ଦୁଇ ଦୁଇଟି ସ୍ୱର୍ଣ୍ଣ ପଦକ ଓ ଅର୍ଜୁନ ଆୱାର୍ଡ ସହ ଓଡ଼ିଶା ଫେରିଲେ ସୁନା ପୁଅ ପ୍ରମୋଦ ଭଗତ। ନିକଟରେ ସ୍ୱିଜରଲାଣ୍ଡର ବାସେଲଠାରେ ଅନୁଷ୍ଠିତ ପାରା-ବ୍ୟାଡମିଣ୍ଟନ ବିଶ୍ୱ ଚାମ୍ପିଅନସିପରେ ୨ ଟି ସ୍ୱର୍ଣ୍ଣ ପଦକ ହାସଲ କରି ଇତିହାସ ରଚିଥିଲେ ପ୍ରମୋଦ। ସେ ଏକମାତ୍ର ଭାରତୀୟ ଭାବେ ବିଶ୍ୱ ପାରା ବ୍ୟାଡମିଣ୍ଟନ ଚମ୍ପିୟାନସିପରେ ଏପର୍ଯ୍ୟନ୍ତ ତିନୋଟି ସ୍ଵର୍ଣ ପଦକ ପାଇ ସାରିଛନ୍ତି। ଆକର୍ଷଣୀୟ ପ୍ରଦର୍ଶନ ପାଇଁ ତାଙ୍କୁ ଚଳିତ ବର୍ଷ ଅର୍ଜୁନ ପୁରସ୍କାର ପ୍ରଦାନ କରାଯାଇଛି। ରାଜ୍ୟର ପ୍ରଥମ ପାରା-କ୍ରୀଡ଼ାବିତ ଭାବେ ପ୍ରମୋଦ ଭଗତ ଅର୍ଜୁନ ପୁରସ୍କାର ପାଇଛନ୍ତି।ପୁରସ୍କାର ସ୍ୱରୂପ ୫ ଲକ୍ଷ ଟଙ୍କା, ଏକ ମାନପତ୍ର ଓ ଫଳକ ପ୍ରମୋଦଙ୍କୁ ପ୍ରଦାନ କରାଯାଇଛି ।ପାରା ବ୍ୟାଡମିଣ୍ଟନ ଖେଳାଳି ପ୍ରମୋଦ ଭଗତ ଭୁବନେଶ୍ୱର ବିଜୁ ପଟ୍ଟନାୟକ ବିମାନ ବନ୍ଦରରେ ପହଞ୍ଚିବା ପରେ ତାଙ୍କୁ ବିପୁଳ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି…

ପିଲାଙ୍କ ଜିଦ ପାଖରେ ସବୁ କିଛି ତୁଚ୍ଛ । ବାପା ମାଆ, ମାମୁଁ, ଠାରୁ ଆରମ୍ଭ କରି ଗୁୁରୁଜନ ସମସ୍ତେ ପିଲାଙ୍କ ଜିଦକୁ ମାନି ନିଅନ୍ତି । ଇଚ୍ଚା ନଥିଲେ ବି ପିଲାଙ୍କ ଜିଦ ପାଇଁ ବହୁତ କାମ କରିବାକୁ ପଡ଼େ । ଆଉ ଆଜି ଯୁଗରେ ତ ଜନ୍ମରୁ ପିଲାମାନେ ଏତେ ବୃଦ୍ଧିମାନ ଯେ ସେମାନଙ୍କୁ ଠକିବା ବଡ଼ ମୁସକିଲ । ତେବେ ରାଜଧାନୀ ଦିଲ୍ଲୀରୁ ଏପରି ଏକ ଖବର ଆସିଛି ଯାହା ଶୁଣିଲେ ଆପଣ ଆଚର୍ଯ୍ୟ ହୋଇଯିବେ । ଗୋଟ ଛୋଟ ଶିଶୁର ଜିଦ ପାଇଁ ଡ଼ାକ୍ତର ବାଧ୍ୟହୋଇ ଗୋଟେ କଣ୍ଢେଇ ର ଅସ୍ତ୍ରୋପଚାର କରାଯାଇଛି । ଏହି ଖବର ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଘଟଣାଟି ଥିଲ ଏପରି । ପରିବାର ଲୋକଙ୍କ ଅସାବଧାନତାରୁ ଅଘଟଣ ଘଟିଲା ! ଶିଶୁଟିର ଦୁଇ ଗୋଡ ଭାଙ୍ଗି ଯାଇଥିଲା ! ଶିଶୁର ବୟସ ଦେଢ଼ କି ଦୁଇ ବର୍ଷ ହେବ ! ଅସ୍ତ୍ରୋପଚାର ଲାଗି ପରିବାର ଲୋକ ଲୋକନାୟକ ହସ୍ପିଟାଲରେ ଭର୍ତ୍ତି କଲେ ! କିନ୍ତୁ ଶିଶୁର ଗୋଟିଏ ଜିଦି କି ପ୍ରଥମେ ତା ଗୁଡ଼ିଆ (କଣ୍ଢେଇ)ର ଅସ୍ତ୍ରୋପଚାର ହେବ ତାପରେ ତାର ! ଡାକ୍ତର ତା କଥା ମାନିଲେ ! ପ୍ରଥମେ କଣ୍ଢେଇର ପରେ ଶିଶୁର ପ୍ଳାଷ୍ଟର ହେଲା !

