ବ୍ୟାସନଗର : ଗୁରୁଦିବସ ପୂର୍ବରୁ ରୋଟାରୀ କ୍ଲବ୍ ଅଫ୍ ଯାଜପୁର ରୋଡ ଦ୍ବାରା ଶିକ୍ଷକ ଓ ଶିକ୍ଷତ୍ରୀଙ୍କୁ ସମ୍ମାନିତ କରାଯାଇଥିଲା ।ସ୍ଥାନୀୟ ଟାଉନ୍ ହଲ୍ ପରିସରରେ ଥିବା ବ୍ୟାସନଗର ପ୍ରେସ୍ ଫୋରମ୍ ର ସଭାଗୃହରେ ଏକ ବର୍ଣ୍ଣାଢ୍ଯ କାର୍ଯ୍ୟକ୍ରମର ଆୟୋଜନ କରାଯାଇଥିଲା ।ରୋଟାରୀ କ୍ଲବ୍ ର ସଭାପତି ଅଭୟ ପତିଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କୋରାଇ ବ୍ଲକ ଏ.ବି.ଇ.ଓ. ଶ୍ରୀଯୁକ୍ତ ଅକ୍ଷୟ କୁମାର ଧଳ ମୂଖ୍ୟ ଅତିଥି ଭାବେ ଯୋଗଦେଇଥିଲେ ଶିକ୍ଷକ ଶିକ୍ଷତ୍ରୀ ମାନଙ୍କୁ ସମାଜର ମେରୁଦଣ୍ଡ ବୋଲି ଯୁକ୍ତି ଉପସ୍ଥାପନ କରିଥିଲେ ।ଶିକ୍ଷା ବିନା ଏକ ସୁସ୍ଥ ସମାଜ ଗଠନ ଅସମ୍ଭବ ବୋଲି ମତ୍ତପୋଷଣ କରିଥିଲେ । ଶିକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଶୈଳବାଳା ରାଉତ, ଅଶ୍ବିନି ମହାନ୍ତି, ବିଜୟ କୁମାର ସ୍ବାଇଁ, ସଂଯୁକ୍ତା ମହାରଣା, ଦୀପକ କୁମାର ପୃଷ୍ଟି, ପୂର୍ଣ୍ଣଚନ୍ଦ୍ର ଦାସ, ରମେଶ ଦାସ, ଲଳିତା ପତି, ଅର୍ଚ୍ଚନା ଯେନା, ପ୍ରଦୀପ କୁମାର ମହାନ୍ତି,ଯଯାତୀ କେଶରୀ ମଲ୍ଲିକଙ୍କୁ ପ୍ରଭୃତି ଶିକ୍ଷକ ଓ ଶିକ୍ଷତ୍ରୀ ମାନଙ୍କୁ ରାଷ୍ଟ୍ରଗଠନ ସମ୍ମାନରେ ସମ୍ମାନିତ କରାଯାଇଥିଲା ।ସମସ୍ତ ଶିକ୍ଷକ ଶିକ୍ଷତ୍ରୀଙ୍କୁ ଏ.ବି.ଇ.ଓ.ଙ୍କ ସମେତ ରୋଟାରୀ କ୍ଲବ୍ ର ସଭାପତି ରୋଟାରିଆନ୍ ଅଭୟ ପତି, ସମ୍ପାଦକ ରୋଟାରୀଆନ୍ ପ୍ରବିର ବିଶ୍ବାଳ,କ୍ଲବ୍ ସର୍ଭିସ୍ ରୋଟାରୀଆନ ଉଦୟନାଥ ଖଣ୍ଡାଇ, କ୍ଲବର ମେମ୍ବରସିପ୍ ଅଧ୍ଯକ୍ଷା ରୋଟାରୀଆନ ଅସ୍ମିତା ପତି ପ୍ରମୁଖ ପୂଷ୍ପ ଗୁଚ୍ଛ,ମାନପତ୍ର ସହ ଉପଢୌକନ ଓ ସ୍ମାରକୀ ପ୍ରଦାନକରିଥିଲେ ।