ବିଜେଡିର ପରିବର୍ଦ୍ଧିତ କାର୍ଯ୍ୟକାରିଣୀ ଚାଲିଛି। ସଦସ୍ୟ ସଂଗ୍ରହ କୁ ଅଧିକ ରୁ ଅଧିକ କରିବା ଦିଗରେ ଗୁରୁତ୍ୱ। ବର୍ତମାନ 47ଲକ୍ଷ ସଦସ୍ୟଙ୍କୁ ଦୁଇଗୁଣ କରାଯିବ। ପୂର୍ବରୁ ସଦସ୍ୟତା ସଂଗ୍ରହ ଅଭିଯାନ ପାଇଁ ଦଳୀୟ ସଭାପତି ନବୀନ ପଟ୍ଟନାୟକ କମିଟି କରିଛନ୍ତି। ଏଥିରେ ପ୍ରସନ୍ନ ଆଚାର୍ଯ୍ୟ, ଦେବୀ ମିଶ୍ର, ପ୍ରମିଳା ମାଲିକ, ସଞ୍ଜୟ ଦାସବର୍ମା, ପ୍ରତାପ ଦେବ, ପ୍ରଦୀପ ପାଣିଗ୍ରାହୀ ଓ ପ୍ରଣବ ପ୍ରକାଶ ଦାସ ସଦସ୍ୟ ଅଛନ୍ତି। ଏହି କମିଟି ଦଳୀୟ ଏଜେଣ୍ଡା, ବିକାଶ ଯୋଜନା ଓ କାର୍ଯ୍ୟକାରିତା ନେଇ ଲୋକଙ୍କ ପାଖକୁ ଯିବ। ଗତ କିଛି ଦିନ ହେବ ମୁଖ୍ୟମନ୍ତ୍ରୀ 5ଟି ଓ ମୋ ସରକାର ପରି କାର୍ଯ୍ୟକ୍ରମ କରି ଲୋକଙ୍କ ପାଖରେ ପହଞ୍ଚିଛନ୍ତି। ଆଗକୁ ପୌର ନିର୍ବାଚନ ଥିବାରୁ, ସଦସ୍ୟ ସଂଗ୍ରହ କମିଟିର ଦାୟିତ୍ୱ ଅଧିକ ବଢିବ। ସେହିପରି ବିଜେପୁର ଉପନିର୍ବାଚନ ଥିବାରୁ ସଦସ୍ୟ ସଂଗ୍ରହ ବିଶେଷ ଭୂମିକା ନେବ।

କଳିଙ୍ଗନଗର  : କଳିଙ୍ଗନଗର ବିଭିନ୍ନ ସମୟରେ ବିଭିନ୍ନ ସମୟରେ  ଚର୍ଚ୍ଚାରେ ରହି ଆସିଛି ।କେତେବେଳେ ଖଣିକୁ ନେଇ ତ କେକେତେବେଳେ ଶିଳ୍ପ ସଂସ୍ଥାକୁ ନେଇ । ଏହି ପରିପ୍ରେକ୍ଷୀରେ ଏଠାରେ ଆଉ ଏକ ଅଧ୍ଯାୟ ଜୋଡି ହୋଇଯାଇଛି । ଜିଲ୍ଲା ଖଣିଜ ପାଣ୍ଠି ସାହାଯ୍ୟରେ ଗୋବରଘାଟି ସ୍ଥିତ ନୀଳାଚଳ ପୁନର୍ବସତି କଲୋନୀର ଏକ କଂକ୍ରିଟ୍ ରାସ୍ତା ନିର୍ମାଣ କରାଯାଇଥିଲା ।ପ୍ରାୟ ତିନି କି.ମି.ରାସ୍ତା ପାଇଁ ଖର୍ଚ୍ଚ ହୋଇଥିଲା ପାଖାପାଖି ୩କୋଟି ।ଗତ ଏପ୍ରିଲ ମାସରୁ ଆରମ୍ଭ ହୋଇଥିବା କାର୍ଯ୍ୟ ଏପର୍ଯ୍ଯନ୍ତ ସରି ନଥିବା ବଳେ ବାଲି ବୋଝେଇ କରି ନେଉଥିବା ଠିକାଦାର ସଂସ୍ଥାର ଡମ୍ଫର ମଝି ରାସ୍ତାରେ ଦବିଯାଇଥିଲା ।