ଯାଜପୁର : ବଦଳୁଛି ଯାଜପୁର ସହର ପରିପଳ ବ୍ୟବସ୍ଥା । ସଚେତନ ହେଲେଣୀ ଯୁବଗୋଷ୍ଠୀ । ଯାଜପୁର ବିଧାୟକ ପ୍ରଣବ ପ୍ରକାଶ ଦାସ(ବବି) ଯେଉଁ ସ୍ୱପ୍ନ ଦେଖୁଛନ୍ତି ଯାଜପୁରକୁ ନୂଆରୂପ ଦେବା ପାଇଁ ସେଥିରେ ଯେପରି ପରିମଳ ବ୍ୟବସ୍ଥା ବାଧକ ନସାଜେ ସେଥିଳାଗି ବିଧାୟକ ନିଜେ ହାତରେ ଝାଡ଼ୁ,କୋଦାଳ ଧରି ଅଳିଆ ଆର୍ବଜନା ମୁକ୍ତ ଯାଜପୁର ସହର କରିବାକୁ ଲାଗିପଡ଼ିଛନ୍ତି । ଶୀତୁଆ ସକାଳେ ଯେତେବେଳେ ବହୁ ଲୋକ ବିଛଣାରେ ଶୋଇରହୁଛନ୍ତି ସେତେବେଳେ ବିଧାୟକ ହାତରେ ଛାଡ଼ୁ ଧରି ଜଣେ ସାଧାରଣ ସଫେଇ କର୍ମଚାରୀ ପରି ରାସ୍ତାଘାଟରୁ ଅଳିଆ ଆର୍ବଜନା ସଫା କରି ଯାଜପୁର ସହରର ପରିମଳ ବ୍ୟବସ୍ଥାକୁ ସୁଧାରୁଛନ୍ତି । ଯେହେତୁ ବିଧାୟକ ନିଜେ ସଫେଇ କାମ କରୁଛନ୍ତି ଏଥିରେ ଅନୁପ୍ରାଣିତ ହୋଇ ବହ ୁଯୁବଗୋଷ୍ଠୀ ମଧ୍ୟ ଏହି ଅଭିଯାନରେ ସାମିଲ ହେଉଛନ୍ତି । ଭୋର ୫ଟାରୁ ଯୁବଗୋଷ୍ଠୀ ବିଧାୟକଙ୍କ ସହ ଏକାଠି ହୋଇ ସହରକୁ ସ୍ୱଚ୍ଛ ରଖିବା ପାଇଁ ସଫେଇ କାମରେ ଲାଗିପଡ଼ିଛନ୍ତି ।
ବିଜେଡ଼ିର ୨୩ତମ ପ୍ରତିଷ୍ଠା ଦିବସ ଅବସରରେ ଅବସରରେ ମୋ ସହରର ପରିମଳ ମୋ ହାତରେ ନାରା ଦେଇ ବିଧାୟକ ପ୍ରଣବ ପ୍ରକାଶ ଦାସ(ବବି) ଜିଲ୍ଲାପାଳ କାର୍ଯ୍ୟାଳୟରୁ ସଫେଇ ଅଭିଯାନ ଆରମ୍ଭ କରିଥିଲେ । ବିଧାୟକଙ୍କ ସହ ଏହି ସଫେଇ ଅଭିଯାନରେ ସ୍ଥାନୀୟ ଯୁବକମାନେ ମଧ୍ୟ ସାମିଲ ହୋଇଥିଲେ । ବିଜେଡ଼ି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଂଚମ ପାଳିରେ ଯେଉଁ ଆହ୍ୱାନ ଦେଇଥିଲେ ତାହାକୁ ଅକ୍ଷର ଅକ୍ଷରେ ତାଙ୍କର ଅତି ବିଶ୍ୱସ୍ତ ଓ ପ୍ରିୟ ବିଧାୟକ ପ୍ରଣବ ପାଳନ କରିବା ସହ ବିଜେଡ଼ିର ଯୁବ କର୍ମୀମାନଙ୍କୁ ମଧ୍ୟ ଏହି ନୀତିରେ ପକାଉଛନ୍ତି । ବିଳାସପୂର୍ଣ୍ଣ ଜୀବନଯାପନ ଛାଡ଼ି ନମ୍ର ଓ ସରଳ ଜୀବନଯାପନ କଟାଇ ଲୋକଙ୍କୁ ସେବା ଯୋଗାଇ ଦେବାକୁ ଯୁବଗୋଷ୍ଠୀଙ୍କୁ ପରାମର୍ଶ ଦେଇଛନ୍ତି ସେ । ଜଣେ ଯୁବ ବିଧାୟକଭାବେ ପ୍ରଣବ କେତେବେଳେ ଗାଁରେ ରାତି କଟାଇ ଗାଁ ପରିମଳ ବ୍ୟବସ୍ଥା ସୁଧାର ଆଣୁଛନ୍ତି ଆଉ କେତେବେଳେ ସହରରେ । ଲକ୍ଷ ରହିଛନ୍ତି ନିଜ ନିର୍ବାଚନୀ ମଣ୍ଡଳୀକୁ ସଂପୂର୍ଣ୍ଣ ସ୍ୱଚ୍ଛ କରିବା ପାଇଁ । ବିଧାୟକଙ୍କ ଏପରି ସ୍ୱପ୍ନକୁ ପୂରଣ କରିବା ପାଇଁ ଯୁବଗୋଷ୍ଠୀ ଏବେ ଲାଗିପଡ଼ିଛନ୍ତି । ତୃତୀୟଥର ପାଇଁ ଯାଜପୁରବାସୀଙ୍କ ଆର୍ଶୀବାଦରୁ ବିଧାୟକ ହେବା ପରେ ପ୍ରଣବ ନିଜ ନିର୍ବାଚନୀ ମଣ୍ଡଳୀର ପ୍ରତ୍ୟେକ ଘରୁ ଜଣେ ଜଣେ ସମାଜସେବକ ସୃଷ୍ଟି କରିବାକୁ ଲକ୍ଷ ରଖିଥିଲେ । ଯାହା ଏବେ ବାସ୍ତବ ରୂପ ନେଇସାରିଛି ତାହା ଏହି ସଫେଇ ଅଭିଯାନକୁ ଦେଖିଲେ ସ୍ପଷ୍ଟ ଜଣାପଡ଼ୁଛି । ଯେଉଁ ଯୁବଗୋଷ୍ଠୀମାନେ ଦିନ ୧୦ଟା ପର୍ଯ୍ୟନ୍ତ ଶୋଇ ରହୁଥିଲେ ଆଜି ସେହି ଯୁବଗୋଷ୍ଠୀମାନେ ନିଜ ସହରକୁ ପରିଷ୍କାର ପରିଚ୍ଛନ କରିବା ପାଇଁ ହାତରେ ଝାଡ଼ୁ ଓ କୋଦାଳ ଧରି ସକାଳୁ ସକାଳୁ ସଫେଇ କାମରେ ଲାଗି ପଡ଼ିଛନ୍ତି । ନିଜ ସହର ଓ ନିଜ ଗାଁର ଦାୟିତ୍ୱ ମୋ ନିଜ ହାତରେ ବାର୍ତ୍ତା ଘରେ ଘରେ ପହଞ୍ଚାଇବାରେ ବିଧାୟକ ପ୍ରଣବ ପ୍ରକାଶ ଦାସ ସଫଳ ହୋଇଛନ୍ତି ତାହା ଏବେ ଲୋକେ କୁହାକୁହିଁ ହେଲେଣୀ । ବିଜେଡ଼ର ୨୩ ତମ ପ୍ରତିଷ୍ଠା ଦିବସରେ ଯୁବ ଓ ଛାତ୍ର ବିଜେଡ଼ିର ଏହି ସଫେଇ ଅଭିଯାନରେ ସାମିଲ ହୋଇ ବିଧାୟକ ସଭିଁଙ୍କୁ ଉତ୍ସାହୀତ କରିଥିଲେ ।

