ଭୁବନେଶ୍ୱର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉପଯୁକ୍ତ ନେତାଙ୍କୁ ସବୁବେଳେ ଗୁରୁ ଦାୟିତ୍ୱ ନ୍ୟସ୍ତ କରିଥାନ୍ତି । ପଂଚମ ପାଳିରେ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନାକୁ କାର୍ଯ୍ୟକାରୀ କରିବା ଓ ତୃଣମୂଳ ସ୍ତରରେ ଏହାର ପ୍ରସାର ଓ ପ୍ରଚାର କରିବା ପାଇଁ ରାଜ୍ୟ ସରକାର ଅଣ୍ଟା ଭିଡ଼ିଛନ୍ତି । ଖାସ ସେଥିଲାଗି ଏହି ଗୁରୁ ଦାୟିତ୍ୱ ଚିଲିକାର ଯୁବନେତା ଓ ପୂବରୁ ସାମ୍ବାଦିକ ତୁଲାଇଥିବା ମାନଓ ମଙ୍ଗରାଜଙ୍କୁ ଦେଇଛନ୍ତି ନବୀନ । ଓଡ଼ିଶା ମିଡ଼ିଆ ସହ ଜଡ଼ିତ ଓ ବିଜୁ ଜନତା ଦଳର ଗଣମାଧ୍ୟମ ସେଲର ନେତୃତ୍ୱ ନେଉଥିବା ମାନସ ମଙ୍ଗରାଜଙ୍କୁ ରାଜ୍ୟ ସରକାରଙ୍କ ଉପଦେଷ୍ଟା ଭାବେ ମୁଖ୍ୟମନ୍ତ୍ରୀ ଆଜି ସଂନ୍ଦ୍ୟାରେ ନିଯୁକ୍ତି ଦେଇଛନ୍ତି । ଦୀଘଦିନ ଧରି ସାମ୍ବାଦିକ ଜଗତ ସହିତ ଜଡ଼ିତ ଥିବା ମାନସ ଆଗକୁ ରାଜ୍ୟ ସରକାରଙ୍କ ଗଣମାଧ୍ୟମ ନୀତି ଉପରେ ନିଜର ଅଭିଜ୍ଞତାକୁ ପ୍ରୟୋଗ କରି ଉଚିତ ପରାମର୍ଶ ଦେବେ ।ଦାୟିତ୍ୱ ମିଳିଲା ପରେ ମାନସ ମଙ୍ଗରାଜ ଏହା ମୋ ପାଇଁ ଗୌରବର କଥା । ଏଥିଲାଗି ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଛନ୍ତି ସେ ।

ମୁଖ୍ୟମନ୍ତ୍ରୀ ଯେଉଁ ଆସ୍ଥା ଓ ବିଶ୍ୱାସ ରଖି ତାଙ୍କୁ ଦାୟିତ୍ୱ ଦେଇଛନ୍ତି ତାହାକୁ ସେ ସଠିକ ଭାବେ ତୁଲାଇବେ ବୋଲି କହିଛନ୍ତି । ବର୍ତ୍ତମାନ ଓଡ଼ିଶା ଗଣମାଧ୍ୟମ ଓ ଗଣମାଧ୍ୟମ ପ୍ରତିନିଧିମାନଙ୍କର ଥିବା ସମସ୍ୟା ସର୍ମ୍ପକରେ ଆଲୋଚନା କରି ସମାଧାନ କରିବାକୁ ଚେଷ୍ଟା କରିବେ ବୋଲି କହିଛନ୍ତି । ରାଜ୍ୟ ସରକାର ତାଙ୍କୁ ଗଣମାଧ୍ୟମ ଓ ଲୋକସର୍ମ୍ପକ ଉପଦେଷ୍ଟା କରିଥିବାରୁ ତାଙ୍କୁ ମନ୍ତ୍ରୀ ପାହ୍ୟା ମିଳିବାର ଯଥେଷ୍ଟ ସମ୍ଭାବନା ରହିଛି । । ୨୦୧୯ ସାଧାରଣ ନିର୍ବାଚନରେ ମାନସ ମଙ୍ଗରାଜ ଓ ସସ୍ମିତ ପାତ୍ର ବିଜୁ ଜନତା ଦଳର ମିଡ଼ିଆ ଦାୟିତ୍ୱରେ ଥିଲେ । ମାନସ ମଙ୍ଗରାଜଙ୍କୁ ବିଜେଡ଼ି ମିଡ଼ିଆ ଆଫେୟାର୍ସର ସାଧାରଣ ସଂପାଦକ ଦାୟିତ୍ ପୂର୍ବରୁ ଦେଇସାରିଛି । ଯାହାକୁ ସେ ସଫଳତାର ସହ ତୁଲାଇଛନ୍ତି । \n\n

ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି.କାର୍ତ୍ତିକେୟନ ପାଣ୍ଡିଆନ(ଭିକେପି) ପାୱାର କରିଡର ଠାରୁ ଆରମ୍ଭ କରି ଗାଁ ଗହଳି ଯାଏଁ ବେଶ ଚର୍ଚ୍ଚାରେ । ଲୋକସେବା ଭବନରେ ସେ ଡେଡିକେଟେଡ଼ ଭିକେପି ନାମରେ ପରିଚିତ । କାରଣ ୨ହଜାର ବ୍ୟାଚର ଏହି ଆଇଏଏସ ଅଫିସର ନିଜର ଦକ୍ଷତା ବଳରେ ଆଜି ସମସ୍ତଙ୍କ ପ୍ରିୟପାତ୍ର ହୋଇପାରିଛନ୍ତି । କାମ ପ୍ରତି ମନୋଭାବ ଓ ସମୟ ଅନୁସାରେ ଦାୟିତ୍ୱ ତୁଲାଇବାରେ ସେ ବେଶ ସିଦ୍ଧହସ୍ତ ।ପାୱାର କରିଡରର ସବୁ କାଟାଗୋରୀ ସହ ସୁସମ୍ପର୍କ ରଖି ସେ କାମ କରାଇନିଅନ୍ତି ।

ଗଞ୍ଜାମ ଜିଲ୍ଲାପାଳ ପରେ ମୁଖ୍ୟମନ୍ତ୍ରୀ ତାଙ୍କୁ ବ୍ୟକ୍ତିଗତ ସଚିବ ଭାବେ ନିଯୁକ୍ତି ଦେଲେ । ଆଉ ସେହି ଦିନରୁ ସେ ନବୀନଙ୍କ ପ୍ରତି ନିଜକୁ ସମର୍ପି ଦେଇଛନ୍ତି ।ସକାଳ ହେଉ, ସନ୍ଧ୍ୟା ହେଉ ଅବା ଅଧରାତି ସବୁବେଳେ ସରକାରୀ କର୍ତ୍ତବ୍ୟ ଓ ମୁଖ୍ୟମନ୍ତ୍ରୀଙ୍କ ନିର୍ଦେଶକୁ ସେ ଦାୟିତ୍ୱର ସହ ତୁଲାଇଛନ୍ତି । ନବୀନଙ୍କ ପ୍ରତି ତାଙ୍କ ସମର୍ପଣ ଭାବ ଏତେ ଅଧିକ ଯେ, ତାଙ୍କ କାର‌୍ୟ୍ୟଶୈଳୀକୁ ଯିଏ ଫଲୋ କରିଛି ସେ ଜାଣିଛି । ମୁଖ୍ୟମନ୍ତ୍ରୀ ଯେପରି କୌଣସି ବିପଦରେ ନପଡିବେ ସେ ତାଙ୍କ ବ୍ୟକ୍ତିଗତ ସଚିବ ଭାବେ ପାଖେ ପାଖେ ଥାଆନ୍ତି । ଲୋକସେବା ଭବନର ତୃତୀୟ ମହଲା ହେଉ ବା ଦିଲ୍ଲୀ ସବୁଠି ନବୀନଙ୍କ ସହ ପାଣ୍ଡିୟାନ । ଏଥିପାଇଁ ବହୁ ସମୟରେ ବିଭିନ୍ନ ରାଜନୈତିକ ଦଳ ତାଙ୍କୁ କଡା ସମାଲୋଚନା କରିବା ସହ ତାଙ୍କ ବ୍ୟକ୍ତିତ୍ୱକୁ କଡା ସମାଲୋଚନା କରିଛନ୍ତି । ଗଣମାଧ୍ୟମ ମଧ୍ୟ ତାଙ୍କୁ କଟାକ୍ଷ କରିବାକୁ ପଛାଇ ନାହିଁ । ହେଲେ ଏସବୁକୁ ଦୃଷ୍ଟି ନଦେଇ ଏହି ଅଣଓଡ଼ିଆ ଆଇଏଏସ ଅଫିସର ନବୀନଙ୍କ ନିର୍ଦେଶକୁ ଅକ୍ଷରେ ଅକ୍ଷରେ ପାଳନ କରିଚାଲିଛନ୍ତି ।

