ପୌର ନିର୍ବାଚନ ନିର୍ଦ୍ଦାରିତ ସମୟ ଗଢିଯାଇଛି । ହେଲେ ନିର୍ବାଚନ ହୋଇପାରିନାହିଁ । କେବେ ନିର୍ବାଚନ ହେବ ତାହାର ବି ଠିକଣା ନାହିଁ । ଆଉ ଏହାରି ଭିତରେ ପଂଚମ ପାଳିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୫ଟି ମନ୍ତ୍ରକୁ ପୌରପରିଷଦ ଗୁଡ଼ିକରେ କାର୍ଯ୍ୟକାରି କରିବା ପାଇଁ ଗୁରୁତ୍ୱ ଦେଇଛନ୍ତି ରାଜ୍ୟ ସରକାର । ଏଣିକି ମୁଖ୍ୟମନ୍ତ୍ରୀଙ୍କ ୫-ଟି ମନ୍ତ୍ରକୁ କାର‌୍ୟ୍ୟକାରୀ କରିବାକୁ ଗୋଟିଏ ପରେ ଗୋଟିଏ ବିଭାଗ ତତ୍ପରତାର ସହ କାର‌୍ୟ୍ୟ ଆରମ୍ଭ କରିଦେଇଛନ୍ତି ।

ଏହି କ୍ରମରେ ନଗର ଉନ୍ନୟନ ବିଭାଗ ପକ୍ଷରୁ ସହରାଞ୍ଚଳରେ ସବୁ ପୌର ସଂସ୍ଥା ଲୋକଙ୍କ ନିକଟତର ହେବାକୁ ଆରମ୍ଭ କରିଛି ଏକ ଅଭିନବ ଯୋଜନା । ସବୁ ମୁନିସିପାଲଟି, ମହାନଗର ନିଗମ ଓ ଏନଏସିରେ ପ୍ରତି ୱାର୍ଡରେ ନିଯୁକ୍ତି ହେବେ ଜଣେ ଜଣେ ୱାର୍ଡ ଅଫିସର । ସାଧାରଣ ନାଗରିକ ଓ ପୌର ସଂସ୍ଥା ମଧ୍ୟରେ ଏହି ୱାର୍ଡ ଅଫିସର ଏକ ସେତୁ ଭଳି କାର‌୍ୟ୍ୟ କରିବେ ।ମୁଖ୍ୟମନ୍ତ୍ରୀଙ୍କ ୫-ଟି ମନ୍ତ୍ରର ଏକ ଗୁରୁତ୍ବପୂର୍ଣ୍ଣ ଟି ହେଉଛି ଟାଇମ ବା ସମୟ । ଅର୍ଥାତ ନିର୍ଦ୍ଧାରିତ ସମୟରେ ଲୋକଙ୍କ ନିକଟରେ ସେବା ପହଁଚାଇବା । ସେହି ଉଦ୍ଦେଶ୍ୟକୁ ସଫଳ କରିବା ପାଇଁ ପ୍ରତି ମୁନିସିପାଲଟି, ମହାନଗର ନିଗମ ଓ ଏନଏସିର ଜଣେ କର୍ମଚାରୀଙ୍କୁ ୱାର୍ଡ ଅଫିସର ଭାବେ ଦାୟିତ୍ବ ଦିଆଯିବ । ସଂପୃକ୍ତ ମୁନିସିପାଲଟିର ଯେକୌଣସି କାର‌୍ୟ୍ୟାଳୟରେ ୱାର୍ଡ ଅଫିସ କାର‌୍ୟ୍ୟ କରିବ । ନିଜର ଦୈନନ୍ଦିନ ଦାୟିତ୍ବ ସହ ସଂପୃକ୍ତ କର୍ମଚାରୀ ୱାର୍ଡ ଅଫିସର ଭାବେ ମଧ୍ୟ କାମ କରିବେ ।

