ଭୁବନେଶ୍ୱର : ବରିଷ୍ଠ ବିଜେଡି ନେତା ତଥା ଦଳର ସାଧାରଣ ସମ୍ପାଦକ ମାନସ ମଙ୍ଗରାଜଙ୍କ ଉପରେ ଆସ୍ଥା ଓ ବିଶ୍ୱାସ ପ୍ରକଟ କରିଛନ୍ତି ବିଜେଡି ସୁପ୍ରିମ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ବିଜେଡି ମିଡ଼ିଆ ସେଲର ଅଧ୍ୟକ୍ଷ, ସୂଚନା ଓ ଲୋକ ସମ୍ପର୍କ ବିଭାଗର ଉପଦେଷ୍ଟା ବିଭାଗର ମାନସଙ୍କୁ ବିଜେଡି ମିଡ଼ିଆ ସାଧାରଣ ସମ୍ପାଦକ ଦାୟିତ୍ବ ଦେଇଛନ୍ତି। ପୂର୍ବରୁ ଗଣ ମାଧ୍ୟମ ଦାୟିତ୍ୱ ବୁଝୁଥିବା ମାନସଙ୍କୁ ଦଳୀୟ ଦାୟିତ୍ୱ ଦେଇ ନବୀନ ଦଳର ପ୍ରଚାର ପ୍ରସାର ଉପରେ ଅଧିକ ଫୋକସ କରିଛନ୍ତି। ପଞ୍ଚମ ପାଳିରେ ନବୀନ ଯେଉଁ ଲୋକ ପ୍ରିୟ ଯୋଜନା କରିଛନ୍ତି ,ଏହାର ପ୍ରଚାର ପ୍ରସାର ଦାୟିତ୍ୱ ଏବେ ମାନସଙ୍କ ଉପରେ ନ୍ୟସ୍ତ କରିଛି ଦଳ। ଜଣେ ନିରପେକ୍ଷ ଓ ନିଷ୍ଠା ପର ସାମ୍ବାଦିକ ଭାବେ ପୂର୍ବରୁ ଓଡ଼ିଶାରେ ବେଶ ପରିଚିତ ହେଉଛନ୍ତି ମାନସ ମଙ୍ଗରାଜ। ଅତୀତରେ ଗଣମାଧ୍ୟମ କ୍ଷେତ୍ରରେ କାମ କରି ତାଙ୍କର ବେଶ ଅଭିଜ୍ଞତା ରହିଛି। ତେଣୁ ସାମ୍ବାଦିକମାନଙ୍କ ସହ ସମନ୍ଵୟ ରଖି ମଙ୍ଗରାଜ ଆଗକୁ ନିଜର ଦାୟିତ୍ବକୁ ସୁଚାରୁରୁପେ ତୁଲେଇବେ ବୋଲି ଦଳ ତାଙ୍କୁ ଏହି ବଡ଼ ଦାୟିତ୍ବ ଦେଇଛି। ସୂଚନା ଓ ଲୋକ ସମ୍ପର୍କ ଦାୟିତ୍ୱ ନେବା ପରେ ସେ ସାମ୍ବାଦିକ କଲ୍ୟାଣ ଯୋଜନା ଓ ସାମ୍ବାଦିକଙ୍କ ବିଭିନ୍ନ ସମସ୍ୟାରେ ଜଡିତ  ହୋଇ ସଭିଙ୍କ ମନ ଜିଣିଛନ୍ତି। ଏପରି କି ସାମ୍ବାଦିକ ପାଣ୍ଠିର ସୁବିନିଯୋଗ କରି ଅନେକ ବରିଷ୍ଠ ଓ ଅସୁସ୍ଥ ସାମ୍ବାଦିକଙ୍କୁ ସାହାଯ୍ୟ କରିଛନ୍ତି। କରୋନା ମହାମାରୀ ସମୟରେ କାର୍ଯ୍ୟରତ ସାମ୍ବାଦିକଙ୍କ ମନବଳ ବୃଦ୍ଧି କରିବା ପାଇଁ ରାଜ୍ୟ ସରକାରଙ୍କ ସହ ଆଲୋଚନା କରି ୧୫ ଲକ୍ଷ ଟଙ୍କାର ବିମାରାଶି ବ୍ୟବସ୍ଥା କରିବାରେ ପ୍ରମୁଖ ଭୂମିକା ନେଇଥିଲେ ସେ । କେବଳ ସେତିକି ନୁହେଁ ବିଭିନ୍ନ ସାମ୍ବାଦିକ ସଂଘ ସହ ବ୍ୟକ୍ତିଗତ ଭାବେ ଆଲୋଚନା କରି ସାମ୍ବାଦିକ ସମସ୍ୟା ଦୂର କରିବା ପାଇଁ ଚେଷ୍ଟା କରନ୍ତି। କେବଳ ଗଣମାଧ୍ୟମ କଥା ନୁହେଁ ଦଳୀୟ ସଂଗଠନ କାର୍ଯ୍ୟରେ ମଧ୍ୟ ତାଙ୍କର ଭୂମିକା ବେଶ ଗୁରୁତ୍ୱପୂର୍ଣ ରହିଛି। ଚିଲିକା ନିର୍ବାଚନ ମଣ୍ଡଳୀର ଯୁବନେତା ମାନସ ମଙ୍ଗରାଜ ତାଙ୍କ କାର୍ଯ୍ୟ ପାଇଁ ସଭିଙ୍କ ପ୍ରିୟ ଭାଜନ ହୋଇ ପାରିଛନ୍ତି। ଶ୍ରୀ ମଙ୍ଗରାଜ ଅତ୍ୟନ୍ତ ମିଷ୍ଟଭାଷୀ ହୋଇଥିବାରୁ ନବୀନ ତାଙ୍କୁ ଏହି ଗୁରୁ ଦାୟିତ୍ୱ ଦେଇଛନ୍ତି। ଦାୟିତ୍ୱ ମିଳିଲା ପରେ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟି ଆସୁଛି। ତେବେ ପଦ ପଦବୀ ଲାଳସାରେ ନଥିବା ମାନସ ନିଜ କାର୍ଯ୍ୟକୁ ନିଷ୍ଠାର ସହ ତୁଲାଇଥାନ୍ତି ।

ଭୁବନେଶ୍ୱର : ୨୦ ବର୍ଷ ଧରି ଓଡ଼ିଶାରେ ବଡ଼ ରାଜନୈତିକ ଦଳ ଭାବେ ଉଭା ହୋଇଛି ବିଜୁ ଜନତା ଦଳ(ବିଜେଡି)। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଚ, ନିର୍ମଳ  ଭାବମୂର୍ତ୍ତି ଓ ଲୋକପ୍ରିୟ ଯୋଜନା ପାଇଁ ଲଗାତାର ଭାବେ ବିଜେଡି ଗୋଟେ ପରେ ଗୋଟେ ନିର୍ବାଚନରେ ବିଜୟ ଲାଭ କରୁଛି। ଏତେ ଲମ୍ବା ସମୟ ଓଡ଼ିଶାରେ ଶାସନ କରିବା ବି ବିରଳ। ପଞ୍ଚମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ନେଇ ନବୀନ କାମ କରୁଛନ୍ତି।ଓଡ଼ିଶାବାସୀ ଭଲ ପାଇବା ଓ ଦଳୀୟ ନେତା ଓ କର୍ମୀଙ୍କ ପରିଶ୍ରମ ଯୋଗୁଁ ଦଳକୁ ଏପରି ସଫଳତା ମିଳିଛି ବୋଲି ସୁପ୍ରିମ ନବୀନ ପଟ୍ଟନାୟକ କହିଛନ୍ତି । ୨୦୧୯ ନିର୍ବାଚନ ପରେ ସଭାପତି ନବୀନ ପଟ୍ଟନାୟକଙ୍କ ନୂଆ ବିଜେଡି ଗଠନ କରିବାରେ ଲାଗିଛନ୍ତି । ବିଜେଡିର ଭବିଷ୍ୟତ ପାଇଁ ସେ ରଣନୀତି ପ୍ରସ୍ତୁତ କରିଛନ୍ତି। ସମସ୍ତଙ୍କୁ ନେଇ ଦଳକୁ ଅଧିକ ତୃଣମୂଳ ସ୍ତରରେ ମଜବୁତ କରିବା ପାଇଁ ନବୀନ ଲମ୍ବା ଖସଡ଼ା ପ୍ରସ୍ତୁତ କରିଛନ୍ତି। ଦଳକୁ ତୃଣମୂଳ ସ୍ତରରେ ଏକ କ୍ୟାଡର ପାଟିରେ ପରିଣତ କରିବା ପାଇଁ ଅଧିକ ଲୋକଙ୍କୁ  ବିଭିନ୍ନ ଦାୟିତ୍ୱ ଦେଉଛନ୍ତି। ସଶକ୍ତ ଓଡ଼ିଶା ଗଠନ କରିବା ଦିଗରେ ଏବେ ବିଜେଡି ଗୁରୁତ୍ୱ ଦେଉଛି। ପ୍ରଥମ ଥର ବିଜୁ ଜୟନ୍ତୀରେ ନବୀନ ନୂଆ ବିଜେଡି ପାଇଁ ରଣନୀତି ପ୍ରସ୍ତୁତ କଲେ। ଦଳ ପ୍ରତି ଆନୁଗତ୍ୟ ଓ କଠିନ ପରିଶ୍ରମ ପାଇଁ ଯାଜପୁର ବିଧାୟକଙ୍କୁ ନବୀନ ବିଜେଡି ସଂଗଠନ ସମ୍ପାଦକ ପଦର ଗୁରୁ ଦାୟିତ୍ୱ ଦେଲେ। ସିଧାସଳଖ ନବୀନ କହିଲେ ପ୍ରଣବ ହେଉଛନ୍ତି ଦଳର ଦ୍ୱିତୀୟ କ୍ଷମତା କେନ୍ଦ୍ର। ଏହାପରେ ପ୍ରଥମ ଥର ପାଇଁ ସଂଗଠନ ସଂପାଦକ(ମୁଖ୍ୟାଳୟ )  ଦାୟିତ୍ବ ଯୁବ ନେତା ସଞ୍ଜୟ ଦାସ ବର୍ମାଙ୍କୁ ଦିଆଯାଇଥିଲା। ଏହି ଦୁଇ ପଦବୀ ସୃଷ୍ଟି ପରେ ଆଭାସ ମିଳିଥିଲା ନୂଆ ବିଜେଡି ଗଠନର। ଏହା ପରେ ବିଜେଡି ରାଜନିତୀରେ ନୂଆ କରି ଦଳରେ ବରିଷ୍ଠ ଉପସଭାପତି , ବରିଷ୍ଠ ସାଧାରଣ ସମ୍ପାଦକ ପଦବୀ ସୃଷ୍ଟି କରି ବହୁ ହେବିୱେଟ ନେତାଙ୍କୁ ଦାୟିତ୍ୱ ଦେଲେ ନବୀନ। କେବଳ ସେତିକି ନୁହେଁ ସେମାନଙ୍କୁ ସଶକ୍ତ ଓଡ଼ିଶା ଗଠନରେ ଥିବା ବିଭିନ୍ନ ବିଭାଗର ଦାୟିତ୍ୱ ଦେଲେ। ପୁରା ଦଳରେ ଅଧିକାଂଶ ନେତାଙ୍କୁ ବିଭିନ୍ନ ଦାୟିତ୍ୱ ଦେଇ ଦଳକୁ ଏକ କ୍ୟାଡର ପାର୍ଟିରେ ନବୀନ ପରିଣତ କରିଛନ୍ତି। ବରିଷ୍ଠ , ଅଭିଜ୍ଞ, ଯୁବ,ମହିଳା ଛାତ୍ର ନେତାଙ୍କୁ ବିଭିନ୍ନ ଦାୟିତ୍ୱ ଦେଇ ସେମାନଙ୍କ ଦକ୍ଷତା ବୃଦ୍ଧି କରିବା ସହ ସଂଗଠନକୁ ମଜବୁତ କରିବା ପାଇଁ ଏ ହେଉଛି ନବୀନଙ୍କ ନୂଆ ରଣନୀତି। ଏକଥା ସତ ଯେ ଯେଉଁ କାମ ଅନ୍ୟ ଦଳମାନେ ନିର୍ବାଚନ ଆସିଲେ କରିଥାନ୍ତି ସେହି କାମକୁ ନବୀନ ବର୍ଷ ତମାମ କରିଥାନ୍ତି। ନବୀନଙ୍କ ଏପରି ଚତୁର ରାଜନୈତିକ ଗୋଟି ଚାଳନା ଆଗରେ ବିରୋଧୀ ଫେଲ ମାରିବା ସହ କେବଳ ଓଡିଶା ନୁହେଁ ଜାତୀୟ ରାଜନିତୀରେ ନବୀନ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ଫଳରେ ରାଜ୍ୟ ରାଜନିତୀରେ ବିଜେଡିର ବିକଳ୍ପ ଭାବେ କୌଣସି ରାଜନୈତିକ ଦଳ ଭାବେ ଉଭା ହୋଇପାରିନି। ନବୀନ ଓ ପ୍ରଣବ ଏବେ ବିଜେଡିକୁ ଯେଉଁ ନୂଆ ରୂପ ଦେଇଛନ୍ତି ତାହା ଅନ୍ୟ ଦଳକୁ ଏବେ ଚିନ୍ତାରେ ପକାଇଛି।୨୦୧୯ ନିର୍ବାଚନ ପରେ ଦଳର ସଭ୍ୟ ସଂଖ୍ୟା ୧କୋଟି ଟପିଲାଣି। ଆଗାମୀ ଦିନରେ ଏହା ବିଜେଡି ଅଧିକ ଶକ୍ତିଶାଳୀ ହେବ ,ତାହା ଏହି ବିଜେଡିର ନୂଆ ଟିମକୁ ଦେଖିଲେ ଜଣା ପଡୁଛି।

ଭୁବନେଶ୍ୱର: ଓଡିଶା କଂଗ୍ରେସରେ ସବୁବେଳେ ଦୁଇ ପରିବାର ତଥା ପଟ୍ଟନାୟକ ଓ ବିଶ୍ୱାଳ ପରିବାରର ଦବଦବା ରହିଛି। ଦୁଇ ପରିବାରର ମଧ୍ୟରେ ନିବିଡ଼ ଘନିଷ୍ଠତା ମଧ୍ୟ ରହିଛି। ସେଥିପାଇଁ ତ ପଟ୍ଟନାୟକ ପରିବାର ସମର୍ଥନରେ ଏବେ ବିଶ୍ୱାଳ ପରିବାର ଆଗେଇ ଆସିଛି। ରାଜ୍ୟ କଂଗ୍ରେସରେ ଏବେ ମଙ୍ଗୁଆଳ ପରିବର୍ତ୍ତନକୁ ନେଇ ଚର୍ଚ୍ଚା ଜୋର ଧରିଛି। ହେଲେ ରଞ୍ଜୀବ ବିଶ୍ୱାଳ ଏବେ ପିସିସି ମୁଖିଆ ପରିବର୍ତ୍ତନ ହେବାର କୌଣସି ଯୋଜନା ନାହିଁ ବୋଲି କହିଛନ୍ତି। ଏହାସହ ସେ କହିଛନ୍ତି ମୁଁ ପିସିସି ସଭପତି ଦୌଡ଼ରେ ନାହିଁ।