ଭୁବନେଶ୍ୱର : ବିଜେଡି -ବିଜେପି ସମ୍ପର୍କ ନେଇ ବିବାଦୀୟ ବୟାନ ପରେ ବିରୋଧୀ ଦଳ ନେତା ପ୍ରଦୀପ୍ତ ନାୟକଙ୍କ ସଫେଇଦେଇଛନ୍ତି l ସେ କହିଛନ୍ତି ଯେ
ମୋ ବକ୍ତବ୍ୟକୁ କଦର୍ଥ କରାଯାଇଛି । ବିଜେଡି ସହ ଆମର ସଂପର୍କ ନାହିଁ l ନବୀନଙ୍କ କୁଶାସନ ବିରୋଧରେ ବିଜେପିର ଲଢ଼େଇ ଜାରି ରହିଛି ଓ ରଖିବ ମଧ୍ୟ l ନବୀନଙ୍କ ଦୁର୍ନୀତି ରୋକିବାକୁ ଲୋକେ ବିଜେପିକୁ ଭୋଟ ଦେଇଛନ୍ତି ସେ କହିଛନ୍ତି l ବିଜେଡି -ବିଜେପି ସମ୍ପର୍କ ନେଇ ବୟାନ ଦେବା ପରେ ହଲଚଲ ହୋଇଥିଲା ବିଜେଡି -ବିଜେପି ଶିବିର l ତେଣୁ ବାଧ୍ୟ୍ୟ ହୋଇ ତାଙ୍କୁ ସଫେଇ ଦେବାକୁ ପଡିଲା ବୋଲି ରାଜନୈତିକ ସମୀକ୍ଷକ ମାନେ କହିଛନ୍ତି l

ଭୁବନେଶ୍ୱର : ବିଜେପି-ବିଜେଡି ସମ୍ପର୍କ କେମିତି l ବହୁ ସମୟରେ ରାଜ୍ୟରେ ଏପରି ଚର୍ଚ୍ଚା ହୁଏ l କଂଗ୍ରେସ ମଧ୍ୟ ଅଭିଯୋଗ କରେ ଯେ ବିଜେଡି-ବିଜେପି ଭାଇ ଭାଇ l କାରଣ 2000ରୁ 2009 ଯାଏ ବିଜେଡି -ବିଜେପି ମିଶିକି ଥିଲେ l ବିରୋଧୀ ଦଳ ନେତା ପ୍ରଦୀପ ନାୟକ କହିଛନ୍ତି ଯେ ନବୀନ ପଟନାୟକ ମୁଖ୍ୟମନ୍ତ୍ରୀ ବିଜେପି ଯୋଗୁଁ ହୋଇଛନ୍ତି l କେନ୍ଦ୍ର ବିଜେପିର ମଧ୍ୟ ନବୀନଙ୍କ ଉପରେ ଆଶୀର୍ବାଦ ଅଛି l ଖାସ ସେଥିଲାଗି କେନ୍ଦ୍ର ଓଡିଶାକୁ ଅଧିକ ଅନୁଦାନ ଦେଇଛି l ପ୍ରଦୀପଙ୍କ ଏପରି ବୟାନ ବର୍ଷା ପାଗରେ ଓଡିଶା ରାଜନୀତିକୁ ସରଗରମ କରିଛି l
ବିରୋଧୀ ଦଳ ନେତା ପ୍ରଦୀପ ନାୟକଙ୍କ ବୟାନ ବିଜେପି -ବିଜେଡି ବିତିରିଆ ସମ୍ପର୍କକୁ ପଦାକୁ ଆଣିଛି l 2019 ସାଧାରଣ ନିର୍ବାଚନ ପରେ ବିଜେପି -ବିଜେଡି ବେଶ ନିକଟତର ହୋଇଛି l ଆଉ ଏହାରି ଭିତରେ ବିରୋଧୀ ଦଳ ନେତା ପ୍ରଦୀପ ନାୟକଙ୍କ ବୟାନ ଉଭୟ ଦଳକୁ ଚିନ୍ତାରେ ପକାଇଛି l

