ବରମୁଣ୍ଡା ପଡିଆ ରେ ସମ୍ବିଧାନ ବଞ୍ଚାଅ ସମାବେଶ ରେ ଯୋଗ ଦେଲେ ବରିଷ୍ଠ କଂଗ୍ରେସ ନେତା ତଥା ଲୋକସଭା ରେ ରେ ବିରୋଧୀ ଦଳ ନେତା ରାହୁଲ ଗାନ୍ଧୀ।ସମ୍ବିଧାନ ସମାବେଶ ଷ୍ଟେଜ ରୁ ଉଭୟ ରାଜ୍ୟ ଓ କେନ୍ଦ୍ର ନେତୃତ୍ୱାଧୀନ ଭାରତୀୟ ଜନତା ପାର୍ଟି ସରକାର କୁ ଟାର୍ଗେଟ କରିଛନ୍ତି।ଡବଲ ଇଞ୍ଜିନ ସରକାର କିପରି ଓଡିଶାବାସୀଙ୍କ ସହ ବିଶ୍ୱାସଘାତ ଓ ପ୍ରତାରଣା କରିଛି । ତାର ତଥ୍ୟ ଦେଇ କଂଗ୍ରେସ କର୍ମୀ ଓ ନେତାଙ୍କ ମନରେ ଉତ୍ସାହ ଭରିଛନ୍ତି ଯୁବରାଜ ରାହୁଲ ଗାନ୍ଧି। ଆଦାନୀ ଓଡ଼ିଶା ସରକାର ଚଳାଉଛି ଆଉ ମୋଦିଙ୍କୁ ବି ଚଳାଉଛି ରାହୁଲ ଗାନ୍ଧି ବଡ଼ ଅଭିଯୋଗ କରିଛନ୍ତି ।ଜଗନ୍ନାଥ ରଥଯାତ୍ରା ସମୟରେ ଏକ ଡ୍ରାମା ହେଲା। ଆଦାନୀଙ୍କ ପରିବାର ପାଇଁ ରଥକୁ ଅଟକାଇ ଦିଆଗଲା। ଏଥିରୁ ସ୍ପଷ୍ଟ ଓଡିଶା ସରକାର ଲୋକଙ୍କ ର ନୁହଁ। ଆରବ ପତି ଙ୍କ ର। ଓଡ଼ିଶା ଯୁବ ଙ୍କୁ କେତେ ରୋଜଗାର ଦେଲେ ଏହି ସରକାର।ତୃଣମୂଳ ସ୍ତରରେ କଂଗ୍ରେସ କର୍ମୀଙ୍କୁ ସଶକ୍ତ କରିବାକୁ ଆହ୍ୱାନ ଦେଇଛନ୍ତି ରାହୁଲ।ଏତେ ଗରମରେ ବି ମୋ ବାର୍ତ୍ତା ଶୁଣିବାକୁ ଆସିଥିବା ରୁ ଆପଣ ମାନଙ୍କୁ ଧନ୍ୟବାଦ। ଡିଏନଏ, ରକ୍ତ ରେ କଂଗ୍ରେସ ଥିବା କାର୍ଯ୍ୟ କର୍ତ୍ତା ଆମର ବବର ଶେର। ଓଡିଶା ଲୋକଙ୍କ ଠାରୁ ଚୋରି କରିବା କାମ ଏଠିକା ସରକାର କରୁଛି। ପୂର୍ବରୁ ବିଜେଡ଼ି ଏହା କରୁଥିଲା। ସରକାର ବିରୋଧରେ ଏହି ଲଢେଇ କଂଗ୍ରେସ ଜନତା ଙ୍କ ସହିତ ମିଶି ଜିତି ପାରିବ। ସବୁ ସ୍ଥାନରେ ସମ୍ବିଧାନ ଉପରେ ବିଜେପି ଆକ୍ରମଣ କରୁଛି।ମହାରାଷ୍ଟ୍ର ଭଳି ବିହାର ରେ ନିର୍ବାଚନ ଚୋରି କରୁଛି। ନିର୍ବାଚନ କମିଶନ ନିଜ କାମ ନକରି ବିଜେପି ମନର କାମ କରୁଛନ୍ତି। ଭୋଟର ତାଲିକା ଓ ଭିଡିଓ ମାଗି ଲୁ କିନ୍ତୁ ମିଳିନଥିଲା। ବିହାର ରେ ଆମେ ଚୋରି ହେବାକୁ ଦେବୁନି ରାହୁଲ କହିଛନ୍ତି ।ଓଡ଼ିଶାରେ ଜଳ ଜଙ୍ଗ ଲ ଜମି ଆଦିବାସୀ ଙ୍କ ର ଥିଲା ଓ ରହିବ। ପେସା ଆଇନ୍ ଲାଗୁ ନକରି ଆଦିବାସୀ ଙ୍କୁ ଏଠାରୁ ହଟେଇ ଦିଆଯାଉଛି। ବିକାଶ ୨, ୩ ପ୍ରତିଶତ କିମ୍ବା ଆରବପତି ଙ୍କୁ ନେଇ ହୁଏନି। ବିକାଶ ଗରିବ ଓ ଚାଷୀ ଙ୍କୁ ନେଇ ହୁଏ। ଚାଷୀ କିମ୍ବା ଆଦିବାସୀ, ଯାହା ଉପରେ ଆକ୍ରମଣ ହେବ, କଂଗ୍ରେସ ଛିଡା ହେବ।ମୋଦି ଫସଲ ବୀମା ଯୋଜନା ଲାଗୁ କରିଥିଲେ ସାରା ଦେଶରେ। କିନ୍ତୁ ଗରିବ ଚାଷୀ ଙ୍କ ଠାରୁ ପଇସା ନେଲା ଆଉ 4 ଟି ବଡ କମ୍ପାନୀ କୁ ଦେଲା। ପ୍ରାକୃତିକ ବିପର୍ଯ୍ୟୟ ବେଳେ ଚାଷୀ ଙ୍କୁ ସହାୟତା ମିଲୁନି। ଓଡିଶା ର ଯେ କୌଣସି ଚାଷୀ ଙ୍କୁ ପଚାର, ସମସ୍ତେ କହିବେ ଟଙ୍କା ମିଳିନି।ସମ୍ବିଧାନ ଗରିବ ଚାଷୀ ଓ ମଜଦୁରଙ୍କ ରକ୍ଷା କରେ। ଆଦାନୀ କି ଅମ୍ବାନୀର ନୁହେଁ। ଓଡିଶା ହେଉ କି ଛତିଶଗଡ ଯେଉଁଠି ଦେଖିବ କେବଳ ଆଦାନୀ ବୋଲି ରାହୁଲ କହିଛନ୍ତି । 40 ହଜାର ମହିଳା ନିଖୋଜ। କିନ୍ତୁ ସରକାର ଙ୍କ ର କିଛି ଯାଏ ଆସେ ନାହିଁ। ମୁଁ ଏବଂ କଂଗ୍ରେସ ଆପଣଙ୍କ ସହିତ ଅଛୁ।ଆମେ ତେଲେଙ୍ଗାନା ଜାତି ଜନଗଣନା କରେଇଲୁ। ଭଲ ରେଜଲ୍ଟ ଆସିଲା। ବିକାଶ ରେ ପଛୁଆ ବର୍ଗ ଙ୍କୁ ସଠିକ ଭାଗ ମିଳୁ। ଓଡ଼ିଶା ରେ ପଛୁଆ ବର୍ଗ ଅବହେଳିତ। ମୁଁ ଭକ୍ତ ଦାସ ଓ ଅଜୟ ଲଲୁ ଙ୍କୁ କହିଚି ଲୋକଙ୍କୁ ବୁଝା। ଜାତି ଜନଗଣନା କେତେ ଗୁରୁତ୍ୱପୂର୍ଣ୍ଣ। ସେହିପରି ବିଜେପି ସରକାର ଡ୍ରାଇଭର୍ ସଂଘ ଉପରେ ଚାପ ପକାଇ ଡରାଇଲେ। ହେଲେ ମୁଁ ଧନ୍ୟବାଦ ଦେଉଛି ସେମାନେ ଏହି କାର୍ଯ୍ୟ କ୍ରମ କୁ ସଫଳ କଲେ। ଡ୍ରାଇଭର୍ ସଂଘ ର ସମସ୍ତ ଦାବି ପୂରଣ ହେବା ଦରକାର ବୋଲି ରାହୁଲ କହିଛନ୍ତି ।

