ଭୁବନେଶ୍ୱର :୨୦୧୮-୧୯ରେ ବିଜେପି ୬୦%, କଂଗ୍ରେସ ୪୧% ଓ ବିଜେଡି ୮୫% ନିର୍ବାଚନ ପାଣ୍ଠି ଏଲେକଟୋରାଲ ବଣ୍ଡ ଜରିଆରେ ପାଇଛନ୍ତି।

ଭୁବନେଶ୍ୱର : ରାଜନୀତି ନୁହେଁ, ସମାଜସେବାକୁ ଗୁରୁତ୍ୱ ଦିଅ । ରାଜ୍ୟବାସୀଙ୍କୁ ନିଜର ପରିବାର ଭାବେ ବିଚାର କର । ରାଜନୀତି ଠାରୁ ଉର୍ଦ୍ଧରେ ରହିଛି ଗରିବ ଲୋକଙ୍କୁ ସହାୟକ ହୁଏ । ଏପରି ନୀତିବାଣୀ ବିଜେଡ ନେତାଙ୍କୁ ଶୁଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଓଡ଼ିଶା ମୋ ପରିବାର ଅଭିଯାନର ଶୁଭାରମ୍ଭ କରି ନବୀନ ଏହା କହିଛନ୍ତି । ନବୀନ ନିବାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଓଡ଼ିଆ ମୋ ପରିବାରର ପ୍ରଥମ ଆନୁଷ୍ଠାନିକ ବୈଠକ ଅନୁଷ୍ଠିତ ହୋଇଛି। ଏହାର ଆବାହକ ଅରୁପ ପଟ୍ଟନାୟକ କହିଲେ ଯେ ତିନୋଟି ଦିଗ ଉପରେ କାମ କରିବାକୁ ଖସଡ଼ା ପ୍ରସ୍ତୁତ ହେଲା। ପରିବେଶ ସୁରକ୍ଷା ପାଇଁ ସାଂସଦ ପିନାକୀ ମିଶ୍ରଙ୍କ ଅଧୀନରେ ପ୍ଲାଷ୍ଟିକ ମୁକ୍ତ ଓଡ଼ିଶା ଓ ଗଛ ଲଗାଇବା ପାଇଁ କାମ ହେବ। ଦେଶରେ ମହାରାଷ୍ଟ୍ର ଓ ଓଡ଼ିଶା ହି ସମ୍ପୂର୍ଣ୍ଣ ଭାବେ ପ୍ଲାଷ୍ଟିକ ମୁକ୍ତ ହୋଇଛି। ଏଥିରେ ଓଡ଼ିଶା ପ୍ରଥମ। ସେହିପରି ସ୍ୱାସ୍ଥ୍ୟ କ୍ଷେତ୍ରରେ ବିଧାୟକ ଅତନୁ ସବ୍ୟସାଚୀ ନାୟକଙ୍କ ଅଧୀନରେ ଜୀବନ ବିନ୍ଦୁ ସହ ମିଶି ରକ୍ତଦାନ ଉପରେ କାମ କରାଯିବ। ତୃତୀୟରେ ପ୍ରବାସି ଓଡ଼ିଆଙ୍କ ପାଇଁ ସାଂସଦ ଚନ୍ଦ୍ରଶେଖର ସାହୁଙ୍କ ଅଧୀନରେ କାମ ହେବ। ପ୍ରବାସି ଓଡ଼ିଆଙ୍କ ଡାଟାବେଶ ଅଣାଯାଇଛି। ସେମାନଙ୍କ ପାଖକୁ ଯିବ କମିଟି ଓ ସେମାନଙ୍କ ବିକାଶ ଦିଗରେ କାମ ହେବ। ଓଡ଼ିଶା ମୋ ପରିବାରରେ ଏକ ଲକ୍ଷରୁ ଅଧିକ ସଦସ୍ୟ ଅଛନ୍ତି।