ଭୁବନେଶ୍ୱର : ଅନନ୍ତ ନାରାୟଣ ଜେନା (ବୁନୁ ) ଭାଇ l ଭୁବନେଶ୍ୱର ର 2ଥର ମେୟର l 2019 ସାଧାରଣ ନିର୍ବାଚନରେ ବିଧାୟକ ଭାବେ ନିର୍ବାଚନ ହୋଇଛନ୍ତି l ହେଲେ ତାଙ୍କୁ କିନ୍ତୁ ଏବେବି ରାଜଧାନୀବାସୀ ମେୟର ଡାକୁଛନ୍ତି l ସେ ମେୟର ଭାବେ ଏତେ ପରିଚିତ ଯେ ତାଙ୍କୁ ଲୋକେ ବିଧାୟକ ହେଲା ପରେ ବି ମେୟର ଭାବୁଛନ୍ତି l ଅନନ୍ତ ବି ମେୟର ପରି ବୁଲା ବୁଲି କରିଛନ୍ତି l ଲୋକେ କହିବା ଛାଡ଼ନ୍ତୁ ଖୋଦ ମନ୍ତ୍ରୀ ନବ ଦାସ ବି ଅନନ୍ତ ନାରାୟଣଙ୍କୁ ମେୟର ବୋଲି ଭାବୁଛନ୍ତି l କ୍ୟାପିଟାଲ ହସ୍ପିଟାଲ ବୁଲିବା ପରେ ଗଣମାଧ୍ୟମ ଆଗରେ ମେୟର ବୋଲି କହିଦେଲେ l
ଗଣମାଧ୍ୟମରେ ମନ୍ତ୍ରୀ ବାଇଟ ଦେଵା ପରେ କହିଲେ ଯେ ମେୟର ଠାରୁ ବାଇଟ ନିଅ l ପାଖରେ ଥିବା ଜଣେ ଲୋକ କହିଲେ ମେୟର ନୁହେଁ ସେ ଏବେ ବିଧାୟକ l

ଯାଜପୁର : ଯାଜପୁର ଜିଲ୍ଲା ବିଜେଡି ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି l ଯାଜପୁର ସୁକିନ୍ଦା ନିର୍ବାଚନ ମଣ୍ଡଳୀର ଦାନଗଦୀ ଠାରେ ବିଜେଡି ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ବରିଷ୍ଠ ମନ୍ତ୍ରୀ ତଥା ଯାଜପୁର ଜିଲ୍ଲା ପର୍ଯ୍ୟବେକ୍ଷକ ଅଶୋକ ଚନ୍ଦ୍ର ପଣ୍ଡା ଙ୍କ ସମେତ ଯାଜପୁର ସାଂସଦ ଓ ୭ ଜଣ ବିଧାୟକ ଉପସ୍ଥିତ। ଏଥିରେ ଜିଲ୍ଲାର ବହୁ ଦଳୀୟ କର୍ମକର୍ତ୍ତା ସାମିଲ। ଯାଜପୁରରେ ବିଜେଡି କିପରି ମଜବୁତ ହେବ ସେ ନେଇ ରଣନୀତି କରାଯାଇଛି l

