ଭୁବନେଶ୍ୱର : ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ତାଙ୍କ ବାସଭବନରେ ଭେଟିଛନ୍ତି ବିଜେପି ସାଂସଦ ଜୁଏଲ ଓରାମ l ବେଶ କିଛି ସମୟ ପାଇଁ ଉଭୟଙ୍କ ମଧ୍ୟରେ ଆଲୋଚନା ହୋଇଛି l ତେବେ ନିଜ ଝିଅ ବାହାଘର ପାଇଁ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ନିମନ୍ତ୍ରଣ ଦେବାକୁ ଯାଇଥିଲେ ସାଂସଦ ଜୁଏଲ ଓରାମ ବୋଲି ଜଣାପଡିଛି l ଏହି ଭେଟଘାଟ ସମୟରେ କଂଗ୍ରେସ ନେତା ଗଣେଶ୍ୱର ବେହେରା ଉପସ୍ଥିତ ଥିଲେ l

ଭୁବନେଶ୍ୱର : କୋରାପୁଟ ଜିଲ୍ଲା ଜୟପୁରସ୍ଥିତ ଲାଠିଗୁଡା ଗ୍ରାମରେ ରୁହନ୍ତି ନକୁଳ ପେଣ୍ଠିଆଙ୍କ ପରିବାର । ନିଜର ତିନି ଛୋଟ ଛୁଆ (ଦୁଇ ପୁଅ ଓ ଗୋଟିଏ ଝିଅ) ଓ ପତ୍ନୀ ସହ ପାଞ୍ଚ ପ୍ରାଣୀ କୁଟୁମ୍ବ । ଆର୍ôଥକ ଦୂରାବସ୍ଥାରେ ରହୁଥିବା ନକୁଳ ପେଣ୍ଠିଆ ପର ଘରେ ମୁଲ ଲାଗି ପରିବାର ପ୍ରତିପୋଷଣ କରନ୍ତି । ଏହିପରିସ୍ଥଳେ ବୋଝ ଉପରେ ଲଳିତା ବିଡା ପରି ତାଙ୍କର ବଡ ପୁଅ(୫
ବର୍ଷ) ବିଷ୍ଣୁ ପେଣ୍ଠିଆଙ୍କ ଗୋଡ଼ରେ ଏକ ମାଂସ ପିଣ୍ଡୁଳା ଅହେତୁକ ଭାବେ ବଢୁଛି । ଗୋଟିଏ ପକ୍ଷରେ ଆର୍ôଥକ ସ୍ଥିତି ଭଲ ନଥିଲା ବେଳେ ଅନ୍ୟପଟେ ପୁଅର ଏହି ଦୁର୍ଦ୍ଦଶା ନକୁଳ ପେଣ୍ଠିଆଙ୍କର ଚିନ୍ତାକୁ ଦ୍ୱିଗୁଣିତ କରୁଥିଲା । ପାଖରେ ଅର୍ଥ ନଥାଇ ମଧ୍ୟ ସେ ବୋରିଗୁମ୍ମା, ଜୟପୁର, କୋରାପୁଟ ମେଡ଼ିକାଲରେ ପୁଅକୁ ଦେଖାଇଥିଲେ ।
ସେଠାରେ ଡାକ୍ତରମାନେ ବିଷ୍ଣୁଙ୍କର ଚିକିତ୍ସା କଟକ କିମ୍ବା ବ୍ରହ୍ମପୁରରେ କରିବା ପାଇଁ ପରାମର୍ଶ ଦେଇଥିଲେ । ନକୁଳ ପେଣ୍ଠିଆଙ୍କ ଏହି ଦୁଃଖଦ କାହାଣୀ ଏକ ଦୈନିକ ଖବର କାଗଜରେ ପ୍ରକାଶିତ ହୋଇଥିଲା । ସୌଭାଗ୍ୟକ୍ରମେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଖବର ପଢିଥିଲେ । ବିଷ୍ଣୁଙ୍କର ଦୁର୍ଦ୍ଦଶା ସଂପର୍କରେ ଜାଣିବା ପରେ ତାଙ୍କର ତୁରନ୍ତ ଚିକିତ୍ସା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ । ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ‘ରାଷ୍ଟ୍ରୀୟ ବାଳ ସ୍ୱାସ୍ଥ୍ୟ କାର୍ଯ୍ୟକ୍ରମ’, ଜୟପୁରର ଅଧିକାରୀମାନେ ତୁରନ୍ତ ଲାଠିଗୁଡ଼ା ଗ୍ରାମକୁ ଯାଇଥିଲେ । ସେହି ସମୟରେ ବିଷ୍ଣୁଙ୍କ ବାପା, ମା’ ମୁଲ ଲାଗିବାକୁ ବାହାରକୁ ଯାଇଥିଲେ । ସେମାନେ ଆସିବା ପର୍ଯ୍ୟନ୍ତ ଅଧିକାରୀମାନେ ଅପେକ୍ଷା କରିବା ସହ ବିଷ୍ଣୁଙ୍କ ବାପା ମା’ଙ୍କ ସହ ଆଲୋଚନା କରି ତା’ର ଚିକିତ୍ସା ପାଇଁ ସ୍ଥାନୀୟ ବୋରିଗୁମ୍ମା ହସ୍ପିଟାଲ ନେଇଥିଲେ । ପରେ କୋରାପୁଟ ମେଡ଼ିକାଲରେ ଆବଶ୍ୟକୀୟ ପରୀକ୍ଷା ପରେ
ଏକ ଆମ୍ବୁଲାନ୍ସରେ ବିଷ୍ଣୁଙ୍କୁ କଟକ ବଡ ମେଡିକାଲ ପଠାଯାଇଥିଲା । ଆଜି ବିଷ୍ଣୁ ନିଜ ବାପା, ମା’ ଏବଂ ବୋରିଗୁମ୍ମାର ଆୟୁଷ ଡାକ୍ତର ଆଲୋକ ବିଶୋୟୀଙ୍କ ସହ କଟକ ବଡ଼ ମେଡିକାଲରେ ପହଞ୍ଚିଥିଲେ । ସେଠାରେ ତାଙ୍କୁ ପ୍ରାଥମିକ ଚିକିତ୍ସା ପରେ ପ୍ଲାଷ୍ଟିକ୍ ସର୍ଜରୀ ବିଭାଗକୁ ପଠାଯାଇଥିଲା । ବିଭାଗୀୟ ମୁଖ୍ୟ ଡଃ ଅନ୍ନଦା ପ୍ରସାଦ ପଟ୍ଟନାୟକ ତାଙ୍କର ଚିକିତ୍ସା ଆରମ୍ଭ କରିଛନ୍ତି ।

ଭୁବନେଶ୍ୱର : ବିଜେଡ଼ି ସଂଗଠନକୁ ରାଜ୍ୟରେ ଅଧିକ ଶକ୍ତିଶାଳୀ କରିବା ପାଇଁ ନୂଆ ଫର୍ମୁଲାକୁ ଆପଣାଇଛି ଦଳ । ମୟୁରଭଞ୍ଜରୁ ଏହି ନୁଆ ନୀତିକୁ ପ୍ରୟୋଗ କରି ତୃଣମୂଳ ସ୍ତରରୁ ଦଳକୁ ଅଧିକ ମଜବୁତ କରିବା ପାଇଁ ଦଳ ପ୍ରସ୍ତୁତ କରିଛି ବ୍ଲୁପ୍ରିଣ୍ଟ । ବଡ଼ବଡ଼ ସାଂଗଠନିକ ଜିଲ୍ଳା ଓ ରାଉଲକେଲ , ବ୍ରହ୍ମପୁର, ଭୁବନେଶ୍ୱର ,ସମ୍ବଲପୁର , ଆଦି ସହରମାନଙ୍କରେ ଜିଲ୍ଲା ସଂଗଠନ ଓ ସଦର ସଂଗଠନ କରିବାକୁ ଦଳ ନିଷ୍ପତି ନେଇଛି । ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ଦଳର ସଂଗଠନ ସମ୍ପାଦକ ତଥା ପୂର୍ବତନ ମନ୍ତ୍ରୀ ପ୍ରଣବ ପ୍ରକାଶ ଦାସ ଏହି ନୀତିକୁ ଆପଣାଇଛନ୍ତି । ଆଉ ଯାହାକୁ ପୁର୍ଣ୍ଣ ସମର୍ଥନ କରିଛନ୍ତି ଦଳର ବରିଷ୍ଠ ଓ ଛାମୁଆ ନେତାମାନେ । ସାଂଗଠନିକ ଜିଲ୍ଳା ଭାବେ ସବୁଠାରୁ ବଡ଼ ଜିଲ୍ଲା ମୟୁରଭଞ୍ଜରେ ପ୍ରଣବ ଏହି ନୂଆ ରଣନୀତି ପ୍ରୟୋଗ କରିଛନ୍ତି । ଯାହା ଏବେ ଚର୍ଚ୍ଚାର ବିଷୟ । ବିଜେଡ଼ିକୁ କିପରି ଏକ କ୍ୟାଡ଼ରବେଷ୍ଟ ଦଳ ଭାବେ ତୃଣମୂଳ ସ୍ତରରୁ ମଜବୁତ କରାଯିବ ସେନେଇ ସୁପ୍ରିମୋ ନେତା ନୁହେଁ, ଦଳ ପାଇଁ କର୍ମୀ ବଡ଼ ବୋଲି ବାରମ୍ବାର ନବୀନ କହିଛନ୍ତି । ପ୍ରଣବ ମଧ୍ୟ ଏକଥାକୁ ଭଲଭାବରେ ବୁଝିଛନ୍ତି । ଯେଉଁଥି ପାଇଁ ସେ ନେତା ନୁହେଁ, ନିଜ ନିର୍ବାଚନ ମଣ୍ଡଳୀରୁ ଆରମ୍ଭ କରି ସବୁଠି ବିଜେଡ଼ିର ଶକ୍ତିଶାଳୀ କର୍ମୀ ସୃଷ୍ଟି କରିବାରେ ଲାଗିଛନ୍ତି । ୨୦୧୯ ନିର୍ବାଚନରେ ଯେଉଁଥି ଦଳର ଖରାପ ପ୍ରଦର୍ଶନ କରିଛି ଓ ସଂଗଠନ ଦୁର୍ବଳ ହୋଇଛି ସେଠି କିପରି ସଂଗଠନ ମଜବୁତ ହେବ ସେନେଇ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଫୋକସ କରିଛନ୍ତି । ନବୀନ ମଧ୍ୟ ଆବଶ୍ୟକ ଯେଉଁଠି ପ୍ରଣବଙ୍କୁ ସେଠାକୁ ପଠାନ୍ତି ସଂଗଠନ ମଜବୁତ କରିବାପାଇଁ ଓ ନିଜେ ସେହି ନିର୍ବାଚନୀ ମଣ୍ଡଳୀର ଟିକନିକ ଖବର ବୁଝନ୍ତି ।

ତେବେ ନଜର ପକାନ୍ତୁ କାହକିଁ ମୟୁରଭଞ୍ଜରେ ଦୁଇଟି ସଂଗଠନ ନୀତକୁ ଆପଣାଇଲେ ବବି

ମୟୁରଭଞ୍ଜ । ସାଂଗଠନିକ ଜିଲ୍ଳା ଭାବେ ବଡ଼ ଜିଲ୍ଲା । ୨୦୧୭ ପଂଚାୟତ ନିର୍ବାଚନ ଓ ୨୦୧୯ ସାଧାରଣ ନିର୍ବାଚନର ବିଜେଡ଼ି ସେଠାରେ ଖରାପ ପ୍ରଦର୍ଶନ କଲା । ଦଳର ଦୁଇ ଯୁବନେତା ବର୍ତ୍ତମାନର ମନ୍ତ୍ରୀ ଅରୁଣ ସାହୁ ଓ ପୂର୍ବତନ ମନ୍ତ୍ରୀ ସଂଜୟ ଦାସ ବର୍ମାଙ୍କୁ ନବୀନ ମୟୁରଭଞ୍ଜ ସଂଗଠନ ଦାୟିତ୍ୱ ଦେଲେ । ହେଲେ ଫଳ ସମାନ । ସଂଗଠନ ସେତେଟା ମଜବୁତ ହେଲା ନାହିଁ । ବରଂ ନିର୍ବାଚନ ୯ଟି ବିଧାନସଭା ଆସନରୁ ୬ଟି ଆସନ ବିଜେଡ଼ି ହାତରୁ ଯିବା ସହ ସଂସଦୀୟ କ୍ଷେତ୍ରରେ ମଧ୍ୟ ଚିଟପଟାଙ୍ଗ ମାରିଲା ଦଳ । ବିଜେପି ବାଜିମାରିନେଲା । ନବୀନଙ୍କ ଲୋକପ୍ରିୟତା କିନ୍ତୁ ସଂଗଠନର ଗୋଷ୍ଠୀ ବିବାଦ ପାଖରେ କାମ କଲାନାହିଁ । ଯାହାକୁ ନେଇ ବିଜେଡ଼ି ସୁପ୍ରିମୋ ଚିନ୍ତାରେ ପଡ଼ିଲେ । ଶେଷରେ ତାଙ୍କ ସବୁଠୁ ବିଶ୍ୱସ୍ତ ବିଧାୟକ ପ୍ରଣବ ପ୍ରକାଶ ଦାସଙ୍କୁ ମୟୁରଭଞ୍ଜର ଦାୟିତ୍ୱ ଦେଲେ । ବସଙ୍କ ନିର୍ଦ୍ଦେଶ କ୍ରର୍ମେ ପ୍ରଣବ ମୟୁରଭଞ୍ଜ ସଂଗଠନ କିପରି ମଜବୁତ ହେବ ଓ ସଭିଁଙ୍କୁ ନେଇ କିପରି ଦଳ ମଜବୁତ ହେବ ସେହି କାମରେ ଲାଗିଲେ । ଘନଘନ ମୟୁରଭଞ୍ଜ ଗସ୍ତ କରି ସଂଗଠନର ସମୀକ୍ଷା କଲେ । ସାଙ୍ଗରେ ଅରୁଣ ଓ ସଂଜୟଙ୍କୁ ନେଲେ । ସିଧାସିଧା ଶୁଣାଇଲେ ଦଳରେ ବିଭୀଷଣ ରହିବେ ନାହିଁ । ଦଳ ଭିତରେ କୌଣସି ଗୋଷ୍ଠୀ ନାହିଁ, ଏଠି କେହି କାହା ଲୋକ ନୁହେଁ । ସବୁ ନବୀନଙ୍କ ଲୋକ । ଯିଏ ଏହି ନୀତିକୁ ଗ୍ରହଣ କରିବ ନାହିଁ ସେ ଦଳରୁ ବିଦା ହେବ । ବବିଙ୍କ ଏପରି ଚରମବାଣୀ ମୟୁରଭଞ୍ଜରେ ବିଜେଡ଼ି ଗୋଷ୍ଠୀ ବିବାଦର ରୋଗକୁ ଉପଶମ କରିବାକୁ ବେଶ କାମ କଲା । ଯାହା ଫଳ ସ୍ୱରୂପ ସଭ୍ୟ ସଂଗ୍ରହରେ ମୟୁରଭଞ୍ଜ ଜିଲ୍ଳା ରେକର୍ଡ଼ କଲା । ସଂଗଠନ ଏବେ ଧିୀରେଧୀରେ ମଜବୁତ ହେଉଛି । ଜିଲ୍ଳାର ସଂଗଠନକୁ ଆହୁରୀ ମଜବୁତ କରିବା ପାଇଁ ଏବେ ପ୍ରଣବ ନୂଆ ରଣନୀତି ପ୍ରଯୋଗ କରିଛନ୍ତି । ଜିଲ୍ଲାର ବାମନଘାଟିକୁ ସୀମାଭାବେ ଗ୍ରହଣ କରି ମୟୁରଭଞ୍ଜ ଓ ମୟୁରଭଞ୍ଜ ସଦର ଭାବେ ଦୁଇଟି ସଂଗଠନ ତିଆରି କରିଛନ୍ତି । ଏହି ସଂଗଠନକୁ ମଜମୁତ କରିବା ପାଇଁ ଭିନ୍ନଭିନ୍ନ ନେତାଙ୍କୁ ମଧ୍ୟ ଦାୟିତ୍ୱ ଦେଇଛନ୍ତି ପ୍ରଣବ । ଦଳର କ୍ରାଇସିସ ମ୍ୟାନେଜରଙ୍କ ଏହି ନୀତିକୁ ନେଇ ଏବେ ରାଜ୍ୟସାରା ଚର୍ଚ୍ଚା । ଏହାସହ ସହରର ସଂଗଠନକୁ ମଜବୁତ କରିବା ପାଇଁ ଏପରି ପ୍ଲାନ କାର୍ଯ୍ୟକାରୀ ହେବ ବୋଲି ଦଳର ଉପସଭାପତି ଦେବୀ ପ୍ରସାଦ ମିଶ୍ର କହିଛନ୍ତି । ଏହି ନୀତି ଆଧାରରେ ତୃଣମୂଳ ସ୍ତରରୁ ଦଳୀୟ ସଂଗଠନ ପର୍ଯ୍ୟନ୍ତ ପ୍ରତ୍ୟେକ ଗାଁରେ ୱାଡ ସ୍ତରରୁ ଅଧିକ ମଜବୁତ ଓ କ୍ରିୟାଶୀଳ କରାଯିବା ଉପରେ ଗୁରୁତ୍ୱ ଦିଆଯାଇଥିଲା । ଉଭୟ ଗ୍ରାମାଞ୍ଚଳ ଓ ସହରାଞ୍ଚଳ ସଂଗଠନକୁ ଅଧିକ କ୍ରିୟାଶିଳ କରିବାକୁ ମଧ୍ୟ ନିଷ୍ପତ୍ତି ହୋଇଛି ।