ୱାର୍ଡର ସର୍ବନିମ୍ନ ସେବା, ବିକାଶ ସଂପର୍କିତ କାର‌୍ୟ୍ୟ, ସୂଚନା ଓ ତଥ୍ୟ ସଂଗ୍ରହ, ସାଧାରଣ ଲୋକଙ୍କ ଆପତ୍ତି ଅଭିଯୋଗର ଶୁଣାଣୀ ଏବଂ ୱାର୍ଡର ଅନ୍ୟାନ କାର‌୍ୟ୍ୟ ତାଙ୍କ ଉପରେ ନ୍ୟସ୍ତ କରାଯିବ । ମୋଟାମୋଟି ଭାବେ ସଂପୃକ୍ତ ୱାର୍ଡ ଅଫିସର ସେହି ୱାର୍ଡର ଜଣେ ନୋଡାଲ ଅଫିସର ଭାବେ କାର‌୍ୟ୍ୟ କରିବେ । ସେ ପୌର ସଂସ୍ଥା ଉପରେ ରହିଥିବା ଚାପକୁ ହ୍ରାସ କରିବା ପାଇଁ ୱାର୍ଡ ଅଫିସର ସାଧାରଣ ନାଗରିକ ଓ ପୋର ସଂସ୍ଥା ମଧ୍ୟରେ ଏକ ସେତୁ ଭଳି କାର‌୍ୟ୍ୟ କରିବେ ।ପ୍ରତି ୱାର୍ଡରେ ଏହି ୱାର୍ଡ ଅଫିସ ଦୈନିକ ସକାଳ ୧୦ଟାରୁ ମଧ୍ୟାହ୍ନ ୧୨ଟା ପର‌୍ୟ୍ୟନ୍ତ କାର‌୍ୟ୍ୟ କରିବ । ଏନେଇ ପୌର ସଂସ୍ଥା ପକ୍ଷରୁ ୱାର୍ଡ ଅଫିସର ଚୟନ ଏବଂ ନିର୍ଦ୍ଧିଷ୍ଟ ନିୟମାବଳୀ ପ୍ରସ୍ତୁତ କରିବାକୁ ଗତ ୧୯ ତାରିଖରେ ନଗର ଉନ୍ନୟନ ସଚିବ ସବୁ ମୁନିସିପାଲଟି, ମହାନଗର ନିଗମ ଓ ଏନଏସିକୁ ଚିଠି ଲେଖିଛନ୍ତି ।

ମୟୁରଭଞ୍ଜ ଜିଲ୍ଲା ପର୍ଯ୍ୟବେକ୍ଷକ ଥିଲେ ବିଜେଡ଼ି ଯୁବ ମନ୍ତ୍ରୀ ଅରୁଣ ସାହୁ । ହେଲେ ମୟୁରଭଞ୍ଜରେ ସେତିକି ସଂଗଠନ ମଜବୁତ ହେବା କଥା ତାହା ହେଲା ନାହିଁ । ବରଂ ୨୦୧୯ ସାଧାରଣ ନିର୍ବାଚନରେ ସାଂସଦ ଓ ୬ଟି ଆସନରେ ବିଜେପି ବିଜୟ ଲାଭ କଲା । ବିଜେଡ଼ିର ସଂଗଠନ ଧୀରେଧୀରେ ଦୁର୍ବଳ ହେଲା । ଯାହା ବିଜେଡ଼ି ସୁପ୍ରିମୋ ନବୀନ ପଟ୍ଟନାୟଙ୍କୁ ଚିନ୍ତାରେ ପକାଇଳା । ଆଉ ଚିନ୍ତା କରିବ ଦୂର ହେବା ସେନେଇ ଦଳରେ ମାନଓ ମଂଥନ ହେଲା । ଶେଷରେ ନବୀନଙ୍କ ଅତି ବିଶ୍ୱସ୍ତ ବିଧାୟକ ପ୍ରଣବ ପ୍ରକାଶ ଦାସଙ୍କୁ ମିଳିଲା ମୟୁରଭଞ୍ଜ ଜିଲ୍ଳା ପର୍ଯ୍ୟବେକ୍ଷକ ଦାୟିତ୍ୱ ।

