ଅରୁଣ ସାହୁ l ଓଡିଶା ରାଜନୀତିର ଜଣେ ଭିନ୍ନ ଚରିତ୍ର ରାଜନେତା l ସେ ଯେତିକି ସରଳ ସେତିକି ସଫଳ l ସବୁବେଳେ ନିଜର ନିଆରା ପଣ ପାଇଁ ସେ ଚର୍ଚ୍ଚା ରେ l ଜଣେ ରାଜନେତାର ସମୟ ଜ୍ଞାନ କେତେ ଜରୁରୀ ତାହା ସେ ଆଜି ପୁଣି ସମାଜର ସବୁ ସ୍ତରର ଲୋକଙ୍କୁ ଏକାଠି କରି ସଚେତନ କରି ଛନ୍ତି l ସାହିତ୍ୟ ଓ ସଙ୍ଗୀତର ଯୁଗଳବନ୍ଦୀ: ଲୋକାର୍ପିତ ହେଲା ଡଃ ଅରୁଣ କୁମାର ସାହୁଙ୍କ ପୁସ୍ତକ ‘ପୀଡ଼ା’ ଓ ସଙ୍ଗୀତ ‘ଶୀତୁଆ ସନ୍ଧ୍ୟା’

– “୬.୧୮ ରୁ ୭.୩୮: ଉତ୍କଳ ମଣ୍ଡପରେ ଅରୁଣଙ୍କ ସମୟାନୁବର୍ତ୍ତିତାର ନିଆରା ଝଲକ ଦେଖିଥିଲେ ଉପସ୍ଥିତ ଥିବା ବ୍ୟକ୍ତି ବିଶେଷ ମାନେ l ଭୁବନେଶ୍ୱରର ଉତ୍କଳ ମଣ୍ଡପରେ ଅନୁଷ୍ଠିତ ସାହିତ୍ୟ ଓ ସଙ୍ଗୀତର ଯୁଗଳବନ୍ଦୀ ବରିଷ୍ଠ ରାଜନେତା ତଥା ବିଧାୟକ ଡଃ ଅରୁଣ କୁମାର ସାହୁଙ୍କ ରଚିତ ଜୀବନଧର୍ମୀ ପୁସ୍ତକ ପୀଡ଼ା ଓ ସୁଗମ ସଙ୍ଗୀତ ଶୀତୁଆ ସନ୍ଧ୍ୟାର ଲୋକାର୍ପଣ ହୋଇଯାଇଛି। ଏହି ଉତ୍ସବରେ ଅତିଥି ଭାବେ ଯୋଗ ଦେଇଥିଲେ ବରିଷ୍ଠ ଶିକ୍ଷାବିତ୍ ତଥା ସାରସ୍ଵତ ସାଧକ ମନୋରଞ୍ଜନ ସାହୁ ଏବଂ ମହାନ ଚଇତି ନୃତ୍ୟ ଗୁରୁ ପଦ୍ମଶ୍ରୀ ଡଃ ଉତ୍ସବ ଚରଣ ଦାସ । ଚିରାଚରିତ ଭିଡ଼ରୁ ବାହାରି କିଛି ଭିନ୍ନ କରିବାର ଝୁଙ୍କ ଅରୁଣଙ୍କୁ ଏକ ନିଆରା ପରିଚୟ ପ୍ରଦାନ କରିଛି। ଏହି କାର୍ଯ୍ୟକ୍ରମର ସ୍ଵତନ୍ତ୍ରତା ହେଉଛି ଏହା ସନ୍ଧ୍ୟା ୬.୧୮ରୁ ଆରମ୍ଭ ହୋଇ ୭.୩୮ ରେ ସମାପନ ହୋଇଥିଲା ଯାହାକୁ ନେଇ ବୁଦ୍ଧିଜିବୀ ମହଲରେ ଚର୍ଚ୍ଚା ଜୋରଧରିଛି। ସବୁବେଳେ ସମୟାନୁବର୍ତ୍ତିତାର ବାର୍ତ୍ତା ଦେଉଥିବା ଅରୁଣ ଏହି ସଭା ମାଧ୍ୟମରେ ଏହାକୁ ପୁଣିଥରେ ପ୍ରମାଣିତ କରିଛନ୍ତି। ଦୁଃସ୍ଥ, ଅସହାୟ, ନୋଚାଲାଖିର ଜୀବନକୁ ଭିନ୍ନ ଏକ ଢଙ୍ଗରେ ପରିବେଷଣ କରି ପୀଡ଼ା ପୁସ୍ତକକୁ ଜୀବନଧର୍ମୀ କରିଛନ୍ତି