ବ୍ୟାସନଗର  : ସ୍ଥାନୀୟ ପୌରାଞ୍ଚଳରେ ଗତ କିଛିଦିନ ହେବ ଚାଲିଛି  ବିଦ୍ଯୁତ ଖୁଣ୍ଟ ଓ କେବୁଲ୍ ର ନବକଳେବର । ଆଇ.ପି.ଡି.ଏସ୍ ଯୋଜନା ମାଧ୍ୟମରେ ଏହି ଆଧୁନିକୀକରଣ କରାଯାଉଛି । ଏହି କାର୍ଯ୍ୟାଦେଶ କଲିକତାର ଏକ ସଂସ୍ଥା (ଲେଜର୍ ପାବାର୍) କୁ ଦିଆଯାଇଛି ।କିନ୍ତୁ ସେହି ସଂସ୍ଥା ନିଜର ଶ୍ରମିକଙ୍କୁ କାମରେ ନିୟୋଜିତ ନକରି , ସ୍ଥାନୀୟ ଅଞ୍ଚଳର କିଛି ଯୁବକଙ୍କୁ ଉକ୍ତ କାମକୁ ପେଟି ଦେଇଦେଇଛି । ଫଳରେ ଦିପଇସା ଲାଭ ପାଇଁ କୁଶଳୀ କର୍ମଚାରୀ ପରିବର୍ତ୍ତେ ସ୍ଥାନୀୟ ଅର୍ଦ୍ଧ କୁଶଳୀ ଶ୍ରମିକଙ୍କୁ ନିୟୋଜିତ କରାଯାଉଛି ।ଏଠାରେ ଉଲ୍ଲେଖ କରାଯାଇପାରେ କି ସେମାନଙ୍କୁ ସୁରକ୍ଷା ସାମଗ୍ରୀ ମଧ୍ୟ ଦିଆଯାଉନାହିଁ ।ନିୟୋଜିତ ଶ୍ରମିକ ମାନେ ବିନା ସେଡିରେ ବିଦ୍ଯୁତ ଖୁଣ୍ଟକୁ ଚଢି ବିଦ୍ଯୁତ ସଂଯୋଗ ଓ ରାସ୍ତା ଆଲୁଅ ସଂଯୋଗ କରୁଥିବା ନଜରକୁ ଆସୁଛି ।ଏ ନେଇ ବିଦ୍ଯୁତ ବିଭାଗ କିମ୍ବା ପ୍ରଶାସନ କହାରି ନିଘା ନାହିଁ ।ଏପରି ପରିସ୍ଥିତି ଶ୍ରମିକ ମାନେ କାମ କରିବା ଏକ ଆଲୋଚନାର ବିଷୟ ହୋଇଛି । ଶ୍ରମିକ ମାନଙ୍କ ଜୀବନ ପ୍ରତି ବିପଦ ଥିବା ଜାଣି ମଧ୍ୟ ସଂପୃକ୍ତ ସଂସ୍ଥା ନୀରବ ରହିବା ସାଧାରଣରେ ଅସନ୍ତୋଷ ପ୍ରକାଶ ପାଇଛି ।ଏଥିପ୍ରତି ଧ୍ଯାନ ଦେବାପାଇଁ ଉଭୟ ବିଦ୍ଯୁତ ବିଭାଗ ଓ ପ୍ରଶାସନକୁ ନିବେଦନ କରାଯାଇଛି ।

ଉଚ୍ଚଶିକ୍ଷାରେ କିପରି ସଂସ୍କାର ଅଣାଯିବ ସେନେଇ ଦିନରତି କାମ କରୁଛନ୍ତି ମନ୍ତ୍ରରୀ ଅରୁଣ ସାହୁ । ବାରମ୍ବାର ବିଭିନ୍ନ କଲେଜ ଓ ବିଶ୍ୱବିଦ୍ୟାଳୟକୁ ଗସ୍ତ କରି ଛାତ୍ରଛାତ୍ରୀ ଓ ଅଧ୍ୟାପକଙ୍କ ସହ ଆଲୋଚନା କରୁଛନ୍ତି ଅରୁଣ । ଯାହା ଫଳରେ ବହୁ ମୂଲ୍ୟବାନ ମତମତ ଆସୁଛି । ଆଉ ଏହି ମତାମତକୁ କାର୍ଯ୍ୟକାରୀ କରିବା ପାଇଁ ମନ୍ତ୍ରୀ ଅଣ୍ଟା ଭିଡ଼ିଛନ୍ତି । ଗୋଟିଏ ସିଲାବସ, ଖାତାଦେଖା ଫ୍ରିସ ବୃଦ୍ଧି, ଅଧ୍ୟାପକଙ୍କ ଦରମା ବୃଦ୍ଧି, ୭ଘଣ୍ଟା ପାଠପଢାଥଇବାକୁ ବାଧ୍ୟ, କଲେଜ ନିର୍ବାଚନ ବନ୍ଦ ଆଦି ବହୁ ପଦକ୍ଷପ ନେଲେଣୀ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ । ଆଉ ଏବେ ପରୀକ୍ଷାଗୁଡ଼ିକୁ ନିର୍ଦ୍ଧାରିତ ସମୟ ମଧ୍ୟରେ କରାଇବା ଓ ପରୀକ୍ଷା ଫଳ ଠିକ୍ ସମୟରେ ବାହାର ଉପରେ ସର୍ବାଧିକ ଗୁରୁତ୍ୱ ଦିଆଯାଉଛି ବୋଲି କୃଷି ଓ କୃଷକ ସଶକ୍ତିକରଣ, ମତ୍ସ୍ୟ ଓ ପ୍ରାଣୀସଂପଦ ବିକାଶ, ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ କହିଛନ୍ତି ।
ଏଥି ନିମନ୍ତେ ଅଧିକ ସଂଖ୍ୟକ ପରୀକ୍ଷା ଖାତା ମୂଲ୍ୟାୟନ କେନ୍ଦ୍ର ଖୋଲିବା ପାଇଁ ମନ୍ତ୍ରୀ ଡ. ସାହୁ ପରାମର୍ଶ ଦେଇଛନ୍ତି ।ଆଜି ପୂର୍ବାହ୍ନରେ ଉଚ୍ଚଶିକ୍ଷା ମନ୍ତ୍ରୀ ଡ. ସାହୁଙ୍କ ଅଧ୍ୟକ୍ଷତାରେ ସମସ୍ତ ବିଶ୍ୱବିଦ୍ୟାଳୟର ପରୀକ୍ଷା ନିୟନ୍ତ୍ରକ, କୁଳସଚିବ ଏବଂ ବିତ୍ତ ନିୟନ୍ତ୍ରକଙ୍କ ବୈଠକ ଅନୁଷ୍ଠିତ ହୋଇ ଠିକ୍ ସମୟରେ ପରୀକ୍ଷା ଯେପରି ଶେଷ ହେବ ଓ ପରୀକ୍ଷା ଫଳ ଧାର‌୍ୟ୍ୟ ସମୟରେ ବାହାରିବ ସେଥି ନିମନ୍ତେ ଆଲୋଚନା ହୋଇଥିଲା । ଏଥି ନିମନ୍ତେ ମହାବିଦ୍ୟାଳୟ ତରଫରୁ ଠିକ୍ ସମୟରେ ଆଡ୍ମିସନ୍ ଏବଂ କୋର୍ସ ସାରିବାକୁ ବୈଠକରେ ଗୁରୁତ୍ୱ ଦିଆଯାଇଥିଲା । ପରୀକ୍ଷା ଖାତା ମୂଲ୍ୟାୟନ ନିମନ୍ତେ ଅଧିକ ସଂଖ୍ୟକ ମୂଲ୍ୟାୟନ କେନ୍ଦ୍ର ଖୋଲାଯିବ ଏବଂ ମୂଲ୍ୟାୟନକାରୀ ଅଧ୍ୟାପକମାନଙ୍କୁ ଦିଆଯାଉଥିବା ଅର୍ଥରାଶିକୁ ବୃଦ୍ଧି କରାଯିବା ପାଇଁ ବୈଠକରେ ସ୍ଥିର କରାଯାଇଥିଲା ।ଏହା ସହ ପ୍ରଶ୍ନ ପ୍ରସ୍ତୁତକାରୀ ଅଧ୍ୟାପକମାନଙ୍କୁ ଦିଆଯାଉଥିବା ଅର୍ଥ ମଧ୍ୟ ବୃଦ୍ଧି କରାଯିବା ପାଇଁ ବୈଠକରେ ନିଷ୍ପତ୍ତି ନିଆଯାଇଥିଲା ।

