()ପିସିସି ସଭାପତି ହେବାର ୩ ମାସ ମଧ୍ୟରେ କଂଗ୍ରେସ ମୁଖିଆ ଭକ୍ତ ଦାସଙ୍କୁ ପରିବର୍ତ୍ତନ କରିବା ଲାଗି କଂଗ୍ରେସର ଗୋଟେ ଗୋଷ୍ଠୀ ଏକାଠି ହେଲେଣୀ । ପିସିସି ସଭାପତିଙ୍କ ୩୦ ଜଣିଆ ପିସିସି ଟିମକୁ ନେଇ କଂଗ୍ରେସ ଅନ୍ଦର ମହଲରେ ଦିନକୁ ଦିନ ଅସନ୍ତୋଷ ବଢିବାରେ ଲାଗିଛିl ଯାହାର ପ୍ରତିଫଳନ ଆଜି ଦେଖିବାକୁ ମିଳିଛି ମୁଖ୍ୟମନ୍ତ୍ରୀଙ୍କ ବାସ ଭବନ ଘେରାଉ ସମୟରେ। ପଛୁଆ ବର୍ଗକୁ ୧୧ ନୁହେଁ, ୨୭ ପ୍ରତିଶତ ସଂରକ୍ଷଣ ଦେବା ଦାବିରେ କଂଗ୍ରେସ ଆଜି ମୁଖ୍ୟମନ୍ତ୍ରୀଙ୍କ ବାସଭବନ ଆଗରେ ୨୪ ଘଣ୍ଟିଆ ଧାରଣା ଦେଇଛି । ରାଜ୍ୟ ସରକାରଙ୍କ ବିରୋଧରେ କଂଗ୍ରେସର ଏପରି ବଡ ଆନ୍ଦୋଳନରେ ଦଳର ବହୁ ହେବିଓ୍ବେଟ ନେତା ଅନୁପସ୍ଥିତ ରହିବାକୁ ନେଇ ରାଜନୈତିକ ଚର୍ଚ୍ଚା ଆରମ୍ଭ ହୋଇଛି । ବିଶେଷ କରି ପଛୁଆ ବର୍ଗଙ୍କ ପାଇଁ ସବୁବେଳେ ସ୍ବର ଉଠାଉଥିବା ବରିଷ୍ଠ କଂଗ୍ରେସ ନେତା ଶ୍ରୀକାନ୍ତ ଜେନା କଂଗ୍ରେସର ଅନ୍ଦୋଳନରୁ ଦୂରେଇ ରହିବା ସିଧାବାର୍ତ୍ତା ଦେଇଛି ପିସିସି ସଭାପତିଙ୍କ ଆନ୍ଦୋଳନ ଡାକରାକୁ ସେ ଅସହଯୋଗ କରିଛନ୍ତି । କାରଣ ସେ ଭକ୍ତଙ୍କ ନେତୃତ୍ବକୁ ଗ୍ରହଣ କରିବାକୁ ସେ ନାରାଜ। ଶ୍ରୀକାନ୍ତ ଜେନା କୌଣସି ଗୋଟିଏ ପ୍ରସ୍ତାବକୁ ଭକ୍ତ ଦାସ ତାଙ୍କ ଟିମ ଗଠନ ବେଳେ ଗ୍ରହଣ କରିନଥିବାରୁ ପଛୁଆ ବର୍ଗଙ୍କ ପାଇଁ ୨୭ ପ୍ରତିଶତ ସଂରକ୍ଷଣ ଆନ୍ଦୋଳନରେ ସାମିଲ ହେଲେ ନାହିଁ ଦଳର ବରିଷ୍ଠ ନେତା ଶ୍ରୀକାନ୍ତ ଜେନା । ସେହିପରି ଭାବେ ପୂର୍ବତନ ପିସିସି ସଭାପତି ଜୟଦେବ ଜେନା, ନିରଜଂନ ପଟ୍ଟନାୟକ ବି ଭକ୍ତ ଦାସଙ୍କ ସାଥ ଦେଇନାହାନ୍ତି।