ଭୁବନେଶ୍ୱର: ଅମ୍ପାନ କ୍ଷୟକ୍ଷତି ଆକଳନ ପାଇଁ ପ୍ରଧାନମନ୍ତ୍ରୀ ଆଜି ଓଡିଶା ଆସିଥିଲେ। ବିମାନ ବନ୍ଦରରେ ପହଂଚିବାର ପରେ ସେ ହେଲିକପ୍ଟର ଯୋଗେ ଯାଇ ଆକାଶ ମାର୍ଗରୁ ପ୍ରଭାବିତ ଅଞ୍ଚଳ ବୁଲି ଦେକହିଥିଲେ।ଦୀର୍ଘ ୨ ଘଣ୍ଟା ଧରି ସେ ପ୍ରଭାବିତ ଅଞ୍ଚଳ ବୁଲିଥିଲେ।ଏବଂ ସେଠାରୁ ଫେରିଲା ପରେ ଭୁବନେଶ୍ୱର ବିମାନ ବନ୍ଦର ଠାରେ ସରକାରଙ୍କ ସହ ଆଲୋଚନା କରିଥିଲେ ।ଆଲୋଚନାରେ ପ୍ରଧାନମନ୍ତ୍ରୀଙ୍କ ସମେତ ମୁଖ୍ୟମନ୍ତ୍ରୀ, ରାଜ୍ୟପାଳ, ଓ ଦୁଇ କେନ୍ଦ୍ରମନ୍ତ୍ରୀ ଉପସ୍ଥିତ ଥିଲେ। ବାତ୍ୟାର ସବୁ ଦିଗକୁ ପୁଙ୍ଖାନୁପୁଙ୍ଖ ଭାବେ ତର୍ଜମା କଲା ପରେ ପ୍ରଧାନମନ୍ତ୍ରୀ ଓଡ଼ିଶାକୁ ଅଗ୍ରୀମ ୫୦୦ କୋଟି ଟଙ୍କା ସହାୟତା ଘୋଷଣା କରିଛନ୍ତି। ପରେ କେନ୍ଦ୍ରୀୟ ଟିମ୍ ଓଡିଶା ଆସିବେ । ସେ ସମୟରେ ରାଜ୍ୟସରକାରଙ୍କ ଆଲୋଚନା ହେବ।ଏବଂ ବଳକା କ୍ଷତିର ଅର୍ଥ ଦେବାକୁ ପ୍ରଧାନମନ୍ତ୍ରୀ ପ୍ରତିଶ୍ରୁତି ଦେଇଛନ୍ତି ।ରାଜ୍ୟ ସରକାରଙ୍କ ଅମ୍ପାନ ମୁକାବିଲାକୁ ପ୍ରଧାନମନ୍ତ୍ରୀ ପ୍ରସଂଶା କରିଛନ୍ତି।ରାଜ୍ୟ ସହ କେନ୍ଦ୍ର ସରକାର ସବୁବେଳେ ଛିଡା ହୋଇଛନ୍ତି ବୋଲି କହିଛନ୍ତି।

ଭୁବନେଶ୍ୱର :ଲକ୍ ଡାଉନର ୮୩ ଦିନ ପରେ ଦିଲ୍ଲୀ ବାହାରକୁ ଆସିଲେ ପ୍ରଧାନମନ୍ତ୍ରୀ। ଅମ୍ପାନ ବାତ୍ୟା ପଶ୍ଚିମବଙ୍ଗ ଓ ଓଡ଼ିଶାରେ ତାଣ୍ଡବ ରଚିଥିଲା।ତାକୁ ସମୀକ୍ଷା କରିବା ପାଇଁ ପ୍ରଥମେ ପଶ୍ଚିମବଙ୍ଗ ଓ ଓଡ଼ିଶା ଗସ୍ତ କରିଛନ୍ତି। ପ୍ରଧାନମନ୍ତ୍ରୀ ଏବେ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିଛନ୍ତି। ସେଠାରେ ତାଙ୍କୁ ଅଭିବାଦନ ଜଣାଇବା ପାଇଁ ରାଜ୍ୟପାଳ ଗଣେଶି ଲାଲ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ , ମୁଖ୍ୟଶାସନ ସଚିବ ଅସିତ୍ ତ୍ରିପାଠୀ, ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜନ୍ତ ପଣ୍ଡା, ବିଜେପି ନେତା ଭୃଗୁ ବକ୍ସି ପତ୍ରଙ୍କ ସହ ଅନେକ ପ୍ରଶାସନିକ ଅଧିକାରୀ ଉପସ୍ଥିତ ଥିଲେ। ସେଠାରୁ ଏବେ ସେ ସିଧାସଳଖ ହେଲିକପ୍ଟର ଯୋଗେ ଆକାଶ ମାର୍ଗରୁ ବାଲେଶ୍ଵର,ଭଦ୍ରକ ,ପାରାଦ୍ୱୀପ,କେନ୍ଦ୍ରାପଡାର ବାତ୍ୟାଞ୍ଚଳ ସମୀକ୍ଷା କରିବାକୁ ଯାଇଛନ୍ତି। ପ୍ରଧାନମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀ ,ନବୀନ ପଟ୍ଟନାୟକ, ରାଜ୍ୟପାଳ ଗଣେଶି ଲାଲ, ଧର୍ମେନ୍ଦ୍ର ପ୍ରଧାନ ଓ ପ୍ରତାପ ଷଡଙ୍ଗୀ ମଧ୍ୟ ଉପସ୍ଥିତ ଅଛନ୍ତି। ଆକାଶ ମାର୍ଗରୁ ସ୍ଥିତି ସମୀକ୍ଷା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରାଜ୍ୟର ଅଧିକାରୀଙ୍କ ଏକ ଘଣ୍ଟା ଧରି ଏକ ବୈଠକ ହେବ। ପରେ ୬.୨୫ମିନିଟରେ ଦିଲ୍ଲୀ ଫେରିଯିବେ।

କଲକତା : ଅମ୍ପନ କ୍ଷୟକ୍ଷତି ଆକଳନ ପାଇଁ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପଶ୍ଚିମବଙ୍ଗ ଗସ୍ତରେ ଆସିଛନ୍ତି। ସେଠାରେ ସେ ବିମାନ ବନ୍ଦରରେ ପହଂଚିବାର ପରେ ହେଲିକପ୍ଟର ଯୋଗେ ଯାଇ ଆକାଶ ମାର୍ଗରୁ ପ୍ରଭାବିତ ଅଞ୍ଚଳ ବୁଲି ଦେଖୁଥିଲେ। ପରେ ପଶ୍ଚିମବଙ୍ଗ ସରକାରଙ୍କ ସହ ଆଲୋଚନା କରିଥିଲେ । ଆଲୋଚନା ପରେ ପ୍ରଧାନମନ୍ତ୍ରୀ ପଶ୍ଚିମବଙ୍ଗକୁ ଅଗ୍ରୀମ ଏକ ହଜାର କୋଟି ଟଙ୍କା ଘୋଷଣା କରିଛନ୍ତି । ସମ୍ପୂର୍ଣ୍ଣ ଆକଳନ ପରେ ଅନ୍ୟ ପ୍ରାପ୍ୟ ଅର୍ଥ ରାଜ୍ୟକୁ ଦେବେ।ସେହିପରି ଅମ୍ପାନରେ ମୃତ୍ୟୁ ବରଣ କରିଥିବା ପରିବାରକୁ ଦୁଇ ଲକ୍ଷ ଏବଂ ଆହତ ବ୍ୟକ୍ତିକୁ ପଚାଶ ହାଜର କ୍ଷତି ପୂରଣ ଦେବାକୁ ପ୍ରଧାନମନ୍ତ୍ରୀ ଘୋଷଣା କରିଛନ୍ତି।
କେନ୍ଦ୍ର ସରକାର ସବୁବେଳେ ପଶ୍ଚିମବଙ୍ଗ ସରକାରଙ୍କ ସହ ଅଛନ୍ତି । ଉଭୟ କରୋନା ଓ ଅମ୍ପାନକୁ ସଫଳ ମୁକାବିଲା କରିଥିବାରୁ ମମତା ସରକାରଙ୍କୁ ଧନ୍ୟବାଦ ଦେଇଛନ୍ତି ପ୍ରଧାନମନ୍ତ୍ରୀ ।