ହସପିଟାଲରୁ ଡିସଚାର୍ଜ ହେଲେ ବିରୋଧୀ ଦଳ ନେତା ନବୀନ ପଟ୍ଟନାୟକ। କୋକିଳାବେନ୍ ଧୀରୁଭାଇ ଅମ୍ବାନୀ ହସପିଟାଲରୁ ଆଜି ଡିସଚାର୍ଜ ହୋଇଛନ୍ତି । ଏବେ ସପ୍ତାହେ ମୁମ୍ବାଇରେ ରହିବେ, ନବୀନଙ୍କ ଚାଲିବ ଫିଜିଓଥେରାପି । ମୁମ୍ବାଇରେ ହୋଇଥିଲା ସର୍ଭିକାଲ ଆର୍ଥ୍ରାଇଟିସ ଅପରେସନ। ନବୀନ ପଟ୍ଟନାୟକ ହସ୍ପିଟାଲରୁ ଡିସଚାର୍ଜ ହେବା ପରେ ପୁରା ଓଡ଼ିଶାରେ ଖୁସିର ଲହରୀ ଖେଳି ଯାଇଛି। ନବୀନ ଙ୍କ ରାଜନୈତିକ ସଚିବ ଏହି ସୂଚନା ଦେଇଛନ୍ତି ।

ସରକାର ଓ ଶାସନକୁ ସାଙ୍ଗରେ ନେଇ ବିଜେପି ଓଡିଶାରେ ଆଗେଇବ। ସରକାର ଓ ଦଳ ଭିତରେ ରହିବନି କୌଣସି ମତପାର୍ଥକ୍ୟ। ସରକାର କଥା ବୁଝିବେ ମୁଖ୍ୟମନ୍ତ୍ରୀ ମୋହନ ମାଝୀ, ସଂଗଠନ କଥା ସମ୍ଭାଳିବେ ଦକ୍ଷ ସଂଗଠନ ମନମୋହନ ସାମଲ। ଓଡିଶାରେ ବିଜେପି ଏକାକୀ ସରକାର ଗଠନ ପରେ ମନମୋହନ ସାମଲକୁ ସଭାପତି କରି ବିଜେପି କେନ୍ଦ୍ରୀୟ ନେତୃତ୍ବ ଏପରି ବାର୍ତ୍ତା ଦେଇଛି। କେନ୍ଦ୍ରୀୟ ନେତୃତ୍ବ ଓଡିଶା ବିଜେପିରେ କୌଣସି ଗୋଷ୍ଠୀ କିପରି ନରହିବ ସେଥିପାଇଁ ସେଥିପାଇଁ ତୃତୀୟଥର ଲାଗି ମନମୋହନ ସାମଲ ରାଜ୍ୟ ସଭାପତିର ମଙ୍ଗ ଧରାଇ ମାଷ୍ଟ୍ରରଷ୍ଟ୍ରୋକ ଦେଇଛି । ଯାହା ମୋହନଙ୍କ ଶାସନ ରାସ୍ତାରେ ଫୁଲପଡିଲା ପରି । ଲମ୍ବା ରାଜନୈତିକ କ୍ୟାରିୟର ଭିତରେ ତୃତୀୟଥର ଲାଗି ମନମୋହନ ସାମଲ ରାଜ୍ୟ ସଭାପତିର ମଙ୍ଗ ଧରିଛନ୍ତି । ୧୯୯୯ରୁ ୨୦୦୪, ଦ୍ବିତୀୟ ଥର ୨୦୨୩ରେ ହେବା ପରେ ୨୦୨୫ରେ ପୁଣିଥରେ ଦଳ ତାଙ୍କୁ ସଂଗଠନର ଗୁରୁ ଦାୟିତ୍ବ ଦେଇଛି । ଜୁଏଲଙ୍କ ପରେ ମନମୋହନ ସଭାପତି ପଦରେ ହ୍ୟାଟ୍ରିକ ମାରିଛନ୍ତି । ଏକମାତ୍ର ପ୍ରାର୍ଥୀ ଭାବେ ମନମୋହନ ସାମଲ ନାମାଙ୍କନ ପତ୍ର ଦାଖଲ କରିଛନ୍ତି। ସବୁ କଳ୍ପନା ଜଳ୍ପନାର ଅନ୍ତ ଘଟାଇ ମନମୋହନ ସାମଲ ସଭାପତି ହେବା ପରେ ବିଜେପିରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପତିଆର କମିଛି ଓ ମନମୋହନ ଓ ମୋହନଙ୍କ ଦବଦବା ବଢିଛି ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି ।

