ଭୁବନେଶ୍ୱର : ଡିସେମ୍ବର 20ରେ ରାଜ୍ୟ ବିଜେପି ନୂଆ ସଭାପତି ନାଁ ଘୋଷଣା କରାଯିବ l ପୁଣି ଥରେ ରାଜ୍ୟ ସଭାପତି ହେବେ ପାଟଣାଗଡ଼ର ରାଜା କନକବର୍ଦ୍ଧନ ସିଂହ ଦେଓ l ଏନେଇ ସବୁ ପ୍ରକ୍ରିୟା ଶେଷ ପର୍ଯ୍ୟାୟରେ l
ଜୁଲାଇ ୬ ରୁ ଆରମ୍ଭ ହୋଇ ଥିବା ନିର୍ବାଚନ ପ୍ରକିୟାରେ ଏବେ ସୁଦ୍ଧା ୩୭୦୦୦ ବୁଥ ରୁ ୨୪୫୩୫ ବୁଥରେ ନିର୍ବାଚନ ସରିଛି। ୧୦୦୪ ମଣ୍ଡଳରୁ ୯୦୦ ମଣ୍ଡଳ ରେ ନିର୍ବାଚନ ସରିଛି। ୧୪,୧୫,୧୬,ରେ ୩୬ ଜିଲ୍ଲା ରେ ହେବ ଜିଲ୍ଲା ସଭାପତି ନିର୍ବାଚନ। ୧୧,୧୨ ରେ ପର୍ଯ୍ୟବେକ୍ଷକ ଜିଲ୍ଲା ଗସ୍ତ କରିବେ। ୨୦ ତାରିଖ ସୁଦ୍ଧା ରାଜ୍ୟ ସଭାପତି ନିର୍ବାଚନ ସରିବ। ସଭାପତି ନିର୍ବାଚନ ଦାୟିତ୍ଵ କେନ୍ଦ୍ରୀୟ ନେତାଙ୍କର। ପର୍ଯ୍ୟବେକ୍ଷକ ଭାଵେ ଆସିବେ ରାଜୀବ ପ୍ରତାପ ରୁଡ଼ି ଓ ନରେନ୍ଦ୍ର ସିଂ ତୋମାର।।ସୂଚନା ଦେଲେ ସୁଦୀପ୍ତ ରାୟ, ରାଜ୍ୟ ସହ ନିର୍ବାଚନ ଅଧିକାରୀ।

ଭୁବନେଶ୍ୱର : କାଳିଆ ଯୋଜନା ଚାଲୁ ରହିବ। ଏହା କହିଛନ୍ତି କୃଷି ମନ୍ତ୍ରୀ ଅରୁଣ ସାହୁ। ପିଏମ କିଷାନ ସହ କାଳିଆ ଯୋଜନାର ମିଶ୍ରଣ ପ୍ରସଙ୍ଗରେ ମନ୍ତ୍ରୀ ଶ୍ରୀ ସାହୁ କହିଛନ୍ତି।ମନ୍ତ୍ରୀ ଶ୍ରୀ ସାହୁ କହିଛନ୍ତି ଯେ, କାଳିଆ ଲାଭ ଲୋକଙ୍କ ପାଖକୁ ଯିବ। କାଳିଆ-କିଷାନ ମିଶ୍ରଣ ହେବ। କାଳିଆ ଯୋଜନା ଚାଲୁ ରହିବ। କାଳିଆର ୨ୟ କିସ୍ତି ଚାଲୁ ରହିଛି ବୋଲି ମନ୍ତ୍ରୀ ଶ୍ରୀ ସାହୁ କହିଛନ୍ତି।
