ଭୁବନେଶ୍ୱର : ଉଚ୍ଚଶିକ୍ଷା ମନ୍ତ୍ରୀଙ୍କ ଅଧ୍ୟକ୍ଷତାରେ କୁଳପତି ମାନଙ୍କ ସହ ଭିଡିଓ କନଫରେନ୍ସିଂ ଜରିଆରେ ବୈଠକ ଆରମ୍ଭ ହୋଇଛି । ଲୋକସେବା ଭବନରେ ବିଭାଗୀୟ ମନ୍ତ୍ରୀ, ସଚିବ ଓ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଉପାଧ୍ୟକ୍ଷ ପ୍ରମୁଖ ଉପସ୍ଥିତ। ଲକ୍ ଡାଉନ୍ ହେତୁ ଜୁନ ୧୭ ଯାଏଁ ଶିକ୍ଷାନୁଷ୍ଠାନ ବନ୍ଦ ରହିଥିବା ବେଳେ ୟୁଜିସି ଗାଇଡଲାଇନ ମୁତାବକ ରାଜ୍ୟରେ ଚଳିତ ଶିକ୍ଷାବର୍ଷ କେବେ ଓ କିପରି ଆରମ୍ଭ ହେବ, ପରୀକ୍ଷା ପରିଚାଳନା କିପରି ହେବ ସେନେଇ ଚାଲିଛି ବିଚାର ବିମର୍ଷ। ଇ ଲର୍ଣିଂ, ଛାତ୍ରଛାତ୍ରୀଙ୍କ ସ୍କ୍ରିନିଂ ଉପରେ ଆଲୋଚନା ଜାରି ରହିଛି l ପୂର୍ବରୁ ଉଚ୍ଚଶିକ୍ଷା ମନ୍ତ୍ରୀ ଜୁନ 17ପରେ ଯେକୌଣସି ସମୟରେ ପରୀକ୍ଷା ହେବ ବୋଲି କହିଥିଲେ l ତେଣୁ ଛାତ୍ରଛାତ୍ରୀ ମାନେ ଲକ ଡାଉନ ସୁଯୋଗ ଉଠାଇ ପାଠପଢିବା ପାଇଁ ମନ୍ତ୍ରୀ ଅନୁରୋଧ କରିଥିଲେ l

ବିଶ୍ୱବ୍ୟାପି କରୋନା ଆକ୍ରାନ୍ତ ଙ୍କ ସଂଖ୍ୟା 36ଲକ୍ଷ ରୁ ଅଧିକ ହୋଇସାରିଲାଣି | ମୃତ୍ୟୁ ସଂଖ୍ୟା 2ଲକ୍ଷ 55ହଜାର ଟପିଲାଣି |ଏଥିରେ ଆମେରିକା ପ୍ରଥମରେ ଅଛି ଏବଂ ଭାରତରେ ମଧ୍ୟ 46000 ଆକ୍ରାନ୍ତ ଙ୍କ ସଂଖ୍ୟା ଛୁଇଁଛି | ଭାରତରେ 12ଲକ୍ଷ ନମୁନା ପରୀକ୍ଷା କରାଯାଇଛି | ଯଦି ଭାରତ କରୋନାକୁ ରୋକିବାରେ କିଛି ସଫଳ ତ ତାହା କେବଳ lockdown ପାଇଁ | ହେଲେ ଏହି ସବୁ ଭିତରେ ଦେଖା ଯାଉଛି ଯେ କେତେକ ରାଜ୍ୟ ଏବଂ କେନ୍ଦ୍ର ଶାସିତ ଅଂଚଳ ନିଜ ରାଜ୍ୟ ରେ ମଦ ବିକ୍ରି ପାଇଁ ଅନୁମତି ଦେଇଛନ୍ତି | ଏଥିପାଇଁ social distancing ମଧ୍ୟ ଠିକ ରେ କାମ କରୁନାହିଁ |ତେବେ ପ୍ରଶ୍ନ ଉଠୁଛି