ମନମୋହନ ସଭାପତି ହେବା ପରେ ବିଜେପି ସଂଗଠନରେ ବହୁ ପରିବର୍ତ୍ତିନ ହେବା ସହ ସେ ତାଙ୍କର ନୂଆମଟିମ ଗଢିବେ । କେନ୍ଦ୍ରୀୟ ନେତୃତ୍ବଙ୍କ ଆସ୍ଥା ମନମୋହନ ସାମଲ ଜିଣିଥିବାରୁ ସେ ଅଖଣ୍ଡ କ୍ଷମତାଶାଳୀ ହେବେ ବୋଲି ରାଜନୈତିକ ମହଲରେ ଚର୍ଚ୍ଚା ଆରମ୍ଭ ହୋଇଛି ।ମୁଖ୍ୟମନ୍ତ୍ରୀ ମୋହନ ମାଝୀ ଓ ମନମୋହନ ସାମଲ ଯୋଡିର ପ୍ରଭାବ ଆଗାମୀ ଦିନରେ ସଂଗଠନ ଓ ସରକାରରେ ଦେଖିବାକୁ ମିଳିବ । ମନ୍ତ୍ରୀମଣ୍ଡଳ ସମ୍ପ୍ରସାରଣ ଠାରୁ ଆରମ୍ଭ କରି ନିଗମ ବଣ୍ଟନ ଯାଏ ଏହି ଯୋଡି ଚୁଡାନ୍ତ ନିଷ୍ପତି ନେବ । ବିଜେପି ଅନ୍ଦର ମହଲର ଚର୍ଚ୍ଚା ଅନୁସାରେ ଏହି ମାସରେ ମନ୍ତ୍ରିମଣ୍ଡଳ ସମ୍ପ୍ରସାରଣ ସହ ନିଗମ ବଣ୍ଟନ କରାଯିବ । ନେତା କି ଗୋଷ୍ଠୀ ନୁହେଁ ଦଳ ପ୍ରତି ଆନୁଗତ୍ୟ ଥିବା ନେତାଙ୍କୁ ଦଳ ଆଗକୁ ଆଣିବ । ଚର୍ଚ୍ଚା ଅନୁସାରେ ମନମୋହନ ସାମଲ ସଭାପତି ହେବା ପରେ ବହୁମନ୍ତ୍ରିଙ୍କ ବିଭାଗ ପରିବର୍ତ୍ତିନ ହେବା ସହ ଦଳପ୍ରତି ଆନୁଗତ୍ୟ ଥିବା କିଛି ବିଧାୟକଙ୍କୁ ମୁଖ୍ୟମନ୍ତ୍ରୀ ମୋହନ ମାଝୀ ତାଙ୍କ ଟିମରେ ସାମିଲ କରିବେ । ଯେଉଁଥିରେ କେନ୍ଦ୍ରୀୟ ନେତୃତ୍ବ ର ସହମତି ପୂର୍ଣ୍ଣ ସହମତି ରହିବ। ମନମୋହନ ତୃତୀୟ ଥର ସଭାପତି ହେବା ପରେ ଆଗକୁ ବିଜେପି ରାଜନୀତିରେ କି ମୋଡ ନେଉଛି ତାହା ଉପରେ ସଭିଁଙ୍କ ନଜର ।

