ପୂର୍ବତନ ମୁଖ୍ୟମନ୍ତ୍ରୀ, ବିରୋଧୀ ଦଳ ନେତା ତଥା ବିଜୁ ଜନତା ଦଳର ସଭାପତି ଶ୍ରୀଯୁକ୍ତ ନବୀନ ପଟ୍ଟନାୟକ ଆସନ୍ତା ଜୁନ ୨୦ ତାରିଖ ଦିନ ଚିକିତ୍ସା ପାଇଁ ମୁମ୍ବାଇ ଗସ୍ତ କରୁଛନ୍ତି। ଆସନ୍ତା ଜୁନ ୨୨ ତାରିଖ ଦିନ କୋକିଳାବେନ ଧୀରୁଭାଇ ଅମ୍ବାନୀ ହସ୍ପିଟାଲ ଠାରେ ତାଙ୍କର ଚିକିତ୍ସା କରାଯିବ।
ଶ୍ରୀଯୁକ୍ତ ନବୀନ ପଟ୍ଟନାୟକଙ୍କର ବ୍ୟକ୍ତିଗତ ଚିକିତ୍ସକ ଡାକ୍ତର ରମାକାନ୍ତ ପଣ୍ଡା ମୁମ୍ବାଇ ଠାରେ ଶ୍ରୀଯୁକ୍ତ ପଟ୍ଟନାୟକଙ୍କର ଚିକିତ୍ସା ବ୍ୟବସ୍ଥାର ସମସ୍ତ କାର୍ଯ୍ୟ ତଦାରଖ କରିବେ।ଓଡ଼ିଶାର ଅଗଣିତ ଜନ ସାଧାରଣଙ୍କ ତରଫରୁ ପ୍ରଭୁ ଜଗନାଥଙ୍କ ନିକଟରେ ପ୍ରାର୍ଥନା କରୁଛି ଯେ, ଶ୍ରୀଯୁକ୍ତ ପଟ୍ଟନାୟକ ଖୁବଶୀଘ୍ର ସୁସ୍ଥ ହୋଇ ଓଡିଶା ଫେରନ୍ତୁ ଏବଂ ଓଡିଶାବାସୀଙ୍କ ସେବା ଜାରି ରଖନ୍ତୁ।
ଭକ୍ତଙ୍କ ଇଛାପୂରଣ କରିବା ପାଇଁ ଜଗତର ନାଥ ଜଗନ୍ନାଥ ଶ୍ରୀମନ୍ଦିର ଛାଡି ୯ଦିନ ଧରି ବାହାରୁ ଆସନ୍ତି ମାନବୀୟ ଲୀଳା କରିବା ପାଇଁ । ବଡ ଭାଇ ବଳଭଦ୍ର, ଭଉଣୀ ସୁଭଦ୍ରାଙ୍କୁ ସାଙ୍ଗରେ ଧରି ୯ ଦିନ ଧରି ନବଦିନାତ୍ମକ ଯାତ୍ରା ବାହାରିପଡନ୍ତି ବିଶ୍ବକର୍ତ୍ତା । ରତ୍ନବେଦୀରୁ ଜନ୍ମବେଦୀକୁ ଏହି ନବଦିନାତ୍ମକ ଯାତ୍ରା ପୁରା ବିଶ୍ବରେ ଆନନ୍ଦ ଖେଳାଇ ଦିଏ । ଦୁନିଆର ସବୁଠାରୁ ଦାମୀ ରଥରେ ବସି ବଡଦାଣ୍ଡକୁ ବାହାରି ଆସନ୍ତି ବଡ ଠାକୁର । ଜଗନ୍ନାଥ ଭକ୍ତଙ୍କୁ ,ଭକ୍ତ ଜଗନ୍ନାଥଙ୍କୁ ଦେଖିବା ବର୍ଷତମାନ ଅନାଇ ବସିଥାନ୍ତି ।