ବାବୁଙ୍କ ଦକ୍ଷତା ମାର୍କରେ ୧୦ରୁ ୧୦ ପାଇଥିଲେ ଭି.କେ. ପାଣ୍ଡିୟାନ । ନବୀନଙ୍କୁ ସେ କେତେ ଭଲ ପାଆନ୍ତି ତାହା ୨୦୧୯ ସାଧାରଣ ନିର୍ବାଚନ ପରେ ମୁଖ୍ୟମନ୍ତ୍ରୀଙ୍କ ସହ ତାଙ୍କର ଏକ ଫୋଟୋ ସୋସିଆଲ ମିଡିଆରେ କେଇ ମିନିଟ ଭିତରେ ଭାଇରାଲ ହେବାରୁ ଜଣାପଡେ । ଖାସ ସେଥିପାଇଁ ପାୱାର କରିଡରରେ ଏବେ ଗୋଟିଏ ଚର୍ଚ୍ଚା ପାଣ୍ଡିୟାନଙ୍କୁ ନେଇ । ତୃତୀୟ ମହଲାର ବାବୁ ଏବେ ବନି ଯାଇଛନ୍ତି ଡେଡିକେଟେଡ଼ ଭିକେପି ।

୨୦୧୯ ସାଧାରଣ ନିର୍ବାଚନରେ ଓଡ଼ିଶା କଂଗ୍ରେସର ଶୋଚନୀୟ ପରାଜୟ ହେଳା । ଦଳ ଦୁଇ ଅଙ୍କ ସଂଖ୍ୟା ବି ଛୁଇପାରିଲା ନାହିଁ । ବିଧାନସଭାରେ ମଧ୍ୟ ମୁଖ୍ୟ ବିରୋଧୀ ପଦରୁ ହଟିଲା । ରାଜ୍ୟରେ ମଧ୍ୟ ଦଳ ଭୋଟହାରରେ ତୃତୀୟ ସ୍ଥାନକୁ ଗଲା । ଏ ସବୁ ପାଇଁ ନିଜକୁ ଦାୟୀ କରି ପିସିସି ସଭାପତି ପଦରୁ ଇସ୍ତଫା ଦେଲେ ନିରଂଜନ ପଟ୍ଟନାୟକ । ନୈତିକତାର ଭାଷା କହି ଇସ୍ତଫା ଦେଲେ । ଆଉ ଏହାପର ଠାରୁ କଂଗ୍ରେସରେ ପୁଣି ଆରମ୍ଭ ହେଲା ଚୌକି ଦାଖଲ ଅଭ୍ୟାସ । ନୂଅ ପିସିସି ସଭାପତି କିଏ ହେବ ତାହାକୁ ନେଇ ଆରମ୍ଭ ହେଲା ଟଣାଓଟରା । ହେଲେ ଗତ ୨୨ ତାରିଖରେ କଂଗ୍ରେସ ଅଧ୍ୟକ୍ଷ ସୋନିଆ ଗାନ୍ଧୀ ଓଡ଼ିଶା କଂଗ୍ରେସ ୧୫୦ରୁ ଅଧିକ ନେତାଙ୍କ ସହ ଆଲୋଚନ କରିବା ପରେ ନେଲେ ବଡ଼ ନିଷ୍ପତି ।

ପୁଣି ଥରେ ନିରଂଜନଙ୍କ ଉପରେ ଆସ୍ଥା ପକଟ କଲେ ସୋନିଆ ଗାନ୍ଧୀ । ନିର୍ବାଚନ ସମୟରେ ପିସିସିର ସମସ୍ତ କମିଟି ଭାଙ୍ଗୀ ନୂଆ କମିଟି କରିବା ପାଇଁ ସୋନିଆ ନିର୍ଦ୍ଦେଶ ଦେଲେ । ଯାହାକୁ ନେଇ ନିରଂଜନ ଶିବିର ଏବେ ବେଶ ଉତ୍ସାହୀତ । ତେବେ ବିରୋଧୀ ଗୋଷ୍ଠୀ କିନ୍ତୁ ଅସନ୍ତୋଷ ଜାହୀର କରିଛନ୍ତି । ସିଧାଦସଳଖ ଗଣମାଧ୍ୟରେ ଆସି ପିସିସି ସଭାପତିଙ୍କ ବିରୋଧରେ ବିଷ ଓଗାଳିଲେଣୀ । ନିରଂଜନଙ୍କୁ ଜଣେ ବଡ଼ ବେପାରୀ ମଧ୍ୟ କହିବାକୁ ପଛାଇଲେନି ପୂର୍ବତନ ସାଂସଦ ଅମର ପ୍ରଧାନ ।

