ଭୁବନେଶ୍ୱର :ପ୍ରଣବ ପ୍ରକାଶ ଦାସ @ବବି। ମୟୁରଭଞ୍ଜ ପର୍ଯ୍ୟବେକ୍ଷକ ଦାୟିତ୍ୱରେ ଅଛନ୍ତି।୨୦୧୯ରେ ବବିଙ୍କ ସଫଳ ଗୋଟି ଚାଳନା ଯୋଗୁଁ ରାଜ୍ୟରେ ଧରାଶାୟୀ ହୋଇଥିଲେ ବିରୋଧୀ। ଏହାପରେ ବିଜେପୁର ଉପନିର୍ବାଚନରେ ବି ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶରେ ବବି ଆଗରେ ଠିଆ ହୋଇ ରାଜ୍ୟର ସର୍ବାଧିକ ଭୋଟରେ ବିଜେଡିର ରୀତା ସାହୁଙ୍କୁ ବିଜୟୀ କରାଇଲେ। ସେହିପରି ବିଳମ୍ବରେ ହୋଇଥିବା ପାଟକୁରା ନିର୍ବାଚନରେ ବି ବବିଙ୍କ ଗୋଟି ଚାଳନାରେ ବିରୋଧୀ ପୁଣିଥରେ ପରାଜୟର ସାମ୍ନା କଲେ।ଯାହାକୁ ସହଜରେ ହଜମ କରିପାରିଲେ ନାହିଁ ବିଜେଡିରୁ ବିଦା ହୋଇଥିବା କିଛି ନେତା। ଏବେ ବିରୋଧୀ ଦଳରେ ଅଛନ୍ତି ଶାସକ ଦଳର କିଛି ଅସନ୍ତୁଷ୍ଟ ନେତା ଯେଉଁମାନେ ବବିଙ୍କ ବିରୁଦ୍ଧରେ ରୀତିମତ ଷଡ଼ଯନ୍ତ୍ର କରୁଥିବା ଖବର ହାଟରେ ପଡ଼ି ଦାଣ୍ଡରେ ଗଡ଼ୁଛି। ସେମାନେ ବବିଙ୍କ ଭାବମୂର୍ତ୍ତିକୁ ଖରାପ କରିବାରେ ଲାଗିଛନ୍ତି।ଯେତେବେଳେ ବି ପ୍ରଣବ ସଂଗଠନକୁ ମଜଭୁତ କରୁଛନ୍ତି, ତାଙ୍କ ପଛରେ କୁଚକ୍ରି ଗୋଷ୍ଠୀ ଲାଗିପଡିଛନ୍ତି।
ରବିବାର ଯାଜପୁର ବିଧାୟକ ତଥା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରଣବ ଦାସଙ୍କ ଜନ୍ମଦିନ ଥିଲା। ଯାହାକୁ କି ସେ ନିଡାମ୍ବର ଭାବରେ ସହିଦଙ୍କ ପରିବାର ସହ ପାଳନ କରିଥିଲେ।ହେଲେ ଯେତେବେଳେ ପ୍ରଣବ ବାରିପଦାରେ ସଂଗଠନର ସମୀକ୍ଷା କରିଥିଲେ ତାଙ୍କୁ ତାଙ୍କ ସମର୍ଥକମାନେ ଜନ୍ମଦିନର ଶୁଭେଚ୍ଛା ଜଣାଇଥିଲେ।ହେଲେ ପ୍ରଣବ ଜନ୍ମଦିନକୁ ନିଡାମ୍ବର ଭାବେ ପାଳନ କରିବା ସହ ସହିଦ ନନ୍ଦୁରାମ ସୋରେନଙ୍କ ପରିବାରକୁ ଭେଟି ତାଙ୍କ ସୁଖ ଦୁଃଖ ବିଷୟରେ ଆଲୋଚନା କରିଥିଲେ।