ପୁରୀ: ରଥ ତିଆରିକୁ ନେଇ ଲାଗିରହିଥିବା ଦ୍ୱନ୍ଦ ଏବେ ଦୂର ହେବାରେ ଲାଗିଛି। ଆଜି ରୀତିନୀତି ଅନୁସାରେ ମହାପ୍ରଭୁଙ୍କ ଭଉଁରି ଯାତ୍ରା ଅନୁଷ୍ଠିତ ହୋଇଛି ।ରଥ ତିଆରିର ଏକ ପ୍ରାରମ୍ଭିକ ପର୍ଯ୍ୟାୟ ହେଉଛି ଚକ ଡେରା ନୀତି।ଯାହାକି ଆଜି ଶେଷ ହୋଇଛି ।ଏଥର କରୋନା ପାଇଁ ବିଳମ୍ବରେ ରଥ ନିର୍ମାଣ ଅାରମ୍ଭ ହୋଇଥିଲା ।ଏପରିକି ନୃସିଂହ ଚୁତୁଦ୍ର୍ଦଶୀରେ ଗୁଜ ଅନୁକୂଳ ହୋଇପାରି ନଥିଲା ।ହେଲେ ଆଜି ତିଥି ଅନୁସାରେ ଚକଡ଼େରା ନୀତି ସଂପନ୍ନ ହୋଇଛି । ରଥଯାତ୍ରାକୁ ନେଇ ଆଉ ଏକ ଭଲ ଖବର ମଧ୍ୟ ଆଜି ଆସିଛି।କରୋନାକୁ ନେଇ ଉଭୟ କେନ୍ଦ୍ର ଓ ରାଜ୍ୟ ସରକାର ସମସ୍ତ ଗାଇଡ଼ ଲାଇନ ଅନୁସାରେ କାମ ହେବ। ଆଜି ସ୍ନାନଯାତ୍ରା, ଅଣସର ନୀତି ଓ ରଥଯାତ୍ରା ଲାଗି ଦଇତାପତିଙ୍କୁ ନେଇ ଅାୟୋଜିତ ବୈଠକରେ ବିସ୍ତୁତ ଅାଲୋଚନା ହୋଇଛି ।
ଆଜି ସକାଳ ଧୂପ ପରେ ଘଣ୍ଟା କାହାଳୀ ବାଦ୍ୟ ସହିତ ଶ୍ରୀମନ୍ଦିରରୁ ଅାଜ୍ଞାମାଳ ବିଜେ ପରେ ରଥଖଳାର ଏକ ଭିନ୍ନ ଏକ ପରିବେଶ ସୃଷ୍ଟି ହୋଇଥିଲା । କରୋନା କଟକଣା ଭିତରେ କାର୍ଯ୍ୟରତ ସେବାୟତମାନେ ଉତ୍ସାହିତ ହୋଇପଡ଼ିଥିଲେ । ଅାଜ୍ଞାମାଳ ବିଜେ ପରେ କାଳବିଳମ୍ବ ନକରି ଅାରମ୍ଭ ହୋଇଥିଲା ଚକଡେରା ନୀତି । ସେବାୟତମାନେ ତିନି ରଥର ତିନୋଟି ଅଖ ସହ ଛଅଟି ଚକ ସଂଯୋଗ କରିଥିଲେ ।ସମସ୍ତେ ଥିଲେ ବେଶ୍ ଉତ୍ସାହିତ ।
ସେପଟେ କୋଭିଡ୍-୧୯ ଗାଇଡ୍ଲାଇନ୍ ଅନୁସାରେ ସ୍ନାନଯାତ୍ରା, ଅଣସର ନୀତି ଓ ରଥଯାତ୍ରା ପାଇଁ ଦଇତାପତି, ଶ୍ରୀମନ୍ଦିର ଉନ୍ନୟନ ପ୍ରଶାସକ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଓ ଅନ୍ୟ ଅଧିକାରୀଙ୍କୁ ନେଇ ଏକ ବୈଠକ ବସିଥିଲା । ଏ ନେଇ ଶ୍ରୀମନ୍ଦିର ପ୍ରଶାସନକୁ ଦଇତାପତି ନିଯୋଗ ବିସ୍ତୁତ ରିପୋର୍ଟ ଦେବ ।
ଆଜି ହେଉଛି ମହାପ୍ରଭୁଙ୍କ ଭଉଁରି ତିଥି।ଆଜି ଶ୍ରୀକ୍ଷେତ୍ର ରେ ସମ୍ପର୍ଣ ହୋଇଛି ରଥର ଚକ ଅଖ ଡେରା ନୀତି। ପ୍ରଥମେ ଶ୍ରୀମନ୍ଦିରରୁ ଆଜ୍ଞାମାଳ ପୂଜା ପଣ୍ଡା ସେବକମାନେ ଆଣିଥିଲେ। ଏହାପରେ ରଥ ଖଳାକୁ ଆଣି ପରେ ତିନି ରଥର ଦୁଇଟି ଲେଖାଏଁ ଚକ ସହ ଗୋଟିଏ ଲେଖାଏଁ ଅଖ ଡେରା ଯାଇଥିଲା | ଆଜିର ଏହି ନୀତି ରଥ ତିଆରିର ପ୍ରାରମ୍ଭିକ ନୀତି। ଏହାସହ ଆଜି ହେଉଛି ଚନ୍ଦନ ଯାତ୍ରାର ଶେଷ ଦିନ। ଶେଷ ଥର ପାଇଁ ଆଜି ସନ୍ଧ୍ୟାରେ ପ୍ରଭୁ ବାହାରେ ଚାପ ଖେଳିବେ।ଆଉ ପ୍ରକୃତିର ଉଷ୍ମତାରୁ ଲାଘବ ପାଇବେ। ଯାହାକୁ କି ଭଉଁରି ପର୍ବ କୁହାଯାଏ । ଆଜି ପ୍ରଥମେ ସକାଳୁ ଶ୍ରୀଜୀଉଙ୍କ ସକାଳ ଧୂପ ସାରିଥିଲା । ପରେ ଶ୍ରୀମନ୍ଦିର ରୁ ପୂଜାପଣ୍ଡା ସାମନ୍ତ ମାନେ ମହାପ୍ରଭୁଙ୍କ ଠାରୁ ଆଜ୍ଞା ମାଳ ରଥଖଳାକୁ ବିଜେ କରିଥିଲେ | ପରେ ଭୋଇ ସେବକ ମାନେ ତିନି ରଥର ଦୁଇ ଦୁଇ ଟି ଚକରେ ଗୋଟିଏ ଲେଖାଏଁ ଅଖ ସଂଯୋଗ କରିଥିବା ବେଳେ ପୂଜାପଣ୍ଡା ସେବକ ଆଜ୍ଞା ମାଳ ମହାରଣା ମାନଙ୍କୁ ଦେଇ ଵିଧି ସମ୍ପର୍ଣ କରିଥିଲେ |
