ଭୁବନେଶ୍ୱର : ବୈଜୟନ୍ତ ପଣ୍ଡା ବିରୋଧରେ ବଡ ଅଭିଯୋଗ ଆଣିଛନ୍ତି କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି l ହାରିବା ପରଠୁ ବୈଜୟନ୍ତ ପଣ୍ଡା ତାଙ୍କୁ ହଇରାଣ କରୁଥିବା ସେ ଅଭିଯୋଗ କରିଛନ୍ତି l କେନ୍ଦ୍ରାପଡା ଓଟିଭି ସାମ୍ବାଦିକ ମନୋଜ ସ୍ବାଇଁଙ୍କୁ ଅସୌଜନ୍ୟ ବ୍ୟବହାର ପ୍ରଦର୍ଶନ ଘଟଣାରେ ଦୁଃଖ ପ୍ରକାଶ କରି ଫେସବୁକରେ ଏକ ଭିଡିଓ ଜାରି କରିଛନ୍ତି କେନ୍ଦ୍ରାପଡା ସଂସଦ ଅନୁଭବ ମହାନ୍ତି l ଯେଉଁଥିରେ ସେ ବୈଜୟନ୍ତଙ୍କୁ ଟାର୍ଗେଟ କରିଛନ୍ତି l ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି l ଅନୁଭବ ଅଭିଯୋଗ କରିଛନ୍ତି ଯେ ପ୍ରାୟ ଦେଢ଼ ଲକ୍ଷରୁ ଉର୍ଧ୍ଵ ଭୋଟରେ ତାଙ୍କ ଠାରୁ ଶୋଚନୀୟ ଭାବେ ପରାଜିତ ହୋଇଥିବା ବୈଜୟନ୍ତ ପଣ୍ଡା ଏବେ ତାଙ୍କୁ ସବୁଥିରେ ହଇରାଣ କରୁଛନ୍ତି l ତାଙ୍କ ପରିବାରର ମାଲିକାନାରେ ଥିବା ଓଟିଭି ଚାନେଲ ମୋ ଚରିତ୍ର ସଂହାର ସହିତ ମତେ ବିରକ୍ତ ଓ ଅପମାନିତ କରିବାରେ ଲାଗିଛି ବୋଲି ଭିଡିଓରେ ଅନୁଭବ ଅଭିଯୋଗ କରିଛନ୍ତି l କେବଳ ସେତିକି ନୁହେଁ, ବୈଜୟନ୍ତ ବାବୁ….ଏମିତି ନକରିବା ପାଇଁ ମୁ ଆପଣଙ୍କୁ ବିନମ୍ରତାର ସହ ଅନୁରୋଧ କରୁଛି ବୋଲି ଭିଡିଓରେ ସେ କହିଛନ୍ତି | ଶେଷରେ କେନ୍ଦ୍ରାପଡା ବାସୀଙ୍କ ସେବା କରିବା ସମୟରେ ଦୟାକରି ମତେ ଅଯଥା ହଇରାଣ କରନ୍ତୁ ନାହିଁ ବୈଜୟନ୍ତଙ୍କୁ ଅନୁରୋଧ କରିଛନ୍ତି ଅନୁଭବ l ତେବେ ଅନୁଭବ ଅଭିଯୋଗ ନେଇ କଣ ମତ ରଖୁଛନ୍ତି ବିଜେପି ନେତା ବୈଜୟନ୍ତ ପଣ୍ଡା ତାହା ଉପରେ ସଭିଙ୍କ ନଜର l