ଡଃ ଅରୁଣ କୁମାର ସାହୁ। ଦ୍ୱେଷ, ଅସୂୟା, ନକାରାତ୍ମକତାରୁ ଉର୍ଦ୍ଧ୍ବକୁ ଉଠି ଦୃଢ଼ ମାନବବାଦର ଏକ ଦୃଢ଼ ପ୍ରତୀକ ଭାବେ ଉଭା ହୋଇଛି ଏହି ପୁସ୍ତକ। ସେହିପରି ବେହାଲ ବର୍ଷା ସଙ୍ଗୀତର ଅହେତୁକ ସଫଳତା ପରେ ଅରୁଣଙ୍କ କଲମରୁ ଝରି ଆସିଛି ଶୀତୁଆ ସନ୍ଧ୍ୟା, ଯାହାକୁ ସଙ୍ଗୀତରେ ସଜେଇଛନ୍ତି ଯୁବ ସଙ୍ଗୀତ ନିର୍ଦ୍ଦେଶକ ଜାପାନୀ ଓ ଗାଇଛନ୍ତି ଉଦୀୟମାନ ଯୁବ କଣ୍ଠଶିଳ୍ପୀ ଚିରାଗଦୀପ । ପ୍ରାୟ ଦୁଇ ହଜାରରୁ ଉର୍ଦ୍ଧ୍ବ ଦର୍ଶକଙ୍କ ଉପସ୍ଥିତିରେ ଏହି ଉତ୍ସବ ସଫଳ ଭାବେ ଶେଷ ହୋଇଛି ଏବଂ ଏଥିପାଇଁ ସବୁ ମହଲରୁ ଡଃ ଅରୁଣ ସାହୁଙ୍କୁ ଶୁଭେଚ୍ଛାର ସୁଅ ଛୁଟୁଛି। ଉପସ୍ଥାପକ ଅଂଶୁମାନ ଜେନା ଏହି ସଫଳ ଉତ୍ସବର ସଞ୍ଚାଳନ କରିଥିବା ବେଳେ ଅନ୍ୟମାନେ ସହଯୋଗ କରିଥିଲେ।ନୂଆପଡା ଉପନିର୍ବାଚନରେ ଯାଇ ସେ ସାଉଁଟିଥିବା ନୂଆ ଅନୁଭୂତି ନିଜ ଲେଖାରେ ପ୍ରକାଶ କରିଥିଲେ l ଏହି ପୃଷ୍ଠଭୂମୀରୁ ଆରମ୍ଭ ହୋଇଥିଲା ତାଙ୍କ କଲମ ଯାହା ଏକ କ୍ଷୁଦ୍ର ଉପନ୍ୟାସ ପୀଡା ଭାବେ ଆତ୍ମପ୍ରକାଶ କରିଛି। ନୂଆପଡା ଉପନିର୍ବାଚନ ସମୟରେ ଅରୁଣଙ୍କ ଭେଟ ହୋଇଛି ନୋଚା ଲାଖି ନାମକ ଜଣେ ବ୍ୟକ୍ତି ସହ। ଯାହାଙ୍କ ଠାରେ ସେ ଅପପୃଷ୍ଟି ଓ ଦାରିଦ୍ର୍ୟତାର ନଗ୍ନ ଚିତ୍ର ଦେଖିଥିଲେ। ନୋଚା ଲାଖି ପରିବାର ଜରିଆରେ ତାଙ୍କୁ ଶିକ୍ଷା, ସ୍ବାସ୍ଥ୍ୟ, ଭିତ୍ତିଭୂମି ବିକାଶ, ଗ୍ରାମୀଣ ଅର୍ଥନୀତିର ଅଭିବୃଦ୍ଧି, ସାମାଜିକ ସ୍ଥିତିରେ ଉନ୍ନତି ଏବଂ ସର୍ବୋପରି ନିର୍ବାଚନ ପରିଚାଳନା ପର୍ଯ୍ୟନ୍ତ ୭୭ ବର୍ଷର ସବୁ ପ୍ରଶାସନିକ ବିଧି ବ୍ୟବସ୍ଥାର ବିଶ୍ଲେଷଣ କରିବାକୁ ବାଧ୍ୟ କରିଛି। ସମୟ ଆସିଛି ଶିକ୍ଷା, ଭାଷା, ସଂସ୍କୃତି, ସାମାଜିକ ଚଳଣୀ, ଧର୍ମୀୟ ଭାବନା, ରୋଜଗାରର ମାଧ୍ୟମ, ବଞ୍ଚିବାର ମାନ, ସନ୍ତୁଳିତ ଖାଦ୍ୟ, ଆଇନକୁ ସମ୍ମାନ, ସାହାଯ୍ୟ ସହାୟତା ପାଇଁ ମାନସିକତାକୁ ନେଇ ନିଜ ଲେଖନୀ ମାଧ୍ୟମରେ ଆଲୋଚନା କରିବା ଆରମ୍ଭ କରିଛନ୍ତି। ଏଥିପାଇଁ ଦାୟୀ କିଏ? ସମାଜର ଉପରସ୍ତରର ଲୋକେ ନା ତଳ ସ୍ତରରେ ରହୁଥିବା ଗରିବ ପରିବାର। ସମାଜର ଉପର ସ୍ତରର ଲୋକେ ସବୁ ସମୟରେ ସହଜରେ ସାଧାରଣ ଲୋକଙ୍କୁ ଦାୟୀ କରିଦେଉଛନ୍ତି। ଆଉ ସେମାନେ ସରକାର ଓ ପ୍ରଶାସନକୁ ମଧ୍ୟ ପ୍ରଭାବିତ କରିପାରୁଛନ୍ତି। ହେଲେ ପ୍ରତିବାଦର ସ୍ବର ଉଠାଇ ପାରୁନାହାଁନ୍ତ ତଳ ସ୍ତରରେ ରହୁଥିବା ଲୋକମାନେ। ଏହି ସ୍ଥିତି ପାଇଁ ନିର୍ବାଚନ ପକ୍ରିୟାକୁ ମଧ୍ୟ ଦାୟୀ କରାଯାଇପାରେ। ନିର୍ବାଚନ ଦାୟିତ୍ବରେ ଥିବା ଅଧିକାରୀଙ୍କ ନିର୍ବାଚନ ପ୍ରକ୍ରିୟା ଉପରେ ନିୟନ୍ତ୍ରଣ ଅଛି କି, ନିର୍ବାଚନରେ ଅଜସ୍ର ଅର୍ଥ ଖର୍ଚ୍ଚ ଉପରେ ରୋକ ଲାଗି ପାରୁଛି କି, ସର୍ବୋପରି ଭୋଟରଙ୍କୁ ରାଜନୈତିକ ଦଳମାନେ ଯେଉଁ ଭଳି ବ୍ୟବହାର କରୁଛନ୍ତି ତା ଉପରେ ନିୟନ୍ତ୍ରଣ ଅଛି କି। ଏପ୍ରଶ୍ନ ସେ ନିଜ ଦଳ, ପୂର୍ବର ବିଜେଡି ସରକାର ଓ ବର୍ତ୍ତମାନର ସରକାରକୁ ମଧ୍ୟ ପୀଡା ଜରିଆରେ ପଚାରିଛନ୍ତି। ରାଜ୍ୟର ଜଣେ ସୁନାମଧନ୍ୟ ଅବସରପ୍ରାପ୍ତ ଶିକ୍ଷକ, ସାହିତ୍ୟିକ ସ୍ବର୍ଗତ ମନୋରଂଜନ ସାହୁ ଓରଫ ମନୁ ମାଷ୍ଟ୍ରେ ଦ୍ବାରା ଏହି ଉପନ୍ୟାସର ଆଜି ଲୋକର୍ପଣ ହୋଇଛି। ଆଜି ସଭାରେ ବରିଷ୍ଠ ରାଜନେତା, ସମାଜର ପ୍ରତିଷ୍ଠିତ ବ୍ୟକ୍ତି, ସାମ୍ବାଦିକ, ସାହିତ୍ୟିକ ଓ ସାଧାରଣ ଲୋକମାନେ ସାମିଲ ହୋଇଥିଲେ l

ବରିଷ୍ଠ ବିଜେଡି ବିଧାୟକ ଅରୁଣ ସାହୁଙ୍କ ସଙ୍ଗୀତ “ଶୀତୁଆ ସଂଧ୍ୟା” ଓ ପୁସ୍ତକ “ପୀଡା”ର ଶୁଭ ଉନ୍ମୋଚନ ହୋଇଛି l ପୀଡା ପୁସ୍ତକରେ ଚତୁର ରାଜନେତା ଅରୁଣ ସାହୁ ବିପ୍ଳବର ବାର୍ତ୍ତା ଦେଇଛନ୍ତି l ଗଣତନ୍ତ୍ର, ନିର୍ବାଚନ, ଶାସନ, ପ୍ରଶାସନ ଭୂମିକା କଣ ଓ ସେମାନେ କଣ କରୁଛନ୍ତି । ତାହା