ଯେତେବେଳେ ସବୁକିଛି ଠିକ ଚାଲିଛି ମଦ ଦୋକାନ ଖୋଲି କରୋନା କୁ ପ୍ରଶ୍ରୟ ଦେବା ର ଆବଶ୍ୟକତା କଣ? ଉତ୍ତର ହେଉଛି ବିଗତ ଚାଳିଶ ଦିନ ର lockdown ରେ ରାଜ୍ୟ ସରକାର ମାନଙ୍କ ବଜେଟ କ୍ଷତିଗ୍ରସ୍ତ ହୋଇଛି | ସରକାରଙ୍କ ପାଖ ରେ ଆୟ କମ ହେଲାଣି | ବହୁତ ଲୋକଙ୍କୁ ଖାଇବା ସହ ଅନ୍ୟ ସୁବିଧା ଦରକାର ତେଣୁ ଅର୍ଥ ଆବଶ୍ୟକ |ହେଲେ ସରକାର ଙ୍କ ଆୟ ଅଶି ରୁ ନବେ ପ୍ରତିଶତ କାମିଲାଣି |ଗୁଜୁରାଟ ଏବଂ ବିହାର କୁ ଛାଡି ଦେଶ ର ଅନ୍ୟ ରାଜ୍ୟ ରେ ମଦ ରୁ ଏକ ବଡ ଆୟ ହୋଇଥାଏ | Reserv bank of india ର state finance -A study of budgets of 2019-20 ରିପୋର୍ଟ ଅନୁସାରେ ରାଜ୍ୟ ର ଦଶ ରୁ ପନ୍ଦର ପ୍ରତିଶତ ଆୟ ମଦ ରୁ ହିଁ ଆସିଥାଏ | ସମସ୍ତ ରାଜ୍ୟ ଓ ଦିଲ୍ଲୀ, ପୁଡୁଚେରୀ ରୁ 2019-20ଆର୍ଥିକ ବର୍ଷ ରେ 1, 75, 501, 42କୋଟି ଅର୍ଥ ମଦ ରୁ ହିଁ ଆସିଥିଲା ବୋଲି RBI ର ରିପୋର୍ଟ କହିଥିଲା | ଯାହା ବିଗତ ବର୍ଷ ତୁଳନା ରେ 16 ପ୍ରତିଶତ ଅଧିକ | କେବଳ ଉତ୍ତର ପ୍ରଦେଶ ରେ 2500କୋଟି ପ୍ରତି ମାସ ରେ ମଦ ରୁ ଆୟ ହୁଏ | ପ୍ରତି ବର୍ଷ ହିସାବ ରେ 30000କୋଟି ରୁ ଅଧିକ | ଆପଣ କଳନା କରି ପାରିବେ ରାଜ୍ୟ ଚାଲିବା ପାଇଁ ମଦ କେତେ ଆବଶ୍ୟକ | ପଂଜାବ ରେ ଅବକାରୀ ବିଭାଗ ସରକାର ଙ୍କୁ ପ୍ରସ୍ତାବ ଦେଲେ ମଦ କୁ ଘରେ ପହଞ୍ଚାଇ ବା ପାଇଁ |2010ରୁ 2017ମଧ୍ୟ ରେ ଭାରତ ରେ ମଦ୍ୟପ ଙ୍କ ସଂଖ୍ୟା ରେ 38ପ୍ରତିଶତ ବୃଦ୍ଧି ହୋଇଛି | AIIMS ଅନୁସାରେ ଭାରତ ରେ 5.7କୋଟି ଲୋକ ପ୍ରତ୍ୟେକ ଦିନ ମଦ ପିଅନ୍ତି | ବିଶ୍ୱ ସ୍ୱାସ୍ଥ୍ୟ ସଂଗଠନ କହେ ଭାରତ ରେ ପ୍ରତି ବର୍ଷ ଦୁଇ ଲକ୍ଷ ଷାଠିଏ ହଜାର