କଂଗ୍ରେସ ତା’ର ସଂଗଠନକୁ ନବକଳେବର ରୂପ ଦେବା ପାଇଁ ଏବେ ପୁନଃର୍ବାର କଂଗ୍ରେସର ବରିଷ୍ଠ ନେତ୍ରୀ ମୀନାକ୍ଷି ବାହିନିପତିଙ୍କୁ ଦ୍ୱିତୀୟଥର ପାଇଁ ରାଜ୍ୟ ମହିଳା କଂଗ୍ରେସର ସଭାନେତ୍ରୀ ଭାବେ ଏ.ଆଇ.ସି.ସି. ଘୋଷଣା କରିଛି । ମୀନାକ୍ଷି ବାହିନିପତିଙ୍କୁ ମହିଳା ସଭାନେତ୍ରୀ ଭାବେ ଏ.ଆଇ.ସି.ସି. ଘୋଷଣା କରିଥିବାରୁ ରାଜ୍ୟ ପିିସିସି ସଭାପତି ଭକ୍ତ ଚରଣ ଦାସ ଅଭିନନ୍ଦନ ଜଣାଇଛନ୍ତି । ଅନ୍ୟପକ୍ଷରେ ଶ୍ରୀମତୀ ବାହିନିପତି ମହିଳା କଂଗ୍ରେସ ସଭାନେତ୍ରୀ ଭାବେ ଘୋଷିତ ହେବା ପରେ ଖୁସିବ୍ୟକ୍ତ କରିବା ସହିତ ଏ.ଆଇ.ସି.ସି.ଅଧ୍ୟକ୍ଷ ମଲ୍ଲିକାର୍ଜୁନ ଖର୍ଗେ, ଲୋକସଭା ବିରୋଧିଦଳର ନେତା ତଥା ଜନନାୟକ ରାହୁଲ ଗାନ୍ଧୀ, ସୋନୀଆ ଗାନ୍ଧୀ, ପ୍ରିୟଙ୍କା ଗାନ୍ଧୀ, କେ.ସି. ଭେନୁଗୋପାଳ, କଂଗ୍ରେସ ଓଡ଼ିଶା ପ୍ରଭାରୀ ଅଜୟ ଲଲ୍ଲୁ ଓ ପିସିସି ସଭାପତି ଭକ୍ତ ଚରଣ ଦାସଙ୍କୁ କୃତଜ୍ଞତା ଜଣାଇଛନ୍ତି ।
ଶ୍ରୀମତୀ ବାହିନିପତି ନିଜର ପ୍ରତିକ୍ରିୟାରେ କହିଛନ୍ତି ଯେ ଓଡ଼ିଶାରେ ନାରୀ ନିର୍ଯ୍ୟାତନା ସହରରୁ ପଲ୍ଲୀ ପର୍ଯ୍ୟନ୍ତ ବ୍ୟାପିଛି । କେଉଁଠି ବି ନାରୀ ସୁରକ୍ଷିତ ନୁହେଁ । ପ୍ରତ୍ୟେକ ଦିନ ରାଜ୍ୟର କେଉଁଠି ନା କେଉଁଠି ମା’-ଝିଅ ଓ ବୋହୁ ମାନେ ସୁରକ୍ଷିତ ନୁହଁନ୍ତି । ସେମାନଙ୍କୁ ସୁରକ୍ଷିତ ରଖିବା ପାଇଁ ଆମର ନେତା ଜନନାୟକ ରାହୁଲ ଗାନ୍ଧୀ ଯେଉଁ ଅଭିଯାନ ଚଳାଇଛନ୍ତି ତାହାକୁ ଆଗକୁ ନେବି । ରାଜ୍ୟର ମହିଳା ସଂଗଠନକୁ ସଂଗଠିତ କରିବା ସହ ସେମାନେ କିପରି କଂଗ୍ରେସର ଆଭିମୁଖ୍ୟକୁ ଆଗେଇ ନେଇ ନାରୀମାନଙ୍କୁ ନ୍ୟାୟ ପ୍ରଦାନ କ୍ଷେତ୍ରରେ ସଂଗ୍ରାମ ଜାରି ରଖିବେ ସେ ଉପରେ ଗୁରୁତ୍ୱ ଦେବି ବୋଲି ଶ୍ରୀମତୀ ବାହିନିପତି ତାଙ୍କ ବକ୍ତବ୍ୟରେ କହିଛନ୍ତି ।
ପ୍ରକାଶଥାଉକି, ଶ୍ରୀମତୀ ବାହିନିପତି ଏଥିପୂର୍ବରୁ କୋରାପୁଟ ଏନ୍‌.ଏ.