ଏବଂ ଏହି ସମୟରେ ପ୍ରଣବ ସାମାଜିକ ଦୂରତା ରକ୍ଷା କରିବା ସହ ମୁହଁରେ ମାସ୍କ ପିନ୍ଧି ନନ୍ଦୁରାମ ସୋରେନ ତିନି ଝିଅର ପାଠ ପଢା ଖର୍ଚ୍ଚ ବିଜେଡି ବହନ କରିବ ବୋଲି ପ୍ରତିଶ୍ରୁତି ଦେଇଥିଲେ।ଏହାସହ କିଛି ଆର୍ଥିକ ସହାୟତା ମଧ୍ୟ ସହିଦ ପରିବାରକୁ ଦେଇଥିଲେ।ବବିଙ୍କ ଏହି ପରି ବଡ଼ ପଣ ସାମାଜିକ ଗଣ ମାଧ୍ୟମ ଠାରୁ ଆରମ୍ଭ କରି ବିଭିନ୍ନ ଖବର କାଗଜରେ ପ୍ରକାଶ ପାଇଲା। ଯାହାକୁ ସହି ପାରିଲେନି କୁଚକ୍ରି ଗୋଷ୍ଠୀ। ଜିରାରୁ ଶିରା ଓ କ୍ଷୀରରୁ ସର କାଢ଼ିବା ପରି ବବିଙ୍କ ଭାବମୂର୍ତ୍ତିକୁ କିପରି ଖରାପ କରାଯିବ ସେ ନେଇ ଚକ୍ରାନ୍ତ କରିଥିଲେ।ଯେହେତୁ ଏହି ନେତାମାନେ ନିଜ ରାଜନୈତିକ ପରାଜୟ ସ୍ୱୀକାର କରିପାରୁ ନାହାନ୍ତି, ତେଣୁ ସେମାନେ କୁଚକ୍ରି ଗୋଷ୍ଠୀଙ୍କ ସହ ମିଶି କିପରି ବବିଙ୍କୁ ବଦନାମ କରିବେ ସେ ନେଇ ଦିନ ରାତି ଲାଗି ପଡିଛନ୍ତି। ସେଥିପାଇଁ ସେମାନେ ଏକ ନିର୍ଦିଷ୍ଟ ଗଣମାଧ୍ୟମକୁ ଅସ୍ତ୍ର କରିଛନ୍ତି ।ହେଲେ କୁଚକ୍ରି ଗୋଷ୍ଠୀଙ୍କ ଏପରି ଷଡ଼ଯନ୍ତ୍ରକୁ ସାଧାରଣ ଲୋକମାନେ ସୋସିଆଲ ମିଡିଆରେ ଦୃଢ଼ ନିନ୍ଦା କରିଛନ୍ତି । ଦଳରୁ ବିଦା ହୋଇଥିବା କିଛି ନେତା ଓ ଦଳରେ କୋଣାଠେଶା ହୋଇଥିବା ନେତା ଏବେ କୁଚକ୍ରି ଗୋଷ୍ଠୀର ସର୍ଦ୍ଦାର ପାଲଟିଛନ୍ତି।ଯାହାକୁ ଯୁବ ବିଜେଡି ତରଫରୁ ଦୃଢ଼ ନିନ୍ଦା କରାଯାଇଛି।ବିଜେଡିର ଯୁବ ବିଧାୟକ ଦେବୀ ପ୍ରସନ୍ନ ତ୍ରିପାଠୀ ଏଭଳି ଅପପ୍ରଚାରକୁ ନିନ୍ଦା କରିଛନ୍ତି ।ସେ କହିଛନ୍ତି ବିଜେଡି ପ୍ରତି ପ୍ରାଣବଙ୍କ ଆନୁଗତ୍ୟ ଓ ସଫଳ ଗୋଟି ଚାଳନା ଯୋଗୁଁ ବିରୋଧି ସବୁବେଳେ ପରାଜୟ ବରଣ କରୁଛି।ଏଥିପାଇଁ ବିରୋଧୀ ବବିଙ୍କୁ ସହି ପାରୁନାହାନ୍ତି।ତେଣୁ ଔଷଧ ବିକଳରେ ତାଟିଆ କାମୁଡ଼ିଲା ପରି ବିବିଙ୍କୁ ବଦନାମ କରିବାକୁ ଷଡ଼ଯନ୍ତ୍ର କରୁଛନ୍ତି। ଏହାସହ ଏପରି ମିଛ ଅଭିଯୋଗରେ ପ୍ରଣବ ଭାବମୂର୍ତ୍ତିରେ କିଛି ବି ଆଞ୍ଚ ଆସିବ ନାହିଁ ବୋଲି କହିଛନ୍ତି।

ଭୁବନେଶ୍ୱର : ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ସଂଧ୍ୟାରେ ଭିଡିଓ କନ୍‌ଫରେନ୍‌ସିଂ ଜରିଆରେ ଜୁଲାଇ ମାସର କୋଭିଡ ରଣନୀତି ସଂପର୍କରେ ବରିଷ୍ଠ ଅଫିସର, ଜିଲ୍ଲାପାଳ ଓ ଏସ୍‌.ପି ମାନଙ୍କ ସହିତ ଆଲୋଚନା କରିଛନ୍ତି। କୋଭିଡ ପରିଚାଳନାରେ ଜିଲ୍ଲାପାଳ ଓ ଏସ୍‌.ପି ମାନେ ସେମାନଙ୍କର ଗତ ତିନି ମାସର ଅଭିଜ୍ଞତା ବର୍ଣ୍ଣନା କରିବା ସହିତ ଜୁଲାଇ ମାସରେ କୋଭିଡ ମୁକାବିଲା ପାଇଁ ସେମାନଙ୍କର ସୁଚିନ୍ତିତ ମତାମତ ଦେଇଛନ୍ତି। ସେମାନଙ୍କ ମତାମତ ଭିତ୍ତିରେ ରାଜ୍ୟ ସରକାର କୋଭିଡ ପରିଚାଳନା ପାଇଁ ବିସ୍ତୃତ ରଣନୀତି ନିର୍ଦ୍ଧାରଣ କରିବେ ବୋଲି ମୁଖ୍ୟମନ୍ତ୍ରୀ କହିଥିଲେ ।

ବୈଠକରେ ଜିଲ୍ଲାପାଳ, ଏସ୍‌.ପି ଓ ବରିଷ୍ଠ ଅଧିକାରୀମାନଙ୍କୁ ପରାମର୍ଶ ଦେଇ ମୁଖ୍ୟମନ୍ତ୍ରୀ କୋଭିଡ ଯୋଦ୍ଧାଙ୍କ ସ୍ବାସ୍ଥ୍ୟର ଯତ୍ନ ଉପରେ ଗୁରୁତ୍ବାରୋପ କରିଥିଲେ । ଲୋକଙ୍କ ସୁରକ୍ଷା ପାଇଁ ସେମାନେ ଅନେକ ତ୍ୟାଗ କରୁଛନ୍ତି। ତେଣୁ ସେମାନଙ୍କୁ ନିଜର ସୁରକ୍ଷା ସଂପର୍କରେ ସଚେତନ କରାଯିବା ଦରକାର ଓ ଏହା ବହୁତ ଗୁରୁତ୍ବପୂର୍ଣ୍ଣ ବୋଲି ସେ କହିଥିଲେ।
ମୁଖ୍ୟମନ୍ତ୍ରୀ କହିଥିଲେ ଯେ ସେ ନିଜେ ସଂକ୍ରମିତ କୋଭିଡ ଯୋଦ୍ଧା ମାନଙ୍କ ସହିତ ଫୋନ୍‌ରେ କଥା ହୋଇ ସେମାନଙ୍କ ଭଲମନ୍ଦ ବୁଝୁଛନ୍ତି। ବର୍ତ୍ତମାନ ପର୍ଯ୍ୟନ୍ତ ସେମାନଙ୍କର feedback ବହୁତ ଭଲ ଅଛି। ବରିଷ୍ଠ ଅଧିକାରୀମାନେ ମଧ୍ୟ ସେହିଭଳି ଭାବେ ସଂକ୍ରମିତ କୋଭିଡ ଯୋଦ୍ଧାଙ୍କ ସହିତ ଆଲୋଚନା କରିବା ପାଇଁ ସେ ପରାମର୍ଶ ଦେଇଥିଲେ। ଏହାଦ୍ବାରା ଯୋଦ୍ଧା ମାନଙ୍କ ମନୋବଳ ବୃଦ୍ଧି ପାଇବ ବୋଲି ସେ ମତ ଦେଇଥିଲେ ।