ନୂଆପଡାର ନିର୍ବାଚନ ସମୟରେ ଅରୁଣ ନିଜର ବାସ୍ତବ ଅନୁଭୂତି ଓ ବ୍ୟବସ୍ଥାକୁ ସାହିତ୍ୟ ଜରିଆରେ ଫୁଟେଇବା ଚାହିଁଛନ୍ତି l ରାଜନୀତି ଓ ସାମାଜିକ ବ୍ୟବସ୍ଥାରେ ସଂସ୍କାର ଏବେ କେତେ ଜରୁରୀ ତାହା ବି ନିଜ ଲେଖାରେ ପ୍ରକାଶ କରିଛନ୍ତି l ବ୍ୟକ୍ତିର ପ୍ରଶ୍ନ ପଚାରିବା ଅଧିକାର ଆଜି କିପରି ନାହିଁ ଓ ଭୟ ସୁଷ୍ଟି କରିଛି ତାହା ସେ ଲେଖିଛନ୍ତି l ଗୋଟିଏ ପରିବାର କାହାଣୀ ଲେଖି ଆଜିର ବ୍ୟବସ୍ଥା ଓ ରାଜନୀତି ଗତିଵିଧି ଓ ଲୋକସେବା ନାଁରେ କିପରି ଲୋକ ବିରୋଧୀ ନୀତି ଆଦର୍ଶକୁ ଆମେ ଆପଣାଇଛନ୍ତି ତାହା ଉଲ୍ଲେଖ କରିଛନ୍ତି l ନିଜ ଦଳ ସହ ଅନ୍ୟ ଦଳକୁ ଏ ବ୍ୟବସ୍ଥା ପାଇଁ ସେ ପରୋକ୍ଷରେ ଦାୟୀ କରିଛନ୍ତି l ଅଧିକାର ଓ ପ୍ରାପ୍ୟ ନପାଇଲେ ସାଧାରଣ ମଣିଷଟି କିପରି ସବୁ ଭୟ ଛାଡି ପ୍ରଶ୍ନ କରେ ତାହା ସେ ନୋଚା ଚରିତ୍ର ମାଧମରେ ଲେଖିଛନ୍ତି l ସମାଜ ସେବା ନାଁ ରେ କିଛି ବ୍ୟକ୍ତି କିପରି କ୍ଷମତା ଅପହରଣ କରିବାକୁ ଚେଷ୍ଟା କରିଛନ୍ତି , ତାହା ଅରୁଣ ନିଜ ପୀଡା ପୁସ୍ତକରେ ଲେଖିଛନ୍ତି l ଯଦି ଆମ ଯୋଗୁଁ ତୁମର ପ୍ରତିଷ୍ଠା ତେବେ ଆମେ କାହିଁକି ପତିତ? ବୋଲି ପ୍ରଶ୍ନ କରିବା ସହ ଉତ୍ତର ମାଗିଲେ କାହିଁକି ଡରଭୟ ଦେଖାଅ ବୋଲି ପଚାରିଛନ୍ତି। ଏହାସହ ସ୍ୱାଧୀନତା କଣ କେବଳ ତୁମମାନଙ୍କ ପାଇଁ l ଆମ ଅଧିକାର ତୁମେ କେମିତି ସତ୍ତ୍ଵାଧିକାରୀ? ଏହା କହିବା ସହ ମନର କ୍ଷୋଭକୁ ଆମ ଶ୍ରମ, ପରିଶ୍ରମ, ପାଇଁ କଷ୍ଟ ଲାଗେନି, ବରଂ ତୁମ ମାନଙ୍କର ପ୍ରବଞ୍ଚନା ଆମକୁ ପୀଡା ଦିଏ ବୋଲି ଦୁନିଆର ବାସ୍ତବ ଚିତ୍ରକୁ ପୁସ୍ତକରେ ଉଲ୍ଲେଖ କରିଛନ୍ତି।