ସି ଅଧ୍ୟକ୍ଷା, କୋରାପୁଟ ଜିଲ୍ଲା କଂଗ୍ରେସ କମିଟି ସଭାପତି ଭାବେ ୧୦ ବର୍ଷର ସୂଚାରୁ ରୂପେ ଦାୟିତ୍ୱ ସଂପାଦନ କରିବା ସହ ସାଂଗଠନିକ ଦକ୍ଷତା ପ୍ରତିପାଦିତ କରିଛନ୍ତି । ନିର୍ବାଚନ ପୂର୍ବରୁ ରାଜ୍ୟ କଂଗ୍ରେସର ସଭାନେତ୍ରୀ ଭାବେ ଦାୟିତ୍ୱ ନେଇ ମହିଳା ସଂଗଠନକୁ ସୁଦୃଢ଼ କରିବାରେ ପ୍ରୟାସ କରିଥିଲେ । ନିର୍ବାଚନ ପରେ ଏ.ଆଇ.ସି.ସି. ଓଡ଼ିଶା କଂଗ୍ରେସର ସଂଗଠନକୁ ଭାଙ୍ଗି ଦେଇଥିଲେ । ପିସିସି ସଭାପତି ଭାବେ ଭକ୍ତ ଚରଣ ଦାସଙ୍କୁ ରାଜ୍ୟ ସଂଗଠନର ଦାୟିତ୍ୱ ଏ.ଆଇ.ସି.ସି. ଦେଇଛି । ଗତ ୪ ମାସ ଭିତରେ ଭକ୍ତ ଚରଣ ଦାସ ରାଜ୍ୟ ସଂଗଠନକୁ ନୂଆ ରୂପ ଦେବା ପାଇଁ ପଦକ୍ଷେପ ନେଇଥିଲେ । ବିଜେଡ଼ି ଓ ବିଜେପି ମହିଳା ଭୋଟରଙ୍କୁ ହାତେଇବା ପାଇଁ ପ୍ରୟାସ କରୁଥିବାବେଳେ କଂଗ୍ରେସ ମଧ୍ୟ ପଛରେ ପଡ଼ିନାହିଁ । ରାଜ୍ୟର ବିଜେପି ଶାସନରେ ସବୁଠାରୁ ମହିଳା ମାନଙ୍କ ସୁରକ୍ଷା ନେଇ ଚିନ୍ତା ବଢ଼ିଛି । ରାଜ୍ୟର ବିଜେପି ସରକାର କ୍ଷମତାକୁ ଆସିବା ଦିନଠାରୁ ୬୦ ରୁ ଉର୍ଦ୍ଧ୍ୱ ମହିଳା ଗଣବଳତ୍କାରର ଶିକାର ହୋଇଛନ୍ତି । ଏହା କେବଳ ଜାତୀୟ ପ୍ରସଙ୍ଗ ହୋଇରହି ନାହିଁ ବରଂ ଅର୍ନ୍ତଜାତୀୟ ପ୍ରସଙ୍ଗ ହୋଇଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତାଙ୍କ ଦେଶର ନାଗରିକଙ୍କୁ ଓଡ଼ିଶା ନ ଯିବା ପାଇଁ ପରାମର୍ଶ ଦେଇଛନ୍ତି । ଏହି ପରିପ୍ରେକ୍ଷିରେ ଏ.ଆଇ.ସି.ସି. ୫ ଜଣ ବରିଷ୍ଠ କଂଗ୍ରେସ ନେତ୍ରୀ ଓ ସାଂସଦଙ୍କୁ ଓଡ଼ିଶାର ଗୋପାଳପୁର ଓ କେନ୍ଦୁଝର ଆଦି ଅଞ୍ଚଳକୁ ପଠାଇ ସତ୍ୟାସତ ଅନୁସନ୍ଧାନ କରିଛି । ମହିଳାଙ୍କ ସମସ୍ୟା ଓଡ଼ିଶାରେ ଉତ୍କଟ ରୂପ ଧାରଣ କରିଥିବାରୁ ଏ.ଆଇ.ସି.ସି. ଜଣେ ଟାଣୁଆ ମହିଳା ନେତ୍ରୀ ମୀନାକ୍ଷି ବାହିନିପତି ସଭାନେତ୍ରୀ ଭାବେ ଦାୟିତ୍ୱ ଦେଇଛନ୍ତି । ଶ୍ରୀମତୀ ବାହିନିପତିଙ୍କୁ ଦଳ ପକ୍ଷରୁ ବହୁ ତୁଙ୍ଗନେତା, କର୍ମୀ ଓ ମହିଳା ନେତ୍ରୀମାନେ ସ୍ୱାଗତ ଜଣାଇ ସମର୍ଥନ ଜ୍ଞାପନ କରିଛନ୍ତି