କଲିକତା : କଲିକତା ବିମାନ ବନ୍ଦରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପହଞ୍ଚି ସାରିଛନ୍ତି। ସେଠାରେ ତାଙ୍କୁ ଅଭିବାଦନ ଜଣାଇବା ପାଇଁ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ଅନେକ ପ୍ରଶାସନିକ ଅଧିକାରୀ ଉପସ୍ଥିତ ଥିଲେ। ସେଠାରୁ ସେ ଏବେ ସିଧାସଳଖ ହେଲିକପ୍ଟର ଯୋଗେ ଆକାଶ ମାର୍ଗରୁ ବାତ୍ୟା ସମୀକ୍ଷା କରିବାକୁ ଯାଇଛନ୍ତି। ପ୍ରଧାନମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀ ମମତା ବାନାର୍ଜୀ, କେନ୍ଦ୍ରମନ୍ତ୍ରୀ ବାବୁଲ ସୁପ୍ରିୟ, ଧର୍ମେନ୍ଦ୍ର ପ୍ରଧାନ ଓ ପ୍ରତାପ ଷଡଙ୍ଗୀ ମଧ୍ୟ ଉପସ୍ଥିତ ଅଛନ୍ତି। ଆକାଶ ମାର୍ଗରୁ ସ୍ଥିତି ସମୀକ୍ଷା ପରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଓ ଅଧିକାରୀଙ୍କ ଏକ ଘଣ୍ଟା ଧରି ଏକ ବୈଠକ ହେବ। ପରେ ୧.୪୫ ମିନିଟରେ ଭୁବନେଶ୍ୱର ଆସିବେ।

ଭୁବନେଶ୍ୱର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସବୁବେଳେ ଓଡ଼ିଆଙ୍କ ସହ ଅଛନ୍ତି। ପୂର୍ବ ଭାରତର ପୂର୍ବଦୋୟ ଓଡ଼ିଶାରୁ ଆରମ୍ଭ ହେବ ବୋଲି ସେ ବାରମ୍ବାର କହିଆସିଛନ୍ତି। ଦୁଇ ଦିନ ତଳେ ଓଡିଶାକୁ ବାତ୍ୟା ଅମ୍ପାନ ଆସିଥିଲା। ରାଜ୍ୟର ଚାରୋଟି ଜିଲ୍ଲା ତଥା ବାଲେଶ୍ୱର ,ଭଦ୍ରକ, ପାରାଦ୍ୱୀପ, କେନ୍ଦ୍ରାପଡାରେ ଅନେକ କ୍ଷତି କରିଛି। ତାହାର ସମୀକ୍ଷା କରିବାକୁ ଆଜି ପ୍ରଧାନମନ୍ତ୍ରୀ ଓଡିଶା ଗସ୍ତରେ ଆସୁଛନ୍ତି।ବାତ୍ୟା ପୂର୍ବ ଦିନ ମଧ୍ୟ ଗୃହ ମନ୍ତ୍ରୀ ଅମିତ ଶାହାଙ୍କ ମିଶି ପ୍ରଧାନମନ୍ତ୍ରୀ ରାଜ୍ୟରେ ଅମ୍ପାନ ମୁକାବିଲର ସ୍ଥିତି ପରଖିଥିଲେ।
ଆଜି ଅପରାହ୍ନ ୨.୫୦ ମିନିଟ୍ ରେ ଭୁବନେଶ୍ୱର ବନ୍ଦରରେ ପହଞ୍ଚିବେ। ୨.୫୫ ମିନିଟ୍ ରେ ଏମଆଇ-୧୭ ହେଲିକପ୍ଟରରେ ସିଧା ବାତ୍ୟାଞ୍ଚଳ ପରିଦର୍ଶନରେ ଯିବେ ।ତାଙ୍କ ସହ ଓଡ଼ିଶାର ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପ୍ରତାପ ଷଡ଼ଙ୍ଗୀ ମଧ୍ୟ ରହିବେ । ତାଙ୍କ ସହ ଓଡ଼ିଶା ସରକାରଙ୍କ ମୁଖ୍ୟ ଶାସନ ସଚିବ ଉପସ୍ଥିତ ରହିବେ । ପାଖାପାଖି ଦୁଇଘଣ୍ଟା ଧରି ପ୍ରଧାନମନ୍ତ୍ରୀ ଆକାଶମାର୍ଗରୁ ଜଗତସିଂହପୁର, କେନ୍ଦ୍ରାପଡ଼ା, ବାଲେଶ୍ୱର ଓ ଭଦ୍ରକ ଜିଲ୍ଲାର ୪ ପ୍ରଭାବିତ ଜିଲ୍ଲାର ସ୍ଥିତି ଅନୁଧ୍ୟାନ କରିବେ । ୪.