ଭୁବନେଶ୍ୱର : ବରିଷ୍ଠ ବିଜେପି ନେତା ବିଜୟ ମହାପାତ୍ର ବିଜେପିରେ କୋଣଠେସା ହୋଇଛନ୍ତି ତାହା ପୁଣିଥରେ ପ୍ରମାଣିତ ହୋଇଛି । ମହାକାଳପଡ଼ାରେ ବିଜେପ ପକ୍ଷରୁ ସିଏଏ ସମର୍ଥନରେ ବିଜେପିର ବିଶାଳ ସମାବେଶରେ ଯୋଗଦେଇନଥିଲେ ମାଟିର ପୁଅ ବିଜୟ ମହାପାତ୍ର । ଯାହାକୁ ନେଇ ବିଜୟଙ୍କ ସମର୍ଥନମାନେ ସଭାସ୍ଥଳରେ ଅସନ୍ତୋଷ ପ୍ରକାଶ କରିଥିଲେ । ତେବେ କାହିକିଁ ଦଳ ଏତେବଡ଼ସଭାକୁ ବିଜୟଙ୍କୁ ଅଣଦେଖା କଲା । ଏହାର କାରଣ କଣ । ମିଳିଥିବା ସୂଚନା ଅନୁସାରେ ମହାକାଳପଡ଼ା ସଭା ପୂର୍ବଦିନ ରାତିରେ ବିଜୟ ମହାପାତ୍ରଙ୍କୁ ଦଳ ପକ୍ଷରୁ ସୂଚନା ଦିଆଯାଇଥିଲା । ଯାହାକୁ ନେଇ ବିଜୟ ଅସନ୍ତୋଷ ପ୍ରକାର କରିଥିଲେ । ଦଳ ତାଙ୍କୁ ସେତେଟା ଗୁୁରୁତ୍ୱ ଦେଉନାହିଁ ତାହା ଏହି କଥାରୁ ସ୍ପଷ୍ଟ ଜଣାପଡ଼ିଛି । ବିଜୟଙ୍କୁ ପୂର୍ବରୁ ଦଳ ଯେପରି ଅଣଦେଖା କରିଥିଲା ବୋଳି ସେ ଅଭିଯୋଗ କରି ଦଳ ଛାଡ଼ିଥିଲେ ଏବେ ସେହି ପରିଅବସ୍ଥା ହୋଇଥିବା ଜଣାପଡ଼ିଛି ।

ଆଠମଲ୍ଲିକ :କାଳିସୀ ଲାଗିଛି ବିଧାୟକଙ୍କୁ l ଚର୍ଚ୍ଚାରେ ଏବେ ଆଠମଲ୍ଲିକ ବିଧାୟକ ରାମେଶ ସାଏ। ଏହା ରାଜନୈତିକ ମାଇଲେଜ ପାଇଁ ନା ସତରେ ଠାକୁର ଆସିଥିଲେ। ଯଦି ଠାକୁରାଣୀ ଆସିଥିଲେ ,ଅନ୍ୟ ଲୋକଙ୍କ ପାଖକୁ କେମିତି ଆସିଲେନି। ଏହାକୁ ନେଇ ସବୁଠି ଏବେ ଆଲୋଚନା । ତାଙ୍କ ଗାଁ ଆମ୍ବସରମୁଣ୍ଡା ଠାରେ ଗଣ୍ଡ ସମ୍ପ୍ରଦାୟର ଶାମ୍ବ ଦଶମୀ ପର୍ବ ପାଳନ ହେଉଥିଲା। ସେଠାରେ ସେ ରାସ୍ତା ମଝିରେ ହାତରେ ଖଣ୍ଡା ଧରି ହଠାତ ନାଚି ଉଠିଥିଲେ। ଯାହାକି ସମସ୍ତଙ୍କୁ ଚକିତ କରିଦେଇଥିଲା।
ଜଣେ ପୂର୍ବତନ ପ୍ରଶାସକ ଏବଂ ବର୍ତ୍ତମାନର ଜନ ପ୍ରତିନିଧିଙ୍କ ଏତା ଦୃଶ୍ୟକୁ ସାଧାରଣ ଲୋକ ଏବଂ ବୁଦ୍ଧିଜୀବିମାନେ ସହଜରେ ଗ୍ରହଣ କରିପାରୁନାହାନ୍ତି। ସେମାନଙ୍କ କହିବା ଅନୁସାରେ ବିଧାୟକ ନିଜର ବଡିମା ଦେଖାଇବା ପାଇଁ ଏପରି କରିଛନ୍ତି। କାରଣ ତାଙ୍କୁ ଆଗରୁ ଏପରି କେବେ ଦେଖିବାକୁ ମିଳୁନଥିଲା। ଯିଏ କି ନିର୍ବାଚନ ପୂର୍ବରୁ ଗାଁକୁ ଆସୁନଥିଲେ । ଆଜି ତାଙ୍କ ପାଖକୁ ଠାକୁରାଣୀ ଆସୁଛନ୍ତି।
