ଭୁବନେଶ୍ୱର : ପୁଣି ସ୍ମିତାରାଣୀ ପ୍ରସଙ୍ଗ ଉଠିଲା ବିଧାନସଭାରେ। ଶୂନ୍ୟକାଳରେ ଏ ପ୍ରସଙ୍ଗ ଉଠାଇଲେ ବିରୋଧୀ ଦଳ ନେତା ପ୍ରଦୀପ୍ତ ନାଏକ। ସ୍ମିତାରାଣୀ ମୃତ୍ୟୁ ଘଟଣାରେ ରୂପେଶଙ୍କ ସମେତ ଆହୁରି କେତେକ ଲୋକ ସାମିଲ ଅଛନ୍ତି। ସେମାନଙ୍କୁ ତଦନ୍ତ ପରିସର କାହିଁକି କରାଯାଉନି। କେଉଁ ଦବଙ୍ଗ ବିଧାୟକଙ୍କ ଚାପରେ ତଦନ୍ତ ହେଉନି କି। ରୂପେଶଙ୍କ ଆକାଉଣ୍ଟରୁ କେଉଁ କେଉଁ ଏମଏଲଏ,ଏମପି ଙ୍କୁ ଯାଇଛି ତାହାର ତଦନ୍ତ ହେଉ।

ଭୁବନେଶ୍ୱର : ଗତକାଲି ପ୍ରଧାନମନ୍ତ୍ରୀ ବିଜେଡିକୁ ପ୍ରସଂଶା କରିବା ପରେ ଗୃହରେ ସୁନାପିଲା ଭଳି ବସିଛନ୍ତି ବିଜେପି ବିଧାୟକ। ପ୍ରଶ୍ନକାଳରେ ବିଜେପି ବିଧାୟକ ଙ୍କୁ କଟାକ୍ଷ କଲେ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା।

ଭୁବନେଶ୍ୱର :ଭୁଲ ମାଗିଲେ ବାଚସ୍ପତି। ବିରୋଧୀ ଦଳ ନେତା ପ୍ରଦୀପ୍ତ ନାଏକ ଗତକାଲି ବିବୃତ୍ତି ଦେଉଥିବା ବେଳେ ଗୃହକୁ ବନ୍ଦ କରି ଦେଇଥିଲେ। ସେ ପ୍ରସଙ୍ଗରେ ବାଚସ୍ପତି ନିଜ ସ୍ପଷ୍ଟୀକରଣ ରଖିଲେ। ଭୁଲ ବୁଝାମଣା ଯୋଗୁଁ ସେ କହୁଥିବା ବେଳେ ଗୃହକୁ ବନ୍ଦ କରିଦେଇଥିଲି। ଏଥିପାଇଁ ମୁଁ ଦୁଃଖ ପ୍ରକାଶ କରିଛି ବୋଲି ବାଚସ୍ପତି ଗୃହରେ କହିଲେ। ସେପଟେ ବିରୋଧୀ ଦଳ ନେତା କହିଲେ, ଏହା ବାଚସ୍ପତିଙ୍କ ଏହା ଉଦାରତା, ସିଏ ଭୁଲ ମାଗିଛନ୍ତି l

ଭୁବନେଶ୍ୱର : ପ୍ରଶ୍ନକାଳରେ କହିବାକୁ ସୁଯୋଗ ନ ମିଳିବାରୁ ଅସନ୍ତୋଷ ପ୍ରକାଶ କରି କଂଗ୍ରେସ ବିଧାୟକ ସୁରେଶ ରାଉତ ରାୟ ପ୍ରଶ୍ନକାଳ ପରିତ୍ୟାଗ କଲେ । ମୋତେ ସୁଯୋଗ ନଦେବା ଠିକ ନୁହେଁ। ଅସନ୍ତୋଷ ହୋଇ ଗୃହ ଛାଡିଲେ ବିଧାୟକ ସୁରେଶ ରାଉତରାୟ।

