ଭୁବନେଶ୍ୱର : ପ୍ରଣବ ପ୍ରକାଶ ଦାସଙ୍କୁ ବିଜେଡିର ସାଙ୍ଗଠନିକ ସମ୍ପାଦକ ଭାବେ ଦଳୀୟ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଘୋଷଣାକୁ ସହଜରେ ହଜମ କରି ପାରୁନାହାନ୍ତି ଦଳୀୟ ନେତା। କାରଣ ଜଣେ ଯୁବ ବିଧାୟକଙ୍କ ନାଁ ନେଇ ପ୍ରଶଂସା କରିବା ହୁଏତ ନବୀନଙ୍କ କ୍ଷେତ୍ରରେ ନୂଆ, ବିରଳ ଓ ପ୍ରଥମ। ମୁଖିଆ ଭୟରେ ସିନା କେହି ପାଟି କରୁନାହାନ୍ତି, ହେଲେ ଦଳ ବାହାରେ ଚର୍ଚ୍ଚା ଚଳାଇଛନ୍ତି। କାହାକୁ ସାହାରା ନ ପାଇ, ଆଉ ଜଣେ ବିଦାୟୀ ନେତା ବୈଜୟନ୍ତ ପଣ୍ଡାଙ୍କ କବାଟ କିଛି ବିଜେଡ଼ି ନେତା ବାଡେଇଥିବା ଖବର ମିଳିଛି। ବୈଜୟନ୍ତ ବି ବହୁ ଆଗରୁ ନବୀନଙ୍କ ପାଖ ଲୋକଙ୍କୁ ବିରୋଧ କରି ବିଜେଡିରୁ ବିଦା ହୋଇଥିଲେ। ଯାହା ତାଙ୍କ ଅସହିଷ୍ଣୁ ମନୋଭାବକୁ ସୂଚାଏ। ତେଣୁ ବିଜେଡିରେ ଥାଇ ଅସନ୍ତୋଷ କିଛି ନେତା ବୈଜୟନ୍ତଙ୍କ ପରିବାରର ମାଳିକାନାରେଥିବା ଗଣମାଧ୍ୟମର ସାହାରା ନେଇଛନ୍ତି। ଆଜି ଦଳୀୟ କାର୍ଯ୍ୟାଳୟରେ ନୂତନ ଦାୟିତ୍ୱ ପାଇଁ ବବିଙ୍କୁ ଉଭୟ ଛାତ୍ର ଓ ଯୁବ ସଂଗଠନ ସମ୍ବର୍ଦ୍ଧିତ କରିଥିଲେ। ହେଲେ କାର୍ଯ୍ୟକ୍ରମ ପୂର୍ବରୁ ହି ବୈଜୟନ୍ତଙ୍କ ପରିବାରର ଡିଜିଟାଲ ମିଡିଆରେ ପୋଷ୍ଟର ଭାଇରାଲ ହେଲା। ପୋଷ୍ଟରରେ କେବଳ ବବିଙ୍କ ଫୋଟୋ ହି ଥିଲା। ନବୀନ ନଥିଲେ ଫୋଟୋରେ। ଏ କଥା ବବିଙ୍କୁ ଅଜଣା ଥିଲା। ରୁମକୁ ଯିବା ମାତ୍ରେ, ବବି ସବୁ ଜାଣିପାରିଲେ। ତାଙ୍କୁ ବି ଷଡଯନ୍ତ୍ରର ଗନ୍ଧ ହେଲା। ସେଠାରେ ଚାହିଁଥିଲେ, ଉଠି ପଳାଇଥାନ୍ତେ ବବି। ହେଲେ ଏପରି କରିଥିଲେ, ତାଙ୍କୁ ହୃଦୟରୁ ଭଲ ପାଉଥିବା କିଛି ନେତାଙ୍କ ମନୋବଳ ଭାଙ୍ଗିଯାଇଥାନ୍ତା। ଫୋଟୋ କି ମିଡ଼ିଆ ଆଗରେ ବାଇଟ ବବି କେବେ ଦିଅନ୍ତି ନାହିଁ। କାରଣ ସେ ସବୁବେଳେ କୁହନ୍ତି ଯେ ଆଜି ତାଙ୍କ ଉନ୍ନତିର ଶ୍ରେୟ ନବୀନ ବାବୁ ଓ ଦିବଙ୍ଗତ ପିତା ଅଶୋକ ଦାସଙ୍କ।
ଅନ୍ୟପଟେ ବୈଜୟନ୍ତ ବି ବବିଙ୍କୁ ଦଳରେ ଥିବା ସମୟରୁ ହି ବିରୋଧ କରି ଆସିଥିବାର ନଜିର ରହିଛି। ବାରମ୍ବାର ବବିଙ୍କ ବିରୋଧରେ ଖବର ପ୍ରସାରଣ ବି କରିଥିଲେ। ହେଲେ ନିଜ ନେତା ନବୀନଙ୍କ ପରି ଚୁପ ରହିବାକୁ ପସନ୍ଦ କଲେ ବବି। ବବିଙ୍କୁ ଦଳ ପାଇଁ କଠିନ ପରିଶ୍ରମ ଯୋଗୁ ବଡ଼ ଦାୟିତ୍ୱ ମିଳିଥିବା ଖୋଦ ନବୀନ କହିଛନ୍ତି। ଏବେ କିଛି ଅସହିଷ୍ଣୁ ବିଜେଡି ନେତା ବୈଜୟନ୍ତଙ୍କୁ ଢାଲ କରିଥିବା ଖବର ଆସିଛି। କିଛି ବଡ଼ ନାଁ ଥିବା ବିଜେଡି ନେତା ଭାବୁଛନ୍ତି, ବବିଙ୍କ ପଦୋନ୍ନତି ପାଇଁ ସେମାନକୁ ଦଳୀୟ କାର୍ଯ୍ୟାଳୟରେ ମଉଜ ମଜଲିସ କରିବାକୁ ଆଉ ସୁଯୋଗ ମିଳିବ ନାହିଁ। କିଛି ନେତା ତ ଗତ ନିର୍ବାଚନରେ ବିଜେପି ଟିକେଟରେ ଲଢ଼ିଥିବା ନିଜ ସମ୍ପର୍କୀୟ ନେତାଙ୍କୁ ସମର୍ଥନ କରିଥିବା ଖବର ବିଜେଡି ପାୱାର କରିଡ଼ରରେ ପହଂଚିଛି। କ୍ଷମତା ପାଇବା ପରେ ଏପରି ଦଳୀୟ ବିଶୃଙ୍ଖଳା ବିରୋଧରେ ବବି ଆହୁରି କଠୋର