ଘଟିଥିବା ଘଟଣାରୁ ରାସ୍ତାର ମାନ ନିଶ୍ଚିତ ରୂପେ ଅନୁମେୟ ।ସରକାର ପିସି କାରବାରକୁ ନିଯନ୍ତ୍ରଣ କରିବାକୁ ଆଦେଶ ଦେଇଥିଲେ ମଧ୍ୟ ଏହା କିପରି ପାଳନ କରାଯାଉଛି ତାହା ସ୍ପଷ୍ଟ ରୂପେ ଦୃଶ୍ୟମାନ ।ଏହି ଘଟଣାକୁ ନେଇ ବିଭିନ୍ନ ମହଲରେ ଚର୍ଚ୍ଚା ଜୋର ଧରିଛି ।ଏହାକୁ ନେଇ କଲୋନୀରେ ରହୁଥିବା ବାସିନ୍ଦା ବିକ୍ଷୋଭ ପ୍ରଦର୍ଶନ କରିଥିଲେ । ଯଥାଶୀଘ୍ର ଏହାର ତଦନ୍ତ କରି ସଂପୃକ୍ତ ଠିକାଦାର ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଦାବି କରିଛନ୍ତି କଲୋନୀବାସୀ ।

କୋରାପୁଟ  : ସୁନାବେଡା ର ପ୍ରାଣବିନ୍ଦୁ ସାଜିଥିବା ସେମିଳିଗୁଡାରେ ଦିନକୁ ଦିନ ଟ୍ରାଫିକ ସମସ୍ୟା ଜଟିଳ ହେବାକୁ ବସିଲାଣି ।ଯାନବାହନ ସାଙ୍ଗକୁ ବ୍ଯବସାୟ ପ୍ରତିଷ୍ଠାନ ମାନ ବଢିବାରେ ଲାଗିଛି । ଯେଉଁ କାରଣରୁ ରାଜରାସ୍ତାରେ ଯାତାୟାତରେ ବାଧା ସୃଷ୍ଟି ହେଉଅଛି । ସେହିପରି ବିଭିନ୍ନ ସୋପିଂ ମଲ୍ ମାନଙ୍କରେ ଗ୍ରାହକଙ୍କ ନିମନ୍ତେ ଯାନବାହନ ପାର୍କିଂ ର ସୁବିଧା ନଥିବାରୁ ଗ୍ରାହକ ମାନେ ରାଜରାସ୍ତାରେ ନିଜ ନିଜ ଯାନବାହନ ଗୁଡିକ ରଖୁଥିବା ପରିଲକ୍ଷିତ ହୋଇଛି ।ନିୟମ ଅନୁଯାୟୀ ବଡ ବଡ ସୋପିଂ ମଲ୍ ରେ ଗାଡି ପାର୍କିଂ ର ସୁବିଧା ରହବା ଜରୁରୀ ।କିନ୍ତୁ ପ୍ରଶାସନ ଅବହେଳା ହେଉ ବା ମଲ୍ ମାଲିକଙ୍କ ଫନ୍ଦିଫିକର , ସେଥିପାଇଁ ସାଧାରଣ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।ଏପରିକି ନିକଟରେ ନୁଆ କରି ଖୋଲିଥିବା ଏକ ଜାତୀୟ ସ୍ତରର ସୋପିଂ ମଲ୍ ପାଇଁ ସାଧାରଣ ଜନତାଙ୍କୁ ଦୀର୍ଘ ସମୟ ଧରି ଟ୍ରାଫିକ ସମସ୍ୟାର ସାମନା କରିବାକୁ ପଡୁଛି ।