ଯାଜପୁର : ପରିବେଶ ସଫା ସୁତର ରହିଲେ ଗୋଟେ ସୁସ୍ଥ ସମାଜ ଗଠନ ହୋଇପାରିବ । ମୋ ସହରକୁ ମୁଁ ସଫା ରହିବି । ସ୍ୱଚ୍ଛତାକୁ ଜୀବନର ମୂଳମନ୍ତ୍ର କରିବି । ଯେପରି ଜାତିର ପତା ମହାତ୍ମାଗାନ୍ଧୀ ସବୁବେଳେ ସ୍ୱଚ୍ଛତାକୁ ଗୁରୁତ୍ୱ ଦେଉଥିଲେ ଠିକ ସେହିପରି ମୁଁ ମଧ୍ୟ ସ୍ୱଚ୍ଛତାକୁ ଗୁରୁତ୍ୱ ଦେବି । ଯାଜପୁର ନିର୍ବାଚନୀ ମଣ୍ଡଳୀର ଯୁବଗୋଷ୍ଠୀ ଏହି ମନ୍ତ୍ର ଦେଉଛନ୍ତି ଯାଜପୁର ବିଧାୟକ ପ୍ରଣବ ପ୍ରକାଶ ଦାସ(ବବି) । ବିଧାୟକ ପ୍ରତ୍ୟେକ ଯୁବଗୋଷ୍ଠୀ ମନରେ ଗାନ୍ଧୀ ଦର୍ଶନ ଦେବାରେ ଲାଗିଛନ୍ତି । ଯାହାକି ମହାତ୍ମାଗାନ୍ଧୀଙ୍କ ୧୫୦ ଜୟନ୍ତି ସବୁଠାରୁ ବଡ଼ ବାର୍ତ୍ତା । ବିଧାୟକଙ୍କ ଆହ୍ୱାନ କ୍ରମେ ଯାଜପୁର ନିର୍ବାଚନୀ ମଣ୍ଡଳୀର ଯୁବଗୋଷ୍ଠୀମାନେ ଗାନ୍ଧୀ ନୀତି ଓ ଆଦର୍ଶରେ ଅନୁପ୍ରାଣିତ ହେଉଛନ୍ତି । ପୁରା ସହରକୁ କିପରି ସ୍ୱଚ୍ଛ କରାଯିବ ସେନେଇ ଯୁବଗୋଷ୍ଠୀ ଅଣ୍ଟା ଭିଡ଼ିଛନ୍ତି । ଅଶୋକ ଦାସ ଫାଉଣ୍ଡେସନ ପକ୍ଷରୁ ପ୍ରତ୍ୟେକ ଦିନ ସକାଳରୁ ସହର ବିଭିନ୍ନ ସ୍ଥାନରେ ସଫେଇ ଅଭିଯାନକୁ ଜୋରଦାର କରାଯାଉଛି । ସକାଳୁ ସକାଳୂୁ ଶୀତ କାକରକୁ ଖାତିର ନକରି ଯୁବକମାନେ ହାତରେ ଝାଡ଼ୁ, କୋଦାଳ ଧରି ନିଜ ସଫେଇ କରୁଛନ୍ତି । ଅଧିକାଶ ସମୟରେ ଯୁବକମାନଙ୍କୁ ଉତ୍ସାହୀତ କରିବା ପାଇଁ ବିଧାୟକ ପ୍ରଣବ ପ୍ରକାଶ ଦାସ ଏହି ସଫେଇ ଅଭିଯାନରେ ସାମିଲ ହେଉଛନ୍ତି । ନିଜେ ଝାଡ଼ୁ ଧରି ସଫେଇ କରି ଅନ୍ୟମାନଙ୍କ ପାଇଁ ଉଦାହରଣ ସାଜୁଛନ୍ତି । ଲକ୍ଷ ନିଜ ସହରକୁ ସଫା କରିବାକୁ ନିଜେ ସାଜିବେ ଝଡ଼ୁଧାର । କେବଳ ସେ ନୁହେଁ, ନିଜ ନିର୍ବାଚନ ମଣ୍ଡଳୀର ପ୍ରତ୍ୟେକ ଘରୁ ଜଣେ ଜଣେ ଏହି ଅଭିଯାନରେ ସାମିଲ ହେବାକୁ ମଧ୍ୟ ବିଧାୟକ ଆହ୍ୱାନ ଦେଇଛନ୍ତି । ନବୀନଙ୍କ ନିର୍ଦ୍ଦେଶରେ ରାଜ୍ୟର ବହୁ ସମସ୍ୟା ସହିତ ଜଡ଼ିତ ରହି ବ୍ୟସ୍ତ ଜୀବନ କଟାଉଥିବା ପ୍ରଣବ ଏହି ସ୍ୱଚ୍ଛତା ଅଭିଯାନକୁ ସଫଳ କରିବା ପାଇଁ ଅଧିକାଶ ସମୟରେ ରାଜଧାନୀରୁ ଯାଜପୁର ଆସୁଛନ୍ତି । ବୁଧବାର ଯାଜପୁର ସହରର କୋଟବସନ୍ତପୁର ୧୧ୱାଡ଼ରୁ ଏହି ସଫେଇ ଅଭିଯାନ ଆରମ୍ଭ ହୋଇ କିଆକାନୀକୂଳ ଛକ ଯାଏ ହୋଇଥିଲା । ଯୁବଗୋଷ୍ଠୀଙ୍କ ସହିତ ବିଧାୟକ ନିଜେ ସାମିଲ ହୋଇ ରାସ୍ତାଘାଟ ସଫେଇ କରିବା ସହ ସେବାନୀତିକୁ ଆପଣାଇବା ପାଇଁ ଉପସ୍ଥିତ ଯୁବକମାନଙ୍କୁ କହିଥିଲେ । ଏହି ସଫେଇ ଅଭିଯାନ ଯାଜପୂରରେ ଏବେ ଜୋରଦାର ହୋଇଛି । ଯାଜପୁରର ପୂର୍ବତନ ପୌରାଧ୍ୟକ୍ଷ ତଥା ଯୁବନେତା ଭବ ପ୍ରସାଦ ଦାସ ଏହି ଅଭିଯାନର ମଙ୍ଗ ଧରିଛନ୍ତି । ତାଙ୍କ ସହିତ ସ୍ଥାନୀୟ ଯୁବକମାନେ ଓ ଜିଲ୍ଲା ପ୍ରଶାସନ ମଧ୍ୟ ଏହି କାର୍ଯ୍ୟକ୍ରମରେ ସାମିଲ ହୋଇଛନ୍ତି । ବିଧାୟକଙ୍କ ଆହ୍ୱାନରେ ଯୁବଗୋଷ୍ଠୀମାନେ ଯେପରି ଭାବରେ ସହରକୁ ସ୍ୱଚ୍ଛ କରୁଛନ୍ତି ତାହାକୁ ଏବେ ସହରବାସୀ ବେଶ ପ୍ରଶଂସା କରିଛନ୍ତିି । ଏହା ସହରର ଲୋକମାନେ ମଧ୍ୟ ବେଶ ସଚେତନ ହୋଇଛନ୍ତି । ସହରର ଅଧିକାଶ ଲୋକ ନିଜ ଘରେ ଡ଼ଷ୍ଟଫିନ ରଖି ଅଳିଆ ପକାଉଛନ୍ତି । ଗାନ୍ଧୀଙ୍କ ୧୫୦ ତମ ଜୟନ୍ତି ଅବସରରେ ଯାଜପୁରରେ ଯେପରି ସ୍ୱଚ୍ଛତା ଅଭିଯାନ ଚାଲିଛିି ତାହା ଦିନେ ପୁରା ଓଡ଼ିଶାର ରୋଲ ମଡ଼େଲ ହେବ ବୋଲି ବରିଷ୍ଠ ନାଗରିକମାନେ ମତ ଦେଇଛନ୍ତି ।