ଭୁବନେଶ୍ୱର : ଦାମ ଭୂମିକାରେ ପିପିଲି ବିଧାୟକ ପ୍ରଦୀପ ମହାରଥୀ l ଶାସକ ଦଳର ବିଧାୟକ ହୋଇ ମନ୍ତ୍ରୀ ପ୍ରତାପ ଜେନାଙ୍କୁ ଗୃହରେ ଘେରିଛନ୍ତି l ମନ୍ତ୍ରୀଙ୍କୁ କଟାକ୍ଷ କରି କହିଛନ୍ତି ଯେ ନବୀନଙ୍କ ନାଁରେ ପାର ହୁଅନାହିଁ l କଣ କରି l ମହାରଥୀ କହିଛନ୍ତି ଯେ ପଞ୍ଚାୟତିରାଜମନ୍ତ୍ରୀ ସାମ୍ବାଦିକ ସମ୍ମିଳନୀରେ 2020 ସୁଦ୍ଧା ରାଜ୍ୟର ପ୍ରତି ଘରକୁ ପାନୀୟ ଜଳ ଯୋଗାଇବାର ପ୍ରତିଶୃତି ଦେଇଥିଲେ। ସେହି ପରିପ୍ରେକ୍ଷୀରେ ମୋର ପ୍ରଶ୍ନ ହେଉଛି ଯେ ମନ୍ତ୍ରୀ ବାରମ୍ବାର ତୁରନ୍ତ କାମ କହୁଥିବା କଥା କହୁଛନ୍ତି ତାର ସଂଜ୍ଞା କଣ? ବାକିଥିବା 27882 କେଉଁ ପଦ୍ଧତିରେ, କେନ୍ଦ୍ର ନା ରାଜ୍ୟ ଯୋଜନାରେ ପାନୀୟ ଜଳ ଯୋଗାଇବେ? କେବଳ ମୁଖ୍ୟମନ୍ତ୍ରୀଙ୍କ ନାଁ ନେଇ ପାର ହେଲେ ଚାଲିବ ନାହିଁ ବୋଲି କହି କଟାକ୍ଷ କରିଛନ୍ତି l ଯାହା କିଛି ସମୟ ମନ୍ତ୍ରୀଙ୍କୁ ଚିନ୍ତାରେ ପକାଇଥିଲା l କାରଣ ମହାରଥୀ କହିଥିଲେ ଯେ ପ୍ରତାପ ବାବୁ ପରିବା ମନ୍ତ୍ରୀ ଓ ସାରା ଦେଶରେ ପୁରସ୍କାର ପାଇଛନ୍ତି l ଏହି ସମୟରେ ମନ୍ତ୍ରୀ ଅରୁଣ ସାହୁ ମନ୍ତ୍ରୀ ପ୍ରତାପ ଜେନାଙ୍କ ସହ କଥା ହେଉଥିବାରୁ ପ୍ରଦୀପ ମହାରଥୀ ମନ୍ତ୍ରୀ ଅରୁଣ ସାହୁଙ୍କୁ ମଧ୍ୟ କଟାକ୍ଷ କରିଥିଲେ l ଅରୁଣ ଜଣେ ବିଶ୍ୱକାଳ ମନ୍ତ୍ରୀ l ବିଧାୟକ ପ୍ରଦୀପ ମହାରଥୀ ବିଧାନସଭାରେ ବିରୋଧୀ ପରି ମନ୍ତ୍ରୀ ପ୍ରତାପ ଜେନାଙ୍କୁ ସମାଲୋଚନା କରିବା ପରେ ମନ୍ତ୍ରୀ ବି ନିଜ ଢଙ୍ଗରେ ଉତ୍ତର ରଖିଥିଲେ l ପଞ୍ଚାୟତ ରାଜମନ୍ତ୍ରୀ ପ୍ରତାପ ଜେନା ନିଜ ଉତ୍ତରରେ କହିଥିଲେ ଯେ 2024-25 ସୁଦ୍ଧା ରାଜ୍ୟର ସମସ୍ତ ଘରକୁ ପାନୀୟ ଜଳ ଯୋଗାଇବା କଥା କହିଥିଲୁ। ଏ ନେଇ କାମ ଆରମ୍ଭ ହେଲାଣି। 2020 ମାର୍ଚ୍ଚ ସୁଦ୍ଧା ସହରାଞ୍ଚଳର ସମସ୍ତ ଘରକୁ ପାନୀୟ ଜଳ ଯୋଗାଇବା କଥା କହିଥିଲୁ। ପ୍ରତି ଘରକୁ ପାନୀୟ ଜଳ ଯୋଗାଇବା ପାଇଁ ମୁଖ୍ୟମନ୍ତ୍ରୀ ଗୁରୁତର ସହ ବିଚାର କରୁଛନ୍ତି। 17372 କୋଟି ଟଙ୍କା ବ୍ୟୟବରାଦ ହୋଇଛି। କେନ୍ଦ୍ର କେବଳ 549 କୋଟି ଟଙ୍କା ଦେଇଛି। ସେହି ଅନୁସାରେ କାମ ଚାଲିଛି। ତୁରନ୍ତ ସମାଧାନ ହେବାର ଅର୍ଥ ହେଉଛି ମରାମତି, ପୁଣି ପାଇପ ଲଗାଇବା। ଆମେ ସବୁ ମେଗା ପାନୀୟ ପ୍ରକଳ୍ପ ସହ ସଂଯୋଗ କରିବୁ ବୋଲି ମନ୍ତ୍ରୀ ପ୍ରତାପ ଜେନା କହିଥିଲେ l ପ୍ରଶ୍ନକାଳରେ ବିରୋଧୀ ଅପେକ୍ଷା ଶାସକ ଦଳର ବିଧାୟକ ବିରୋଧୀ ଭୂମିକାରେ ଆସିବା ବିଜେଡିକୁ ଚିନ୍ତାରେ ପକାଇଛି l

