କରୋନା ଭୂତାଣୁ ସଂକ୍ରମଣକୁ ରୋକିବା ବଡ଼ ନିଷ୍ପତି 

ସଟ ଡାଉନ ହେଲା ଯାଜପୁର 

ଆଜି ସଂନ୍ଧ୍ୟା 6ଟାରୁ 48ଘଣ୍ଟା 

ଯାଜପୁର,  ବ୍ୟାସନଗର ପୌରାଂଚଳ ସମେତ ସମସ୍ତ ବ୍ଳକ ମୁଖ୍ୟାଳୟର ପାଖାପାଖି ଅଂଚଳ, ଚଣ୍ଡିଖୋଲ, ପାଣିକୋଇଲି, ସାଦକପୁର, ନେଉଳପୁର ଓ ଚାରିନଙ୍ଗଳ ଅଂଚଳରେ

ସହଯୋଗ  କରିବାକୁ ବବିଙ୍କ ନିବେଦନ 

ଯାଜପୁର : ଯାଜପୁର, ଭୟଙ୍କର କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ତତ୍ପର ହୋଇଛି ଯାଜପୁର ଜିଲ୍ଲା ପ୍ରଶାସନ । ଗତକାଲି ଜିଲ୍ଳାରେ ଜଣେ କରୋନା ପଜେଟିଭ ଥିବା ସୂଚନା ଦେବା ପରେ ରସୁଲପୁର ଅନ୍ତର୍ଗତ ବ୍ରହ୍ମବରଦା ଅଂଚଳକୁ ଆଜି ଜିଲ୍ଳାପାଳ ସଟଡାଉନ୍ ଘୋଷଣା କରିଥିଲେ । ଏଥିସହ ଯାଜପୁର ଓ ବ୍ୟାସନଗର ପୌରାଂଚଳ ସମେତ ସମସ୍ତ ବ୍ଳକ ମୁଖ୍ୟାଳୟର ପାଖାପାଖି ଅଂଚଳ, ଚଣ୍ଡିଖୋଲ, ପାଣିକୋଇଲି, ସାଦକପୁର, ନେଉଳପୁର ଓ ଚାରିନଙ୍ଗଳ ଅଂଚଳରେ ଆଜି ରାତି ୮ଟା ଠରୁ ୬ ତାରିଖ ରାତି ୮ଟା ପର୍ଯ୍ୟନ୍ତ ୪୮ ଘଂଟା ସମ୍ପୁର୍ଣ୍ଣ ସଟଡାଉନ୍ କରିବାକୁ ଜିଲ୍ଲାପାଳ ଘୋଷଣା କରିଛନ୍ତି । ଜିଲ୍ଲାପାଳଙ୍କ ଅଧକ୍ଷତାରେ ଅନୁଷ୍ଠିତ ଉଚ୍ଚ ସ୍ତରୀୟ ବୈଠକରେ ଏହି ନିଷ୍ପତି ନିଆଯାଇଛି l ବୈଠକ ଯାଜପୁର ବିଧାୟକ ତଥା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ , ଯାଜପୁର ଏସପି ପ୍ରମୁଖ ଉପସ୍ଥିତ ଥିଲେ l ଏହା ସହ ଜିଲ୍ଲାବାସୀଙ୍କୁ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଘରୁ ନବାହାରିବାକୁ ଅନୁରୋଧ କରିଛନ୍ତି l ପ୍ରଶାସନକୁ ସହଯୋଗ କଣ କରିବା ପାଇଁ ସେ ନିବେଦନ କରିଛନ୍ତି l