ହୋଇ ଠିଆ ହେବାର ଭୟରୁ ତାଙ୍କ ବିରୋଧରେ ଷଡଯନ୍ତ୍ର ଆରମ୍ଭ ହୋଇଛି। ହେଲେ ସମସ୍ତଙ୍କୁ ନେଇ ସାଥିରେ ଯିବାର କଳା ଜାଣିଥିବା ବବି ଯେ ପୁଣି ଅସନ୍ତୋଷମାନଙ୍କୁ କୋଳେଇ ନେବେ, ସେଥିରେ ସନ୍ଦେହ ନାହିଁ। ସେ ସମୟରେ ବିଦ୍ରୋହୀ ବଡ଼ ନେତାମାନଙ୍କ ଭବିଷ୍ୟ କଣ ହେବ, ସମସ୍ତେ ଜାଣନ୍ତି। ପ୍ରଶ୍ନ ଉଠୁଛି, ଦଳ ବିରୋଧୀଙ୍କୁ ବୈଜୟନ୍ତ ସରଣ ଦେଇପାରିବେ ତ? କାରଣ ଆଜି ବି ବିଜେପିରେ ନିଜ ଅସ୍ତିତ୍ୱ ଖୋଜୁଛନ୍ତି ବୈଜୟନ୍ତ ବାବୁ।

ଭୁବନେଶ୍ୱର: ୨୦୦୯ ମସିହା । ଯାଜପୁର ରାଜନୀତିରେ ଏଣ୍ଟ୍ରି କଲେ ଅଶୋକ ନନ୍ଦନ ପ୍ରଣବ ପ୍ରକାଶ ଦାସ । ସାଲିସବୀହିନ ସମ୍ରାଟ ଜନତାଦଳର ସେତେବେଳର ଚାଣକ୍ୟ ସ୍ୱର୍ଗତ ଅଶୋକ ଦାସ ବଡ଼ପୁଅ ପ୍ରଣବ ବିଳମ୍ବରେ ରାଜନୀତିକୁ ଅାସିଲେ । ସେତେବେଳେ ତାଙ୍କୁ ୩୫ ବର୍ଷ ହୋଇଥାଏ । ପିତାଙ୍କ ଦେହାନ୍ତ ପରେ ସେ ବିଜେଡ଼ିରେ ସାମିଲ ହେଲେ । ସ୍ୱର୍ଗତ ଅଶୋକ ଦାସ ଓ ନବୀନଙ୍କ ଲୋକପ୍ରିୟତାକୁ ନେଇ ଯାଜପୁର ବିଧାନସଭା ଅାସନରୁ ପ୍ରଥମଥର ବିଧାୟକ ହେଲେ ପ୍ରଣବ ପ୍ରକାଶ ଦାସ । ଏହାପରେ ୨୦୧୪ରେ ଦ୍ୱିତୀୟ ଥର ନିବାର୍ଚନ ଲଢି ବିଜୟ ହେଲେ । ନବୀନଙ୍କ ମନ୍ତ୍ରୀମଣ୍ଡଳରେ ଶକ୍ତିମନ୍ତ୍ରୀ ମନ୍ତ୍ରୀ ହେଲେ ଓ ଅାଉ ୨୦୧୫ରୁ ବିଜେଡ଼ିର ଶକ୍ତିଶାଳୀ ବିଧାୟକ ହୋଇଗଲେ ପ୍ରଣବ । ଅନ୍ୟ ନେତାଙ୍କ ପରି ମିଡ଼ିଅା ଅାଗକୁ ଅାସନ୍ତିନି , ହେଳେ ମିଡ଼ିଅା ପ୍ରତିନିଧିଙ୍କ ସୁଚିନ୍ତକ ପାଲଟିଛନ୍ତି । ବିଜେଡ଼ିରେ ଅନେକ ନେତା ଥିଲେ , ଯାହାକୁ ସୁପ୍ରିମୋ କ୍ଷମତାକେନ୍ଦ୍ର କରିପାରିଥାନ୍ତେ । ହେଲେ ମୁଖିଅା କିନ୍ତୁ ପ୍ରଣବଙ୍କ ଭିତରେ ଥିବା ସାଂଗଠନିକ ଦକ୍ଷତା ମାପିପାରିଥିଲେ । ବିଜେଡ଼ିର ଅନେକ ନେତା ଦଳୀୟ ସାଂଗଠନିକ ବିଶୃଙ୍ଖଳା ଘଟଣା ପଦାକୁ ଅାସିଛି ତ ଅାଉ କାହାର ଗଣମାଧ୍ୟମ ସହ ୩୬କା ଅାଖାଡ଼ା । ଅାଉ ବାକି ଅଭିଜ୍ଞମାନେ ପୁରୁଣା ରାଜନୈତିକ ପୃଷ୍ଠରୁ ବାହାରି ପାରୁନାହାନ୍ତି । ଏହି ୩ ସମନ୍ୱୟ ରକ୍ଷା କରିପାରୁଥିବାରୁ ବବିଙ୍କୁ ଶେଷରେ ସଂଗଠନ ସମ୍ପାଦକ ବାଛିଥିଲେ ନବୀନ । ପୁରୁଣାଙ୍କୁ ସମ୍ମାନ,ଯୁବକଙ୍କ ମାର୍ଗଦର୍ଶକ ଓ ଗଣମାଧ୍ୟମର ପ୍ରିୟବନ୍ଧୁ ଭାବେ ନିଜର ଛବି ଗଢିଛନ୍ତି ବବି । ବିଧାନସଭା ହେଉ ଅବା ମୟୁରଭଞ୍ଜ କି ରାଜଧାନୀ ଭୁବନେଶ୍ୱରର ସବୁଠି ଦଳର କ୍ରାଇସିସ୍ ମ୍ୟାନେଜର ଭାବେ ପ୍ରଣବ ଉଭା ହୁଅନ୍ତି । କେବଳ ଶାସକ ଦଳର ନେତାଙ୍କ ସହ ନୁହେଁ, ବିରୋଧୀ ଦଳ ନେତାଙ୍କ ସହ ଉତ୍ତମ ବୁଝାମଣା ରଖନ୍ତି ପ୍ରଣବ । ସବୁଠାରୁ ବଡ଼ କଥା ହେଉଛି ଦଳ ପାଇଁ ୨୪ ଘଣ୍ଟା କାମ କରିବାକୁ ସେ ଯେମିତି ପଣ କରିଛନ୍ତି । ନବୀନଙ୍କ ନିର୍ଦ୍ଦେଶ ଅକ୍ଷର ଅକ୍ଷର ପାଳନ କରି ସବୁ ସମସ୍ୟା ଦୂର କରନ୍ତି ସେ । ଯାହା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଣମାଧ୍ୟମ ଅାଗରେ ବଖାଣିଛନ୍ତି । ୨୦୧୪,୨୦୧୯, ବିଜେପୁର ଓ ପାଟକୁରା ଉପନିବାର୍ଚନରେ ପ୍ରଣବଙ୍କ ପରିଶ୍ରମକୁ ପ୍ରଶଂସା କରିଛନ୍ତି ନବୀନ । ଖାସ ସେଥିଲାଗି ପ୍ରଥମଥର ପାଇଁ ବିଜେଡ଼ି ସଂଗଠନ ସମ୍ପାଦକ ପଦବୀ ସୃଷ୍ଟି କରି ପ୍ରଣବଙ୍କୁ ଏହାର ମଙ୍ଗ ଧରାଇଛନ୍ତି । ବିଜେଡ଼ିର ଦ୍ୱିତୀୟ ନେତା ଏବେ ପାଲଟିଛନ୍ତି ପ୍ରଣବ ପ୍ରକାଶ ଦାସ (ବବି) । ତାଙ୍କ ପରିଶ୍ରମ ହିଁ ତାଙ୍କୁ ଏହି ସଫଳତା ଦେଇଛି ।