ମୟୁରଭଞ୍ଜରେ ବିଜେଡି ସଙ୍ଗଠନକୁ କିଭଳି ଅଧିକ ଶକ୍ତିଶାଳୀ କରାଯିବ ସେନେଇ ବ୍ଲୁପ୍ରିଣ୍ଟ ପ୍ରସ୍ତୁତ କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ ଓ ତେଣୁ ତାଙ୍କର ଅତି ଘନିଷ୍ଠ ଓ ସାଙ୍ଗଠନିକ ଦକ୍ଷତାକୁ ବାରମ୍ବାର ପ୍ରମାଣିତ କରିଥିବା ଯାଜପୁର ବିଧାୟକ ପ୍ରଣବପ୍ରକାଶ ଦାସଙ୍କୁ ମୟୁରଭଞ୍ଜର ପର‌୍ୟ୍ୟବେକ୍ଷକ ଭାବେ ନିଯୁକ୍ତି ଦେଇଛନ୍ତି ନବୀନ । ଏବେ ମୟୁରଭଞ୍ଜ ବିଜେଡିକୁ ସଜାଡ଼ିବାର ଦାୟିତ୍ୱ ପ୍ରଣବଙ୍କ ହାତରେ ଓ ପୂର୍ବରୁ କୋରାପୁଟ ଜିଲ୍ଲାର ପର‌୍ୟ୍ୟବେକ୍ଷକ ଦାୟିତ୍ୱ ତୁଲାଇଛନ୍ତି ପ୍ରଣବ ।  କୋରାପୁଟର ମୋଟ ୭ଟି ବିଧାନସଭା ଆସନରୁ ୫ଟି ବିଜେଡି ଜିତିଥିବାବେଳେ , କଂଗ୍ରେସ ଓ ବିଜେପି ଗୋଟିଏ ଲେଖାଏଁ ଆସନ ଜିତିଛନ୍ତି । ଏହାସହ ଗୋଟିଏ ବୋଲି ଲୋକସଭା ଆସନ ହାରିଛି ବିଜେଡି ଓ ସେପଟେ ପ୍ରଣବ ନିଜ ଜିଲ୍ଲା ଯାଜପୁରରେ ସଙ୍ଗଠନକୁ ବେଶ ମଜବୁତ କରିଛନ୍ତି ପ୍ରଣବ । ୨୦୧୯ ସାଧାରଣ ନିର୍ବାଚନରେ ବିଜେଡି ଯାଜପୁରର ୭ଟି ବିଧାନସଭା ଆସନ ଓ ଗୋଟିଏ ଲୋକସଭା ଆସନରେ ବିଜୟଲାଭ କରିଛି । ଯେଉଁଠି ଯେଉଁଠି ସଙ୍ଗଠନକୁ ସଜାଡ଼ିବାର ଆବଶ୍ୟକତା ପଡେ ସେଠି ନବୀନଙ୍କର ଦୂତ ଭାବେ ଉଭା ହୁଅନ୍ତି ।

ପାୱାରଫୁଲ ବିଧାୟକ ପ୍ରଣବପ୍ରକାଶ ଦାସ ଓ ସବୁ ନେତାଙ୍କୁ ସାଙ୍ଗରେ ନେଇ ଓ ନିଜର କଠିନ ପରିଶ୍ରମ ବଳରେ ସୁପ୍ରିମୋ ଦେଇଥିବା କାର‌୍ୟ୍ୟକୁ ସଫଳ କରାନ୍ତି  ସେ । ଯେଉଁଥି ପାଇଁ ଆଜି ଦଳରେ ତାଙ୍କର ଦବଦବା ରହିଛି ଓ ସଂଗଠନ ଯେଉଁଠି ଦୁର୍ବଳ ହୁଏ ସେଠି ସଙ୍ଗଠନକୁ କିଭଳି ମଜବୁତ କରାଯିବ ତାହା ପ୍ରଣବଙ୍କ ଚତୁର ରାଜନୈତିକ ଗୋଟିଚାଳନ ଦ୍ୱାରା ଅନେକ ସମୟରେ ପ୍ରମାଣିତ କରିଛି । ଯୁବଛାତ୍ର, ବରିଷ୍ଠ ସମସ୍ତ ଅଭିଜ୍ଞାନତାକୁ ସମ୍ମାନ ଜଣାଇ ସବୁ କାର‌୍ୟ୍ୟକୁ ଅତି ସହଜରେ ହାସଲ କରି ନିଅନ୍ତି ପ୍ରଣବ ।  ନା ଏଥିରେ ଥାଏ ବିବାଦ ନା ରହିଥାଏ କିଛି ଦ୍ଵନ୍ଦ ଓ ଯେଉଁଥି ପାଇଁ ଯେତେବେଳେ ବି ବିଜେଡିର ସଙ୍କଟ ଆସେ ସେତବେଳେ ଖୋଜା ପଡନ୍ତି ଯାଜପୁରର ଏହି ଯୁବ ବିଧାୟକ ଓ ଏବେ ତାଙ୍କୁ ଦଳର କ୍ରାଇସିସ ମ୍ୟାନେଜର ଭାବେ ଗ୍ରହଣ କରାଯାଇଛି ବୋଲି ବହୁ ରାଜନୈତକ ସମୀକ୍ଷକମାନେ ମତ ଦେଇଛନ୍ତି । ବିଜେଡି ତାର ସଙ୍ଗଠନକୁ ମଜବୁତ କରିବା ପାଇଁ ପର‌୍ୟ୍ୟବେକ୍ଷକ ମାନଙ୍କୁ ନିଯୁକ୍ତି ଦେଇଛି । ବହୁ ଅଭିଜ୍ଞ ଓ ନୂଆ ଲୋକଙ୍କୁ ପର‌୍ୟ୍ୟବେକ୍ଷକଙ୍କୁ ଏକ ଗୁରୁ ଦାୟିତ୍ୱ ଦେଇଛନ୍ତି ନବୀନ ଓ କେଉଁ ନେତାଙ୍କୁ ଦୁଇଟି ଜିଲ୍ଲାର ସଂଗଠନ ଦାୟିତ୍ୱ ଦେଇଛନ୍ତି ତ, ଆଉ କାହାକୁ ବିଜେଡିର ଫୋକସ ଜିଲ୍ଲାର ଦାୟିତ୍ୱ ମିଳିଛି ।