ଶ୍ରୀଗୁଣ୍ଡିଛା ଯାତ୍ରାରୁ ବାହୁଡା ଯାତ୍ରା ଯାଏ ପୁରା ଅପୂର୍ବ ଯାତ୍ରା ଦେଖିବାକୁ ବଡ ଦାଣ୍ଡରେ ଭକ୍ତଙ୍କ ଭିଡ ଜମେ । ଜୁନ ୨୭ ତାରିଖରେ ବିଶ୍ବ ପ୍ରସିଦ୍ଧ ରଥଯାତ୍ରା । ଏଥିପାଇଁ ଚଳଚଞ୍ଚଳ ରଥଖଳା । ରଥଯାତ୍ରା ଯେତିକି ପାଖେଇ ଆସୁଛି, ବଡ ଦାଣ୍ଡରେ କାଳିଆ ରଥ ସେତିକି ନୂଆରୂପ ନେବାରେ ଲାଗିଛି । ଦିନରାତି ଏକକରି ମହାରଣାମାନେ ରଥ ନିର୍ମାଣରେ ଲାଗିପଡିଛନ୍ତି । ଭକ୍ତ ଯେତିକି ବ୍ୟାକୁଳ ରଥଯାତ୍ରା ପାଇଁ ମଣିଆ ମଧ୍ୟ ସେତିକି ବ୍ୟାକୁଳ । କାରଣ ଭକ୍ତ ଓ ଭଗବାନଙ୍କ ମହାମିଳନ ପର୍ବ ହେଉଛି ରଥଯାତ୍ରା । ରଥରେ କାଳିଆ ସାଆନ୍ତଙ୍କୁ ଦେଖିବା ପାଇଁ ସଭିଁଙ୍କ ଇଚ୍ଛା । ସେ ଅନୁଭୂତି ଓ ଅନୁଭବକୁ କେବେ ଶଦ୍ଧରେ ପରିପ୍ରକାଣ କରିହେବନି । କାଳିଆ ମାନବୀ୍ୟ ଲୀଳା ଦେଖିବା ଭାଗ୍ୟରେ ଥିଲେ ଆସେ । ଝୁଲି ଝୁଲି, ରହି ରହି , ସମସ୍ତଙ୍କୁ ଚାହିଁ କାଳିଆ ଶ୍ରୀମନ୍ଦିରରୁ ବଡଦାଣ୍ଡକୁ ପହଣ୍ଡିରେ ଚାଲି ଆସନ୍ତି । ନାଚ, ଗୀତ,କିର୍ତ୍ତନ ସହ ଭକ୍ତିମୟ ପରିବେଶରେ କାଳିଆ ଭକ୍ତଙ୍କ ପ୍ରେମରେ ବିଭୋର ହୋଇପଡନ୍ତି ଜଗତ ଠାକୁର । ଭକ୍ତ ବି କାଳିଆ ପ୍ରେମରେ ବାଇଆ ହୋଇଯାଏ । ମଣିଆ ଜଗନ ଉଦ୍ଧାର କର , ସର୍ବକ୍ଷମା ଜରିଆରେ ସଭିଁଙ୍କ ଦୋଷକୁ କ୍ଷମାକର ପ୍ରଭୁ । ଜଗତର ଦୁଃଖ ବୁଝ, ସଭିଁଙ୍କୁ ଭଲବାଟ ଦେଖାଅ । ଆଉ ୯ ଦିନ ବାକି ରହିଲା କାଳିଆ ଘୋଷଯାତ୍ରା । ବଡଦାଣ୍ଡରେ ଏବେଠାରୁ ଭିଡ ଜମିଲାଣୀ । ସଭିଁଏ କାଳିଆ ସାଆନ୍ତଙ୍କ ପାଖରେ ଗୁହାରୀ ପ୍ରଭୁ ମତେ ରଥରେ ଦର୍ଶନ ଦେବୁ । କାଳିଆରେ ତୋର ନବଦିନାତ୍ମକ ଯାତ୍ରାରେ ମତେ ଡାକିବୁ । ମୁଁ ଯିବେ । ତତେ ମନଭରି ଦେଖିବି ଓ ମନକଥା କହିବି । ଏମିତି ଭାବ ରଖି ସମସ୍ତେ ଅପେକ୍ଷା କରିଛନ୍ତି ବିଶ୍ବ ପ୍ରସିଦ୍ଧ ରଥଯାତ୍ରାକୁ ।
ଦଳ କ୍ଷମତାରରେ ଥାଉ କି ନଥାଉ ସବୁବେଳେ ଓଡିଶାବାସୀଙ୍କ ସେବାରେ ବିଜେଡି ।
