ଭୁବନେଶ୍ୱର : ସତରେ ଏ ସମୟଟା ଭାରି ନିଷ୍ଠୁର ହୋଇଯାଇଛି।ଦୁରେଇ ଦେଇଛି ନିଜ ଲୋକଙ୍କ ଠାରୁ। ଚୋରାଇ ନେଇଛି ଆଖିର ନିଦ। ଆଉ ଭାସାଇ ଦେଇଛି ଲୁହ ଦାରିଆରେ। ଆଉ ଦେଇଯାଇଛି ଅଲିଭା କ୍ଷତ। ଯେଉଁଠି ବାପର ଶବ ଛୁଇଁବା, ପୁଅ ପାଇଁ ପାପ। ଆଜି ଏମିତି ବି ସମୟ ଆସିଛି ବାପକୁ ମୁଖାଜ୍ଞି ଦେଇପାରିନି ପୁଅ। ଏପଟେ ଜୁଇ ଜଳିଲା ବେଳେ ସେପଟେ ଭିଡିଓ କଲିଙ୍ଗ ପୁଅ ଦେଖୁଛି। ହେଲେ କିଛି କରିପାରୁନି।ବାସ୍ ବିଦେଶରେ ଥାଇ ଲୁହ ଗଡାଉଛି।
ଏବେ ଆଉ ଏକ ଚିତ୍ର ସାମ୍ନାକୁ ଆସିଛି। ଯାହାକୁ ଜାଣିଲେ ଆପଣଙ୍କ ଆଖିରେ ବି ଲୁହ ଆସିଯିବ। ଯାହା ସ୍ୱପ୍ନ ପୂରଣ ପାଇଁ ବାପା ବାହାର ରାଜ୍ୟରେ ଦାଦନ ଖଟୁଛି। ସେ ବାପର ସ୍ୱପ୍ନ ଭାଙ୍ଗି ଦେଇଛି। ବାପା ଘରକୁ ଆସିବେ। ଆଉ ସେ ଏକ ବର୍ଷର କୁନି ପୁଅ ସହ ମନ ଭରି ଖେଳିବେ। ସେ ଘୋଡା ହେବେ। ଆଉ ପୁଅକୁ ପିଠିରେ ବସେଇ ସାରା ଗାଁରେ ବୁଲେଇବେ। ହେଲେ ସବୁ ଆଶା ଆଶାରେ ରହିଗଲା। ଲକ୍ ଡାଉନ ପାଇଁ ନା ସେ ଘରକୁ ପହଂଚି ପାରିଲେ । ନା ପୁଅ ତାଙ୍କୁ ଅପେକ୍ଷା କଲା। ଚାଲି ଗଲା । ସବୁ ଦିନ ପାଇଁ ଏକା କରି ।ଏ ସମୟ ବି ଏତେ ନିଷ୍ଠୁର ଯେ ଶେଷ ଥର ପାଇଁ ପୁଅକୁ ବି ଦେଖି ପାରିଲାନି ଏ ଅଭାଗ ବାପାଟା। ଏମିତି ଏକ ଚିତ୍ର ଏବେ ଚାରିଆଡେ ଘୁରି ବୁଲୁଛି। ଫଟୋଟିକୁ ଉଠାଇଛନ୍ତି ଖବର ସରବରାହ ସଂସ୍ଥା ପିଟିଆର ଫଟୋଗ୍ରାଫର ଅତୁଲ ୟାଦବ। ଜଣେ ପ୍ରବାସୀ ଭାଇ ଫୋନଟିକୁ କାନରେ ଧରି ଜୋରରେ କାନ୍ଦୁଛନ୍ତି।ସେ କାନ୍ଦୁଥିବା ବ୍ୟକ୍ତି ଜଣଙ୍କ ବିହାର ର।ତାଙ୍କ ନାମ ରାମ ପୁକାର ପଣ୍ଡିତ। ସେ ଦିଲ୍ଲୀରେ କାମ କରନ୍ତି।
