ଭୁବନେଶ୍ୱର: ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନ୍ଫରେନ୍ସିଂଗ ଜରିଆରେ ରାଜ୍ୟବାସୀଙ୍କୁ ସମ୍ବୋଧନ ଦେଇଛନ୍ତି । ଏବେ ରାଜ୍ୟର ଅନେକ ଶ୍ରମିକ, ଛାତ୍ର ଛାତ୍ରୀ ବାହାର ରାଜ୍ୟରେ ଫସି ରହିଛନ୍ତି । ସେମାନଙ୍କୁ ଓଡ଼ିଶା ଫେରାଇ ଆଣିବା ପାଇଁ ରାଜ୍ୟ ସରକାର ଚେଷ୍ଟା ଆରମ୍ଭ କରିଛନ୍ତି । ସେମାନେ ଫେରିବା ପରେ ସେମାନେ ପଞ୍ଜୀକୃତ ହେବେ ଓ ତାଙ୍କୁ ୧୪ ଦିନ କ୍ବାରାଣ୍ଟିନରେ ରଖାଯିବ। ସେମାନଙ୍କ ଖାଇବା, ରହିବା ଓ ଚିକିତ୍ସା ଖର୍ଚ୍ଚ ସବୁ ସରକାର ବହନ କରିବେ। ଏହା ପରେ ସେମାନଙ୍କୁ ୨୦୦୦ ଟଙ୍କାର ଏକ ଆର୍ଥିକ ପ୍ରୋତ୍ସାହନ ରାଶି ମଧ୍ୟ ପ୍ରଦାନ କରାଯିବ।
ଏବେ ରାଜ୍ୟ କଠିନ ସମୟ ମଧ୍ୟରେ ରହିଛି। ଏବେ ସମୟ ତାଙ୍କ ବ୍ୟକ୍ତିଗତ ଭାବେ ବହୁ ଗୁରୁତ୍ବପୂର୍ଣ୍ଣ। ପ୍ରତି ଲୋକ କିଭଳି ସୁରକ୍ଷିତ ରହିବେ, ତାହା ଏବେ ସରକାରଙ୍କ ପାଇଁ ପ୍ରାଥମିକତା। ଏଣୁ ରାଜ୍ୟ ବାହାରୁ ଯେଉଁ ବ୍ୟକ୍ତି ବି ଆସିବେ, ସେମାନଙ୍କୁ ପଞ୍ଜୀକରଣ କରାଇ ୧୪ ପାଇଁ କ୍ବାରାଣ୍ଟିନ ରଖିବା ଦାୟିତ୍ବ ସମଗ୍ର ରାଜ୍ୟବାସୀଙ୍କର ବୋଲି ନବୀନ ନିବେଦନ କରିଛନ୍ତି।
ଆସନ୍ତାକାଲିଠାରୁ ଲକଡ଼ାଉନ କଟକଣାରେ କିଛିଟା କୋହଳ କରିବା ପାଇଁ ଉଭୟ କେନ୍ଦ୍ର ସରକାର ଓ ରାଜ୍ୟ ସରକାର ଘୋଷଣା କରିସାଟିଛନ୍ତି। ଏହାର ଅବ୍ୟବହିତ ପୂର୍ବରୁ ରାଜ୍ୟ ବାହାରେ ଥିବା ଲକ୍ଷ ଲକ୍ଷ ଶ୍ରମିକ, ଇଞ୍ଜିନିୟର, ଛାତ୍ର ଯେଭଳି ନିରାପଦରେ ଫେରିବେ ଓ ସେମାନଙ୍କ ଠାରୁ କୌଣସି ବି ବିପଦ କାହା ପ୍ରତି ରହିବ ନାହିଁ,ତାହାକୁ ନିଶ୍ଚିତକ କରିବା ଲାଗି ସରକାର କସରତ ଆରମ୍ଭ କରିଛନ୍ତି। ମୁଖ୍ୟମନ୍ତ୍ରୀ ଆଜି