କୋରାପୁଟ  : କରୋନାର ମୁକାବିଲା କରିବା ପାଇଁ ରାଜ୍ୟ ସରକାର କଡା ପଦକ୍ଷେପ ଗ୍ରହଣ କରିଛନ୍ତି ।ରାଜ୍ୟର ସମସ୍ତ ଜିଲ୍ଲା ଓ ଗ୍ରାମପଞ୍ଚାୟତ ମାନଙ୍କରେ ଅସ୍ଥାୟୀ ସ୍ବାସ୍ଥ୍ୟ କେନ୍ଦ୍ର ମାନ ନିର୍ମାଣ କରିବା ପାଇଁ ନିର୍ଦ୍ଦେଶ ମଧ୍ୟ ଦିଆଯାଇଛି । ସେହି ପରିପ୍ରେକ୍ଷୀରେ କୋରାପୁଟ ଜିଲ୍ଲାରେ ଥିବା ସମସ୍ତ ୨୪୦ଟି ପଞ୍ଚାୟତରେ ୨୪୦ଟି ଅସ୍ଥାୟୀ କେନ୍ଦ୍ର ଖୋଲାଯାଇ ମୋଟ୍ ୮୧୯୬ଟି ଶଯ୍ଯା ପ୍ରସ୍ତୁତ କରାଯାଇଛି । ତା ସହିତ ଜିଲ୍ଲାର ୪ଟି ପୌରପରିଷଦରେ ୧୭ଟି କେନ୍ଦ୍ର କରି ୧୩୭୫ଟି ଶଯ୍ଯା ପ୍ରସ୍ତୁତ କରାଯାଇଛି । ଉକ୍ତ କେନ୍ଦ୍ର ମାନଙ୍କୁ ଅନ୍ଯାନ୍ୟ ଆନୁସଙ୍ଗିକ ସାମଗ୍ରୀ ଗୁଡ଼ିକ ମଧ୍ୟ ଜିଲ୍ଲା ପ୍ରଶାସନ ପକ୍ଷରୁ ଯୋଗାଇ ଦିଆଯାଉଛି । ନିୟମିତ ବିଜୁଳି ଓ ଜଳ ଯୋଗାଣର ସମସ୍ତ ସୁବିଧା ଯୋଗାଇ ଦିଆଯାଇଛି । ସେହିପରି ଆଜି ପର୍ଯ୍ୟନ୍ତ  ଖାଦ୍ୟ ସୁରକ୍ଷା ଯୋଜନାରେ ୮୯୧୪୦ ପରିବାର କୁ ୫୯୨୧୧ କ୍ବିଣ୍ଟାଲ୍ ଚାଉଳ ବଣ୍ଟନ କରାଯାଇଛି । ଜାତୀୟ ଓ ରାଜ୍ୟ ଖାଦ୍ୟ ସୁରକ୍ଷା ଅନୁଯାୟୀ ୮୭୯୬ ପରିବାରକୁ ୧୦୦୦ଟଙ୍କା ଲେଖାଏଁ ପ୍ରଦାନ କରାଯାଇଛି । ଆଜି ସୁଦ୍ଧା ଜିଲ୍ଲାର ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟର ୩୮୭୧୬ ଛାତ୍ର ଛାତ୍ରୀ ଙ୍କୁ ମଧ୍ୟାହ୍ନ ଭୋଜନ ବାବଦ ଶୁଖିଲା ଖାଦ୍ୟ କୁପନ୍ ବଣ୍ଟନ କରାଯାଇଛି । ୧୮୭୦୭୭ଜଣ ସାମାଜିକ ସୁରକ୍ଷା ହିତାଧିକାରୀଙ୍କୁ ୩୮୦୩.୪୯ ଲକ୍ଷ ଟଙ୍କାର ଭତ୍ତା ବଣ୍ଟନ ସହିତ ୨୪୦ଟି ପଞ୍ଚାୟତର ୫୩୨୨୬ ଓ ୪ପୌରପରିଷଦର ୫୯୮୮ ଜଣଙ୍କୁ ରନ୍ଧା ଖାଦ୍ୟ ବଣ୍ଟା ଯାଇଛି ।