ଗାଁରେ ଶିମ୍ବଦଶମୀ ପାଳନ ଉପଲକ୍ଷେ ଗାଁରେ ପହଞ୍ଚିଥିଲେ ବିଧାୟକ ରମେଶ ସାଏ। ପାରମ୍ପରିକ ବାଦ୍ୟ,ମନ୍ତ୍ର ପାଠରେ ଚାଲିଥିଲା ପୂଜାର୍ଚ୍ଚନା । କଳସୀ ଯାତ୍ରା ସରିବା କ୍ଷଣି ହାତରେ ଖଣ୍ଡା ଧରି ରାସ୍ତା ମଝିରେ କାଳିସି ଲାଗିଥିଲା ବିଧାୟକଙ୍କ ଦେହରେ । ଏହା ପରେ ଗାଁର ମହିଳାମାନେ ତାଙ୍କ ଗୋଡ଼ ଧୋଇ ଫୁଲ ଚନ୍ଦନ ଦେଇ ପୂଜା କରିଥିଲେ।

ଯାଜପୁର : ଭୋଟ ବେଳେ ପାଗଳଙ୍କ ପରି ପ୍ରଚାର କରନ୍ତିନି ଯାଜପୁରର ଯୁବ ବିଧାୟକ ପ୍ରଣବ ପ୍ରକାଶ ଦାସ(ବବି) । ନା ପ୍ରଚାରବେଳେ ଆଣନ୍ତି ଫିଲ୍ମଷ୍ଟାର ନା ଭୋଜିଭାତରେ ମସଗୁଲ କରନ୍ତି ମାହୋଲ । କିନ୍ତୁ ବିପକ୍ଷନେତାଙ୍କୁ ସହଜରେ ଚିତପଟାଙ୍ଗ କରି ଗୋଟିଏ ପରେ ଗୋଟିଏ ନିର୍ବାଚନରେ ବିଜୟ ଲାଭ କରିନ୍ତି । ଏମିତିକି ରାଜ୍ୟର ଭାର ତାଙ୍କ ମୁଣ୍ଡରେ ଥିବାରୁ ସେ ନିର୍ବାଚନ ସମୟରେ ନିଜ ନିର୍ବାଚନୀ ମଣ୍ଡଳୀରେ ପ୍ରଚାରର ସମୟ ଦିଅନ୍ତିନି କି ବ୍ୟୟ ବହୁଳ ପ୍ରଚାରକୁ ବିଶ୍ୱାସ କରନ୍ତିନି । କିନ୍ତୁ ଯାଜପୁର ନିର୍ବାଚନୀ ମଣ୍ଡଳୀରେ ହାଟ୍ରିକ ବିଜୟ ଟିପା ପିନ୍ଧି ଯାଜପୁରବାସୀଙ୍କର ଅତି ପ୍ରିୟନେତା ହୋଇଛନ୍ତି । କି ମ୍ୟାଜିକ କରନ୍ତି ପ୍ରଣବ । ତାଙ୍କ ଜିତର ଅସଲ ରହସ୍ୟ ଥିଲା କେଉଁଠି । ତାଙ୍କ ବିଜୟର ଅସଲ ରହସ୍ୟ ଯେଉଁଠି ଥାଏ ତାହା ଦେଖାଇଛନ୍ତି ନିଜ ନିର୍ବାଚନୀ ମଣ୍ଡଳୀରେ ପ୍ରଣବ । ତାଙ୍କ ବିଜୟର ଅସଲ ରହସ୍ୟ ହେଉଛି “ସେ ଲୋକଙ୍କର, ଲୋକଙ୍କ ପାଇଁ ଏବଂ ଲୋକଙ୍କ ଦ୍ୱାରା”’। ଓଡ଼ିଶାରେ ଏବେ ନିର୍ବାଚନ ରାଜନୀତିରେ ଯୁବ ଚାଣକ୍ୟ ସାଜିଥିବା ବିଧାୟକ ପ୍ରଣବ ପ୍ରକାଶ ଦାସ ସବୁବେଳେ ନବୀନଙ୍କ ସରଳଜୀବନ ଯାପନ ଶୈଳୀକୁ ନିଜ ଜୀବନରେ ଆଦର୍ଶ ଭାବେ ଗ୍ରହଣ କରିଛନ୍ତି । ନିଜ ନିର୍ବାଚନୀ ମଣ୍ଡଳୀର ପ୍ରତ୍ୟେକ ବ୍ୟକ୍ତି କିପରି ସୁଖରେ ରହିବେ , ସମସ୍ୟା କିପରି ସେମାନଙ୍କର ଦୂର ହେବ ସେଥିଲାଗି ପ୍ରଣବ ସବୁବେଳେ ପ୍ରୟାସ କରିଛନ୍ତି । ଦଳର ସାଧାରଣ ସମ୍ପାଦକ (ସଂଗଠନ) ଓ ନବୀନଙ୍କ ନିର୍ଦ୍ଦେଶରେ ସବୁବେଳେ ଓଡ଼ିଶାର ଭଲମନ୍ଦ ବୁଝୁଥିବା ପ୍ରଣବ ନିଜ ନିର୍ବାଚନୀ ମଣ୍ଡଳର ଲୋକ ଯେମିତି ତାଙ୍କ ଅଭାବ ଅନୁଭବ ନକରିବେ ସେଥିପାଇଁ ଟିକେ ସମୟ ପାଇଲେ ସେ ନିର୍ବାଚନୀ ମଣ୍ଡଳୀର ଲୋକଙ୍କ ସୁଖଦୁଃଖରେ ସାମିଲ ହୋଇଯାଆନ୍ତି । ରାଜଧାନୀ ଓ ଯାଜପୁର ଟାଉନ ଘର ନୁହେଁ, ଯବେ ଯାଜପୁର ଯାଆନ୍ତି ପ୍ରଣବ ତାଙ୍କର ସମୟ କଟେ ଗାଁରେ । ନିଜ ନିର୍ବାଚନୀ ମଣ୍ଡଳୀର କେଉଁ ପଂଚାୟତର କେଉଁ ଗୋଟେ ସ୍କୁଲ ଘରେ ରାତ୍ରୀଯାପନ କରନ୍ତି । ଏହି ରାତ୍ରୀଯାପନ କରିବାର ମୂଳଲକ୍ଷ କେବଳ ଲୋକଙ୍କ ସହ ମିଶି ଲୋକଙ୍କ ସମସ୍ୟାରେ ଜଡ଼ିତ ହୋଇ ଏହାର ସମାଧାନ କରିବା ପାଇଁ । ତାଙ୍କ ପାଖରେ ଦଳୀୟ ବିଚାର ବି ନାହିଁ । ଯିଏ ଯେଉଁ ଦଳରେ ଥାଉନା କାହିକିଁ ଯଦି ସମସ୍ୟାରେ ଅଛି ତୁରନ୍ତୁ ତାହାର ସମସ୍ୟା କିପରି ଦୂରହେବ ସେକଥା କର୍ମୀଙ୍କୁ ଦାୟିତ୍ୱ ଦେଇ ନିଜେ ସେ କାର୍ଯ୍ୟ କେତେବାଟ ଗଲା ସମୀକ୍ଷା କରି ସମାଧାନ କରନ୍ତି । ସବୁବେଳେ ସେ ତାଙ୍କ କର୍ମୀଙ୍କ କୁହନ୍ତି ଗରିବ କି ଦଳ । ତାଙ୍କ ପାଇଁ ତ ଆମେ ଅଛୁ । ପ୍ରତ୍ୟେକ ଓଡ଼ିଶାବାସୀ ନବୀନଙ୍କ ପରିବାର । ଏହି ମର୍ମରେ ପ୍ରଣବ ପ୍ରକାଶ ଦାସ( ବବି) ନିଜ ନିର୍ବାଚନୀ ମଣ୍ଡଳୀର ଦଶରଥପୁର ବ୍ଲକ ଶୁଶୁଆ ପଂଚାୟତ , ଗରଡ଼ିହ ଗାଁରେ ରାତ୍ରୀଯାପନ କରିଥିଲେ । ରାତିରେ ପଂଚାୟତର ସମସ୍ୟା ବୁଝିବା ସହ କିପରି ଏହାର ସମାଧାନ ହେବ ସେନେଇ ଗାଁ ଲୋକଙ୍କ ସହ ଆଲୋଚନା କରିଥିଲେ । କେବଳ ସେତିକୁ ନୁହେଁ, ଗାଁର