ପବିତ୍ର ରାମନବମୀ ଅବସରରେ ରଥଯାତ୍ରା ପାଇଁ ରଥକାଠ ଚିରା ଅନୁକୂଳ ହୋଇଛି । କଟକ ଖପୁରିଆ ସ୍ଥିତ ଓଏଫଡିସିର କରତ କଳରେ ଏହି କାଠ ଚିରା ଅନୁକୂଳ ହୋଇଛି । ଶ୍ରୀମନ୍ଦିର ପ୍ରଶାସନର ମୁଦିନିଧି ଦଳ ଆଜ୍ଞାମାଳ ନେଇ ପହଞ୍ଚିବା ପରେ ପୂଜାର୍ଚନା କରାଯାଇ କାଠ ଚିରା ଆରମ୍ଭ ହୋଇଥିଲା । ତିନି ରଥ ପାଇଁ ତିନୋଟି କାଠ ପୂଜା କରାଯାଇ ଚିରା ଯାଇଥିଲା । ରଥଯାତ୍ରା ପାଇଁ ପ୍ରତି ବର୍ଷ ରାମନବମୀରେ ରଥକାଠ ଚିରା ଅନୁକୂଳ ହୋଇଥାଏ । ପରେ ଏହି ଚିରା ଯାଇଥିବା କାଠ ରଥ ନିର୍ମାଣରେ ବ୍ୟବହୃତ ହୋଇଥାଏ । ପବିତ୍ର ଅଖୟ ତୃତୀୟାରେ ରଥ ନିର୍ମାଣ କାମ ବିଧିବଦ୍ଧ ଭାବେ ଆରମ୍ଭ ହୋଇ ରଥ ସଂହିତା ଅନୁସାରେ ତିନି ରଥ ପାଇଁ ମୋଟ ୮୬୫ଖଣ୍ଡ କାଠ ଦରକାର ହୋଇଥାଏ । ୧୯୩ଟି କାଠ ଥିବା ବେଳେ ଏଥର ୬୭୨ଖଣ୍ଡ କାଠ ଦରକାର ହେବ । ସେଥିମଧ୍ୟରୁ ୨୬୬ଖଣ୍ଡ ଖପୁରିଆ କରତ କଳରେ ଚିରଟ ପାଇଁ ଯିବ । ବାକି ରଥଖଳାରେ ରଖି ରଥ ତିଆରିରେ ସିଧାସଳଖ ବ୍ୟବହାର ହେବ ।