ଉଭୟଙ୍କ ପୁଅଙ୍କୁ ଭକ୍ତ ଦାସ ଦଳର କୌଣସି ପଦ ଦେଇନାହାନ୍ତି କି ତାଙ୍କ ଗୋଷ୍ଠୀର ନେତାଙ୍କୁ ସେତେଟା ଗୁରୁତ୍ବ ଦେଇନାହାନ୍ତି। ଏଥିଲାଗି ଦଳର ଏହି ଦୁଇ ବରିଷ୍ଠ ନେତା ଆଜିର ପଛୁଆ ବର୍ଗ ଆନ୍ଦୋଳନରୁ ଦୂରେଇ ରହିଲେ। ଚର୍ଚ୍ଚା ହେଉଛି ଖୁବଶୀଘ୍ର ଭକ୍ତ ଦାସ ନିରଂଜନ ପୁତ୍ର ନବଜ୍ୟୋତି ପଟ୍ଟନାୟକଙ୍କୁ କଂଗ୍ରେସ ପ୍ରଚାର କମିଟିର ଗୁରୁ ଦାୟିତ୍ବ ଦେଇପାରନ୍ତି । ହେଲେ ପ୍ରଥମ କମିଟିରେ ନିରଂଜନଙ୍କ ଲିଗାସୀକୁ ଭକ୍ତ ଗୁରୁତ୍ବ ଦେଇନଥିବାରୁ ସେ ଏହି ଆନ୍ଦୋଳନରୁ ଦୂରେଇ ରହିଲେ । ସେହିପରି ପୂର୍ବତନ ବିଧାୟକ ମହମ୍ମଦ ମୋକିମ କି ତାଙ୍କ ଝିଅ ବିଧାୟିକା ସୋଫିଆ ଫରଦୋଷକୁ ଦଳ ଗୁରୁତ୍ବ ଦେଇନଥିରୁ ଉଭୟ ଏହି ଆନ୍ଦୋଳନରୁ ଦୁରେଇ ରହିଛନ୍ତି । ନିରଂଜନଙ୍କ ପରି ଚର୍ଚ୍ଚା ହେଉଛି ମୋକିମଙ୍କ ଝିଅକୁ ମଧ୍ୟ କଂଗ୍ରେସ ମହିଳା ସଭାପତି କରିପାରେ । ସେହିପରି ବହୁ ହେବିଓ୍ବେଟ କଂଗ୍ରେସ ନେତା ଆଜିର ଆନ୍ଦୋଳନରେ ସାମିଲ ନହେବା ନେଇ ଭକ୍ତ ବିରୋଧୀ ଧୀରେଧୀରେ ଏକାଠି ହେଲେଣୀ ତାହାର ସଙ୍କେତ ଦେଖିବାକୁ ମିଳିଛି । ଏପରିକି ଭକ୍ତ ଦାସ ନିଦ୍ଦିଷ୍ଟ ଗୋଷ୍ଠୀଙ୍କୁ ନେଇ ସଂଗଠନ ଚଳାଉଥିବା ଅଭିଯୋଗ କରି ନେତାମାନେ ଏବେ ଦିଲ୍ଲୀମୁହାଁ ହୋଇଛନ୍ତି। ସେହିପରି ଶରତ ପଟ୍ଟନାୟକ , ଅନନ୍ତ ପ୍ରସାଦ ସେଠୀ , ରମେଶ ଜେନା, ବିଶ୍ବ ମହାନ୍ତି, କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ, ବିଧାୟକ ଦାଶରଥୀ ଗମାଙ୍ଗ ଅନୁପସ୍ଥିତ ଥିଲେ । ଦଳର ବହୁ ବରିଷ୍ଠ ନେତା ନିଜ ନାଁ ଗୋପନୀୟ ରଖି କହିଛନ୍ତି ଯେ ଭକ୍ତ ଦାସଙ୍କ ଅହଂଙ୍କାର ଯୋଗୁଁ କଂଗ୍ରେସର ଆନ୍ଦୋଳନକୁ କଂଗ୍ରେସ ପ୍ରଭାରୀ ଉପସ୍ଥିତ ରହିବା ସ୍ବର୍ତ୍ତେ ୫୦୦ ଲୋକ ଏକାଠି ନହେବା ଦଳରେ ଭକ୍ତ ବିରୋଧି ଗୋଷ୍ଠୀ ସକ୍ରିୟ ହୋଇଛି ।

