ଭୁବନେଶ୍ବର : ଫାଇନ ଆଦାୟ କରୁଥିବା ଅଫିସରଙ୍କ ଉପରେ ଚଡକ। ତ୍ରୁଟିପୂର୍ଣ୍ଣ ଉପାୟରେ ଫାଇନ କାଟିବା କଥା ଯଦି ସତ ହୁଏ, ଫାଇନର ଦୁଇ ଗୁଣ ଅର୍ଥ ଦେବେ ସମ୍ପୃକ୍ତ ଅଧିକାରୀ। ଯଦି ଚାଲନ କାଟିବା ପରେ ସବୁ ଆବଶ୍ୟକ ଦସ୍ତାବିଜ ଉପସ୍ଥାପନ କରନ୍ତି, ତେବେ ଫାଇନ ଦେବାକୁ ପଡିବ ନାହିଁ। ଆଉ ମାସେ ପାଇଁ କୋହଳ ହେଲା ପ୍ରଦୂଷଣ ଚେକିଂ ନିୟମ। ଅନେକ ବଦଳରେ ଗୋଟିଏ ଫାଇନ ପାଇଁ ଯୋଜନା ହେଉଛି। 17ଟି ସ୍ଥାନରେ ଅନଲାଇନ ଡ୍ରାଇଭିଂ ପରୀକ୍ଷା ପାଇଁ ବ୍ୟବସ୍ଥା କରାଯାଇଛି। ଏହି ସୂଚନା ଦେଇଛନ୍ତି ଜି.ଶ୍ରୀନିବାସ, ପ୍ରମୁଖ ଶାସନ ସଚିବ, ସଡ଼କ ଓ ପରିବହନ ବିଭାଗ ।

ଭୁବନେଶ୍ବର : ସେପ୍ଟେମ୍ବର ପହିଲାରୁ ଲାଗୁ ହୋଇଥିବା ନୂଆ ମୋଟରଯାନ ଆଇନ ସାରା ଦେଶରେ ଲାଗୁ ହୋଇଛି। ବେଆଇନ ଗାଡ଼ି ଚାଳକଙ୍କୁ ସାରା ଦେଶରେ ପୁଲିସ ଧରି ତଣ୍ଡ ଗଣାଉଛି। ଯାହାକୁ ନେଇ ସବୁଠି କୋକୁଆ ଭୟ। ଏବେ ଖବର ଆସିଛି କେଉଁ ରାଜ୍ୟ କେତେ ଟଙ୍କା ଜୋରିମାନା ଗଣାଇ ସାରିଲାଣି।

ତେବେ ଏଥିରେ ସବୁଠାରୁ ଆଗରେ ଅଛି ଆମ ରାଜ୍ୟ ଓଡ଼ିଶା। ଓଡ଼ିଶାରେ ୪ ହଜାରରୁ ଅଧିକ ଚାଲାଣ କଟାଯାଇଥିବାବେଳେ ୮୮ ଲକ୍ଷରୁ ଅଧିକ ଟଙ୍କାର ଜୋରିମାନା ଆଦାୟ ସରିଲାଣି। ସେହିଭଳି ୪୬ଟି ଗାଡ଼ି ଜବତ କରାଯାଇଥିବା ସଡ଼କ ଓ ପରିବହନ ମନ୍ତ୍ରଣାଳୟ ପକ୍ଷରୁ କୁହାଯାଇଛି।

ଅନ୍ୟପକ୍ଷରେ ହରିଆଣାରେ ମଧ୍ୟ ଏହାର ମାତ୍ରା ବେଶ ଅଧିକ। ଏଠାରେ ୩୫୦ଟି ଚାଲାଣ କାଟି ୫୨ ଲକ୍ଷ ଟଙ୍କାରୁ ଊର୍ଦ୍ଧ୍ୱ ଟଙ୍କାର ଟଙ୍କା ଆଦାୟ କରାଯାଇସାରିଛି।