ଭଗବାନ ରଘୁନାଥଙ୍କ ଜନ୍ମଦିନ 

ରାମଙ୍କ ଅବତାର ପ୍ରଭୁ ରଘୁନାଥ 

ଜନ୍ମଦିନରେ ଦର୍ଶନ କଲେ ମିଳେ କଟିପୁର୍ଣ୍ଣ 

ବୈତରଣୀ କୂଳରେ ରଘୁନାଥ ମଠ 

ଐତିହର ବାର୍ତ୍ତାବହ ଯାଜପୁରର ରଘୁନାଥ ମନ୍ଦିର
ଯାଜପୁର: ଯାଜପୁର ସହର ବୈତରଣି ନଦି କୂଳରେ ରଘୁନାଥ ମନ୍ଦିର ରହିଛି। ପୁରାଣ ଅନୁସାରେ ପବିତ୍ର ରାମନବମୀ ଦିନ ପ୍ରଭୁଙ୍କ ଜନ୍ମ ଦିନ ପାଳନ କରାଯାଏ । ଏହି ଦିନ ଭୋର ଚାରିଟାରେ ପୂଜକ ପ୍ରଥମେ ଠାକୁରଙ୍କୁ ସ୍ନାନ କରନ୍ତି। ଏହାପରେ ପଞ୍ଚମ ଉପଚାର ପୂଜା କରାଯାଏ । ଏହାର ଠିକ୍ ପରେ ପରେ ପୁଣିଥରେ ପ୍ରଭୁ ରଘୁନାଥଙ୍କର ସ୍ନାନ କରାଯାଏ ।ଏବଂ ଷୋଡ଼ଶ ଉପଚାର ପୂଜା କରାଯାଏ । ପରେ ପରେ ସମସ୍ତ ରୀତି ନୀତି ଅନୁସାରେ ହୋମ ,ଆଳତି,ପାଞ୍ଜି ପାଠ ଓ ନିର୍ଦ୍ଧାରିତ ନୀତିକ୍ରାନ୍ତି କରାଯାଏ।
ଏହି ବର୍ଷ ଦେଶ ଓ ରାଜ୍ୟ ପାଇଁ ଭଲ ନା ଖରାପ ତାହା ଦୋଳ ପୂର୍ଣ୍ଣିମାରେ ପ୍ରସ୍ତୁତ ହୋଇଥିବା ପାଞ୍ଜି ରଘୁନାଥଙ୍କ ଜନ୍ମଦିନ ଅବସରରେ ପାଠ କରାଯାଏ । ଯେଉଁଥିରୁ ଭକ୍ତମାନେ ଆସନ୍ତାକାଲିର ଦିନ ବିଷୟରେ ଜାଣିପାରନ୍ତି । ରଘୁନାଥ ମନ୍ଦିରର ପୂଜକ ଜଗନ୍ନାଥ ପାଣି କୁହନ୍ତି ଯେ ପ୍ରଭୁ ରଘୁନାଥଙ୍କର ଜନ୍ମଦିନ ଦିନ ଭକ୍ତ ପ୍ରଭୁଙ୍କୁ ଦର୍ଶନ କଲେ କୋଟି ପୁଣ୍ୟ ମିଳିଥାଏ । ତାଙ୍କର ଅନ୍ୟ ନାମ ରଘୁନାଥ ହୋଇଥିବାରୁ ରାମନବମୀ ଦିନ ତାଙ୍କର ଜନ୍ମଦିନ ପାଳନ କରାଯାଏ । ଯାଜପୁରର ଏହି ପୁରୁଣା ମନ୍ଦିରରେ ମହାପ୍ରଭୁଙ୍କୁ ଦର୍ଶନ କରି ଯେଉଁମାନେ ମାନସିକ କରନ୍ତି ତାହା ପୂରଣ ହୁଏ ବୋଲି ଲୋକ ବିଶ୍ୱାସ କରନ୍ତି। ବୈତରଣି ନଦୀ କୂଳରେ ଏହି ପୁରୁଣା ମନ୍ଦିରର ରକ୍ଷଣା ବେକ୍ଷଣା ଉପରେ ପ୍ରଶାସନ ଦୃଷ୍ଟି ଦେବାକୁ ସ୍ଥାନିୟ ଲୋକେ ଦାବି କରିଛନ୍ତି। କାରଣ ଅବତାର ପୁରୁଷ ହେଉଛନ୍ତି ରାମଚନ୍ଦ୍ର । ସେ କେଉଁଠି ରାମ ରୂପରେ ତ ଆଉ କେଉଁଠି ରଘୁନାଥ ରୂପରେ ପୂଜା ପାଉଛନ୍ତି। ଏବେ କରୋନା ପ୍ରଭାବରେ ସାରା ଦେଶ ଲକ୍ ଡାଉନ। ଏହି ସମୟରେ ରଘୁନାଥ ମନ୍ଦିରରେ ରାମ ନାବମୀ ପାଳନ ହୋଇଥିଲେ ମଧ୍ୟ ଭକ୍ତଙ୍କୁ ମନ୍ଦିର ଭିତରକୁ ଯିବା ମନା ଥିଲା।