ବିଭିନ୍ନ ସରକାରୀ ଅଫିସ ଗୁଡିକ ଯେପରି ସଂକ୍ରମଣମୁକ୍ତ ରହିବ, ତା ଉପରେ ମୁଖ୍ୟମନ୍ତ୍ରୀ ଗୁରୁତ୍ବ ଆରୋପ କରିଥିଲେ । କୋଭିଡ ନିୟମର କଡାକଡି ଅନୁପାଳନ କରି ସରକାରୀ କାର୍ଯ୍ୟାଳୟ ଗୁଡିକୁ ଶୂନ୍ୟ ସଂକ୍ରମଣ ଅଞ୍ଚଳ (Zero Infection Zone) କରି ରଖିବା, କର୍ମଚାରୀ ମାନେ କଣ କରିବେ, କଣ ନ କରିବେ (Do’s & Dont’s) ସେ ସଂପର୍କରେ ବ୍ୟାପକ ସଚେତନ କରିବାକୁ ସେ ପରାମର୍ଶ ଦେଇଥିଲେ। ସବୁ କାର୍ଯ୍ୟାଳୟର ମୁଖ୍ୟ (Head of Office) ଏଥିପାଇଁ ଦାୟୀ ରହିବେ ବୋଲି ମୁଖ୍ୟମନ୍ତ୍ରୀ ସତର୍କ କରି ଦେଇଛନ୍ତି।
କୋଭିଡ ସଂକ୍ରମଣ ରୋକିବାରେ ମାସ୍କର ବିଶେଷ ଗୁରୁତ୍ବ ରହିଛି। ତେଣୁ ମାସ୍କର ଉପଯୁକ୍ତ ବ୍ୟବହାର ଓ ସାମାଜିକ ଦୂରତା ନିୟମର କଡାକଡି ପାଳନ ସହିତ ଉଲଙ୍ଘନ କ୍ଷେତ୍ରରେ କଡା କାର୍ଯ୍ୟାନୁଷ୍ଠାନ କରିବା ପାଇଁ ମୁଖ୍ୟମନ୍ତ୍ରୀ ପୋଲିସ ଓ ପ୍ରଶାସନକୁ ନିର୍ଦ୍ଦେଶ ଦେଇଥିଲେ। ମୁଖ୍ୟମନ୍ତ୍ରୀ କହିଥିଲେ ଯେ ଏହା ମଧ୍ୟରେ ପ୍ରାୟ ତିନି ମାସ ବିତିଗଲାଣି ଏବଂ ବର୍ତ୍ତମାନ ଏସବୁ ଉଲଙ୍ଘନ ଘଟଣାରେ ଅଧିକ କଠୋର ହେବାକୁ ପଡିବ।
ଗାଁ କଲ୍ୟାଣ ସମିତି ସ୍ତରରେ କୋଭିଡ କେୟାର କମିଟି ଗଠନ କରିବା, ସେମାନଙ୍କୁ ପାଣ୍ଠି ଓ କ୍ଷମତା ପ୍ରଦାନ କରିବା, ସେମାନଙ୍କ ପ୍ରଶିକ୍ଷଣ ସହିତ ସେମାନଙ୍କର କାର୍ଯ୍ୟକ୍ରମକୁ ମନିଟରିଂ କରିବା ପାଇଁ ଏକ ବିଧିବଦ୍ଧ ବ୍ୟବସ୍ଥା ସୃଷ୍ଟି, ପ୍ରତି ପଞ୍ଚାୟତରେ କୋଭିଡ କେୟାର ହୋମ୍‌ ସ୍ଥାପନ ଏବଂ କେତେକ ପଞ୍ଚାୟତକୁ ନେଇ TMC ଗଠନ, ସେମାନଙ୍କୁ ପାଣ୍ଠି ଯୋଗାଣ ଓ ସେବା ପ୍ରଦାନ ବ୍ୟବସ୍ଥା ଆଦି ବିଭିନ୍ନ ବିଷୟ ଉପରେ ମୁଖ୍ୟମନ୍ତ୍ରୀ ଗୁରୁତ୍ବ ଆରୋପ କରିଥିଲେ। ସୂଚନାଯୋଗ୍ୟ ଯେ ୱାର୍ଡ ସ୍ତରରେ କୋଭିଡ କୋର୍‌ କମିଟିର ୪.