ଏହି ରାଜ୍ୟ ନିୟମ ଲାଗୁ କରି ନାହାନ୍ତି

ପଞ୍ଜାବ, ମଧ୍ୟପ୍ରଦେଶ, ପଶ୍ଚିମବଙ୍ଗ ଏବଂ ରାଜସ୍ଥାନ ଏହି ଆଇନକୁ ପୁନଃବିଚାର କରି ଲାଗୁ କରିବାକୁ ନିଷ୍ପତ୍ତି ନେଇଛନ୍ତି। ଗୁଜରାଟ ସରକାର କହିଛନ୍ତି ଆରଟିଓରୁ ରିପୋର୍ଟ ମିଳିବାପରେ ଯାଇ କିଛି ନିଷ୍ପତ୍ତି ନିଆଯିବ। କିନ୍ତୁ କେନ୍ଦ୍ର ସରକାର କହିସାରିଛନ୍ତି, ଏହି ନିୟମକୁ ସବୁ ରାଜ୍ୟ ପାଳନ କରିବାକୁ ପଡ଼ିବ।

ସାଙ୍ଗଠନିକ ନିର୍ବାଚନର ରାଜ୍ୟସ୍ତରୀୟ କର୍ମଶାଳା ଓ ସଦସ୍ୟତା ସମୀକ୍ଷା ବୈଠକ ଅନୁଷ୍ଠିତ ,ଡିସେମ୍ବରରେ ରାଜ୍ୟ ବିଜେପି ସାଙ୍ଗଠନିକ ନିର୍ବାଚନ:ବିଜେପି  ସେପ୍ଟେମ୍ବର ୮ରୁ ୧୪ ତାରିଖ ପର୍ଯ୍ୟନ୍ତ ସମସ୍ତ ଜିଲ୍ଲାରେ ନିର୍ବାଚନ କର୍ମଶାଳା  ସେପ୍ଟେମ୍ବର ୧୫ରୁ ୨୨ ତାରିଖ ମଧ୍ୟରେ ସମସ୍ତ ବୁଥରେ ନିର୍ବାଚନ  ଅକ୍ଟୋବର ୨୨ରୁ ୩୧ ତାରିଖ ପର୍ଯ୍ୟନ୍ତ ମଣ୍ଡଳ ସ୍ତରୀୟ ନିର୍ବାଚନ ନଭେମ୍ବରରେ ଜିଲ୍ଲାସ୍ତରୀୟ ନିର୍ବାଚନ ଭୁବନେଶ୍ୱର, ତା.୦୫/୦୯: ଆଜି ରାଜ୍ୟ ବିଜେପି କାର୍ଯ୍ୟାଳୟରେ ଦଳୀୟ ସାଙ୍ଗଠନିକ ନିର୍ବାଚନ ପାଇଁ ରାଜ୍ୟସ୍ତରୀୟ କର୍ମଶାଳା ଓ ସଦସ୍ୟତା ସମୀକ୍ଷା ବୈଠକ ଅନୁଷ୍ଠିତ ହୋଇଛି । ଏହି ବୈଠକରେ କେନ୍ଦ୍ରୀୟ ସହ ନିର୍ବାଚନ ଅଧିକାରୀ ଓ ସାଂସଦ ବିନୋଦ ସୋନକାର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଏହି କର୍ମଶାଳାରେ ବିଜେପି ସାଙ୍ଗଠନିକ ନିର୍ବାଚନ ପରିଚାଳନା ଏବଂ ସଦସ୍ୟତା ସମୀକ୍ଷା ସଂର୍ପକରେ ଆଲୋଚନା କରାଯାଇଥିଲା । ଆଗାମୀ ଦିନରେ ବିଭିନ୍ନ ସ୍ତରରେ ହୋବାକୁ ଥିବା ସ୍ଥାନୀୟ ସମିତି ବୁଥ କମିଟି, ମଣ୍ଡଳ କମିଟି ଏବଂ ରାଜ୍ୟ କମିଟି ନିର୍ବାଚନ ପାଇଁ ଏକ କ୍ୟାଲଣ୍ଡର ପ୍ରସ୍ତୁତ କରାଯାଇଛି । ଆଗାମୀ ସେପ୍ଟେମ୍ବର ୮ରୁ ୧୪ ତାରିଖ ପର୍ଯ୍ୟନ୍ତ ସମସ୍ତ ଜିଲ୍ଲାରେ ଏଭଳି କର୍ମଶାଳା ଆୟୋଜନ ହେବ । ଯେଉଁଥିରେ ଜିଲ୍ଲା, ମଣ୍ଡଳ ଓ ବୁଥ୍ ସ୍ତରର କାର୍ଯ୍ୟକର୍ତା ଯୋଗଦେବେ । ସେପ୍ଟେମ୍ବର ୧୫ରୁ ୨୨ ତାରିଖ ମଧ୍ୟରେ ସମସ୍ତ ବୁଥରେ ନିର୍ବାଚନ ପ୍ରକ୍ରିୟା ଅନୁଷ୍ଠିତ ହେବ । ଜିଲ୍ଲାସ୍ତରରେ ୩ ହଜାରରୁ ଅଧିକ କାର୍ଯ୍ୟକର୍ତା ଏହି କାର୍ଯ୍ୟକୁ ପରିଚାଳନା କରିବେ । ଅକ୍ଟୋବର ୨୨ରୁ ୩୧ ତାରିଖ ପର୍ଯ୍ୟନ୍ତ ମଣ୍ଡଳସ୍ତରୀୟ ନିର୍ବାଚନ ହେବ । ସେହିପରି ନଭେମ୍ବରରେ ଜିଲ୍ଲାସ୍ତରୀୟ ଏବଂ ଡିସେମ୍ବରରେ ରାଜ୍ୟସ୍ତରୀୟ ନିର୍ବାଚନ ହେବ ବୋଲି ରାଜ୍ୟ ବିଜେପି ସହ ନିର୍ବାଚନ ଅଧିକାରୀ ଓ ମୁଖପାତ୍ର ଶ୍ରୀ ସୁଦୀପ୍ତ ରାୟ ସୂଚନା ଦେଇଛନ୍ତି । ବିଜେପିର ସର୍ବଭାରତୀୟ ସ୍ତରରେ ୧୬ କୋଟିରୁ ଉଦ୍ଧ୍ୱର୍ ଲୋକ ସଦସ୍ୟତା ଗ୍ରହଣ କରିଛନ୍ତି । ଓଡିଶାରେ ୫୦ ଲକ୍ଷରୁ ଉଦ୍ଧ୍ୱର୍ ଲୋକ ସଦସ୍ୟତା ନେଇଛନ୍ତି । ଆଜିଠାରୁ ପୁଣି ଥରେ ସଦସ୍ୟତା ଅଭିଯାନ ଚାଲୁ ରହିବ ଏବଂ ନିର୍ବାଚନ ପ୍ରକ୍ରିୟା ଆରମ୍ଭ ହୋଇଛି ବୋଲି ଶ୍ରୀ ରାୟ କହିଛନ୍ତି । ବିଜେପି ହେଉଛି ଭାରତର ସବୁଠାରୁ ବଡ ରାଜନୈତିକ ଦଳ । ରାଷ୍ଟ୍ରୀୟ ସଭାପତିଙ୍କ ନିର୍ଦ୍ଦେଶାନୁଯାୟୀ ରାଜ୍ୟରେ ଥିବା ୩୭ ହଜାର ବୁଥ ଗୁଡିକର ‘ନିର୍ବାଚିତ କମିଟି’ ଗଣତାନ୍ତ୍ରିକ ପକ୍ରିୟାରେ କରାଯିବ ବୋଲି ଶ୍ରୀ ରାୟ କହିଛନ୍ତି । ଭାରତୀୟ ଜନତା ପାର୍ଟି ଗଣତାନ୍ତ୍ରିକ ପଦ୍ଧତିରେ ବୁଥ ସଭାପତି, ମଣ୍ଡଳ ସଭାପତି, ଜିଲ୍ଲା ସଭାପତି, ରାଜ୍ୟ ସଭାପତି ନିର୍ବାଚିତ ହୋଇଥାନ୍ତି । ସକ୍ଷମ କାର୍ଯ୍ୟକର୍ତାମାନଙ୍କୁ ଭାରତୀୟ ଜନତା ପାର୍ଟିର ବିଭିନ୍ନ ସ୍ତରର ସଭାପତି କରାଯିବ ବୋଲି ରାଜ୍ୟ ଗଣମାଧ୍ୟମ ବିଭାଗର ମୁଖ୍ୟ ଏବଂ ରାଜ୍ୟ ମୁଖପାତ୍ର ଗୋଲକ ମହାପାତ୍ର କହିଛନ୍ତି ।ଏହି କର୍ମଶାଳାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ପ୍ରତାପ ଷଡଙ୍ଗୀ, ରାଜ୍ୟ ଉପସଭାପତି ସମୀର ମହାନ୍ତି, ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା, ରାଜ୍ୟ ବିଜେପି ନିର୍ବାଚନ ଅଧିକାରୀ ରଂଜନ ପଟେଲ, ସଦସ୍ୟତା ରାଜ୍ୟ ସଂଯୋଜକ ଅନନ୍ତ ନାୟକ, ସହ ସଂଯୋଜକ ଶାରଦା ଶତପଥୀ, ରାଜ୍ୟ ସଂପାଦକ(ସଙ୍ଗଠନ) ମାନସ ମହାନ୍ତି, ରାଷ୍ଟ୍ରୀୟ ସଂପାଦକ ତଥା ସାଂସଦ ସୁରେଶ ପୂଜାରୀ, ବରିଷ୍ଟ ନେତା ବିଜୟ ମହାପାତ୍ର, ବିରାଧୀ ଦଳ ନେତା ପ୍ରଦୀପ୍ତ ନାୟକ, ଦଳର ସମସ୍ତ ସାଂସଦ, ବିଧାୟକ, ଜିଲ୍ଲା ସଭାପତି, ଜିଲ୍ଲା ପ୍ରଭାରୀ, ରାଜ୍ୟ ପଦାଧିକାରୀ ଏବଂ ଜିଲ୍ଲା ପରିଷଦ ଅଧ୍ୟକ୍ଷ ଓ ଉପାଧ୍ୟକ୍ଷଙ୍କ ସମେତ ପୂର୍ବତନ ସାଂସଦ ଏବଂ ବିଧାୟକମାନେ ଉପସ୍ଥିତ ଥିଲେ ।

