୦୨/୧୦ (ଯାଜପୁର) ସେ ଥିଲେ ଅହିଂସାର ପୂଜାରୀ, ସ୍ୱଚ୍ଛତାର ସତ୍ୟାଗ୍ରହୀ। ଜାତିର ପିତା ମହାତ୍ମା ଗାନ୍ଧିଙ୍କ ୧୫୦ ତମ ଜନ୍ମ ଶତବାଷକୀକୁ ମହା ଆଡମ୍ବରରେ ପାଳନ କରିଛନ୍ତି ଯାଜପୁର ବରୁଆଁ ସ୍ଥିତ ସେଣ୍ଟ ଜାଭିୟର ହାଇସ୍କୁଲର ଛାତ୍ରଛାତ୍ରୀ। ସେଣ୍ଟ ଜାଭିୟର ହାଇସ୍କୁଲର ଛାତ୍ରଛାତ୍ରୀ ହାତରେ ପ୍ଲାକାର୍ଡ ଧରି ସ୍ୱଚ୍ଛତାର ବାର୍ତାନେଇ ଗାଁକୁ ଗାଁ ବୁଲିଥିଲେ। ବରୁଆ ସ୍କୁଲ ପରିସରରୁ ଆରମ୍ଭ ହୋଇଥିବା ଶୋଭାଯାତ୍ରା ପୂଜାଲା, କେତକିଆ, ଟୋପିମିଆଁ ଛକ, ବରୁଆଁ ଛକ ଦେଇ ସ୍କୁଲରେ ପହଞ୍ଚିଥିଲା। କିଏ ଦେଶ ଗଢ଼ିବାର ସେ୍ଳାଗାନ ଦେଉଥିଲା ତ ଆଉ କିଏ ଦୁର୍ନୀତି ମୁକ୍ତ ଦେଶର ସଂକଳ୍ପ କରିଥିଲା। ପ୍ଲାଷ୍ଟିକ୍‌ ହଟାଅ, ପରିବେଶ ବଞ୍ଚାଅର ନାରା ନେଇ ପିଲାମାନେ ସଚେତନତାର ବାର୍ତା ବାଣ୍ଟିଥିଲେ। ସେଠାରେ ଜାତିର ପିତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। ଏଥିରେ ବିଦ୍ୟାଳୟର ସଭାପତି ହିମାଂଶୁ ଭୂଷଣ ମହାପାତ୍ର, ସମାଜସେବୀ ବୈକୁଣ୍ଠ ବିଶ୍ୱାଳ, ଅଧ୍ୟକ୍ଷ ହିମାଂଶୁ ଶେଖର ପଣ୍ଡା, ନିର୍ଦେଶକ ଧୃବକୁମାର ମହାପାତ୍ର, ସ୍ଥାନୀୟ ସରପଞ୍ଚ ନନ୍ଦ କିଶୋର ସାହୁ, ସମାଜସେବୀ ପ୍ରକାଶ ପରିଡା ପ୍ରମୁଖ ଗାନ୍ଧି ଜୟନ୍ତୀ ପାଳନରେ ସକ୍ରିୟ ଭୂମିକା ଗ୍ରହଣ କରିଥିଲେ।…

ଭୁବନେଶ୍ୱର : ପାରା ବ୍ୟାଡମିଣ୍ଟନ ତାରକା ପ୍ରମୋଦ ଭଗତ ସଫଳତାର ଆଉ ଏକ ପାହାଚ ଅତିକ୍ରମ କରିଛନ୍ତି। ଚାଇନାରେ ଖେଳାଯାଇଥିବା ଚାଇନା ପାରା-ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟରେ ପ୍ରମୋଦଙ୍କୁ ଡବଲ୍ ସ୍ୱର୍ଣ୍ଣ ପଦକ ମିଳିଛି। ସିଙ୍ଗଲ୍ସ ଏବଂ ପରେ ଡବଲ୍ସରେ ପ୍ରମୋଦ ଭଗତ ସ୍ୱର୍ଣ୍ଣ ପଦକ ହାସଲ କରି ରେକର୍ଡ ସୃଷ୍ଟି କରିବା ସହ ଦେଶ ଓ ରାଜ୍ୟକୁ ଗୌରବାନ୍ୱିତ କରିଛନ୍ତି। ଏଥିସହ ସେ ପାରା ଅଲିମ୍ପିକ୍ ପଏଣ୍ଟ ଟେବୁଲରେ ଶୀର୍ଷରେ ପହଞ୍ଚିଛନ୍ତି। ସେ ଏପର୍ଯ୍ୟନ୍ତ ମୋଟ ୬୦୯୦ ପଏଣ୍ଟ ହାସଲ କରି ଏହି ସଫଳତା ହାସଲ କରିଛନ୍ତି।ଚାଇନାର ହାଙ୍ଗଝୁରେ ରବିବାର ଅନୁଷ୍ଠିତ ସଂଘର୍ଷପୂର୍ଣ୍ଣ ସିଙ୍ଗଲ୍ସ ଫାଇନାଲରେ ପ୍ରମୋଦ ଇଂଲଣ୍ଡର ଡାନିଏଲ୍ ବେଥେଲଙ୍କୁ ୧୯-୨୧, ୨୧-୧୩, ୨୧-୧୪ ସେଟରେ ପରାସ୍ତ କରି ଚାମ୍ପିୟନ୍ ହୋଇଛନ୍ତି। ସେହିପରି ଡବଲ୍ସରେ ସେ ମନୋଜ ସରକାରଙ୍କ ସହ ମିଶି ନିଜ ଦେଶର ଯୋଡ଼ି ବିକ୍ରମ ଓ ସୁହାସଙ୍କୁ ୧୮-୨୧, ୨୧-୧୬, ୨୧-୧୫ ସେଟରେ ପରାସ୍ତ କରି ଚାମ୍ପିୟନ ହୋଇଛନ୍ତି। ଏଥିସହ ଚଳିତ ବର୍ଷ ପ୍ରମୋଦଙ୍କ ସ୍ୱର୍ଣ୍ଣ ସଂଖ୍ୟା ୧୧ରେ ପହଞ୍ଚିଥିବା ବେଳେ ୪ ରୌପ୍ୟ ଏବଂ ୨ ବ୍ରୋଞ୍ଜ ପଦକ ମଧ୍ୟ ହାସଲ କରିଛନ୍ତି।

