ଭୁବନେଶ୍ୱର : ରଥଯାତ୍ରା ନେଇ ରାଜ୍ୟ ସରକାର ତାଙ୍କର ଆଭିମୁଖ୍ୟ ସ୍ପଷ୍ଟ କରିଛନ୍ତି l କୋଭିଡ୍ ଆଇନ ପାଳନ ସହ ବିନା ଭକ୍ତରେ ପୁରୀରେ ରଥଯାତ୍ରା କରିବାକୁ ଶ୍ରୀମନ୍ଦିର ପରିଚାଳନା କମିଟି ଅଧ୍ୟକ୍ଷ ତଥା ପୁରୀ ଗଜପତି ଶ୍ରୀ ଦିବ୍ୟସିଂହ ଦେବ ମୁଖ୍ୟମନ୍ତ୍ରୀଙ୍କୁ ଦେଇଥିବା ଚିଠି ଉପରେ ସଠିକ୍ ପଦକ୍ଷେପ ନିଆଯିବ ବୋଲି ସରକାର ପ୍ରତିଶ୍ରୁତି ଦେଇଛନ୍ତି । ଏନେଇ ଆଇନ ବିଭାଗ ପକ୍ଷରୁ ଏକ ପ୍ରେସ୍ ବିଜ୍ଞପ୍ତି ଜାରି କରାଯାଇ କୁହାଯାଇଛି l ବିଭାଗ ସ୍ପଷ୍ଟ କରିଛି ଯେ ଆଇନ ଅନୁସାରେ ରଥଯାତ୍ରା ନେଇ ପଦକ୍ଷେପ ନିଆଯିବ l ଆଜି ସୁପ୍ରିମକୋର୍ଟରେ ଦିନ ୧୧ଟା ବେଳେ ରଥଯାତ୍ରା ହେବ କି ନାହିଁ ଶୁଣାଣି ହେବ l ଏନେଇ ଅନେକ ପିଟିସନ ଦାୟର କରିଛନ୍ତି l

ପିଟିସନରେ କୁହାଯାଇଛି ଯେ କେବଳ ପୁରୀରେ କୋଭିଡ୍ ନିୟମ ପାଳନ ସହ ତିନି ରଥକୁ କେବଳ ସେବାୟତ ଏବଂ ପୁଲିସମାନଙ୍କ ଦ୍ୱାରା ଟଣାଯିବ l ଏହା ଉପରେ ଆଜି କୋର୍ଟ ତାଙ୍କର ରାୟ ଦେବେ l ପୂର୍ବରୁ କୋର୍ଟ ଉଭୟ ପକ୍ଷଙ୍କ ଆବେଦନ ଶୁଣାଣି କରି ପୁରୀରେ ରଥଯାତ୍ରା ବନ୍ଦ ପାଇଁ ନିର୍ଦେଶ ଦେଇଥିଲେ l ଏହି ରାୟର ପୂର୍ଣ୍ଣବିଚାର କରିବା ପାଇଁ ଅନେକ ରିଭ୍ୟୁ ପିଟିସନ କୋର୍ଟରେ ଦାୟର କରିଛନ୍ତି l ଯାହାର ଶୁଣାଣି ଆଜି କୋର୍ଟ କରିବେ l ସେପଟେ ମନ୍ଦିର ପରିଚାଳନା କମିଟି ପକ୍ଷରୁ ସଭାପତି ତଥା ଗଜପତି ମହାରାଜାଙ୍କ ମୁଖ୍ୟମନ୍ତ୍ରୀଙ୍କୁ ଚିଠି ଦେଇ ପୁରୀରେ ବିନା ଭକ୍ତରେ ରଥଯାତ୍ରା ପାଇଁ ପଦକ୍ଷେପ ନେବାକୁ ଅନୁରୋଧ କରିଥିବାରୁ ରାଜ୍ୟ ସରକାର ଆଇନ ଅନୁଯାୟୀ ସଠିକ୍ ପଦକ୍ଷେପ ନେବେ ବୋଲି ଆଇନ ବିଭାଗ କହିଛି । ରଥଯାତ୍ରା ନେଇ ବିଭିନ୍ନ ରାଜନୈତିକ ଦଳ ମଧ୍ୟ୍ୟ ସରକାର ଉପରେ ଚାପ ପକାଇଛନ୍ତି l ରାଜ୍ୟ ସରକାର ଏନେଇ ମାପିଚୁପି ବାୟାନ ଦେଉଥିଲେ ମଧ୍ୟ ରଥ କାମ କେଉଁଠି ବନ୍ଦ କରିନାହିଁ ଶ୍ରୀମନ୍ଦିର ପ୍ରଶାସନ l ଏହାରି ମଧ୍ୟରେ ରଥରେ କପଡା ଲାଗିସାରିଛି l ଯାତ୍ରା ପାଇଁ ରଥ ପ୍ରସ୍ତୁତି ଜୋରଦାର ହୋଇଛି l