() ପୋଲାଭରମ ବିବାଦକୁ ନେଇ ଚାରି ରାଜ୍ୟ ମୁଖ୍ୟମନ୍ତ୍ରୀଙ୍କ ସହ ପ୍ରଧାନମନ୍ତ୍ରୀ ସମୀକ୍ଷା କରିବେ l ଏହାକୁ ଦୁଇ ଦିନ ହେବ ଗଣମାଧ୍ୟମରେ ଖବର ହେଉଛି l ଯାହାକୁ ନେଇ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ କହିଛନ୍ତି ଯେ ପୋଲଭାରମ୍ ପ୍ରସଂଗରେ ଓଡ଼ିଶା ତାର ଯୁକ୍ତି ଉପସ୍ଥାପନ କରିବ । ଓଡ଼ିଶାର ସ୍ବାର୍ଥ ସହିତ କେବେ ବି ସାଲିସ କରାଯିବ ନାହିଁ । ଓଡ଼ିଶାର ସ୍ବାର୍ଥ ଦୃଷ୍ଟିରୁ ସମସ୍ତ ତଥ୍ୟ ଉପସ୍ଥାପନ କରାଯିବ । ଜଳସମ୍ପଦ ବିଭାଗ ଯୁକ୍ତି ଉପସ୍ଥାପନ କରିବ । ତେଣୁ ବୁଝାମଣା ମାଧ୍ୟମରେ ଯାହା ସମାଧାନ ହୋଇପାରିବlଆଲୋଚନା ମାଧ୍ୟମରେ ହେଲେ ବିବାଦର ସମାଧାନ ହେବ । ଜମି, ଜଳ, ଅଞ୍ଚଳର ସବୁ ବିବାଦ ସମାଧାନ ହେବ । କିନ୍ତୁ ଏ ବାବଦରେ ଗତ ସରକାର ଯେଉଁ ନ୍ୟାୟିକ ଲଢେଇ କରିବା କଥା ସେଥିରେ ପଛଘୁଞ୍ଚା ଦେଲେ । କେବଳ ନିଜର ରାଜନୈତିକ ସ୍ବାର୍ଥ ଦେଖିଲେ ପୂର୍ବ ସରକାର । ଆଲୋଚନା ମାଧ୍ୟମରେ ସମାଧାନ ପାଇଁ ଗତ ସରକାର ଶୁଣୁନଥିଲେ । ବଧିର ପାଲଟି ଯାଇଥିଲେ ବୋଲି ବିଜେଡି ସରକାରକୁ ଟାର୍ଗେଟ କରି କହିଥିଲେ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ l ଅନ୍ୟପଟେ ରାଜ୍ୟର ସବୁଠାରୁ ଗୁରୁତ୍ବ ପୁର୍ଣ୍ଣ ପୋଲାଭରମକୁ ନେଇ ମୁଖ୍ୟମନ୍ତ୍ରୀଙ୍କ ପାଖରେ କୌଣସି ସୂଚନା ନାହିଁ l ମୁଖ୍ୟମନ୍ତ୍ରୀ ମୋହନ ମାଝୀ ଗଣମାଧ୍ୟମକୁ କହିଛନ୍ତି