ଲୋକ ମଦ ପିଇ ମୃତ୍ୟୁ ବରଣ କରନ୍ତି | ତେବେ ଏହି ପରିସ୍ଥିତିରେ ଏଣୁ ମାରିଲେ ଗୋହତ୍ୟା ତେଣୁ ମାରିଲେ ବ୍ରହ୍ମ ହତ୍ୟା ଭଳି ପରିସ୍ଥିତି ସୃଷ୍ଟି ହୋଇଛି,  ଯେ ପର୍ଯ୍ୟନ୍ତ ଏହାର କୌଣସି ବିକଳ୍ପ ବାହାରି ନାହିଁ ସେ ପର୍ଯ୍ୟନ୍ତ ଏଥିରୁ ନିସ୍ତାର ନାହିଁ |

ମଭୁବନେଶ୍ୱର : କ୍ଷୀରଵାଲା ବୁଲେ ଦୁଆର ଦୁଆର ଜମାରୁ ବିକିରି ହେଉନି, ନାଲି ପାଣି ଦୋକାନ ସବୁଠି ଖୋଲି,ଅନାନୀ ଲାଇନ ଲାଗିଛି। ଏହି ପଦଟି ଏକ ଓଡ଼ିଆ ଗୀତରୁ ଆସିଛି। ଯେଉଠିକି ଜଣେ କ୍ଷୀରଵାଲା ଘର ଘର ବୁଲି କ୍ଷୀର ବିକ୍ରି କରୁଛି । ହେଲେ କେହି ନେଉ ନାହାନ୍ତି। ଆଉ ଏପଟେ ମଦ ଦୋକାନ ସାମ୍ନାରେ ଲମ୍ବା ଲାଇନ ଲାଗିଛି। ଏମିତି କି ଖରାଦିନରେ ମଧ୍ୟ ଖରାକୁ ଖାତିର କରୁନାହାନ୍ତି ଲୋକମାନେ। ସେ ପୁଅ ହେଉ କି ଝିଅ। ପିଲା ହେଉ କି ବୁଢ଼ା ସମସ୍ତେ ଘଣ୍ଟା ଘଣ୍ଟା ଧରି ମଦ କିଣିବାକୁ ଛିଡା ହୋଇଛନ୍ତି । ଗତ କାଲି ଏମିତି ଏକ ଦୃଶ୍ୟ ଦେଖିବାକୁ ମିଳିଛି ।
ଏବେ ଦେଶରେ କରୋନା ଆତଙ୍କ । ଫଳରେ ସାରା ଦେଶରେ ଲକ୍ ଡାଉନ ପରିସ୍ଥିତି । ଦୋକାନ ବଜାର ସବୁ ବନ୍ଦ। ଏବେ ଲକ୍ ଡାଉନକୁ କିଛି ମାତ୍ରାରେ କହଳ କରିଛନ୍ତି କେନ୍ଦ୍ର ସରକାର । କରୋନାର ମାତ୍ରାକୁ ନେଇ ସାରା ଦେଶକୁ ୩ଟି ଜୋନ୍ ରେ ବିଭକ୍ତ କରାଯାଇଛି । ଯେମିତିକି ରେଡ଼ଜୋନ୍, ୟେଲୋ ଜୋନ୍,ଆଉ ଗ୍ରୀନ ଜୋନ୍ ।ଏବେ ଗ୍ରୀନ ଜୋନରେ କଟକଣାର ମାତ୍ରାକୁ ଟିକେ କହୋଳ କରାଯାଇଛି ।ଫଳରେ ସେଠାରେ ମଦ ବିକ୍ରି ଉପରୁ ଅଙ୍କୁଶ ଉଠିଛି। ଏହାସହ ଗତ କାଲିଠାରୁ ମଦ ବିକ୍ରି ଆରମ୍ଭ ହୋଇଛି।