ଭୁବନେଶ୍ୱର :ଦ ଇଣ୍ଡିଆନ୍ ଏକ୍ସପ୍ରେସ୍’ ତରଫରୁ କରାଯାଇଥିବା ‘ମୋଷ୍ଟ ପାୱାରଫୁଲ୍ ଇଣ୍ଡିଆନ୍ସ’ ସର୍ଭେ ରିପୋର୍ଟ ଅନୁସାରେ ପ୍ରଭାବଶାଳୀ ଭାରତୀୟ ମୁତାବକ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦେଶର ୧୦୦ ଜଣ ଶକ୍ତିଶାଳୀଙ୍କ ମଧ୍ୟରେ ୧୪ ନମ୍ବର ଅଛନ୍ତି l ଆଉ 39 ତମ ସ୍ଥାନରେ ଅଛନ୍ତି ନବୀନ l ଶକ୍ତିଶାଳୀ ଭାରତୀୟ ଭାବେ ଚଳିତ ବର୍ଷ ସ୍ଥାନିତ ପାଇଛନ୍ତି ।

ଭୁବନେଶ୍ୱର : ବିଜେପୁର ବର୍ତ୍ତମାନ ଓଡ଼ିଶା ରାଜନୀତିର ଏକ ଚର୍ଚ୍ଚିତ ବିଧାନ ସଭା କ୍ଷେତ୍ର ।ଗତ 2 ବର୍ଷରେ ୩ ଥର ନିର୍ବାଚନ ଦେଖିଲାଣି ବିଜେପୁର। ଏହା ଏକ ସାଧାରଣ ଘଟଣା ନୁହେଁ। ରାଜନୀତି ଇତିହାସରେ ଏହା ଏକ ବିରଳ ଚିତ୍ର। ଏକଦା ବିଜେପୁର ଥିଲା କଂଗ୍ରେସର ଗଡ଼। କିନ୍ତୁ ତିନି ତିନି ଥରର ବିଧାୟକ ସୁବଳ ସାହୁଙ୍କ ମୃତ୍ୟୁ ପରେ ରାଜନୀତିର ପସାପାଲି ବଦଳି ଯାଇଥିଲା। ୨୦୧୮ମଧ୍ୟ ଭାଗରେ ହୋଇଥିଲା ସେଠାରେ ଉପନିର୍ବାଚନ।ଯାହାକି ୩ ଦଳ ପାଇଁ ଥିଲା ବେଶ ଗୁରୁତ୍ୱପୂର୍ଣ୍ଣ। କାରଣ ମୁଣ୍ଡ ଉପରେ ଥାଏ ୨୦୧୯ ସାଧାରଣ ନିର୍ବାଚନ । ନିଜର ପତିଆରୀ ଜାହିର କରିବା ପାଇଁ ସବୁ ଦଳ ପ୍ରାଣ ମୂର୍ଚ୍ଛା ଉଦ୍ୟମ କରିଥିଲେ।ଶେଷରେ ବିଜେଡି ଚାଳିଶ ହଜାରରୁ ଉର୍ଦ୍ଧ୍ବ ଭୋଟ୍ ରେ ବିଜୟ ହୋଇଥିଲା।
ଠିକ ସେହିପରି ଆଗକୁ ପୁଣି ଆସୁଛି ପୌର ନିର୍ବାଚନ।ଠିକ୍ ତା ଆଗରୁ ପୁଣି ବାଜିରେ ଲାଗିଛି ବିଜେପୁର।ତିନି ଦଳ ନିଜର କଳ ବଳ ଫୁଲ ଦମରେ ଲଗେଇ ଦେଇଛନ୍ତି ।ବାଜିକୁ ହାତେଇବା ପାଇଁ ।ସବୁ ପ୍ରାର୍ଥୀ ମଧ୍ୟ ନିଜର ନାମାଙ୍କନ ପତ୍ର ଦାଖଲ କରିସାରିଲେଣି। ବିଜେଡିରୁ ରୀତା ସାହୁ,କଂଗ୍ରେସରୁ ଦିଲ୍ଲୀପ ପଣ୍ଡା,ଓ ବିଜେପିରୁ ସନତ ଗଡ଼ତିଆ। ତିନି ସିପାହୀ ବର୍ତ୍ତମାନ ନିର୍ବାଚନ ରଣାଙ୍ଗନରେ ପ୍ରସ୍ତୁତ ହୋଇସାରିଲେଣି ଏବଂ ସେମାନଙ୍କର ସେନାପତି ମଧ୍ୟ ପ୍ରସ୍ତୁତ। ତେବେ ଦେଖିବାର କଥା କିଏ ବିଜେପୁରର ଏସିଡ ଟେଷ୍ଟରେ ବାଜି ମାରୁଛି।
ନବ କିଶୋର ସାହୁ
Iimc,