ସେହିପରି ପୌରାଞ୍ଚଳର ୩୭୩ଟି ପଞ୍ଜିକୃତ ଉଠାଦୋକାନୀଙ୍କୁ ୩୦୦୦ଟଙ୍କା ସହ ରାଜ୍ୟ ତଥା ଜିଲ୍ଲା ବାହାରୁ ଆସିଥିବା ୯୬୮ଜଣଙ୍କୁ ରନ୍ଧା ଖାଦ୍ୟ ଓ ୮୦୨ଜଣଙ୍କୁ ଅସ୍ଥାୟୀ ବାସଗୃହ ଯୋଗାଇ ଦିଆଯାଇଛି । ଏହି ତଥ୍ୟ ଆଜି ଜିଲ୍ଲା ପ୍ରଶାସନ ପକ୍ଷରୁ ଜାରି ହୋଇଥିବା ପ୍ରେସ୍ ବିଜ୍ଞପ୍ତି ଜରିଆରେ ଜଣାଇ ଦିଆଯାଇଛି । ଏଥିସହ ଜିଲ୍ଳାପାଳ ଶ୍ରୀ ମଧୁସୂଦନ ମିଶ୍ର କରୋନାକୁ ମୁକାବିଲା କରିବା ପାଇଁ ଜନ ସାଧାରଣଙ୍କୁ ପ୍ରଶାସନର ନିୟମ ମାନିବା ସହ ସାହାଯ୍ୟ କରିବା ପାଇଁ ନିବେଦନ କରିଛନ୍ତି ।

କୋରାପୁଟ : ଆଜିର ମହାମାରୀ କରୋନାର ମୁକାବିଲା ପାଇଁ ସରକାର ବିଭିନ୍ନ ପଦକ୍ଷେପ ମାନ ଗ୍ରହଣ କରୁଛନ୍ତି । ସେହି କାରଣରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜନସାଧାରଣଙ୍କୁ ତାଙ୍କ ରିଲିଫ୍ ପାଣ୍ଠିକୁ ସାହାଯ୍ୟ  କରିବା ପାଇଁ ନିବେଦନ କରିଥିଲେ । ତେଣୁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ବିଭିନ୍ନ ସଂଗଠନ ଏବଂ ବ୍ୟକ୍ତି ବିଶେଷ ସହାୟତା ପ୍ରଦାନ କରୁଛନ୍ତି l ଏହି କ୍ରମରେ ଆଜି ଜୟପୁର ଏବଂ କୋଟପାଡ଼ ୟୁଏଲବି ର ନିର୍ବାହୀ ଅଧିକାରୀ ଆଲୋକ ସାମନ୍ତରାୟ ଓ ସମସ୍ତ କର୍ମଚାରୀ ସାମିଲ ହୋଇଛନ୍ତି l କୋରାପୁଟ ଜିଲ୍ଲାପାଳଙ୍କ ଜରିଆରେ ଅଧିକାରୀ ଜଣକ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ସହାୟତା ପ୍ରଦାନ କରିଛନ୍ତି । ବ୍ୟକ୍ତିଗତ ୨୫ ହଜାର ଟଙ୍କା ଏବଂ ସମସ୍ତ  ୟୁଏଲବି ଅଧିକାରୀ ଓ କର୍ମଚାରୀଙ୍କ ଦ୍ବାରା ପ୍ରଦତ୍ତ ୯୨୯୫୭ଟଙ୍କାର ଦୁଇଟି ଚେକ କୋରାପୁଟ ଜିଲ୍ଲାପାଳ ଶ୍ରୀ ମଧୁଶୂଦନ ମିଶ୍ରଙ୍କୁ ପ୍ରଦାନ କରିଛନ୍ତି l ସେହିପରି ଜିଲ୍ଲା ରାଜସ୍ବ ବିଭାଗର ସିନିଅର ରେଭେନ୍ୟୁ ଆସିଷ୍ଟାଣ୍ଟ ଶ୍ରୀ ପ୍ରସନ୍ନ କୁମାର ନାୟକ ନିଜ ବ୍ୟକ୍ତିଗତ ଭାବେ ୨୦ହଜାର ଟଙ୍କାର ସହାୟତା ଅନ୍ ଲାଇନ୍ ବ୍ୟାଙ୍କିଙ୍ଗ୍ ଜରିଆରେ ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ପ୍ରଦାନ କରିଛନ୍ତି l

ବ୍ୟାସନଗର : ସାଧାରଣତଃ ପୋଲିସର ନାଁ ଶୁଣିବା ମାତ୍ରେ ମନରେ ଭୟ ଆସେ । କିନ୍ତୁ ସେହି ପୋଲିସ୍ ବେଳେ ବେଳେ ଯେପରି ଭଗବାନଙ୍କ ଦୂତ ସାଜିଥାନ୍ତି ଜନସାଧାରଣଙ୍କ ପାଇଁ । ଗତ କିଛିଦିନ ପୂର୍ବରୁ କରୋନା ନିମନ୍ତେ ହୋଇଥିବା ଲକଡାଉନ୍ ରେ ପୋଲିସର କାର୍ଯ୍ୟ କଳାପ ସାଧାରଣରେ ପ୍ରଶଂସନୀୟ । ଯେତେବେଳେ ସମସ୍ତ ଜନସାଧାରଣ ଲକଡାଉନ୍ ବେଳେ ଘରେ ରହୁଛନ୍ତି ,ସେହି ସମୟରେ ଏହି ପୋଲିସ୍ ବାହିନୀ ନିଜ ନିଜ ପିଲା ଛୁଆଙ୍କୁ ଛାଡି ନିଜ କର୍ତ୍ତବ୍ୟ କରୁଛନ୍ତି । ସେମାନେ ଜନସାଧାରଣଙ୍କ ସୁରକ୍ଷା ସକାଶେ ନିଜର ସୁରକ୍ଷା ଭୂଲି ଯାଉଛନ୍ତି ।ସେହି ପୋଲିସର କିଛି କର୍ମଚାରୀ ସାମାଜିକ ସୁରକ୍ଷା ସହ ସ୍ଥାନୀୟ ଅଞ୍ଚଳରେ ବାସ କରୁଥିବା କିଛି ଗରିବ ଲୋକଙ୍କ ପାଇଁ ଭଗବାନଙ୍କ ଦୂତ ସାଜିଛନ୍ତି । ଲକଡାଉନ୍ ସମୟରେ ଦୁଇମୁଠା ଖାଇବାକୁ ପାଉ ନଥିବା ଲୋକମାନଙ୍କୁ ଖାଦ୍ୟ ପଦାର୍ଥ ବାଣ୍ଟୁଥିବା ନଜରକୁ ଆସୁଛି ।ଏଠାରେ ଉଲ୍ଲେଖ କରାଯାଇପାରେ ସରକାର ଲକଡାଉନ୍ ପରେ କରୋନା ପାଇଁ ପ୍ରାୟ ସବୁ ବର୍ଗର ଲୋକଙ୍କ ପାଇଁ କିଛି ନା କିଛି ଯୋଜନା ଘୋଷଣା କଲେ । କିନ୍ତୁ ଜନସାଧାରଣଙ୍କୁ ସଚେତନ ଠାରୁ ଆରମ୍ଭ କରି ସମସ୍ତ କାର୍ଯ୍ୟରେ ନିଜକୁ ନିୟୋଜିତ କରିଥିବା ପୋଲିସ୍ କର୍ମଚାରୀଙ୍କ ପାଇଁ ସପ୍ତାହରେ ଗୋଟିଏ ଦିନ ଛୁଟି ଘୋଷଣା କରି ବସିପଡିଲେ । ଏହା କର୍ମଚାରୀଙ୍କ ପାଇଁ ଏକ ପରିତାପର ବିଷୟ ।