଅସୁବିଧାକୁ ବୁଝୁଛନ୍ତି। ତେଣୁ ସେ ପୁଣି ଲାଗିପଡିଛନ୍ତି,  ମୁଖ୍ୟମନ୍ତ୍ରୀଙ୍କ ଆହ୍ୱାନରେ କରୋନା ଯୋଦ୍ଧାଙ୍କୁ ସମ୍ମାନ ଜଣାଇବା ପାଇଁ। ସେଥିପାଇଁ ରାଜ୍ୟର ପ୍ରତ୍ୟେକ  ଲୋକଙ୍କୁ ସେ ବନ୍ଦେ ଉତ୍କଳ ଜନନି ସଙ୍ଗୀତ ଗାଇବାକୁ ନିବେଦନ କରିଛନ୍ତି। ଆଉ ଦୃଢ଼ ଆଶା ରଖିଛନ୍ତି ପୂର୍ବରୁ ଯେପରି ଓଡ଼ିଶାବାସୀ ପ୍ରିୟ ମୁଖ୍ୟମନ୍ତ୍ରୀଙ୍କ ସହ ଛିଡା ହୋଇଛନ୍ତି । ଏଥର ମଧ୍ୟ ହେବେ।

ଭୁବନେଶ୍ୱର : କରୋନାରେ ଉଜୁଡି ପଡିଥିବା ଅର୍ଥନୀତିର ହେବ ପୁର୍ନରୁଦ୍ଧାର । ଜୀବନଜୀବିକା ସହ ସୃଷ୍ଟି ହେବ ରୋଜଗାର ସୁଯୋଗ । ରାଜ୍ୟ ସରକାର ଘୋଷଣା କଲେ ୧୭ହଜାର କୋଟି ଟଙ୍କାର ମେଗା ପ୍ୟାକେଜ । ଫୋକକ୍ସରେ ରହିବ ଗ୍ରାମୀଣ ଅର୍ଥନୀତି । କରୋନା ବିପର୍ଯ୍ୟୟରେ ବିପର୍ଯ୍ୟସ୍ତ ହୋଇପଡିଛି ରାଜ୍ୟ ଅର୍ଥନୀତି । କେମିତି ହେବ ଏହାର ପୁନରୁଦ୍ଧାର । କେମିତି ଲୋକଙ୍କୁ ମିଳିବ ରୋଜଗାର ସୁବିଧା ଏବଂ କର୍ମସଂସ୍ଥାନ । ଏନେଇ ରାଜ୍ୟ ସରକାର ପ୍ରସ୍ତତ କରିଛନ୍ତି ମେଗା ଯୋଜନା । ୧୭ ହଜାର କୋଟି ଟଙ୍କାର ଏହି ପ୍ୟାକେଜରେ ଗ୍ରାମୀଣ ଅର୍ଥନୀତି ଓ ଜୀବନଜୀବିକାକୁ ସର୍ବାଧିକ ଗୁରୁତ୍ୱ ଦିଅାଯାଇଛି । ଜୁନରୁ ମାଚ୍ର୍ଚ ୨୦୨୧ ମଧ୍ୟରେ ଏହି ଅର୍ଥ ଖଚ୍ର୍ଚ କରାଯିବ ।

କୃଷିକୁ ପ୍ରାଧାନ୍ୟ ଦେଇ ବିନିଯୋଗ ହେବ ୨୦୦ କୋଟି ୨୫ ଲକ୍ଷ ଟଙ୍କା । ଉପକୃତ ହେବେ ୨୫ ଲକ୍ଷ ୫୫ ହଜାର ଚାଷୀ । ରିହାତି ଦରରେ ୧୦ ଲକ୍ଷ ଚାଷୀଙ୍କୁ ମିଳିବ ୫.