କ୍ଷମତାରୁ ଗଲା ପରେ ବିଜେଡି ନେତାଙ୍କ ତୁଣ୍ଡରେ ଲଗାମ ନାହିଁ l ଯିଏ ଯାହା ପାରୁଛନ୍ତି ଗଣମାଧ୍ୟମ ଆଗରେ ମନଖୋଲା ବଖାଣିଦେଉଛନ୍ତି l ମନ୍ତ୍ରୀ ଓ ଦଳୀୟ ଦାୟିତ୍ୱରେ ଥିବା ବେଳେ ଯେଉଁ ନେତାଙ୍କ ତୁଣ୍ଡି ଖୋଲୁନଥିଲା ସେ ନେତା ମାନେ ଏବେ ଦଳକୁ ନେଇ ଭବିଷ୍ୟତବାଣୀ ଦେବାକୁ ପଛାଉ ନାହାନ୍ତି l ଯାହାକୁ ନେଇ ବିଜେଡି ରାଜନୀତି ହଲଚଲ ହେଉଥିବା ବେଳେ ଗଣମାଧ୍ୟମରେ ବିଜେଡି ସବୁବେଳେ ଶିରୋନାମା ପାଲଟିଛି l ଶାସନରେ ଥାଇ ବିଜେପି ଯେତିକି ଚର୍ଚ୍ଚାରେ ନାହିଁ ନିର୍ବାଚନ ହାରି ବିରୋଧୀ ଦଳରେ ରହି ତାହାଠାରୁ ଅଧିକ ଚର୍ଚ୍ଚାରେ ବିଜେଡି l ଯାହା ବିଜେଡିକୁ ବେଶ ସୁହାଉଛି ବୋଲି ରାଜନୈତିକ ସମୀକ୍ଷକ କହିଛନ୍ତି l 2024 ନିର୍ବାଚନରେ ବିଜେଡି 24 ବର୍ଷ ପରେ କ୍ଷମତାରୁ ଗଲା ପରେ ଦଳରେ ଉତ୍ତରାଧିକାରୀ ଚର୍ଚ୍ଚା ଜୋର ଧରିଛି l ନବୀନଙ୍କ ପରେ କିଏ, ଗଣମାଧ୍ୟମ ବିଜେଡି ନେତାଙ୍କୁ ପ୍ରଶ୍ନ ପଚାରିପଚାଲିଥିବା ବେଳେ ଉତ୍ତର କିନ୍ତୁ ଯାହା ଆସୁଛି ତାହା ସବୁଠୁ ଅଧିକ ଖୋରାକ ଯୋଗାଉଛି ଗଣମାଧ୍ୟମକୁ l ପୂର୍ବତନ ମନ୍ତ୍ରୀ ତଥା ଯୁବ ବିଜେଡି ବିଧାୟକ କ୍ୟାପଟେନ ଦିବ୍ୟଶଙ୍କର ମିଶ୍ରଙ୍କ ବୟାନ ଏବେ ଚର୍ଚ୍ଚାରେ l ଦିବ୍ୟଶଙ୍କର ଏକ କାର୍ଯ୍ୟକ୍ରମରେ ଭାଗ ନେଇ ମଞ୍ଚ ଠାରୁ ଆରମ୍ଭ କରି ଗଣମାଧ୍ୟମରେ କହିଛନ୍ତି କି ବିଧାୟକ କଳିକେଶ ସିଂଦେଓ ରାଜ୍ୟ ନେତୃତ୍ୱ ନିଅନ୍ତୁ । ତାଙ୍କୁ ରାଜ୍ୟ ନେତୃତ୍ୱ ଦାୟିତ୍ଵ ପ୍ରଦାନ କରାଯାଉ। ତାଙ୍କ ପରିବାରର ରାଜେନ୍ଦ୍ର ନାରାୟଣ ସିଂହଦେଓ ବି ଦିନେ ରାଜ୍ୟ ରାଜନୀତିରେ ନିଜର ପତିଆରା ରଖି ମୁଖ୍ୟମନ୍ତ୍ରୀ ହୋଇଛନ୍ତି । ପୁରା ପଶ୍ଚିମ ଓଡ଼ିଶା ପାଇଁ ଗର୍ବର ବିଷୟ । ସେମିତି ଆଗାମୀ ଦିନରେ ଆମେ କଳିକେଶ ସିଂଦେଓଙ୍କୁ ବନାଇ ଲିଡର କରି ଠିଆ କରିବା ଯେମିତି ରାଜ୍ୟ ତାଙ୍କୁ ଗ୍ରହଣ କରିବ । ବଲାଙ୍ଗୀର କଳାହାଣ୍ଡି ଭଳି ସବୁ ଜିଲ୍ଲାବାସୀ ମିଶି କରିବା । ସତକୁ ସତ୍ କହିବାର ସାହସ ରଖିବା ଆବଶ୍ୟକ । କଳିକେଶ ସିଂଦେଓ ଜଣେ ଡାଇନାମିକ ଲିଡର। ତାଙ୍କ ପାଖରେ ସ୍ପିଡ, ୟୁଥ୍ ନେସ, ବ୍ୟଗ ଗ୍ରାଉଣ୍ଡ ଓ ମୁମେଣ୍ଟ ରହିଛି । ଓଡ଼ିଶା ରାଜନୀତିରେ ନେତୃତ୍ୱ ନେବାରେ କିଛି ଅସୁବିଧା ନାହିଁ। ରାଜ୍ୟର ନେତୃତ୍ୱ ପୁଣି ଥରେ ବଲାଙ୍ଗୀର ନେଉ ମୁଁ ପ୍ରଭୁ ଜଗନ୍ନାଥଙ୍କ ନିକଟରେ ପ୍ରାଥନା କରୁଛି ଦିବ୍ୟଶଙ୍କର ମିଶ୍ର କହିଛନ୍ତି l ଦିବ୍ୟ ଶଙ୍କର ଙ୍କ ବୟାନ ରେ ଏକମତ ହୋଇନାହାନ୍ତି ବିଜେଡି ର ବରିଷ୍ଠ ବିଧାୟକ ମାନେ l ବରିଷ୍ଠ ବିଧାୟକ ଅରୁଣ ସାହୁ କହିଛନ୍ତି ଉତ୍ତରାଧିକାରୀ ବ୍ୟବସ୍ଥା ସାମନ୍ତବାଦୀ ଚିନ୍ତାଧାରା । ମୁଁ ବ୍ୟକ୍ତିଗତ ଭାବେ ସେଥିରେ ସହମତ ନୁହେଁ । କିଏ କେତେ ଯୋଗ୍ୟ କେତେ ଦକ୍ଷ ସେଇଟା ଜନସାଧାରଣ ଙ୍କ ଆର୍ଶୀବାଦ ଓ କାର୍ଯ୍ୟ ପନ୍ଥା ଉପରେ ନିର୍ଭର କରିବ । ଦିବ୍ୟଶଙ୍କର ଙ୍କ ବୟାନ କୁ ନେଇ କହିଛନ୍ତି ଜଣେ ଜଣଙ୍କ ନିର୍ବାଚନ ମଣ୍ଡଳୀ କୁ ଯିବା ଅବସରରେ କଣ କହିଛନ୍ତି । ସେ କଥା କୁ ନେଇ ଅଧିକ ଚର୍ଚ୍ଚା ହେବା କଥା ନୁହେଁ । ନବୀନ ପଟ୍ଟନାୟକ ବର୍ତ୍ତମାନ ନେତୃତ୍ବ ନେଉଛନ୍ତି । ଦିବ୍ୟଶଙ୍କର ମିଶ୍ର କଣ କହିଛନ୍ତି ଜାଣିନି କିନ୍ତୁ ଏତିକି କହିବି ବିନା ଦକ୍ଷତା ରେ କେହି ନିର୍ବାଚନ ଜିତି ନାହାନ୍ତି । ଯେଉଁମାନେ ନିର୍ବାଚନ ଜିତିଛନ୍ତି ସମସ୍ତଙ୍କ ପାଖରେ ଦକ୍ଷତା ରହିଛି । ଲକ୍ଷ ଲକ୍ଷ କର୍ମୀ ଓ ନେତା କାମ କରୁଥିବା ତୁ ବିଜେଡି ଆଜି ଏଠି ପହଞ୍ଚିଛି । ଯୋଗ୍ୟତା ଓ ଦକ୍ଷତା ସମସ୍ତ ଙ୍କର ଅଛି ବୋଲି ନିର୍ବାଚନ ଜିତନ୍ତି କିନ୍ତୁ କେଉଁ ପୋଷ୍ଟ ପାଇଁ କିଏ କେତେ ଯୋଗ୍ୟ କେତେ ଦକ୍ଷ ସେଇଟା ଜନସାଧାରଣ ଙ୍କ ଆର୍ଶୀବାଦ ଓ କାର୍ଯ୍ୟ ପନ୍ଥା ଉପରେ ନିର୍ଭର କରେ । ଉତ୍ତରାଧିକାରୀ ର ଆବଶ୍ୟକ ଅଛି କି ନାହିଁ ଦଳ ନିଷ୍ପତ୍ତି କରିବ ଆଉ ସୁପ୍ରିମୋ ନିଷ୍ପତ୍ତି କରିବେ ତାକୁ ନେଇ ଆଜି ଠୁ କାହିଁକି ବ୍ୟସ୍ତ ହେଉଛନ୍ତି ସବୁ ବୋଲି ଅରୁଣ ପାଲଟା ପ୍ରଶ୍ନ କରିଛନ୍ତି ଗଣମାଧ୍ୟମ କୁ l ସେହିପରି କଳିକେଶ ନାରାୟଣ ସିଂ ଦେଓ ଙ୍କୁ ବିଜେଡି ଦାୟିତ୍ୱ ନେଇ ଦିବ୍ୟ ଶଙ୍କର ଙ୍କ ବୟାନ ପରେ ବିଜେଡି ବିଧାୟକ ଗଣେଶ୍ୱର ବେହେରା ମଧ୍ୟ ମତ ରଖିଛନ୍ତି l ସେ କହିଛନ୍ତି ଯେ ଦଳରେ ଦବଦବା ସମସ୍ତଙ୍କ ଅଛି | ବିଧାୟକଙ୍କ ବି ଦବଦବା ଅଛି | ବିଜେଡି ର ଉତ୍ତରାଧିକାରୀ କିଏ ହେବ ନବୀନ ନିଷ୍ପତି ନେବେ | ଆମ ସଭାପତି ସଫଳ, ସକ୍ଷମ, ଅକ୍ଷମ ନୁହନ୍ତି | ଉତ୍ତରାଧିକାରୀ ଚର୍ଚ୍ଚା ଆସିଲା କେଉଁଠୁ | ଆମ ସର୍ବମାନ୍ୟ ନେତା ନବୀନ | ସେ ତାଙ୍କ କର୍ତ୍ତବ୍ୟ କରି ଚାଲିଛନ୍ତି | ଯୁବ ନେତା ଙ୍କୁ ଗୁରୁତ୍ୱ ବିଜେଡି ଦିଏ | ଟିକେଟ ବଣ୍ଟନ ଠାରୁ ଦଳୀୟ ପଦ ପଦବୀ ରେ ଦେଖୁ |ଦିବ୍ୟ ଶଙ୍କର କଣ ପାଇଁ କହିଲେ ସେ ତାର ଉତ୍ତର ଦେଇପାରିବେ ବୋଲି ଗଣେଶ୍ୱର ବେହେରା କହିଛନ୍ତି l

ଏପ୍ରିଲ ମାସରେ ଓଡିଶାର ୪ଟି ରାଜ୍ୟସଭା ଆସନ ଖାଲିପଡିବ । ନିର୍ବାଚନ କମିଶନ ରାଜ୍ୟସଭା ନିର୍ବାଚନ ଲାଗି ପ୍ରକ୍ରିୟା ଆରମ୍ଭ କରିବା ପରେ ଉଷ୍ମ ହୋଇଛି ରାଜ୍ୟ ରାଜନୀତି । ରାଜ୍ୟସଭା ସଂଖ୍ୟା ଗଣିତ କହୁଛି ବିଜେପି ଦୁଇଟି ଆସନ ଓ ବିଜେଡି ଗୋଟିଏ ଆସନ ପାଇବ l ଚତୁର୍ଥ ଆସନ କାହାର ହେବ ସେନେଇ ନାନା ଚର୍ଚ୍ଚା ଓ ଆକଳନ । ଅଙ୍କ କହୁଛି ଚତୁର୍ଥ ଆସନ ପାଇଁ ନା ବିଜେଡି ନା ବିଜେପି ପାଖେ ସଂଖ୍ୟା ଅଛି l ଠିକ ଏତିକି ବେଳେ ବରିଷ୍ଠ ବିଜେଡି ବିଧାୟକ ଅରୁଣ ସାହୁ ଚତୁର୍ଥ ରାଜ୍ୟସଭା ଆସନ ପାଇଁ ଉଭୟ ବିଜେପି ଓ ବିଜେଡିକୁ ରାଜ୍ୟସଭା ପ୍ରାର୍ଥୀ କିପରି ହେବା ଦରକାର ସେନେଇ ବ୍ୟକ୍ତିଗତ ଭାବେ ପ୍ରସ୍ଥାବ ଦେଇଛନ୍ତି l ଅରୁଣଙ୍କ ଯୁକ୍ତି ହେଉଛି ରାଜ୍ୟସଭା ବିଜ୍ଞପ୍ତି ପ୍ରକାଶ ପାଇଲେ ବିଜୁ ଜନତା ଦଳ ନିଷ୍ପତି