– କଟକ ଶ୍ରୀରାମଚନ୍ଦ୍ର ଭଞ୍ଜ ମେଡିକାଲ କଲେଜରେ ଅଗ୍ନିକାଣ୍ଡ ଯୋଗୁଁ ମୃତ୍ୟୁବରଣ କରିଥିବା ରୋଗୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ ଉଦ୍ଦେଶ୍ୟରେ ଆଜି ଭୁବନେଶ୍ୱର ଜିଲ୍ଲା କଂଗ୍ରେସ ପକ୍ଷରୁ ସଭାପତି ଶ୍ରୀ ପ୍ରକାଶ ଚନ୍ଦ୍ର ଜେନାଙ୍କ ନେତୃତ୍ୱରେ ଏକ କ୍ୟାଣ୍ଡେଲ ରାଲି କଂଗ୍ରେସ ଭବନରୁ ବାହାରି ମାଷ୍ଟରକ୍ୟାଂଟିନ ଛକ ପର୍ଯ୍ୟନ୍ତ ଯାଇଥିଲା । ଏହାପରେ ଓଡ଼ିଶାର ସର୍ବବୃହତ ଏବଂ ସର୍ବଶ୍ରେଷ୍ଠ ସରକାରୀ ଚିକିତ୍ସାଳୟରେ ରୋଗୀଙ୍କ ସୁରକ୍ଷା ପ୍ରତି ଉଦାସୀନ ରହିଥିବା ମୁଖ୍ୟମନ୍ତ୍ରୀ ମୋହନ ମାଝୀ ଓ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗଙ୍କ କୁଶପୁତ୍ତଳିକ ଦାହ କରାଯାଇଥିଲା ।

ଏହି କାର୍ଯ୍ୟକ୍ରମରେ ପିସିସି ସଭାପତି ଶ୍ରୀ ଭକ୍ତ ଚରଣ ଦାସ ଯୋଗଦେଇ କହିଥିଲେ ଯେ ଉଭୟ ମୁଖ୍ୟମନ୍ତ୍ରୀ ଓ ସ୍ୱାସ୍ଥ୍ୟମନ୍ତ୍ରୀ ନିରୀହ ରୋଗୀଙ୍କର ହତ୍ୟାକାରୀ ବୋଲି କହିଲେ ଅତ୍ୟୁକ୍ତି ହେବନାହିଁ । ରାଜ୍ୟର ସବୁଠାରୁ ଭରସାଯୋଗ୍ୟ ସରକାରୀ ଚିକିତ୍ସାଳୟରେ ରୋଗୀ ଅସୁରକ୍ଷିତ ଏବଂ ଏଭଳି ଯେଉଁ ମର୍ମତୁନ୍ଦ ଘଟଣା ଘଟିଲା ସେଥିରୁ ଏ ରାଜ୍ୟରେ ସରକାରୀ ଚିକିତ୍ସାଳୟ ଗୁଡ଼ିକର ଅବସ୍ଥା କ’ଣ ତାହା ସ୍ପଷ୍ଟ ବାରିହୋଇପଡ଼ୁଛି ।

ଜିଲ୍ଲା କଂଗ୍ରେସ ସଭାପତି ଶ୍ରୀ ଜେନା କହିଲେ ଯେ ମୃତକମାନଙ୍କ ପରିବାରକୁ ୧ କୋଟି ଟଙ୍କା ସହାୟତା ରାଶି ଓ ଆହତମାନଙ୍କୁ ୨୫ ଲକ୍ଷ ଟଙ୍କା ସହାୟତା ରାଶି ଦିଆଯାଉ । ସ୍ୱାସ୍ଥ୍ୟମନ୍ତ୍ରୀ ତୁରନ୍ତ ଇସ୍ତଫା ଦିଅନ୍ତୁ ବୋଲି ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ଶ୍ରୀ ଜେନା ଦାବି କରିଅଛନ୍ତି । ଏପରି ମର୍ମନ୍ତୁଦ ଘଟଣା ଯେପରି ପୁର୍ନବାର ନଘଟେ ସେଥିପ୍ରତି ଧ୍ୟାନ ଦେବାପାଇଁ କଟକ ବଡ଼ଡାକ୍ତରଖାନା କତୃପକ୍ଷଙ୍କୁ ଶ୍ରୀଯୁକ୍ତ ଜେନା ଚେତାବନୀ ଦେଇଛନ୍ତି । ଏହି ଦାୟୀତ୍ୱରେ ଥିବା କର୍ମଚାରୀ ଏବଂ ମେଡିକାଲ କଲେଜର ମୁଖ୍ୟଙ୍କ ଉପରେ ମଧ୍ୟ ତୁରନ୍ତ ଦୃଷ୍ଟାନ୍ତମୂଳକ କାର୍ଯ୍ୟ ନିଆଯାଉ ।

ଏହି ବିକ୍ଷୋଭରେ ସୁରେଶ କୁମାର ରାଉତରାୟ, ଶିବାନନ୍ଦ ରାୟ, ତାରାପ୍ରସାଦ ବାହିନୀପତି, କିଶୋର ଜେନା, ମନୋରଞ୍ଜନ ଦାଶ, ମୀନାକ୍ଷୀ ବାହିନୀପତି, ବିଜୟ ଦ୍ୱିବେଦୀ, ସୁଧାଂଶୁ ମହାନ୍ତି, ସୁବତ୍ର ମହାପାତ୍ର, ମିହିର ଆଚାର୍ଯ୍ୟ, ପ୍ରଭାତ ପ୍ରତାପ ସିଂ, ସୌମେନ୍ଦ୍ର ମହାନ୍ତି, ଜୟକୃଷ୍ଣ ମଲ୍ଲିଆ, ଅଶୋକ ଦାସ, ଜୟକୃଷ୍ଣ ସୁବୁଦ୍ଧି, ବ୍ରହ୍ମାନନ୍ଦ ସାହୁ, ଅକ୍ଷୟ ଦାସ, ମୋହନ ଜେନା, ଯୋଗିନାଥ ବାହୁବଳେନ୍ଦ୍ର, ସୂର୍ଯ୍ୟକାନ୍ତ ଜେନା, ମନୋରଞ୍ଜନ ଜେନା, ସତ୍ୟବ୍ରତ ନାୟକ, ଦେଓ ପ୍ରସାଦ, କୈଳାସ ସାହୁ, ସୁଧାଂଶୁ ଦେଓ, ଜୟଶ୍ରୀ ପଟ୍ଟନାୟକ, ବିନୁ ପାଣି, ଗୀତାଞ୍ଜଳି ମହାନ୍ତି, ଶ୍ରୀୟା ମହାନ୍ତି, ଶ୍ରିୟାସ୍ମିତା ପଣ୍ଡା, ନିରୁପମା ପାତ୍ର, ବିଶ୍ୱକଲ୍ୟାଣୀ କର, ରାଜକିଶୋର ବାରିକ, ଆଲୋକ ମହାନ୍ତି, ଅନ୍ତର୍ଯ୍ୟାମୀ ଦିକ୍ଷିତ, ଉଦ୍ଦିତ ପ୍ରଧାନ, ମାନସ କର, ଆତ୍ମାରାମ ପତି, ଦେବାଶିଷ ଦାସ, ମଂଟୁ ମଲ୍ଲିକ, ନିରଞ୍ଜନ ନାୟକ, ଖଗେଶ୍ୱର ମଲ୍ଲିକ, ଦେବରାଜ ମିଶ୍ର, ଜୟସ୍ମିତା ମହାନ୍ତି, ରଜନୀ ମହାନ୍ତି, ସୁନିତା ବିଶ୍ୱାଳ, ଉର୍ବଶ୍ରୀ ମିଶ୍ର, ଅପସନା ବେଗମ, ପ୍ରୀତିଛନ୍ଦା ରାଉତରା, ଚୈତାଳୀ ପଟ୍ଟନାୟକ, ମଞ୍ଜୁ ମିଶ୍ର, ବୈଲୋଚନ ସାହୁ, ନିରଞ୍ଜନ ନାୟକ, ମାନସ ସେଠୀ, ସାଇ ପସ୍ରାଦ ରାଉ, ଜିନେଶ ନାୟକ, ଚନ୍ଦନ ସାହୁ, ଏସ୍‌କେ ବନି ଅମିନ, ଆଦିତ୍ୟ ଅଂଶୁମାନ ପାତ୍ର, ଭାଗବତ ଜେନା, ଆୟୁଷ୍ମାନ ମହାପାତ୍ର, ସୂର୍ଯ୍ୟକାନ୍ତ ସୁବୁଦ୍ଧି, ଭି, ଭବାନି ଶଙ୍କର ପ୍ରମୁଖ ଯୋଗଦେଇଥିଲେ

ଗ୍ରୀଷ୍ମପ୍ରବାହ ସମୟରେ ସାଧାରଣ ଲୋକଙ୍କ ଜୀବନର ସୁରକ୍ଷା ଆମର ପ୍ରାଥମିକତା – ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ

ବିଭିନ୍ନ ପ୍ରଭାବିତ ଅଞ୍ଚଳରେ ହେବ ମଡେଲ୍ କୁଲିଂ ସେଲଟରର ବ୍ୟବସ୍ଥା

ନିରବଚ୍ଛିନ୍ନ ବିଦ୍ୟୁତ୍, ପାନୀୟ ଜଳ ଯୋଗାଣ ନିମନ୍ତେ ମନ୍ତ୍ରୀଙ୍କ ନିର୍ଦ୍ଦେଶ

ପ୍ରଚଣ୍ଡ ଗ୍ରୀଷ୍ମପ୍ରବାହ ସମୟରେ ଶାରୀରିକ କାର୍ଯ୍ୟରେ ନିୟୋଜିତ କଲେ ହେବ କଠୋର କାର୍ଯ୍ୟାନୁଷ୍ଠାନ

ଆସନ୍ତା ଗ୍ରୀଷ୍ମଋତୁକୁ ଦୃଷ୍ଟିରେ ରଖି ସମ୍ଭାବ୍ୟ ଗ୍ରୀଷ୍ମ-ପ୍ରବାହ ପ୍ରସ୍ତୁତି ସମ୍ପର୍କିତ ଏକ ଉଚ୍ଚସ୍ତରୀୟ ସମୀକ୍ଷା ବୈଠକ ଲୋକସେବା ଭବନଠାରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ଶ୍ରୀ ସୁରେଶ ପୂଜାରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି l ବୈଠକରେ ରାଜ୍ୟରେ ସମ୍ଭାବ୍ୟ ହିଟ୍ ୱେଭ୍ ପରିସ୍ଥିତିର ମୁକାବିଲା ପାଇଁ ବିଭିନ୍ନ ବିଭାଗ ପକ୍ଷରୁ ଗ୍ରହଣ କରାଯାଇଥିବା ପଦକ୍ଷେପ ଏବଂ ପୂର୍ବ ପ୍ରସ୍ତୁତି ସମ୍ପର୍କରେ ବିସ୍ତୃତ ସମୀକ୍ଷା କରାଯାଇଥିଲା। ଏହି ପରିପ୍ରେକ୍ଷୀରେ ମାନ୍ୟବର ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ଶ୍ରୀ ପୂଜାରୀ ସମସ୍ତ ବିଭାଗକୁ ପୂର୍ବ ପ୍ରସ୍ତୁତିମୂଳକ ପଦକ୍ଷେପ ଗ୍ରହଣ କରିବା ସହ ମାନବଜୀବନର ସୁରକ୍ଷାକୁ ସର୍ବୋଚ୍ଚ ପ୍ରାଥମିକତା ଦେବାକୁ ନିର୍ଦ୍ଦେଶ ଦେଇଥିଲେ l ବିଭିନ୍ନ ପ୍ରଭାବିତ ଅଞ୍ଚଳରେ ମଡେଲ୍ କୁଲିଂ ସେଲଟର୍ ବ୍ୟବସ୍ଥା କରିବାକୁ ମାନ୍ୟବର ମନ୍ତ୍ରୀ ନିର୍ଦ୍ଦେଶ ଦେବା ସହ ବିଦ୍ୟାଳୟର ଛାତ୍ରଛାତ୍ରୀ ତଥା ଶିଶୁମାନଙ୍କ ପାଇଁ ଏବଂ ଶ୍ରମିକମାନଙ୍କ ସୁରକ୍ଷା ପାଇଁ ବିଶେଷ ବ୍ୟବସ୍ଥା କରିବାକୁ ଗୁରୁତ୍ଵାରୋପ କରିଥିଲେ l ଏଥିସହିତ ହିଟ୍ ୱେଭ୍ ପ୍ରସଙ୍ଗର ଗୁରୁତ୍ଵ ଉପଲବ୍ଧି କରି ମାନ୍ୟବର ରାଜସ୍ୱ ମନ୍ତ୍ରୀ ଜନସାଧାରଣଙ୍କ ସୁରକ୍ଷା ଏବଂ ତ୍ଵରିତ ସମସ୍ୟା ସମାଧାନ ପାଇଁ ନିଜନିଜ କ୍ଷେତ୍ରରେ ତୁରନ୍ତ ପଦକ୍ଷେପ ଗ୍ରହଣ କରିବାକୁ ସମସ୍ତ ଜିଲ୍ଲାର ଜିଲ୍ଲାପାଳଙ୍କୁ ସରକାରଙ୍କ ପକ୍ଷରୁ ସମ୍ପୂର୍ଣ୍ଣ କ୍ଷମତା ଦିଆଯିବା ପାଇଁ ନିର୍ଦ୍ଦେଶ ଦେଇଥିଲେ l ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଡ. ଅରବିନ୍ଦ ପାଢୀ ଜନସାଧାରଣଙ୍କ ମଧ୍ୟରେ ସଚେତନତା ସୃଷ୍ଟି କରିବା ନିମନ୍ତେ ଗୁରୁତ୍ୱାରୋପ କରିବା ସହ ବିଭାଗ ପକ୍ଷରୁ ସମସ୍ତ ଜିଲ୍ଲାପ୍ରଶାସନକୁ ସହଯୋଗ ଯୋଗାଇ ଦିଆଯିବ ବୋଲି ସ୍ପଷ୍ଟ କରିଥିଲେ l ସ୍ଵତନ୍ତ୍ର ସାହାଯ୍ୟ ଆୟୁକ୍ତ ଶ୍ରୀ ରାଜେଶ ପ୍ରଭାକର ପାଟିଲ୍ ଗ୍ରୀଷ୍ମ ପ୍ରବାହ ସହ ସମ୍ଭାବ୍ୟ କାଳବୈଶାଖୀର ମୁକାବିଲା କରିବା ପାଇଁ ବିଭାଗ ସମ୍ପୂର୍ଣ୍ଣ ପ୍ରସ୍ତୁତ ବୋଲି ସ୍ପଷ୍ଟ କରିଥିଲେ l

ବୈଠକରେ ସରକାରୀ ଏବଂ ବେସରକାରୀ କ୍ଷେତ୍ରରେ ଶ୍ରମିକ ତଥା ଅନ୍ୟ ଶାରୀରିକ କାର୍ଯ୍ୟରେ ନିୟୋଜିତ ରହୁଥିବା ସାଧାରଣ ଲୋକଙ୍କ ସୁରକ୍ଷା ପାଇଁ ପ୍ରଚଣ୍ଡ ଗ୍ରୀଷ୍ମପ୍ରବାହ ସମୟରେ ଅର୍ଥାତ୍ ଦିନ ୧୧ରୁ ୩ ଘଟିକା ଯାଏ କୌଣସି ବି ନିର୍ମାଣ ଆଦି ଶାରୀରିକ କାର୍ଯ୍ୟ କରାଯିବ ନାହିଁ ବୋଲି ନିଷ୍ପତ୍ତି ହୋଇଥିଲା l ଏଥିରେ ଖିଲାପ କରି ଶ୍ରମିକ ବା ସାଧାରଣ ଲୋକଙ୍କୁ କାମରେ ଲଗାଉଥିବା ବ୍ୟକ୍ତିବିଶେଷଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବା ପାଇଁ ମାନ୍ୟବର ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ନିର୍ଦ୍ଦେଶ ଦେଇଥିଲେ l ବିଦ୍ୟାଳୟ, ଡାକ୍ତରଖାନା ଏବଂ ଅନ୍ୟାନ୍ୟ ସର୍ବସାଧାରଣ ଅନୁଷ୍ଠାନ ଏବଂ ସ୍ଥାନମାନଙ୍କରେ ଆବଶ୍ୟକ ଅନୁଯାଇ ଜଳଛତ୍ର, ପାନୀୟ ଜଳ, ଫାଷ୍ଟ୍ – ଏଡ୍ ବକ୍ସ୍, ଓଆରଏସ୍ ପାଉଡର୍, ଶୀତଳ କକ୍ଷ ଆଦିର ବ୍ୟବସ୍ଥା ନିଶ୍ଚିତ କରିବାକୁ ନିଷ୍ପତ୍ତି ହୋଇଥିଲା l ବିଦ୍ୟାଳୟରେ ଶିଶୁମାନଙ୍କ ପାଇଁ ନିୟମିତ ବ୍ୟବଧାନରେ ପାଣି ପିଇବା ନିମନ୍ତେ ସ୍ଵତନ୍ତ୍ର ବେଲ୍ ବ୍ୟବସ୍ଥା କରାଯିବାକୁ ପରାମର୍ଶ ଦିଆଯାଇଥିଲା l ଜନବହୁଳ ଟ୍ରାଫିକ୍ ସ୍ଥାନମାନଙ୍କରେ ଅସ୍ଥାୟୀ ସେଡ୍ ବ୍ୟବସ୍ଥା କରାଯିବା ନେଇ ଆଲୋଚନା ହୋଇଥିଲା l ବୈଠକରେ ଡାକ୍ତରଖାନାମାନଙ୍କରେ ସ୍ୱାସ୍ଥ୍ୟ ବିଭାଗ ପକ୍ଷରୁ ସ୍ଵତନ୍ତ୍ର ଅଂଶୁଘାତ ୱାର୍ଡର ବ୍ୟବସ୍ଥା କରାଯିବାକୁ ନିର୍ଦ୍ଦେଶ ଦିଆଯାଇଥିଲା l ସମସ୍ତ ଗ୍ରାମପଞ୍ଚାୟତମାନଙ୍କରେ ନଳକୂପ ମରାମତି ସହ ଗ୍ରାମାଞ୍ଚଳ ଓ ସହରାଞ୍ଚଳରେ ଆବଶ୍ୟକସ୍ଥଳେ ପାଣି ଟ୍ୟାଙ୍କର୍ ବ୍ୟବସ୍ଥା କରାଯିବାକୁ ନିଷ୍ପତ୍ତି ହୋଇଥିଲା l

ସେହିପରି ଖରାଦିନେ ବିଦ୍ୟୁତ୍ କାଟ ନିୟମିତ ସମସ୍ୟା ସୃଷ୍ଟି କରୁଥିବାରୁ ଏ ନେଇ ଶକ୍ତି ବିଭାଗ ପକ୍ଷରୁ ବିଶେଷ ବ୍ୟବସ୍ଥା କରାଯିବା ସହ ଜନସାଧାରଣଙ୍କୁ ନିରବଚ୍ଛିନ୍ନ ବିଦ୍ୟୁତ୍ ଯୋଗାଇ ଦେବାକୁ ଅଧିକ ଶକ୍ତି ସଂରକ୍ଷଣ କରି ରଖିବାକୁ ଆଲୋଚନା ହୋଇଥିଲା l ସାଧାରଣ ଲୋକେ ଫୋନ୍ କରି ହେଲ୍ପ୍ ଲାଇନ୍ ନମ୍ଵରରେ ଶକ୍ତି ବିଭାଗ ସହ ଯୋଗାଯୋଗ କରିବାକୁ ଚାହିଁଲେ ବିଭାଗ ପକ୍ଷରୁ ସେମାନଙ୍କ ଅଭିଯୋଗ ଧୈର୍ଯ୍ୟର ସହ ଶୁଣି ଆଶ୍ୱାସନା ଦେଇ ସମସ୍ୟାର ସମାଧାନ କରିବା ପାଇଁ ମାନ୍ୟବର ମନ୍ତ୍ରୀ ଶ୍ରୀ ପୂଜାରୀ ନିର୍ଦ୍ଦେଶ ଦେଇଥିଲେ l ଝାରସୁଗୁଡ଼ା, ବ୍ରଜରାଜନଗର, ଅନୁଗୁଳ, ତାଳଚେର ଆଦି ଅଞ୍ଚଳ ଗ୍ରୀଷ୍ମ ପ୍ରବାହ ଯୋଗୁଁ ଅଧିକ ପ୍ରଭାବିତ ହେଉଥିବା ଯୋଗୁ ସେସବୁ ଅଞ୍ଚଳରେ ବିଶେଷ ବ୍ୟବସ୍ଥା କରାଯିବାକୁ ନିଷ୍ପତ୍ତି ହୋଇଥିଲା l ବିଭିନ୍ନ ଖଣି ଅଞ୍ଚଳ ଏବଂ କଳକାରଖାନାମାନଙ୍କରେ ସୁରକ୍ଷା ପାଇଁ ବିଶେଷ ପଦକ୍ଷେପ ସହ କୁଲିଂ ସେଲଟର୍ ବ୍ୟବସ୍ଥା କରିବା ପାଇଁ ନିର୍ଦ୍ଦେଶ ଦିଆଯାଇଥିଲା l ଏଥିସହିତ ପ୍ରଚଣ୍ଡ ଗ୍ରୀଷ୍ମ ପ୍ରବାହ ସମୟରେ ଶୀତତାପ ନିୟନ୍ତ୍ରିତ ବସ୍ ସେବା ଯୋଗାଇ ଦେବାକୁ ଆଲୋଚନା ହୋଇଥିଲା l ସେହିପରି ଦୀର୍ଘମିଆଦୀ ସୂତ୍ରରେ ସହରାଞ୍ଚଳରେ କ୍ଷୁଦ୍ର ଜଙ୍ଗଲୀକରଣ ନିମନ୍ତେ ରାଜସ୍ୱ ବିଭାଗ ପକ୍ଷରୁ ଖାଲି ଥିବା ସରକାରୀ ଜମି ଯୋଗାଇ ଦିଆଯିବାକୁ ଆଲୋଚନା ହୋଇଥିଲା l ବିଭିନ୍ନ ବଡ଼ବଡ଼ କୋଠାର ବାହାର କାନ୍ଥରେ ସବୁଜିମାର କଭରରେ ଆଚ୍ଛାଦିତ କରିବାକୁ ମଧ୍ଯ ଆଲୋଚନା ହୋଇଥିଲା l

ସେହିପରି ନିୟମିତ ଭାବରେ ଗଣମାଧ୍ୟମ ଏବଂ ଅନ୍ୟାନ୍ୟ ମାଧ୍ୟମରେ ସୂଚନା ଦିଆଯାଇ ଗ୍ରୀଷ୍ମ ପ୍ରବାହ ଏବଂ ଅଂଶୁଘାତ ସମ୍ପର୍କରେ ଜନସାଧାରଣଙ୍କ ମଧ୍ୟରେ ସଚେତନତା ବୃଦ୍ଧି କରିବାକୁ ନିର୍ଦ୍ଦେଶ ଦିଆଯାଇଥିଲା l ଆଗାମୀ ଗ୍ରୀଷ୍ମଦିନେ ସାଧାରଣଲୋକେ ଯେପରି କୌଣସି ସମସ୍ୟାର ସମ୍ମୁଖୀନ ନ ହେବେ ଏବଂ ସେମାନଙ୍କର ଜୀବନ ସୁରକ୍ଷିତ ରହିବ ; ବିଭିନ୍ନ ବିଭାଗ ମଧ୍ୟରେ ଉପଯୁକ୍ତ ସମନ୍ବୟ ରକ୍ଷା କରି ଏହାର ସୁପରିଚାଳନା ନିମନ୍ତେ ସରକାର ସମ୍ପୂର୍ଣ୍ଣ ପ୍ରସ୍ତୁତ ଥିବା ନେଇ ସୂଚନା ଦିଆଯାଇଥିଲା l ଏହି ସମୀକ୍ଷା ବୈଠକରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଡ. ଅରବିନ୍ଦ ପାଢୀ, ସ୍ଵତନ୍ତ୍ର ସାହାଯ୍ୟ ଆୟୁକ୍ତ ଶ୍ରୀ ରାଜେଶ ପ୍ରଭାକର ପାଟିଲ୍, ଶକ୍ତି ବିଭାଗ, ପଞ୍ଚାୟତିରାଜ ଏବଂ ପାନୀୟ ଜଳ ବିଭାଗ, ବିଦ୍ୟାଳୟ ଓ ଗଣଶିକ୍ଷା ବିଭାଗ ଏବଂ ରାଜ୍ୟ ସରକାରଙ୍କ ଅନ୍ୟାନ୍ୟ ବିଭାଗର ବରିଷ୍ଠ ଅଧିକାରୀମାନେ ଉପସ୍ଥିତ ଥିବା ବେଳେ ସମସ୍ତ ଆରଡିସି, ଜିଲ୍ଲାପାଳ ଏବଂ ସମସ୍ତ ମହାନଗର ନିଗମର କମିଶନର ଆଭାସୀ ମାଧ୍ୟମରେ ଯୋଡ଼ି ହୋଇଥିଲେ l

.

ନ୍ୟାୟ ଦେବେ କି କନକ ବର୍ଦ୍ଧନ,

 ମିଟର ନାଁରେ ଲୁଟୁଛି ଟାଟା ପାୱାର :ଅହଙ୍କାରୀ କର୍ମଚାରୀଙ୍କ ପାଇଁ ବଦନାମ ଶକ୍ତି ବିଭାଗ

ବିଜେପି ସରକାର ଏହି 18ମାସରେ ଯଦି କାହା ପାଇଁ ଗାଁ ଗାଁ ରେ ସରକାରଙ୍କ ବିରୋଧରେ ଅଧିକ ଜନ ଅସନ୍ତୋଷ ଦେଖା ଦେଇଛି ତାହା ହେଉଛି ଶକ୍ତି ବିଭାଗ l ଶକ୍ତି ବିଭାଗର ଜଣେ ଅଭିଜ୍ଞ, ଦକ୍ଷ, ସ୍ଵଛ ନିର୍ମଳ ଭାବମୃତ୍ତି ଥିବା ଓଡ଼ିଶାର ଲୋକପ୍ରିୟ ଉପ ମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ ଦାୟିତ୍ୱରେ ଅଛନ୍ତି l ହେଲେ ମନ୍ତ୍ରୀଙ୍କ ବାରମ୍ବାର ତାଗିଦ ସ୍ୱତ୍ତ୍ୱେ ଟାଟା ପାୱାର ଅଧିକାରୀମାନେ କିନ୍ତୁ ସେମାନଙ୍କ ପ୍ରକୃତି ଛାଡୁ ନାହାନ୍ତି l କେଉଁଠି ସୌଭାଗ୍ୟ ଯୋଜନା ନାଁ ରେ ସଂଯୋଗ ନଦେଇ ଉପଭୋକ୍ତାଙ୍କୁ ବିଲ ବୃଦ୍ଧି କରି ଜୋରଜବର ଦସ୍ତ ଆଦାୟ କରାଯାଉଛି ତ କେଉଁଠି ମିଟର ନାଁ ଇଂରେଜ ସମୟର ଜିଜିଆ କର ପରି ବିଜୁଳି ବିଲ ଆଦାୟ କରାଯାଉଛି l ଭାତ ହାଣ୍ଡିରୁ ଗୋଟିଏ ଭାତ ଚିପିଲା ପରି ଯାଜପୁର ଟାଉନରୁ ଆସିଥିବା ଗୋଟେ ଅଭିଯୋଗକୁ ନେଇ ଏ ରିପୋର୍ଟ l ଯାହାକୁ ନେଇ ଦିନକୁ ଦିନ ସାଧାରଣରେ ଅସନ୍ତୋଷ ଦେଖା ଦେଇଛି l ସୂତାରେ ଛିଣ୍ଡୁ ଥିବା ସମସ୍ୟାକୁ ଟାଟା ପାୱାର କର୍ମଚାରି ମାନେ କୁଡାରୀ ଲଗାଇ କାଟିବାକୁ ବି ପଛାଉ ନାହାନ୍ତି l

 ଟାଟା ପାୱାର ନାଁ ରେ ଏପରୀ ମାଳମାଳ ଅଭିଯୋଗ ଆସିବା ପରେ ବିଧାନସଭାର ବଜେଟ ଅଧିବେଶନରେ ବିରୋଧୀ ଏ ପ୍ରସଙ୍ଗକୁ ନେଇ ମୁଲତବି ପ୍ରସ୍ଥାବ ଆଣି ସରକାରଙ୍କୁ ନିଶାନା କରିଛନ୍ତି l କିଛି ଦିନ ପୂର୍ବରୁ ବିଧାନସଭାରେ

କଂଗ୍ରେସ ପକ୍ଷରୁ “ଟାଟା ପାୱାର ଦ୍ୱାରା ଉପଭୋକ୍ତାଙ୍କୁ ଜବରଦସ୍ତ ସ୍ମାର୍ଟ ମିଟର ଲଗାଇବା, ମନ ଇଚ୍ଛା ବିଲ ଦେବା ଓ ଅଘୋଷିତ ବିଦ୍ୟୁତ୍ କାଟ କରିବା ସମ୍ପର୍କରେ” ଦିଆଯାଇଥିବା ମୁଲତବୀ ପ୍ରସ୍ତାବ ଉପରେ ଗୃହରେ ଆଲୋଚନା ହୋଇସାରିଛି l ମୁଲତବୀ ଆଲୋଚନାରେ ଭାଗ ନେଇ କଂଗ୍ରେସ ବିଧାୟକ ପବିତ୍ର ସାଉଁତାଙ୍କ କହିଥିଲେ, ବିଜୁଳି ସାଧାରଣ ଲୋକଙ୍କ ସହ ସିଧାସଳଖ ଜଡିତ ଥିବା ସମସ୍ୟା। ଅଘୋଷିତ ବିଦ୍ୟୁତ କାଟ ସମସ୍ତଙ୍କୁ ହଇରାଣ କରୁଛି। ଶିକ୍ଷା, ସ୍ୱାସ୍ଥ୍ୟ ,ଶିଳ୍ପ ସବୁଥିରେ ବିଦ୍ୟୁତ ଆବଶ୍ୟକ। ରାଜ୍ୟରେ 25 ହଜାର ମେଗାୱାଟ ବିଦ୍ୟୁତ ଉତ୍ପାଦନ ହେଉ ଥିବା ବେଳେ ଆନେକ ଗାଁକୁ ବିଜୁଳି ଯାଇ ପାରି ନାହିଁ। ଯାହାକି ଦୁର୍ଭାଗ୍ୟ ଜନକ ଚିତ୍ର। ଟାଟା ପାୱାରକୁ ସାଗମାଛ ଦରରେ ସରକାର ଟେକି ଦିଆଯାଇଛି। ଲୋକଙ୍କୁ 1000 ଭତ୍ତା ଦେଉଥିବା ବେଳେ ଗରିବ ଲୋକ ଇଲେକ୍ଟ୍ରି ବିଲ କେମିତି ଦେବେ। ଗରିବ ଲୋକଙ୍କୁ ହଜାର ହଜାର ଟଙ୍କା ବିଲ ଆସୁଛି l ସ୍ମାର୍ଟ ମିଟର ବ୍ୟବସ୍ଥା କାହିଁକି କରାଗଲା l ଟାଟା ପାୱାର ମନ ଇଛା ବିଲ ଦେଉଛନ୍ତି l ମୋ ନିର୍ବାଚନ ମଣ୍ଡଳିରେ କେବଳ 400 କୋଟି ଟଙ୍କା ଫାଇନ ପକାଇଛି ଟାଟା ପାୱାର। ସାରା ରାଜ୍ୟରେ 5000 କୋଟି ଫାଇନ ପକେଇଛନ୍ତି l ଆଜି ରାଜ୍ୟ ସରକାର 80 ହଜାର କୋଟି ଟଙ୍କା ଶିଳ୍ପ ସାଂସ୍ଥା ରିହାତି ହେଇଛନ୍ତି l ହେଲେ କୃଷି କ୍ଷେତ୍ରରେ ଦେଉ ନାହାନ୍ତି। ଆମ ରାଜ୍ୟରେ ମାତ୍ର 2 ପ୍ରତିଶତ ବିଦ୍ୟୁତକୁ କୃଷି କ୍ଷେତ୍ରରେ ବ୍ୟବହାର କରାଯାଉଛି। କୃଷି କ୍ଷେତ୍ରରେ ଚାଷୀଙ୍କୁ ସୁବିଧା ନ ଦେଲେ କେମିତି ବିକଶିତ ଓଡ଼ିଶା ଓ ବିକଶିତ ଭାରତ ହେବ। ସବୁ ଦେଖି ବିଭାଗୀୟ ମନ୍ତ୍ରୀ ଚୁପ କାହିଁକି । ଗାଁରେ ଅଘୋଷିତ ପାୱାର କଟ ଫଳରେ ପିଲାଙ୍କ ପାଠ ପଢା ଠିକରେ ହୋଇ ପାରୁ ନାହିଁ। ବିଦ୍ୟୁତ ଦର ରାଜ୍ୟରେ ବଢୁଛି। ରାଜ୍ୟରେ ସବୁ ସମ୍ବଳ ଥାଇ ମଧ୍ୟ ଦର ରାଜ୍ୟରେ କମୁ ନାହିଁ କାହିଁକି ।ସରକାର ବିଦ୍ୟତ ଦର କମାଉ ନାହାନ୍ତି । ନିର୍ବଛିନ୍ନ ସହ କୃଷକଙ୍କୁ କମ ଦରରେ ବିଦ୍ୟୁତ ଦିଅନ୍ତୁ ସରକାର। ମାଗଣା 300 ୟୁନିଟ ମାଗଣା ବିଜୁଳି ଗଲା କୁଆଡେ। ଅନ୍ୟ ରାଜ୍ୟରେ ଲୋକଙ୍କୁ ଫ୍ରି ବିଜୁଳି ଦିଆଯାଉଛି। ହେଲେ ଆମ ଠି କାହିଁକି ନାହିଁ। ବିପିଏଲ ଧାରୀ ଲୋକଙ୍କୁ ମାଗଣାରେ ବିଜୁଳି ମିଳିବା ଉଚିତ l ସେହିପରି