ସ୍ପଷ୍ଟ ଭାବେ କହିଛନ୍ତି, ପଞ୍ଚାୟତ ଓ ପୌରାଞ୍ଚଳ ସହଯୋଗ ବିନା ଏସବୁ ସମ୍ଭବ ନୁହେଁ। ଏଣୁ ସରପଞ୍ଚଙ୍କୁ ଜିଲ୍ଲାପାଳ କ୍ଷମତା ଦେଇ ତାଙ୍କ ପଞ୍ଚାୟତକୁ ଆସୁଥିବା ପ୍ରତିଟି ବ୍ୟକ୍ତିର ଉପଯୁକ୍ତ ଦାୟିତ୍ବ ନେବା ଲାଗି କ୍ଷମତାପ୍ରାପ୍ତ କରାଯାଇଛି।

ଭୁବନେଶ୍ୱର : ଆଜି ଭିଡିଓ ବାର୍ତା ମାଧ୍ୟମରେ ରାଜ୍ୟ ବାସୀଙ୍କୁ ସମ୍ବୋଧନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।ତାଙ୍କର ଏହି ବାର୍ତାରୁ ସ୍ପଷ୍ଟ ଯେ କୋରନାକୁ ହରାଇବା ପାଇଁ ମୁଖ୍ୟମନ୍ତ୍ରୀ ସବୁବେଳେ ଚିନ୍ତିତ । ଏବେ ଲକ୍ ଡାଉନ ଫଳରେ ଗାଁର ଖଟିଖିଆ ଲୋକ ଅନେକ ମାତ୍ରାରେ ପ୍ରଭାବିତ ହୋଇଛନ୍ତି । ଯାହାକୁ ଖୋଦ ମୁଖ୍ୟମନ୍ତ୍ରୀ ଅନୁଭବ କରିଛନ୍ତି । ସେଥିପାଇଁ ସରପଞ୍ଚମାନଙ୍କୁ ଜିଲ୍ଲାପାଳଙ୍କ କ୍ଷମତା ପ୍ରଦାନ କରିଛନ୍ତି ରାଜ୍ୟ ମୁଖିଆ ।
କରୋନା ମୁକାବିଲାରେ ଓଡ଼ିଶାର ସରକାରଙ୍କ ଉଦ୍ୟମ ପ୍ରଶଂସନୀୟ । ଯାହା କି ଖୋଦ ପ୍ରଧାନମନ୍ତ୍ରୀ ମଧ୍ୟ କହିଛନ୍ତି ।ଏହି କ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନେକ ଦୃଷ୍ଟାନ୍ତ ମୂଳକ ଘୋଷଣା କରିଛନ୍ତି । ସେ କହିଛନ୍ତି,”ଆମ ରାଜ୍ୟରେ ୧ଲକ୍ଷ ଶ୍ରମିକ ରହି ଯାଇଛନ୍ତି । ଆମେ ସେମାନଙ୍କ ଯତ୍ନ ନେଉଛୁ । ଏହାସହ ଓଡ଼ିଶାରୁ ଅନେକ ଶ୍ରମିକ, ତୀର୍ଥଯାତ୍ରୀ ଓ ଛାତ୍ରଛାତ୍ରୀ ବାହାର ରାଜ୍ୟରେ ଫସି ରହିଛନ୍ତି । ସେମାନଙ୍କୁ ସୁରକ୍ଷା ଦେବା ଆମ ସରକାରର ପ୍ରାଥମିକତା ବୋଲି ସେ କହିଛନ୍ତି। ସେମାନଙ୍କୁ ଫେରାଇ ଆଣିବା ପାଇଁ କେନ୍ଦ୍ର ସରକାର ଏବଂ ରାଜ୍ୟ ସରକାରଙ୍କ ସହ କଥା ବାର୍ତା ଜରିରହିଛି। ସେମାନଙ୍କୁ ଫେରାଇ ଆଣି ୧୪ ଦିନ ଯାଏଁ କ୍ୱାରେଣ୍ଟିନରେ ରଖାଯିବ। ଏବଂ ଏହି ୧୪ ଦିନ ପାଇଁ ତାଙ୍କୁ ୨୦୦୦ ଟଙ୍କା ସହାୟତା ରାଶି ଦିଆଯିବ। ଏହାସହ କରୋନା ମୁକାବିଲା ପାଇଁ ସରପଞ୍ଚଙ୍କୁ ଜିଲ୍ଲାପାଳ କ୍ଷମତା ପ୍ରଦାନ କରାଯିବା ନେଇ ମୁଖ୍ୟମନ୍ତ୍ରୀ ନିଜ ଭିଡ଼ିଓ ବାର୍ତ୍ତାରେ କହିଛନ୍ତି ।

ଭୁବନେଶ୍ୱର : ସେ କେବେ କୁହନ୍ତିନି, ସେ ଜଣେ ଚଷାପୁଅ ବୋଲି । ହେଲେ ଚାଷୀଙ୍କ ସମାସ୍ୟାକୁ ବହୁତ ଭଲ ଭାବରେ ଜାଣନ୍ତି। କିନ୍ତୁ ସେ କିଛି ନ କହି ନିଜ ନେତାଙ୍କ ପରି କାମକରି ଦିଅନ୍ତି । ସେ ହେଉଛନ୍ତି ଯୁବ ମନ୍ତ୍ରୀ ଡ଼ଃ ଅରୁଣ ସାହୁ । କୃଷି ଓ ଉଚ୍ଚ ଶିକ୍ଷା ବିଭାଗର ଦାୟିତ୍ୱ ମୁଖ୍ୟମନ୍ତ୍ରୀ ତାଙ୍କୁ ଦେଇଛନ୍ତି । କରୋନା ମହାମାରୀରେ ଯେତେବେଳେ ସାରା ବିଶ୍ୱରେ ହାହାକାର ପରିସ୍ଥିତି ସହ ଭୟର ବାତାବରଣ ସୃଷ୍ଟି କରିଛି ଠିକ ସେତେବେଳେ କୃଷକଙ୍କ ସାଥି ହୋଇ ଠିଆ ହୋଇଛନ୍ତି ମନ୍ତ୍ରୀ ଅରୁଣ ସାହୁ। ଯେମିତି ଏହି ମହାମାରୀରେ କୃଷକମାନଙ୍କ ମେରୁଦଣ୍ଡ ଭାଙ୍ଗି ନଯାଏ ସେଥିପାଇଁ ଦିନରାତି ଏକ କରିଦେଇଛନ୍ତି ସେ । ଚାଷୀଙ୍କ ମନବଳ ବୃଦ୍ଧି କରିବା ପାଇଁ ଅନେକ ସମୟରେ ବିଭିନ୍ନ ବାର୍ତ୍ତା ଦେଉଛନ୍ତି। ଏହାସହ ପ୍ରତ୍ୟେକ ଦିନ ୧୦ଟା ରୁ ଲୋକସଭା ଭବନ ଓ କୃଷିଭବନରେ ସଚିବଙ୍କ ସହ ବୈଠକ କରି ସ୍ଥିତିର ସମୀକ୍ଷା କରୁଛନ୍ତି । ଲକ୍ ଡାଉନ ପାଇଁ ଚାଷୀ ମୁଣ୍ଡରେ ଚଡକ ପଡିଛି । କୌଣସି ଉତ୍ପାଦିତ ଦ୍ରବ୍ଯ ବିକ୍ରି କରିପାରୁନାହାନ୍ତି ଚାଷୀ । ବିଲରେ ପରିବା ପଚୁଛି। ଏ ସବୁ ସମସ୍ୟାର ସମାଧାନ ପାଇଁ ସେ ପ୍ରସ୍ତୁତ କରିଛନ୍ତି ଦୀର୍ଘ ମିଆଦୀ ଯୋଜନା । ଖାସ ସେଥିପାଇଁ ତ ୩୦ଟି ଜିଲ୍ଲା ପାଇଁ ୩୦ ଜଣ ନୋଡାଲ ଅଫିସର ନିଯୁକ୍ତି କରିଛନ୍ତି । ଚାଷୀଙ୍କ ପାଇଁ ହୋଇଥିବା ସମସ୍ତ ଯୋଜନାର ଏମାନେ ତଦାରଖ କରିବେ । ଯେଉଁଠି ସମସ୍ୟା ଅଛି ତାର ସମାଧନ କରି ରିପୋର୍ଟ ଦେବା ପାଇଁ କୁହାଯାଇଛି । କୃଷକଙ୍କ ସୁବିଧା ପାଇଁ କୃଷି ଉପକରଣ ମରାମତି ଦୋକାନ ଓ ସାର ଦୋକାନ ଖୋଲିବାକୁ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଭେଟନାରୀ ଅଫିସର ମାନଙ୍କୁ ହେଡକ୍ୱାଟର ନ ଛାଡିବା ପାଇଁ ନିର୍ଦ୍ଦେଶ ଦେଇଛନ୍ତି କୃଷିମନ୍ତ୍ରୀ । ଲକ୍ ଡାଉନ ପୂର୍ବରୁ ଅନୁଷ୍ଠାନ କୃଷି ଦୋକାନ ,ମାଛ ଚାଷ, କୁକୁଡ଼ା ଚାଷୀଙ୍କୁ ସମସ୍ତ ସୁବିଧା ଯୋଗାଇଦେବା ସହ କୋହଳ ବ୍ୟବସ୍ଥା କରିବା ପାଇଁ ସେ କୃଷି ଅଧିକାରୀମାନଙ୍କୁ ସେ ନିର୍ଦ୍ଦେଶ ଦେଇଛନ୍ତି। ଭିଡିଓ କନ୍ଫରେନ୍ସିଂଗ୍ ମାଧ୍ୟମରେ ସେ ସମ୍ପୂର୍ଣ୍ଣ କାର୍ଯ୍ୟର ସମୀକ୍ଷା କରିଛନ୍ତି । ଏହାସହ ପ୍ରାକୃତିକ ବିପର୍ଯ୍ୟୟକୁ ସବୁବେଳେ ଦୃଢ଼ତାର ସହ ମୁକାବିଲା କରୁଥିବା ଚାଷୀମାନେ କରୋନା ସମୟରେ ସେହିପରି ଦୃଢ଼ତାର ସହ ମୁକାବିଲା କରିବା ପାଇଁ ସେ ବାରମ୍ବାର ପରାମର୍ଶ ଦେଇଛନ୍ତି ଚାଷୀଙ୍କୁ । ଚାଷୀଙ୍କ ମନବଳ ବୃଦ୍ଧି କରିବା ପାଇଁ ସରକାରଙ୍କ ସହ ସମନ୍ୱୟ ରକ୍ଷା କରି କୃଷିମନ୍ତ୍ରୀ ଅରୁଣ ସାହୁ ସବୁ ପ୍ରକାର ଚେଷ୍ଟା ଜାରୀ ରଖିଛନ୍ତି । ଚାଷୀ ଯେତେବେଳେ ହଇରାଣରେ ପଡୁଛନ୍ତି , ସେଥିରୁ କେମିତି ଚାଷୀମାନେ ଉଦ୍ଧାର ପାଇବେ ସେଥିପାଇଁ ସବୁବେଳେ ଚେଷ୍ଟା ଜାରୀରଖିଛନ୍ତି ।ଗଣମାଧ୍ୟମରେ ବିଭିନ୍ନ ବାର୍ତ୍ତା ଦ୍ଵାରା ଚାଷୀଙ୍କ ପାଖରେ ପହଂଚାଉଛନ୍ତି। ଏବଂ ତାହାର ସମାଧାନ ପାଇଁ ସବୁ ପ୍ରକାର ଚେଷ୍ଟା ଜାରୀରଖିଛନ୍ତି ।