ଏହି ସମ୍ବର୍ଦ୍ଧନା ଉତ୍ସବକୁ କୋଷାଧ୍ୟକ୍ଷ ରୋଟାରୀଆନ ଅଜୟ କୁମାର ସାହୁ ପରିଚାଳନା କରିଥିଲେ ।ଶେଷରେ କ୍ଲବ୍ ସର୍ଭିସ୍ ରୋଟାରୀଆନ ଉଦୟ ନାଥ ଖଣ୍ଡାଇ ଅତିଥିମାନଙ୍କୁ ଧନ୍ୟବାଦ ଅର୍ପଣ କରିଥିଲେ ।ଏହି ଅବସରରେ କ୍ଲବ୍ ର ଆଷୁତୋଶ ମିଶ୍ର,ଚିତ୍ତରଞ୍ଜନ ବୋଇତାଇ,କଳ୍ପତରୁ ସାହୁ,ଅଭିଳାଷ ବୋଇତାଇ,ବିରେଶ୍ବର ପତି,ଦୀପକ ଦାସ ପ୍ରଭୃତି ସହାୟତା କରିଥିଲେ ।

କମ ଖର୍ଚରେ ଅଧିକ ଲକ୍ଷ୍ୟ ହାସଲ ଓ ଶ୍ରମିକ କଲ୍ୟାଣ ପରସ୍ପର ପରିପନ୍ଥୀ ନୁହନ୍ତି – ଧର୍ମେନ୍ଦ୍ର ପ୍ରଧାନ ଇସ୍ପାତ ଶିଳ୍ପରେ ଭାଗିଦାରୀ ସଂସ୍କୃତିକୁ ମଜବୁତ କରିବା ପାଇଁ ଅନେକ ସକାରାତ୍ମକ ଓ ଗଠନ ମୂଳକ ପ୍ରସଙ୍ଗରେ ଆଲୋଚନାନୂଆଦିଲ୍ଲୀ, ଭୁବନେଶ୍ୱର, ୦୩ ସେପ୍ଟେମ୍ବର – ଅଳ୍ପ ଖର୍ଚରେ ଅଧିକ ଲକ୍ଷ୍ୟ ହାସଲ ଓ ଶ୍ରମିକ କଲ୍ୟାଣ ପରସ୍ପର ପରିପନ୍ଥୀ ନୁହନ୍ତି ବରଂ ଉଭୟଙ୍କୁ ଏକା ସଙ୍ଗେ ହାସଲ କରି ହେବ ବୋଲି ଇସ୍ପାତ କ୍ଷେତ୍ରରେ କାର୍ଯ୍ୟ କରୁଥିବା ବିଭିନ୍ନ ଟ୍ରେଡ ୟୁନିୟନ ନେତୃମଣ୍ଡଳୀ ସହିତ ଆଲୋଚନା ବେଳେ କହିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହି ଆଲୋଚନାରେ ଇସ୍ପାତ ଶିଳ୍ପରେ ଭାଗିଦାରୀ ସଂସ୍କୃତିକୁ ମଜବୁତ କରିବା ପାଇଁ ଅନେକ ସକାରାତ୍ମକ ଓ ଗଠନ ମୂଳକ ପ୍ରସଙ୍ଗ ଉପରେ ଆଲୋଚନା ହୋଇଥିଲା । ଏହି ଆଲୋଚନା ସମୟରେ ଟ୍ରେଡ ୟୁନିୟନର ପ୍ରତିନିଧି ମାନେ ଶ୍ରମିକ କଲ୍ୟାଣ, ମାନବ ସମ୍ବଳର ସୁବିନିଯୋଗ, ଦକ୍ଷତା ବିକାଶ, ସୁରକ୍ଷା, ବାସଗୃହ, ସବୁ ବୟସର ଶ୍ରମିକଙ୍କ ଉପସ୍ଥିତି, ମଜୁରୀର ରିଭିଜନ ପ୍ରସଙ୍ଗରେ ଚର୍ଚା ହୋଇଥିଲା । ଉପସ୍ଥିତ ଟ୍ରେଡ ୟୁନିୟନ ପ୍ରତିନିଧି ମାନେ ମନ୍ତ୍ରୀ ଶ୍ରୀ ପ୍ରଧାନଙ୍କ ଶ୍ରମିକ ମାନଙ୍କ ନିକଟତର ହେବାକୁ ଉଦ୍ୟମକୁ ପ୍ରଶଂସା କରିଥିଲେ । ଗତ ମାସରେ ବୋକାରୋ ଷ୍ଟିଲ ପ୍ଲାଂଟ ଗସ୍ତ ସମୟରେ ମନ୍ତ୍ରୀ ଶ୍ରୀ ପ୍ରଧାନ କର୍ମଚାରୀ ମାନଙ୍କ ସହ ଆଲୋଚନା କରିଥିଲେ । ଏହି ଆଲୋଚନା ସମୟରେ କର୍ମଚାରୀ ମାନଙ୍କର ସ୍ୱାର୍ଥ ରକ୍ଷା ସହ ପ୍ରବନ୍ଧନ ଓ କର୍ମଚାରୀ ମାନଙ୍କ ମଧ୍ୟରେ ସହବନ୍ଧନ ମାଧ୍ୟମରେ ଲକ୍ଷ୍ୟ ହାସଲ ଉପରେ ଗୁରୁତ୍ୱ ଆରୋପ କରିଥିଲେ । ସ୍ଥାୟୀ ଓ ଠିକା ଉଭୟ କର୍ମଚାରୀଙ୍କୁ ଡିଜିଟାଲ ରାସ୍ତାରେ ଦେୟ ପ୍ରଦାନ କରା ଯିବା ସହ ପାରଦର୍ଶିତା ରକ୍ଷା କରିବା ଉପରେ ଶ୍ରୀ ପ୍ରଧାନ ଗୁରୁତ୍ୱ ଆରୋପ କରିଥିଲେ । ଶ୍ରୀ ପ୍ରଧାନ କହିଛନ୍ତି ଇସ୍ପାତ ଶିଳ୍ପର ଟାଉନସିପ ସମସ୍ତ ନାଗରିକଙ୍କ ସହିତ ସ୍ମାର୍ଟ ସିଟି ମାନର ହେବା ଜରୁରୀ । ସେଲ ଦ୍ୱାରା ପ୍ରଦାନ କରା ଯାଉଥିବା ସ୍ୱାସ୍ଥ୍ୟ ସେବା ସୁବିଧା ଆଗାମୀ ଦିନରେ ଚାଲୁ ରହିବା ସହ ଏହାକୁ ଆଧୁନିକୀକରଣ କରା ଯିବ ।

ବ୍ୟାସନଗର: ଆଜି ସନ୍ଧ୍ୟା ସମୟରେ ଯାଜପୁର ରୋଡର ଥାନା ଅଧିକାରୀଙ୍କ ସମେତ ଯାଜପୁର ରୋଡ ପୋଲିସ୍ଅ ସ୍ଥାନୀୟ ଜନସାଧାରଣଙ୍କୁ ଏକ ଅଭିନବ ଉପାୟରେ ସଚେତନ କରିବା ନଜରକୁ ଆସିଛି । ବ୍ୟାସନଗରର ବିଭିନ୍ନ ଛକମାନଙ୍କରେ ଜନସାଧାରଣଙ୍କୁ ମଟରସାଇକଲ ଚଳାଇବା ସମୟରେ ହେଲମେଟ୍ ପିନ୍ଧିବା,ଗାଡି ଚଳାଇବା ସମୟରେ ମୋବାଇଲ କିମ୍ୱା ଇଅରଫୋନ୍ ବ୍ଯବହାର ନକରିବାକୁ ତଥା ନିଜ ପରିଚୟ ପତ୍ର, ଗାଡି କାଗଜପତ୍ର ଇତ୍ୟାଦି ପାଖରେ ରଖିବାକୁ ପରାମର୍ଶ ଦେଇଥିଲେ ।