() କିଛି ନେତାଙ୍କ ଦଳ ଛାଡ଼ିବା ନେଇ ପିସିସି ସଭାପତି ଶରତ ପଟନାୟକଙ୍କ ପ୍ରତିକ୍ରିୟା । ମୋ ପାଖରେ କାହା ଇସ୍ତଫା ପତ୍ର ପହଞ୍ଚିନି। କିନ୍ତୁ ଯଦି କିଏ ଛାଡ଼ୁଛି ମୁଁ ତାଙ୍କୁ କହିବି କଂଗ୍ରେସ ଛାଡ଼ନ୍ତୁନି। ଆମେ ମିଶି ଏକାଠି କାମ କରିବା ହେଲେ ଯଦି କାହାର ବ୍ୟକ୍ତିଗତ କାରଣ ଥିବ ସେଇଟା ଅଲଗା କଥା।

କଂଗ୍ରେସ ସହ ପ୍ରଭାରୀ ଏ ରୁଦ୍ର ରାଜୁଙ୍କ ପ୍ରତିକ୍ରିୟା। ହାଇକମାଣ୍ଡ ନିର୍ଦ୍ଦେଶ କ୍ରମେ ମୁଁ ବ୍ୟକ୍ତିଗତ ଭାବେ ବିଧାୟକ ମହମ୍ମଦ ମୋକିମଙ୍କୁ ଗତକାଲି ଭେଟି ଆଲୋଚନା କରିଛି। ସେ ମୋତେ ପ୍ରତିଶ୍ରୁତି ଦେଇଛନ୍ତି ସେ କଂଗ୍ରେସରେ ଅଛନ୍ତି ଆଉ ରହିବେ। ଦଳ ନୀତି ଆଦଶରୁ ବିଚ୍ୟୁତ ହୋଇଛି। ବର୍ତ୍ତମାନର ପିସିସି ସଭାପତି କିଛି ନ୍ୟସ୍ତସ୍ୱାର୍ଥ ଗୋଷ୍ଠୀ ଦ୍ୱାରା ପରିଚାଳିତ ହେଉଛନ୍ତି। ତେଣୁ ଦଳରେ ରହିବା ସମ୍ଭବପର ହେଉନାହିଁ ବୋଲି କହିଲେ ଦଳ ଛାଡୁଥିବା ନେତା। ସାମ୍ବାଦିକ ସମ୍ମିଳନୀରେ କଲେ ଘୋଷଣା।

ବର୍ତ୍ତମାନର ପିସିସି ସଭାପତି ଏଆଇସିସି ଯାହା କହୁଛି ସେହି ଅନୁଯାୟୀ କାମ କରୁଛନ୍ତି। ତା ବାଦ କିଛି କରୁନାହାନ୍ତି। ତେଣୁ ଦଳର ଅଗ୍ରଗତି ସମ୍ଭବ ନୁହେଁ। ଶରତ ପଟ୍ଟନାୟକ ଦୀର୍ଘ ଦିନ ହେବ ସକ୍ରିୟ ସଂଗଠନ ସହିତ ଜଡିତ ନ ଥିଲେ। ତେଣୁ ଏବେ ସେ ସଠିକ ଢଙ୍ଗରେ କାର୍ଯ୍ୟ କରି ପାରୁନାହାନ୍ତି ବୋଲି ଅଭିଯୋଗ କଲେ ପୂର୍ବତନ କଂଗ୍ରେସ ମୁଖପାତ୍ର ଅଶୋକ ସାମଲ।

କଂଗ୍ରେସ ବିଧାୟକ ମହମ୍ମଦ ମୋକିମଙ୍କ ଦ୍ରୌପଦୀ ମୁର୍ମୁଙ୍କୁ ଭୋଟ ଦେବା ପ୍ରସଂଗ ଉଠାଇଲେ ଦଳ ଛାଡୁଥିବା ନେତା। ମୋକିମଙ୍କୁ କାରଣ ଦର୍ଶାଅ ନୋଟିସ ଜାରି କରିବା ଅଗଣତାନ୍ତ୍ରିକ। ସାରା ରାଜ୍ୟର କଂଗ୍ରେସ କର୍ମୀ ଏ ପ୍ରସଙ୍ଗରେ ବିରୋଧ କରିବେ ବୋଲି ସାମ୍ବାଦିକ ସମ୍ମିଳନୀରେ କହିଲେ କଂଗ୍ରେସ ନେତା ବିବେକାନନ୍ଦ ପାଣିଗ୍ରାହୀ।

