ଦେବଗଡ଼ : ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କ ଆହ୍ୱାନ କ୍ରମେ କୋଭିଡ ଯୋଦ୍ଧାମାନଙ୍କୁ ସମ୍ମାନ ପ୍ରଦାନ କରିବା ପାଇଁ ଆଜି ୫.୩୦ ସମୟରେ ଦେବଗଡ଼ ବିଜୁ ଜନତା ଦଳ ପକ୍ଷରୁ ସମଗ୍ର ଜିଲ୍ଲାରେ ବନ୍ଦେ ଉତ୍କଳ ଜନନୀ ଗାନ କରାଯାଇଥିଲା । ଜିଲ୍ଲା ସଭାପତି ରମାଞ୍ଚ ରଂଜନ ବିଶ୍ୱାଳ ଙ୍କ ନେତୃତ୍ୱରେ ସ୍ଥାନୀୟ ଟ୍ରାଫିକ ଛକ ଠାରେ ବହୁ ନେତା ଓ କର୍ମୀ ମାକ୍ସ ପିନ୍ଧିବା ସହ ସାମାଜିକ ଦୂରତ୍ୱ ମାନି ସଙ୍ଗୀତ ଗାନ କରିଥିଲେ ।ଏଥିରେ ରାଜ୍ୟ ପରିଷଦ ସଦସ୍ୟ ସୁଜିତ କୁମାର ପ୍ରଧାନ , ଜିଲ୍ଲା ବିଜେଡି କୃଷକ ସେଲ ସଭାପତି ଚିତ୍ତ ରଂଜନ ପ୍ରଧାନ , ନଗର ସଭାପତି ଶୁକ ଦେବ ଭଞ୍ଜ ଙ୍କ ସମେତ ଅନ୍ୟ ଛାମୁଆ ସଂଗଠନ ର କର୍ମକର୍ତ୍ତା ଯୋଗ ଦେଇ କରୋନା ଯୋଦ୍ଧା ଙ୍କୁ ସଂମାନ ଜଣାଇଥିଲେ ।ସେହିପରି ଜିଲ୍ଲାର ସମସ୍ତ ପଂଚାୟତ ରେ ବିଜେଡି କର୍ମୀ ବୃନ୍ଦ ବନ୍ଦେ ଉତ୍କଳ ଜନନୀ ଗାନ କରିଥିଲେ ।

ଭୁବନେଶ୍ୱର :  ଓଡିଶା ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀଯୁକ୍ତ ନିରଞ୍ଜନ ପଟ୍ଟନାୟକ ଙ୍କ ଅଧକ୍ଷତାରେ କଂଗ୍ରେସ ଭବନ ପରିସରରେ ମହାମାରୀ କରୋନା କୁ ପ୍ରତିହତ କରିବା ନିମନ୍ତେ  କାର୍ଯ୍ୟରତ  ସମସ୍ତ ବର୍ଗର ଭାଇ ଓ ଭଉଣୀ ମାନଙ୍କୁ ଶ୍ରୀଯୁକ୍ତ ପଟ୍ଟନାୟକ କୃତଜ୍ଞତା ଜଣାଇଥିଲେ । ଆପଣମାନଙ୍କର ନିରନ୍ତର ସାଧୁ ଉଦ୍ୟମକୁ ଆହୁରି ଊସ୍ଛାହିତ କରିବା ଉଦେଶ୍ୟରେ ଦଳତରଫରୁ ସଂଧ୍ୟା ୫ ଘଟିକା ସମୟରେ ଜାତୀୟ ସଂଗୀତ \”ଜନଗଣମନ\”, ଓ ୫ ଘଟିକା ୩୦ମି.ରେ ବନ୍ଦେ ଉତ୍କଳ ଜନନୀ ସମେତ ଦେଶାତ୍ମବୋଧକ ସଂଗୀତ ସହ ଗାନ୍ଧିଜୀଙ୍କ ପ୍ରିୟ ଭଜନ ରଘୁପତି ରାଘବ ରାଜାରାମ ଆଦି ସଂଧ୍ୟା ୬ ଘଟିକା ପର୍ଯ୍ୟନ୍ତ ପରିବେଷଣ କରାଯାଇଥିଲା ।.ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଅପରିଣାମଦର୍ଶିତା ,ପରିଚାଳନାଗତ ତ୍ରୁଟି ଓ ଅଦୂରଦର୍ଶିତା ଯୋଗୁଁ ଉତ୍କଳ ମାତା ର ଲକ୍ଷ ଲକ୍ଷ ସନ୍ତାନ ପ୍ରବାସରେ ଅସହ୍ୟ ଯନ୍ତ୍ରଣାରେ ଆଜି ବି ଛଟପଟ ହେଉଛନ୍ତି । କିଏ ଆସୁ ଆସୁ ବସ ଦୁର୍ଘଟଣାରେ ତ କିଏ ରେଳଲାଇନ ରେ ଅବା ଚାଲିଚାଲି ଆସୁଥିବାବେଳେ ଦୟନୀୟ ଅବସ୍ଥାରେ ମୃତ୍ୟୁବରଣ କଲେ । ଦିବଂଗତ ଆତ୍ମା ର ସଦଗତି କାମନା ପାଇଁ ୨ ମିନିଟ ର ନିରବ ପାର୍ଥନା କରାଯିବାସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜ୍ଞାପନ କରାଯାଇଥିଲା । ଉକ୍ତ କାର‌୍ୟ୍ୟକ୍ରମରେ ଅଖିଳ ଭାରତ କଂଗ୍ରେସ କମିଟି ସାଧାରଣ ସମ୍ପାଦକ ଶ୍ରୀଯୁକ୍ତ ରାମଚନ୍ଦ୍ର ଖୁଣ୍ଟିଆ ,ପ୍ରାକ୍ତନ ପିସିସି ସଭାପତି ଶ୍ରୀଯୁକ୍ତ ଜୟଦେବ ଜେନା ସଙ୍ଗୀତଜ୍ଞ ଆଶା ଆଲୋକ ବାରିକ ଓ ପ୍ରଭାସିନୀ ରାଉତ ଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ । ଅନ୍ୟମାନଙ୍କ ମଧ୍ୟରେ ପ୍ରାକ୍ତନ ପିସିସି ସଭାପତି ଶ୍ରୀଯୁକ୍ତ ପ୍ରସାଦ ହରିଚନ୍ଦନ ,ପ୍ରାକ୍ତନ ମନ୍ତ୍ରୀ ଜଗନ୍ନାଥ ପଟ୍ଟନାୟକ ,ବିଜୟଲକ୍ଷ୍ମୀ ସାହୂ,ଆଇନଜୀବୀ ଶିବାନନ୍ଦ ରାୟ ,ଶୁଭେନ୍ଦୁ ମହାନ୍ତି ,ରଶ୍ମି ମହାପାତ୍ର ,ଜାନକୀ ବଲ୍ଲଭ ପଟ୍ଟନାୟକ , ସତ୍ୟ ପ୍ରକାଶ ନାୟକ ,ମନୋରଞ୍ଜନ ଦାଶ ,କିଶୋର ଜେନା ,ଚିନ୍ମୟ ସୁନ୍ଦର ଦାଶ ,ପଦ୍ମାକର ଗୁରୁ ,ଜ୍ଞାନଦେବ ବେଉରା,ଅଭିଷେକ ମହାନନ୍ଦ ,ରାଜୀବ ପଟ୍ଟନାୟକ ,ଅଜିତ ମଙ୍ଗରାଜ,ବୀଣାପାଣି ସାମଲ ,ଶୁଭଶ୍ରୀ ପଣ୍ଡା, ପ୍ରଶାନ୍ତ ଶତପଥୀ, ଦୀପକ କୁମାର ମହାପାତ୍ର , ସୁଶାନ୍ତ ତ୍ରିପାଠୀ,ଦେବୀ ପ୍ରସାଦ ମଲ୍ଲିକ, କୁସୁମ ପ୍ରଧାନ ,ସ୍ୱାଧିନବାଳା ଦାଶ ,ନରେଶ ମହାନ୍ତି ,ନିରଞ୍ଜନ ନାୟକ ,ଦେଓ ପ୍ରାସାଦ ,ସତ୍ୟବ୍ରତ ନାୟକ ,ଦୀପକ ସାହୂ ,ସରୋଜ ପରିଡା ,ଆଦିତ୍ୟ ପ୍ରିତମ ଦାଶ ,ବିରଂଚି ବାରିକ ,ମାନସ ଆଚାର‌୍ୟ୍ୟ , ପ୍ରକାଶ ମିଶ୍ର ,କନକଲତା ମଲ୍ଲିକ ହଳଧର ସେଠୀ, ଯୋଗୀନାଥ ବାହୁବଳେନ୍ଦ, ଲଲାଟେନ୍ଦୁ ଦାସ, ରାଜକିଶୋର ବାରିକ୍‌, ଦେବୀ ପ୍ରସାଦ ବାହାଲିଆ, ସଂଜୀବ ମହାନ୍ତି, ଜୟକୃଷ୍ଣ ସୁବୁଦ୍ଦି, ବିଜୟ ପ୍ରଧାନ, ଜୟକୃଷ୍ଣ ମାଲିଆ, ନିରୋଦ ବରଣ ଖୁଂଟିଆ, ସତ୍ୟସ୍ମିତ ମହାନ୍ତି, ତରୁଣ ମିଶ୍ର, ବିଶ୍ୱଜିତ୍ ଦାଶ, ବଟକୃଷ୍ଣ ରାଉତରାୟ, ରତ୍ନାକର ବେହେରା, ଜ୍ୟୋତିଷ ସାହୁ, ବେଣୁ ଭୋଇ, ସତ୍ୟବ୍ରତ ଗୁରୁ, ବିନୋଦ କୁମାର ରାଉତ, ନଳୀନକାନ୍ତ ନାୟକ, ସଂକୁନା କହଁର, ମନୋଜ ନାୟକ, ୟାସିର ନୱାଜ, ସମ୍ଭଭ ପଟ୍ଟନାୟକ ପ୍ରମୁଖ ଯୋଗଦେଇଥିଲେ । ଜଟଣୀର ମାନନୀୟ ବିଧାୟକ ବରିଷ୍ଠ କଂଗ୍ରେସ ନେତା ଶ୍ରୀଯୁକ୍ତ ସୁରେଶ କୁମାର ରାଉତରାୟ ଧନ୍ୟବାଦ ଅର୍ପଣ କରିଥିଲେ ।

ଭୁବନେଶ୍ୱର : 5ଟା 30ମିନିଟ ସମୟରେ ବିଜୁ ଜନତା ଦଳ ରାଜ୍ୟ କାର୍ଯ୍ୟାଳୟରେ “ବନ୍ଦେ ଉତ୍କଳ ଜନନୀ” ସଙ୍ଗୀତ ଗାନ କରାଯାଇଛି। ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ତଥା ବିଜୁ ଜନତା ଦଳର ରାଜ୍ୟ ସଭାପତି ଶ୍ରୀଯୁକ୍ତ ନବୀନ ପଟ୍ଟନାୟକ ଆହ୍ୱାନ ଦେଇଥିଲେ ସାଢ଼େ 4କୋଟି ଓଡିଶାବାସୀ ରାଜ୍ୟ, ଦେଶ ଏବଂ ବିଦେଶ ପର୍ଯ୍ୟନ୍ତ କରୋନା ମହାମାରିକୁ ମୁକାବିଲା କରୁଥିବା ସମସ୍ତ ଡାକ୍ତର, ଆଶାକର୍ମୀ, ପୋଲିସ, ଅଙ୍ଗନବାଡି କର୍ମୀ, ସରପଞ୍ଚ ଏବଂ ସଫେଇ କର୍ମଚାରୀଙ୍କ ଉଦ୍ଧେଶ୍ୟରେ ସେମାନଙ୍କ ମନୋବଳକୁ ସୁଦୃଢ ତଥା ସମ୍ମାନିତ କରିବା ପାଇଁ ସମୂହ ବନ୍ଦେ ଉତ୍କଳ ଜନନୀ ଗାନ କରନ୍ତୁ। ଏହି ଅବକାଶରେ ମାନ୍ୟବାର ବିଧାୟକ ତଥା ବିଜୁ ଜନତା ଦଳ ରାଜ୍ୟ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ନେତୃତ୍ୱରେ ରାଜ୍ୟ କାର୍ଯ୍ୟାଳୟଠାରେ ସମୂହ ବନ୍ଦେ ଉତ୍କଳ ଜନନୀ ଗାନ କରାଯାଇଥିଲା l  ଉତ୍ସବରେ ଯୋଗଦେଇ ରାଜ୍ୟ ଯୋଜନା ବୋର୍ଡ଼ ଉପାଧକ୍ଷ ସଞ୍ଜୟ ଦାସବର୍ମା ଗଣମାଧ୍ୟମକୁ କହିଥିଲେ, ଆଜି ଓଡ଼ିଆଜାତି କାରୋନା ମହାମାରିକୁ ମୁକାବିଲା ପାଇଁ ଏକାଠି ହୋଇଛି, ଯାହାର ନେତୃତ୍ୱ ପୁରଭାଗରେ ନେଇଛନ୍ତି ସାଢ଼େ 4 କୋଟି ଓଡ଼ିଆଙ୍କ ପ୍ରିୟନେତା ନବୀନ ପଟ୍ଟନାୟକ। ‘ବନ୍ଦେ ଉତ୍କଳ ଜନନୀ’ ସଙ୍ଗୀତ ଓଡ଼ିଆଜାତିକୁ ଅଭିମନ୍ତ୍ରିତ କରିଛି । ନବୀନ ବାବୁଙ୍କ ଆହ୍ୱାନ ଆଜି ସରା ଓଡ଼ିଆ ଜାତିକୁ କେବଳ ଏକାଠି କରିନାହିଁ ବରଂ ଏହି କଠିନ ସମୟରେ ଦେଶସେବା ପାଇଁ ଉତ୍ସର୍ଗୀକୃତ ମନୋଭାବକୁ ଆହୁରି ପ୍ରେରଣା ଦେଇଛି। ଏହି