ଯେ ପ୍ରଧାନମନ୍ତ୍ରୀ ପୋଲାଭରମକୁ ନେଇ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ ବୋଲି ମୋ ପାଖରେ ସେମିତି କୌଣସି ବାର୍ତା ନାହିଁ। ଅଫିସିଆଲି ସ୍ତରରେ ଆମ ରାଜ୍ୟର ମୁଖ୍ୟମନ୍ତ୍ରୀ ଶାସନସଚିବ ଏବଂ ବିଭାଗୀୟ ସଚିବମାନଙ୍କ ସହିତ ଆଲୋଚନା କରିବେ ବୋଲି ପ୍ରଧାନମନ୍ତ୍ରୀ ଯେଉଁ ପ୍ରକ୍ରିୟା ରଖିଛନ୍ତି ସେ ଆଲୋଚନା କରିପାରନ୍ତି। ଆମର ଯେଉଁ ଦାବି ଆଉ ହକ ଅଛି ତାହା ଆମେ ଉପସ୍ଥାପିତ କରିବୁ ବୋଲି ମୁଖ୍ୟମନ୍ତ୍ରୀ କହିଛନ୍ତି l ହେଲେ ଏଠି ପ୍ରଶ୍ନ ଉଠୁଛି ଯେଉଁ ପ୍ରସଙ୍ଗକୁ ନେଇ ରାଜ୍ୟ ରାଜନୀତି ଉଠୁଛି ପଡୁଛି, ସେ ପ୍ରସଙ୍ଗକୁ ମୁଖ୍ୟ ବିରୋଧୀ ବିଜେଡି ଅସ୍ତ୍ର କରି ସରକାରଙ୍କୁ ଘେରିଥିବା ବେଳେ ମୁଖ୍ୟମନ୍ତ୍ରୀ ଏ ପ୍ରସଂଗରେ ଅନ୍ଧାରରେ ରହିବା ରାଜ୍ୟରେ ବିଜେପି ସରକାର କେମିତି ଚାଲିଛି ତାହା ପ୍ରମାଣିତ କରିଛି l ସରକାରରେ ଗୋଟେ ହାତ କଣ କରୁଛି ଅନ୍ୟହାତ ଜାଣୁନାହିଁ ତାହା ପୋଲାଭରମ୍ ପ୍ରସଙ୍ଗ ବୈଠକ ନେଇ ମୁଖ୍ୟମନ୍ତ୍ରୀ ଓ ଆଇନ ମନ୍ତ୍ରୀ ଗଣମାଧ୍ୟମ ବୟାନରୁ ସ୍ପଷ୍ଟ ହୋଇଛି l

() ଦାୟିତ୍ୱ ନେବାର ୩ମାସ ପରେ ପିସିସି ସଭାପତି ଭକ୍ତ ଚରଣ ଦାସ ନୂଆ ଟିମ୍‌ ଗଢିଛନ୍ତି l ଭକ୍ତଙ୍କ ଟିମ୍ ରେ ନିର୍ବାଚିତ ଓ ସକ୍ରିୟ କଂଗ୍ରେସ ନେତାଙ୍କୁ ସଂଗଠନର ଗୁରୁ ଦାୟିତ୍ବ ଦେଇଛନ୍ତି l ବିଧାୟକ ମାନଙ୍କୁ ସଂଗଠନର ଦାୟିତ୍ୱ ଦେଇ ଭକ୍ତ ୨୦୨୯ପାଇଁ କଂଗ୍ରେସକୁ ଆଗେଇ ନେବାକୁ ଲମ୍ବା ରଣନୀତି ପ୍ରସ୍ତୁତ କରିଛନ୍ତି l ଭକ୍ତଙ୍କ ଟିମରେ ୭ ଉପସଭାପତି, ୧୦ ଜଣ ସାଧାରଣ ସମ୍ପାଦକ, ୧୨ ଜଣ ସମ୍ପାଦକ, ଜଣେ କୋଷାଧ୍ୟକ୍ଷଙ୍କ ସମେତ ଘୋଷଣା ହୋଇଛି ସୋସିଆଲ ମିଡିଆ ବିଭାଗର ଅଧ୍ୟକ୍ଷ ଓ ଉପାଧ୍ୟକ୍ଷଙ୍କ ନାମ ଉପରେ ମୋହର ମାରିଛନ୍ତି ଏଆଇସିସି ସଭାପତି । ଦଳର ଦୁଇ ଚର୍ଚ୍ଚିତ ବିଧାୟକ ତାରା ପ୍ରସାଦ ବାହିନୀପତି ଓ ରମେଶ ଜେନାଙ୍କୁ ଉପ ସଭାପତି ଦାୟିତ୍ୱ ଦେଇଛନ୍ତି ଭକ୍ତ ଦାସ l ସେହିପର ପୂର୍ବତନ ବିଧାୟକ ସନ୍ତୋଷ ସିଂ ସାଲୁଜା, ଦେବାଶିଷ ପଟ୍ଟନାୟକ, ବିଧାୟକ ସି.ଏସ୍. ରାଜନ ଇକା, ପୂର୍ବତନ ବିଧାୟକ ଲଲାଟେନ୍ଦୁ ମହାପାତ୍ର ଓ ପୂର୍ବତନ ମହିଳା କଂଗ୍ରେସ ସଭାନେତ୍ରୀ ସସ୍ମିତା ବେହେରା ନିଯୁକ୍ତି ପାଇଛନ୍ତି । ନୂଆ କମିଟି ଗଠନ ନେଇ ପିସିସି ସଭାପତି ଭକ୍ତ ଦାସଙ୍କ ସୁପାରିସ ଆଧାରରେ ଅଖିଳ ଭାରତ କଂଗ୍ରେସ କମିଟି ସଭାପତି ମଲ୍ଲିକାର୍ଜ୍ଜୁନ ଖଡ଼ଗେ ମଞ୍ଜୁରୀ ଦେଇଥିବା ଏଆଇସିସି ସାଧାରଣ ସମ୍ପାଦକ ତଥା ସାଂସଦ କେ.ସି ବେଣୁଗୋପାଳ ଜଣାଇଛନ୍ତି । ତାରା ଓ ଭକ୍ତ ଦାସଙ୍କ ଯୋଡି ଓଡ଼ିଶାରେ କଂଗ୍ରେସ ସଂଗଠନକୁ ମଜବୁତ୍ କରିବ l

() ୮୦ ଦଶକରେ ଓଡିଶା କଂଗ୍ରେସ ରାଜନୀତିରେ ଚାଣକ୍ୟ ଥିଲେ ସ୍ବର୍ଗତ ବସନ୍ତ ବିଶ୍ଵାଳ l ସେତେବେଳେ ଶାସନ ବ୍ୟବସ୍ଥାରେ ଗୋଟେ ଚର୍ଚ୍ଚା ହୁଏ ଜାନକୀ ପଟନାୟକ ମୁଖ୍ୟମନ୍ତ୍ରୀ ହେଲେ ଚଳନ୍ତି ମୁଖ୍ୟମନ୍ତ୍ରୀ ଥିଲେ ବସନ୍ତ ବିଶ୍ଵାଳ l ପରବର୍ତ୍ତୀ ସମୟରେ ବସନ୍ତ ବିଶ୍ଵାଳଙ୍କ ଦୁଇ ପୁଅ ଚିରଞ୍ଜୀବ ବିଶ୍ଵାଳ ଓ ରଞ୍ଜୀବ ବିଶ୍ବାଳ କଂଗ୍ରେସ ରାଜନୀତିରେ ବେଶ ସକ୍ରିୟ ରହିଲେ l କଂଗ୍ରେସ ରାଜନୀତିରେ ବାପାଙ୍କ ଲିଗାସିକୁ ଦୁଇ ପୁଅ ରଞ୍ଜୀବ ଓ ଚିରଞ୍ଜୀବ ଆଗକୁ ନେଲେ l ରାଜ୍ୟସଭାକୁ ଗଲେ ରଞ୍ଜୀବ ଓ କଂଗ୍ରେସ ଟିକେଟରେ ନିର୍ବାଚନ ଲଢ଼ି ବିଧାୟକ ହେଲେ ଚିରଞ୍ଜୀବ ବିଶ୍ବାଳ l ୨୦୧୯ପରେ କିନ୍ତୁ ଦୁଇ ଭାଇ କଂଗ୍ରେସ ରାଜନୀତିରେ ସେତେଟା ସକ୍ରିୟ ଦେଖିବାକୁ ମିଳିଲାନି l ରଞ୍ଜୀବ ବିଶ୍ବାଳଙ୍କୁ ବର୍ଷ ବର୍ଷ ଧରି ଓଡ଼ିଶା କଂଗ୍ରେସ ରାଜନୀତିରେ ଦେଖିବାକୁ ମିଳୁନଥିଲା l ଚିରଞ୍ଜୀବ ବିଶ୍ବାଳ ଥାଇ ନଥିଲା ପରି ଲାଗୁଥିଲା l ଶେଷରେ କଂଗ୍ରେସ ଛାଡି ବିଜେଡିରେ ସାମିଲ ହେଲେ ଚିରଞ୍ଜୀବ l ହେଲେ ବିଜେଡିରେ ଚିରଞ୍ଜୀବ ବିଶ୍ବାଳଙ୍କୁ ସେମିତି କିଛି ଗୁରୁତ୍ବ ମିଳିଲାନି l ୨୦୨୪ ନିର୍ବାଚନରେ ଜଗତସିଂହପୁର ବିଧାନସଭାର ଆସନ ପାଇଁ ବିଜେଡି ଟିକେଟ ଆଶାୟୀ ଥିବା ଚିରଞ୍ଜୀବ ବିଶ୍ବାଳଙ୍କୁ ବିଜେଡି ଦଳୀୟ ଟିକେଟ ଦେଲା ନାହିଁ l ଯାହା ତାଙ୍କ ସମର୍ଥକମାନଙ୍କୁ ନିରାଶ କରିଥିଲା l ୨୪ ନିର୍ବାଚନରେ ବିଜେଡି ହାରିଲା l ଏହାପରେ ଚିରଞ୍ଜୀବ ବିଶ୍ବାଳଙ୍କ ସ୍ବପ୍ନ ସ୍ବପ୍ନରେ ରହିଗଲା l ୨୦୨୪ରେ ବିଜେଡି ଯଦି କ୍ଷମତାକୁ ଆସିଥାନ୍ତା ତେବେ ଚିରଞ୍ଜୀବ ବିଶ୍ବାଳ ରାଜ୍ୟସଭା ଯିବାର ସମ୍ଭାବନା ରହିଛି ବୋଲି ସେତେବେଳ ବିଜେଡି ରାଜନୀତିରେ ଚର୍ଚ୍ଚା ହେଉଥିଲା l ହେଲେ ସେ ଚର୍ଚ୍ଚା ବି ଚର୍ଚ୍ଚାରେ ରହିଗଲା l ଶେଷରେ ବିଜେଡି ସାଙ୍ଗଠନିକ ନିର୍ବାଚନ ପ୍ରକ୍ରିୟାରେ ବି ଚିରଞ୍ଜୀବ ବିଶ୍ଵାଳଙ୍କୁ କୌଣସି ଦାୟିତ୍ୱ ଦିଆଗଲା ନାହିଁ l ଯାହା ତାଙ୍କ ସମର୍ଥକମାନଙ୍କୁ ନିରାଶକୁ ଦୁଇ ଗୁଣିତ କରିଛି l ଠିକ୍ ଏତିକି ସମୟରେ କଂଗ୍ରେସ ଭବନରେ ହଠାତ୍ ରଞ୍ଜୀବ ବିଶ୍ବାଳ ଦେଖାଦେବା ଓ କଂଗ୍ରେସ ରାଜନୀତିରେ ସକ୍ରିୟ ହେବା ରଞ୍ଜୀବ ଓ ଚିରଞ୍ଜୀବଙ୍କ ରାଜନୈତିକ ଭବିଷ୍ୟତ ନେଇ ଚର୍ଚ୍ଚା ଆରମ୍ଭ ହୋଇଛି l ରଞ୍ଜୀବ ବିଶ୍ବାଳ କଂଗ୍ରେସରେ ସକ୍ରିୟ ହେବା ପରେ ଭାଇ ଚିରଞ୍ଜୀବ ବିଶ୍ଵାଳ କଂଗ୍ରେସକୁ ଫେରିବା ଚର୍ଚ୍ଚା ଆରମ୍ଭ ହୋଇଛି l ଭକ୍ତ ଦାସ ପିସିସି ସଭାପତି ହେବା ପରେ କଂଗ୍ରେସ ଛାଡିଥିବା ଚର୍ଚ୍ଚିତ ନେତାଙ୍କୁ ଦଳକୁ ଫେରାଇ ଆଣିବାକୁ ପ୍ରୟାସ କରିଛନ୍ତି l ତେବେ ରାଜନୀତି ସବୁବେଳେ ସ୍ଥିର ଓ ଚତୁର ଚିରଞ୍ଜୀବ ଚୁପ୍ ଚାପ ବସି ନିଜ ଭବିଷ୍ୟତ ପାଇଁ କି ରଣନୀତି ପ୍ରସ୍ତୁତ କରୁଛନ୍ତି ତାହାକୁ ଜଗତସିଂହପୁର ଜିଲ୍ଲାର ଭୋଟରମାନେ ଚାହିଁ ବସିଛନ୍ତି l

() ସୁଜିତ କୁମାର, ମମତା ମହନ୍ତ ପରେ ବିଜେଡି ସଭାପତି ନବୀନ ପଟ୍ଟନାୟକ ଙ୍କ ହାତ ଛାଡିଲେ ରାଜ୍ୟସଭା ସାଂସଦ ମୁନା ଖାଁ l ବେଶ କିଛି ଦିନର ନିରବତା ପରେ ପୁଣି ବିଜେଡି ରାଜନୀତିରେ ହଲଚଲ୍ ସୃଷ୍ଠି ହୋଇଛି l ଆଜି ସକାଳୁ ନିବାସରେ ପହଞ୍ଚି ବିଜେଡି ସାଂସଦ ମୁନା ଖାନ୍ ଇସ୍ତଫା ଦେଇଛନ୍ତି । ସଂଖ୍ୟାଲଘୁ ସେଲ୍‌ କମିଟିରୁ ମୁନା ଖାନ୍ ଇସ୍ତଫା ଦେଇଥିବା ଚର୍ଚ୍ଚା ଜୋର ଧରିଛି। ସୁଜିତ ଓ ମମତାଙ୍କ ପରି ମୁନା ଖାଁ ପରବର୍ତ୍ତୀ ସମୟରେ ବିଜେଡି ଛାଡି ପାରନ୍ତି ବୋଲି ରାଜନୈତିକ ସମୀକ୍ଷକମାନେ ମତ ରଖିଛନ୍ତି l ଗତ ୫ ତାରିଖରେ ଗଠନ ହୋଇଥିଲା ସଂଖ୍ୟାଲଘୁ ସଂପ୍ରଦାୟ କମିଟିକୁ ନେଇ ମୁନା ଖାଁ ଅସନ୍ତୋଷ ଥିଲେ l । ଦିଲ୍ଲୀପ ତିର୍କୀଙ୍କୁ ସଂଖ୍ୟାଲଘୁ କମିଟିର ଆବାହକ ଦାୟିତ୍ୱ ଦିଆଯାଇଥିବା ବେଳେ ତାଙ୍କୁ ଦଳ ଅଣଦେଖା କରିଥିବା ଚର୍ଚ୍ଚା ହେଉଛି l ସେଥିପାଇଁ ସେ ପ୍ରଥମେ ପଦ ଓ ପରେ ବିଜେଡିକୁ ବାଏ ବାଏ କରିବେ ବୋଲି ଚର୍ଚ୍ଚା ହେଉଛି l