ଭୁବନେଶ୍ୱର : ବିଜେପୁର ପାଇଁ ବିଜେପି ପ୍ରାର୍ଥୀ ସନତ ଗଡ଼ତିଆ ନାମାଙ୍କନ ଭରିଛନ୍ତି l ଶେଷରେ ସେ ନାମାଙ୍କନ ଭରିବା ପାଇଁ ଆସିଥିଲେ l ଦ୍ବିତୀୟ ଥର ପାଇଁ ସେ ବିଜେପୁର ଆସନରୁ ବିଜେପି ପ୍ରାର୍ଥୀ ହୋଇଛନ୍ତି.l 2019ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଠାରୁ ସେ ପରାଜିତ ହୋଇଥିଲେ l 53 ହଜାର ଭୋଟ ପାଇଥିଲେ ସନତ ଗଡ଼ତିଆ l

ଭୁବନେଶ୍ୱର : ଜୋରଧରିଲା ପିଆଜ ରାଜନୀତି l ପିଆଜ ଦର ବୃଦ୍ଧିକୁ ନେଇ ସରକାରଙ୍କ ଉପରେ ଵର୍ଷିଲା ବିଜେପି l ଆଳୁ ମିଶନ ଫେଲ୍, ପିଆଜ ମିଶନ ଫେଲ୍ କିନ୍ତୁ ନବୀନ ବାବୁ ପାସ୍ କିପରି ବୋଲି ବିଜେପି ପ୍ରଶ୍ନ କରିଛି l କଟାକ୍ଷ କରି ଦଳ କହିଛି ଯେ ସରକାରଙ୍କ ପାଠ କମ୍ ବସ୍ତାନି ଵଡ । ପିଆଜ ସଂରକ୍ଷଣ କଣ ରକେଟ୍ ସାଇନ୍ସ କି ? ୨୦ବର୍ଷ ଧରି ରାଜ୍ୟ ସରକାର ସଂରକ୍ଷଣ ବ୍ୟବସ୍ଥା କରିପାରିଲେନି । ଏଥିରୁ ଜଣାପଡିଲା ପଡୁଛି କିଛି ବ୍ୟବସାୟୀଙ୍କ ସହ ସରକାରଙ୍କ ଅସାଧୁ ମେଣ୍ଟ ଯୋଗୁ ଏମିତି ପରିସ୍ଥିତି ସୃଷ୍ଟି ହେଉଛି । ଅମଳ ସମୟରେ ଅଭାବୀ ବିକ୍ରି ହେଉଛି । କିନ୍ତୁ ଯେତେବେଳେ ଦର ବଢୁଛି ସେତେବେଳେ ଚିନ୍ତା ପଶୁଛି । ବିଭିନ୍ନ ଘୋଷଣା କରାଯାଉଛି । କିନ୍ତୁ କିଛି କରାଯାଉନାହିଁ । କେନ୍ଦ୍ର ସରକାର ପ୍ରାଇସ୍ ଷ୍ଟାବିଲିଟି ଫଣ୍ଡ ୭୫-୨୫ ଭାଗରେ ଗଠନ କରିଛନ୍ତି କିନ୍ତୁ ରାଜ୍ୟ ସରକାର କାହିଁକି ଖୋଲା ବଜାରରୁ କିଣି ଲୋକଙ୍କୁ ଦେଉନାହାନ୍ତି ବୋଲି ବିଜେପି ଉପ ସଭାପତି ସମୀର ମହାନ୍ତି କହିଛନ୍ତି l ସେପଟେ ପିଆଜ ଦର ଉପରେ ରାଜ୍ୟ ସରକାର ନଜର ରଖିଛନ୍ତି ବୋଲି ଶାସକ ଦଳ କହିଛି l କେନ୍ଦ୍ର ସରକାରଙ୍କ ସହ ଏନେଇ ଆଲୋଚନା ଜାରୀ ରହିଛି ବୋଲି ବିଜେଡି କହିଛି l