ଅବସରରେ ଦଳର ସାଧାରଣ ସମ୍ପାଦକ ମାନସ ମଙ୍ଗରାଜ, ଭୁବନେଶ୍ୱର ଜିଲ୍ଲା ସଭାପତି ତଥା ବିଧାୟକ ଅନନ୍ତ ନାରାୟଣ ଜେନା, ବିଧାୟକ ସୁଶାନ୍ତ କୁମାର ରାଉତ, ବିଧାୟିକା ପ୍ରମିଳା ମଲ୍ଲିକ, ବିଜୟ ନାୟକ, ଅମରେଶ ପତ୍ରି, ରଣା ପ୍ରତାପ ପତ୍ର, କସ୍ତୁରୀ ମହାପାତ୍ର, ଗୀତାଞ୍ଜଳି ବସ୍ତିଆ, ରବି ସାମଲ, ଅମରେଶ ଜେନା ପ୍ରମୁଖ ଉପସ୍ଥିତ ଥିଲେ।
ରାଜ୍ୟବ୍ୟାପୀ ମାନ୍ୟବାର ମୁଖ୍ୟମନ୍ତ୍ରୀଙ୍କ ଆହ୍ୱାନକୁ ସମ୍ମାନ ଜଣାଇ ଏହି କାର୍ଯ୍ୟକ୍ରମକୁ ସଫଳ କରିଥିବା ଓଡ଼ିଶାର ଅଗଣିତ ଜନସାଧାରଣ, ବିଜୁ ଜନତା ଦଳର କର୍ମୀ ତଥା ନେତୃମଣ୍ଡଳୀଙ୍କ ସମେତ ସମସ୍ତ ବିରୋଧୀ ଦଳ ଓ ଅନ୍ୟାନ୍ୟ ସାମାଜିକ ଅନୁଷ୍ଠାନ ଏହି ମହାନ କାର୍ଯ୍ୟରେ ନିଜକୁ ସାମିଲ କରିଥିବାରୁ ବିଜୁ ଜନତା ଦଳ ପକ୍ଷରୁ ଧନ୍ୟବାଦ ଜଣାଉଛୁ।

• ନୂଆଦିଲ୍ଲୀ: ଆଜି ମୁଖ୍ୟମନ୍ତ୍ରୀଙ୍କ ଆହ୍ୱାନରେ ସାରା ରାଜ୍ୟରେ “ବନ୍ଦେ ଉତ୍କଳ” ଜନନୀ  ସଙ୍ଗୀତ ଗାନ କରାଯାଇଛି। ଯାହାର ମୁଖ୍ୟ ଉଦ୍ଦେଶ୍ୟ ହେଉଛି କରୋନା ଯୋଦ୍ଧାଙ୍କୁ ସମ୍ମାନ ଜଣାଇବା ଓ ତାଙ୍କ ସହ ସମ୍ପୂର୍ଣ୍ଣ ଓଡ଼ିଆ ଜାତି ଠିଆ ହୋଇଛି। ସେହି ବାର୍ତ୍ତା ଦେବା। ଯେଉଁଥି ପାଇଁ କି ମୁଖ୍ୟମନ୍ତ୍ରୀଙ୍କ ଠାରୁ ଆରମ୍ଭ କରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ବନ୍ଦେ ଉତ୍କଳ ଜନନୀ ସଙ୍ଗୀତ ଗାନ କରିଥିଲେ।
  କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ତାଙ୍କ ପରିବାରେ ‘ବନ୍ଦେ ଉତ୍କଳ ଜନନୀ’ ଗାନ କରି କରୋନା ଯୋଦ୍ଧାଙ୍କୁ ସମ୍ମାନ ଜଣାଇଛନ୍ତି । ଏହାସହ ସେ ସୋସିଆଲ ମିଡିଆ ମାଧ୍ୟମରେ ଉଲ୍ଲେଖ କରିଛନ୍ତି, ‘ଆଜି ସପରିବାର ବନ୍ଦେ ଉତ୍କଳ ଜନନୀ ସଙ୍ଗୀତ ଗାନ କରି ଆମ ରାଜ୍ୟର କରୋନା ଯୋଦ୍ଧା ମାନଙ୍କୁ ସମ୍ମାନିତ କରିବା ସହ ସେମାନଙ୍କୁ ଉତ୍ସାହିତ କଲି । କରୋନା ମହାମାରୀର ଭୟାବହ ପରିସ୍ଥିତି ସମୟରେ ନିଜ ଜୀବନକୁ ପାଣି ଛଡାଇ ଦେଶବାସୀଙ୍କ ଜୀବନ ରକ୍ଷା କରିବାକୁ ଆସୁଥିବା କରୋନା ଯୋଦ୍ଧାମାନେ ପ୍ରଶଂସାର ପାତ୍ର ।