ସୂଚନା ଅନୁସାରେ ରାଜ୍ୟରେ ପ୍ରାୟ ୫୧ ଲକ୍ଷ ପରିବାର କାଳିଆ ଯୋଜନାର ପ୍ରଥମ କିସ୍ତି ପାଇଥିଲା ବେଳେ ସରକାରୀ ଦ୍ୱିତୀୟ କିସ୍ତି ଦେବାକୁ ବିଚାର କରିଛନ୍ତି। ‘କାଳିଆ’ ତାଲିକାରେ ବହୁ ଅଯୋଗ୍ୟ ହିତାଧିକାରୀ ସାମିଲ ହୋଇଥିଲା ବେଳେ ଯୋଗ୍ୟ ମଧ୍ୟ ବାଦ ପଡ଼ିଛନ୍ତି । ଏବେ ‘କାଳିଆ’କୁ ‘କିଷାନ’ ରେ ବିଲୟ କରିବାକୁ ରାଜ୍ୟ ବିଚାର କରୁଛି । ଆନ୍ଧ୍ର ପ୍ରଦେଶ ସରକାର ‘ଅନ୍ନଦାତା ସୁଖିଭବ’ଯୋଜନାକୁ ଯେଉଁଭଳି କିଷାନରେ ଗତ ଫେବୃୟାରୀରେ ବିଲୟ କରିଛି, ସେଇ ଢ଼ାଞ୍ଚାରେ ଓଡ଼ିଶା ସରକାର ମଧ୍ୟ ‘କାଳିଆ’କୁ ବିଲୟ କରିବାକୁ ଚାହୁଁଛନ୍ତି।
କିଷାନରେ ଚାଷୀଙ୍କୁ ବର୍ଷକୁ ୬ ହଜାର ଟଙ୍କା ମିଳୁଥିଲା ବେଳେ କାଳିଆରେ ସରକାର ଦୁଇଟି ଫସଲ ପାଇଁ ୧୦ ହଜାର ଟଙ୍କା ଦେବାକୁ ଘୋଷଣା କରିଛନ୍ତି । କିଷାନରେ ବିଲୟ ହେବା ପରେ କେନ୍ଦ୍ର ୬ ହଜାର ଟଙ୍କା ଦେବ, ମାତ୍ର ଆଉ ୪ ହଜାର ଟଙ୍କାର ବୋଝ ରାଜ୍ୟ ବହନ କରିବାକୁ ରାଜ୍ୟ ସମ୍ମତ ହୋଇଛି। ଏହାଛଡ଼ା କାଳିଆ ତାଲିକାରୁ ଯେଉଁ ଯୋଗ୍ୟ ହିତାଧିକାରୀ ବାଦ୍ ପଡ଼ି ‘କିଷାନ’ରେ ସାମିଲ ନ ହୋଇପାରିବେ (ଭୂମିହୀନ) ସେମାନଙ୍କୁ ସହାୟତା ବାବଦ ସମସ୍ତ ଖର୍ଚ୍ଚ ରାଜ୍ୟ ସରକାର ବହନ କରିବେ। ରାଜ୍ୟର ଏ ପ୍ରସ୍ତାବରେ କେନ୍ଦ୍ର ମଧ୍ୟ ମୋହନ ମାରିଥିବା ସୂଚନା ମିଳିଛି।

ଭୁବନେଶ୍ୱର : ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀଙ୍କ ସହ ଦୁଇ ମହିଳା ହାଇଦ୍ରାବାଦ ଯାଇଥିଲେ। ସେହି ଦୁଇ ମହିଳା କିଏ। କାହିଁକି ତାଙ୍କୁ ସରକାରୀ ଅର୍ଥରେ ଓ କେଉଁ ଅଧିକାର ବଳରେ ସେଠାକୁ ନିଆଯାଇଥିଲା। ତାଙ୍କ ପାଇଁ ସରକାରୀ ଅର୍ଥ ଖର୍ଚ୍ଚ କରାଗଲା। ତାହା ସ୍ପଷ୍ଟ କରାଯାଉ ବୋଲି ଦାବି କରିଛନ୍ତି ବିରୋଧୀ ଦଳ ନେତା ପ୍ରଦୀପ୍ତ ନାଏକ। ଶୂନ୍ୟକାଳରେ ଏ ପ୍ରସଙ୍ଗ ଉଠାଇଲେ ବିରୋଧୀ ଦଳ ନେତା। ବିରୋଧୀ ଦଳ ନେତାଙ୍କ ସ୍ୱରରେ ସ୍ୱର ମିଳାଇଛନ୍ତି କଂଗ୍ରେସ ବିଧାୟକ ମାନେ l କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା କହିଥିଲେ ଯେ ମୁଖ୍ୟମନ୍ତ୍ରୀ ତୁରନ୍ତ ଜ୍ୟୋତି ପ୍ରକାଶ ପାଣିଗ୍ରାହୀଙ୍କୁ ମନ୍ତ୍ରୀପଦରୁ ବରଖାସ୍ତ କରନ୍ତୁ ବୋଲି ସେ ଦାବି କରିଛନ୍ତି l ଦିନ ତମାନ ଏହି ପ୍ରସଙ୍ଗରେ ବିଧାନସଭା ହୁଲସ୍ତୁଲ ହୋଇଥିଲା l ପର୍ଯ୍ୟଟନ ମନ୍ତ୍ରୀ ଙ୍କ ଇସ୍ତଫା ଦାବିରେ ଅଟଳ ରହିଥିଲେ ବିରୋଧୀ। ଅପରାହ୍ନ ଅଧିବେଶନ ଆରମ୍ଭ ହେବା ମାତ୍ରେ ବିରୋଧୀ ବିଜେପି ଓ କଂଗ୍ରେସ ସଭ୍ୟ ଗୃହ ମଧ୍ୟକୁ ଆସି ହୋହଲ୍ଲା କରିଥିଲେ। ଏକ ଜିଦ ମନ୍ତ୍ରୀ ଇସ୍ତଫା ଦିଅନ୍ତୁ। ଏହି ପ୍ରସଙ୍ଗକୁ ନେଇ ଗୃହ 4 ଥର ମୁଲତବୀ ରହିଥିଲା। ଶେଷରେ ବାଚସ୍ପତି ସର୍ବଦଳୀୟ ବୈଠକ ଡାକି ଗୃହକୁ ସ୍ୱାଭାବିକ କରିଥିଲେ l ଯଦିଓ ବାଚସ୍ପତି ମନ୍ତ୍ରୀ ଙ୍କୁ ବିବୃତି ରଖିବାକୁ କହିଥିଲେ ତେବେ ବିରୋଧୀଙ୍କ ଏହା ସନ୍ତୁଷ୍ଟ କରି ପାରିନଥିଲା। ଶେଷରେ ଗୃହ କାର୍ଯ୍ୟ ଶେଷ ହେବା ପୂର୍ବରୁ 6ଟା ସୁଦ୍ଧା ପର୍ଯ୍ୟଟନ ମନ୍ତ୍ରୀଙ୍କ ସମ୍ପର୍କରେ ବିବୃତି ରଖିବାକୁ ରାଜ୍ୟ ସରକାରଙ୍କୁ ନିର୍ଦେଶ ଦେଇଥିଲେ ବାଚସ୍ପତି l ସେପଟେ ପାୱାର କରିଡରରେ ଚର୍ଚ୍ଚା ହେଉଛି ଯେ ଜ୍ୟୋତିପାଣିଗ୍ରାହୀ ମନ୍ତ୍ରୀ ମଣ୍ଡଳରୁ ବିଦା ହୋଇପାରନ୍ତି l