ତେବେ କାହିକିଁ ବଦଳିଲେନି ନିରଂଜନ ତାହା ଉପରେ ନଜର ପକାନ୍ତୁ

୧- ୧୯ ବର୍ଷ ଧରି ଓଡ଼ିଶାରେ କୋମାସ୍ତିତିରେ ରହିଛି କଂଗ୍ରେସ । ସଂଠଗନ ଚଳାଇବାକୁ ଆବଶ୍ୟକ ଅର୍ଥ ଅନ୍ୟ କେହି ଦେଇପାରିବେ ନାହିଁ ।

୨- ଆଗକୁ ବିଜେପୁର ଉପନିର୍ବାଚନ ଓ ପୌର ନିର୍ବାଚନ । ତେଣୁ ଏହି ସମୟରେ ସଭାପତି ପରିବର୍ତ୍ତନ କରିବାକୁ ନିଷ୍ପତି ଦେଲେ ହାଇକମାଣ୍ଡ

୩- ବହୁନେତା ନିରଂଜନ ସପକ୍ଷରେ ମତ ଦେଇଥିବାରୁ ହାଇକମାଣ୍ଡ ରିସ ନେବାକୁ ଚାହିଲେନି \

୪- ନିରଂଜନଙ୍କ ସହ କାର୍ଯ୍ୟକାରୀ ସଭାପତି ଥିବାରୁ ପିସିସି ପରବର୍ତ୍ତନ କରିବାକୁ ଉଚିତ ମନେକଲେନି ସୋନିଆ

୫- ଇାରମ୍ବାର ପିସିସି ସଭାପତି ପଦ ପରିବର୍ତ୍ତନ ଖରାପ ପରିଣାମ କଥାକୁ ପୁଣିଥରେ ଦୋହରାଇବାକୁ ଚାହିଲେନି ସୋନିଆ \n\n

ଭୁବନେଶ୍ୱର : ମୁଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭଲ ପାଏ । ସେ ମୋ ଭବବାନ , ସେ ମୋର ସବୁକିଛି । ତାଙ୍କ ବିନା ମୋ ଜୀବନ ଅର୍ଥ କିଛିି ନାହିଁ । ଦିନେ କି ଦୁଇ ଦିନ ନୁହେଁ, ଆଜକୁ ୧୮ ବର୍ଷ ହେବ ମୁଁ ତାଙ୍କୁ ଭଲ ପାଉଛି । ଏଥିଲାଗି ବେସରକରୀ ଚାକିରୀ ଚାଡ଼ିଛି , ବିରୋଧୀଙ୍କ ଠାରୁ ମାଡ଼ ଖାଇଛି । ହେଲେ ତଥାପି ମୁଁ ମୋ ଭଗବାନଙ୍କୁ ଚାଡ଼ିନାର୍ହି । ଏକଥା କେଉର୍ ଫିଲ୍ମର ଡ଼ାଇଗଲ ନୁହେଁ, ମୁଖ୍ୟମନ୍ତ୍ରୀଙ୍କ ପଶ୍ଚିମ ଓଡ଼ିଶାର ସବୁଠାରୁ ବଡ଼ ଫ୍ୟାନ ବରଗଡ଼ର ଖଗେଶ୍ୱରଙ୍କର ।