୭ ଲକ୍ଷ ସଦସ୍ୟଙ୍କୁ ତାଲିମ ଦେବାର ବ୍ୟବସ୍ଥା କରାଯାଇଛି।
ଘରୋଇ ହସ୍‌ପିଟାଲ ଗୁଡିକୁ ସଚେତନ କରିବା ଉପରେ ଗୁରୁତ୍ବ ଆରୋପ କରି ସେଗୁଡିକ ଠିକ୍‌ ଭାବରେ କୋଭିଡ ନିର୍ଦ୍ଦେଶାବଳୀ ପାଳନ କରୁଛନ୍ତି ନା ନାହିଁ, ସେ ସଂପର୍କରେ ବାରମ୍ବାର ଯାଂଚ କରିବାକୁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି।
ହଟ୍‌ସ୍ପଟ୍‌ ଅଞ୍ଚଳ ଗୁଡିକରେ ଜିଲ୍ଲାପାଳମାନେ ଆବଶ୍ୟକତା ଅନୁଯାୟୀ ସ୍ବତନ୍ତ୍ର ରଣନୀତି କରିବା ସହିତ କୋଭିଡ ଯୁଦ୍ଧରେ ରାଜ୍ୟ ସରକାରଙ୍କ ସମସ୍ତ ବିଭାଗ ସକ୍ରିୟ ଭାବରେ ଅଂଶଗ୍ରହଣ କରିବାକୁ ସେ ପରାମର୍ଶ ଦେଇଥିଲେ।
ମୁଖ୍ୟମନ୍ତ୍ରୀ କହିଥିଲେ ଯେ ବର୍ତ୍ତମାନ ସୁଦ୍ଧା ଆମେ କୋଭିଡ ଯୁଦ୍ଧରେ ଆମେ ବହୁତ ଭଲ ପ୍ରଦର୍ଶନ କରୁଛୁ ଏବଂ ଆଗାମୀ ଦିନରେ ଏହା ଜାରି ରହିବ ବୋଲି ସେ କହିଥିଲେ ।
ଏହି ବୈଠକରେ ମୁଖ୍ୟ ଶାସନ ସଚିବ, ପୋଲିସ ମହାନିର୍ଦ୍ଦେଶକ, ଉନ୍ନୟନ କମିଶନର, ମୁଖ୍ୟମନ୍ତ୍ରୀ ସଚିବ (୫-ଟି), ବରିଷ୍ଠ ଅଧିକାରୀ ଓ ସମସ୍ତ ଜିଲ୍ଲାର ଜିଲ୍ଲାପାଳ, ଏସ୍‌.ପି ମାନେ ଯୋଗ ଦେଇଥିଲେ।

ଯାଜପୁର : ରାଜନୀତିରେ ପାଦ ଥାପିବା ଦିନରୁ ପ୍ରଣବ ଅନ୍ୟର ମଙ୍ଗଳ ପାଇଁ କାମ କରି ଆସୁଛନ୍ତି। ଯେଉଁଥି ପାଇଁ ୬ ରୁ ୬୦ ବର୍ଷ ଯାଏଁ ସମସ୍ତଙ୍କ ମନ ସେ ଜିଣି ପାରିଛନ୍ତି। ଆଜି ସେହି ଜନପ୍ରିୟ ନେତା ପ୍ରଣବ ପ୍ରକାଶ ଦାସ(ବବି )ଙ୍କ ଜନ୍ମ ଦିନ। ଖାସ ସେଥିପାଇଁ ଲୋକମାନେ ମଧ୍ୟ ତାଙ୍କ ଜନ୍ମଦିନକୁ ବ୍ୟକ୍ତି କେନ୍ଦ୍ରିକ ନ କରି ସାର୍ବଜନୀନ କରିଛନ୍ତି। ବିଜେଡି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବଙ୍କ ୪୮ ତମ ଜନ୍ମ ଦିନରେ ଯାଜପୁର ନିର୍ବାଚନ ମଣ୍ଡଳୀ ଓ ରାଜ୍ୟର ବିଭିନ୍ନ କୋଣ ଅନୁକୋଣରେ ଏହି ଦିନଟିକୁ ନିଆରା ଢଙ୍ଗରେ ପାଳନ ହେଉଛି। ପ୍ରଣବଙ୍କ ଜନ୍ମଦିନକୁ ସଂକଳ୍ପ ଦିନ ଭାବରେ ପାଳନ କରିଛନ୍ତି  ବବିଙ୍କ ସମର୍ଥକମାନେ। ସବୁବେଳେ ବେଳେ ଅନ୍ୟ ପାଇଁ ସମର୍ପିତ ଥିବା ପ୍ରଣବଙ୍କ ଦୀର୍ଘାୟୁ କାମନା କରି ସେବା ନୀତିକୁ ଆପଣାଇ ଅଛନ୍ତି। ନିଜ ନେତାଙ୍କ ଜନ୍ମ ଦିନରେ ସମର୍ଥକମାନେ ଯାଜପୁରରେ ସବୁଜ ଅଭିଯାନ ଆରମ୍ଭ କରିଛନ୍ତି । ପ୍ରତ୍ୟେକ ଲୋକ ଗୋଟିଏ ଗୋଟିଏ ଗଛ ଲଗେଇବାକୁ ସଂକଳ୍ପ ନେଇଛନ୍ତି। ଖାସ ସେଥିପାଇଁ ସବୁ ସମର୍ଥକମାନେ ଆଗେଇ ଆସିଛନ୍ତି।କାରଣ ଗଛଟେ ଯେମିତି ଆମକୁ ବିନା ସ୍ୱାର୍ଥରେ ଆମକୁ ସେବା କରିଥାଏ। ଠିକ୍ ସେହିପରି ଜଣେ ଯୁବ ନେତା ଭାବରେ ପ୍ରଣବ ଓଡିଶାବାସୀଙ୍କ ସେବା କରି ଆସୁଛନ୍ତି। ସେ ବାତ୍ୟା, ବନ୍ୟା ପ୍ରାକୃତିକ ବିପର୍ଯ୍ୟୟ ହେଉ ଅବା କରୋନା ମହାମାରୀ ସମୟ ହେଉ। ସବୁବେଳେ ସବୁ ସମୟରେ ଲୋକଙ୍କ ସହ ଯୋଡି ହୋଇ ରାଜ୍ୟବାସୀଙ୍କ ସୁଖ ଦୁଃଖର ସାଥି ହୋଇଥାନ୍ତି। ଖାସ ସେଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରିୟ ଭାଜନ ହୋଇପାରିଛନ୍ତି। ପ୍ରଣବଙ୍କ ସେବା ମନବୃତ୍ତି ପାଇଁ ନବୀନ ତାଙ୍କୁ ଦଳର ଦ୍ୱିତୀୟ କ୍ଷମତା କେନ୍ଦ୍ର କରିଛନ୍ତି। ଏହାସହ ତାଙ୍କୁ ସଂଗଠନ ସମ୍ପାଦକର ଗୁରୁ ଦାୟିତ୍ୱ ମଧ୍ୟ ଦେଇଛନ୍ତି। ପ୍ରଣବ ମଧ୍ୟ ଠିକ୍ ନବୀନଙ୍କ ପରି କଥା ନୁହେଁ କାମରେ ବିଶ୍ୱାସ କରନ୍ତି।