ଭୁବନେଶ୍ୱର : ଟୋକନ ଇସ୍ୟୁ ତଥ୍ୟକୁ ନେଇ ମୁହାଁମୁହିଁ ବିଜେଡି ଵିଧାୟକ ଦେବେଶ ଆଚାର୍ଯ୍ୟ ଓ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ। ଚାଷୀଙ୍କ ଭିତରେ ଦୁଃଖ, ଉଦବେଗ ସହ ଆକ୍ରୋଶ ବି ରହିଛି। ତାଙ୍କ ସହ ଅନ୍ୟ ସରକାରୀ ଦଳ ଓ ବିଧାୟକମାନେ ବି ସ୍ୱର ମିଲାଇଛନ୍ତି । ମନ୍ତ୍ରୀ ତାଙ୍କ ଉତ୍ତରରେ ତଥ୍ୟ ସହ ଦେଇଥିଲେ ଖାଦ୍ୟଯୋଗାନମନ୍ତ୍ରୀ। ଟୋକେନ ବ୍ୟବସ୍ଥା ପାଇଁ ଚାଷୀ ଯେତିକି ଅସନ୍ତୋଷ, ଅଧିକ ହରଡ଼ଘଣାରେ ବିଧାୟକମାନେ। ଏହା ବିରୋଧରେ ଚାଷୀ ଯେଉଁ ପ୍ରଶ୍ନ କରୁଛନ୍ତି, ତାହାର ବାଣ ଫୁଟୁଛି ସ୍ଥାନୀୟ ବିଧାୟକମାନକ ଦୁଆରେ। ଯଦିଓ ଏଵେ ଧାନ ଉଠିବା ଆରମ୍ଭ ହୋଇଛି, ହେଲେ ଵଳକା ଧାନ କେତେଦିନ ଭିତରେ ବିକିବେ। କୁହାଯାଉଛି ୧୫ ଦିନରେ ଉଠିଵ। ଏହି ଲମ୍ବା ସମୟକୁ ନେଇ ଚାଷୀ ଚିନ୍ତାରେ ଅଛନ୍ତି ଥିବା କହି ସମବାୟ ମନ୍ତ୍ରୀଙ୍କୁ ଘେରିଛନ୍ତି ସରକାରୀ ଦଳ ଉପମୁଖ୍ୟସଚେତକ। ସ୍ବଛତା ଆଳରେ ନୂଆ ଟେକ୍ନୋଲୋଜି ଆଧାରରେ ଟୋକନ ଵ୍ୟବସ୍ଥା କରିଦେଲେ ଖାଲି ଚଳିବନି ବୋଲି କହିଛନ୍ତି ବିଜେଡ଼ି ବରଗଡ଼ ବିଧାୟକ। ଚାଷୀ ଯଦି ନିଜର କଷ୍ଟ ଉପାର୍ଜିତ ଧାନ ବିକି ପାରିବେନି, ତେବେ ଏହା କେତେଦୂର ଯୁକ୍ତିଯୁକ୍ତ ବୋଲି ସେ ପ୍ରଶ୍ନ କରିଛନ୍ତି। ଚିଠି ଖଣ୍ଡେ ଖଣ୍ଡେ ଦେଇ ଚୁପ୍ ଵସିଗଲେ ଚଳିବନି।

ଉଭୟଙ୍କ ଆରୋପ ଉପରେ ବିଗିଡିଗଲେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ। ବ୍ୟବସ୍ଥିତ ଢଙ୍ଗରେ ପ୍ରକୃତ ଚାଷୀ କିଭଳି ଧାନ ବିକିବେ, ଦଲାଲ ତଥା ସୀମାନ୍ତବର୍ତ୍ତୀ ବେପାରୀ କିଭଳି ପଶିଵେନି, ତାକୁ ନେଇ ସରକାର ସଜାଗ ଅଛନ୍ତି। ଅଯଥାରେ ଚାଷୀଙ୍କ ଆକ୍ରୋଶର ଆଳରେ ଗୃହରେ ଭୁଲ୍ ତଥ୍ୟ ଦେବାରୁ ସଭ୍ୟ ନିବୃତ୍ତ ରୁହନ୍ତୁ। ସମସ୍ତେ ସହଯୋଗ କରିବାକୁ ଅନୁରୋଧ କଲେ ମନ୍ତ୍ରୀ|