ପ୍ରତି ୧୨ରୁ ୧୫ଟି ମହାବିଦ୍ୟାଳୟକୁ ନେଇ ଗୋଟିଏ ମୂଲ୍ୟାୟନ କେନ୍ଦ୍ର କରାଯିବ । ଏଥି ସହିତ ପ୍ରଶ୍ନ ପତ୍ର ସେଟ୍ ମଧ୍ୟ ବୃଦ୍ଧି କରାଯିବ ବୋଲି ସ୍ଥିର କରାଯାଇଥିଲା । ସଂଶୋଧିତ ସିଲାବସ୍ ଏବଂ ପ୍ରଶ୍ନପତ୍ର ପରିବର୍ତ୍ତନ ସଂପର୍କରେ ବିଶ୍ୱବିଦ୍ୟାଳୟଗୁଡ଼ିକ ମହାବିଦ୍ୟାଳୟଗୁଡ଼ିକୁ ଅବଗତ କରାଇବା ପାଇଁ ବୈଠକରେ ଗୁରୁତ୍ୱାରୋପ କରାଯାଇଥିଲା । ଏତଦ୍ବ୍ୟତୀତ ବିଇଡି ପରୀକ୍ଷାଗୁଡ଼ିକୁ ନିର୍ଦ୍ଧାରିତ ସମୟ ମଧ୍ୟରେ ଶେଷ କରି ପରୀକ୍ଷା ଫଳ ବାହାର କରିବା ପାଇଁ କୁହାଯାଇଥିଲା ।ବିଶ୍ୱବିଦ୍ୟାଳୟଗୁଡ଼ିକ ନିକଟରେ ବର୍ଷ ବର୍ଷ ଧରି ଖର୍ଚ୍ଚ ନହୋଇ କେଉଁଠି କେତେ ଅର୍ଥ ରହିଛି ସେ ବିଷୟରେ ୧୫ ଦିନ ମଧ୍ୟରେ ରିପୋର୍ଟ ଦେବା ପାଇଁ ନିର୍ଦ୍ଦେଶ ଦିଆଯାଇଥିଲା । ଏହି ଅର୍ଥର ଉପଯୁକ୍ତ ବିନିଯୋଗ କରିବାକୁ ମଧ୍ୟ କୁହାଯାଇଥିଲା ।
ବିଶ୍ୱବିଦ୍ୟାଳୟର ନିୟମିତ ଅଡିଟ୍ କରିବା ଏବଂ ଅଡିଟ୍ ପାରାର ଅନୁପାଳନ ଉପରେ ବୈଠକରେ ଗୁରୁତ୍ୱ ଦିଆଯାଇଥିଲା । ବିଶ୍ୱବିଦ୍ୟାଳୟ ଏବଂ ମହାବିଦ୍ୟାଳୟଗୁଡ଼ିକର ଜମିଜମା ସଂକ୍ରାନ୍ତରେ ଆଲୋଚନା ହେବା ସହ ଭିତ୍ତିଭୂମି ନିର୍ମାଣ ପାଇଁ ଜମିର ସଠିକ୍ ଉପଯୋଗ ଓ ବହୁତଳ ପ୍ରସାଦ ନିର୍ମାଣ ଉପରେ ମତ ପ୍ରକାଶ ପାଇଥିଲା । ବୈଠକରେ ଉଚ୍ଚଶିକ୍ଷା ବିଭାଗର କମିଶନର ତଥା ଶାସନ ସଚିବ ଶାଶ୍ୱତ ମିଶ୍ର, ଉଚ୍ଚ ଶିକ୍ଷା ପରିଷଦର ଉପାଧ୍ୟକ୍ଷ ପ୍ରଫେସର ଅଶୋକ କୁମାର ଦାସ, ରାଜ୍ୟ ପ୍ରକଳ୍ପ ନିର୍ଦ୍ଦେଶକ (ବିଶ୍ୱବ୍ୟାଙ୍କ) ପରମେଶ୍ୱରନ୍ ବି.ଙ୍କ ସମେତ ବିଭାଗୀୟ ସମସ୍ତ ଆଞ୍ଚଳିକ ନିର୍ଦ୍ଦେଶକ ଉପସ୍ଥିତ ଥିଲେ ।