ଭୁବନେଶ୍ୱର : ବିଧାନସଭାରେ ବିଧାୟକ ଭୂମିକା କଣ ହେବ । କିପରି ନିଜର ଅଂଚଳର ସମସ୍ୟା କଥା ଗୃହରେ ଉଠାଇବେ ବିଧାୟକମାନେ । ସେମାନଙ୍କର ଆଚରଣ ଓ ଉଚ୍ଚାରଣ କିପରି ହେବା ଦରକର । ଗୃହରେ ଆଲୋଚନା ସମୟରେ କିପରି ନେବେ ଭାଗ । ପ୍ରଶ୍ନକାଳରେ ସେମାନଙ୍କ ଭୂମିକା କଣ ରହିବ । ଏସବୁର ଟିକନିକ କଥା ବୁଝିବେ ବିଧାୟକମାନେ । ୨୦୧୯ ସାଧଶରଣ ନିର୍ବାଚନରେ ଓଡ଼ିଶା ବିଧାନସଭାକୁ ୫୯ ଜଣ ପ୍ରଥମଥର କରି ବିଧାୟକ ହୋଇ ବିଧାନସଭାକୁ ଆସିଛନ୍ତି । ବିଧାନସଭାର ନିୟମ ଓ କାନୁନବିଷୟରେ ସେମାନେ ଅବଗତ ନୁହନ୍ତି । ବିଧାନସଭାର କାର‌୍ୟ୍ୟବିଧି ଓ କାର‌୍ୟ୍ୟ ପରିଚାଳନା ନିୟମାବଳୀ ବିଷୟରେ ସେମାନେ ଜାଣିନାହାନ୍ତି ।

ଏହି ବିଧାୟକମାନଙ୍କୁ ବିଧାନସଭାର କାର‌୍ୟ୍ୟବିଧି ଓ କାର‌୍ୟ୍ୟ ପରିଚାଳନା ନିୟମାବଳୀ ଏବଂ ଟେକ୍ନୋଲୋଜିର ଉପଯୋଗ ଆଦି ପ୍ରସଙ୍ଗରେ ବିଧାୟକମାନଙ୍କୁ ଅବଗତ କରାଯିବ । ଖାସ ସେଥିଲାଗି ଚଳିତ ମାସ ୧୩ ଓ ୧୪ ତାରିଖ ଦୁଇଦିନ ଧରି ଏହି ପ୍ରଶିକ୍ଷଣ ଶିବିର ଅନୁଷ୍ଠିତ ହେବ। ବିଧାନସଭାର ନୂଆ ସମ୍ମିଳନୀ କକ୍ଷରେ ଏହି ପ୍ରଶିକ୍ଷଣ କାର‌୍ୟ୍ୟକ୍ରମକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିବେ। ବିଧାନସଭାର ବରିଷ୍ଠ ସଦସ୍ୟ, ଅନୁଭୂତିସମ୍ପନ୍ନ ଅଭିଜ୍ଞ ମନ୍ତ୍ରୀ, ବିଧାୟକ ଓ ଲୋକସଭା ସଚିବାଳୟର ବରିଷ୍ଠ ଅଧିକାରୀମାନେ ମଧ୍ୟ ଏହି ପ୍ରଶିକ୍ଷଣ ଶିବିରରେ ସାମିଲ ହୋଇ ବିଧାନସଭାର କାର‌୍ୟ୍ୟବିଧି ଓ କାର‌୍ୟ୍ୟ ପରିଚାଳନା ନିୟମାବଳୀ ଉପରେ ଆଲୋଚନା କରିବେ। ଏହି ପ୍ରଶିକ୍ଷଣ ଶିବିରରେ ସମସ୍ତ ବିଧାୟକ ଓ ବିଧାୟିକା ଯୋଗ ଦେବେ ବୋଲି ବିଧାନସଭା ସଚିବାଳୟ ପକ୍ଷରୁ ସୂଚନା ମିଳିଛି। ବିଧାନସଭାର ପ୍ରଥମ ଅଧିବେଶନରେ ଏହି ବିଧାୟକମାନେ ନିଜର ପ୍ରଥମ ଅନୁଭୂତି ନେଇଛନ୍ତି ଗୃହରେ । ତେବେ ଏହି ପ୍ରଶିକ୍ଷଣ ପ୍ରଥମଥର ଲାଗି ବିଧାନସଭାକୁ ଆସିଥିବା ବିଧାୟକମାନଙ୍କୁ ବେଶ ସହାୟକ ହେବ