ଯାଜପୁର : ଯାଜପୁର ସ୍ଥାନୀୟ ବରୁଆଁ ସେଣ୍ଟ ଜାଭିୟର ହାଇସ୍କୁଲରେ ଜନ୍ମାଷ୍ଟମୀ ମହା ସମାରୋହରେ ପାଳନ କରାଯାଇଛି । ଭଗବନା କୃଷିଙ୍କ ଜନ୍ମଦିନକୁ ସ୍କୁଲର ଛାତ୍ରଛାତ୍ରୀମାନେ ନିଆରା ଢଙ୍ଗରେ ପାଳନ କରିଥିଲେ । ସ୍କୁଲର ୬୦ରୁ ଅଧିକ ଛାତ୍ରଛାତ୍ରୀ ରାଧାକୃଷ୍ଣ ବେଶ ହୋଇ ନୃତ୍ୟ ଓ ଅଭିନୟ କରିଥିଲେ । ଛାତ୍ରଛାତ୍ରୀମାନଙ୍କ ମଧ୍ୟରେ ମଧ୍ୟ ବିଭିନ୍ନ ପ୍ରତିଯୋଗିତା କରାଯାଇଥିଲା ।

ସବୁବେଳେ ଯାଜପୁର ପ୍ରତିଷ୍ଠିତ ବ୍ୟକ୍ତିମାନଙ୍କୁ ଅନୁଷ୍ଠାନ ସାମିଲ କରିବା ପାଇଁ ପ୍ରୟାସ କରେ ସେଣ୍ଟ ଜାଭୀୟର ସ୍କୁଲ । ଅତିଥିମାନେ ସ୍କୁଲର ବିଭିନ୍ନ କାର୍ଯ୍ୟକ୍ରମରେ ସାମିଲ ହୋଇ ନିଜର ମୂଲ୍ୟବାନ ମତାମତ ଦିଅନ୍ତି । ସ୍କୁଲରେ ଜନ୍ମାଷ୍ଟମୀ ସାଂସୃତିକ କାର୍ଯ୍ୟକ୍ରମକୁ ସେଣ୍ଟ ଜାଭିୟର ସ୍କୁଲର ନିର୍ଦ୍ଦେଶକ ଧ୍ରୃବ କୁମାର ମହାପାତ୍ର ଓ ଅଧ୍ୟକ୍ଷ ହିମାଂଶୁ ପଣ୍ଡା ପରିଚଳାନାଙ୍କ ସହ ଅନ୍ୟ ଶିକ୍ଷକ ଓ ଶିକ୍ଷୟତ୍ର୍ରୀମାନେ ସହଯୋଗ କରିଥିଲେ । ଏହି ଉତ୍ସବରେ ଅତିଥି ଭାବେ ଚଣ୍ଡୀଖୋଲ ଏସ.ବି.ଆଇର ପୂର୍ବତନ ଅଧିକାରୀ ଏସ.କେ. ଅବଦୁଲ, ସମାଜସେବୀ ଏସ.କେ.ରସୁଲ ପ୍ରମୁଖ ଯୋଗଦେଇଥିଲେ । ବହୁ ଛାତ୍ରଛାତ୍ରୀଙ୍କ ଅଭିଭାବକମାନେ ମଧ୍ୟ ଏହି ସାଂସ୍କୃତିକ କାର୍ଯ୍ୟକ୍ରମରେ ନିଜକୁ ସାମିଲ କରିଥିଲେ । ପାଠପଢା ସହ ଛାତ୍ରଛାତ୍ରୀମାନଙ୍କ ବିଭିନ୍ନ ପ୍ରତିଯୋଗିତା ପିଲମାନଙ୍କର ଦକ୍ଷତା ବଢାଇବା ପାଇଁ ଚେଷ୍ଟା କରାଯାଇଥାଏ ।

ବ୍ୟାସନଗର  : ଆଜି ବିଜୁ ଜନତା ଦଳ ପକ୍ଷରୁ ପ୍ରତ୍ଯେକ ଜିଲ୍ଲା ର ପର୍ଯ୍ଯବେକ୍ଷକ ନିଯୁକ୍ତ କରାଯାଇଛି । ପ୍ରାପ୍ତ ସୂଚନା ଅନୁଯାୟୀ ନିରଞ୍ଜନ ପୂଜାରୀ (ଅନଗୁଳ)ଉଷା ଦେବୀ (କଟକ ) ନବକୀଶୋର ଦାସ (କଳାହାଣ୍ଡି)ପ୍ରମିଳା ମଲ୍ଲିକ ( କେନ୍ଦ୍ରାପଡା ) ପ୍ରଫୁଲ୍ଲ କୁମାର ମଲ୍ଲିକ (ବରଗଡ)ସୁଶାନ୍ତ ସିଂ (ବଲାଙ୍ଗୀର)ମହେଶ୍ୱର ମହାନ୍ତି (ଗଞ୍ଜାମ)ପୂର୍ଣ୍ଣଚନ୍ଦ୍ର ସ୍ବାଇଁ (ଗଜପତି)ବିକ୍ରମ୍ କେଶରୀ ଆରୁଖ୍ (କନ୍ଧମାଳ)ବିଜୟ ନାୟକ (ଢେଙ୍କାନାଳ)କୃତିବାସ ପାତ୍ର (ବୌଦ୍ଧ)ଇଂ.ପ୍ରୀତିରଞ୍ଜନ ଘଡେଇ (ସୁନ୍ଦରଗଡ)କ୍ଯାପଟେନ ଦିବ୍ଯଶଙ୍କର ମିଶ୍ର (କେନ୍ଦୁଝର)ପ୍ରଣବ୍ ପ୍ରକାଶ ଦାସ୍ (ମୟୁରଭଞ୍ଜ)ପ୍ରତାପ ଜେନା (ବାଲେଶ୍ବର)ରଣେନ୍ଦ୍ର ପ୍ରତାପ ସ୍ବାଇଁ (ଭଦ୍ରକ)ଦେବାସିଶ ସାମନ୍ତରାୟ (ଜଗତସିଂହପୁର)ପ୍ରଦୀପ କୁମାର ଅମାତ୍ (ପୁରୀ)ପ୍ରସନ୍ନ ଆଚାର୍ଯ୍ୟ (ଖୋର୍ଦ୍ଧା)ସୌଭାଗ୍ଯ ନାୟକ (ନୂଆପଡା)ଅଶୋକ ପଣ୍ଡା (ଯାଜପୁର)ଅମର ପ୍ରସାଦ ଶତପଥୀ (ନୟାଗଡ)ପଦ୍ମନାଭ ବେହେରା (ଝାରସୁଗୁଡା)ଆୟୁବ୍ ଖାନ୍(ସୁବର୍ଣ୍ଣପୁର)ପ୍ରଭୃତି ଗୋଟିଏ ଲେଖାଏଁ ଜିଲ୍ଲା ର ଦାୟୀତ୍ବ ଦିଆଯାଇଥିବା ବେଳେ ସଞ୍ଜୟ ଦାସ ବର୍ମା ଙ୍କୁ ନବରଙ୍ଗପୁର ,ରାୟଗଡା , ଚନ୍ଦ୍ର ସାରଥି ବେହେରା ଙ୍କୁ କୋରାପୁଟ, ମାଲକାନଗିରି ଓ ନଳିନୀକାନ୍ତ ପ୍ରଧାନ ଙ୍କୁ ସମ୍ବଲପୁର ଓ ଦେବଗଡ ପ୍ରଭୃତି ଦୁଇଟି ଲେଖାଏଁ ଜିଲ୍ଲାର ଦାୟିତ୍ୱ ପ୍ରଦାନ କରାଯାଇଛି ।