ବିଜେପି ବିଧାୟକ ସନ୍ତୋଷ ଖଟୁଆଙ୍କ ଦ୍ୱାରା ବିଜେଡିର ଜଣେ ସମ୍ମାନନୀୟା ନାରୀନେତ୍ରୀ ଙ୍କ ପ୍ରତି ଏପରି ଅପମାନଜନକ ମନ୍ତବ୍ୟ ଅତ୍ୟନ୍ତ ଦୁଃଖଦ ଏବଂ କଦାପି ଗ୍ରହଣୀୟ ନୁହେଁ।ରାଜନୈତିକ ପ୍ରତିଉତ୍ତର ଭାବରେ ସର୍ବସାଧାରଣରେ ଜଣେ ମହିଳାଙ୍କ ଚରିତ୍ର ସଂହାର କରିବା ରୁଗ୍ଣ ମାନସିକତାର ପରିଚୟ ଏବଂ ମହିଳାଙ୍କ ସ୍ୱର ଚପାଇ ଦେବାକୁ ଉଦ୍ଦିଷ୍ଟ। ଏହା ଦର୍ଶାଉଛି ସବୁ ମହିଳା ଚୁପ୍ ହୋଇ ରୁହନ୍ତୁ।ସବୁଠୁ ଅଧିକ ଦୁଃଖର ବିଷୟ ହେଉଛି ବିଜେପି ନେତାମାନଙ୍କର ଗଭୀର ନୀରବତା। ଜଣେ କେହି ବି ନେତା ଏପରି ଘୃଣ୍ୟ ମନ୍ତବ୍ୟକୁ ନିନ୍ଦା କରିବା ସହିତ ବିଧାୟକଙ୍କୁ ଉତ୍ତରଦାୟୀ କରିବାକୁ ମଧ୍ୟ ଆଗକୁ ଆସୁନାହାନ୍ତି।ଏପରି ବ୍ୟବହାର ନେଇ ସଭିଙ୍କ ନୀରବତା ସରକାରୀ ଦଳର ଆଭିମୁଖ୍ୟ ବେଶ୍ ସ୍ପଷ୍ଟ ଭାବେ ସର୍ବସାଧାରଣରେ ଦର୍ଶାଉଛି।

ମହିଳାଙ୍କ ସଶକ୍ତିକରଣ ବିଷୟରେ ଉପଦେଶ ଦେବା ପୂର୍ବରୁ, ରାଜନେତାମାନେ ପ୍ରଥମେ ମହିଳାଙ୍କୁ ସମ୍ମାନ ଜଣାଇବାର ମୌଳିକ ନୀତି ଶିଖିବା ଦରକାର। ଜଣେ ନିର୍ବାଚିତ ଜନପ୍ରତିନିଧିଙ୍କ ମୁହଁରୁ ଏପରି ଅପମାନଜନକ କଥା ଶୁଣିବା ଅତ୍ୟନ୍ତ ଅସହ୍ୟ ଓ ଅମାନବିକ। ଓଡ଼ିଶାର ରାଜନୈତିକ ଦୃଶ୍ୟପଟ ଏପରି ଲଜ୍ଜାଜନକସ୍ତରକୁ ଆସିବା ବେଶ୍ ବିରଳ।ମୁଁ ଓଡ଼ିଶାର ସମସ୍ତ ସଚେତନ ନାଗରିକଙ୍କୁ ଆହ୍ୱାନ କରୁଛି—ଏପରି ରୁଗ୍ଣ ମାନସିକତା ଥିବା ତଥା ନାରୀ ବିରୋଧୀ ମନୋଭାବ ରଖି ରାଜ୍ୟ ବିଧାନସଭାରେ ସ୍ଥାନ ଜମାଇଥିବା ଲୋକମାନଙ୍କର ଅସଲ ଚେହେରାକୁ ଚିହ୍ନନ୍ତୁ। ଆସନ୍ତୁ, ଦଳମତ ନିର୍ବିଶେଷରେ ଏହାକୁ ବିରୋଧ କରିବା ଏବଂ ଉତ୍ତରଦାୟିତ୍ୱ ବଜାୟ ରଖିବା ପାଇଁ ଏକ ହେବା। ନଚେତ ଏକ ରାଜ୍ୟ ଭାବେ ଆମେ ଆମ ଝିଅ ତଥା ମା’ମାନଙ୍କ ଆଗରେ ବିଫଳ ହେବା।