ଭୁବନେଶ୍ବର: ଆଚାର୍ଯ୍ୟ ବିହାର ଅଞ୍ଚଳରେ ଆଜି ଅଭାବନିୟ ଘଟଣା ଘଟିଛି ।ସ୍ଥାନୀୟ ଅଞ୍ଚଳରେ ଗାଡି ମଟର ଯାଞ୍ଚ କରି ଜୁନିୟର ଏମ୍.ଭି.ଆଇ.ସନ୍ଦିପ୍ ପାଇକରାୟ ଏକ ଅଟୋ ଚାଳକୁ ଏହି ଜୋରିମାନା କରିଛନ୍ତି ।ମିଳିଥିବା ସୂଚନା ଅନୁଯାୟୀ OR02AQ2243ନମ୍ବର ବିଶିଷ୍ଟ ଏକ ଅଟୋ ଧାର୍ଯ୍ୟ କ୍ଷମତା ଠାରୁ ଅଧିକ ଯାତ୍ରୀ ନେଇ ଯାଉଥିଲା ।ଯାଞ୍ଚ ସମୟରେ ଚାଳକର ଲାଇସେନ୍ସ ନଥିବା, ସମ୍ପୃକ୍ତ ଅଟୋର ବୈଧ କାଗଜପତ୍ର ନଥିବା ଏପରି ଅନେକ ଗୁଡିଏ କାରଣ ଦର୍ଶାଇ ସଂପୃକ୍ତ ଅଧିକାରୀ ୪୭୫୦୦ଟଙ୍କାର ରସିଦ୍ କାଟିଛନ୍ତି ।ଏହା ବର୍ତ୍ତମାନ ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।ଏଥିସହିତ ଅଟୋ ଚାଳକଙ୍କ ମଧ୍ୟରେ ଏକ ଭୟର ବାତାବରଣ ସୃଷ୍ଟି ହୋଇଛି ।