ଭୁବନେଶ୍ୱର : ବେଶ କିଛି ଦିନ ହେବ ଗଣମାଧ୍ୟମରେ ଜୋରଦାର ଚର୍ଚ୍ଚା ହେଉଛି ରାଜ୍ୟ ମନ୍ତ୍ରୀମଣ୍ଡଳର ସଂପ୍ରସାରଣ ହେବ I ଅନେକ ନେତାଙ୍କୁ ବାଦ ଦିଆଯିବ ଆଉ ଟିକେ ନୂଆ ମୁହଁକୁ ନବୀନ ତାଙ୍କ ମନ୍ତ୍ରମଣ୍ଡଳରେ ସାମିଲ କରିବେ I ଏପରି ଚର୍ଚ୍ଚା ଏବେ ରାଜନୀତିକୁ ବେଶ ଚହଳ ପକେଇଛି I ଆଉ ଏହି ଚର୍ଚ୍ଚାକୁ ଏଥିପାଇଁ ଗଣମାଧ୍ୟମ ଆଧାର ହୋଇଛି ଯେହେତୁ ବିଜେଡିର ସାଙ୍ଗଠନିକ ନବକଳେବର କରାଯାଉଛି ଏବଂ ଅନେକ ନେତାଙ୍କୁ ସାଙ୍ଗଠନିକ ଦାୟିତ୍ୱ ଦିଆଯାଉଛି । ସେଥିପାଇଁ କାଳେ ନବୀନ ମନ୍ତ୍ରୀମଣ୍ଡଳ ସଂପ୍ରସାରଣ କରିବେ I ଗଣମାଧ୍ୟମରେ ଏହି ଚର୍ଚ୍ଚା କେବଳ ଚର୍ଚ୍ଚା ପାଇଁ I କରୋନା ପରି ମହାମାରୀ ସମୟରେ ନବୀନ ମନ୍ତ୍ରୀମଣ୍ଡଳ  ସଂପ୍ରସାରଣ  କରିବାକଥା ଚିନ୍ତା କରିନଥିବା ବିଜେଡି ଅନ୍ଦର ମହଲରୁ ଖବର ଆସୁଛି I କାରଣ ନବୀନଙ୍କର ଏବେ ପ୍ରଥମ ପ୍ରାଧାନ୍ୟ ହେଉଛି ରାଜ୍ୟରେ ହୁ ହୁ ହୋଇ ବଢୁଥିବା କରୋନା ମାହାରୀକୁ କିପରି ନିୟନ୍ତ୍ରଣକୁ ଅଣାଯିବ I ସେହି କାମରେ ପୁରା ପ୍ରଶାସନ ଲାଗିଛି I ରାଜ୍ୟରେ ବର୍ତ୍ତମାନ ପ୍ରତେକ ଦିନ ୫୦୦ରୁ ଅଧିକ ଆକ୍ରାନ୍ତ ଚିହ୍ନଟ ହେଉଛି I ଆଉ ଏହି ସମୟରେ କାହିଁକି ନବୀନ କରୋନା ଚିନ୍ତା ନକରି ମନ୍ତ୍ରୀମଣ୍ଡଳ ସଂପ୍ରାସରଣ କଥା ଚିନ୍ତା କରିବେ କାହିଁକି ବୋଲି  ରାଜନୈତିକ ସମୀକ୍ଷକମାନେ ମତ ଦେଇଛନ୍ତି I ଏମିତି ବି ୨ବର୍ଷ ପୂର୍ବରୁ ନବୀନ ମନ୍ତ୍ରୀମଣ୍ଡଳ ସଂପ୍ରସାରଣ କରିବାର ନଜର ସେତେଟା ନାହିଁ I ତେଣୁ ମନ୍ତ୍ରୀମଣ୍ଡଳ ସଂପ୍ରସାରଣ ନେଇ କେବଳ ଗଣମାଧ୍ୟମରେ ପୂର୍ବ ଆକଳନ ଷ୍ଟୋରି କରାଯାଉଛି I ଦଳୀୟ ସାଙ୍ଗଠନିକ ସ୍ଥିତି ସଜାଡ଼ିବା କାର୍ଯ୍ୟରେ ଲାଗିଛନ୍ତି I ତେଣୁ ଏହି ସମୟରେ ମନ୍ତ୍ରିମଣ୍ଡଳର ସଂପ୍ରାସରଣ ହେବାର କୌଣସି ସୁରାଗ ନାହିଁ ବୋଲି ମଧ୍ୟ ଆଲୋଚନା ହେଉଛି I ଅବଶ୍ୟ ମନ୍ତ୍ରୀମଣ୍ଡଳ ସଂପ୍ରସାରଣ ନେଇ ଯେଉଁ ଚର୍ଚ୍ଚା ହେଉଛି , ସେ ଚର୍ଚ୍ଚା ଏବେ କେବଳ ଚର୍ଚ୍ଚାରେ ରହିଛି I ଯେତେବେଳେ ବିରୋଧୀ ବିଭିନ୍ନ ଦୁର୍ନୀତି ଅଭିଯୋଗ ଆଣିଥିଲେ ଠିକ  ସେତେବେଳେ ବି ଅପରୂପ ଭାବେ ମନ୍ତ୍ରୀମଣ୍ଡଳରୁ ବହୁ ମନ୍ତ୍ରୀ ବାଦ ପଡିବେ ସେ ଚର୍ଚ୍ଚା ମଧ୍ୟ ହୋଇଥିଲା I କରୋନା ସମୟରେ କୌଣସି ରାଜନୈତିକ କାର୍ଯ୍ୟକଳାପ ନକରିବା ପାଇଁ ବିଜେଡି ନିଷ୍ପତି ନେଇଛି I ତେଣୁ ଏସବୁକୁ ବିଚାର କଲେ ମନ୍ତ୍ରୀମଣ୍ଡଳ ଅଦଳବଦଳ ଚର୍ଚ୍ଚା କେବଳ ଏକ ଚର୍ଚ୍ଚା ବୋଲି ମନେ ହେଉଥିବା ରାଜନୈତିକ ସମୀକ୍ଷକ ମାନେ କହିଛନ୍ତି I ଅବଶ୍ୟ ମନ୍ତ୍ରୀମଣ୍ଡଳର ଚର୍ଚା ଗଣମାଧ୍ୟମରେ ଏତେ ଜୋରରେ କରାଯାଉଛି ଏବଂ ମଝିରେ ମଝିରେ ଏହାକୁ ନେଇ ବିଜେଡି ନେତାଏ ଯେଉଁ ପ୍ରତିକ୍ରିୟା ରଖୁଛନ୍ତି ତାହା ହୁଏତ ଏହି ଚର୍ଚ୍ଚାକୁ ଖୋରାକ ଦେଇପାରେ ହେଲେ ଯେଉଁ ନେତାଏ ଗଣମାଧ୍ୟମରେ ମତ ରଖୁଛନ୍ତି ତାହା ଏକ ଚିରାଚରିତ ମତ I ବିଜେଡି ନେତାଏ କହୁଛନ୍ତି ମନ୍ତ୍ରୀମଣ୍ଡଳ ଅଦଳବଦଳ କରିବା ମୁଖ୍ୟମନ୍ତ୍ରୀଙ୍କ ଇଛାଧିନ ବ୍ୟାପାର I ତେଣୁ ଏକଥାର ସେତେଟା କିଛି ଦମ ନଥିଲା ଭଳି ଜଣାପଡୁଛି I ତେଣୁ ମୋଟାମୋଟି କହିବାକୁ ଗଲେ ଏବେ ମନ୍ତ୍ରୀମଣ୍ଡଳ ସଂପ୍ରସାରଣ ହେବାର ସେତେଟା ଆଭାସ ମିଳୁନାହିଁ ନବୀନଙ୍କର ମିଜାଜକୁ ଦେଖିଲେ I

ଭୁବନେଶ୍ୱର: ଆଜି ଗୋଟିଏ ଦିନ ପାଇଁ ବିଧାନସଭାକୁ ସଟ୍ ଡାଉନ ଘୋଷଣା କରିଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର।ବିଧାନସଭାର ଜଣେ କର୍ମଚାରୀଙ୍କ ସମ୍ପର୍କୀୟଙ୍କ ଠାରେ କରୋନା ପୋଜିଟିଭ ବାହାରିବା ପରେ ଏପରି ନିଷ୍ପତି ନିଆଯାଇଛି। ତେବେ ଆସନ୍ତା କାଲି ଓ ରବିବାର ସାପ୍ତାହିକ ସଟ୍ ଡାଉନ। ତେବେ ସୋମବାର ଦିନ ପରିସ୍ଥିତି ଦେଖି ପୁଣି ଥରେ ନିଷ୍ପତ୍ତି ନିଆଯିବ।