୫ ଲକ୍ଷ କ୍ୱିଣ୍ଟାନ ଉନ୍ନତମାନର ବିହନ । ୫ଲକ୍ଷ ଚାଷୀଙ୍କୁ ମିଳବ ହାଇବ୍ରିଡ଼ ପରିବା ବିହନ । ୧ ଲକ୍ଷ ଚାଷୀଙ୍କୁ ମିଳିବ ଫଳ ଚାରା । ୬୦ ହଜାର ଚାଷୀଙ୍କୁ ଛତୁ ଚାଷ ପାଇଁ ମିଳିବ ସହାୟତା । ସେହିପରି ସମବାୟ ବିଭାଗ ଜରିଅାରେ ୨୦ ଲକ୍ଷ ଚାଷୀଙ୍କୁ ୯ ହଜାର କୋଟି ଟଙ୍କାର ଖରିପ ଋଣ ଦିଅାଯିବ । ୧୮ ଲକ୍ଷ ଚାଷୀଙ୍କୁ ସୁଧ ରିହାତି ବାବଦରେ ପ୍ରଦାନ କରାଯିବ ୭୦୦ କୋଟି ଟଙ୍କା ।

ପଂଚାୟତିରାଜ ଓ ପାନୀୟ ଜଳ ବିଭାଗ ଦ୍ୱାରା ୨୦ କୋଟି ମାନବ ଦିବସ ସୃଷ୍ଟି ହେବ । ଏଥିପାଇଁ ଖଚ୍ର୍ଚ ହେବ ୫ହଜାର କୋଟି ଟଙ୍କା। ୪୦ ହଜାର ହିତାଧିକାରୀଙ୍କ ଦକ୍ଷତା ବିକାଶ ବାବଦରେ ଖଚ୍ର୍ଚ ହେବ ୧୪୦ କୋଟି ଟଙ୍କା ଏବଂ ମୋ ପୋଖରୀ ଯୋଜନାରେ ୧ଲକ୍ଷ ୫ହଜାର ପୋଖରୀ ଖନନ ପାଇଁ ଖଚ୍ର୍ଚ ହେବ ହଜାରେ କୋଟି ଟଙ୍କା । ମତ୍ସ ଓ ପ୍ରଶୁ ସମ୍ପଦ ବିଭାଗ ଜରୀଅାରେ ସେହିଭଳି ମତ୍ସ୍ୟ ଚାଷୀଙ୍କ ଜୀବନଜୀବିକା ପାଇଁ ଖଚ୍ର୍ଚ ହେବ ୧୭୩ କୋଟି ଟଙ୍କା । ଏଥିରେ ପ୍ରାଥମିକ ମତ୍ସ୍ୟ ସମବାୟ ସମିତିକୁ ସହୟତା ସାଙ୍ଗକୁ ସାମୁଦ୍ରିକ ମତ୍ସ୍ୟଜୀବିକୁଙ୍କୁ ମିଳିବ ପେ୍ରାତ୍ସାହନ । ନୂଅା ବ୍ରଏଲର ଫାର୍ମ ସୃଷ୍ଟି ପାଇଁ ମଧ୍ୟ ଦିଅାଯିବ ସହାୟତା ।

ଏମଏସଏମଇ କେ୍ଷତ୍ରରେ ନିଯୁକ୍ତି ଓ ପୁଂଜିନିବେଶ ସୃଷ୍ଟି ଲକ୍ଷ୍ୟରେ ଧାମରା ଓ ଢେଙ୍କାନାଳରେ ପ୍ରତିଷ୍ଠା ହେବ ଶିଳ୍ପ ପାର୍କ । ଏକ ହଜାର ଏକର ଜମିରେ ପ୍ରତିଷ୍ଠା ହେବ ଏହି ପାର୍କ । ପ୍ରତିଟି ପ୍ରାର୍କରେ ୬ରୁ ୭ହଜାର କୋଟି ଟଙ୍କା ପୁଂଜିନିବେଶ ହେବାର ସମ୍ଭାବନା ରହିଛି । ଧାମରାରେ ୨୦ ହଜାର ଏବଂ ଢେଙ୍କାନାଳରେ ୧୬ହଜାର ନିଯୁକ୍ତି ସୁଯୋଗ ସୃଷ୍ଟି ହେବ । ଜଙ୍ଗଲ ଓ ପରିବେଶ ବିଭାଗ ମଧ୍ୟ କେନ୍ଦୁପତ୍ର ତୋଳାଳୀ ଏବଂ ଅନ୍ୟାନ ଶ୍ରମ ଭିତ୍ତିକ କାର୍ଯ୍ୟ ପାଇଁ ୫୦୫ କୋଟି ଟଙ୍କା ଖଚ୍ର୍ଚ କରିବ । ବୟନ ଓ ହସ୍ତତନ୍ତ ଶିଳ୍ପ ମଧ୍ୟ ବୁଣାକାରଙ୍କ ପାଇଁ ୩୦ କୋଟି ଟଙ୍କା ଖଚ୍ର୍ଚ କରିବ ।