ବହୁ ଲୋକ ଏକାଠି ହୋଇ ସେମାନଙ୍କ ସମସ୍ୟା କଥା ବିଧାୟକଙ୍କୁ ଅବଗତ କରିଥିଲେ । ବିଧାୟକ ବି ସମସ୍ତଙ୍କ କଥା ଗୋଟି ଗୋଟି କରି ଶୁଣିଥିଲେ । ଶେଷରେ ବିଧାୟକ ପ୍ରତିଶ୍ରୃତି ଦେଇଥିଲେ ଯେ ଯାହା ସମସ୍ୟା ଅଛି ଆମେମାନେ ମିଳିଶିଶି ଏହାର ସମାଧାନ କରିବା । ଶେଷରେ ଗାଁ ମୁରବୀଙ୍କ ସହ ରାତ୍ରୀରେ ସନ୍ତୁଳା ରୁଟି, ଭଜା, ଚଟଣୀ ଆଦି ଖାଦ୍ୟ ଖାଇ ସ୍କୁଲଘରେ ରାତ୍ରୀଯାଜପନ କରିଥିଲେ ବିଧାୟକ । ଅଏସ ଆରମ ଛାଡ଼ି ବିଧାୟକ ସ୍କୁଲଘରେ ରାତିରେ ରହି ଲୋକଙ୍କ ସମସ୍ୟା ବୁଝିବାକୁ ଗାଁ ଲୋକେ ବେଶ ପ୍ରଶଂସା କରିଥିଲେ । ବବିଙ୍କ ପରି ବିଧାୟକ ପାଇଁ ସେମାନେ ବେଶ ଖୁସି ବୋଲି କହିଛନ୍ତି । କେବଳ ଏତିକି ନୁହେଁ, ଯାଜପୁର ସର୍ବାଙ୍ଗୀନ ବିକାଶ କ୍ଷେତ୍ରରେ ବିଧାୟକଙ୍କ ଅବଦାନ କଣ ତାହା ଯିଏ ଯାଜପୁର ଆସୁଛି ସେ ଜାଣିପାରିବ ବୋଲି ଏହି ଅବସରରେ ଗାଁରେ ଏକ ବୈଠକରେ ସାଧାରଣ ଭୋଟର ଟିଏ ଛିଡ଼ା ହୋଇ କହିଥିଲା । କଠିନ ପରିଶ୍ରମ ଓ ସାଂଗଠନିକ ଦାୟିତ୍ୱ ଓ ନିଜ କର୍ତ୍ତବ୍ୟକୁ ସଠିକ ଭାବେ ପ୍ରଣବ ତୁଲାଉଥିବାରୁ କେବଳ ଯାଜପୁର ନୂୁହେଁ, ପୁରା ଓଡ଼ିଶାରେ ଏବେ ସେ ଚର୍ଚ୍ଚିତ ଯୁବନେତା ସାଜିଛନ୍ତି । ଯାହାକି ତାଙ୍କ ବିଜୟର ବଡ଼ ରହସ୍ୟ । ସେଥିପାଇଁ ତ ଆବଶ୍ୟକ ଯେଉଁଠି ହୁଏ , ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ପ୍ରଣବଙ୍କୁ ସେଇଠିକି ପଠାନ୍ତି । ସେ ସାଂଗଠନିକ କାର୍ଯ୍ୟ ହେଉ କି ସରକାରଙ୍କ ବିକାଶମୂଳକ କାମ । ସେ ପୁରୀର ସୌନ୍ଦର୍ଯ୍ୟକରଣ କି କୋରାପୁଟ , ମୟୁରଭଞ୍ଜର ସଂଗଠନ ଦାୟିତ୍ୱ ସବୁଥିରେ ବବି ତାଙ୍କର ମ୍ୟାଜିକ ଦେଖାନ୍ତି । ଖାସ ସେଥିପାଇଁ ସେ ନବୀନଙ୍କ ପ୍ରିୟପାତ୍ର ସାଜିଛନ୍ତି । ପ୍ରଣବଙ୍କ ଏପରି କର୍ମ ପାଇଁ ଏବେ ଲୋକେ କହୁଛନ୍ତି ନେତା ହେବ ତ ଏମିତି ।