ଯାଜପୁର : ମୋ ସହର ଓ ମୋ ଗାଁ ରାସ୍ତାକୁ ମୁଁ ସଫା କରିବି । ପରିଷ୍କାର ପରିଚ୍ଛନ୍ନ ରହିବାକୁ ସଭିଁଙ୍କୁ ଶିଖାଇବି । ମୋ ଗାଁ ଓ ମୋ ସହରର ରାସ୍ତା ସଫା ରହିଲେ ମୋ ରାଜ୍ୟ ଓ ଦେଶ ସ୍ୱଚ୍ଛ ରହିବ । ଯାଜପୁର ବିଧାୟକ ପ୍ରବଣ ପ୍ରକାଶ ଦାସ ଏହି ଆହ୍ନାନ ଦେଇଥିଲେ ଯାଜପୁର ଯୁବପିଢ଼ିଙ୍କୁ । ଯାହା ଏବେ ବାସ୍ତବ ରୂପ ନେଇଛି । ସ୍ୱର୍ତ୍ତପ୍ରବୃତ ଭାବେ ଶୀତୁଆ ସକାଳେ ଯାଜପୁର ସହରର ଯୁବପିଢ଼ିମାନେ ଏକାଠି ହୋଇ ସହରରେ ସଫେଇ ଅଭିଯାନକୁ ଜୋରଦାର କରିଛନ୍ତି । କେବଳ ଭାଷଣ ବାଜିରେ ନୁହେଁ, ଗାନ୍ଧୀଙ୍କ ନୀତି ଓ ଆର୍ଦଶକୁ ବାସ୍ତବ ରୂପ ଦେଇଛନ୍ତି ସହହର ଯୁବଗୋଷ୍ଠୀମାନେ । ପୂର୍ବତନ ପୌରାଧ୍ୟକ୍ଷ ଭବ ପ୍ରସାଦ ଦାସଙ୍କ ନେତୃତ୍ୱରେ ଶହଶହ ଯୁବକ ଶୀତୁଆ ସକାଳକୁ ଖାତିର ନକରି ଯାଜପୁର ଗାନ୍ଧୀ ଛକରେ ଥିବା ଗାନ୍ଧୀମୃର୍ତ୍ତି ତଳେ ଏକାଠି ହୋଇ ଗାନ୍ଧୀଛକରୁ ମେଡ଼ିକାଲ ଛକ ପର୍ଯ୍ୟନ୍ତ ସଫେଇ କରିଥିଲେ । ସହରକୁ ପରିଷ୍କାର ଓ ପରିଚ୍ଛନ ରଖିବା ପାଇଁ ଯୁବଗୋଷ୍ଠୀଙ୍କ ଏପରି ପ୍ରୟାସକୁ ସଭିଁଏ ପ୍ରଶଂସା କରିଥିଲେ । ଗାନ୍ଧୀ ଜୟନ୍ତୀର ୧୫୦ ତମ ପୃର୍ତ୍ତି ଉତ୍ସବ ପାଳନ ନେଇ ଯାଜପୁରରେ ବ୍ୟାପକ କାର୍ଯ୍ୟକ୍ରମ ହାତକୁ ନିଆଯାଇଛି । ସ୍କୁଲ,କଲେଜ, ଗାଁ ଆସି ମାନଙ୍କ ଗାନ୍ଧୀଗୀରି ସୃଷ୍ଟି କରାଯାଉଛି । ଯାଜପୁର ନିର୍ବାଚନୀ ମଣ୍ଡଳୀରେ ବିଧାୟକଙ୍କ ଆହ୍ୱାନରେ ଯେଭଳି ଭାବରେ ଯୁବଗୋଷ୍ଠୀମାନେ ଏକାଠି ହୋଇ ଗାନ୍ଧୀଙ୍କ ନୀତି ଓ ଆର୍ଦଶକୁ ଆପଣାଇଛନ୍ତି ତାହାକୁ ଯାଜପୁରବାସୀ ବେଶ ପ୍ରଂଶସା କରିଛନ୍ତି । ବିଧାୟକ ମଧ୍ୟ ଏଥିଲାଗି ସଭିଁଙ୍କୁ ଧନ୍ୟବାଦ ଦେଇଛନ୍ତି । ଏହି ସଫେଇ କାର୍ଯ୍ୟକ୍ରମରେ ଯୁବ ନେତା ମନୋଜ ସାହୁ, ଚନ୍ଦ୍ରମଣି ସାହୁ , ଦୀପକ ଦାସ, ରଣଜିତ ସାହୁ, ଦିଲ୍ଲୀପ ମହାପାତ୍ର, ଚାନ୍ଦ ଭାଇ, କାଲା ଭାଇ, ପ୍ରମୁଖ ସାମିଲ ହୋଇଥିଲେ l