ବର୍ଷେ ହେବ ଦଳ କ୍ଷମତାରୁ ଯାଇଥିଲେ ମଧ୍ୟ ବିଜେଡି କିନ୍ତୁ ତାହାର କର୍ତ୍ତବ୍ୟ ଭୂଲିନାହିଁ। ବିଜେପି ସରକାର ଓଡିଶାବାସୀଙ୍କୁ ମିଛ ପ୍ରତିଶୃତି ଦେଇ ସରକାରକୁ ଆସିବା ପରେ ନିଜର ପ୍ରତିଶୃତିକୁ ଭୂଲିଯାଇଛି । ଯାହା ବିରୋଧରେ ବିଜେଡି ଯୁବବାହିନୀ ସୋସିଆଲ ମିଡିଆକୁ ଅସ୍ତ୍ର କରି ବିଜେପି ସରକାରଙ୍କ ମିଛ ଲୋକଲୋଚନକୁ ଆଣିବା ଦରକାର।
ନବୀନ ପଟ୍ଟନାୟକଙ୍କ ନେତୃତ୍ବରେ ଓଡିଶା ବିକାଶ ଶୀର୍ଷରେ ପହଞ୍ଚିଥିବା ବେଳେ ବିଜେପି ସରକାରରେ ଏଥିରେ ବ୍ରେକ ଲାଗିଛି । ଏହାକୁ ନେଇ ଓଡିଶାର ବିଭିନ୍ନ କୋଣରୁ ଆସିଥିବା ଯୁବ ଓ ଛାତ୍ର ବିଜେଡିର ନେତାମାନଙ୍କୁ ଯୁବ ଜନଜାଗରଣ ସମାବେଶରେ ଗୁରୁମନ୍ତ୍ର ଦେଇଛନ୍ତି ବିଜେଡି ସଭାପତି ନବୀନ
ପଟ୍ଟନାୟକ। ଯୁବ ସମାବେଶକୁ ଉଦଘାଟନ କରି ନବୀନ କହିଛନ୍ତି ଯେ ବିଜେପିର ମିଛ ବିଷୟରେ ଲୋକଙ୍କୁ ସଚେତନ କରିବା ପାଇଁ ବିଜେଡିର ଏହି ଜନଜାଗରଣ । ବିଜେପି ସରକାର ବିଜେଡିର ସବୁ ଭଲ ଯୋଜନାକୁ ବନ୍ଦ କରିଦେଲେ। ନୂଆ ଓ ସ୍କଲାରସିପ୍ , ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାକୁ ବି ବନ୍ଦ କରିଦେଲେ । ରାଜ୍ୟର ଅର୍ଥନୀତି ଏବେ ପୁରା ଦୁର୍ବଳ। ମହିଳା ମାନଙ୍କ ଉପରେ ଅତ୍ୟାଚାର ବଢିଚାଲିଛି । ଡାଇରିଆରେ ଲୋକେ ହିନସ୍ତା ହେଉଛନ୍ତି। ଆୟୁଷ୍ମାନ କାର୍ଡ ଧରି ଲୋକେ ହସ୍ପିଟାଲରୁ ନିରାଶା ହୋଇ ଫେରୁଛନ୍ତି । ବିଜେପିର ମିଛକୁ କାଉଣ୍ଟର କରିବା ପାଇଁ ଆମକୁ ସୋସିଆଲ୍ ମିଡିଆ ନେଟଓ୍ବାର୍କକୁ ଆହୁରି ସୁଦୃଢ କରିବାକୁ ପଡିବ ।