ମୁଲତବୀ ଆଲୋଚନାରେ ଭାଗ ନେଇ ବିଜେଡି ବିଧାୟକ ଗଣେଶ୍ୱର ବେହେରାଙ୍କ କହିଥିଲେ ପାରମ୍ପରିକ ରୀତିରେ ବିରୋଧୀ ଦଳଙ୍କ ପ୍ରଶ୍ନ ରେ ସରକାର ମିଛ କହିଛନ୍ତି କହିଲେ ସମସ୍ୟାର ସମାଧାନ ହେବ ନାହିଁ। ସ୍ମାର୍ଟ ମିଟରକୁ ଲୋକଙ୍କ ଉପରେ ଲଦି ଦିଆଯାଉଛି। ଫଳରେ ଲୋକଙ୍କୁ ଶୋଷଣ କରାଯାଉଛି। ଓଇଆରସି ବୈଠକରେ ଟାଟା ପାୱାରକୁ static meter.କୁ କାହିଁକି ବଦଳାଉଛନ୍ତି ବୋଲି ପ୍ରଶ୍ନ କରିଥିଲେ। static meterକୁ

ପରିବର୍ତ୍ତନ କଲେ 800 ଟଙ୍କା ଚର୍ଚ୍ଚା ହେବ। ହେଲେ କାହିଁକି 5000 ଟଙ୍କା ଦେଇ ସ୍ମାର୍ଟ ମିଟର ଲଗାଯିବ। ଟାଟା କମ୍ପାନୀ ଯାହା କମ ଖର୍ଚ୍ଚରେ ହେବ ତାହା ନ କରି ଲୋକଙ୍କୁ ଖର୍ଚ୍ଚାନ୍ତ କରୁଛନ୍ତି। ଏପଟେ ସରକାର 735 କୋଟି ଟଙ୍କା ବେଜେଟରେ କାହିଁକି ବ୍ୟବସ୍ଥା କରିଛନ୍ତି। ରାଜ୍ୟ ସରକାର ଟାଟା କମ୍ପାନୀକୁ କାହିଁକି ଅହେତୁକ ଅନୁକମ୍ପା ଦେଖାଉଛନ୍ତି। ସରକାର ଲୋକଙ୍କର । ହେଲେ ତାଙ୍କ ପ୍ରତି ଦରଦ ବଦଳରେ କମ୍ପାନୀକୁ କାହିଁକି ଏତେ ଦରଦ ଦେଖାଉଛନ୍ତି। ସ୍ମାର୍ଟ ମିଟର କମ୍ପାନୀ ନିଜ ପୁଞ୍ଜିରୁ ଲଗେଇବା ଉଚିତ। ଏହା ନ କରି ଲୋକ କାହିଁକି ଟଙ୍କା ଦେବେ। ଲୋକଙ୍କୁ ଶୋଷଣ କଣ ପାଇଁ କରୁଛନ୍ତି। ଅତିରିକ୍ତ ସୁରକ୍ଷା ଜମା ରାଶି ବାବଦରେ ଆପଣ 13 ମାସର ଟଙ୍କା ଟାଟା କମ୍ପାନୀ ନେଲା। ଫଳରେ ଖାଉଟିଙ୍କୁ ଶୋଷଣ କରାଗଲା। ଏହାକୁ ଅସ୍ବୀକାର କରିବେ କି। ରାଜ୍ୟରେ ଅଘୋଷିତ ବିଦ୍ୟୁତ କାଟ ହେଉଛି। ଆପଣ ମଧ୍ୟ ଏହା ଜାଣିଛନ୍ତି । ଏହା ଦୁର୍ଭାଗ୍ୟ ଜନକ। ଆମେ ଉଚିତ ଦରରେ ଉଚ୍ଚ ମାନର ନିରବଛିନ୍ନ ବିଦ୍ୟୁତ ଚାହୁଁ l

ମୁଲତବୀ ଆଲୋଚନାରେ ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓଙ୍କ ଅନୁପସ୍ଥିତିରେ ଗଣ ଶିକ୍ଷା ମନ୍ତ୍ରୀ ନିତ୍ୟାନନ୍ଦଙ୍କ ଉତ୍ତର କହିଥିଲେ କେବଳ ଚର୍ଚ୍ଚା ପାଇଁ ଅଭିଯୋଗ ଆଣିଛନ୍ତି ବିରୋଧୀ । ସେମାନେ ଯେତେବେଳେ ସରକାରରେ ଥିଲେ କଣ ବ୍ୟବସ୍ଥା ଥିଲା ସେମାନେ ଜାଣିଛନ୍ତି । ଲୋ ଭୋଲ୍ଟେଜ ସତ୍ତ୍ୱେ ବିଦ୍ୟୁତ୍ ବିଲ୍ ଆସୁଥିଲା l ଲୋକ ବିଦ୍ୟୁତ୍ ପାଉନଥିଲେ l ସୌଭାଗ୍ୟ ଯୋଜନା ମାଧ୍ୟମରେ 9.57 ଲକ୍ଷ ଉପଭୋକ୍ତାଙ୍କୁ ବିଦ୍ୟୁତ ଯୋଗାଣ ହୋଇଛି l ସେମାନେ ବିଦ୍ୟୁତ୍ ଯୋଗାଣରେ କୌଣସି ସଂସ୍କାର ଆଣି ନାହାନ୍ତି l ସ୍ମାର୍ଟ ମିଟର ଦ୍ୱାରା ତ୍ରୁଟି ଶୂନ୍ୟ ହେଉଛି l ଉପଭୋକ୍ତା ଲାଭବାନ୍ ହେଉଛନ୍ତି l ଲୋ ଭୋଲ୍ଟେଜ ନାହିଁ କି ଅଘୋଷିତ ବିଦ୍ୟୁତ୍ କାଟ ହେଉନାହିଁ l ସମଗ୍ର ଦେଶରେ ଫେବୃଆରୀ ସୁଦ୍ଧା 5.80 କୋଟି ସ୍ମାର୍ଟ ମିଟର ସ୍ଥାପନ କରାଯାଇଛି l ସ୍ମାର୍ଟ ମିଟର ଦ୍ୱାରା ମିଟର ରିଡିଙ୍ଗ ଓ ବିଲିଂ ତ୍ରୁଟି ଶୂନ୍ୟ ହୋଇଥାଏ l ରାଜ୍ୟରେ କୌଣସି ସ୍ଥାନରେ ଅଘୋଷିତ ବିଦ୍ୟୁତ କାଟ କରାଯାଉନାହିଁ l ବନ୍ୟା, ବାତ୍ୟା, ଝଡ଼ ବର୍ଷା ଭଳି ବିପର୍ଯ୍ୟୟ ଯୋଗୁଁ କ୍ଷୟକ୍ଷତି ରୋକିବା ପାଇଁ ସାମୟିକ ଭାବେ ବିଦ୍ୟୁତ୍ କାଟ କରାଯାଇଥାଏ l ବିଦ୍ୟୁତ୍ ଚୋରି ପାଇଁ ଫାଇନ ଆଦାୟ କରାଯାଉଛି । ଏହାର ଉଚ୍ଚ ବିଦ୍ୟୁତ ଦର ଅଭିଯୋଗ ସହ କୌଣସି ସମ୍ପର୍କ ନାହିଁ । ଶକ୍ତି କ୍ଷେତ୍ରରେ ସଂସ୍କାର ଆଣିବାରେ ଓଡ଼ିଶା ଦେଶରେ ପ୍ରଥମ ରାଜ୍ୟ । ଗ୍ରାହକ ମାନଙ୍କ ସଂଖ୍ୟା ବୃଦ୍ଧି ପାଇବା ସହ ବିଦ୍ୟୁତ୍ ଯୋଗାଣ ମାନରେ ମଧ୍ୟ ବୃଦ୍ଧି ପାଇଛି । ଆଗାମୀ ଦିନରେ ବିଦ୍ୟୁତ୍ ବିଲ୍ ଓଡ଼ିଆରେ ଦେବା ପାଇଁ ସରକାର ଚିନ୍ତା କରୁଛନ୍ତି କହିଥିଲେ l