ନେବ l ଦଳର ସଭାପତି ନବୀନ ପଟ୍ଟନାୟକ ଚୂଡାନ୍ତ ନିଷ୍ପତ୍ତି ନେବେ l ରାଜ୍ୟସଭା ଅଙ୍କ କାହାକୁ ଜଣା ନାହିଁ। ୪ଟି ଆସନ ପାଇଁ ବିଜେପିର ୨ଟି ଓ ବିଜେଡିର ଗୋଟିଏ ଯିବା ନିଶ୍ଚିତ l କଂଗ୍ରେସ ପାଖେ ସଂଖ୍ୟା ନାହିଁ l ଚତୁର୍ଥ ଆସନ ପାଇଁ ଆଲୋଚନା ହେଉଛି lଏହାର ଭାଗ୍ୟ କଣ ହେବ କାହାକୁ ଜଣା ନାହିଁ l ମୁଁ ଅପିଲ କରିବି ଚତୁର୍ଥ ଆସନ ପାଇଁ ଓଡିଶାର ଜଣେ ପ୍ରତିଭାବାନ ବ୍ୟକ୍ତିକୁ ରାଜ୍ୟସଭା ପଠାଇବା ପାଇଁ ଆଲୋଚନା କରାଯାଉl ଅରୁଣ ଚତୁର୍ଥ ଆସନ ପାଇଁ ଜଣେ ପ୍ରତିଭାବାନ ବ୍ୟକ୍ତିଙ୍କୁ ପଠାଇବା ପାଇଁ ସବୁ ଦଳକୁ ପ୍ରସ୍ଥାବ ଦେବା ରାଜ୍ୟସଭା ରାଜନୀତିରେ ନୂଆ ସମୀକରଣ ସୁଷ୍ଟି କରିଛି l ଏପ୍ରିଲ ମାସରେ ରାଜ୍ୟସଭା ସାଂସଦ ସୁଜିତ କୁମାର, ମମତା ମହନ୍ତ, ମୁନା ଖାଁ ଓ ନିରଂଜନ ବିଶିଙ୍କ କାର୍ଯ୍ୟକାଳ ଶେଷ ହେଉଛି l ଏହି 4ଟି ଆସନ ପାଇଁ ନିର୍ବାଚନ ହେବ l 3ଟି ରାଜ୍ୟସଭା ଆସନ ଚିତ୍ର ସ୍ପଷ୍ଟ ଥିବା ବେଳେ ଚତୁର୍ଥ ଆସନ ଅସ୍ପଷ୍ଟ ରହିଛି l ଯଦି ଚତୁର୍ଥ ଆସନ ବିଜେଡି ବିଜେପି କୁ ସମର୍ଥନ କରିବ, ତେବେ ବିଜେପି ଓ ବିଜେଡି ମିଶିକି ଅଛନ୍ତି ସେ କଥା ଓଡିଶାବାସୀଙ୍କ ପାଖରେ ପହଂଚିବ l ଅନ୍ୟପଟେ ଯଦି ବିଜେଡି ଚତୁର୍ଥ ଆସନ ପାଇଁ କଂଗ୍ରେସ କୁ ସମର୍ଥନ କରିବ ତେବେ 2024 ପରେ ବିଜେପି ସହ ସମ୍ପର୍କ ତୁଟାଇ କଂଗ୍ରେସର ହାତ ଧରିଲା ବିଜେଡି ବୋଲି ବାର୍ତ୍ତା ଯିବ l ବିଜେଡି ସବୁବେଳେ ସମଦୂରତା ନୀତିକୁ ବିଶ୍ୱାସ କରି ଉଭୟ ବିଜେପି ଓ କଂଗ୍ରେସ ଠାରୁ ରାଜନୈତିକ କ୍ଷେତ୍ରରେ ସମଦୂରତା ବଜାୟ ରଖିଛି l ତେଣୁ ଚତୁର୍ଥ ଆସନ ପାଇଁ ବରିଷ୍ଠ ବିଜେଡି ବିଧାୟକ ଅରୁଣ ସାହୁଙ୍କ ପ୍ରାର୍ଥୀ ଫଣ୍ଡା ଏବେ ଶଙ୍ଖ ଓ ପଦ୍ମ କ୍ୟାମ୍ପରେ ନୂଆ ଆଲୋଚନା ଆରମ୍ଭ ହୋଇଛି ରାଜ୍ୟସଭା ଗଣିତକୁ ନେଇ l