ଲୋକଙ୍କୁ ସାଥିରେ ନେଇ ଚାଲନ୍ତି। ଖାସ ସେଥିପାଇଁ ସମସ୍ତଙ୍କର ପ୍ରିୟ ହୋଇ ପାରିଛନ୍ତି। ନିଜ ରାଜନୈତିକ ସାଂଗଠନିକ ଓ ଜଣେ ଲୋକଙ୍କ ନେତା ଭାବରେ ନିଜକୁ ବହୁ ବାର ପ୍ରମାଣିତ କରିସାରିଲେଣି। ଓଡ଼ିଶାବାସୀ ପ୍ରିୟ ବବି ଭାଇଙ୍କ ଜନ୍ମ ଦିନରେ ସେବା ହିଁ ମାନବିକତାକୁ ପାଥେୟ କରି ସମର୍ଥକମାନେ ଜନ୍ମଦିନ ପାଳନ କରିଛନ୍ତି। ପ୍ରଣବଙ୍କ ଜନ୍ମଦିନ ପାଇଁ ଜଗତର ନାଥ ଜଗନ୍ନାଥ ଓ ମା ବିରଜାଙ୍କ ପାଖରେ ତାଙ୍କ ସମର୍ଥକମାନେ ପୂଜା କରି ଦୀର୍ଘାୟୁ କାମନା କରିଛନ୍ତି। ପ୍ରଣବ ମଧ୍ୟ କରୋନା ମହାମାରୀ ସମୟରେ ଜନ୍ମଦିନକୁ ନିରଡାମ୍ବର ଭାବେ ପାଳନ କରିଛନ୍ତି। ନା କଉଠି ସେ କେକ କଟିଛନ୍ତି ନା ସାଙ୍ଗସାଥି ମେଳରେ ସମୟ କାଟିଛନ୍ତି। ବରଂ ମୁଖ୍ୟମନ୍ତ୍ରୀ ତାଂକୁ ଯେଉଁ ଦାୟିତ୍ୱ ଦେଇଛନ୍ତି ସେ କାମରେ ଲାଗିଛନ୍ତି l ଜନ୍ମଦିନରେ ବି ଦଳର ସଂଗଠନ କଥା ବୁଝିଛନ୍ତି l ମୟୂରଭଞ୍ଜ ରହି ପ୍ରଣବ ସଂଗଠନ କାର୍ଯ୍ୟରେ ଲାଗିଛନ୍ତି l ଲକ୍ଷ୍ୟ  କେବଳ ଲୋକଙ୍କ ସେବାରେ ନିଜକୁ ନିୟୋଜିତ କରିବା ।   ଏହା ପରେ ଦଳର ସଂଗଠନିକ ସ୍ଥିତିର ସମୀକ୍ଷା କରିଛନ୍ତି l ନିଜ ନେତାଙ୍କ ଏଭଳି ମନଭାବ କର୍ମୀକୁ ଦଳ ପାଇଁ ଅଧିକ କାମ କରିବାକୁ ପ୍ରେରଣା ଦେଇଛି l ଯେଉଁଥି ପାଇଁ ତାଙ୍କ ସମର୍ଥକମାନେ କୁହାକୁହି ହେଉଛନ୍ତି ନେତା ହେବ ତ ବବି  ଭାଇ ପରି l

ଭୁବନେଶ୍ୱର: ଫ୍ୟାନ ଫ୍ୟାନ ଆମେ ବବି ଭାଇ ଫ୍ୟାନ।ସାନ୍ ସାନ୍ ସେ ଯାଜପୁର ସାନ୍। ଆଜି ଯାଜପୁର ବିଧାୟକ ତଥା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ( ବବି ଭାଇ)ଙ୍କ ନାଁରେ ଏପରି ଏକ ଗୀତ ରିଲିଜ ହୋଇଛି। ମା’ ପୁଣ୍ୟତୋୟା ପ୍ରଡକ୍ସନ ହାଉସ୍ ପକ୍ଷରୁ ଗୀତିକାର ହ୍ୟୁମାନ ସାଗର ଓ ଅସୀମା ପଣ୍ଡାଙ୍କ କଣ୍ଠରେ ‘ଆମେ ବବିଭାଇ ଫ୍ୟାନ୍‌’ ନାମକ ଏକ ଗୀତ ରେକର୍ଡିଂ ହୋଇଛି। ଯାହା ଏବେ ସୋସିଆଲ ମିଡିଆରେ ଲୋକ ମଧ୍ୟ ଏହି ଗୀତକୁ ବେଶ ପସନ୍ଦ କରୁଛନ୍ତି।