ଭୁବନେଶ୍ୱର : ରାଜ୍ୟରେ କୃଷି କୃଷିଜାତ ଦ୍ରବ୍ୟର ସଂରକ୍ଷଣ, ପରିବହନ ଓ ବଜାରର ଅପ୍ରତ୍ୟାଶିତତା ଯୋଗୁ କେତେକ ଗଠନମୂଳକ ଦୁର୍ବଳତାର ଶିକାର ହେଉଛି । ଏହାର ସମାଧାନ ସହ ଚାଷୀଙ୍କ ମାକେର୍ଟିଂରେ ଦକ୍ଷତା ବୃଦ୍ଧି ପାଇଁ ଚୁକ୍ତିଭିତ୍ତିକ ଚାଷ ମାଧ୍ୟମରେ ଉତ୍ପାଦକଙ୍କୁ ଉତ୍ତମ ମୂଲ୍ୟ ଦେବା ପାଇଁ ଓଡିଶା କୃଷି ଉତ୍ପାଦନ ମାକେର୍ଟ ଅାକ୍ଟରେ ସଂଶୋଧନ କରାଯାଇଛି । କେନ୍ଦ୍ର ସରକାର ମଡେଲ କୃଷି ଉତ୍ପାଦନ ଓ ପଶୁପାଳନ ଚୁକ୍ତିଭିତ୍ତିକ କୃଷି ଏବଂ ସେବା ଅାଇନ ଅନୁୟାୟୀ ଏହି ସଂଶୋଧନ କରାଯାଇଛି । ତଦନୁଯାୟୀ ଚୁକ୍ତିମାନା କଣ୍ଟ୍ରାକ୍ତ ଫାମଂ କରୁଥିବା ଚାଷୀଙ୍କ ସ୍ୱାର୍ଥକୁ ଗୁରୁତ୍ୱ ଦିଅାଯାଇଛି । ଏ ସମ୍ପକତ ବିବାଦର ସମାଧାନ ପାଇଁ ସେଟଲମେଣ୍ଟ ଅଥୋରିଟି ଗଠନ କରାଯାଇଛି । ଏହାଦ୍ୱାରା ରାଜ୍ୟରେ କୃଷି କେ୍ଷତ୍ରରେ ଅଧିକ ପୁଂଜିନିବେଶର ସୁଯୋଗ ସୃଷ୍ଟି ହେବ ।ରାଜ୍ୟର ବିଭିନ୍ନ ପର୍ଯ୍ୟଟନସ୍ଥଳୀକୁ ପୁଂଜିନିବେଶକାରୀଙ୍କୁ ଅାକୃଷ୍ଟ କରିବା ପାଇଁ ଓଡିଶା ପର୍ଯ୍ୟଟନ ନୀତି ୨୦୧୧୬ରେ ସଂଶୋଧନ କରାଯାଇଛି । ଏଣିକି ପର୍ଯ୍ୟଟନ ଶିଳ୍ପ ପାଇଁ ଜମି ଅାବଣ୍ଟନ ପ୍ରକ୍ରିୟା ଇଡକୋ ଦ୍ୱାରା କରାଯିବ । ସେହିଭଳି ଅାସ୍କା ସମବାୟ ଚିନି ଶିଳ୍ପ ଅାଖୁଚାଷୀଙ୍କ ଠାରୁ କିଣିଥିବା ଅାଖୁର ପ୍ରାପ୍ୟ ପ୍ରଦାନ କରିବାକୁ ରାଜ୍ୟ ସରକାର ୧୫ କୋଟି ଟଙ୍କାର ଋଣ ଜାମିନ ଦେବେ । ଅାଜି ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଏହି ନିଷ୍ପତ୍ତି ନିଅାଯାଇଛି । କୃଷି ଓ ଅାନୁସଙ୍ଗିକ ବିଷୟର ୟୁଜି ପାଠ୍ୟକ୍ରମକୁ ବୃତ୍ତିଗତ ଡୀଗ୍ରୀ ମାନ୍ୟତା ଦିଅାଯାଇଛି । ଅଙ୍ଗନୱାଡି କେନ୍ଦ୍ରରେ ନାମ ଲେଖାଇଥିବା ୩ରୁ ୬ ବର୍ଷର ପ୍ରାକ ବିଦ୍ୟାଳୟ ଶିଶୁଙ୍କୁ ଦୁଇ ହଳ ୟୁନିଫର୍ମ ସହ ଜୋତା, ମୋଜା ଓ ସେ୍ୱଟର ପ୍ରଦାନ କରାଯିବ । କୃଷି କେ୍ଷତ୍ରରେ ବଜାର ବ୍ୟବସ୍ଥାରେ ସଂସ୍କାର ଅାଣିବାକୁ କୃଷି ଉତ୍ପାଦନ ଓ ପଶୁ ସମ୍ପଦ ମାକେର୍ଟିଂ ଅଡନାନ୍ସକୁ କ୍ୟାବିନେଟ ମଂଜୁରୀ ଦେଇଛି । ଏଥିରେ ରାଜ୍ୟ ସ୍ତରୀୟ ଏକକ ବଜାର ବ୍ୟବସ୍ଥାକୁ ରଦ୍ଦ କରାଯାଇଛି । ବେସରକାରୀ ମାକେର୍ଟ ୟାର୍ଡ ଏବଂ କୃଷକ ଉପଭୋକ୍ତା ବଜାର ୟାର୍ଡ, ସବ ମାକେର୍ଟ ୟାର୍ଡ ଦ୍ୱାରା କୃଷକଙ୍କ ପାଇଁ ବଜାର ସୃଷ୍ଟି କରାଯିବା ସହ ବଜାର ଖେଳାଳିଙ୍କ ମଧ୍ୟରେ ପ୍ରତିଯୋଗିତା ବୃଦ୍ଧି ପାଇବ । ଓଡିଶା ଅକ୍ଷୟ ଉର୍ଜା ବିକାଶ ସଂସ୍ଥାନ ବା ଓରେଡାକୁ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ବିଭାଗରୁ ଶକ୍ତି ବିଭାଗକୁ ସ୍ଥାନାନ୍ତର କରାଯାଇଛି ।

ବାଲେଶ୍ୱର ସଦର ତହସିଲରେ ପ୍ରତିଷ୍ଠା ହେବ ଏନଡିଅାରଏଫ ମୁଣ୍ଡଳୀ ୟୁନିଟର ଗୋଟିଏ କମ୍ପାନି । ଏଥିପାଇଁ ରାଜ୍ୟ ସରକାର ୩.୫ ଏକର ଜମି ଯୋଗାଇଦେବେ । ରେଙ୍ଗାଲି ବାମ ପାଶ୍ର୍ୱ କେନାଲ ନିର୍ମାଣ ପାଇଁ ୨୨୫୫ କୋଟି ୩୦ ଲକ୍ଷ ଟଙ୍କା ପ୍ରକଳ୍ପ ପାଇଁ ଅନୁମୋଦିତ ଟେଣ୍ଡରକୁ କ୍ୟାବିନେଟ ମଂଜୁରୀ ଦେଇଛି । ଓଏଫଏସ କ୍ୟାଡରରେ ୧୦୪ଟି ଏବଂ ଓଏଏସ ସ୍ତରରେ ୧୯୨ଟି ନୂଅା ପଦବୀ ସୃଷ୍ଟିକୁ କ୍ୟାବିନେଟ ମଂଜୁରୀ ଦେଇଛି । କାରାଖାନା ଅାଇନରେ ସଂଶୋଧନ କରାଯାଇ ଶ୍ରମିକଙ୍କ ତେ୍ରୖମାସିକ ଓଭର ଟାଇମ ସମୟ ସୀମାକୁ ବୃଦ୍ଧି କରାଯାଇଛି ।