ପାଓ୍ୱାର କରିଡ଼ରୁ ଓଡ଼ିଶାର ନିପଟ ଗାଁ ଚା ଖଟିରେ ଏବେ ଗୋଟେ କଥା ସାନ ସିନା କାମ ତା ମହାନ । ୨୩ବର୍ଷରେ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ସବୁବେଳେ ଉପଯୁକ୍ତ ଲୋକଙ୍କୁ ଉପଯୁକ୍ତ ସ୍ଥାନରେ ବସାଇଛନ୍ତି । ତାହା ପୁଣି ପ୍ରଣବଙ୍କ କ୍ଷେତ୍ରରେ ଘଟିଛି । ଏବେ ପ୍ରଶ୍ନ ମାତ୍ର ୧୧ବର୍ଷରେ ପ୍ରଣବଙ୍କୁ କାହିକିଁ ନବୀନ ଏପରି ଗୁରୁଦାୟିତ୍ୱ ଦେଲେ । ଭାରତବର୍ଷର ରାଜନୀତିକୁ ଯଦି ତର୍ଜମା କରାଯାଏ ମାତ୍ର ୪୦ବର୍ଷ ବୟସରେ ରାଜୀବ ଗାନ୍ଧୀ ଦେଶର ପ୍ରଧାନମନ୍ତ୍ରୀ ହୋଇଥିଲେ , ସେହିପରି ଏବେ ଅାନ୍ଦ୍ରର ଜଗନରେଡ଼ି ଏବେ ମୁଖ୍ୟମନ୍ତ୍ରୀ , ଯୁବନେତା ଅଖିଳେଶ ଯାଦବ ବି ଉତ୍ତର ପ୍ରଦେଶ ରାଜ୍ୟର ମୁଖ୍ୟମନ୍ତ୍ରୀ ହୋଇଛନ୍ତି, ମହାରାଷ୍ଟ୍ରର ଦେବେନ୍ଦ୍ର ଫଣ୍ଡନାଭିସ । ତେଣୁ ସେସବୁକୁ ବିଚାରକୁ ନେଲେ ପ୍ରଣବଙ୍କୁ ନବୀନ ଗୁରୁଦାୟିତ୍ୱ ଦେବା ନେଇ ପ୍ରଶ୍ନ ଉଠିନପାରେ । ସବୁଠାରୁ ବଡ଼କଥା ହେଉଛି ବିଜେଡ଼ିର ସବୁ ଛାମୁଅା ସଂଗଠନର ନେତାଙ୍କ ସହ ପ୍ରଣବଙ୍କ ସୁସମ୍ପର୍କ ରହିଛି।

ଭୁବନେଶ୍ୱର : ୭ଥର ବିଧାୟକ, ୨୨ବର୍ଷ ଧରି ମନ୍ତ୍ରୀ ହୋଇ ମୁଁ ରହିଲି । ବିଜୁବାବୁଙ୍କ ମନ୍ତ୍ରୀ ମଣ୍ଡଳରେ କାମ କଲି , ନବୀନଙ୍କ ମନ୍ତ୍ରୀ ମଣ୍ଡଳରେ ମଧ୍ୟ କାମ କଲି । ଅ୍ଧମ ରାଜନୀତି କରିବାକୁ ମୋର ଇଚ୍ଛା ନାହିଁ । କି କୌଣସି ପଦବୀରେ ରହିବାକୁ ବି ମୋ ଇଚ୍ଛା ନାହିଁ । ଇଚ୍ଛା କେବଳ ମୋ ପରିଚୟ କିପରି ଫେରିବ । ଏହା ହିଁ ମୋ ମନର କଥା । ବିଜୁ ଜୟନ୍ତି ଓ ନବୀନ ଶାସନର ୨୦ବର୍ଷ ପୂର୍ତ୍ତି ଅବସରରେ ଏପରି କହିଛନ୍ତି ବରିଷ୍ଠ ନେତା ଡ଼ାକ୍ତର ଦାମୋଦର ରାଉତ । ୨୦୧୯ ସାଦାରଣ ନିର୍ବାଚନ ପୂର୍ବରୁ ଦଳ ବିରୋଧୀ ମନ୍ତବ୍ୟ ପାଇଁ ବିଜେଡ଼ିରୁ ବହିଷ୍କୃତ ହୋଇଥିଲେ ମନ୍ତ୍ରୀ ଦାମୋଦର ରାଉତ । ଏହାପରେ ସେ ବିଜେପିରେ ସାମିଲ ହେଲେ ଓ ୨୦୧୯ ନିର୍ବାଚନ ବିଜେପି ଟକେଟରୁ ନିର୍ବାଚନ ଲଢିଲେ । ହେଲେ ବିଜେପି ନିର୍ବାଚନ ପରେ ତାଙ୍କୁ କଣଠେସା କରିବାକୁ ସେହି ପଦରୁ ଇସ୍ତଫା ଦେଲେ । ଏବେ ଦାମରାଉତ କେଉଁ ଦଳରେ ନାହାନ୍ତି । ବିଜେଡ଼ିକୁ ଫେରିବା ପାଇଁ ବ୍ୟାକୁଳ ହେଲେଣୀ । ନିଜଭୂଲ ସେ ବୁଛିପାରିଛନ୍ତି । ଯେଉଁଥି ପାଇଁ ସେ ବିଜେଡ଼ିକୁ ଫେରିବାକୁ ଚେଷ୍ଟା କରୁଛନ୍ତି । ବର୍ତ୍ତମାନ ପାରଦୀପ ବିଧାୟକ ଅଛନ୍ତି ଦାମଙ୍କ ପୁଅ ସମ୍ବୀତ ରାଉତ ।