ସେ ତାଙ୍କର ଏକ ବର୍ଷ ପୁଅକୁ ସବୁଦିନ ପାଇଁ ହରାଇ ଦେଇଛନ୍ତି । ଆଉ ଖୋଜିଲେ ବି ପାଇବେନି। ପୁଅକୁ ଦେଖିବା ପାଇଁ ଘରକୁ ଯିବାକୁ ବହୁତ ଚେଷ୍ଟା କରିଛନ୍ତି। ହେଲେ ଏ କଡା ଆଇନ କାନୁନ ତାଙ୍କ ଗୋଡ଼ରେ କଡ଼ି ପକେଇ ଦେଲା। ତାଙ୍କୁ ଉତ୍ତର ପ୍ରଦେଶର ସୀମାରେ ପୋଲିସ ଅଟକାଇ ଦେଲା। ସେଠାରେ ସେ ବସି ଥିବା ସମୟରେ ପୁଅର ମୃତ୍ୟୁ ଖବର ଶୁଣି କାନ୍ଦୁଛନ୍ତି। ସତରେ ଏ ଦୃଶ୍ୟ ଭାରି ହୃଦୟ ବିଦାରକ।

ଭୁବନେଶ୍ୱର :ଦିନେ ଭୋକ ପାଇଁ ସହର ଯାଇଥିଲେ। ଆଉ ଆଜି ଭୋକ ପାଇଁ ଗାଁକୁ ଫେରୁଛନ୍ତି।ଆଉ ଦିନ ରାତି ରାଜ ରାସ୍ତାରେ ମାଇଲ ମାଇଲ ପାଦରେ ଚାଲୁଛନ୍ତି ।ସାରା ରାସ୍ତାରେ ଭୋକିଲା ଚେହେରା।ଛଳ ଛଳ ସଭିଙ୍କ ଆଖି। ଘରକୁ ପହଂଚିବାର ଲକ୍ଷ ଆଗରେ ଯେମିତି ହାର ମାନିଯାଇଛି ପେଟର ଭୋକ ।ଏମିତି ଭୋକ ସହ ଲଢେ଼ଇ କରି ଗାଁକୁ ଫେରୁଛନ୍ତି ଲକ୍ଷ ଲକ୍ଷ ପ୍ରବାସୀ ଭାଇ। କିଏ ଘରେ ପହଞ୍ଚୁଛି ତ ! କିଏ ମଝି ରାସ୍ତାରେ ମଧ୍ୟ ଟଳି ପଡୁଛି। ବାସ୍ ଇଏ ହେଉଛି କରୋନା ଯୁଦ୍ଧର କରୁଣା କାହାଣୀ।
ନିଜ ରାଜ୍ୟ ବାହାରେ ଏବେ ଲକ୍ଷ ଲକ୍ଷ ଲୋକ ଫସି ରହିଛନ୍ତି। ଲକ୍ ଡାଉନରେ ସାରା ଦେଶ ଏବେ ବନ୍ଦ ।ସେଥିପାଇଁ ତ ଆଉ କାମ ବି ମିଳୁନି।ପାଖରେ ସଞ୍ଚୟ କରି ରଖିଥିବା ଟଙ୍କା ପାଇସା ବି ସରିଲାଣି।ଏବେ ସମସ୍ତେ ଖାଇବେ କଣ? ବାସ୍ ବଂଚିବାର ଏକ ମାତ୍ର ସାହାରା ହେଉଛି। ନିଜର ଗାଁ।କିନ୍ତୁ ଏବେ ଦେଶରେ ଟ୍ରେନ୍, ବସ୍ ସବୁ ବନ୍ଦ।ଆଉ ଘରକୁ ଯିବେ କେମିତି।ହେଲେ ଭୋକର ଜ୍ୱାଳା ଏତେ ବଢିଗଲା ଯେ ଘରକୁ ଆସିବାକୁ ଆଉ ଯାନ ବାହାନକୁ ଅପେକ୍ଷା କରିବା ସମ୍ଭବ ହେଲା ନି। ଆଉ ଶେଷରେ ଶହ ଶହ ମାଇଲ ଚାଲି ଚାଲି ଘରକୁ ଫେରୁଛନ୍ତି ପ୍ରବାସୀ।
ସାମାଜିକ ଗଣମାଧ୍ୟମରେ ଘୁରିବୁଲୁଥିବା ଚିତ୍ରଗୁଡିକ ବେଶ ହୃଦୟ ବିଦାରକ ।ଛୋଟ ଛୁଆ ଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ସମସ୍ତେ ରାସ୍ତାରେ ପାଦରେ ଚାଲୁଛନ୍ତି। ଏମିତି ଆଉ ଏକ ଦୃଶ୍ୟ ଯାହାକି ଯିଏ ବି ଦେଖୁଛି ଆପେ ଆପେ ଆଖିରୁ ଲୁହ ବାହାରି ଆସୁଛି। ଜଣେ ମା’ ପ୍ରବାସୀ ଶ୍ରମିକଙ୍କ ସହିତ ମିଶି ପଞ୍ଜାବରୁ ବାହାରି ଝାନ୍‌ସୀ ଅଭିମୁଖେ ଯାତ୍ରା କରି ଘରକୁ ଫେରୁଛନ୍ତି। ଏହି ସମୟରେ ଚାଲିଚାଲି ଥକି ପଡ଼ିଥିବା ଶିଶୁ ମା’ ଧରିଥିବା ସୁଟ୍‌କେସ୍‌ ଉପରେ ଶୋଇ ପଡ଼ିଛି। ଥକି ପଡ଼ିଥିବା ଶିଶୁୁକୁ ସୁଟକେସ୍‌ ଉପରୁ ମା’ ଚାହିଁଲେ ବି ଉଠାଇ ପାରୁ ନାହିଁ। କାରଣ ସେ ବି ତାର ଶିଶୁର ଯନ୍ତ୍ରଣାକୁ ଅନୁଭବ କରି ପାରୁଛି। କିଛି ଉପାୟ ନପାଇ ଶିଶୁଟି ସେମିତି ସୁଟକେସ୍‌ ଉପରେ ଶୋଇଥିବା ଅବସ୍ଥାରେ ହିଁ ମା’ ତାକୁ ଟାଣିଟାଣି ଘର ଅଭିମୁଖେ ଯାତ୍ରା କରୁଛି।
ଏହାସହ ମହାରାଷ୍ଟ୍ରର ଔରଙ୍ଗାବାଦ ଠାରେ ହୋଇଥିବା ରେଳ ଦୁର୍ଘଟଣା ବେଶ ଚିନ୍ତାର ବିଷୟ। ମଧ୍ୟପ୍ରଦେଶରୁ ଆରମ୍ଭ ହୋଇଥିବା ପଦ ଯାତ୍ରା ରେଳଧାରଣାରେ ଶେଷ ହୋଉଗଲା। ଚାଲି ଚାଲି ଥକି ଯାଇଥିବା ପାଦ ରେଳ ଧାରଣା ଉପରେ ଅଟକି ଯାଇଥିଲା। ଆଉ କିଛି ସମୟ ବିଶ୍ରାମ ନେଇଥିଲା ।୧୫ ଜଣ ଲୋକ ଶୋଇଥିବାବେଳେ ଲୁହାର ଇଞ୍ଜିନଟା ତାଙ୍କ ଉପରେ ଚଢ଼ିଗଲା। ଆଉ ଅଧା ରହିଗଲା ତାଙ୍କ ଘର ବାହୁଡା।
ବୟସରେ ଅନ୍ତିମ ଚରଣରେ ପହଞ୍ଚିଥିବା ବୁଢ଼ୀ ମାଆ ବି ଏଥିରୁ ବାଦ ପଡିନି। ଭୋକର ଦାଉ ସହି ନ ପାରି ଘରକୁ ଫେରୁଛି । ଗୋଡ଼ରୁ ତାର ଫାଟି ସାରିଲାଣି। ଚାଲି ଚାଲି ରକ୍ତ ବାହାରିଲାଣି। ତଥାପି ଘରକୁ ଭୋକର ଦାଉ ସହି ନ ପାରି ନିଜର ଭିଟା ମାଟିକୁ ଯିବାକୁ ବାହାରିଛି ।ପାଖରେ ଖାଇବାକୁ ଖାଦ୍ୟ ନାଇ। ପିଇବାକୁ ପାଣି ନାଇ। ଏମିତି ଲକ୍ଷ ଲକ୍ଷ ଲୋକ ଚାଲି ଚାଲି ଘରକୁ ଫେରୁଛନ୍ତି । ଯାହାକି ବହୁତ ଦୁଃଖ ଦାୟକ ।
ସୌଜନ୍ୟ : ଲେଖା ଲେଖକଙ୍କ ବ୍ୟକ୍ତି ଲେଖା ନବ କିଶୋର ସାହୁ,

ଭୁବନେଶ୍ୱର :ରାଜ୍ୟରେ କରୋନା ଆକ୍ରାନ୍ତ ସଂଖ୍ୟା କମିବାର ନାଁ ଧରୁ ନାହିଁ। ଦିନକୁ ଦିନ ବଢ଼ିବାରେ ଲାଗିଛି। ଆଜି ରାଜ୍ୟରେ ଆଉ ୬୫କରୋନା ପଜେଟିଭ ଟିହ୍ନଟ ହୋଇଛନ୍ତି । ସେମାନେ ,ଯାଜପୁର-୩୧ ଗଂଜାମ-୧୩,କଟକ-୬,କେନ୍ଦ୍ରାପଡା-୪,ପୁରୀ-୪,ଖୋର୍ଦ୍ଧା-୩,ଖୋର୍ଦ୍ଧା-୩,ମୟୁରଭଞ୍ଜ-୨,ନୟାଗଡ଼-୨ ବୋଲି ସ୍ୱସ୍ଥ୍ୟ ଓ ପରିବାର କଲ୍ୟାଣ ବିିଭାଗ ପକ୍ଷରୁ ସୂଚନା ଦିଆଯାଇଛି । ଏବେ ରାଜ୍ୟରେ ମୋଟ ୭୩୭ ଆକ୍ରାନ୍ତଙ୍କ ସଂଖ୍ୟା ରେ ପଂହଚିଛି ।

ଭୁବନେଶ୍ୱର : କରୋନା ଭୂତାଣୁ ସଂକ୍ରମଣ (କୋଭିଡ୍‌-୧୯)ର ମୁକାବିଲା ଲାଗି ଦେଶ ତଥା ସାରା ରାଜ୍ୟରେ ଲକ୍‌ ଡାଉନ୍‌ ଜାରି ରହିଥିବାବେଳେ ଚଳିତ ଖରିଫ୍‌ରେ ଚାଷୀମାନଙ୍କୁ ସୁବିଧାରେ ଅଧିକ ଉତ୍ପାଦନକ୍ଷମ ଓ ଉନ୍ନତ ମାନର ବିହନ ଓଡ଼ିଶା ରାଜ୍ୟ ବିହନ ନିଗମ ପକ୍ଷରୁ ଯୋଗାଇଦେବା ନିମନ୍ତେ କୃଷି ଓ କୃଷକ ସଶକ୍ତିକରଣ, ମତ୍ସ୍ୟ ଓ ପ୍ରାଣୀସଂପଦ ବିକାଶ, ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ନିର୍ଦ୍ଦେଶ ଦେଇଛନ୍ତି । ରାଜ୍ୟରେ ଚାଷ କାର୍ଯ୍ୟକୁ ଦ୍ରୁତ ଗତିରେ ଆଗେଇ ନେବା ପାଇଁ ଜିଲ୍ଲାର ବିଭିନ୍ନ ବିହନ ବିକ୍ରୟ କେନ୍ଦ୍ରଗୁଡ଼ିକରେ ଆବଶ୍ୟକ ବିହନ ଯୋଗାଣ ଦିଗରେ ଅଧିକ ତତ୍ପରତା ପ୍ରକାଶ କରିବା ଦିଗରେ ମନ୍ତ୍ରୀ ଡ.ସାହୁ ଗୁରୁତ୍ୱାରୋପ କରିଛନ୍ତି ।

