ଭୁବନେଶ୍ୱର : ବହୁ ତର୍କ ବିତର୍କ ପରେ ରାଜ୍ୟସଭାରେ ପାସ୍ ହେଲା ନାଗରିକ ସଂଶୋଧନ ବିଲ୍ । ହେଲେ ପୂର୍ଵ ଉତ୍ତର ଭାରତରେ ଜନ ଅସନ୍ତଷ ଉଗ୍ର ଆନ୍ଦୋଳନର ରୂପ ନେଲାଣି।ଯାହାକି ସରକାରଙ୍କ ଚିନ୍ତାର କାରଣ ପାଲଟିଛି।
ଆଜି ଦିନ ତମାମ ନାଗରିକ ସଂଶୋଧନ ବିଲ୍ କୁ ନେଇ ଆସାମରେ ଲୋକମାନେ ରାସ୍ତା ଉପରେ ବିରୋଧ ପ୍ରଦର୍ଶନ କରିଛନ୍ତି। ଏହି ବିଲ୍ ପାସ୍ ହେଲା ପରେ ଆନ୍ଦୋଳନ ଆହୁରି ତୀବ୍ର ହୋଇଛି। ସେଥିପାଇଁ ସରକାର ଅନେକ ସ୍ଥାନରେ କର୍ଫ୍ୟୁ କରିଛନ୍ତି।ଏବଂ ୧୦ ଜିଲ୍ଲାରେ ଇଣ୍ଟରନେଟ ସେବାକୁ ମଧ୍ୟ ବନ୍ଦ କରିଦିଆଯାଇଛି। ସୁରକ୍ଷାକୁ ଦୃଷ୍ଟିରେ ରଖି ଅଧିକ ପାରାମିଲିଟାରୀ ଫୋର୍ସ ମୁତୟନ କରାଯିବାପାଇଁ ସରକାର ଆଦେଶ ଦେଇଛନ୍ତି। ବିଲ୍ କୁ ବିରୋଧ କରି ରାସ୍ତାରେ ଟାୟାର ଜାଳି ଲୋକେ ପ୍ରତିବାଦ କରୁଛନ୍ତି।
ବହୁ ତର୍କ ବିତର୍କ ପରେ ରାଜ୍ୟ ସଭାରେ ନାଗରିକ ସଂଶୋଧନ ବିଲ୍ ପାସ୍ ହୋଇଛି। ଏହି ବିଲ୍ ସପକ୍ଷରେ ୧୨୫ ଭୋଟ୍ ପଡିଥିବା ବେଳେ ବିପକ୍ଷରେ ୧୦୫ ଖଣ୍ଡ ଭୋଟ୍ ପଡିଥିଲା। ଏହା ପାସ୍ ହେବା ପରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଏହି ଦିନକୁ ଭାରତ ଇତିହାସରେ କଳା ଦିବସ ବୋଲି କହିଛନ୍ତି। ଅନ୍ୟ ପକ୍ଷରେ ଏହା ଏକ ଐତିହାସିକ ଦିବସ ବୋଲି ବିଜେପି କହିଛି।

ଭୁବନେଶ୍ୱର : ଭଦ୍ରକ ଜିଲା ମୁଖ୍ୟ ଚିକିତ୍ସାଳୟରେ ୫ଟି ସଚିବ ପାଣ୍ଡିଆନଙ୍କ ସହ ୩ ଜଣିଆ ଟିମ ଅଚାନକ ଗ୍ରସ୍ତ କରିଛନ୍ତି । ୫ଟି ସଚିବ ଭି. କାର୍ତ୍ତିକେୟ ପାଣ୍ଡିଆନ, ଶାଳିନୀ ମହାନ୍ତି ଓ ସୁରେଶ ମହାପାତ୍ର ବିଭିନ୍ନ ଓ୍ବାର୍ଡ ବୁଲି ଦେଖିଛନ୍ତି । ପଣ୍ଡିଆନ ମେଡିକାଲ ପରିଦର୍ଶନ କରି ରୋଗୀଙ୍କୁ ସ୍ବାସ୍ଥ୍ୟ ବିଭାଗ ପକ୍ଷରୁ ଦିଆଯାଉଥିବା ସୁବିଧା ସମ୍ୱନ୍ଧରେ ପଚାରି ବୁଝିଛନ୍ତି ।

ମାତ୍ର ଅଚାନକ ପାଣ୍ଡିଆନଙ୍କ ଗସ୍ତକୁ ନେଇ ମେଡିକାଲ କର୍ମଚାରୀ ଛାନିଆ ହୋଇଯାଇଥିଲେ । ମୋ ସରକାର ଓ ୫ ଟି ଲାଗୁହେବା ପରେ ଏହା ମେଡିକାଲକୁ ୫ଟି ସଚିବଙ୍କ ପ୍ରଥମ ଗସ୍ତ । ମେଡିକାଲର ବିଭିନ୍ନ ସମସ୍ୟା ନେଇ ରୋଗୀ ଓ କର୍ତୃପକ୍ଷଙ୍କ ସହ ଆଲୋଚନା କରିଥିଲେ ସଚିବ । ବିଭିନ୍ନ ୱାର୍ଡରେ ଚିକିତ୍ସା ହେଉଥିବା ରୋଗୀ ମାନଙ୍କ ସହ କଥା ହେବା ସହ ମେଡିକାଲରେ ଥିବା ସମସ୍ୟା ଗୁଡିକ ବିଷୟରେ ଭାରପ୍ରାପ୍ତ ଜ଼ିଲ୍ଲାପାଳ ଓ ମେଡିକାଲ କର୍ତୃପକ୍ଷଙ୍କ ସହ ଆଲୋଚନା କରିଥିଲେ । ସଚିବଙ୍କ ସହ ସ୍ୱାସ୍ଥ୍ୟ ସଚିବ, ଭାରପ୍ରାପ୍ତ ଜ଼ିଲ୍ଲାପାଳ, ସିଡିଏମଓ ଉପସ୍ଥିତ ରହି ମେଡିକାଲର ସମସ୍ୟା ସମ୍ପର୍କରେ ଆଲୋଚନା କରିଥିଲେ । ପରେ ଶିଶୁ ଯତ୍ନ କେନ୍ଦ୍ର ସିଆର.ଏସ.ଆର କୁ ଯାଇ ପିଲାମାନଙ୍କ ସୁବିଧା ଅସୁବିଧା ପଚାରି ବୁଝିବା ସହ ସେମାନଙ୍କ ସହ ଭୋଜନ କରିଥିଲେ ।