ପ୍ରଣବ ପ୍ରକାଶ ଦାସ। ସମସ୍ତେ ତାଙ୍କୁ ବାବି ଭାଇ ନାମରେ ଜାଣନ୍ତି। ପ୍ରଣବ ମାନେ ସବୁ କାମରେ ସେ ପ୍ରବୀଣ। ଯିଏ ଏକାକୀ ସ୍ୱର୍ଗତ ବିଜୁବାବୁଙ୍କ ସ୍ୱପ୍ନ ,ପିତା ସ୍ବର୍ଗତ ଅଶୋକ ଦାସଙ୍କ ମାର୍ଗ ଦର୍ଶନ ଓ ଓଡ଼ିଶାର ଅଦ୍ୱିତୀୟ ନେତା ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହଯୋଗରେ ଓଡିଶାକୁ ଏକ ନମ୍ବର କରିବାକୁ ପଣ କରିଛନ୍ତି।ଯାହା କି ଏହି ସଂଗୀତରେ ଚିତ୍ରଣ କରାଯାଇଛି। ମୁଁ ନୁହେଁ ଆମେରେ ସବୁବେଳେ ବିଶ୍ୱାସ କରିଥାନ୍ତି ପ୍ରଣବ। ନିଜ କଥା ନ ଭାବି ଲୋକଙ୍କ ହିତରେ ନିଜ ଜୀବନକୁ ଉତ୍ସର୍ଗ କରିଦେଇଛନ୍ତି ବବି। ସେଥିପାଇଁ ତ ସେ ବର୍ତ୍ତମାନର ଯୁବ ସମାଜ ପାଇଁ ଆଦର୍ଶ ହୋଇ ପାରିଛନ୍ତି।ଯେଉଁଥିପାଇଁ କି ତାଙ୍କୁ ନବୀନ ପଟ୍ଟନାୟକ ଏମିତି ଗୁରୁତ୍ୱପୂର୍ଣ୍ଣ ଦାୟିତ୍ୱ ଦେଇଛନ୍ତି। ତାହା ପୁଣି ମାତ୍ର ୩ ଥରର ବିଧାୟକଙ୍କୁ ।ଏହା ପଛରେ ରହସ୍ୟ କଣ? ଅନେକଙ୍କ ମନରେ ଏହି ପ୍ରଶ୍ନ ରହିବା ସ୍ୱାଭାବିକ। ହେଲେ ଏହାର ଉତ୍ତର ହେଲା ପ୍ରାଣବଙ୍କ କାର୍ଯ୍ୟ ଦକ୍ଷତା । ମୁଖ୍ୟମନ୍ତ୍ରୀଙ୍କ ପରି ସବୁବେଳେ ରାଜ୍ୟବାସୀଙ୍କ ଦୁଃଖ ସୁଖର ସାଥି ସେ।କେବଳ ରାଜଧାନୀ ନୁହେଁ ଗାଁକୁ ଯାଇ କି ଲୋକଙ୍କ ସମସ୍ୟା ବୁଝନ୍ତି।ଏବଂ ସ୍ଥାନୀୟ ନେତାଙ୍କ ସହ ଆଲୋଚନା ମଧ୍ୟ କରନ୍ତି।କିପରି ଲୋକଙ୍କୁ ସାହାର୍ଯ୍ୟ ସହଯୋଗ ଯୋଗାଇ ଦିଆଯିବ ତାକୁ ପ୍ରାଥମିକତା ଦିଅନ୍ତି ପ୍ରଣବ।ଲୋକସେବା କରିବାକୁ ଯେମିତି ପଣ କରିଛନ୍ତି ପ୍ରଣବ।