ସେହିପରି ଚାରି ଚକିଆ ଯାନ ଚଳାଇବା ସମୟରେ ସିଟ୍ ବେଲ୍ଟ୍ ବାନ୍ଧିବା,ଅତ୍ଯଧିକ ଶବ୍ଦ ପ୍ରଦୂଷଣ ନକରିବା ଇତ୍ୟାଦି ସମ୍ପର୍କରେ ବୁଝାଇଥିଲେ ।ଏଠାରେ ଉଲ୍ଲେଖ କରାଯାଇପାରେ ସଚେତନ ଅଭାବ ହେଉ କିମ୍ୱା ବେପରୁଆ ମନୋଭାବ ଯୋଗୁଁ ପ୍ରାୟ ପ୍ରତ୍ୟେକ ଦିନ ଛୋଟ ବଡ ଅନେକ ଦୁର୍ଘଟଣା ଘଟିଥିବା ପରିଲିକ୍ଷିତ ହେଉଛି ।

ଫନି ବାତ୍ୟାଜନିତ କ୍ଷତିଗ୍ରସ୍ତ ନଡିଆ ଚାଷୀଙ୍କୁ ରିଲିଫ ପ୍ରଦାନ ଏବଂପ୍ରଧାନମନ୍ତ୍ରୀ କିଶାନ ସମ୍ମାନ ନିଧି ଯୋଜନାର ସଫଳ କାର୍ଯ୍ୟକାରିତା ପ୍ରସଙ୍ଗରେକେନ୍ଦ୍ର କୃଷି ଓ କୃଷକ କଲ୍ୟାଣ ମନ୍ତ୍ରୀଙ୍କୁ ଭେଟି ଦାବୀ ପତ୍ର ପ୍ରଦାନ କଲା ରାଜ୍ୟ ବିଜେପି ଫନି ବାତ୍ୟା କାରଣରୁ ନିଜ ନିଜ ଜୀବନ ଜୀବିକା ହରାଇ ବ୍ୟାପକ ଆର୍ଥିକ ସମସ୍ୟା ଦେଇ ଗତି କରୁଥିବା କ୍ଷତିଗ୍ରସ୍ତ ନଡିଆ ଚାଷୀଙ୍କୁ ସ୍ପେସିଆଲ ରିଲିଫ ପ୍ରଦାନ କରିବାକୁ ଦାବି ଯଥାଶୀଘ୍ର ସଠିକ ପ୍ରଧାନମନ୍ତ୍ରୀ କିଶାନ ସମ୍ମାନ ନିଧି ଯୋଜନା ତାଲିକା ପ୍ରସ୍ତୁତ କରି କେନ୍ଦ୍ର ସରକାରଙ୍କ ପାଖକୁ ପଠାଇବା ପାଇଁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେବାକୁ ଏହି ପ୍ରତିନିଧି ଦଳ କେନ୍ଦ୍ରମନ୍ତ୍ରୀଙ୍କୁ ଅନୁରୋଧ କରିଛନ୍ତି ଭୁବନେଶ୍ୱର, ତା.୦୨/୦୯: ଫନି ବାତ୍ୟା କାରଣରୁ ରାଜ୍ୟର ବ୍ୟାପକ କ୍ଷତି ହୋଇଛି । ଘଂଟା ପ୍ରତି ୨୫୦କିମିରୁ ଉର୍ଦ୍ଧ ପବନର ବେଗ ଏବଂ ପ୍ରବଳ ବର୍ଷା କାରଣରୁ ପୁରୀ ସମେତ ଉପକୂଳବର୍ତୀ ୧୩ଟି ଜିଲ୍ଲାଗୁଡିକରେ ବ୍ୟାପକ କ୍ଷତି ହୋଇଛି । ପ୍ରାଥମିକ ଆକଳନ ଅନୁଯାୟୀ ପାଖାପାଖି ୧୫ ଲକ୍ଷରୁ ଉର୍ଦ୍ଧ ନଡିଆ ଗଛ ସଂପୂର୍ଣ୍ଣ ନଷ୍ଟ ହେବା କାରଣରୁ ନଡିଆ ଚାଷ ସର୍ବାଧିକ ପ୍ରଭାବିତ ହୋଇଛି । ଫନି ବାତ୍ୟା କାରଣରୁ ନିଜ ନିଜ ଜୀବନ ଜୀବିକା ହରାଇ ବ୍ୟାପକ ଆର୍ଥିକ ସମସ୍ୟା ଦେଇ ଗତି କରୁଥିବା କ୍ଷତିଗ୍ରସ୍ତ ନଡିଆ ଚାଷୀଙ୍କୁ ସ୍ପେସିଆଲ ରିଲିଫ ପ୍ରଦାନ କରିବାକୁ ବିଜେପିର ଏକ ପ୍ରତିନିଧି ଦଳ ଆଜି କେନ୍ଦ୍ର କୃଷି ଓ କୃଷକ କଲ୍ୟାଣ ବିଭାଗ ମନ୍ତ୍ରୀ ଶ୍ରୀ ନରେନ୍ଦ୍ର ସିଂହ ତୋମାରଙ୍କୁ ଭେଟି ସ୍ମାରକ ପତ୍ର ପ୍ରଦାନ କରିଛି । ଏହା ଦ୍ୱାରା ସେମାନଙ୍କ ଜୀବନ ଓ ଜୀବିକାର ପୁନରୁ୍ଦ୍ଧାର ଶିଘ୍ର ଓ ତ୍ୱରାନ୍ୱିତ ହୋଇପାରିବ ବୋଲି ଏହି ପ୍ରତିନିଧି ଦଳ କେନ୍ଦ୍ରମନ୍ତ୍ରୀ ଶ୍ରୀ ତୋମାରଙ୍କୁ କହିଛନ୍ତି ।ରାଜ୍ୟର ଉପକୂଳବାସିନ୍ଦା ଚାଷୀକୁଳ ପାଇଁ ନଡିଆ ଚାଷ ପ୍ରମୁଖ୍ୟ ଭୁମିକା ଗ୍ରହଣ କରିବା ସହ ପ୍ରାୟ ୫ଟି ଜିଲ୍ଲାବାସୀଙ୍କ ପାଇଁ ଅତିରିକ୍ତ ରୋଜଗାର ଅଟେ । ଗୋଟିଏ ନଡିଆ ଗଛ ସଂପୂର୍ଣ୍ଣ ବା ଆଂଶିକ ଭାବେ ନଷ୍ଟ ହୋଇଗଲେ ଆଉ ଫଳପ୍ରଦ ହୋଇନଥାଏ । ସେହିପରି ଗୋଟିଏ ନୂଆ ଗଛ ଫଳ ଦେବା ପାଇଁ ପ୍ରାୟ ୪ ରୁ ୫ ବର୍ଷ ସମୟ ଲାଗିଥାଏ । ଫନି ବାତ୍ୟା ଜନିତ ନଡିଆ ଚାଷ ନଷ୍ଟ ହୋଇଥିବା କାରଣରୁ ହଜାର \nହଜାର ପରିବାରର ଆର୍ଥିକ ମେରୁଦଣ୍ଡ ଭାଙ୍ଗି ପଡିଛି । ସେହିପରି ରାଜ୍ୟରେ କତା ଶିଳ୍ପ ପାଇଁ ନଡିଆ ଚାଷ ପ୍ରମୁଖ ଭୁମିକା ଗ୍ରହଣ କରିଅଛି । ଏହି କତା ଶିଳ୍ପ କାରଣରୁ ହସ୍ତତନ୍ତ୍ର ଦ୍ରବ୍ୟ ଉତ୍ପାଦ କରୁଥିବା ଅନେକ ମହିଳା ସ୍ୱୟଂ ସହାୟିକା ଗୋଷ୍ଟୀମାନେ ପ୍ରଭାବିତ ହୋଇଥିବାର ଏହି ପ୍ରତନିଧି ଦଳ ସ୍ମାରକ ପତ୍ର ଜରିଆରେ କେନ୍ଦ୍ରମନ୍ତ୍ରୀଙ୍କୁ ଅବଗତ କରାଇଛନ୍ତି ।