ବିଧାନସଭା ସଟ୍ ଡାଉନ ଉପରେ ପ୍ରତିକ୍ରିୟା ରଖିଛନ୍ତି ସରକାରୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ। ସେ କହିଛନ୍ତି ସଟ୍ ଡାଉନ ସମୟରେ ବିଧାନସଭାକୁ ସମ୍ପୁର୍ଣ୍ଣ ସାନିଟାଇଜ କରାଯିବ। ଯେମିତି କୌଣସି ବିଧାୟକ କିମ୍ବା କର୍ମଚାରୀଙ୍କୁ କରନା ସଂକ୍ରମଣ ନ ହୁଏ ।ସେ ନେଇ ବିଧାନସଭାରେ ସବୁ ପ୍ରତିକାର ବ୍ୟବସ୍ଥା କରାଯାଉଛି। ଯଦି ବିଧାୟକମାନେ ନିଜେ ନିଜର ପରୀକ୍ଷା କରିବାକୁ କେହି ମନା କରୁନାହାନ୍ତି। ବିଜେଡ଼ି ବିଧାୟକମାନେ ଆମେ କେଉଁ ଗହଳିକୁ ଯାଉନୁ କି କାହା ସହିତ ମିଶିନୁ। କୌଣସି ରାଜନୈତିକ କାର୍ଯ୍ୟକ୍ରମ ବି କରୁନୁ। କେବଳ ୩ ଜଣ ଲୋକଙ୍କୁ ନେଇ ଆଲୋଚନା କରୁଛୁ। ଦରକାର ପଡ଼ିଲେ ଜଣ ଜଣଙ୍କୁ ଡ଼ାକି କଥା ହେଉଛୁ। ମୁଖ୍ୟମନ୍ତ୍ରୀ ସମସ୍ତଙ୍କୁ କହିଛନ୍ତି କୋବିଡ଼ ନିୟମାବଳୀ ପାଳନ କରିବାକୁ। ଯାହା କି ଆମ ଦଳର ସମସ୍ତ ସଦସ୍ୟ ଶୃଙ୍ଖଳିତ ଭାବେ ପାଳନ କରିଛନ୍ତି।

କାନପୁର: ଗ୍ୟାଙ୍ଗଷ୍ଟାର ବିକାଶ ଦୁବେ। ଏଇ କେତେ ଦିନ ହେବ ସବୁଠାରୁ ଚର୍ଚ୍ଚିତ ନାଁ । ଆଜି ଏନକାଉଣ୍ଟରରେ ତାର ମୃତ୍ୟୁ ହୋଇଛି। ପୋଲିସର କହିବା ଅନୁସାରେ ୟୁପି ଏସଟିଏଫର ଏକ କାର୍ ଦୁର୍ଘଟଣାଗ୍ରସ୍ତ ହୋଇଛି । ଏହି କାରରେ ଗିରଫ ହୋଇଥିବା ବିକାଶ ଦୁବେକୁ ମଧ୍ୟ ପ୍ରଦେଶରୁ ଉତ୍ତର ପ୍ରଦେଶକୁ ଅଣାଯାଉଥିଲା । ରାସ୍ତାରେ ଏହି କାର୍‌ଟି ଓଲଟି ଯାଇଥିଲା । ଏହାର ଠିକ୍ ପରେ ଦୁର୍ଘଟଣା ପରେ ବିକାଶ ପୋଲିସର ବନ୍ଧୁକ ଛଡାଇବାକୁ ଚେଷ୍ଟା କରିଥିଲା । ଖସିଯିବାକୁ ମଧ୍ୟ ଉଦ୍ୟମ କରିଥିଲା । ଏହି ସମୟରେ ପୋଲିସ ସହ ତାହାର ମୁହାଁମୁହିଁ ମଧ୍ୟ ହୋଇଥିଲା । ଉଭୟ ପକ୍ଷର ଏନକାଉଣ୍ଟରରେ ବିକାଶ ପ୍ରାଣ ହରାଇଥିବା କୁହାଯାଉଛି । ଏହାସହ ସେହି ଗାଡି ଦୁର୍ଘଟଣାରେ ୪ ଜଣ ପୋଲିସ କର୍ମୀ ଆହତ ହୋଇଥିବାର କୁହାଯାଉଛି। ସେହିପରି ଏନକାଉଣ୍ଟର ମଧ୍ୟ ୨ ଜଣ ପୋଲିସ କର୍ମୀ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି।