ଭୁବନେଶ୍ୱର : ଧଳା କୂର୍ତ୍ତା, ପାଇଜାମା ଓ ହାୱାଇ ଚପଲ । ୧୯୯୭ ମସିହାରେ ବିଜୁ ପଟ୍ଟନାୟକ ଆବର୍ତ୍ତମାନରେ ଓଡ଼ିଶା ଲୋକଙ୍କ ସାମ୍ନାକୁ ଆସିଥିଲେ ତାଙ୍କ ସାନପୁଅ ନବୀନ ପଟ୍ଟନାୟକ । ସେତେବେଳେ ଓଡ଼ିଶାର ଲୋକ ତାଙ୍କୁ ଚିହ୍ନିବା ତ ଦୂରର କଥା ତାଙ୍କୁ ଦେଖିନଥିଲେ ମଧ୍ୟ । ଅତ୍ୟନ୍ତ ଶାନ୍ତ ଓ ସରଳ ଥିବା ନବୀନ ଯେ ଦିନେ ଓଡ଼ିଶାରେ ଅପରାଜେୟ ଓ ଅପ୍ରତିଦ୍ୱନ୍ଦ୍ୱୀ ନେତା ହେବେ ତାହା କେବେ କିଏ ବି ଭାବିନଥିଲେ । ୨୨ବର୍ଷ ଧରି ଓଡ଼ିଶାର ବିକାଶ ପୁୁରୁଷ ଭାବେ ସେ ପରିଚିତ ହୋଇଛନ୍ତି । ନିଜର ସରଳ ଜୀବନଯାପନ ଓ ସ୍ୱଚ୍ଛ ଭାବମୃର୍ତ୍ତି ପାଇଁ ସେ ସଭିଁଙ୍କ ପ୍ରିୟପାତ୍ର ହୋଇଛନ୍ତି । ଜଣେ ଲେଖକରୁ ସେ ପାଲଟିଯାଇଛନ୍ତି ପ୍ରବୀଣ ରାଜନେତା । ଦୁର୍ନୀତି ଓ ଭଷ୍ଟାଚାର ପ୍ରତି ତାଙ୍କର ଘୃଣାଭାବ ଓ ସାଧାରଣ ଲୋକଙ୍କ ପାଇଁ ଦରଜି ମଣିଷ ସାଜିଥିବା ନବୀନ ଆଜକୁ ୨୨ବର୍ଷ ଧରି ଓଡ଼ିଶା ଅପରାଜେୟ ନେତା ଭାବେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି । ତାଙ୍କର ସରଳ ଜୀବନ ଯାପନ ଓ କମ କଥା କହୁଥିବାରୁ ସେ ଆଜି କୋଟିକୋଟି ଓଡ଼ିଆଙ୍କ ପ୍ରଥମ ପସନ୍ଦ ହୋଇଛନ୍ତି । କେବଳ ଓଡ଼ିଶାର ନୁହେଁ, ସାରା ଦେଶର ୧ ନମ୍ବର ମୁଖ୍ୟମନ୍ତ୍ରୀ, ଶ୍ରେଷ୍ଠ ପ୍ରଶାସକ ଭାବେ ମଧ୍ୟ ନବୀନ ସମ୍ମାନୀତ ହୋଇଛନ୍ତି । ଯାହା ସବୁ ଓଡ଼ିଆଙ୍କ ପାଇଁ ଗର୍ବର ଓ ଗୌରବର କଥା । ୨୦୦୦ ମସିହାରୁ ସାଧାରଣ ନିର୍ବାଚନ ପାଦ ଥାପିଥିବା ନବୀନ ଆଜି ଯାଏ ସବୁ ନିର୍ବାଚନରେ କେବଳ ବିଜୟ ଆଉ ବିଜୟର ସ୍ୱାଦ ଚାଖିଛନ୍ତି । ପରାଜୟ ଶଦ୍ଧ କଣ ତାହା ନବୀନ ଜାଣିନାହାନ୍ତି । ପ୍ରତିଥର ସାଧାରଣ ନିର୍ବାଚନରେ ନବୀନ ଅଧିକ ଭୋଟ ପାଇଁ କ୍ଷମତାଶାଳୀ ହୁଅନ୍ତି । ନିଜର ଚତୁର ରାଜନୈତିକ ଗୋଟି ଚଳାନରେ ସେ ବିରୋଧୀଙ୍କୁ ମାତ ଦିଅନ୍ତି ନିର୍ବାଚନରେ । ଓଡ଼ିଶାକୁ ୧୯ବର୍ଷ ଧରି ସ୍ଥିର ସରକାର ଦେବାରେ ନବୀନ ସଫଳ ହୋଇଛନ୍ତି । ତାଙ୍କ ସାଧୁତ ଓ ସରଳତାକୁ ୪କୋଟି ଓଡ଼ିଆ ବେଶ ପସନ୍ଦ କରନ୍ତି । ଯେଉଁଥି ପାଇଁ ପୌର ନିର୍ବାଚନ ହେଉ ଅବା ପଂଚାୟତ କି ସାଧାରଣ ନିର୍ବାଚନ ସବୁଥିରେ ଓଡ଼ିଶାବାସୀ ତାଙ୍କୁ ପୁର୍ଣ୍ଣସଂଖ୍ୟା ଗରିଷ୍ଠତା ଦିଅନ୍ତି । ସେ ତାଙ୍କର ରାଜନୈତିକ ଗୁରୁଭାବେ ଅଟଳବିହାରୀ ବାଜପେୟୀଙ୍କୁ ଗ୍ରହଣ କରିଥିଲେ । ଓଡ଼ିଶାର ପ୍ରଥମ ନେତା ଭାବେ ସେ ୫ଥର ମୁଖ୍ୟମନ୍ତ୍ରୀ ହେବାର ସୌଭାଗ୍ୟ ଅର୍ଜନ କରିଛନ୍ତି । ଯେତେ ନିନ୍ଦା , ଅପବାଦ ଓ ଦୁର୍ନୀତି ଅଭିଯୋଗ ତାଙ୍କ ବିରୋଧରେ ଆସିଲେ ମଧ୍ୟ ତାହା ତାଙ୍କୁ ଭେଦ କରିପାରିନାହିଁ । ଓଡ଼ିଶା ବାହାରେ ପଡ଼ିଥିବା ନବୀନ ୧୯୪୬ ମସିହା ଅକ୍ଟୋବର ୧୬ ତାରିଖ ଦିନ କଟକ ସହରରେ ଜନ୍ମଲାଭ କରିଥିଲେ । ପ୍ରଥମେ କଟକ ସହରରେ ପାଠପଢା ଆରମ୍ଭ କରି ଡ଼ୁନ ସ୍କୁଲ ଓ ଦିଲ୍ଲୀ ବିଶ୍ୱବିଦ୍ୟାଳୟରେ ପଢିଥିଲେ । ଲେଖା ଲେଖିରେ ରୁଚି ରଖିଥିବା ନବୀନ ୩ଟି ପ୍ରସ୍ତୁକ ଲେଖିଥିଲେ । ତାହା ହେଉଛି ଏ ସେକେଣ୍ଡ ପାରାଡ଼ାଇଜ, ଏ ଡ଼ିଜର୍ଟ କିଙ୍ଗଡ଼ମ ଓ ଦି ଗାର୍ଡେନ୍ ଅଫ୍ ଲାଇଫ । ଯାହା ପାଠକମାନେ ବେଶ ପସନ୍ଦ କରିଥିଲେ ଓ ଜାତୀୟ ଆନ୍ତର୍ଜାତୀୟ ସ୍ତରରେ ଏହି ପ୍ରସ୍ତୁତ ବେଶ ପରିଚିତ ହୋଇଛି । ପ୍ରଥମେ ଆସ୍କା ସଂସଦୀୟ କ୍ଷେତ୍ରରୁ ନିଜର