ଟାଟା ପାୱାର ନାଁରେ ଏତେ ଅଭିଯୋଗ ହେବା ପରେ ପୁଣି ଯାଜପୁରରୁ ସାଧାରଣ ଉପଭୋକ୍ତା ଧ୍ରୁବ କୁମାର ମହାପାତ୍ରଙ୍କୁ ସୌଭାଗ୍ୟ ଯୋଜନାରେ ବିଜୁଳି ସଂଯୋଗ ନଦେଇ ଲଗାତର ଭାବେ ବକେୟା ବିଲ ଆଦାୟ ଆଳରେ ହାଇରାଣ କରାଯାଉଛି l ଏତିକିରେ ଟାଟା ପାୱାର ଅଧିକାରୀଙ୍କ ମନଶାନ୍ତି ହୋଇନଥିଲା ଯେ ସେମାନେ କୌଣସି ସୂଚନା ନଦେଇ ଉପଭୋକ୍ତାଙ୍କୁ କୌଣସି ସୂଚନା ନଦେଇ ତାଙ୍କର ବିଜୁଳି ସଂଯୋଗ କାଟିଦେଇଥିଲେ l ଯାଜପୁର ସହରରୁ ଆସିଥିବା ଏହି ଅଭିଯୋଗ ଏବେ ଲୋକପ୍ରିୟ ଉପ ମୁଖ୍ୟମନ୍ତ୍ରିଙ୍କ ପାଖରେ ପହଂଚିଛି l ଉପ ମୁଖ୍ୟମନ୍ତ୍ରୀ ମଧ୍ୟ ଏ କଥାକୁ ଗୁରୁତ୍ୱ ଦେଇ ଟାଟା ପାୱାର ଅଧିକାରୀଙ୍କୁ ସମସ୍ୟାର ସମାଧାନ କରିବାକୁ ନିର୍ଦେଶ ଦେଲେ l ହେଲେ ଟାଟା ପାୱାର ଉପ ମୁଖ୍ୟମନ୍ତ୍ରୀଙ୍କ ପାଖରେ ଖବର ପହଂଚି ଯିବାରୁ ସବୁ ବୃଦ୍ଧି ଲଗାଇ ରାଗ ତମ ତମ ହୋଇ ଯାଜପୁର ଉପଭୋକ୍ତାଙ୍କ ଅଭିଯୋଗକୁ ମିଛ ବୋଲି ପ୍ରମାଣିତ କରିବାକୁ ଚେଷ୍ଟା କରିଛନ୍ତି l ଏପରିକି କାହିଁକି ମନ୍ତ୍ରୀଙ୍କ ପାଖରେ ଅଭିଯୋଗ କଲ ବୋଲି ପ୍ରଶ୍ନ କରିଛନ୍ତି l ଯାହା ଏବେ ଚାରିଆଡେ ଚର୍ଚ୍ଚାର ବିଷୟ l ତେବେ ସାଧାରଣ ଉପଭୋକ୍ତା କେବେ ଟାଟା ପାୱାର ଏପରି ମନମୁଖି ବିଲ ଆଦାୟରୁ ମୁକ୍ତି ପାଇବ ତାହା ଉପରେ ସରକାର ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି l

ବର୍ଷ ବର୍ଷ ଧରି ଗୋଟିଏ ଡିଭିଜନରେ କାମ କରୁଥିବା ଅଧିକାରୀମାନଙ୍କ ଜନ ବିରୋଧୀ କାର୍ଯ୍ୟକଳାପ ପାଇଁ ଟାଟା ପାୱାର ଓ ଶକ୍ତି ବିଭାଗ ବଦନାମ ହେଉଥିବା ସାଧାରଣରେ ଚର୍ଚ୍ଚା ହେଉଛି l ଏନେଇ ଟାଟା ପାୱାର ଅଧିକାରୀଙ୍କ କୌଣସି ପ୍ରତିକ୍ରିୟା ମିଇନାହିଁ l