() ୨୦୧୯ରେ ମିଶନ ୧୨୦ଫେଲ l ମୋ ବୁଥ ସବୁଠାରୁ ମଜବୁତ୍ ନାରା ବି ଦିଗହରା l ଯେତେ ଗୁରୁମନ୍ତ୍ର ଦେଲେ ବି ରାଜ୍ୟ ବିଜେପି ତାହାକୁ କାର୍ଯ୍ୟରେ ଲଗାଇ ପାରୁନାହିଁ l ତେଣୁ ଦିନିକିଆ ଓଡ଼ିଶା ଗସ୍ତରେ ଆସି ବିଜେପିର ଚାଣକ୍ୟ ତଥା ଦେଶର ଗୃହମନ୍ତ୍ରୀ ଅମିତ ଶାହ ରାଜ୍ୟ ବିଜେପି ନେତାଂକୁ ଗୁରୁ ଜ୍ଞାନ ଦେବା ସହ କେତେକ ପରାମର୍ଶ ଦେଇଛନ୍ତି l ଓଡ଼ିଶାରେ ବିଜେପି ସଙ୍ଗଠନକୁ ସମୀକ୍ଷା କରି ଶାହ ନିଜର ଅସନ୍ତୋଷ ପ୍ରକାଶ କରିଛନ୍ତି l ସିଧା ସିଧା ରାଜ୍ୟ ବିଜେପି ମଙ୍ଗୁଆଳଙ୍କୁ ଅମିତ ଶାହ କହିଥିଲେ ଯେ ଓଡ଼ିଶା ପାଇଁ ଦିଲ୍ଲୀ ଭୋଟ କରିବନି l ଓଡ଼ିଶାରେ ଭୋଟ ପାଇବାକୁ ହେଲେ ପ୍ରତ୍ୟେକ ନେତା ଓ କର୍ମୀ ଲୋକଂକ ପାଖକୁ ଯିବାକୁ ପଡିବ ଓ ତୃଣମୂଳ ସ୍ତରରେ ସଙ୍ଗଠନକୁ ଅଧିକ ମଜବୁତ୍ କାଟିବାକୁ ପଡ଼ିବ l ଏଥିପାଇଁ କଠିନ ପରିଶ୍ରମ ଦରକାର l କାରଣ ମୋଦୀଜୀ ସବୁବେଳେ କୁହନ୍ତି, “ଅନେକ କଷ୍ଟ ପରେ ମତେ କେବେ ଥକା ଲାଗେ ନାହିଁ, ମାତ୍ର ଆନନ୍ଦ ମିଳିଥାଏ। ମୋ କଷ୍ଟ ଯେତେବେଳେ ଗରିବ ଲୋକର ମୁହଁରେ ଖୁସି ଆଣିଦିଏ, ସେତେବେଳେ ମନ ଆନନ୍ଦରେ ଭରିଯାଏ l ଆଉ ତାହାହିଁ ଆଜି ବିଜେପି କୁ ଦେଶରେ ଏପରି ବଡ ସଫଳତା ଦେଇଛି l ରାଜ୍ୟ ବିଜେପି ନେତା ଶାହ ଙ୍କ ଠାରୁ ଏପରି ମନ୍ତ୍ର ଶୁଣି ଚୁପ୍ ହୋଇ ବସିପଡିଲେ l କାରଣ ପଂଚାୟତ ଓ ପୌର ନିର୍ବାଚନରେ ଓଡ଼ିଶାବାସୀ ବିଜେପି ପ୍ରତ୍ୟାଖାନ କରିଛନ୍ତି l ସଦ୍ୟତମ ବ୍ରଜ ରାଜନଗର ଉପ ନିର୍ବାଚନରେ ଦଳ ଦ୍ୱିତୀୟ ରୁ ତୃତୀୟ ସ୍ଥାନକୁ ଚାଲି ଆସିଛି l ଯାହା ବିଜେପି କର୍ମୀ ଓ ନେତାଙ୍କ ମନବଳ ଭଙ୍ଗିଦେଇଛି l ଏହାରି ଭିତରେ ଦଳର ଚାଣକ୍ୟ ଅମିତ ଶାହ ଓଡ଼ିଶା ଗସ୍ତ ପରେ ରାଜ୍ୟ ବିଜେପି ଅନ୍ଦର ମହଲରେ ଉତ୍ସାହ ଆଣିବ କଣ ବରଂ ଅଧିକ ନିରାଶ ଆଣିଛି ବୋଲି ରାଜ ନୈତିକ ସମୀକ୍ଷକ କହିଛନ୍ତି l ହେଲେ ବାହାରକୁ କିନ୍ତୁ ବିଜେପି ୨୦୨୪ ପାଇଁ ରଣନୀତି ପ୍ରସ୍ତୁତ କରିଛି ବୋଲି ବାର୍ତ୍ତା ପ୍ରଚାରିତ କରାଯାଉଛିl