ବିଜୁ ଜୟନ୍ତିରେ ଦାମବାବୁ ବିଜେଡ଼ିକୁ ଫେରିଲେ ନିଜର ପରିଚୟ ସେ ପାଇବେ ବୋଲି କହିଛନ୍ତି । ଦାମଙ୍କ କହିବା କଥା ହେଉଛି ବିଜେଡ଼ି ବିନା ମୋର ପରିଚୟ ନାହିଁ । ତେଣୁ ଶେଷ ସମୟରେ ମୋ ଉପରେ ବହିଷ୍କାର ଆଦେଶ ଉଠାଇଦେଲେ ମୁଁ ଖୁସି ହେବି ଓ ଯେଉଁ ପରିଚୟ ମୋର ଚାଲିଯାଇଛି ତାହା ବି ଫେରିପାଇବ । ଅର୍ଥାତ ବିଜେଡ଼ି ବିନା ମୋର କିଛି ପରିଚୟ ନାହିଁ ବୋଲି ଦାମ କହିଛନ୍ତି । ୪୫ବର୍ଷ ଧରି ପ୍ରତ୍ୟେକ୍ଷ ଭାବେ ରାଜନୀତିରେ ରହି ଦାମବାବୁ ବିଜେଡ଼ି ଯେ ଏବେ ନେତାଙ୍କ ମୁଖ୍ୟ ପରିଚୟ ଓ ନବୀନ ଯେ ଓଡ଼ିଶା ଲୋକଙ୍କ ହୃଦୟର ରଙ୍କକ୍ସକ୍ଟ ତାହା ଜାଣିପାରିଛନ୍ତି । ଖାସ ସେଥିପାଇଁ ସେ ଜୀବନର ଶେଷ ସମୟରେ ବିଜେଡ଼ିରେ ସାମିଲ ହେବାକୁ ଚାହୁଛନ୍ତି

ଭୁବନେଶ୍ୱର: ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କୁ ମାନ୍ୟବର ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ ଦଳର ସାଂଗଠନିକ ସଂପାଦକ ଦାୟିତ୍ବ ଦେଇଛନ୍ତି। ଯାହାକି ବିଜେଡି ଇତିହାସରେ ପ୍ରଥମ। କାରଣ ସାଂଗଠନି ସମ୍ପାଦକ ପଦବୀ ହେଉଛି ନବୀନଙ୍କ ପରେ ଦଳର ଦ୍ୱିତୀୟ କ୍ଷମତା ସମ୍ପନ୍ନ ପଦବୀ । ଯାହା କି ଏବେ ପ୍ରଣବ ପ୍ରକାଶ ଦାସଙ୍କୁ ମିଳିଛି ।
ପ୍ରଣବଙ୍କ ଉପରେ ମୁଖ୍ୟମନ୍ତ୍ରୀ ତଥା ଦଳ ଭରଷା କରିଥିବାରୁ ସେ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ବିଜୁବାବୁଙ୍କ ନୀତି ଆଦର୍ଶକୁ ଲୋକଙ୍କ ପାଖରେ ପହଞ୍ଚାଇ ଦଳକୁ ମଜଭୁତ କରିବା ତାଙ୍କର ପ୍ରଥମ ଲକ୍ଷ ବୋଲି ଟୁଇଟ କରି ସେ କହିଛନ୍ତି। ତାଙ୍କୁ ଏହି ଗୁରୁ ଦାୟିତ୍ୱ ମିଳିଲା ପରେ ସେ ଆହୁରି ନିଷ୍ଠାର ସହ କାର୍ଯ୍ୟ କରିବେ ବୋଲି କହିଛନ୍ତି।
ବବିଙ୍କୁ ଏହି ଦାୟିତ୍ୱ ମିଳିଲା ପରେ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା ମିଳୁଛି। ଏପରି କି ତାଙ୍କ ନିର୍ବାଚନ ମଣ୍ଡଳୀ ଯାଜପୁରରେ ତାଙ୍କ ସମର୍ଥକ ମାନେ ବିରଜା ମନ୍ଦିରରେ ପୂଜାର୍ଚ୍ଚନା କରିଛନ୍ତି ।

• ଭୁବନେଶ୍ୱର :ପ୍ରଣବ ପ୍ରକାଶ ଦାସ (ବବି) । ସାଲିସବୀହିନ ସମ୍ରାଟ ସ୍ୱର୍ଗତ ଅଶୋକ ଦାସଙ୍କ ବଡ଼ପୁଅ । ପୂର୍ବତନ ବିରୋଧୀ ଦଳ ନେତା ଓ ଚକ ଚିହ୍ନର ସାରଥୀ ଓ ପୂର୍ବତନ କୋରୋଇ ବିଧାୟକ ସ୍ୱର୍ଗତ ଅଶୋକ ଦାସଙ୍କ ଦେହାନ୍ତା ପରେ ତାଙ୍କର ଦୟାଦ ଭାବେ ୨୦୦୯ ମସିହାରେ ରାଜନୀତିରେ ପାଦଥାପିଲେ । ଅାଉ ସେହିବର୍ଷ ପ୍ରଥମଥର ଲାଗି ଯାଜପୁର ବିଧାନସଭା ଅାସନ ଲାଗି ବିଜେଡ଼ି ଟିକେଟରୁ ନିବାର୍ଚନ ଲଢିଲେ ।