ଏପରିକି ସମୟ ସମୟରେ ରୋଗୀକୁ ନେଇ ଯାଉଥିବା ଆମ୍ବ୍ଯୁଲାନ୍ସକୁ  ମଧ୍ୟ ଏହି ସମସ୍ଯାର ସମ୍ମୁଖିନ ହେବାକୁ ପଡୁଛି ।ଆଗାମୀ ଦିନରେ ଏହି ସମସ୍ଯାର ସମାଧାନ ପାଇଁ ବିଭିନ୍ନ ମହଲରେ ଚର୍ଚ୍ଚା ଜୋର ଧରିଛି ।ପ୍ରଶାସନ ଏଦିଗରେ ଯଥାଶୀଘ୍ର ପଦକ୍ଷେପ ନେବା ପାଇଁ ସାଧାରଣରେ ନିବେଦନ କରିଛନ୍ତି ।

ଭୁୁଵନେଶୁର : ଆସନ୍ତାକାଲି ଗଣେଶ ପୂଜା । ଏଥିପାଇଁ ଉତ୍ସବମୁଖର ଗାଁଠୁ ସହର । ସବୁଠି ବିଘ୍ନ ବିନାଶକଙ୍କ ପୂଜା ପାଇଁ ମଣ୍ଡପ ଠାରୁ ଆରମ୍ଭ କରି ଶିକ୍ଷାନୁଷ୍ଠାନ ଗୁଡିକରେ ଶେଷ ପର୍ଯ୍ୟାୟରେ ପ୍ରସ୍ତୁତି କାର୍ଯ୍ୟ । ସୁନ୍ଦର ମୂର୍ତ୍ତି ସାଙ୍ଗକୁ ତୋରଣରେ ଝଲସିବ ସାରା ପରିବେଶ । ରାଜ୍ୟର ବିଭିନ୍ନ ସ୍ଥାନରେ ଗଣେଶ ପୂଜା ପାଇଁ ତତ୍ପରତା ପ୍ରକାଶ ପାଇଥିବା ବେଳେ ବିଶେଷ କରି ଖୋର୍ଦ୍ଧା ଜିଲ୍ଲାର ବାଣିଜ୍ୟ ସହର କୁହାଯାଉଥିବା ଜଟଣୀ ସହରରେ ପ୍ରତିବର୍ଷ ଭଳି ୧୦୦ରୁ ଅଧିକ ଗଣେଶ ମୂର୍ତ୍ତି ସାଙ୍ଗକୁ ସୁଉଚ୍ଚ ତୋରଣ ଓ ରଙ୍ଗବେରଙ୍ଗର ଆଲୋକ ମାଳାରେ ଝଲସି ଉଠିବ ସହର । ସେହିପରି ତାଳଚେର ଓ ଭଦ୍ରକ ସହରରେ ମଧ୍ୟ ବେଶ ଧୁମଧାମରେ ଗଣେଶ ପୂଜା କରାଯିବ ବୋଲି ପୂଜା କମିଟି ପକ୍ଷରୁ କୁହାଯାଇଛି ।

ପୁରୀ : ପୁରୀରେ ଜୋରଦାର ଚାଲିଛି ଉଚ୍ଛେଦ ପ୍ରକ୍ରୀୟା । ମଠ,ଘର,ଦୋକାନ ଘର ଭାଙ୍ଗୁଛି । ଯାହା ଘର ଉଚ୍ଛେଦ ହେଉଛି ସେ ଦୁଃଖରେ ନେହୁରା ହେଉଛି ଗଣମାଧ୍ୟମରେ ମତେ ଥଇଥାନ କରାଯାଉ । ଘର ଭାଙ୍ଗୁଥିବା ବ୍ୟବସାୟୀର ଯେଭଳି ତେଲ ଲୁଣର ସଂସାର ବି ଭାଙ୍ଗୀଯାଇଛି । ହେଲେ ତାର ଏହି ଦୁଃଖ ସମୟରେ ୨୦୧୯ ସାଧାରଣ ନିର୍ବାଚନରେ ଯେଉ ନେତାମାନେ ତାହା ପାଖକୁ ୧୦ଥର ଯାଇଥିଲେ ଖଣ୍ଡେ ଭୋଟ ପାଇଁ ଆଜି ସେମାନଙ୍କର ଦେଖାନାହିଁ । ସତେ ଯେମିତିି ଭୋଟ ସରିଲା ପରେ ଏହି ବ୍ୟବସାୟୀ ସହ ନେତାର ସର୍ମ୍ପକ ତୁଟି ଯାଇଛି । ପୁଣି ପାଂଚବର୍ଷ ପରେ ସେହି ସର୍ମ୍ପକ ଯୋଡ଼ିହେବ । ସେ ନିର୍ବାଚିତ ନେତା ହୁଅନ୍ତୁ କି ପରାଜିତ ନେତା । କେହି ବି ଦୁଃଖ ସମୟରେ ଲୋକଙ୍କ ପାଖରେ ଛିଡ଼ାହେବାକୁ ପସନ୍ଦ କରିନାହାନ୍ତି । ବିଚାର ଭୋଟର ଭଲଭାବେ ବୁଝିଯାଇଥିବ ଯେ ନେତା କେବଳ ଭୋଟ ପାଇଁ ଆସନ୍ତି ।

୨୦୧୯ ସାଧାରଣ ନିର୍ବାଚନରେ ପୁରୀ ସଂସଦୀୟ କ୍ଷେତ୍ର ସବୁଠରୁ ଫୋକସରେ ଥିଲା । ରାଜ୍ୟର ୩ ପ୍ରମୁଖ ଦଳ ବହୁ ଚର୍ଚ୍ଚିତ ନେତାଙ୍କୁ ପୁରୀ ସାଂସଦ ପ୍ରାର୍ଥୀ କରିଥିଲା । ସେମାନେ ହେଲେ ବିଜେଡ଼ିର ବରିଷ୍ଠ ନେତା ତଥା ସୁପ୍ରିମକୋର୍ଟ ଓକିଲ ପିନାକୀ ମିଶ୍ର ଯେ କିଏ ଏବେ ସାଂସଦ ,କଂଗ୍ରେସ ବରିଷ୍ଠ ସାମ୍ବାଦିକ ସତ୍ୟ ପ୍ରକାଶ ନାୟଙ୍କୁ ପ୍ରାର୍ଥୀ କରିଥିଲା ଓ ବିଜେପି ଜାତୀୟ ମୁଖପାତ୍ର ଓ ଜାତୀୟ ଗଣମାଧ୍ୟମରେ ସବୁଠାରୁ ଚଚ୍ଚିତ ଚେହେରା ସମ୍ବିତ ପାତ୍ରଙ୍କୁ ଦଳୀୟ ପ୍ରାର୍ଥୀ କରିଥିଲା ।

ନିର୍ବାଚନ ସମୟରେ ଦେଖାଦେଇଥିଲା ଯେ ଏହି ନେତାମାନେ ଦିନରାତି ଏକ କରି ଭୋଟର ଘର ବୁଲୁଥିଲେ ଓ ସୁଖ ଦୁଃଖର ସାଥି ହେଉଥିଲେ । ସେହିପରି କିଏ ପୋଖରୀ ଗାଧୋଇ ଲୋକଙ୍କ ସହ ଥିବା କଥା କରୁଥିଲା ତ କିଏ ଚାଳଘରେ ଭାତ ,ଡ଼ାଲମା ଖାଇ ନିଜର କରୁଥିଲା ଲୋକଙ୍କୁ । ଆଉ କିଏ ଲୋକଙ୍କୁ ଅସୁବିଧା ସମୟରେ ପହଞ୍ଚି ଆର୍ଥୀକ ସହଯୋଗ କରୁଥିଲା । ହେଲେ ୨୦୧୯ ନିର୍ବାଚନ ଫଳାଫଳ ଆସିବା ପରେ ନେତାଙ୍କ ସ୍ୱଭାବରେ ଆସିଛି ପରିବର୍ତ୍ତନ । ବର୍ତ୍ତମାନ ପୁରୀ ଉଚ୍ଛେଦ ପ୍ର୍ରକ୍ରୀୟା ଚାଲିଥିବା ବେଳେ ଏହି ୩ ପ୍ରମୁଖ ଚଚ୍ଚିତ ନେତାଙ୍କ ପାଦ କିନ୍ତୁ ପୁରୀ କି ଘର ଭାଙ୍ଗିଥିବା ଗରିବ ବ୍ୟବସାୟ ପାଖରେ ପଡ଼ୁନାହିଁ । ଯାହାକୁ ନେଇ ସାଧାରଣରେ ଅସନ୍ତୋଷ ଦେଖାଦେଇଛି । \

ବ୍ୟାସନଗର: ଆଜି ସ୍ୱାୟତ୍ତ ଶାସନ ଦିବସ ପାଳନ ଅବସରରେ ପୌରାଞ୍ଚଳରେ ବିଭିନ୍ନ ଯୋଜନା ର ଶିଳାନ୍ଯାଶ କାର୍ଯ୍ୟକ୍ରମ ର ଆୟୋଜନ କରାଯାଇଥିଲା ।ଏହି ଅବସରରେ ଯାଜପୁର ର ବିଧାୟକ ଶ୍ରୀଯୁକ୍ତ ପ୍ରଣବ୍ ପ୍ରକାଶ ଦାସ୍ ଙ୍କୁ ନିମନ୍ତ୍ରଣ କରାଯାଇଥିଲା ।କିନ୍ତୁ କୌଣସି କାରଣ ବଶତଃ କାର୍ଯ୍ୟକ୍ରମରେ ସାମିଲ ହୋଇପାରି ନଥିଲେ ।ହେଭିୱେଟ୍ ନେତା ଭାବେ ସାରା ଓଡ଼ିଶାରେ ପରିଚିତ ନେତାଙ୍କୁ ସ୍ବାଗତ କରିବା ପାଇଁ ପୌରପରିଷଦ ଓ ସ୍ଥାନୀୟ ଅଞ୍ଚଳର କିଛି ଯୁବକ ପାରମ୍ପରିକ ବାଦ୍ୟ ସହ ଡିଜେ ଓ ବାଣର ବ୍ଯବସ୍ଥା କରଥିଲେ ।ବବି ବାବୁ ନ ଆସିବା ଖବରରେ ଉତ୍ସାହିତ ଥିବା ବବି ପ୍ରେମିଙ୍କ ମଧ୍ୟରେ ନୈରାଶ୍ଯ ଭାବେ ପରିଲକ୍ଷିତ ହୋଇଥିଲା । କିନ୍ତୁ କୋରାଇ ବିଧାୟକ ଶ୍ରୀଯୁକ୍ତ ଅଶୋକ କୁମାର ବଳଙ୍କ ସମର୍ଥକ ତଥା ଅଶୋକ ପ୍ରେମିଙ୍କ ଉତ୍ସାହ ଅଧିକ ପରିଲକ୍ଷିତ ହୋଇଥିଲା ।କାର୍ଯ୍ୟକ୍ରମରେ ଉପସ୍ଥିତ ଜନସାଧାରଣଙ୍କ ମଧ୍ୟରେ ଟୁପୁରୁ ଟାପର ଶୁଣିବାକୁ ମିଳିଥିଲା , ଡାଳୁଅ ପାଇଁ କାନସିରି ପାଇଲା ପାଣି । କାରଣ ଯେଉଁ ଭବ୍ଯ ସ୍ବାଗତ ଆୟୋଜନ କରାଯାଇଥିଲା ତାହା କେବଳ ହେଭି ୱେଟ୍ ବବିଙ୍କୁ ଖୁସି କରିବାଲାଗି ବୋଲି ବିଭିନ୍ନ ମହଲରେ ଚର୍ଚ୍ଚା ଜୋର ଧରିଛି ।