ଭୁବନେଶ୍ୱର :ଏବେ ଦେଶରେ ତାଲା ବନ୍ଦ। ଲକ ଡାଉନ ମେ ୩ ଯାଏଁ ବୃଦ୍ଧି। ଚାରି କାନ୍ଥ ଭିତରେ କଟୁଛି ସମୟ । ହେଲେ ମନ ସ୍ଥିର ରହୁନି । କିଛି କାମରେ ବ୍ୟସ୍ତ ରହିବାକୁ ଇଛା ହେଉଛି। ସମାଜକୁ କିଛି ବାର୍ତା ଦେବାର ପ୍ରୟାସ କରୁଛି। ଯାହା କି ତୁଳୀରେ ବାସ୍ତବ ରୂପ ନେଉଛି । କରୋନାକୁ ନେଇ ଚାରିଆଡେ ଆତଙ୍କ । ତାଲା ବନ୍ଦ ଓ ଚାରି କାନ୍ଥ ଭିତରେ ରହି ଚନ୍ଦ୍ର ଶେଖରପୁର ଡିଏଭି ସ୍କୁଲର ଷଷ୍ଠ ଶ୍ରେଣୀ ଛାତ୍ରୀ ପ୍ରାଚୀ ରାଉତ, ଯେ କି ସଭିଙ୍କୁ ନିଜ ତୁଳୀରେ କରୋନା ସଚେତନ କରିବା ପାଇଁ ବାର୍ତା ଦେଇଛନ୍ତି। ଡର ନୁହେଁ ସଚେତନ ଓ ସତର୍କ ରହିଲେ କରୋନା ଦୁରେଇ ଯିବ ତାହା ସେ ଚିତ୍ର ମାଧ୍ୟମରେ ଦର୍ଶାଇଛନ୍ତି । ସେଥିପାଇଁ ସେ କେତେବେଳେ ମଣିଷକୁ ମାସ୍କ ପିନ୍ଧେଇ ଚିତ୍ର ଆଙ୍କିଛନ୍ତି ତ ଆଉ କେତେ ବେଳେ କାର୍ଟୁନ କୁ ମାସ୍କ ପିନ୍ଧେଇଛନ୍ତି । ଏପ୍ରିଲ ୯ ତାରିଖରୁ ଘରୁ ବାହାରିଲେ ମାସ୍କ ବାଧ୍ୟତାମୂଳକ ବୋଲି ସରକାର ନିର୍ଦ୍ଦେଶ ଦେଇଛନ୍ତି। ଖୋଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଘର ତିଆରି ମାସ୍କ ପିନ୍ଧି ଦେଶକୁ ସମ୍ବର୍ଦ୍ଧିତ କରିଛନ୍ତି । ଏହାସହ ନିଜ ମାସ୍କ ପିନ୍ଧା ଫୋଟକୁ ସୋସିଆଲ ମିଡିଆରେ ଛାଡିଛନ୍ତି । ଠିକ୍ ଏହି ସମୟରେ ଶୈଳଶ୍ରୀ ବିହାର ପ୍ରାଚୀ ମାସ୍କ ପିନ୍ଧିବାକୁ ନେଇ ଭିନ୍ନ ଭିନ୍ନ ବାର୍ତା ସମାଜକୁ ଦେବାକୁ ନେଇ ଅନେକ ତାଙ୍କୁ ପ୍ରଶଂସା କରିଛନ୍ତି । ଛୋଟ ବୟସରୁ ଏତେ ଉନ୍ନତ ଚିନ୍ତାଧାରା ଭବିଷ୍ୟତରେ ତାଙ୍କୁ ବହୁତ ଆଗକୁ ନେବ ବୋଲି ଆଶା କରାଯାଉଛି ।

ଢେଙ୍କାନାଳ : ଢେଙ୍କାନାଳ ସ୍ଥିତ ପାଣି ଓହଳା ପର୍ବତ । ଆଜି ସନ୍ଧ୍ୟାରେ ଏଠାରେ ଭୟାବହ ଅଗ୍ନିକାଣ୍ଡ ହୋଇଛି। ଏହି ନିଆଁକୁ ଆୟତ୍ତ କରିବା ପାଇଁ ଅଗ୍ନିସମ ବିଭାଗ ଚେଷ୍ଟା ଜାରି ରଖିଛି। ଭାରତୀୟ ଜନ ସଂଚାର ସଂସ୍ଥାନର ପଛ ପଟରେ ଏହି ନିଆଁ ଲାଗିଥିବାର ଜଣା ପଡ଼ିଛି।ଏଥିରେ ଅନେକ ଗଛଲତା ଜଳି ପାଉଁଶ ହୋଇଯାଇଛି । ପ୍ରକୃତିରେ ଅପରୂପ ଭଣ୍ଡାର ହେଉଛି ଏହି ପାଣି ଓହଳା ପର୍ବତ। ଏହି ଅଗ୍ନିକାଣ୍ଡ ଦ୍ଵାରା ପର୍ବତର ସ୍ୱନ୍ଦର୍ଯ୍ୟ ଏକ ପ୍ରକାର ପୋଡି ଜଳି ଯାଇଛି।

ଭୁବନେଶ୍ୱର : ରାଜ୍ୟର କେଉଁ ଜିଲାରେ କେତେ ତାପମାତ୍ରା ଅଛି ନଜର ପକାନ୍ତୁ l

ଭୁବନେଶ୍ୱର- ୪୧.୨ ଡ଼ିଗ୍ରୀ ସି.
ବାଲେଶ୍ୱର -୩୪.୮ ଡ଼ିଗ୍ରୀ ସି.
ଚାନ୍ଦବାଲି – ୩୯.୦ ଡ଼ିଗ୍ରୀ ସି.
କଟକ -୩୯.୮ ଡ଼ିଗ୍ରୀ ସି.
ପାରାଦୀପ- ୩୧.୮ ଡ଼ିଗ୍ରୀ ସି.
ଗୋପାଳପୁର -୩୧.୯ ଡ଼ିଗ୍ରୀ ସି.
ପୁରୀ -୩୨.୮ ଡ଼ିଗ୍ରୀ ସି.
#ଅନୁଗୁଳ – ୪୦.୫ ଡ଼ିଗ୍ରୀ ସି.
ବାରିପଦା -୩୮.୬ ଡ଼ିଗ୍ରୀ ସି.
ଝାରସୁଗୁଡା – ୩୯.୬ ଡ଼ିଗ୍ରୀ ସି.
କେନ୍ଦୁଝର – ୩୮.୨ ଡ଼ିଗ୍ରୀ ସି.
ସମ୍ବଲପୁର- ୩୯.୮ ଡ଼ିଗ୍ରୀ ସି.
ହୀରାକୁଦ – ୩୮.୫ ଡ଼ିଗ୍ରୀ ସି.
#ତାଳଚେର-୪୧.୧ ଡ଼ିଗ୍ରୀ ସି.
ଭବାନୀପାଟଣା -୩୮.୬ ଡ଼ିଗ୍ରୀ ସି.
#ବଲାଙ୍ଗୀର – ୪୧.୫ ଡ଼ିଗ୍ରୀ ସି.
ଟିଟଲାଗଡ – ୩୯.୦ ଡ଼ିଗ୍ରୀ ସି.
କୋରାପୁଟ -୩୫.୦ ଡ଼ିଗ୍ରୀ ସି.
ମାଲକାନଗିରି – ୩୫.୮ ଡ଼ିଗ୍ରୀ ସି.
#ସୋନୁପୁର – ୪୧.୦ ଡ଼ିଗ୍ରୀ ସି.
ଦାରିଙ୍ଗିବାଡ଼ି – ୩୪.୫ ଡ଼ିଗ୍ରୀ ସି.
#ନୟାଗଡ -୪୦.୦ ଡ଼ିଗ୍ରୀ ସି.
#ବୌଦ୍ଧ -୪୦.୫ ଡ଼ିଗ୍ରୀ ସି.
ଛତ୍ରପୁର – ୩୪.୪ ଡ଼ିଗ୍ରୀ ସି.
ପାରଳାଖେମୁଣ୍ଡି – ୩୮.୦ ଡ଼ିଗ୍ରୀ ସି.
ରାୟଗଡ – ୩୪.୫ ଡ଼ିଗ୍ରୀ ସି.
ଫୁଲବାଣୀ -୩୬.୦ ଡ଼ିଗ୍ରୀ ସି.

୭ଟି ସ୍ଥାନରେ ୪୦.୦ ଡ଼ିଗ୍ରୀ ସି କିମ୍ବା ତାଠାରୁ ଅଧିକ ତାପମାତ୍ରା ରେକର୍ଡ ହୋଇଥିବା ବେଳେ ୪ ଟି ସ୍ଥାନରେ ୪୧ କିମ୍ବା ତା ଠାରୁ ରୁ ଅଧିକ ତାପମାତ୍ରା ରେକର୍ଡ ହୋଇଛି |ସର୍ବୋଚ୍ଚ ଦିନ ତାପମାତ୍ରା ୪୧.୫ ଡ଼ିଗ୍ରୀ ସି. ବଲାଙ୍ଗୀର ରେ ରେକର୍ଡ କରାଯାଇଛି

ଆସନ୍ତା ୨ ରୁ୩ ଦିନ ଯାଏ ଉପକୂଳବର୍ତ୍ତୀ ଜିଲ୍ଲା ଗୁଡିକରେ ସ୍ଵାଭିବିକ ତାପମାତ୍ରା ଠାରୁ ୨ରୁ ୩ ଡ଼ିଗ୍ରୀ ସି. ଅଧିକ ରହିବ ସହିତ କିଛି କିଛି ଜିଲ୍ଲା ଗୁଡିକରେ ଆଗାମୀ ୩ ରୁ ୪ ଦିନ ଯାଏ ୪୦.୦ ଡ଼ିଗ୍ରୀ ସି. କିମ୍ବା ତା ଠାରୁ ଅଧିକ ତାପମାତ୍ରା ଅନୁଭୂତ ହେବ ର ସମ୍ଭାବନା ଅଛି |

