ଭୁବନେଶ୍ୱର : ପାଞ୍ଚ ଟଙ୍କିଆ ଗୁଡଖାର ଦାମ ଏବେ ୧୩ ଟଙ୍କା। ୧୦୦ ଟଙ୍କିଆ ମଦର ଦାମ ଏବେ ୪୦୦ ଟଙ୍କା । ୧୦ ଟଙ୍କିଆ ସିଗାରେଟର ଦାମ ଏବେ ୧୮ ରୁ ୨୦ ଟଙ୍କା ।ଏବେ ସବୁ ନିଶା ଦ୍ରବ୍ଯର ମୂଲ୍ୟ ଦୁଇ ଗୁଣାରୁ ଅଧିକ । ଲକ୍ ଡାଉନ ସମୟରେ ଏବେ ସବୁ ଅବକାରୀ ସାମଗ୍ରୀ ବିକ୍ରି ବନ୍ଦ । ହେଲେ ସବୁଠି ଚୋରାରେ ଏହାର କାରବାର ଚାଲିଛି। ଅବଶ୍ୟ ପୋଲିସ ଓ ଅବକାରୀ ବିଭାଗ ଏହା ଉପରେ କଡା ନଜର ରଖିଛନ୍ତି।ଆଉ ଧଡ଼ ପଗଡ଼ ମଧ୍ୟ କରୁଛନ୍ତି। ହେଲେ ନିଶାଖୋର ଲୋକଙ୍କ ମାନସିକତାରେ ପରିବର୍ତ୍ତନ ଆସୁନାହିଁ। ବରଂ କଳେ ବଳେ କୌଶଳେ ନିଶା ଦ୍ରବ୍ୟ ଯୋଗାଡ଼ କରୁଛନ୍ତି। ଏହାସହ ଅଧିକ ଦରରେ କିଣି ଖାଉଛନ୍ତି । ପ୍ରତ୍ୟେକ ଦିନ ବହୁ ଲୋକ ଏହି କୁଅଭ୍ୟାସ ପାଇଁ କିଏ ୨୦୦ ତ କିଏ ୨୦୦୦ ଟଙ୍କା ଖର୍ଚ୍ଚ କରୁଛି ଏହି ଲକ୍ ଡାଉନ ସମୟରେ ।ହେଲେ ଅନ୍ୟପଟେ ଭାରତର ବିଭିନ୍ନ କୋଣରୁ ଲକ୍ ଡାଉନ ପାଇଁ ଲୋକ ଭୋକିଲା ଶୋଉଛନ୍ତି। କିଏ ଓଳିଏ ଖାଉଛି ତ, ଆଉ କିଏ ସେତକ ମଧ୍ୟ ପାଉନାହାନ୍ତି। କେବଳ ମଣିଷ ନୁହଁନ୍ତି। ପଶୁ ପକ୍ଷୀଙ୍କ ଅବସ୍ଥା ମଧ୍ୟ ସମାନ । ଖାଇବାକୁ ନପାଇ ପଶୁପକ୍ଷୀମାନେ ଡହଳ ବିକଳ ହେଉଛନ୍ତି। କରୋନା ମହାମାରୀ ପାଇଁ ଦେଶରେ ଏକ ମାସ ଧରି ଲକ୍ ଡାଉନ ଜାରି ରହିଥିବାରୁ ଏପରି ଚିତ୍ର ଦେଖିବାକୁ ମିଳିଛି । କେଉଁଠି ଭୋକ ପାଇଁ ଗର୍ଭବତୀ କୁକୁର କାହା ଗେଟ ଭିତରକୁ ଖାଦ୍ୟ ପାଇଁ ଯାଇ ମାଡ଼ ଖାଇ ଫେରି ଜୀଵନ ହାରୁଛି ତ,  ଆଉ କେଉଁଠି ଅନ୍ୟର ହାତକୁ ଚାହିଁ ବସିଛି ଭୋକିଲା ମାନସିକ ବିକୃତ ମଣିଷଟି। ସମାଜର ଏପରି ଦାରୁଣ ସମୟରେ କୁଅଭ୍ୟାସକାରୀ ମାନେ ବୁଝି ପାରୁନାହାନ୍ତି l ଯଦି ଏମାନେ  ଗୁଡଖା, ମଦ, ସିଗାରେଟ ଖର୍ଚ୍ଚରୁ ଅନ୍ୟ ଜଣେ ଭୋକିଲା ପେଟରେ ଦାନ ଓଳିଏ ଦିଅନ୍ତେ,  ତେବେ ସେ ନିଜେ ଖୁସିରେ ରହିବା ସହ ଦାନା  ଭୋକିଲା ମୁହଁରେ ହସ ଫୁଟାଇପାରନ୍ତେ l