ହେଲେ ବିଡ଼ମ୍ବନାର ବିଷୟ ହେଉଛି ସାରା ଦେଶ ଏବେ କରୋନା ହରାଇବା ପାଇଁ ଆପ୍ରାଣ ଉଦ୍ୟମ କରୁଛି । ଆଉ ଏପଟେ ଲୋକ ମଦ କିଣିବାରେ ପ୍ରତିଯୋଗିତା କରୁଥିବାର ଦେଖାଯାଇଥିଲା ।ଗତ କାଲି ମଦ ଦୋକାନ ଖୋଲିବାର ଢେର ପୂର୍ବରୁ ଲୋକ ଲାଇନରେ ଠିଆ ହୋଇଥିଲେ। ଆଉ ଦୋକାନ ଖୋଲିବାକୁ ଅପେକ୍ଷା କରି ରହିଥିଲେ । ଏଥିରୁ ଲୋକ କେତେ ନିଶାଖୋର ତାହା ଜଣାପଡୁଛି । ଏମିତି ବି କିଛି ଲୋକଥିଲେ ଯେଉଁମାନେ କି ଅଧିକ ପରିମାଣରେ ତଥା ପେଟି ପେଟି ମଦ ନେବାକୁ ପ୍ରତିଯୋଗିତା କରୁଥିବାର ଚିତ୍ର ମଧ୍ୟ ସାମ୍ନାକୁ ଆସିଥିଲା । ଉତ୍ତର ପ୍ରଦେଶ , ଦିଲ୍ଲୀ ,କର୍ଣ୍ଣାଟକ ଆଦି ରାଜ୍ୟରେ ଲୋକ ପ୍ରଚୁର ପରିମାଣରେ ମଦ କିଣୁଥିବା ଦେଖାଯାଇଥିଲା। ଲୋକଙ୍କ ପାଖରେ ଖାଇବା ପାଇଁ ପଇସା ନାହିଁ କହୁଛନ୍ତି। ହେଲେ ମଦ ଦୋକାନ ସାମ୍ନାରେ ଏ ଭିଡ଼ ଆଉ କିଛି ବୟାନ କରୁଛି। ଲୋକ ଘଣ୍ଟା ଘଣ୍ଟା ଅପେକ୍ଷା କରି ମାଡ଼ ପିଟ କରି ମଦ କିଣିବା ସତରେ କରୋନା ଯୁଦ୍ଧକୁ ଦୁର୍ବଳ କରିଦେଲା ପରି ମାନେହେଉଛି ।
ମଦର ଏପରି ବିକ୍ରିକୁ ଦେଖି ଦିଲ୍ଲୀ ସରକାରଙ୍କ ଏକ ବଡ଼ ଘୋଷଣା ସାମ୍ନାକୁ ଆସିଛି। ମଦ ଉପରେ କରୋନା ଟାସ୍କ ଭାବରେ ଅତିରିକ୍ତ ୭୦℅ କର ଲାଗୁକରିଛନ୍ତି। ତା ପରେ ମଧ୍ୟ ସେଠାରେ ଲୋକଙ୍କ ଭିଡ଼ କମିବାର ନାଁ ଧରୁନାହିଁ। ପ୍ରବଳ ଖରା ଯୋଗୁଁ ଆନ୍ଧ୍ରପ୍ରଦେଶରେ ଲୋକ ଛତା ଧରି ଛିଡା ହୋଇଥିବାର ମଧ୍ୟ ଦେଖାଡାଇଛି ଆଜି ।
ପୂର୍ବରୁ ସରକାର ସ୍ପଷ୍ଟ ଗାଇଡ଼ ଲାଇନ କରିଛନ୍ତି ଯେ ପ୍ରତେକ କ୍ରେତା ମାସ୍କ ସହ ୬ ଫୁଟ ସାମାଜିକ ଦୂରତା ରଖିବା ନିହାତି ଆବଶ୍ୟକ । ହେଲେ ଏହି ଆଇନକୁ ଅନେକ ସ୍ଥାନରେ ପାଳନ କାରାଯାଉଥିବା ଜଣାଯାଇଛି। ଯାହାକି ଉଭୟ ସରକାର ଓ ସାଧାରଣ ଲୋକଙ୍କ ପାଇଁ ଚିନ୍ତାର କାରଣ କୁହାଇପାରେ।