ଲୋକେ ସତ ଜାଣିବା ଦରକାର ବୋଲି ଯୁବ ସମାବେଶରେ ନବୀନ ପଟ୍ଟନାୟକ ଯୁବକମାନଙ୍କୁ ଆହ୍ବାନ ଦେଇଛନ୍ତି । ଯୁବ ସମାଜ ସତ୍ୟର ସାରଥୀ ହୋଇ ମିଛ ପ୍ରଚାରର କାଉଣ୍ଟର କରିବା ପାଇଁ ନବୀନ ସଂକଳ୍ପ କରାଇଥିଲେ ଯୁବମାନଙ୍କୁ । ବିଜେଡି ଯୁବ ସମାବେଶରେ ଦଳର ସପ୍ତରଥୀ ଦେବୀ ପ୍ରସାଦ ମିଶ୍ର, ପ୍ରଣବ ପ୍ରକାଶ ଦାସ, ଅରୁଣ ସାହୁ, ସଂଜୟ ଦାସବର୍ମା, ଅତନୁ ସବ୍ୟସାଚୀ ନାୟକ, ସଂପୃକ୍ତି ମିଶ୍ର, ପ୍ରତାବ ଦେବ ପ୍ରମୁଖ ସାମିଲ ହୋଇ ଯୁବ ନେତୃତ୍ବଙ୍କ ମନରେ ଜୋସ ଭରିଥିଲେ । ଯୁବନେତା ବ୍ୟୋମକେଶ ରାୟ, ସୁବାଶିଷ ଖୁଣ୍ଟିଆ, ଦେବୀ ରଂଜନ ତ୍ରୀପାଠି , ପ୍ରଣବ ବଳବନ୍ତ ରାୟ ପ୍ରମୁଖ ସାମିଲ ହୋଇ ରାଜ୍ୟ ସରକାରଙ୍କ ବିଫଳତା ଉପରେ ବର୍ଷିଥିଲେ ।
ଜନନ୍ନାଥ ଧାମରେ ସତ୍ୟର ସାରଥୀର ସଂକଳ୍ପ ନେଇ ଯୁବନେତାମାନେ ଫେରିଛନ୍ତି । ବିଜେପି ବର୍ଷପୂର୍ତ୍ତି ପାଳନ କରୁଥିବା ବେଳେ ରତ୍ନ ଭଣ୍ଡାର ଚାବି , ବର୍ଷକୁ ୨କୋଟି ନିଯୁକ୍ତି, ଓଡିଆ ଅସ୍ମିତା, ମାଗଣା ବିଜୁଳି, ଆଇନ ଶୁଙ୍ଖଳା ପରିସ୍ଥିତି, ପରୀକ୍ଷାରେ ପ୍ରଶ୍ନପତ୍ର ଲିକ୍ , ପରି ବହୁ ପ୍ରଶ୍ନ ଶାସକ ଦଳକୁ ଯୁବ ଜନ ଜାଗରଣ ସମାବେଶରେ ଆହ୍ବାନ ଦେଇଛି ବିଜେଡି। ଆଗାମୀ ଦିନରେ ଦଳ ଏସବୁ ପ୍ରସଙ୍ଗକୁ ଲୋକଙ୍କ ପାଖରେ ପହଞ୍ଚାଇବା ପାଇଁ ଯୁବନେତା ମାନଙ୍କୁ ଗୁରୁଦାୟିତ୍ଵ ଦେଇଛି ସମାବେଶ ଜରିଆରେ।
ଦଳର ବିପର୍ଯ୍ୟୟ ସମୟରେ ବିଜେଡିର ସପ୍ତରଥି ଏବେ ଦଳର ଭଲମନ୍ଦ ବୁଝିବା ସହ ସଂଗଠନକୁ ଚଳଚଞ୍ଚଳ କରିବାକୁ ପୁଣିଥରେ ଅଣ୍ଟା ଭିଡିଛନ୍ତି । ଏହି ସପ୍ତରଥି ହେଉଛନ୍ତି ଉପ ସଭାପତି ଦେବୀ ପ୍ରସାଦ ମିଶ୍ର, ସଂଜୟ ଦାସବର୍ମା, ବରିଷ୍ଠ ବିଧାୟକ ଅରୁଣ ସାହୁ, ବରିଷ୍ଠ ବିଜେଡି ନେତା ଅତନୁ ସବ୍ୟସାଚୀ ନାୟକ, ସଂତୃପ୍ର ମିଶ୍ର, ପ୍ରତାପ ଦେବ ଓ ଉପ ସଭାପତି ପ୍ରଣବ ପ୍ରକାଶ ଦାସ । 