ମାର୍ଚ୍ଚ ମାସ ଶେଷ ସପ୍ତାହ। ଜହ୍ନ ଆଲୁଅରେ ଚକ ମକ ଦିଶୁଥାଏ ଧରଣୀ। ସଂନ୍ଧ୍ୟାର ସେଇ ମନୋରମ ଦୃଶ୍ୟ। ସଭିଙ୍କୁ ଆକୃଷ୍ଟ କରିଥାଏ। ଏମିତି ଏକ ପରିବେଶରେ ପୋଖରୀ କୂଳରେ ବସିଥିଲେ ଆଠ ଜଣ ପ୍ରିୟ ସାଙ୍ଗ।କ୍ରିକେଟ ଖେଳିସାରିଲା ପରେ ପୋଖରୀ କୂଳରେ ଏକ କାଠ ଗଣ୍ଡି ଉପରେ ଖଟି ଚାଲିଥାଏ। ଏ ସମୟରେ ଜଣେ ସାଙ୍ଗ ଚିଲେଇ କି କହିଲା ଆରେ ଟୁନା ତୋ ପଛରେ ଏଇ କଣ ? ଡରକୁରା ଟୁନା ହଠାତ୍ ଚମକି ପଡିଲା ଓ ଡରିଗଲା। ଏ ସମୟରେ ଅନ୍ୟ ସାଙ୍ଗମାନେ ଏପ୍ରିଲ ଫୁଲ କହି ଚିଲେଇଲେ। ଏତିକିରେ ସେ ସଂନ୍ଧ୍ୟାରେ ବହୁତ ମଜା ହେଲା।  ଟୁନାକୁ ଡ଼ରକୁରା ବୋଲି ଚିଡ଼େଇଲେ। ମୋତେ ଚିଡ଼େଇବାର କାରଣ ବୁଝେ ତ ସେଇଟା ଥିଲା ଏପ୍ରିଲ ଫୁଲ। ସେଦିନର ଅନୁଭୂତି ମୋ ପାଇଁ ଆଜି ବି ଜୀବିତ । ମୁଁ ସେଦିନ ବୋକା ହେଲି ସତ। ହେଲେ ସେ ଦିନ ଆଉ ମୋ ପାଇଁ ଫେରିବ ନାହିଁ। ଆଉ ସେ ଦିନଠାରୁ ବୁଝିଛି ଏପ୍ରିଲ ଫୁଲ ହେଉଛି ଅନ୍ୟକୁ ବୋକା ବନେଇବାର ଦିନଟିଏ। ଆଉ କାର୍ଯ୍ୟ ବ୍ୟସ୍ଥତା ମଧ୍ୟରେ ହସିବା ଆଉ ହସେଇବାର ଦିନଟିଏ। ଆଜି ୧୫ ବର୍ଷ ପରେ ଏହି ଥଟା ମଜାର ଦିନଟିକୁ ମନେପକାଇ ଦେଲା ତିନି ବର୍ଷର କୁନି ଝିଅଟିଏ। ମୁଁ ସକାଳୁ ଉଠି ଚା ପିଉଥାଏ। ହଠାତ ସେ ସମୟରେ କବାଟ ଠକ୍ ଠକ୍ ହେଲା। ମୁଁ ଯାଇ ଦେଖେ ତ କୁନି ଝିଅଟେ କବାଟ ସାମ୍ନାରେ। ତା ହାତରେ ଥାଏ ଟଙ୍କିକିଆ କଫି  ଚକଲେଟ୍ ସହ କାଗଜ ଖଣ୍ଡେ। ସେ ସେଠୁ ହସିକି କହିଲା ଅଙ୍କଲ ଅଙ୍କଲ ତୁମ ପଛରେ ସେଇଟା କଣ ? ଦେଖିଲ ! ମୁଁ ସଙ୍ଗେ ସଙ୍ଗେ ପଛକୁ ଚାହିଁ ଦେଲି। ହେଲେ ପଛରେ କିଛି ଲାଗି ନଥିଲା। ଏ ସମୟରେ କୁନି ଝିଅଟି ହାତରେ ଥିବା କାଗଜ ଆଉ ଚକଲେଟ୍ ଦେଇ , ହସିକି ଦୈଡିକି ପଳେଇଲା। ଆଉ ଗଲାବେଳେ ହସିକି ଏପ୍ରିଲ ଫୁଲ କହି ଚାଲିଗଲା । ତାର ଏ ପ୍ରୟାସ ମୋତେ ବୋକା ବନେଇବା ପାଇଁ ନଥିଲା। ତାର ମୂଳ ଉଦ୍ଧେଶ୍ୟ ଥିଲା ଟିକେ ହସେଇବା । ଆଉ ଖୁସି ବାଣ୍ଟିବା। ତାର ଏ ଛୋଟ ପ୍ରୟାସ ମୋତେ ହସେଇଛି। ଆଉ ମୋ ପିଲାଦିନକୁ ମନେପକେଇ ଦେଇଛି। ଆଉ ୧୫ ବର୍ଷ ତଳର ସେ ନଈକୁଳର ସ୍ମୃତିକୁ ଜୀବିତ କରିଦେଇଛି l ଆଜି କାଳେ ବଡ ପିଲା ହୋଇଯାଇଛି l ହେଲେ ବଡ଼ ହେଲା ପରେ ଏହି ଛୋଟ ଛୋଟ ଖୁସି ଭୁଲି ଯାଇଛି l