ରଥଖଳାକୁ ରବିବାର ରାତିରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଡକ୍ଟର କ୍ରିଷନ୍ କୁମାର, ଡିଆଇଜି ଆଶିଷ ସିଂ, ପୁରୀ ଜିଲ୍ଲାପାଳ ଏବଂ ଏସପି ବୁଲି ତଦାରଖ କରିଛନ୍ତି । ଏଵେ ସମସ୍ତେଙ୍କ ଅପେକ୍ଷା ସୁପ୍ରିମ୍ କୋର୍ଟଙ୍କ ନିଷ୍ପତ୍ତି ଉପରେ l ରଥ, ପଥ, ଭକ୍ତ ସବୁ ପ୍ରସ୍ତୁତି ଥିବା ବେଳେ ମହାପ୍ରଭୁଙ୍କ ଇଛା କଣ ତାହା ଆଜି ରାୟ ଆସିଲା ପରେ ସ୍ପଷ୍ଟ ହେବ l ଏଥର ରଥଯାତ୍ରା ହେବ ନା କିଛି ନୂଆ ଇତିହାସ ସୃଷ୍ଟି ହେବ l

ଭୁବନେଶ୍ୱର : ରଥଯାତ୍ରା ଯେତିକି ପାଖେଇ ଆସୁଛି ଯାତ୍ରାକୁ ନେଇ ସେତିକି ଦ୍ୱନ୍ଦ ବଢ଼ିବାରେ ଲାଗିଛି। କାରଣ ଗତ ୧୮ ତାରିଖରେ ସୁପ୍ରିମକୋର୍ଟ ରଥଯାତ୍ରା ବନ୍ଦ ପାଇଁ ଶୁଣାଣି କରିଥିଲେ। ଏହି ରାୟ ଆସିବା ପରେ ଏହାର ପୁନଃ ଶୁଣାଣି ପାଇଁ ଅନେକ ରିଭ୍ୟୁ ପିଟିସନ ଦାଖଲ ହେଲାଣି।
ହେଲେ ସୁପ୍ରିମକୋର୍ଟଙ୍କ ଶୁଣାଣି ପରେ ମଧ୍ୟ ରଥ କାମ ବନ୍ଦ ହୋଇନି।କାମ ଜୋର ଶୋରରେ ଚାଲିଛିସେଥିପାଇଁ ତ ସମସ୍ତଙ୍କ ମନରେ ରଥଯାତ୍ରାକୁ ନେଇ ଆଶା ଜୀବିତ ଆଛି। କିନ୍ତୁ ଏହି ସମୟରେ ସରକାର ଏକ ପ୍ରକାର ମୌନ ବ୍ରତ ଧାରଣ କରିଛନ୍ତି। ରଥଯାତ୍ରା ସପକ୍ଷ କିମ୍ବା ବିପକ୍ଷରେ ପଦୁଟିଏ ବି କିଛି କହୁନାହାନ୍ତି। ଦଳୀୟ ନେତାଙ୍କୁ ମଧ୍ୟ କିଛି ନ କହିବାକୁ ହାଇ କମାଣ୍ଡ କହିଛନ୍ତି। ତେଣୁ ସରକାର କିମ୍ବା ବିଜେଡି ଦଳ ତରଫରୁ ରଥଯାତ୍ରାକୁ ନେଇ ସମସ୍ତେ ଚୁପ।ହେଲେ ଏବେ ଏହାକୁ ନେଇ ରାଜନୈତିକ ସ୍ଥରରେ ମଧ୍ୟ ପ୍ରବଳ ହଟଚମଟ ଦେଖିବାକୁ ମିଳିଲାଣି। କାରଣ ଏବେ ବିଜେପି ରଥଯାତ୍ରା କରିବାକୁ ଆଗଭର ହୋଇଛି। ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ର ଆଜି ଏକ ପିଟିସନ ପୁଣି ଦାଖଲ କରିଛନ୍ତି। ଏପଟେ ପୁରୀ ବିଧାୟକ ଜୟନ୍ତ ଷଡ଼ଙ୍ଗୀ ମଧ୍ୟ ଆଜି ମୁଖ୍ୟମନ୍ତ୍ରୀ ଓ ରାଜ୍ୟପାଳଙ୍କୁ ବିନା ଭକ୍ତରେ ରଥଯାତ୍ରା କରିବାକୁ ଚିଠି ଦେଇଛନ୍ତି।ତେବେ ଜଗନ୍ନାଥ ମହାପ୍ରଭୁ ଏଥର ବାହାରକୁ ଆସିବେ କି ନାହିଁ ସେ ବିଚାର ତାଙ୍କର l କାରଣ ସେ ଜଗତର ନିୟନ୍ତା ତାଙ୍କ ବିନା ନିର୍ଦେଶରେ କିଛି ହେବନି l

ଭୁବନେଶ୍ୱର : ଆଜି ରାଜ୍ୟରେ କରୋନାରେ ଆଉ ୨ ଜଣଙ୍କର ମୃତ୍ୟୁ ହୋଇଛି ।ସେଥିମଧ୍ୟରୁ ଜଣେ ବରଗଡ଼ ଜିଲ୍ଲାର ୭୬ ବର୍ଷୀupdate ୟ ବୃଦ୍ଧ । ଆଉ ଅନ୍ୟଜଣେ ଗଞ୍ଜାମ ଜିଲ୍ଲାର ଜଣେ ୪୯ ବର୍ଷୀୟ ବ୍ୟକ୍ତି।ରାଜ୍ୟରେ ମୋଟ କରୋନା ମୃତ୍ୟୁସଂଖ୍ୟା ୧୪ ରେ ପହଞ୍ଚିଲା ।ରାଜ୍ୟରେ କରୋନା ଆକ୍ରାନ୍ତ ସଂଖ୍ୟା କମିବାର ନାଁ ଧରୁ ନାହିଁ। ଦିନକୁ ଦିନ ବଢ଼ିବାରେ ଲାଗିଛି। ଏହାସହ ଆଜି ୩୦୪ ଜଣ ନୂଆ କରୋନା ପଜେଟିଭ ଚିହ୍ନଟ ହୋଇଛନ୍ତି । ଏବେ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୫୧୬୦ରେ ପହଁଚିଛି।
ସେମାନେ ଜଗତସିଂହପୁରରୁ ୨୯, ଝାରସୁଗୁଡ଼ାରୁ ୨୫, ଯାଜପୁରରୁ ୨୧, ବାଲେଶ୍ବରରୁ ୧୭, ବରଗଡ଼ରୁ ୧୪, କଟକରୁ ୧୩, କନ୍ଧମାଳରୁ ୧୨, ଭଦ୍ରକରୁ ୧୧, ମୟୂରଭଞ୍ଜରୁ ୬, କେନ୍ଦ୍ରାପଡ଼ା ଓ ଖୋର୍ଦ୍ଧାରୁ ୫ ଲେଖାଏଁ କୋରୋନା ଆକ୍ରାନ୍ତ ଚିହ୍ନଟ, ସୁବର୍ଣ୍ଣପୁରରୁ ୪, ନୟାଗଡ଼ ଓ ପୁରୀରୁ ୩ ଲେଖାଏଁ କରୋନାରେ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ସ୍ୱସ୍ଥ୍ୟ ଓ ପରିବାର କଲ୍ୟାଣ ବିିଭାଗ ପକ୍ଷରୁ ସୂଚନା ଦେଇଛି।