ଏହି ନେତାମାନେ ବିଜେଡି ସଭାପତି ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ବିଜେଡିକୁ ଅଧିକ ସଂଗଠିତ କରିବା ସହ ପୁଣିଥରେ କିପରି କ୍ଷମତାକୁ ଦଳ ଆସିବ ସେ ନେଇ ରାଜନୈତିକ ଖସଡ଼ା ପ୍ରସ୍ତୁତ କରିଛନ୍ତି । ନିକଟରେ ବିଜେପି ସରକାର ବର୍ଷପୂର୍ତ୍ତି ବିଫଳତାକୁ ଜନ ଜାଗରଣ ଅଭିଯାନ ଜରିଆରେ ଓଡିଶାବାସୀଙ୍କୁ ସଚେତନ କରିବାରେ ପ୍ରମୁଖ ଭୂମିକା ନେଇଛନ୍ତି ନବୀନଙ୍କ ସପ୍ତରଥି । ଭୁବନେଶ୍ବରରେ ସମସ୍ତ ବିଧାୟକ, ସାଂସଦ ଓ ଦଳର ବରିଷ୍ଠ ନେତାମାନେ ଏକାଠି ସରକାରଙ୍କ ବିଫଳତାକୁ ସାମ୍ନାକୁ ଆଣିବା, ଯାଜପୁରରେ ରାଜ୍ୟ ସ୍ତରୀୟ ମହିଳା ସମାବେଶ କରି ଜନ ଜାଗରଣ କରିବା, ଏହାପରେ ପୁରୀ ଯୁବ ସମାବେଶ କରିବାକୁ ଅଣ୍ଟା ଭିଡିଛନ୍ତି।
କ୍ଷମତାରେ ବିଜେଡି ଥାଉ କି ନଥାଉ ଓଡିଶାବାସୀଙ୍କ ଦୁଃଖ ଓ ସୁଖରେ ସବୁବେଳେ ବିଜେଡି ରହିବ ତାହା ଜନ ଜାଗରଣ ଅଭିଯାନ ଜରିଆରେ ବାର୍ତ୍ତା ଦେଇଛି ଦଳ । ହାରିବା ଦିନଠାରୁ ମୁଖ୍ୟ ବିରୋଧୀ ଦଳ ଭାବେ ବିଜେଡି ଗଠନମୂଳକ ସମାଲୋଚନା କରି ଶାସକ ଦଳକୁ ପ୍ରଶ୍ନ କରିଚାଲିଛି । ନବୀନ ପଟ୍ଟନାୟକ ସପ୍ତରଥି ବିଜେଡି ଭବିଷ୍ୟତ ନେଇ ଯେଉଁ ଗୁଜବ ପ୍ରଚାର କରାଯାଉଛି ତାହାର ଶତ କଣ ଓଡିଶାବାସୀଙ୍କୁ ବିଭିନ୍ନ କାର୍ଯ୍ୟକ୍ରମ ଜରିଆରେ ବିଶ୍ୱାସ ଜିଣି ସମାଲୋଚକଙ୍କୁ ଜବାବ ଦେଉଛନ୍ତି ।ଆଗକୁ ପଞ୍ଚାୟତ ଓ ପୌର ନିର୍ବାଚନ l 
ନବୀନଙ୍କ ଏହି ସପ୍ତରଥି ଦଳକୁ କେତେ ସଫଳତା ଦେଉଛନ୍ତି ତାହାକୁ ନେଇ ଏବେ ଚାରିଆଡ଼େ ଚର୍ଚ୍ଚା ।