ଭୁବନେଶ୍ୱର,୧୪/୪, ଓଡିଶାର ପୂର୍ବତନ ସ୍ୱାସ୍ଥ୍ୟ ମନ୍ତ୍ରୀ, ପ୍ରାକ୍ତନ ରାଜ୍ୟସଭା ସଦସ୍ୟ, କ୍ରୀଡାବିତ, କ୍ରୀଡ଼ା ସଙ୍ଗଠକ ତଥା ପଶ୍ଚିମ ଓଡିଶାର ବର୍ଷିଆନ ରାଜନେତା ସନାତନ ବିସିଙ୍କର ମଙ୍ଗଳବାର ସକାଳେ ପରଲୋକ ଘଟିଛି। ସମ୍ବଲପୁରସ୍ଥିତ ତାଙ୍କର ନିଜସ୍ୱ ବାସଭବନରେ ବିସିଙ୍କ ପରଲୋକ ହୋଇଛି। ମୃତ୍ୟୁ ବେଳକୁ ତାଙ୍କୁ ୭୭ ବର୍ଷ ବୟସ ହୋଇଥିଲା। ସନାତନ ବିସିଙ୍କ ବିୟୋଗରେ ରାଜ୍ୟ ଯୋଜନା ବୋର୍ଡ଼ ଉପାଧ୍ୟକ୍ଷ ତଥା ବିଜେଡି ସାଧାରଣ ସମ୍ପାଦକ ସଞ୍ଜୟ ଦାସବର୍ମା ଗଭୀର ଶୋକ ବ୍ୟକ୍ତ କରିବା ସହ ସ୍ବର୍ଗତ ଆତ୍ମାର ସଦଗତି କାମନା କରିଛନ୍ତି। ଏଭଳି ଦୁଖଦ ସମୟରେ ଈଶ୍ୱର ତାଙ୍କ ପରିବାରବର୍ଗକୁ ଶକ୍ତି ପ୍ରଦାନ କରନ୍ତୁ ବୋଲି ଦାସବର୍ମା ଶୋକବାର୍ତାରେ ଉଲ୍ଲେଖ କରିଛନ୍ତି। ସୂଚନାଯୋଗ୍ୟ, ସ୍ବର୍ଗତ ସନାତନ ବିଶି ରେଢ଼ାଖୋଲ ବିଧାନସଭା ନିର୍ବାଚନମଣ୍ଡଳୀରୁ ଓଡ଼ିଶା ବିଧାନସଭାକୁ ଦୁଇ ଥର ବିଜେଡି ପକ୍ଷରୁ ନିର୍ବାଚିତ ହୋଇଥିଲେ। ଏଥି ସହିତ ସେ ରାଜ୍ୟରେ ସ୍ୱାସ୍ଥ୍ୟ ମନ୍ତ୍ରୀ ଭାବେ ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଲାଇଥିଲେ। ଜନତା ଦଳ ପକ୍ଷରୁ ରାଜ୍ୟସଭାକୁ ନିର୍ବାଚିତ ହେବା ସହ ସ୍ବର୍ଗତ ବିସି ଜଣେ ବିଶିଷ୍ଟ ରାଜନେତା, କ୍ରୀଡାବିତ ଓ କ୍ରୀଡା ସଙ୍ଗଠକ ରହି ଆସିଥିଲେ। ସମ୍ବଲପୁର ଷ୍ଟାଡିୟମ ନିର୍ମାଣରେ ତାଙ୍କର ପ୍ରମୁଖ ଭୂମିକା ରହିଥିଲା। ସେ ଓଡ଼ିଶା ଅଲମ୍ପିକ ଆସୋସିଏସନ ସହ ଜଡିତ ଥିଲେ। ଶ୍ରମିକ କଲ୍ୟାଣ ନିମନ୍ତେ ତାଙ୍କର ଜୀବନ ବ୍ୟାପି ସଂଗ୍ରାମକୁ ଆମେ ସ୍ମରଣ କରୁଛୁ। ସେ ଛାତ୍ର ଆନ୍ଦୋଳନରୁ ନିଜର ରାଜନୈତିକ ଜୀବନ ଆରମ୍ଭ କରି ସମ୍ବଲପୁର ଜିଲ୍ଲା ଜନତା ଦଳର ସଭାପତି ହୋଇଥିଲେ। ବିଜୁ ଜନତା ଦଳ ପଶ୍ଚିମ ଓଡ଼ିଶାର ବିକାଶର ଜଣେ ଧୁରିଣ ନେତାଙ୍କୁ ହରାଇଲା ବୋଲି ବିଜେଡି ପକ୍ଷରୁ ଜାରି କରାଯାଇଥିବା ପ୍ରେସ ଇସ୍ତାହାରରେ ସଞ୍ଜୟ ଦାସବର୍ମା କହିଛନ୍ତି।