ଏବର୍ଷ ଛାତ୍ର ସଂସଦ ନିର୍ବାଚନ ହେବ ନାହିଁ । ଇଲେକ୍ସନ ନୁହେଁ, ହେବ ସିଲେକ୍ସନ । ତେବେ ଏପରି ନୀତିକୁ କାହିକିଁ ସରକାର ଆପଣାଇଲେ । କଣ ରାଜ୍ୟ ସରକାର କଲେଜ ନିର୍ବାଚନକୁ ଡ଼ରଉଛନ୍ତି କି ନା କଲେଜ ନିର୍ବାଚନରେ ସଂସ୍କାର ଆଣିବା ପାଇଁ ଏପରି ପଦକ୍ଷପ ନେଇଛି ଉଚ୍ଚଶିକ୍ଷା ବିଭାଗ । ଏବେ ଯିଏ ଉଚ୍ଚଶିକ୍ଷା ମନ୍ତ୍ରୀ ଅଛନ୍ତି ସେ ନିଜେ ଛାତ୍ର ସଂସଦ ନିର୍ବାଚନରୁ ନିର୍ବାଚିତ ହୋଇ ଆଜି ପ୍ରତ୍ୟେକ୍ଷ ରାନୀତିରେ ଅଛନ୍ତି । ଦେଶର ନେତୃତ୍ୱ ନେବାକୁ ହେଲେ କଲେଜ ସମୟରୁ ପ୍ରତିନିଧିତ୍ୱର ତରିକା ଜାଣିବା ଦରକାର । ହେଲେ ଛାତ୍ର ସଂସଦ ନିର୍ବାଚନ ଗତ କିଚି ବର୍ଷଧରି ଯେପରି ଭାବେ ହେଉଛି ତାହା ହେବା ଅପେକ୍ଷା ବନ୍ଦ ହେବା ଉଚିତ ବୋଲି ବହୁ ବିଶେଷଜ୍ଞମାନେ ମତ ଦେଇଛନ୍ତି । ଯୁବ ସାମ୍ବାଦିକ ଅଭିନାଶ ମହାପାତ୍ର ଏନେଇ କେତେଟି ଦିଗ ସୋସିଆଲ ମିଡ଼ିଆରେ ନିଜର ମତ ରଖିଛନ୍ତି । କାହିକିଁ ବନ୍ଦ ହୋଇଛି ଛାତ୍ର ସଂସଦ ନିର୍ବାଚନ । ପଢନ୍ତୁ କେତୋଟି କାରଣ

ଛାତ୍ର ସଂସଦ ନିର୍ବାଚନ ବନ୍ଦ ପାଇଁ ବର୍ତ୍ତମାନର ଏ ସବୁ କାରଣ ଦାୟୀ ନୁହେଁ କି?

