ଆରେ ଆଜି ଷ୍ଟୋରୀ କଣ କରିବା l କାହା ପାଖରୁ ବାଇଟ ଆଣିବା l ନବୀନ ନିବାସ କି ଶଙ୍ଖ ଭବନରେ କିଛି ବୈଠକ ଅଛି କି? ପିସିସି ସଭାପତି ରାଜଧାନୀରେ ଅଛନ୍ତି l ବିଜେପି କାର୍ଯ୍ୟାଳ ୟ କଣ ବୈଠକ ଅଛି l ପୃଥ୍ୱୀରାଜ ଭାଇ ଘରେ ଅଛନ୍ତି, ଅରୁଣ ଭାଇଙ୍କ ପାଖକୁ ଗଲେ ବି ଚଳିବ l

୨୧ ଜାନୁଆରୀ ୨୦୨୬ ସକାଳେ କିନ୍ତୁ ଏସବୁ ଚିନ୍ତା ନଥିଲା l ଗୋଟିଏ ଚିନ୍ତା ଥିଲା କେବେବେଳେ ଜୟଦେବ ବାଟିକା ଯିବା l ରାଜଧାନୀର ଅଧିକାଂଶ କାର୍ଯ୍ୟରତ ସାମ୍ବାଦିକ ଅତ୍ୟନ୍ତ ଆନନ୍ଦ ଓ ଉତ୍ସାହର ସହିତ “ଶକ୍ତି ପ୍ରଦର୍ଶନ ସାମାଜିକ ଅନୁଷ୍ଠାନ” ର ସାମୁହିକ ଭୋଜିରେ ସାମିଲ ହୋଇଥିଲେ l ଜୟ ଦେବ ବାଟିକାର ପ୍ରାକୃତିକ ପରିବେଶ ଭିତରେ ଗୋଟେ ଘୋ ଘୋ ହୋଇଥିଲା। ଭୋଜି ଭାତ ସହ ସମ୍ବର୍ଦ୍ଧନା ପର୍ବ, କବିତା ପାଠ ଓ ଶେଷରେ କିଛି ସାମ୍ବାଦିକ ସଂକୃତିକ କାର୍ଯ୍ୟକ୍ରମ କରିଥିଲେ। ଏହି କାର୍ଯ୍ୟକ୍ରମ ଅନୁଷ୍ଠାନର ସମସ୍ତ ସଦସ୍ୟଙ୍କ ମଧ୍ୟରେ ସ୍ନେହ, ଶ୍ରଦ୍ଧା ଓ ଏକତାକୁ ଅଧିକ ଦୃଢ଼ କରିପାରିଛି। ” ଭାଇଚାରା ତଥା ଆମେ ସମସ୍ତେ ଏକ” ନିଆରା ବାର୍ତ୍ତା ଦେଇ ରାଜଧାନୀରେ ଏଭଳି ବୃହତ ଆୟୋଜନ ପାଇଁ “ଶକ୍ତି ପ୍ରଦର୍ଶନ ସାମାଜିକ ଅନୁଷ୍ଠାନ” ର ସମସ୍ତ ସଦସ୍ୟଙ୍କୁ ଆନ୍ତରିକ କୃତଜ୍ଞତା ଜଣାଯାଉଛି। ବିଶେଷ କରି କାର୍ଯ୍ୟକ୍ରମର ସ୍ମୃତିକୁ ଜୀବନ୍ତ କରିବା ପାଇଁ ଅକ୍ଲାନ୍ତ ପରିଶ୍ରମ କରିଥିବା ସାମ୍ବାଦିକ ଜଗଦୀଶ ଦାସ , ମୌସୁମୀ ମହାନ୍ତି, ଦେବାଶିଷ ସାସମଲ,ପ୍ରିୟପ୍ରିତମ ମହାନ୍ତି, ରକି ଭାଇ, ମାନସ ବରାଳ, ପ୍ରଦୀପ୍ତ ମହାପାତ୍ର, ଅମିୟ ରଂଜନ ସିଂ, ଚିନ୍ମୟ ପଟନାୟକ, ନବ କିଶୋର ସାହୁ,ବିବର୍ତ୍ତନ ପଣ୍ଡା,ସମୀକ୍ଷା ପଟନାୟକ, ମହେଶ ପ୍ରସାଦ ନନ୍ଦ, ଦୁଷ୍ମନ୍ତ ବେହେରା, ସୁମନ୍ତ ସୁନ୍ଦରାଏ, ରଶ୍ମି ଭାଇ, ହରିହର ଚାନ୍ଦ, ରୋଶନ, ମନରଞ୍ଜନ ଶଙ୍ଖୁଆ , ପ୍ରଶାନ୍ତ ସ୍ୱାଇଁ, ,ସ୍ଵାତି ଜେନା, ଚିନ୍ମୟ ମହାପାତ୍ର ,ଦୀପକ ମହାନ୍ତି, ଲକ୍ଷ୍ମୀଧର ମହାପାତ୍ର, ଚନ୍ଦନ ପାଇକରାୟ, ବିଶ୍ୱଜିତ ପାତ୍ର, ଅକ୍ଷୟ ଦାସ, ସରୋଜ ରଞ୍ଜନ ପ୍ରମୁଖ ସାମିଲ ହୋଇଥିଲେ l ଜୟଦେବ ବାଟିକାରେ “ବନ୍ଧୁ ମିଳନ – ୨୦୨୬ ସ୍ମୃତି ଚିରଦିନ ପାଇଁ ସାଇତି ହୋଇ ହୃଦୟରେ ରହିବ। ଆଶା ଆଗାମୀ ଦିନରେ ମଧ୍ୟ “ଶକ୍ତି ପ୍ରଦର୍ଶନ ସାମାଜିକ ଅନୁଷ୍ଠାନ” ର ବନ୍ଧନ ଏମିତି ଅତୁଟ ରହିବ।