ବର୍ତମାନ ସୁଦ୍ଧା ରାଜ୍ୟର ପାଖାପାଖି ୩୦ ଲକ୍ଷରୁ ଉର୍ଦ୍ଧ ଚାଷୀ ପ୍ରଧାନମନ୍ତ୍ରୀ କିଶାନ ସମ୍ମାନ ନିଧି ଯୋଜନା ତାଲିକାରୁ ବାଦ୍ ପଡି ସମସ୍ତ କେନ୍ଦ୍ରୀୟ ଯୋଜନାର ସୁବିଧା ପାଇବାକୁ ବଂଚିତ ହୋଇଛନ୍ତି । ଯଥାଶୀଘ୍ର ସଠିକ ଲାଭାର୍ଥୀ ତାଲିକା ପ୍ରସ୍ତୁତ କରି କେନ୍ଦ୍ର ସରକାରଙ୍କ ପାଖକୁ ପଠାଇବା ପାଇଁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେବାକୁ ଏହି ପ୍ରତିନିଧି ଦଳ କେନ୍ଦ୍ରମନ୍ତ୍ରୀଙ୍କୁ ଅନୁରୋଧ କରିଛନ୍ତି ।ଏହି ପ୍ରତିନିଧି ଦଳରେ ରାଜ୍ୟ ଉପ ସଭାପତି ସମୀର ମହାନ୍ତି, ବରିଷ୍ଠ ନେତ୍ରୀ ସୁରମା ପାଢୀ, ରାଜ୍ୟ ସଂପାଦକ ଡ.ଯତୀନ ମହାନ୍ତି, ଡ.ଲେଖାଶ୍ରୀ ସାମନ୍ତସିଂହାର, ଦିଲୀପ ମଲ୍ଲିକ, ରାଜ୍ୟ ମୁଖପାତ୍ର ସୁଦୀପ୍ତ ରାୟ, ଗୋଲକ ମହାପାତ୍ର ଓ ଜୀବନ ସାହୁ, କୃଷକ ମୋର୍ଚ୍ଚା ରାଜ୍ୟ ସାଧାରଣ ସଂପାଦକ ସୁରଥ ବିଶ୍ୱାଳ, ମହେଶ ମହାନ୍ତି ପ୍ରମୁଖ ସାମିଲ ଥିଲେ ।

ଭୁବନେଶ୍ବର : ଭୁବନେଶ୍ବରେ ସୋନମ କପୁର। ରୟାଲ ଲାଗୁନ ପାଖରେ ଲାଲଚାନ୍ଦ ଜୁଏଲରସର ଏକ ନୂଆ ଶୋରୁମ ଖୋଲା ଯାଇଛି। ଶୋରୁମକୁ ଉଦଘାଟନ କରିଛନ୍ତି ସୋନମ କପୂର।ଏହି ଅବସରରେ ଲାଲଚାନ୍ଦର ସ୍ୱତ୍ୱଧିକାରୀ ସଞ୍ଜୟ ହଂସ ମଧ୍ୟ ଉପସ୍ଥିତ ଥିଲେ। ସୋନମଙ୍କୁ ପାଖରୁ ଦେଖି ଫ୍ୟାନଙ୍କ ମଧ୍ୟରେ ବେଶ ଉତ୍କଣ୍ଠା ଦେଖିବାକୁ ମିଳିଥିଲା।

ବ୍ୟାସନଗର :ଆଜି ସହରଠୁ ଗାଁ ଶିକ୍ଷା ଅନୁଷ୍ଠାନ ରୁ ଆରମ୍ଭ କରି ସାହି ଗଳି ସବୁଆଡେ ଚାଲିଛି ଅଗ୍ର ପୂଜ୍ଯ ଗଣେଷଙ୍କ ପୂଜା ଅର୍ଚ୍ଚନା ।ପ୍ରାୟ ସମସ୍ତ ସରକାରୀ ଓ ଘରୋଇ ଶିକ୍ଷା ଅନୁଷ୍ଠାନ ତଥା ସ୍ଥାନୀୟ ସାହି ଏବଂ ଗଳି ମାନଙ୍କରେ ଛୋଟ ବଡ ଶହେରୁ ଊର୍ଦ୍ଧ୍ବ ଅସ୍ଥାୟୀ ମଣ୍ଡପ ଦେଖିବାକୁ ମିଳିଛି ।