() ଓଡ଼ିଶାରେ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ । କଟକ ଗସ୍ତରେ ଯିବେ ଅମିତ ଶାହ । ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମପୀଠ ପରିଦର୍ଶନ କରିବା ସହିତ ପ୍ରଜାତନ୍ତ୍ରର ୭୫ତମ ପ୍ରତିଷ୍ଠା ଉତ୍ସବରେ ଯୋଗଦେବେ ।

() ଓଡ଼ିଶାର ଯୋଗ୍ୟ ହିତାଧିକାରୀଙ୍କ ଲାଗି ଆବାସ ପ୍ଲସ ପୋର୍ଟାଲ ଖୋଲିବା ନେଇ କେନ୍ଦ୍ର ଗ୍ରାମୀଣ ଆବାସ ମନ୍ତ୍ରୀଙ୍କୁ ଧର୍ମେନ୍ଦ୍ର ଭେଟିବା ପ୍ରସଙ୍ଗ ।

ଆମେ ଯେଉଁ କଥା ଦାବି କରୁଥିଲୁ ଯଦି କେନ୍ଦ୍ର ମନ୍ତ୍ରୀ ସେହି ଦାବି କରିଛନ୍ତି ତେବେ ତାହା ଭଲ କଥା । ଓଡ଼ିଶାର ଲୋକେ ଏଥିରେ ଉପକୃତ ହେବେ । ଆମେ ଯେଉଁ କଥା କହି ଆସୁଥିଲୁ ବର୍ତ୍ତମାନ ତାହା କର୍ଯ୍ୟସିଦ୍ଧି ହେଲା । ରାଜ୍ୟ ସରକାର ଫନି ପର ଠୁ ଏ କଥା କହି ଆସୁଥିଲେ । ଯେତେବେଳେ କେନ୍ଦ୍ର ମନ୍ତ୍ରୀ ସେ ପ୍ରସଙ୍ଗ କୁ ଧରିଛନ୍ତି ନିଶ୍ଚିତ ଭାବେ ଏହା ସ୍ୱାଗତ ଯୋଗ୍ୟ ପଦକ୍ଷେପ । ଏହା ଦ୍ୱରା ରାଜ୍ୟ ସରକାରଙ୍କୁ ହିଁ ଲାଭ ମିଳିବ । ଏବଂ ରାଜ୍ୟର ଲୋକେ ଉପକୃତ ହେବେ । ଯେଉଁମାନେ ବଞ୍ଚିତ ହେଇଛନ୍ତି ଘର ପାଇବାରୁ ସେମାନେ ଉପକୃତ ହେବେ ।

ପ୍ରତାପ ଦେବ, ଶିଳ୍ପ ମନ୍ତ୍ରୀ

() ଟାଟା ପାୱାର ଅଧୀନରେ bill ଆଦାୟ କରୁଥିବା ସ୍ୱୟଂ ସହାୟକ ଗୋଷ୍ଠୀର ମହିଳାଙ୍କୁ ଡ୍ରେସକୋଡ଼ ଓ ଲୋଗୋ ପ୍ରଦାନ କରାଯାଇଛି। ରାଜ୍ୟରେ 505 ପଞ୍ଚାୟତ ରେ 505 ସ୍ୱୟଂ ସହାୟକ ଗୋଷ୍ଠୀ bill ଆଦାୟ କାର୍ଯ୍ୟରେ ନିୟୋଜିତ ହୋଇଛନ୍ତି। ଏହି ମହିଳା ସଦସ୍ୟମାନଙ୍କୁ ଟାଟା ପାୱାର ପକ୍ଷରୁ ଡ୍ରେସ କୋଡ଼ ବାବଦରେ 5 ହଜାର ମାଣିଆ ବନ୍ଧ ଶାଢ଼ୀ ଓ ଢେଙ୍କାନାଳର ଡୋକ୍ରାରେ ତିଆରି ହୋଇଥିବା ଲୋଗୋ ପ୍ରଦାନ କରାଯାଇଛି। ଲୋକସେବା ଭବନର ନୂତନ ସମ୍ମିଳନୀ କକ୍ଷରେ ଆୟୋଜିତ ହୋଇଥିବା କାର୍ଯ୍ୟକ୍ରମ ରେ ଶକ୍ତିମନ୍ତ୍ରୀ ପ୍ରତାପ ଦେବ ଏହି ଲୋଗୋ ଓ ଡ୍ରେସକୋଡ଼ ଉନ୍ମୋଚନ କରିବା ସହ ମହିଳା ମାନଙ୍କୁ ପ୍ରଦାନ କରିଥିଲେ।