ଆଜି ପୂର୍ବାହ୍ନରେ ଡ. ସାହୁ ଓଡ଼ିଶା ରାଜ୍ୟ ବିହନ ନିଗମ ପରିଚାଳିତ ସାମନ୍ତପୁରସ୍ଥିତ ବିହନ ପ୍ରକ୍ରିୟାକରଣ କେନ୍ଦ୍ର ବୁଲି ଦେଖିବା ସହିତ ରାଜ୍ୟ ବିହନ ପରୀକ୍ଷାଗାର, ଜିନ୍‌ ବ୍ୟାଙ୍କ୍‌ ଏବଂ ଚନ୍ଦକାସ୍ଥିତ ବିହନ ପ୍ରକ୍ରିୟାକରଣ କେନ୍ଦ୍ରଗୁଡ଼ିକ ପରିଦର୍ଶନ କରିଥିଲେ । ସାମନ୍ତପୁରର ବିହନ ପ୍ରକ୍ରିୟାକରଣ କେନ୍ଦ୍ରରେ ମନ୍ତ୍ରୀ ଡ. ସାହୁ ବିହନର ପ୍ରକ୍ରିୟାକରଣ, ନମୁନା ସଂଗ୍ରହ ଏବଂ ପ୍ୟାକିଂ ଆଦି ହେଉଥିବା କାର୍ଯ୍ୟକୁ ଅନୁଧ୍ୟାନ କରିଥିଲେ । ବିହନ ପରୀକ୍ଷାଗାରରେ ବିହନର ଗୁଣାତ୍ମକ ମାନ କିପରି ପରୀକ୍ଷା କରାଯାଇଛି ସେ ସଂପର୍କରେ ପଚାରି ବୁଝିଥିଲେ ଏବଂ ସର୍ବଦା ବିହନର ଗୁଣାତ୍ମକ ମାନ ବଜାୟ ରଖିବା ଦିଗରେ ନିର୍ଦ୍ଦେଶ ଦେଇଥିଲେ । ଏଥି ସହିତ ସେଠାରେ ଥିବା ବିହନର ଏକ ଜିନ୍‌ବ୍ୟାଙ୍କ ମଧ୍ୟ ବୁଲି ଦେଖିଥିଲେ । ଏହି ଜିନ୍‌ ବ୍ୟାଙ୍କରେ ପ୍ରାୟ ୧୨୦୦ରୁ ୧୩୦୦ ପ୍ରକାରର ବିହନ ସାଇତି ରଖାଯାଇଥିବା ମନ୍ତ୍ରୀ ଡ. ସାହୁ ଦେଖିଥିଲେ ।

ଏହାପରେ ମନ୍ତ୍ରୀ ଡ. ସାହୁ ଓଡ଼ିଶା ରାଜ୍ୟ ବିହନ ନିଗମର ଚନ୍ଦକାସ୍ଥିତ ବିହନ ପ୍ରକ୍ରିୟାକରଣ ପ୍ଲାଣ୍ଟ ମଧ୍ୟ ପରିଦର୍ଶନ କରିଥିଲେ । ସେଠାରେ ବିହନର ପ୍ରକ୍ରିୟାକରଣ, ନମୁନା ସଂଗ୍ରହ ଏବଂ ଗୋଦାମରେ ବିହନ କିପରି ସୁରକ୍ଷିତ ଭାବେ ରଖାଯାଉଛି ସେ ସବୁକୁ ବୁଲି ଦେଖିଥିଲେ । ଓଡ଼ିଶା ରାଜ୍ୟ ବିହନ ନିଗମର ପରିଚାଳନା ନିର୍ଦ୍ଦେଶକ ଶ୍ରୀ ଜ୍ୟୋତି ପ୍ରକାଶ ମିଶ୍ର ଏବଂ ଉପସ୍ଥିତ ଅନ୍ୟାନ୍ୟ ଅଧିକାରୀ ଓ କର୍ମଚାରୀମାନଙ୍କ ସହିତ ଆଲୋଚନା କରିବା ଅବସରରେ ରାଜ୍ୟରେ କୋଭିଡ୍‌-୧୯ ପରିସ୍ଥିତିରେ ଚାଷୀମାନଙ୍କୁ ବିହନ ଯୋଗାଣ ଦିଗରେ ନିଆଯାଇଥିବା ବିଭିନ୍ନ ପଦକ୍ଷେପ ସଂପର୍କରେ ପଚାରି ବୁଝିଥିଲେ । ଚାଷୀମାନେ ଯେପରି ଠିକଣା ସମୟରେ ଉନ୍ନତ ମାନର ବିହନ ସହଜରେ ପାଇପାରିବେ ସେଥି ନିମନ୍ତେ ସମସ୍ତ ପ୍ରକାରର ପ୍ରସ୍ତୁତି କରିବା ନିମନ୍ତେ ମନ୍ତ୍ରୀ ଡ. ସାହୁ ନିର୍ଦ୍ଦେଶ ଦେଇଥିଲେ ।