ଭୁବନେଶ୍ୱର ବସ୍ତି ବାସିନ୍ଦାଙ୍କୁ ଜମି ଅଧିକାର ବା ରାଜ୍ୟ ସରକାରଙ୍କ ଜାଗା ମିଶନକୁ ମିଳିଛି ବିଶ୍ବସ୍ତରୀୟ ମାନ୍ୟତା । ଓଡିଶାର ଏହି ଅଭିନବ କାର୍ଯ୍ୟକ୍ରମ ପାଇଁ ୱାର୍ଲଡ ହାବିଟାଟ ଓ ୟୁନ-ହାବିଟାଟ ପକ୍ଷରୁ ମିଳିତ ଭାବେ ତାମ୍ର ପଦକ ମିଳିଛି । ବିଶ୍ବସ୍ତରରେ ଅଭିନବ ବାସଗୃହ ଯୋଜନା ବା କାର୍ଯ୍ୟକ୍ରମକୁ ପ୍ରତିବର୍ଷ ଏହିଭଳି ପୁରସ୍କାର ମିଳିଥାଏ । ଚଳିତ ବର୍ଷ ଓଡିଶାକୁ ପ୍ରଥମ ଥର ପାଇଁ ଏହି ମାନ୍ୟତା ମିଳିଛି । ଏହି ପୁରସ୍କାର ମିଳିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଇଁ ଗର୍ଵ ଅନୁଭବ କରିଛନ୍ତି ଯାଜପୁର ବିଧାୟକ ପ୍ରଣବ ପ୍ରକାଶ ଦାସ l ଜାଗା ମିଶନକୁ ବସ୍ତି ବାସିନ୍ଦାଙ୍କୁ ଜମି ଅଧିକାର ପ୍ରଦାନ ଦିଗରେ ବିଶ୍ବର ସର୍ବବୃହତ ଯୋଜନା ଭାବେ ସ୍ବୀକୃତି ମିଳିଛି । ଏହି ଯୋଜନାରେ ବସ୍ତିରେ ରହୁଥିବା ଲକ୍ଷାଧିକ ସହରୀ ଗରିବଙ୍କୁ ସାମାଜିକ ସୁରକ୍ଷା ଦିଆଯିବ । ତେଣୁ ନବୀନଙ୍କ ସରକାରରେ ପ୍ରଣବ ଅଂଶ ହୋଇଥିବାରୁ ନିଜେ ଗର୍ଵ ଅନୁଭବ କରୁଛନ୍ତି ବୋଲି ଟ୍ୱଟିରେ ଲେଖିଛନ୍ତି l
2018 ମେ ମାସରେ ଆରମ୍ଭ ହୋଇଥିବା ଏହି ଯୋଜନା ଟାଟା ଟ୍ରଷ୍ଟ ଓ ନର୍ମାନ ଫାଉଣ୍ଡେସନ ଦ୍ବାରା କାର୍ଯ୍ୟକାରୀ କରାଯାଉଛି । ଏହି ଯୋଜନାରେ ସହରାଞ୍ଚଳର ସବୁ ବସ୍ତିକୁ ରହିବା ଉପଯୋଗୀ ବାସଗୃହରେ ରୂପାନ୍ତରିତ କରିବାକୁ ଲକ୍ଷ୍ୟ ରଖାଯାଇଛି । ବର୍ତ୍ତମାନ ସୁଦ୍ଧା ଜାଗା ମିଶନରେ 52ହଜାର 682 ପରିବାରକୁ ଜମି ଅଧିକାର ମିଳିସାରିଛି । 1725ଟି ବସ୍ତିକୁ ଡ୍ରୋନ ଓ ଜିଆଇଏସ ଜ୍ଞାନକୌଶଳରେ ସର୍ଭେ କରାଯାଇଛି । ନିଜସ୍ବ ଜ୍ଞାନକୌଶଳରେ ଗୋଷ୍ଠି ସହଯୋଗରେ ବିନା ବାଦବିବାଦରେ ଏକ ନିର୍ଦ୍ଧାରିତ ସମୟ ସୀମା ମଧ୍ୟରେ ଏହି ଯୋଜନାକୁ କାର୍ଯ୍ୟକାରୀ କରାଯାଉଛି । ଏବେ 255ଟି ବସ୍ତିକୁ ରହିବା ଉପଯୋଗୀ ବାସସ୍ଥଳୀରେ ରୂପାନ୍ତରିତ କରାଯାଉଛି ।

ଏହି ପୁରସ୍କାର ଘୋଷଣା ହେବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୃହ ଓ ନଗର ଉନ୍ନୟନ ବିଭାଗ, ଟାଟା ଟ୍ରଷ୍ଟ ଏବଂ ନର୍ମାନ ଫାଉଣ୍ଡେସନକୁ ଅଭିନନ୍ଦନ ଜଣାଇବା ସହ 17 ଲକ୍ଷ ସହରୀ ବସ୍ତିବାସିନ୍ଦାଙ୍କୁ ସଶକ୍ତ କରିବାକୁ ପ୍ରଚେଷ୍ଟା ଜାରି ରହିବ ବୋଲି କହିଛନ୍ତି ।

ଟାଟା ଟ୍ରଷ୍ଟର ଅଧ୍ୟକ୍ଷ ରତନ ଟାଟା ମୁଖ୍ୟମନ୍ତ୍ରୀ ଓ ତାଙ୍କ ପୂରା ଟିମକୁ ଅଭିନନ୍ଦନ ଜଣାଇଛନ୍ତି । ୱାର୍ଲଡ ହାବିଟାଟ ପୁରସ୍କାର ଦ୍ବାରା ସହରୀ ଗରିବଙ୍କ ଜୀବନ ଧାରଣର ମାନ ପରିବର୍ତ୍ତନ ପାଇଁ ରାଜ୍ୟ ସରକାରଙ୍କ ପ୍ରତିଶୃତିବଦ୍ଧତାକୁ ସ୍ବୀକୃତି ମିଳିଛି । ରାଜ୍ୟ ସରକାରଙ୍କ ଏହି ମହତ ଅଭିଯାନରେ ସାମିଲ ହୋଇଥିବାରୁ ଟାଟା ଟ୍ରଷ୍ଟ ନିଜକୁ ଗୌରବାନ୍ବିତ ମନେକରୁଛି ।