*ସମ୍ପାଦକ ବିଗ ନିଉଜ ଓଡ଼ିଶା*

ଭୁବନେଶ୍ୱର : ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାମ୍ବାଦିକମାନଙ୍କ ପାଇଁ ୧୫ ଲକ୍ଷ ଟଙ୍କାର ବୀମା ଘୋଷଣା କରିଛନ୍ତି । ଏହାପରେ ଓୟୁଜେ ସଭାପତି ପ୍ରସନ୍ନ ମହାନ୍ତି ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ।
ଓଡ଼ିଶା ସାମ୍ବାଦିକ ୟୁନିୟନ (ଓୟୁଜେ )ର ଅନେକ ଦିନର ଦାବି ଆଜି ପୂରଣ ହୋଇଛି। ସାମ୍ବାଦିକମାନେ କରୋନାର ଟିକ୍ ନିକ୍ ଖବର ସଂଗ୍ରହ ସହ ପରିବେଷଣ କରୁଛନ୍ତି । ଯେଉଁଥି ପାଇଁ କି ତାଙ୍କୁ ନିଜ ଜୀବନକୁ ମଧ୍ୟ ବାଜିଲଗାଇବାକୁ ପଡୁଛି। ସେଥିପାଇଁ କେନ୍ଦ୍ର ଓ ରାଜ୍ୟ ସରକାରଙ୍କୁ ସାମ୍ବାଦିକଙ୍କ ବିଭନ୍ନ ସମସ୍ୟା ଉପରେ ଅବଗତ କରାଇଥିଲେ ଓୟୁଜେ ସଭାପତି ପ୍ରସନ୍ନ ମହାନ୍ତି ।ଏମିତି କି ସେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କୁ ସ୍ୱତନ୍ତ୍ର ବୀମା ଘୋଷଣା ପାଇଁ ଚିଠି ମଧ୍ୟ ଲେଖିଥିଲେ ।ବାରମ୍ବାର ବିଭିନ୍ନ ଫୋରମରେ ସେ ଏ କଥାକୁ ଉଠେଇଛନ୍ତି। ବିଶେଷ କରି ସରକାରଙ୍କ ସୂଚନା ଓ ଲୋକ ସମ୍ପର୍କ ଉପଦେଷ୍ଟା ମାନସ ମଙ୍ଗରାଜଙ୍କ ସହ ରୀତିମତ ଏନେଇ କି ଆଲୋଚନା କରିଥିଲେ । ଜିଲ୍ଲା ସ୍ତରରେ ମଧ୍ୟ ଓୟୁଜେର କର୍ମକର୍ତ୍ତା ଜିଲ୍ଲାପାଳଙ୍କୁ ଏନେଇ ଦାବି ଜଣାଇଥିଲେ  । ଯାହାର ଫଳ ସ୍ୱରୂପ ସରକାର ବୀମା ଘୋଷଣା କରିଛନ୍ତି । ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଓୟୁଜେ ପକ୍ଷରୁ କୃତଜ୍ଞତା ଜଣାଯାଇଛି । ଏହାସହ ମୁଖ୍ୟମନ୍ତ୍ରୀଙ୍କ ଘୋଷଣା ସ୍ୱାଗତ ଯୋଗ୍ୟ ବୋଲି ସଂଘ କହିଛି । ଏହି ଘୋଷଣା  ସାମ୍ବାଦିକମାନଙ୍କ ମନବଳ ବୃଦ୍ଧି କରିଛି ବୋଲି ଓୟୁଜେ ସଭାପତି ପ୍ରସନ୍ନ ମହାନ୍ତି କହିଛନ୍ତି। ସାଧାରଣ ସମ୍ପାଦକ ଅଶୋକ ନନ୍ଦ ମଧ୍ୟ ଏହି ପ୍ୟାକେଜ ପାଇଁ ସରକାରଙ୍କୁ କୃତଜ୍ଞତା ଜଣାଇଛନ୍ତି।