ଦେହରେ ଶଙ୍ଖ ଚିହ୍ନର ପୋଷାକା ଓ ହାତରେ ବିଜେଡ଼ି ପତକା ଧରି ସବୁବେଳେ ନବୀନଙ୍କ ପାଖେ ପାଖେ ସେ ଥାଆନ୍ତି । ସେ କୋରାପୁଟ, ବାଲେଶ୍ୱର କି ଯାଜପୁର ସଭା ହେଉ ଅବା ସମ୍ବଲପୁର , ବଗରଡ଼ କି ବଲାଙ୍ଗୀର ସଭା ହେଉ । ସବୁଠି କଳେବଳେ କୌଶଳେ ପହଞ୍ଚିଯାଆନ୍ତି ଖଗେଶ୍ୱର । ନିଜର ଭଗବାନ ନବୀନଙ୍କୁ ଦେଖିବା ପାଇଁ । ଏପିରିକି ୨୦୧୯ ସାଧାରଣ ନିର୍ବାଚନରେ ଖଗେଶ୍ୱର ଯେତେବେଳେ ନବୀନଙ୍କ ପୁରା ବିଜେଡ଼ି ଡ଼୍ରେସରେ ନବୀନଙ୍କୁ ଦେଖିବା ପାଇଁ ସଭାସମିତିକୁ ଯାଆନ୍ତି ସେତେବେଳେ ସେ ପୋଲିସ ବାବୁଙ୍କ ଠାରୁ ଆରମ୍ଭ କରି କୁଜି ନେତା ପର୍ଯ୍ୟନ୍ତ ସମସ୍ତଙ୍କ ଠାରୁ ଗାଳି ଖାଆନ୍ତି । ଏମିତିକ ଦିନେ ଖୋର୍ଦ୍ଦାରେ ଅନ୍ୟ ଦଳର ସମାବେଶ ଚାଲିଥିବା ବେଳେ ଖଗେଶ୍ୱର ସେଠାରେ ପହଞ୍ଚିବାରୁ ତାକୁ ବହୁତ ମାଡ଼ ଖାଇବାକୁ ପଡ଼ିଥିଲା । ଘର ଦ୍ୱାରା କିଛିି ରାଜଧାନୀରେ ନଥିବା ସାଙ୍ଗକୁ ରୋଜଗାର ତାର ନଥିବାରୁ ସେ ବହୁତ କଷ୍ଟରେ ଜୀବନ କାଟୁଥିଲା ନିଜ ଭଗବାନ ନବୀନଙ୍କୁ ଟିକେ ଦେଖିବା ପାଇଁ ଓ ବିଜେଡ଼ିର ଜୟଗାନ କରିବା ପାଇଁ । ଗଣମାଧ୍ୟମରେ ଖଗେଶ୍ୱର କଥା ସାମ୍ନାକୁ ଆସିବା ପରେ ବିଜେଡ଼ି ନେତା ଓ ସାଧାରଣରେ ଖଗେଶ୍ୱର ପ୍ରତି ସେହ୍ନ ଓ ଭଲ ପାଇବା ବଢିଲା । ଏହାରି ଭିତରେ ଖଗେଶ୍ୱର ବହୁତ ଥର ମୁଖନ୍ନ୍୍ରୀ ନବୀନ ପଟ୍ଟନାୟକଙ୍କୁ ଭେଟି କଥା ହୋଇଛି ।

ଏପରିକି ନିକଟରେ ସେ ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ଭେଟି ବରଗଡ଼ର ଜିଲ୍ଲାରେ ନିଜ ଘରକୁ ଯିବା ପାଇଁ ଅନୁରୋଧ କରିଛି । ନବୀନ ମଧ୍ୟ ବିଜେପୁର ଉପ-ନିର୍ବାଚନ ସମୟରେ ଖଗେଶ୍ୱର ଘରକୁ ଯିବେ ବୋଲି କହିଥିବା ଖଗେଣ୍ୱର କହିଛି । ଯାହାକୁ ନେଇ ସେ ବେଶ ଉତ୍ସାହିତ । ଏବେ ନବୀନ ଦିଲ୍ଲୀରେ । ନବୀନଙ୍କ ସଙ୍ଗେ ସଙ୍ଗେ ତାଙ୍କର ସବୁଠାରୁ ବଡ଼ ଫ୍ୟାନ ଖଗେଶ୍ୱର ମଧ୍ୟ ଦିଲ୍ଲୀରେ ଏବେ । ସେଠାରେ ସେ ନବୀନ ଓ ବିଜେଡ଼ିର ଜୟଗାନ କରୁଛି । ଗୋଟେ ବ୍ୟକ୍ତି ଘର ସଂସ୍କାର ଛାଡ଼ି ନବୀନଙ୍କ ପ୍ରେମରେ ପଡ଼ି ସବୁକିଛି ଭୂଲିଯିବା ସବୁଠାରୁ ଆଚର୍ଯ୍ୟର ଘଟଣା । ଏବେ ଲୋକେ ଜାଣିଗଲେଣୀ ଯେଉଁଠି ନବୀନ , ସେଇଠି ଖଗେଶ୍ୱର ।\n\n\n\n\n