ଭୁବନେଶ୍ବର: ଏବେ ମଧ୍ୟ କରୋନାର ଭୟବହତାକୁ ଲୋକ ବୁଝିବା ନାରାଜ। ସରକାରଙ୍କ ଏତେ ଘୋଷଣା ପରେ ମଧ୍ୟ ଆଇନକୁ ହାତକୁ ନେଉଛନ୍ତି ଲୋକମାନେ।ଗତକାଲି ରାତି ୮ ଠାରୁ ଭୁବନେଶ୍ୱରକୁ ୪୮ ଘଣ୍ଟା ପାଇଁ ସଟ୍‌ ଡାଉନ୍ କରାଯାଇଛି ।ଯାହାକି ରବିବାର ରାତି ୮ଟା ପର୍ଯ୍ୟନ୍ତ ରହିବ। ହେଲେ ଏହାକୁ ରାଜଧାନୀର କିଛି ଲୋକ ମାନୁ ନାହାନ୍ତି । ଯାହାର ପରିଣାମ ସ୍ୱରୂପ ବର୍ତ୍ତମାନ ଯାଏଁ ସଟ୍‌ ଡାଉନ୍‌ କଟକଣା ଅବମାନନା ଅଭିଯୋଗରେ କମିଶନରେଟ୍ ପୁଲିସ୍ ଭୁବନେଶ୍ୱରରୁ ୪୫ ଜଣଙ୍କୁ ବାଧ୍ୟତାମୂଳକ ଭାବେ ସରକାରୀ କ୍ୱାରେଣ୍ଟାଇନ୍ ସେଣ୍ଟରକୁ ପଠାଇ ସାରିଛି। ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଡିସିପି।
ରାଜ୍ୟରେ କରୋନା ଆକ୍ରାନ୍ତ ବଢୁଥିବାର ଦେଖି ସରକାର ଗତକାଲ ରାତିଠୁ ଭୁବନେଶ୍ୱର ଓ କଟକ ସହିତ ଭଦ୍ରକରେ ୪୮ ଘଣ୍ଟିଆ ଶଟ୍‌ ଡାଉନ୍‌ ଲାଗୁ ହୋଇଛି। ଏଥିପାଇଁ ରାଜଧାନୀର ବିଭିନ୍ନ ଛକ, ରାସ୍ତା ଓ ଗଳିରେ ଫୋର୍ସ ମୁତୟନ ହୋଇଛନ୍ତି।

ନୂଆଦିଲ୍ଲୀ: ଏବେ ସାରା ଦେଶରେ ଆତଙ୍କ ସୃଷ୍ଟି କରିଛି କରୋନା । ଯେବେଠାରୁ ନିଜାମୁଦ୍ଦିନ ଘଟଣା ସାମ୍ନାକୁ ଆସିଲାଣି ସେବେଠାରୁ ଏଥିରେ ରାଜନୀତି ରଙ୍ଗ ଲାଗିଯାଇଛି । କାରଣ ତାବିଲିଘି ଜମାତରୁ ଫେରିଥିବା ଅଧିକାଂଶ ଲୋକ କରୋନାରେ ପୀଡ଼ିତ। ଯାହା କି ଗତ ଦୁଇ ଦିନି ଦିନର ରିପୋର୍ଟରୁ ସ୍ପଷ୍ଟ। ଏହାକୁ ନେଇ ଏବେ ସାମ୍ପ୍ରଦାୟିକତା ବାଦ ବିବାଦ ବଢ଼ିବାରେ ଲାଗିଛି। ଏଥିରେ ଅନେକ ନେତା ଘିଅ ଢାଳୁ ଥିବାର ମଧ୍ୟ ଦେଖିବାକୁ ମିଳୁଛି। ତେଣୁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଦଳୀୟ କାର୍ଯ୍ୟକର୍ତାଙ୍କୁ ଏଥିରୁ ଦୁରେଇ ରହିବାକୁ ତାଗିଦ କରିଛନ୍ତି । କେହି ବି ବିଜେପି କର୍ମକର୍ତ୍ତା ଏହାକୁ ସାମ୍ପ୍ରଦାୟିକ ରଙ୍ଗ ନଦେବା ପାଇଁ ସେ ସଚେତନ କରାଇ ଦେଇଛନ୍ତି ।
ବର୍ତ୍ତମାନ ପର୍ଯ୍ୟନ୍ତ ନିଜାମୁଦ୍ଧିନରେ ଆୟୋଜିତ ତାବଲିଘି ଜମାତ ସଭାରେ ଯୋଗ ଦେଇଥିବା ୫୦୦ରୁ ଅଧିକ ଲୋକଙ୍କ ଦେହରେ କରୋନା ଭୂତାଣୁ ଥିବା ଚିହ୍ନଟ କରାଯାଇଛି । ସେମାନଙ୍କ ମଧ୍ୟରୁ ୧୫ ଜଣ ମୃତୁ୍ୟବରଣ ବି କରିସାରିଲେଣି ।