ଆଉ ବିପୁଳ ଭୋଟର ବିଜୟ ଲାଭ କରି ବିଧାୟକ ହେଲେ । ଏହାପରେ ୨୦୧୪ ରୁ ୨୦୧୯ରେ ବି ଯାଜପୁରବାସୀ ପ୍ରଣବଙ୍କୁ ବିଧାୟକ ଭାବେ ନିବାର୍ଚିତ କରିଛନ୍ତି । ୨୦୧୪ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ମନ୍ତ୍ରୀ ମଣ୍ଡଳରେ ସାମିଲ କଲେ । ଶକ୍ତିବିଭାଗ ପରି ଗୁରୁତ୍ୱପୂର୍ଣ୍ଣ ବିଭାଗର ସେ ହେଲେ ମନ୍ତ୍ରୀ । ହେଲେ ଦଳରେ ପ୍ରଣବ ସାମିଲ ହେବା ଠାରୁ ତାଙ୍କ ଭିତରେ ତାଙ୍କ ବାପା ଅଶୋକଙ୍କ ପରି ଦଳ ପ୍ରତି ଅାନୁଗତ୍ୟ ଓ ସାଂଗଠନିକ ଦକ୍ଷତା ବି ପ୍ରଣବଙ୍କ ପାଖରେ ଥିବା ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ଅନୁଭବ କଲେ । ତେଣୁ ମନ୍ତ୍ରୀ ପଦରୁ ଇସ୍ତଫା ଦେଇ ସେ ସାଂଗଠନିକ ଦାୟିତ୍ୱ ବୁଝିବା ପାଇଁ ପ୍ରଣବଙ୍କୁ ନବୀନ ନିର୍ଦ୍ଦେଶ ଦେଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାପାଙ୍କ ଭଲ ପାଉଥିବା ପ୍ରଣବ ସଙ୍ଗେ ସଙ୍ଗେ ମନ୍ତ୍ରୀ ପଦରୁ ଇସ୍ତଫା ଦେଇ ଦଳର ସାଂଗଠନିକ ଦାୟିତ୍ୱ ବୁଛିଲେ । ନବୀନଙ୍କ ନିର୍ଦ୍ଦେଶ ବିଜେଡ଼ି କିପରି ଶକ୍ତିଶାଳୀ ହେବ ସେ କାମରେ ଲାଗିଗଲେ ପ୍ରଣବ । ରାଜ୍ୟ ସରକାରଙ୍କ ବିଭିନ୍ନ ଯୋଜନା ଓ ବିଜେଡ଼ିର ସଂଗଠନ କିପରି ଏକା ସାଙ୍ଗରେ ଘରେଘରେ ପହଞ୍ଚିବ ସେ ନେଇ ପ୍ରଣବ ନବୀନଙ୍କ ନିର୍ଦ୍ଦେଶ ଅନୁସାରେ କାମ କଲେ । ପ୍ରଥମେ କୋରାପୁଟ ଜିଲ୍ଲାର ସାଂଗଠନିକ ଦାୟିତ୍ୱ ନେଲେ ପ୍ରଣବ । ତାଙ୍କୁ କୋରାପୁଟ ଜିଲ୍ଲା ପର୍ଯ୍ୟବେକ୍ଷକ କରାଗଲା । କଂଗେ୍ରସ ଦବଦବା ଥିବା କୋରାପୁଟ ଜିଲ୍ଲାରେ ବିଜେଡ଼ି ସଂଗଠନଙ୍କୁ ନବୀନ ପ୍ଲାନ ଅନୁସାରେ ପ୍ରଣବ ସଂଗଠନକୁ ଜିଲ୍ଲାରେ ଅଧିକ ସଂଗଠନ କଲେ । ଦଳର ଗୋଷ୍ଠୀ କନ୍ଦଳ ତୁଟାଇ ସଭିଁଙ୍କୁ ଏକଜୁଟ କଲେ । ସଂଗଠନ ସଠିକ ଭାବେ ଚାଲିଲା ।ଏବଂ ଏହାପରେ ଅାସିଲା ବିଜେପୁର ଉପ ନିବାଚନ । ୩ମାସ କାଳ ପ୍ରଣବ ଯାଜପୁର,ଭୁବନେଶ୍ୱର ଭୂଲି ବିଜେପିର ଏକ ପଡ଼ାରେ ଦଳର ସଂଗଠନ ମଜବୁତ କରିବା ପାଇଁ ରହିଲେ । ଭୂଲିଗଲେ ଘର ଓସମ୍ପର୍କୀୟଙ୍କୁ। ବିଜେପି ଉପନିବାର୍ଚନ କିପରି ବିଜେଡ଼ି ବିପୁଳ ଭୋଟରେ ବିଜୟ କରିବ ସେନେଇ ପ୍ରଣବ ନବୀନଙ୍କ ନିର୍ଦ୍ଦେଶରେ କାମ ଅାରମ୍ଭ କରିଦେଲେ । ପୁରା ପଶ୍ଚିମ ଓଡ଼ିଶାର ନେତାଙ୍କୁ ଏକାଠି କରି ଦଳର ସଂଗଠନକୁ ମଜବୁତ କଲେ । ଏହାସହ ବିଜେପୁରବାସୀ କଣ ଚାହୁଛନ୍ତି ସେନେଇ ବିଜେପୁର ପ୍ରତେକ ଗାଁରେ ଲୋକଙ୍କ ସହ ସିଧାସଳଖ ଅାଲୋଚନା କରି ମୁଖ୍ୟମନ୍ତ୍ରୀଙ୍କ ଦୃଷ୍ଟି ଅାକର୍ଷଣ କଲେ । ମୁଖ୍ୟମନ୍ତ୍ରୀ ପ୍ରଣବଙ୍କ ଦେଇଥିବା ପ୍ରସ୍ତାବକୁ ତର୍ଜମା କରି ସଙ୍ଗେ ସଙ୍ଗେ ଏହାକୁ କାର୍ଯ୍ୟକାରୀ କଲେ । ବିଜେପୁରରେ ହାଇଭୋଲଟେଜ ଉପନିବାର୍ଚନରେ ବିଜେପି ଓ କଂଗ୍ରେସ ବି ବିଜୟ ପାଇଁ ଲାଗି ପଡ଼ିଲେ । ହେଲେ ନବୀନଙ୍କ ନିର୍ଦ୍ଦେଶ ପ୍ରଣବ ଏପରି ଗୋଟି ଚାଳନ କଲେ । ବିରୋଧୀ କିଛି ବୁଝିପାରିଲେ ନାହିଁ । ଯାହା ଫଳରେ ବିଜେଡ଼ି ବିଧାୟିକ ପ୍ରାର୍ଥୀ ରୀତା ସାହୁ ବିପୁଳ ୪୩ହଜାର ଭୋଟର ବିଜୟ କଲେ । ଏହାପରେ ୨୦୧୯ ସାଧାରଣ ନିବାର୍ଚନ ହେଲା । ବିଜେପି ମିଶନ ୧୨୦ ପ୍କସର ନାରା ଦାଲା । ନବୀନଙ୍କ ନିଦେ୍ର୍ଦଶରେ ପ୍ରଣବ ବରିଷ୍ଠ ଓ ଯୁବନେତାଙ୍କୁ ଏକାଠି କରି ଜିଲ୍ଲାଜିଲ୍ଲା ଗସ୍ତ କରି ସଂଗଠନ ମଜବୁତ କରିବା ସହ ବିଜୟ ପାଇଁ ବିଜେଡ଼ି ସୁପ୍ରିମୋ ଦେଇଥିବା ଗୁରୁମନ୍ତ୍ରୀଙ୍କୁ ବିଜେଡ଼ି ନେତା ଓ କର୍ମୀଙ୍କୁ ବୁଝାଇଲେ । ବିଜେଡ଼ି ଟିକେଟ ପାଇଁ ବହୁ ଅାଶାୟୀ ଓ ବିଜେଡ଼ିର ଅସନ୍ତୋଷ ମଧ୍ୟ ସେ ତାଙ୍କର ଚତୁର ବୃଦ୍ଧି ପ୍ରତିହତ କରି ସୁପ୍ରିମୋଙ୍କ ଖୁସି କରାଯାଇଥିଲେ । ବିଜେଡ଼ିକୁ ଜିତାଇବା ପାଇଁ ଦିନରାତି ଏକ କରି ପ୍ରଣବ ନିଷ୍ଠାର ସହ କାମ କଲେ । ଏପରିକି ନିଜ ନିବାର୍ଚନୀ ମଣ୍ଡଳୀରେ ୨୦୧୯ ସାଧାରଣ ନିବାର୍ଚନରେ ଯେପରି ପ୍ରଚାର କରିବା କଥା ତାହା ବି ସେକଲେ ନାହିଁ। ବିଜେଡ଼ି କିପରି ଅଧିକ ଅାସନରେ ବିଜୟ କରିବ ସେଚିନ୍ତା ଘାରିଥିଲା ତାଙ୍କୁ । ନବୀନଙ୍କ ପ୍ରତେକ ସଭାକୁ କିପରି ସଫଳ କରାଯିବ ସେଥିଲାଗି ଦିନରାତି ଏକ କରି କେତେବେଳେ କୋରାପୁଟରେ ତ କେତେବେଳେ ମୟୁରଭଞ୍ଜ , କେତେବେଳେ କେନ୍ଦ୍ରପଡ଼ା ତ କେତେବେଳେ ତାଳଚେର ,ବ୍ରହ୍ମପୁର ଓ ଭଦ୍ରକରେ ପ୍ରଣବ ରାତି କଟାଉଥଲେ । ନିଜ ନିବାର୍ଚନୀ ମଣ୍ଡଳୀକୁ ମଧ୍ୟ ସମୟ ଦେଉପାରୁନଥିଲେ ନିଜ ପାଇଁ ପ୍ରଚାର କରିନଥିଲେ । ଏପରିକି ପ୍ରଚାରର ଶେଷ ଦିନରେ ପ୍ରଣବ ବିଜେଡ଼ି ପାଇଁ ସମ୍ମାନର ପ୍ରଶ୍ନ ଥିବା କେନ୍ଦ୍ରପଡ଼ା ଜିଲ୍ଳାରେ ରହିଛି । ନବୀନଙ୍କ ଲୋକପ୍ରିୟତା, ସରକାରଙ୍କ ଲୋକାଭିମୁଖୀ ଯୋଜନା ଓ ବିଜେଡ଼ିର ନେତା ଓ କର୍ମୀଙ୍କ ପରିଶ୍ରମ ଯୋଗୁଁ ବିଜେଡ଼ି ୨୦୧୯ ନିବାର୍ଚନରେ ୧୧୨ ଅାସନରେ ବିଜୟ କଲା । ୧୨ ଜଣ ସାଂସଦ ମଧ୍ୟ ଜିତିଲେ ବିଜେଡ଼ିର । ଏସବୁ ଶ୍ରେୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଯିବା ନିଶ୍ଚିତ । ହେଲେ ପ୍ରଣବ ନିବାର୍ଚନ ବୈତରଣୀ ପାର କରିବା ପାଇଁ ଯେଉଁ ପରିଶ୍ରମ କରିଛନ୍ତି ତାହା ନବୀନ ହିଁ ବୁଝିଥଲେ ଓ ମନେ ରଖିନଥିଲେ। ସେହିପରି ଓଡ଼ିଶାର ବଡ଼ ଜିଲ୍ଲା ମୟୁରଭଞ୍ଜରେ ଦଳର ସଂଗଠନ ମଜବୁତ କରିବା ପାଇଁ ନବୀନ ପ୍ରଣବଙ୍କୁ ମଧ୍ୟ ଦାୟିତ୍ୱ ଦେଇଛନ୍ତି । ଯେତେବେଳେ ପଂଚମ ପାଳିରେ ନବୀନ ସରକାର ଗଠନ କଲେ । ଅାଶା କରାଯାଉଥିଲା ପ୍ରଣବ ପରିଶ୍ରମ ପାଇଁ ପୁରସ୍କାର ମିଳିବ । କ୍ୟାବିନେଟ ମନ୍ତ୍ରୀ ସହ ନବୀନ ତାଙ୍କୁ ମନ୍ତ୍ରୀମଣ୍ଡଳର ଗୁରୁଦ୍ରିତ୍ୱ ଦେବେ । ହେଲେ ପ୍ରଣବ ନିଜ ପିତାଙ୍କ ପରି ଦଳକୁ ଅାଗେ ଦେଖି କ୍ଷମତା ଲୋଭରୁ ନିଜକୁ ଦୂରେଇ ଗଲେ । ମନ୍ତ୍ରୀ ହେଲେ ଦଳ ପାଇଁ କାମ କରିବାକୁ କାଳେ ଅସୁବିଧା ହେବ ସେଥିଲାଗି ସେ ମନ୍ତ୍ରୀ ହେବାକୁ ଚାହିଲେ ନାହିଁ କି ପୂର୍ବରୁ ସେ କେତେମନ୍ତ୍ରୀ ହେବାକୁ ଇଚ୍ଛା ପ୍ରକାଶ କରିନାହାନ୍ତି । ଓଡ଼ିଶାର ୧ ନମ୍ବର ମନ୍ତ୍ରୀ ହେବା ପରେ ବି ସେ ଦଳର ସଂଗଠନ ସଜାଡ଼ିବା ପାଇଁ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ । ଏହାପରେ ଅାସିଲା ପାଟକୁରା ଉପ ନିବାର୍ଚନ । ବିଜେପିର ପ୍ରାର୍ଥୀ ହେଲେ ବିଜୟ ମହାପାତ୍ର । ବିଜେଡ଼ି ପାଇଁ ମଧ୍ୟ ଏହି ଉପ ନିବାର୍ଚନ ସମ୍ମାନର ପ୍ରଶ୍ନ ଥିଲା । ନବୀନ ସ୍ୱର୍ଗତ ବେଦପ୍ରକାଶ ଅଗ୍ରଓ୍ୱାଲଙ୍କ ଧର୍ମପତ୍ନୀ ସାବିତ୍ରୀ ଅଗ୍ରଓ୍ୱାଲକୁ ପ୍ରାର୍ଥୀ କଲୋ। ଅଶୀ ଦଶକର ରାଜନୀତିର ଚାଣକ୍ୟ ପାଇଁ ରାଜ୍ୟ ବିଜେପି ଠାରୁ କେନ୍ଦ୍ର ବିଜେପି ନେତା ଲାଗିପଡ଼ିଲେ । ହେଲେ ଓଡ଼ିଶା ରାଜନୀତିର ଅସଲୀ ଚାଣକ୍ୟ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ପାଟକୁରା ପାଇଁ ପ୍ରସ୍ତୁତ କଲେ ସ୍ୱତନ୍ତ୍ର ରଣନୀତି । ଯାହାର ସେନାପତି କଲେ ପ୍ରଣବ ପ୍ରକାଶ ଦାସଙ୍କୁ । ଯାହା ଫଳରେ ବିଜୟ ମହାପାତ୍ର ବିଧାନସଭା ବାଟ ବନ୍ଦ ହେଲା । ବିଜୁଙ୍କ ଗଡ଼ରେ ପୁଣି ଉପ ନିବାର୍ଚନରେ ବିଜେଡ଼ିର ବାନା ଉଡ଼ିଲା ।
  ଅାଉ ବିଜୁ ଜୟନ୍ତୀରେ ଦଳପ୍ରତି ଅାନୁଗତ୍ୟ , ପରିଶ୍ରମ ଓ ନିଜର ସାଂଗଠନିକ ଦକ୍ଷତା ଦେଖାଇଥବା ପ୍ରଣବଙ୍କୁ ନବୀନ ଦେଲେ ବଡ଼ ଉପହାର । ପ୍ରଣବଙ୍କ ପରିଶ୍ରମକୁ ବିଜୁବାବୁଙ୍କ ଜୟନ୍ତୀରେ ମନେପକାଇ ସର୍ବ ସାଧାରଣରେ ତାଙ୍କୁ ଦଳର ସଂଗଠନ ବିଜେଡ଼ିରେ ଏପରି ପଦବୀ ପ୍ରଥମ ଥର ଲାଗି ପ୍ରଣବଙ୍କ ପାଇଁ ସୃଷ୍ଟି କଲେ ନବୀନ । କାରଣ ନବୀନ ଏପରି ନେତା ଯେ କି ଉଚିତ ଲୋକଙ୍କୁ ଉଚିତ ସ୍ଥାନରେ ରଖନ୍ତି । ଯାହା ବହୁବାର ପ୍ରମାଣିତ ହୋଇଛି । ଯାହାକୁ ଗଣମାଧ୍ୟମ ଭାଷାରେ ମାଷ୍ଟରଷେ୍ଟ୍ରାକ , ଚମକାଇଲା ପରି ଖବର କୁହାଯାଲ । ବିଜେଡ଼ି ସରକାରର ୨୦ବର୍ଷ ପୁର୍ତ୍ତରେ ଏପରି ଏକ ଖବର ଅାସିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଣବଙ୍କ ପରିଶ୍ରମ କଥା ବଖାଣିଲେ ଗଣମାଧ୍ୟମରେ । ବିଜେପୁର ଉପନିବାର୍ଚନ, ପାଟକୁରା ଉପନିବାର୍ଚନ, ୨୦୧୪ ନିବାର୍ଚନ ଓ ୨୦୧୯ ନିବାର୍ଚନରେ ପ୍ରଣବ ପ୍ରକାଶ ଦାସଙ୍କ ଅବଦାନ ଉଲେ୍ଲଖ କଲେ । ଅାଉ ଦଳର ଗୁରୁଦାୟିତ୍ୱ ମଧ୍ୟ ଦେଲେ । ଯାହାକୁ ପ୍ରଣବ ପରି ଦଳ ପାଇଁ କାମ କରୁଥିବା ପରିଶ୍ରମୀ ନେତାମାନଙ୍କୁ ଅାହୁରୀ ଅଧିକ ପରିଶ୍ରମ କରିବା ପାଇଁ ନିଶ୍ଚିତ ଉତ୍ସାହିତ କରିବ ବୋଲି ରାଜନୈତିକ ମହଲରେ ଚଚ୍ଚାର୍ ହେଉଛି ।

ଭୁବନେଶ୍ୱର : କଥାରେ ଅଛି ପରିଶ୍ରମର ଫଳ କେବେ ବି ବେକାର ଯିବ ନାହିଁ l 20ବର୍ଷରେ ପାଦ ଥାପିଛି ବିଜେଡି ସରକାର l ବିଜେଡି ସଫଳତାର ମୁଖ୍ୟ ପୁରୋଦ୍ଧା ହେଉଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ l ୨୦୦୦ ମସିହାରୁ ବିଜେଡି ରାଜ୍ୟରେ ଶାସନ କରିଆସୁଛି l ୨୦୧୪,୨୦୧୪ ଓ ବିଜେପୁର ଉପନିର୍ବାଚନ, ପାଟକୁରା ଉପନିର୍ବାଚନରେ ନବୀନଙ୍କୁ ଯେଉଁ ସଫଳତା ମିଳିଛି ଏହାର ଶ୍ରେୟ ନବୀନ ପଟ୍ଟନାୟକ ସହ ଦଳର ସାଧାରଣ ସମ୍ପାଦକ ସଂଗଠନ ପ୍ରଣବ ପ୍ରକାଶ(ବବି ଦାସ)ଙ୍କ ପାଇଁ l ଏକଥା ଓଡ଼ିଶାବାସୀ ଓ ରାଜନୈତିକ ସମିକ୍ଷକ ମାନେ କହୁଥୁଲେ l ଆଉ ଏବେ ଏହାକୁ ଯାହାଙ୍କ ନାଁରେ ବିଜେଡି ଗଠନ କରାଯାଇଛି ତାଙ୍କ ଜନ୍ମଦିନରେ ତାଙ୍କ ପୁଅ ତଥା ବିଜେଡି