୫୫ ରେ ପ୍ରଧାନମନ୍ତ୍ରୀ ଭୁବନେଶ୍ୱର ଫେରି ଅପରାହ୍ନ ୫ଟାରୁ ୬ଟା ପର୍ଯ୍ୟନ୍ତ ରାଜ୍ୟ ସରକାରଙ୍କ ସହ ରିଲିଫ୍ ଓ ମରାମତି କାର୍ଯ୍ୟର ସମୀକ୍ଷା କରିବେ । ୬.୧୫ ମିନିଟ୍ ରେ ପ୍ରଧାନମନ୍ତ୍ରୀ ଦିଲ୍ଲୀ ଫେରିଯିବେ ।
ଏହା ପୂର୍ବରୁ ସେ ପଶ୍ଚିମବଙ୍ଗ ଯାଇ ସେଠାରେ ମଧ୍ୟ ଅମ୍ପାନ ସ୍ଥିତି ସମୀକ୍ଷା କରିବେ। ପଶ୍ଚିମବଙ୍ଗ ସରକାରଙ୍କ ସହ ଆଲୋଚନା କରିବେ।ସେଠାରୁ ସେ ୧.୪୫ ମିନିଟ୍ ରେ ପ୍ରଧାନମନ୍ତ୍ରୀ ଭୁବନେଶ୍ୱର ଆସିବାର କାର୍ଯ୍ୟକ୍ରମ ରହିଛି।

ଭୁବନେଶ୍ୱର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଅପରାହ୍ନ 2.30 ରେ ଭୁବନେଶ୍ୱରରେ ପହଂଚିବେ ! ପ୍ରାୟ 2 ଘଣ୍ଟା ରାଜ୍ୟର ବିଭିନ୍ନ ବାତ୍ୟା ପ୍ରଭାବିତ ଜିଲ୍ଲା ଗସ୍ତ କରିବେ ! ଆକାଶ ମାର୍ଗରୁ ଏରିୟଲ ଭିୟୁ କରିବେ ! ପ୍ରଧାନମନ୍ତ୍ରୀଙ୍କ ସହିତ ଉପସ୍ଥିତ ରହିବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ! ପ୍ରାୟ 2 ଘଣ୍ଟାର ଏରିୟଲ ଭିୟୁ କରିବା ପରେ ବିମାନବନ୍ଦର ଭିତରେ ଉଚ୍ଚ ସ୍ତରୀୟ ବୈଠକ ଅନୁଷ୍ଠିତ ହେବ ! ଏହି ବୈଠକରେ ରାଜ୍ୟ ବାତ୍ୟାରେ ହୋଇଥିବା କ୍ଷୟକ୍ଷତି ସମ୍ପର୍କରେ ପ୍ରଧାନମନ୍ତ୍ରୀଙ୍କୁ ଅବଗତ କରାଇବ l ରାଜ୍ୟ ସରକାରଙ୍କ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ, ଉନ୍ନୟନ କମିଶନ ସୁରେଶ ମହାପାତ୍ର, ଏସଆରସି ପ୍ରଦୀପ୍ତ ଜେନା, ପୋଲିସ ଡିଜି ଶ୍ରୀ ଅଭୟ, ଗୁଇନ୍ଦା ଡିଜି, ବରିଷ୍ଠ ପ୍ରଶାସନିକ ଅଧିକାରୀ ପ୍ରମୁଖ ଉପସ୍ଥିତ ରହିବେ ! ପ୍ରଧାନମନ୍ତ୍ରୀ ଆସିବା ପୃର୍ବରୁ ବାତ୍ୟା ପରିଚାଳନା ନେଇ ଓଡିଶା ନେଇଥିବା ପଦକ୍ଷେପକୁ ପ୍ରଶଂସା କରିଛନ୍ତି l ପ୍ରଧାନମନ୍ତ୍ରୀଙ୍କ ସୁରକ୍ଷା ଲାଗି 25 ଜଣିଆ ଏସପିଜି ଯବାନ ବିଳମ୍ବିତ ରାତିରେ ପହଁଚିଛନ୍ତି !