୧- ମହାବିଦ୍ୟାଳୟ ଓ ବିଶ୍ବବିଦ୍ୟାଳୟରେ ଛାତ୍ର ଗଣ୍ଡଗୋଳ

୨-ରାଜନୀତିକ ଦଳ ଗୁଡିକର ସିଧାସଳଖ ସଂପ୍ରୁକ୍ତି

୩-ନିର୍ବାଚନରେ ବ୍ୟାପକ ଅର୍ଥ ଖର୍ଚ୍ଚ

୪-ଲିଂଗଡୋ କମିଶନଙ୍କ ନିୟମକୁ କେହି ମାନିଲେ ନିଜ

୫-ନିର୍ବାଚନ ପାଇଁ ମାସ ମାସ ଧରି ଅନ୍ୟ ପିଲାଙ୍କ ପାଠ ପଢା ନଷ୍ଟ

୬-ନିର୍ବାଚନ ପରବର୍ତ୍ତୀ ହିଂସା ଓ ଗଣ୍ଡଗୋଳ

୭-କାହାରି ଚିହ୍ନ ନଥିଲେ ବି ରାଜନୀତିକ ଦଳ ଗୁଡିକ ଶ୍ରେୟ ପାଇଁ କଥା କଟାକଟି।

୮-ବିଶେଷକରି ନିର୍ବାଚନ ପୂର୍ବରୁ ବାଣୀବିହାରରେ ହଷ୍ଟେଲ ଗଣ୍ଡଗୋଳ ଆଶଙ୍କା।

୯-କ୍ୟାରିଅର ଆରମ୍ଭ ପୂର୍ବରୁ କିଛି ପିଲାଙ୍କ ଭବିଷ୍ୟତ ଅନ୍ଧାରକୁ ଚାଲି ଯାଉଛି।

୧୦-ଭବିଷ୍ୟତରେ ନେତା ହେବାର ସ୍ବପ୍ନ ଦେଖି ଛାତ୍ର ସଂସଦ ନିର୍ବାଚନରେ ଅଂଶଗ୍ରହଣ କରୁଥିବା ଛାତ୍ରଛାତ୍ରୀ ସ୍ବପ୍ନ ପୂରଣ ପାଇଁ ଚକ୍ରବ୍ୟୁହରେ ଫସି ଯାଉ ନାହାନ୍ତି କି?

ଭଗବାନ ଶ୍ରୀକୃଷ୍ଣଙ୍କ ଆଜି ହେଉଛି ଜନ୍ମଦିନ । ଏହିଦିନକୁ ସାରା ଦେଶରେ ଜନ୍ମାଷ୍ଟମୀ ଭାବେ ପାଳନ କରୁଛି । ପୁରାରଣ ଅନୁସାରେ ବିଷ୍ଣୁଙ୍କ ଅଷ୍ଟମ ଅବତାର ହେଉଛି କୃଷ୍ଣ ଅବତାର । ଜନ୍ମାଷ୍ଟମୀ ପାଇଁ ଗାଁରୁ ସହର ଉତ୍ସବ ମୁଖର ହୋଇଛି । ବିଶ୍ୱାସ ରହିଛି ,ହି ଦିନ ଭଗବନା ଶ୍ରୀକୃଷ୍ଣଙ୍କୁ ପୂଜା କଲେ କୋଟିପୂର୍ଣ୍ଣ ମିଳେ । ଭଗବାନ କୃଷ୍ଣଙ୍କୁ ଧ୍ୟାନ କଲେ , ଜମ କଲେ, ସାଂସାରିକ ମୋହମାୟାରୁ ମଣିଷ ମୁକ୍ତି ପାଇବା ସହ ସମସ୍ତ ଦୁଃଖ ଯନ୍ତ୍ରଣା ଦୂର ହୁଏ । ଜନ୍ମାଷ୍ଟମୀ ଘରେ ଘରେ ପାଳନ କରାଯାଏ । ଏହି ଅବସରରେ ଶ୍ରୀକୃଷ୍ଣଙ୍କ ଲାସଲୀଳା ମଧ୍ୟ ବିଭିନ୍ନ ମନ୍ଦିରରେ ଦେଖିବାକୁ ମିଳେ । ଗ୍ରହଦୋଷ, ସନ୍ତାପନ ପ୍ରାପ୍ତି, ଆୟୁ ସମୃଦ୍ଧ ପ୍ରାପ୍ତି ହୋଇଥାଏ ଭଗବନାଙ୍କୁ ଆରୋଧନା କଲେ । \n\n\n

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିଲ୍ଲୀଗସ୍ତରେ ଯିବେ । ତେବେ ମୁଖ୍ୟମନ୍ତ୍ରୀ କେତେ ଦିନିଆ ଦିଲ୍ଲୀଗସ୍ତରେ ଯିବେ ତାହା ସୂଚନା ମିଳିନାହିଁ । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ମିଳିଥିବା ସୂଚନା ଅନୁସାରେ ଦିନ ୧୨ଟା ୪୦ ମିନିଟରେ ନବୀନ ଦିଲ୍ଳୀ ଗସ୍ତରେ ଯିବେ । ସେପଟେ ଆସନ୍ତା ୨୬ ତାରିଖରେ ଗୃହମନ୍ତ୍ରୀ ଅମିତ ଶାହା ମାଓସମସ୍ୟା ନେଇ ଡ଼ାକିଥିବା ବୈଠକରେ ମୁଖ୍ୟମନ୍ତ୍ରୀ ଯୋଗଦେବେ ।