ଯାଜପୁର : ଗାଁରେ ରହିଛି ଦେଶର ଆତ୍ମା । ତେଣୁ ଗାଁକୁ ଭଲ ପାଇଲେ ଆତ୍ମା ଶାନ୍ତି ହୁଏ । ଜାତିର ପିତା ମହାତ୍ମା ଗାନ୍ଧୀଙ୍କ ଏହି ପରାମର୍ଶକୁ ଅକ୍ଷରଅକ୍ଷରେ ପାଳନ କରିଛନ୍ତି ଯାଜପୁରର ଯୁବ ବିଧାୟକ ପ୍ରଣବ ପ୍ରକାଶ ଦାସ । କାରଣ ରାଜ୍ୟ ସରକାର ମହାତ୍ମା ଗାନ୍ଧୀଙ୍କ ୧୫୦ ତମ ଜୟନ୍ତୀ ପାଳନ କରିବାକୁ ଯେଉଁ ଆୟୋଜନ କରିଛନ୍ତି ତାହା କିପରି ଯାଜପୁରରୁ ଏକ ବଡ଼ ବାର୍ତ୍ତା ଯିବ ସେ ପ୍ରଚେଷ୍ଟା ଜାରି ରଖିଛନ୍ତି ବିଧାୟକ । ସ୍ୱଚ୍ଛତାକୁ ଗାନ୍ଧୀ ସବୁବେଳେ ଗୁରୁତ୍ୱ ଦେଉଥିଲେ । ୧୫୦ ତମ ଜୟନ୍ତୀ ସ୍ଵଚ୍ଛତା ବାତ୍ତାର୍କୁ ଘରେଘରେ ପହଞ୍ଚାଇବା ପାଇଁ ଯାଜପୁର ବିଧାୟକ ଅଣ୍ଟା ଭିଡ଼ିଛନ୍ତି । ସ୍ୱଚ୍ଛତା ହିଁ ସେବାର ଆହ୍ୱାନ ଦେଇ ନିଜ ନିବାର୍ଚନୀ ମଣ୍ଡଳୀର ଯୁବ,ମହିଳା ଓ ବରିଷ୍ଠଙ୍କୁ ଏକାଠି କରି ବିଧାୟକ ବିଭିନ୍ନ ଗାଁରେ ପରିମଳ ବ୍ୟବସ୍ଥାରେ ସୁଧାର ଆଣିବା ସହ ସେବାମନବୃତି ସଭିଁଙ୍କ ମନରେ ସୃଷ୍ଟି କରିଛନ୍ତି । ଯାହା ଏବେ କେବଳ ଯାଜପୁର ନୁହେଁ, ସାରା ଓଡ଼ିଶାରେ ଚର୍ଚ୍ଚା । ପ୍ରତ୍ୟେକ ଦିନ ବିଧାୟକ ପ୍ରଣବ ପ୍ରକାଶ ଦାସ(ବବି) ନିଜ ନିବାର୍ଚନୀମଣ୍ଡଳୀର ବିଭିନ୍ନ ପଂଚାୟତକୁ ଯାଇ ସ୍ୱଚ୍ଛତା ଅଭିଯାନ କରିବା ସହ ଗାଁର ସମସ୍ୟା ଗୁଡ଼ିକ ପ୍ରଚାରି ବୁଝୁଛନ୍ତି । ଗାଁ ଲୋକଙ୍କ ସହ ନିଜେ ସଫେଇ ଅଭିଯାନରେ ମଧ୍ୟ ସାମିଲ ହୋଇ ଯୁବପିଡ଼ି ମାନଙ୍କୁ ବହୁ ସଂଖ୍ୟାରେ ନିଜ ଗାଁର ସେବା କରିବା ପାଇଁ ଆହ୍ୱାନ ଦେଉଛନ୍ତି । ବିଧାୟକଙ୍କ ଆହ୍ୱାନରେ ଏହି କାର୍ଯ୍ୟକ୍ରମରେ ସ୍ୱତ୍ତପ୍ରବୃତ ଭାବେ ଗ୍ରାମବାସୀମାନେ ସାମିଲ ହେଉଛନ୍ତି । ଏଥିରେ ବାଛବିଚାର ରହୁନାହିଁ କିଏ କେଉଁ ଦଳର । କାରଣ ନିଜ ଗାଁର ବିକାଶ ପାଇଁ ଜଣେ ଜଣେ ବବି ଦାସ ହୁଅନ୍ତୁ ବୋଲି ଆଜକୁ ୨୦୦୯ ମସିହାରୁ ଆହ୍ୱାନ ଦେଇଆସୁଛନ୍ତି । ଯାହା ଏବେ ବାସ୍ତବରୂପ ନେଉଛି । ବିଶେଷ କରି ଜଣେ ଆମ ଆଦମୀ ପରି ବିଧାୟକ ପ୍ରଣବ ପ୍ରକାଶ ଦାସ ରାଜଧାନୀ ଓ ନିଜ ଘରେ ଛାଡ଼ି ନିଜ ନିବାର୍ଚନୀ ମଣ୍ଡଳୀର ବିିଭିନ୍ନ ପଂଚାୟତରେ ରାତ୍ରୀଯାପନ କରୁଛନ୍ତି । ଲକ୍ଷ୍ୟ ନିଜ ନିବାର୍ଚନୀ ମଣ୍ଡଳୀର ସବୁ ପଂଚାୟତକୁ ଆଦର୍ଶ ପଂଚାୟତ ଭାବେ ଗଢି ତୋଳିବା । ନିକଟରେ ବିଧାୟକ ବେରୁଦା,ନେଉଳିପୁର, ଚଇନପୁର,ଭୁୂଇଁପୁର, ଜାଫରଫୁର, ଭଳି ବହୁ ଗାଁରେ ସ୍ୱଚ୍ଛତା ସେବା କାର୍ଯ୍ୟକ୍ରମ କରିଛନ୍ତି । ଏହାସହ ବିଭିନ୍ନ ସ୍ଥାନରେ ଜନଶୁଣାଣି କରି ଲୋକଙ୍କ ସମସ୍ୟା ଦୂର କରିବା ପାଇଁ ପ୍ରୟାସ କରିଛନ୍ତି । ସବୁବେଳେ ନିଜର ପରିଶ୍ରମୀ ଗୁଣ ଓ ଦକ୍ଷତା ଯୋଗୁଁ ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ବିଜେଡ଼ି ଓ ରାଜ୍ୟ ରାଜନୀତିର ସବୁଠାରୁ ଚର୍ଚ୍ଚିତ ବ୍ୟକ୍ତି ହୋଇପାରିଛନ୍ତି । ମୁଖ୍ୟମନ୍ତ୍ରୀ ନବୀନଙ୍କ ମଧ୍ୟ ସେ ପ୍ରିୟପାତ୍ର । ତାହା କେବଳ ସମ୍ଭବ ହୋଇଛି ତାଙ୍କର ପରିଶ୍ରମ ଓ ଆନୁଗତ୍ୟ ପାଇଁ । ନିଜର ଦକ୍ଷତା ବଳରେ ସେ ଯାଜପୁର ନିବାର୍ଚନୀ ମଣ୍ଡଳୀକୁ ନୂତନ ଭାବେ ଗଢି ତୋଳିଛନ୍ତି । ଯାହା ଏବେ ପୁରା ଓଡ଼ିଶାର ବିକାଶର ରୋଲ ମଡ଼େଲ ସାଜିଛି । ସେଥିପାଇଁ ତାଙ୍କୁ ନୂତନ ଯାଜପୁରର ବିନ୍ଧାଣୀ ବୋଲି ଆଖ୍ୟା ଦିଆଯାଇଛି । ପ୍ରଣବ ଏପରି କାର୍ଯ୍ୟକ୍ରମ ଯୋଗୁଁ ଜିଲ୍ଲାରେ ବିଜେଡ଼ି ସଂଗଠନ ମଜବୁତ ହେବା ସହ ରାଜ୍ୟ ସରକାର ଯେଉଁ 5-ଟି କାର୍ଯ୍ୟକ୍ରମ ଓ ମୋ ସରକାର କାର୍ଯ୍ୟକ୍ରମ ଜାରି ରଖିଛନ୍ତି ତାହା ଯାଜପୁର ଜିଲ୍ଳାରେ ସଫଳ କରିବା ପାଇଁ ମଙ୍ଗ ଧରିଛନ୍ତି ନବୀନଙ୍କ ୧ ନମ୍ବର ବିଧାୟକ ପ୍ରଣବ ପ୍ରକାଶ ଦାସ । ବିଧାୟକଙ୍କ ଏପରି କାର୍ଯ୍ୟ ଆଜି ତାଙ୍କୁ ଘରେ ଘରେ ଲୋକପ୍ରିୟ କରିଛି । ଆଗାମୀ ଦିନରେ ଏହି କାର୍ଯ୍ୟକ୍ରମକୁ ବ୍ୟାପକ କରିବାକୁ ବ୍ଲୁପ୍ରିଣ୍ଟ ପ୍ରସ୍ତୁତ କରାଯାଇଛି । କାରଣ ସେବା ହିଁ ମାନବିକତାକୁ ପାଥୟ କରି ବିଧାୟକଙ୍କ ନିର୍ଦ୍ଧେଶରେ ଯାଜପୁରର ବରପୁତ୍ର ସ୍ୱର୍ଗତ ଅଶୋକ ଦାସଙ୍କ ନାଁରେ ଅଶୋକ ଦାସ ଫାଉଣ୍ଡେସନ ବିଭିନ୍ନ ସାମାଜିକ କାର୍ଯ୍ୟକ୍ରମ ହାତକୁ ନେଇଛି । ବୃକ୍ଷରୋପଣ,ରକ୍ତଦାନ , ସବୁ ଗାଁକୁ ସ୍ୱଚ୍ଛତା ବନ୍ଧନରେ ବାନ୍ଧିବା ଆଦି କାର୍ଯ୍ୟକ୍ରମ ପ୍ରତ୍ୟେକ ଦିନ କରାଯାଉଛି ।

ଭୁବନେଶ୍ୱର : କଂଗ୍ରେସ କନ୍ଦଳ ବଢିବାରେ ଲାଗିଛି l ଆଜି ଏନେଇ କିଏ କଣ କହିଲେ ନଜର ପକାନ୍ତୁ l
1- ଅସନ୍ତୋଷ କଂଗ୍ରେସ ନେତା…
କାହ୍ନୁଚରଣ କହିଲେ ମୁଁ ଯାହା କହିବା କଥା ଦିଲ୍ଳୀରେ କହିବି l
ଆମର ବିଶ୍ବାସ କଂଗ୍ରେସର ଖରାପ ସମୟରେ ସେ ସ୍ପଷ୍ଟ ମତ ରଖିବେ l
ତାରା ଓ ସୁରଙ୍କୁ ଟାର୍ଗେଟ କଲେ ନିରଞ୍ଜନ ବିରୋଧୀ l କହିଲେ ତାରା ଓ ସୁରଙ୍କ ଏଭଳି ହାଲକା ମନ୍ତବ୍ୟ ଯୋଗୁ ଆଜି କଂଗ୍ରେସର ଏ ସ୍ଥିତିl l
ତାରାଙ୍କୁ ପ୍ରଶ୍ନ l ପ୍ରସାଦ ହରିଚନ୍ଦନ ପିସିସି ସଭାପତି ଥିବାବେଳେ ସେ କାହା ପଇସାରେ ଦିଲ୍ଲୀ ଯାଇଥିଲେ l ତାରାଙ୍କ ଦଳ ବଦଳର ଅଭ୍ୟାସ ଅଛି…
2- କାହ୍ନୁଚରଣ ଲେଙ୍କାଙ୍କ ବରିଷ୍ଠ କଂଗ୍ରେସ ନେତା
ବର୍ତ୍ତମାନ ରାଜ୍ୟ କଂଗ୍ରେସର ସ୍ଥିତି ଅତି ଖରାପ l ଯାହାକୁ ଭାଷାରେ କହି ହେବ ନାହିଁ l ତେଣୁ କଂଗ୍ରେସ ଲୋକ ବ୍ୟତିବ୍ୟସ୍ତ ଓ ବ୍ୟଥିତ l କଂଗ୍ରେସର ଏପରି ଅବସ୍ଥା କେବେ ଅତୀତରେ ଆସି ନଥିଲା, ଯାହା ନିରଞ୍ଜନ ପଟ୍ଟନାୟକଙ୍କ ସଭାପତିତ୍ବରେ ଆସିଛି l କଂଗ୍ରେସ ପାଇଁ କାମ କରୁଥିବା ଯୁବକଙ୍କୁ ବେ କଂଗ୍ରେସର କହିବା ଠିକ୍ ନୂହେଁ l ନିରଞ୍ଜନ ବାବୁ କେବେ ଏ ସ୍ତରକୁ ଆସିବା ଉଚିତ୍ ନଥିଲା l ନିରଞ୍ଜନଙ୍କ କଥା ସ୍ପଷ୍ଟ ହେଉ ନାହିଁ l ସେ ପରୋକ୍ଷରେ କହୁଛନ୍ତି ନିଜେ ସଭାପତି ସ୍ଥିର କରିବେ l ନିଜ ଗୋଷ୍ଠୀରୁ ଜଣଙ୍କୁ କରିବାକୁ ଚେଷ୍ଟା କରୁଥିବେ l ମୁକିମ ଥିଲେ ନିରଞ୍ଜନଙ୍କ ନିଜ ଲୋକ l
3- ମହମ୍ମଦ ମୋକିମ, କଂଗ୍ରେସ ବିଧାୟକ
ପିସିସି ପରିବର୍ତନ ନେଇ ଏତେ ଦିନର ନୀରବତା ପରେ ମୁହଁ ଖୋଲିଲେ ମୋକିମ l ଯୁବ ନେତୃତ୍ୱ ହିଁ କଂଗ୍ରେସ ଦଳକୁ ରକ୍ଷା କରିପାରିବ l ଜଣେ ଯୁବ ନେତା ଦାୟିତ୍ୱ ନେଲେ ଓଡ଼ିଶାରେ କଂଗ୍ରେସ ଆଗକୁ ବଢି ପାରିବ lବରିଷ୍ଠ ନେତାଙ୍କୁ ସାଙ୍ଗରେ ମଧ୍ୟ ନେଇକି ଯିବାକୁ ପଡ଼ିବ l

ଭୁବନେଶ୍ୱର : ମୋ ବସର ଯାତ୍ରୀ ହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ l ଆଜି ମୋ ବସସେବାକୁ ପୁରିଲା ବର୍ଷେ ! ଭୁବନେଶ୍ୱର-କଟକ-ପୁରୀକୁ ଗଡୁଛି ମୋ ବସ l ବର୍ଷେ ପୂର୍ତ୍ତି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏୟାରପୋର୍ଟରୁ ମୋ ବସରେ ବସି ଜୟଦେବ ଭବନ ପର୍ଯ୍ୟନ୍ତ ଯାତ୍ରା କରିଛନ୍ତି !
ମୋ ବସ ଆରମ୍ଭର ପ୍ରଥମ ଯାତ୍ରୀ ହୋଇଥିବା ମୁଖ୍ୟମନ୍ତ୍ରୀ ଆଜି ମଧ୍ୟ ମୋ ବସରେ ଆସିଥିଲେ l ବସରୁ ସିଧା ଓଲ୍ହାଇ ଜୟଦେବ ଭବନ ଆସିଥିଲେ ମୁଖ୍ୟମନ୍ତ୍ରୀ l
ଜୟଦେବ ଭବନରେ ହେଉଥିବା ମୋ ବସର ପ୍ରଥମ ଆନିଭରସାରୀରେ ଯୋଗ ଦେଇଛନ୍ତି ! ମୋ ବସର ସଫଳତାକୁ ନେଇ ଭିଡ଼ିଓ ଡକୁମେଣ୍ଟାରୀ ପ୍ରଦର୍ଶ୍ରିତ ହୋଇଛି ! ଯାହାର କଥା ବସ୍ତୁ ହେଉଛି, ” The way we moved” ! ମୋ ବସ ମାସ୍କଟକୁ ମୁଖ୍ୟମନ୍ତ୍ରୀ ଉନ୍ମୋଚନ କରିଛନ୍ତି ! କାର୍ଯ୍ୟ କ୍ଷେତ୍ରରେ ସଫଳତା ପାଇଁ ମୋ ବସର କର୍ମଚାରୀଙ୍କୁ ଉଚ୍ଚପ୍ରଂଶସା କରିବା ସହିତ ସମ୍ମାନିତ କରିଛନ୍ତି ! କାର୍ଯ୍ୟକ୍ରମରେ ଗୃହ ଓ ନଗର ଉନ୍ନୟନ ବିଭାଗ ପ୍ରତାପ ଜେନା, ପ୍ରମୁଖ ଶାସନ ସଚିବ, କ୍ରୁଟ(CRUT) ଭିସି ଅରୁଣ ବୋଥ୍ରା, ଓଏସଡ଼ିଏ ଚେୟାରମ୍ୟାନ ପ୍ରମୁଖ ଉପସ୍ଥିତ ଥିଲେ l

20018 ନଭେମ୍ବର 6 ପ୍ରଥମଥର ଲାଗି ଭୁବନେଶ୍ୱରରେ ଗଡିଥିଲା ମୋ ବସ ! ପରବର୍ତ୍ତୀ ପର୍ଯ୍ୟାୟରେ କଟକ ଓ ପୁରୀରେ ଗଡିଥିଲା ମୋ ବସ ! ପ୍ରତିଦିନ 21 ରୂଟରେ 200ଟି ମୋ ବସ ଗଡୁଛି ! 50 ଟି ଏସି ଓ 150ଟି ନନ ଏସି ବସ ଚଳାଚଳ କରୁଛି !

ଭୁବନେଶ୍ୱର : ବିଜେଡିର ମିଶିଲେ ଭି. ରବି ନାରାୟଣ ରାଜୁ। କଂଗ୍ରେସ ଛାଡି ବିଜେଡ଼ିରେ ଯୋଗ ଦେଇଛନ୍ତି । ତାଙ୍କ ସହ ଦିଗପହଣ୍ଡିର 500 କଂଗ୍ରେସ କର୍ମୀ ବି ମିଶିଲେ। 2009ରେ ଦିଗପହଣ୍ଡିରୁ କଂଗ୍ରେସ ଟିକେଟରେ ବିଧାୟକ ପ୍ରାର୍ଥୀ ହୋଇ ପରାଜିତ ହୋଇଥିଲେ ରାଜୁ। ପୂର୍ବରୁ ଦୁଇ ଦୁଇ ଥର ଦିଗପହଣ୍ଡି nac ଅଧ୍ୟକ୍ଷ ବି ଥିଲେ। କଂଗ୍ରେସରେ କିଛି କାର୍ଯ୍ୟକ୍ରମ ନାହିଁ। ନବୀନଙ୍କ ଆଦର୍ଶ ଓ ଭଲ କାମ ପାଇଁ ବିଜେଡ଼ରେ ମିସିଥିବା କହିଲେ। ଯିଏ ହି ବିକାଶ ପାଇଁ କାମ କରିବ, ତାକୁ ସମର୍ଥନ ମିଳିବ l ନବୀନ ନିବାସରେ ନିଜର ସମର୍ଥକଙ୍କ ଶୋଭାଯାତ୍ରାରେ ଆସି ମିଶିଥିଲେ l

ଯାଜପୁର : ରାଜଧାନୀ ଛାଡ, ନିର୍ବାଚନ ମଣ୍ଡଳିରେ ଅଧିକ ସମୟ କାଟ l ଲୋକଙ୍କ ସୁଖ ଦୁଃଖରେ ସାମିଲ ହୁଅ l ରାତିରେ ଜିଲ୍ଲାରେ ରାତ୍ରିଯାପନ କର l ମନ୍ତ୍ରୀ, ସାଂସଦ, ବିଧାୟକ ଓ ସଚିବଙ୍କୁ ଏପରି ନିର୍ଦେଶ ଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ l ଯାହାକୁ ଅକ୍ଷର ଅକ୍ଷରେ ପାଳନ କରିଛନ୍ତି ନବୀନ ସବୁଠାରୁ ବିଶ୍ୱସ୍ତ ବିଧାୟକ ପ୍ରଣବ ପ୍ରକାଶ ଦାସ l ନିଜର ପୁରା ବ୍ୟସ୍ତ ସମୟ ଭିତରେ ପ୍ରଣବ ଯେତେ ବେଳେ ସମୟ ପାଆନ୍ତି ସେତେବେଳେ ତାଙ୍କ ଗାଡି ରାଜଧାନୀରୁ ଯାଜପୁର ମୁହାଁ ହୁଏ l ନିର୍ବାଚନ ମଣ୍ଡଳୀର ଲୋକଙ୍କ ସୁଖ ଦୁଃଖରେ ସାଥି ହେବା ପାଇଁ ବିଧାୟକଙ୍କ ଦିନ ରାତି ସବୁ ସମାନ l ଯେଉଁଥି ପାଇଁ ବେଳେ ଭୁବନେଶ୍ୱର ରୁ ଯାଜପୁର 3ରୁ ଅଧିକ ଥର ପ୍ରଣବ ଯିବା ଆସିବା କରିଛନ୍ତି l ନିଜ ନିର୍ବାଚନ ମଣ୍ଡଳୀର ବିକାଶ କାର୍ଯ୍ୟ ସହ ଲୋକଙ୍କ ସୁବିଧା ଅସୁବିଧା କଥା ବୁଝନ୍ତି l ଯେଉଁଠି ପାଇଁ ସେ ବିଧାୟକ ଭାବେ ନୁହେଁ ଭାଇ ଭାବେ ବେଶ ପରିଚିତ ନିଜ ଯାଜପୁର ବିଧାନସଭା କ୍ଷେତ୍ରରେ l
କାଳୀପୂଜା ସମୟରେ ଯେତେବେଳେ ପୁରା ଯାଜପୁର ଉତ୍ସବ ମୁଖର l ହଜାର ହଜାର ଲୋକଙ୍କ ସୁଅ ଛୁଟୁଛି ଯାଜପୁରକୁ ଠିକ ସେତିକି ବେଳେ ପ୍ରଣବ ବେରୁଦା ପଂଚାୟତର ନେଉଳିପୁର ଗାଁ ରେ ଅଧା ରାତି ଯାଏଁ ଜନଶୁଣାଣି କରିଛନ୍ତି l ଜଣେ ଯୁବ ବିଧାୟକଙ୍କ ଏପରି କାର୍ଯ୍ୟ ଏବେ ପୁରା ଯାଜପୁର ନୁହେଁ, ରାଜଧାନୀରେ ବି ଚର୍ଚ୍ଚାର ବିଷୟ l ଜନ ଶୁଣାଣି ବେଳେ ବିଧାୟକ ଲୋକଙ୍କ ସମସ୍ୟା କିପରି 48ଘଣ୍ଟାରେ ଦୂର ହେବ ସେ ନେଇ ସ୍ଥାନୀୟ ପ୍ରତିନିଧିଙ୍କୁ ନିର୍ଦେଶ ଦେଇଥିଲେ l ଶୁଣାଣି ବେଳେ ବିଧାୟକ ଲୋକଙ୍କୁ ପଚାରିଥିଲେ ନିର୍ବାଚନ ଯାହା ପ୍ରତିଶୃତି ଦିଆଯାଇ ଥିଲା ତାହା ପାଳନ ହୋଇଛି କି ନାହିଁ l ଯାହା ହୋଇନାହିଁ ତାହା କିପରି ହେବ ତାହା ଉପରେ ବିଧାୟକ ଗୁରୁତ୍ୱ ଦେଇଥିଲେ l
ମୁଖ୍ୟମନ୍ତ୍ରୀ ନିର୍ଦେଶ ଓ ବବିଙ୍କ ରାତିରେ ଜନ ଶୁଣାଣି ଅନ୍ୟ ନେତାଙ୍କ ପାଇଁ ଉଦାହରଣ ସାଜିଛି l