ଭୁବନେଶ୍ୱର :ନରସିଂହ ମିଶ୍ର ଗୃହରେ ସାମ୍ବାଦିକ ସୁରକ୍ଷା ଆଇନ ପ୍ରସଙ୍ଗ ଉଠାଇଲେ | ସେ କହିଲେ ଯେ ସାରା ରାଜ୍ୟରେ ସାମ୍ବାଦିକଙ୍କ ଉପରେ ଆକ୍ରମଣ ଓ ଦୁଃବ୍ୟବହାର ବୃଦ୍ଧି ପାଇବାରେ ଲାଗିଛି | ଏମିତିକି ଲୋକ ପ୍ରତିନିଧିମାନେ ବି ସାମ୍ବାଦିକଙ୍କୁ ଦୁଃବ୍ୟବହାର କରୁଛନ୍ତି | ସାମ୍ବାଦିକମାନଙ୍କ ସୁରକ୍ଷା ପାଇଁ ମହାରାଷ୍ଟ୍ର ସରକାର ଆଇନ କରିଛନ୍ତି | ସେହି ଢାଞ୍ଚାରେ ଓଡିଶା ସରକାର ଏକ ଆଇନ ଆଣିବାର ଆବଶ୍ୟକତା ରହିଛି | ମୋତେ ସାମ୍ବାଦିକ ମାନେ ଭେଟି ଏନେଇ ଆଲୋଚନା କରିଛନ୍ତି |
ପ୍ରଫୁଲ୍ଲ ସାମଲ କହିଲେଯେ, ରାଜ୍ୟ ସରକାର ସବୁ ବର୍ଗର ଲୋକଙ୍କ ପାଇଁ ବହୁତ କିଛି କରିଛନ୍ତି | ଏ ପର୍ଯ୍ୟନ୍ତ ସାମ୍ବାଦିକ ଚି଼ହ୍ନଟ କରାଯାଇପାରିନାହିଁ | ଶ୍ରମ ଓ ସୂଚନା ଓ ଲୋକ ସମ୍ପର୍କ ମଧ୍ୟରେ ସମନ୍ୱୟ ରକ୍ଷା କରି ସାମ୍ବାଦିକ ଚି଼ହ୍ନଟ କରିବା ଦରକାର | ସାମ୍ବାଦିକଙ୍କୁ ସୁରକ୍ଷା ଦେବା ସହ ଅନ୍ୟାନ୍ୟ ସୁବିଧା ସୁଯୋଗ ଦେବା ଦରକାର | ବାଚସ୍ପତି ମଧ୍ୟ ନିଜେ ଜଣେ ସାମ୍ବାଦିକ | ତେଣୁ ସାମ୍ବାଦିକଙ୍କ ପାଇଁ ଆମେ ସମସ୍ତେ ଯତ୍ନବାନ ହେବା ଦରକାର |

ସୁରେଶ ରାଉତରାୟ କହିଲେ ଯେ, ଓଡ଼ିଶାର ସାମ୍ବାଦିକ ଭାରି ଦୁଃଦିନରେ ଅଛନ୍ତି | ବାଡେ଼ଇଲେ କେହି ସୁରକ୍ଷା ଦେବାକୁ ନାହାନ୍ତି | ତାଙ୍କରି ପାଇଁ ରାଜ୍ୟବାସୀ ଖବର ପାଉଛନ୍ତି | ସେମାନଙ୍କୁ ସୁରକ୍ଷା ଦେବା ଦରକାର, ଦରମା ଦେବା ସହ ସରକାର ଘର ଦିଅନ୍ତୁ ବୋଲି ଶ୍ରୀ ରାଉତରାୟ ଦାବି କରିଛନ୍ତି |