ରାଜନୈତିକ ଜୀବନ ଆରମ୍ଭ କରିଥିବା ନବୀନ ପଟ୍ଟନାୟକ ୨ଥର ସାଂସଦ ଓ ୫ଥର ମୁଖ୍ୟମନ୍ତ୍ରୀ ହୋଇଛନ୍ତି । ଆଜି ଯାଏ ସେ ନିର୍ବାଚନ ହାରିନାହାନ୍ତି । ୧୯୯୭ ମସିହାରୁ ଆଜିଯାଏ ସେ ବିଜୁ ଜନତା ଦଳ(ବିଜେଡ଼ି)ର ସଭାପତି ଭାବେ ରହିଆସିଛନ୍ତି । ବିଜେଡ଼ିକୁ ଓଡ଼ିଶାରେ ଏକ ଶକ୍ତିଶାଳୀ ରାଜନୈତକଦଳ ଭାବେ ସେ ଗଢିବାରେ ସଫଳ ହୋଇଛନ୍ତି । ଭାରତବର୍ଷରେ ବହୁ ଆଚଳିକ ଦଳ ଲୋପ ପାଇଯାଉଥିବା ବେଳେ ନବୀନ କିନ୍ତୁ ଓଡ଼ିଶାରେ ତାଙ୍କ ଦଳକୁ ମଜବୁତ କରିଛନ୍ତି । ତାହା ସମ୍ଭବ ହୋଇଛି ନିଜର ସରଳ ଜୀବନ ଯାପନ ଓ ଭାବମୃର୍ତ୍ତି ସହ ଚତୁର ରାଜନୈତିକ ଗୋଟିଚଳାନ ପାଇଁ । ନବୀନଙ୍କ ଲୋକପ୍ରିୟତା ଆଗରେ ଓଡ଼ିଶା ରାଜନୀତିର ବଡ଼ବଡ଼ ଚାଣକ୍ୟ କୁହାଯାଉଥିବା ରାଜନେତାମାନେ ବି ହାରମାନିଛନ୍ତି । ନିରବତା ହିଁ ତାଙ୍କ ସଫଳାତାର ମନ୍ତ୍ରୀ ବୋଲି ବହୁ ବିଶିଷ୍ଟ ବ୍ୟକ୍ତିମାନେ କହିଛନ୍ତି । ସାଧାରଣ ଲୋକଙ୍କ ପାଇଁ ସବୁବେଳେ ଚିନ୍ତା କରୁଥିବା ନବୀନ ଆଜି ୭୪ ବର୍ଷରେ ପାଦ ଥାପିଛନ୍ତି । ସାଧାରଣ ଲୋକଙ୍କ ପାଇଁ ବିଭିନ୍ନ ଲୋକପ୍ରିୟ ସରକାରୀ ଯୋଜନା କରି ସେ ସାରା ଦେଶରେ ନିଜର ସ୍ୱତନ୍ତ୍ର ପରିଚୟ ସୃ୍ଷ୍ଟି କରିଛନ୍ତି । କାରଣ ଦୁର୍ନୀତି ଓ ଭଷ୍ଟାଚାର ତାଙ୍କ ପାଖ କେବେ ମାଡ଼ିବାକୁ ସେ ଦିଅନ୍ତି ନାହିଁ । ଯିଏ ଦୁର୍ନୀତି କରନ୍ତି ସେ ତାଙ୍କର ଯେତେ ଘନିଷ୍ଠ ହେଉଥାଆନ୍ତୁ ନା କାହିକିଁ ସେ ତାଙ୍କ ବିରୋଧରେ ସଙ୍ଗେସଙ୍ଗେ କାର୍ଯ୍ୟାନୁଷ୍ଠାନ ନିଅନ୍ତି । ଯେଉଁଥି ପାଇଁ ସେ ୫ମ ଥର ମୁଖ୍ୟମନ୍ତ୍ରୀ ହୋଇଛନ୍ତି ଓଡ଼ିଶାର । ୫ମ ପାଳିରେ ନବୀନ ଆକ୍ସନ ମୁଡ଼ରେ ରହିଛନ୍ତି । ସରକାର ଓ ଲୋକଙ୍କ ମଧ୍ୟରେ ସର୍ମ୍ପକକୁ ନିବିଡ଼ କରିବା ପାଇଁ ସେ ଶାସନ ବ୍ୟବସ୍ଥାରେ ୫-ଟି ବ୍ୟବସ୍ଥା ପ୍ରଚଳନ କରିଛନ୍ତି । କେବଳ ସେତିକି ନୁହେଁ, ଏହାର କାର୍ଯ୍ୟକାରିତା ପାଇଁ ତାଙ୍କର ବିଶ୍ୱସ୍ତ ସଚିବ ଭି.କାତ୍ତିକେୟନ ପାଣ୍ଡିୟାନଙ୍କୁ ସେ ଗୁରୁଦାୟିତ୍ୱ ଦେଇଛନ୍ତି । ଯାହାକି ଏବେ ଚର୍ଚ୍ଚାର ବିଷୟ ହୋଇଛି । ଏହାଛଡ଼ା ସେ ଅନେକ ଗୁଡ଼ିଏ ପଦକ୍ଷପ ନେଇଛନ୍ତି ତାହା ତାଙ୍କୁ ବିଶ୍ୱରେ ପରିଚିତ କରିଛି । ୯୦ ଦିନରେ ବିଶ୍ୱକପ ହକି ଆୟୋଜନ କରିବା ସହିତ ଏହାକୁ ଭାରତଲୋକଙ୍କ ଜନମାନସରେ କିକ୍ରେଟ ସହ ସମତୁଲ କରିପାରିଛନ୍ତି । ସମ୍ବିଧାନର ମୁଖବନ୍ଧରେ ଅହିଂସା ଶଦ୍ଧ ରହିବା ଦରକାର , ହକିକୁ ଜାତୀୟ ଖେଳର ମାନ୍ୟତା ଦେବା ପରି କେତେକ ପଦକ୍ଷପ ତାଙ୍କୁ ବିଶ୍ୱ ଦରବାରେ ପରିଚିତ କରାଇଛି । ଗାନ୍ଧୀଜୀଙ୍କ ଆଦର୍ଶ ଓ ଅହିଂସା ସର୍ମ୍ପକରେ ନବୀନଙ୍କ ପ୍ରଚେଷ୍ଟା ଏବେ ଚାରିଆଡ଼େ ଆଦୃତ ହୋଇଛି ।
ଓଡ଼ିଶାକୁ ଏକ ନମ୍ବର କରିବା ପାଇଁ ସେ ସବୁବେଳେ ପ୍ରଚେଷ୍ଟା ଜାରି ରଖିଛନ୍ତି । ତେଣୁ କୋଟିକୋଟି ଓଡ଼ିଆଙ୍କ ମନର ମଣିଷ ମୁଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କ ୭୩ ତମ ଜନ୍ମଦିନ ଅବସରରେ ଯାଜପୁର ବିଧାୟକ ତଥା ନବୀନଙ୍କ ଅତି ବିଶ୍ୱସ୍ତ ପ୍ରଣବ ପ୍ରକାଶ ଦାସ(ବବି) ମା ବିରଜାଙ୍କ ପାଖରେ ଶୁଭମନାସିଛନ୍ତି । ସକାଳୁ ମା ବିରାଜଙ୍କ ପାଖରେ ନିଜର ହଜାର ହଜାର ସମର୍ଥକଙ୍କ ସହ ପ୍ରଣବ ନବୀନଙ୍କ ଦୀଘାୟୁ କାମନା କରିବା ସହ ନବୀଙ୍କ ଶୁଭମାନସି ସମୂଳ ଦୀପଦାନ କରିଛନ୍ତି । 