ଏହି ମଣ୍ଡପ ଗୁଡିକରେ ଜନଗହଳି ମଧ୍ୟରେ ଏକ ଭକ୍ତି ମୟ ପରିବେଶ ସୃଷ୍ଟି ହୋଇଥିଲା ।ସଖାଳୁ ସଖାଳୁ ବିଦ୍ଯାର୍ଥୀମାନେ ସଜବାଜ ହୋଇ ହାତରେ ଫୁଲ ଓ ଭୋଗ ଧରି ଆନନ୍ଦରେ ସାଙ୍ଗସାଥିଙ୍କ ସହ ନିଜ ନିଜ ଶିକ୍ଷା ଅନୁଷ୍ଠାନକୁ ଯାଉଥିବା ପରିଲକ୍ଷିତ ହୋଇଥିଲା ।ଆଗାମୀ କାଲି ଶିକ୍ଷା ଅନୁଷ୍ଠାନଗୁଡିକ ପଶ୍ଚିମ ଓଡିଶାର ମୂଖ୍ୟ ପର୍ବ ନୂଆଖାଇ ପାଇଁ ଛୁଟି ଥିବାରୁ ବୁଧବାର ଦିନ ବିସର୍ଜନ କରାଯିବ ବୋଲି କିଛି ଅନୁଷ୍ଠାନ ପକ୍ଷରୁ ପ୍ରକାଶ କରାଯାଇଛି ।ସେହିପରି ବିଭିନ୍ନ ବଜାର ଓ ସାହି ମାନଙ୍କରେ ହେଉଥିବା ପୂଜା ଚାରି ପାଞ୍ଚ ଦିନ ପର୍ଯ୍ୟନ୍ତ ରହିବାସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ ବୋଲି ସୂଚନା ମିଳିଛି ।

ଯାଜପୁର: ଧରାପୃଷ୍ଠରେ ଅବତରଣ କରିଛନ୍ତି ସିଦ୍ଧିଦାତା ଶ୍ରୀଗଣେଷ । ଆଜି ଗଣେଶ ଚତୁଥୀ । ଗଣେଷ ଚତୁଥୀ ପାଇଁ ଉତ୍ସବ ମୁଖର ହୋଇଛି ଗାଁ ଠାରୁ ସହର । ସକାଳୁ ସକାଳୁ ବିଘ୍ନରାଜ ଶ୍ରୀ ଗଣେଷ ପୂଜା ପାଇଲେଣୀ । ବଡ଼ବଡ଼ ତୋରଣ ସାଙ୍ଗକୁ ଆକର୍ଷଣୀୟ ସାଜସଜାରେ ହୋଇଛି । ଭ୍ରାଦ୍ରବମାସ ଶୁଷ୍ମପକ୍ଷ ଚତୁର୍ଥୀ ତିଥିରେ ଗଣେଶ ପୂଜା କରାଯାଇଥାଏ । ମନ୍ଦିର, ଶିକ୍ଷାନୁଷ୍ଠାନ ଓ ବିଭିନ୍ନ କ୍ଲବରେ ଗଣେଶପୂଜା ଧୁମଧାମରେ ପାଳନ କରାଯାଏ । ମୁମ୍ବାଇ ଗଣେଶପୂଜା ଧୁମଧାମରେ ପାଳନ କରାଯାଏ । ଧୀରେ ଧୀୀରେ ଓଡ଼ିଶାରେ ବି ଗଣେଶ ପୂଜା ଧୁମଧାମରେ ପାଳନ କରାଯାଉଛି । ଯାଜପୁର ସହରରେ ବି ଗଣେଶ ପୂଜା ସ୍ୱତନ୍ତ୍ର ଭାବେ ପାଳନ କରାଯାଏ । ପ୍ରତି