ସେଥିମଧ୍ୟରୁ ସମସ୍ତ ୨୭୨ ଜଣ କ୍ବାରେଣ୍ଟିନ୍ ସେଣ୍ଟରରେ ଏବଂ ଜଣ ୩୨ ସ୍ଥାନୀୟ ଲୋକ ଅଛନ୍ତି । ଏହାସହ ୪୨ ଜଣ ଅଗ୍ନିଶମ କର୍ମଚାରୀ ବି କରୋନାରେ ଆକ୍ରାନ୍ତ ହୋଇଛନ୍ତି।ଯେଉଁମାନେ କି କୋଲକାତାରେ ଅମ୍ଫାନ ଡ୍ୟୁଟିରେ କାର୍ଯ୍ୟରତ ଥିଲେ । ।ଏହାସହ ୧୬୦୭ ଜଣ ଚିକିତ୍ସିତ ହେଉଥିବା ବେଳେ ୩୫୩୪ ଜଣ ସୁସ୍ଥ ହୋଇସାରିଲେଣି। ଆଉ ୧୪ ଜଣଙ୍କର ମୃତ୍ୟୁ ହୋଇଛି।

ଭୁବନେଶ୍ୱର:ଓଡିଶା ପାଇଁ ଏକ ଭଲ ଖବର ।ରାଜ୍ୟରେ ସୁସ୍ଥ ହେଲେ ଆଉ ୨୩୭ କରୋନା ପଜିଟିଭ ।ସେମାନେ କଟକ-୭୦, ଖୋର୍ଦ୍ଧା-୫୪, ଜଗତସିଂହପୁର-୨୦, କନ୍ଧମାଳ-୧୯, ଗଞ୍ଜାମ-୧୭, ଭଦ୍ରକ-୯, ମୟୂରଭଞ୍ଜ-୯, କେନ୍ଦୁଝର-୮, ଢେଙ୍କାନାଳ-୭, ପୁରୀ-୭, କେନ୍ଦ୍ରାପଡା-୪, ନୟାଗଡ-୪ ସୁସ୍ଥ ଜଣ।ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ୱିଟ କରି ସୂଚନା ଦିଆ ଯାଇଛି ।ଏବେ ରାଜ୍ୟରେ ମୋଟ ୩୪୩୫ ଲୋକ ସୁସ୍ଥ ହୋଇସାରିଲେଣି।

ନୂଆଦିଲ୍ଲୀ : ଭାରତରେ ଦିନକୁ ଦିନ କରୋନା ଆକ୍ରାନ୍ତ ସଂଖ୍ୟା ବଢିବାରେ ଲାଗିଛି।ଗୋଟିଏ ପରେ ଗୋଟିଏ ରାଜ୍ୟକୁ ମାଡି ଚାଲିଛି ଏହି କରୋନା ମହାମାରୀ । ଏହା ସହ ମୃତ୍ୟୁ ମଧ୍ୟ ବଢ଼ିବାରେ ଲାଗିଛି।ବିଶ୍ୱ ସ୍ତରରେ ଆକ୍ରାନ୍ତ ସଂଖ୍ୟାରେ ଭାରତ ଏବେ ୪ ନମ୍ବରରେ ଅଛି।ଏ ଯାଏ ଭାରତରେ ୩ ଲକ୍ଷ ୯୫ ହଜାର ୪୮କୁ ଆକ୍ରାନ୍ତ ସଂଖ୍ୟା ପହଂଚିଛି। ଏହାସହ ୧୨ ହଜାର ୯୪୮ ଜଣଙ୍କର ମୃତ୍ୟୁ ହୋଇଛି। ସେହିପରି ୨ ଲକ୍ଷ ୧୩ ହଜାର ୮୩୧ ଜଣ ଲୋକ ସୁସ୍ଥ ହେଲେଣି।ଏବେ ୧ ଲକ୍ଷ ୬୮ହଜାର ୨୬୯ ଜଣ ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଏ ନେଇ ସ୍ୱାସ୍ଥ୍ୟ ବିଭାଗ ସୂଚନା ଦେଇଛି । ଗତ ୨୪ ଘଣ୍ଟାରେ ୧୪ ହଜାର ୫୧୬ ଜଣ ବ୍ୟକ୍ତି ନୂଆକରି କରୋନା ଆକ୍ରାନ୍ତ ହୋଇଥିବା ବେଳେ ୩୭୫ ଜଣ ପ୍ରାଣ ହରାଇଛନ୍ତି।