ସୁପ୍ରିମୋ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି l ପ୍ରବଣ ପ୍ରକାଶ ଦାସ (ବବି) ଦଳପତି କଠିନ ପ୍ରରିଶ୍ରମ ପାଇଁ ନବୀନ ତାଙ୍କୁ ବିଜୁଙ୍କ ଜନ୍ମଦିନରେ ବଡ ଉପହାର ଦେଇଛନ୍ତି l ମୁଖ୍ୟମନ୍ତ୍ରୀ କହିଛନ୍ତି ଯେ ୨୦୧୪-୨୦୧୯ ଓ ବିଜେପୁର ଉପନିର୍ବାଚନରେ ପ୍ରଣବଙ୍କ ଦଳ ପାଇଁ କଠିନ ପରିଶ୍ରମ କରିଛନ୍ତି l ମୁଖ୍ୟମନ୍ତ୍ରୀଙ୍କ ଏହି ବାଣୀ ପ୍ରଣବଙ୍କୁ କେତେ ଖୁସି କରିଥିବ ତାହା ତାଙ୍କୁ ଜଣା l ହେଲେ ବିଜୁ ଜୟନ୍ତୀରେ ନବୀନ ବାର୍ତ୍ତା ଦେଲେ ଯେ ଯିଏ ଦଳ ପାଇଁ ପରିଶ୍ରମ କରିବ ଓ ଆନୁଗତ୍ୟ ରଖିବ ଦଳ ତାକୁ ସେହି ସଂମ୍ମାନ ଦେବେ l ଖାସ ସେଥିପାଇଁ ନବୀନ ବିଜୁ ଜୟନ୍ତୀରେ ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କୁ ଦଳର ସଂଗଠନନିକ ସମ୍ପାଦକ ଘୋଷଣା କରିଛନ୍ତି l

କାରଣ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜାଣନ୍ତି ପ୍ରଣବଙ୍କ ଦକ୍ଷତା l ଯେତେବେଳେ ଯେଉଁ କାମ ବବିଙ୍କୁ ନବୀନ ଦିଅନ୍ତି ବବି ତାକୁ ସଫଳତା ସହ କରିଦିଅନ୍ତି l ସେ ନିର୍ବାଚନ ଦାୟିତ୍ୱ ହେଉ ଅବା ସାଙ୍ଗଠନିକ ଦାୟିତ୍ୱ ସବୁକୁ ସଠିକ ଭାବେ ସେ ତୁଲାନ୍ତି l ଯେଉଁଠି ପାଇଁ ସେ ନବୀନଙ୍କ ପ୍ରିୟପାତ୍ର l ଦଳ ପାଇଁ ପ୍ରଣବ ଘରକୁ ବି ଭୁଲିଯାଇଛନ୍ତି ଯାହାର ପୁରସ୍କାର ତାଙ୍କୁ ଆଜି ନବୀନ ଦେଇଛନ୍ତି

ଭୁବନେଶ୍ୱର : ପଞ୍ଚାୟତିରାଜ ଦିବସ ପାଳନ ଅବସରରେ
କ୍ଷମତା ବିକେନ୍ଦ୍ରୀକରଣ ହେବା ବଦଳରେ ସଚିବାଳୟରେ କେନ୍ଦ୍ରୀଭୂତ ହେଉଛି । ଚତୁର୍ଦ୍ଦଶ ଅର୍ଥ କମିଶନ ସୁପାରିଶରେ ରାଜ୍ୟର ୭୦୦୦ ପଞ୍ଚାୟତକୁ ୪୦ ହଜାରରୁ ୧କୋଟି ଟଙ୍କା ପର୍ଯ୍ୟନ୍ତ ସହାୟତା କେନ୍ଦ୍ର ସରକାର ଦେଇଥିଲେ । ଗାଁର ବିକାଶ ପଲ୍ଲୀସଭା ଓ ଗ୍ରାମସଭା ମାଧ୍ୟମରେ କରାଯାଏ । କିନ୍ତୁ ୨୦୧୮ ଜୁଲାଇ ମାସ ୭ ତାରିଖରୁ ଏହା ବନ୍ଦ କରାଗଲା । ଫେବୃଆରୀ ୧୭ତାରିଖ ୨୦୧୯ରେ ପଞ୍ଚାୟତ ଖର୍ଚ୍ଚ କରିବାକୁ ସକ୍ଷମ ନଥିବା ଦର୍ଶାଇ ଜିଲ୍ଲାର ପ୍ରଶାସନିକ ଅଧିକାରୀଙ୍କୁ କ୍ଷମତା ହସ୍ତାନ୍ତର କଲେ । ନିଜ ଅପାରଗତାକୁ ଲୁଚାଇ ପଞ୍ଚାୟତର ଦୋଷ ଦେଉଛନ୍ତି ରାଜ୍ୟ ସରକାର । ପିଇବା ପାଣି ବ୍ୟବସ୍ଥା ପାଇଁ ମଧ୍ୟ ସରପଞ୍ଚ ମାନଙ୍କୁ ଟଙ୍କା ଡିପୋଜିଟ କରିବାକୁ ନିର୍ଦ୍ଦେଶ ଦିଆଯାଇଛି । ପଞ୍ଚାୟତିରାଜ ବ୍ୟବସ୍ଥା ଭୁଷୁଡି ପଡିଛି । ନିର୍ବାଚିତ ନେତା ମାନଙ୍କର କ୍ଷମତା ସଙ୍କୁଚିତ କରାଯାଇଛି । ଯେଉଁ ଟଙ୍କା ଲୋକଙ୍କ ପାଇଁ ଆସୁଛି ତାକୁ ଲୋକଙ୍କ ପାଇଁ ଖର୍ଚ୍ଚ କରାଯାଉ । ୯୪ ଶତକଡା କେନ୍ଦ୍ର ଓ ୬ ଶତକଡା ରାଜ୍ୟ ଦେଉଛି । ପ୍ରଧାନମନ୍ତ୍ରୀ ଗ୍ରାମବାସୀଙ୍କ ଜୀବନ ଧାରଣ ମାନ ଉନ୍ନତି କରିବା ପାଇଁ ଟଙ୍କା ପଠାଉଛନ୍ତି କିନ୍ତୁ ରାଜ୍ୟ ସରକାର ସମସ୍ତ କ୍ଷମତା ସଚିବାଳୟରେ କେନ୍ଦ୍ରୀଭୂତ କରି ଲୋକଙ୍କ ସହ ପ୍ରତାରଣା କରୁଛନ୍ତି l