ବିଳାସ ଜୀବନ ଛାଡ଼ । ସରଳ ଜୀବନ କଟାଇବା ସହ ଲୋକଙ୍କ ସୁଖ ଦୁଃଖର ସାଥି ହୁଅ । ଏହାସହ ଲୋକଙ୍କ ସମସ୍ୟା ସହ ଯଡ଼ିତ ହୋଇ ସମାଧାନର ବାଟ କାଢ । ପଂଚମ ଥର ମୁଖ୍ୟମନ୍ତ୍ରୀ ହେବା ପରେ ନବୀନ ପଟ୍ଟନାୟକ ପ୍ରତ୍ୟେକ ବିଧାୟକ, ସାଂସଦ ଓ ମନ୍ତ୍ରୀଙ୍କୁ ସରଳ ଜୀବନ କଟାଇବାକୁ ନିର୍ଦ୍ଦେଶ ଦେଇଥିଲେ । ଯାହାକୁ ଏବେ ଅକ୍ଷର ଅକ୍ଷରେ ପାଳନ କରିବାକୁ ଆଗେଇଲେଣୀ ବିଜେଡ଼ି ବିଧାୟକ, ମନ୍ତ୍ରୀ ଓ ସାଂସଦ ମାନେ । କ୍ଷମତା ଲୋଭ ଓ ମାୟାରୁ ବାହାରୀ କ୍ଷମତାଶାଳୀ ମନ୍ତ୍ରୀମାନେ ଏବେ ସରଳ ଜୀବନ କଟାଇବା ଅଭ୍ୟାସ କଲେଣୀ । ଅଧିକାଶ ମନ୍ତ୍ରୀ ଓ ବିଧାୟକ ଏବେ ରାଜଧାନୀର ମୋହମାୟା ଛାଡ଼ି ନିଜ ନିର୍ବାଚନୀ ମଣ୍ଡଳୀରେ ସମୟ କଟାଉଛନ୍ତି । ବିଶେଶକରି ଶନିବାର ଓ ରବିବାର ନିର୍ବାଚନୀ ମଣ୍ଡଳୀରେ ବିଭିନ୍ନ ଲୋକାଭିମୁଖୀ କାର୍ଯ୍ୟକ୍ରମରେ ସାମିଲ ହେଉଛନ୍ତି । ସାଧାରଣ ଲୋକର ମନକଥା ବି ବୁଜୁଛନ୍ତି । ଯାହାକି ଓଡ଼ିଶା ରାଜନୀତି ପାଇଁ ଏକ ଶୁଭ ଖବର । ଏହି ମର୍ମରେ ରବିବାର ନୟାଗଡ଼ରେ ଜନଶୁଣାଣୀ କରିଛନ୍ତି ଉଚ୍ଚଶିକ୍ଷା ଓ କୃଷିମନ୍ତ୍ରୀ ଅରୁଣ ସାହୁ । ନୟାଗଡ଼ ବସଷ୍ଟାଣ୍ଡରେ ନିଜ ନିର୍ବାଚନୀ ମଣ୍ଡଳୀର ୬୦୦ରୁ ଅଧିକ ଲୋକଙ୍କ ଅଭିଯୋଗ ଓ ଅନୁୋଧ ଶୁଣିଛନ୍ତି ମନ୍ତ୍ରୀ ଅରୁଣ ସାହୁ । ପ୍ରତି ମାସରେ ଅରଉଙ୍କ ଏପରି ଜନ ଶୁଣାଣୀରେ ଲୋକେ ବେଶ ଉପୃକତ ହେଉଛନ୍ତି ।
ଯାହା ଫଳସ୍ୱରୂପ ଲୋକେ ସେମାନଙ୍କ ଅସୁବିଧା ନେଇ ରାଜଧାନୀ ନୁହେଁ, ନିଜ ନିର୍ବାଚନୀ ମଣ୍ଡଳୀର ଜନଶୁଣାଣୀରେ ସାମିଲ ହେଉଛନ୍ତି । ସେହିପରି ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଯେତେବେଳେ ସମୟ ପାଆନ୍ତି ସେ ଯାଜପୁର ଯାଇ ଲୋକଙ୍କ ସୁଖ ଦୁଃଖରେ ସାମିଲ ହୁଅନ୍ତି । ନିଜ ନିର୍ବାଚନୀ ମଣ୍ଡଳୀ ନୁହେଁ, ପ୍ରଣବ ଏଭଳି କେତେ କାମ କରୁଛନ୍ତି ଯାହା ଅନ୍ୟ ଜିଲ୍ଲାର ବିଧାୟକମାନଙ୍କ ପାଇଁ ଉଦାହରଣ ସୃଷ୍ଟି କରିଛି । ରକ୍ତ ଅଭାବରୁ ଯେପରି ଓଡ଼ିଶାରେ କେହି ମୃତ୍ୟୁବରଣ ନକରିବେ ସେନେଇ ପ୍ରଣବ ଅଶୋକ ଦାସ ଫାଉଣ୍ଡେସନ ପକ୍ଷରୁ ଆୟୋଜତି ରାକ୍ତଦାନ ଶିବିରରେ ସାମିଲ ହୋଇ କିପରି ସ୍ୱେଚ୍ଛାକୃତ ଭାବେ ରକ୍ତଦାନ ପ୍ରତି ଲୋକମାନେ ଆଗ୍ରହ ପ୍ରକାଶ କରିବେ ସେନେଇ ପ୍ରୟାସ କରିଛନ୍ତି । ପ୍ରତି ରବିବାର ଓ ବିଭିନ୍ନ ସମୟରେ ଅଶୋକ ଦାସ ଫାଉଣ୍ଡେସନ ପକ୍ଷରୁ ପକ୍ଷରୁ ରକ୍ତଦାନ ଶିବିର କରାଯାଉଛି । ଧୀରେ ଧୀରେ ପ୍ରଣବଙ୍କ ଏହି ଲକ୍ଷ ସଫଳତା ଆଡ଼କୁ ଗତି କରୁଚି । ଯାହା ଯାଜପୁରର ଯୁବପିଢି ସ୍ୱତ୍ତେପ୍ରବୃତ ଭାବେ ରକ୍ତଦାନ ଶିବିରରେ ସାମିଲ ହୋଇ ପ୍ରମାଣିତ କରିଛନ୍ତି । ତେଣୁ ନବୀନଙ୍କ କଥାକୁ ଅକ୍ଷର ଅକ୍ଷର ପାଳନ କରୁଥିବା ବିଜେଡ଼ି ନେତାଙ୍କ ଏପରି ପ୍ରୟାସ ଜାରୀ ରହିବ ବୋଲି ଦଳ ପକ୍ଷରୁ କୁହାଯାଇଛି ।