ଯାଜପୁର :ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା 20ରେ ପହଂଚିଛି l ଯାଜପୁରରେ ଜଣଙ୍କର କରୋନା ନମୁନା ପଜିଟିଭ୍ ଆସିବା ପରେ ଯାଜପୁର ଜିଲ୍ଲା ପ୍ରଶାସନ  ବ୍ରହ୍ମବରଦା ଅଞ୍ଚଳ ସିଲ୍, କରିଛି l  ବ୍ରହ୍ମବରଦାର ୩ କିମି ପରିଧି ଭିତରେ ଚଳାଚଳ ବନ୍ଦ ନିର୍ଦ୍ଦେଶ ଦେଇଛି ଜିଲ୍ଲା ପ୍ରଶାସନ l  ସଂକ୍ରମିତ ବ୍ୟକ୍ତିଙ୍କୁ କଟକର ଅଶ୍ୱିନୀ ହସ୍ପିଟାଲକୁ ସ୍ଥାନାନ୍ତର କରିବାକୁ ନିଷ୍ପତ୍ତି ନିଆଯାଇଛି l ଏହାସହ ତାଙ୍କ ପରିବାରକୁ ସରକାରୀ କ୍ୱାରେଣ୍ଟାଇନରେ ରଖାଯିବ ବୋଲି ଜିଲ୍ଲାପାଳ ରଞ୍ଜନ କୁମାର ଦାସ ଦେଲେ ସୂଚନା । ତେବେ ଆବଶ୍ୟକ ପଡିଲେ ଜିଲ୍ଲାର ଅନ୍ୟ ଅଂଚଳ ସିଲ କରାଯିବ ବୋଲି ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି l କରୋନା ନେଇ ଜିଲ୍ଲା ପ୍ରଶାସନ ଲୋକଙ୍କୁ ସଚେତନ ଓ ସୁରକ୍ଷିତ ରହିବାକୁ ଜିଲ୍ଲାପାଳ ବାରମ୍ବାର ଅନୁରୋଧ କରିଛନ୍ତି l

ଭୁବନେଶ୍ୱର : ରାଜ୍ୟରେ ଏବେ କ୍ଷିପ୍ର ବେଗରେ କରୋନା ମାଡିଚାଲିଛି। ଆଜି କେବଳ ଗୋଟିଏ ଦିନରେ ୧୫ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ବର୍ତ୍ତମାନର ସୂଚନା ଅନୁସାରେ ନୂଆ ୧୧ ଜଣ କରୋନା ପୋଜିଟିଭି ଜଣାପଡିଛି । ଏହାକୁ ମିଶାଇ ଆଜି ଗୋଟେ ଦିନରେ ୧୫ଜଣ ଆକ୍ରାନ୍ତ ଚିହ୍ନଟ କରାଯାଇଛି।
ସତ୍ୟନଗରରେ ଆକ୍ରାନ୍ତ ହୋଇଥିବା ବ୍ୟକ୍ତିଙ୍କ ସ୍ତ୍ରୀ,ଝିଅ ଏବଂ ସମ୍ପର୍କୀୟଙ୍କ ମିଶାଇ ୭ଜଣ ଆକ୍ରାନ୍ତ ହୋଇଛନ୍ତି। ଏହା ସହ ପୁରୀରୁ ଜଣେ,ଯାଜପୁରରୁ ଜଣେ ଏବଂ ଭଦ୍ରକରୁ ୨ଜଣ ଆକ୍ରାନ୍ତ ହୋଇଥିବା ସ୍ୱାସ୍ଥ୍ୟ ବିଭାଗ ଟୁଇଟ କରି ଜଣାଇଛି । ଆଜିର ୧୫ ଜଣ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ ୨୦ ଛୁଇଁଛି କରୋନା ।