ଛକରେ ସିଦ୍ଦିଦାତାଙ୍କୁ ପୂଜା କରାଯାଏ । ଭାଇଚାରର ସହର ଯାଜପୁରରେ ବଡ଼ବଡ଼ ତୋରଣ ସାଙ୍ଗକୁ ଓ ସୁନ୍ଦର ଆଲୋକମାଳାରେ ଝଲସି ଉଠେ ପୁରା ସହର । ସହର କୋଟବସନ୍ତ ପୁର ପୂଜା କମିଟି ପକ୍ଷରୁ ପ୍ରତିବର୍ଷ ନିଆର ଢଙ୍ଗରେ ଗଣେଶ ପୂଜା କରଯାଇଥାଏ ।

ଉଭୟ ହିନ୍ଦୁ ଓ ମୁସଲମାନ ଭାଇଭଉଶୀମାନେ ଏକାଠି ହୋଇ ଗଣେଶ ପୂଜା କରିଥାନ୍ତି । ଧୀରେଧରେ ସହର ଗଣେଷ ପୂଜା ବୃଦ୍ଧି ପାଉଥିବା ଏହାକୁ ଶନ୍ତିଶୃଙ୍ଖଳାର ସହ ପାଳନ କରିବା ପାଇଁ ଜିଲ୍ଳା ପ୍ରଶାସନ ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ବିଶେଷକରି ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ବୁଲେଟରେ ସମସ୍ତ ପୂୁଜା ମଣ୍ଡପ ବୁଲି ପୂଜାକୁ ଶାନ୍ତିଶୃଙ୍ଖଳାରେ ଶେଷ କରିବାକୁ କର୍ମକର୍ତ୍ତାଙ୍କ ସହ ଆଲୋଚନା କରିଥାନ୍ତି । ଯାଜପୁରର ଗରିଆପୁର, ଗୋପାଳି ଛକ, ବଡ଼ ବଜାର, ସାନ ବଜାର, ହାବିଳିବାଜର, ବିଜରା ମନ୍ଦିର , ବୈଦରାଜପୁର, ଲଳିତେଶ୍ୱର ନଗର, ମହାବୀର ଛକ, ମାନସାପଲ ଛକ, କିଆନାଳୀକୁଳ ଛକ, ଆଙ୍କୁଲା, ପଣସା, ଗାନ୍ଧୀଛକ, ଆଦି ଅଧିକାଂଶ ସ୍ଥାନରେ ଶାନ୍ତି ଶୃଙ୍ଖଳାରେ ଗଣେଶପୂଜା ପାଳନ କରାଯାଏ । ଅଧିକାଶ ପୂଜାମଣ୍ଡରେ ଦିନରେ ନୀତି ହେବା ସହ ରାତିରେ ସାଂସୃତିକ କାର୍ଯ୍ୟକ୍ରମ କରାଯାଇଥାଏ । ଯାଜପୁର କୋଟବସନ୍ତ ପୂଜା କମିଟିର ସଭାପତି ରଂଜିତ ସାହୁ, କାର୍ଯ୍ୟକାରୀ ସଭାପତି ଧ୍ରୃବ କୁମାର ମହାପାତ୍ର, ସମ୍ପାଦକ ଦିଲ୍ଲୀପ ମହାପାତ୍ର, ଶିବ ପ୍ରସାଦ ସେନାପତି ପ୍ରମୁଖ ଗଣେଶପୂଜା ଅବସରରେ ଯାଜପୁରବାସୀଙ୍କୁ ଅଭିନନ୍ଦନ ଜଣାଇଛନ୍ତି । \