ଏଆଇସିସି ଏଯାଏଁ ପିସିସି ସଭାପତି ପରିବର୍ତ୍ତନ ପାଇଁ ନିଷ୍ପତ୍ତି ନେଇ ନାହିଁ। ଏହାସହ ଯେଉଁମାନଙ୍କର ନାଁ ଏବେ ପିସିସି ସଭାପତି ନେଇ ଚର୍ଚ୍ଚା ହେଉଛି ସେମାନେ କେହି ଜଣେ ବି ଲବି କରିନାହାନ୍ତି କି ଦିଲ୍ଲୀରେ ଡେରା ପକାଇ ନାହାନ୍ତି। ତେଣୁ ବର୍ତ୍ତମାନର ପରିସ୍ଥିତିରେ ନିରଞ୍ଜନ ପଟ୍ଟନାୟକ ପିସିସି ସଭାପତି ପଦ ବଜାୟ ରଖିବେ।

ଭୁବନେଶ୍ୱର : ରାଜ୍ୟସଭା ସାଂସଦ ଶ୍ରୀ ଅମର ପଟ୍ଟନାୟକଙ୍କ ସଂସଦୀୟ ଯାତ୍ରା ର ପ୍ରଥମ ବର୍ଷର ହିସାବ ଦେଇଛନ୍ତି l ସେ କହିଛନ୍ତି ଯେ ସଂସଦରେ ଓଡ଼ିଶାର ସ୍ବର ଶାଣିତ ହୋଇଛି l ମାଓବାଦୀ ଦମନ ପାଇଁ କେନ୍ଦ୍ର ସରକାର କରିଥିବା ଖର୍ଚ୍ଚ ବାବଦରେ ଓଡ଼ିଶାଠାରୁ ଦାବି କରୁଥିବା ୨୧୦୦କୋଟି ଟଙ୍କା ଛାଡ, କୋଇଲା ରୟାଲଟି ବୃଦ୍ଧି ନିମନ୍ତେ ଦାବି ଉପସ୍ଥାପନା ବିକେନ୍ଦ୍ରୀକରଣ ପ୍ରକ୍ରିୟା ଯୋଜନା ଅଧିନରେ ସର୍ବନିମ୍ନ ସହାୟକ ମୂଲ୍ୟ(ଏମ୍ ଏସ୍ ପି)ବାବଦକୁ ଥିବା ୧୪୧୨କୋଟି ଟଙ୍କା ଓଡିଶା ପାଇବା

ଚତୁର୍ଦଶ ଅର୍ଥକମିଶନରେ ବକେୟା ଥିବା ୩୨୧ କୋଟି ଟଙ୍କା ହାସଲ

୭୦ହଜାର ଚାଷୀଙ୍କୁ ମିଳିଛି ୯୦କୋଟିର ଫସଲ ବୀମା ଅର୍ଥ

ଦିଲ୍ଲୀ ଦରବାରରେ ଓଡ଼ିଶାର ସ୍ବର ଶାଣିତ କରିବାରେ ରାଜ୍ୟସଭା ସାଂସଦ ଅମର ପଟ୍ଟନାୟକଙ୍କ ଦବଦବା ଯଥେ‌ଷ୍ଟ ରହିଛି। ସାଂସଦ ହେବାର ଗୋଟିଏ ବର୍ଷ ଭିତରେ କେନ୍ଦ୍ର ନିକଟରେ ବିଭିନ୍ନ ପ୍ରସଙ୍ଗରେ ଓଡ଼ିଶାର ନାର୍ଯ୍ୟ ହକ୍ ହାସଲ କରିବାରେ ଶ୍ରୀ ପଟ୍ଟନାୟକ କେତେକ କ୍ଷେତ୍ରରେ ସଫଳ ହୋଇଛନ୍ତି।ଆମର ବାବୁ ତାଙ୍କ ସାଂସଦ ଜୀବନର ପ୍ରଥମ ବର୍ଷର ଅନୁଭୂତିକୁ ଏକ ନିଆରା ଢଙ୍ଗରେ webinar ମାଧ୍ୟମରେ ସମସ୍ତଙ୍କୁ ଅବଗତ କରାଇଥିଲେ| ଏହି webinar ର ସିଧା ପ୍ରସାରଣ Youtube ଏବଂ Facebook ରେ ମଧ୍ୟ କରାଯାଇଥିଲା ଯେଉଁଥିରେ 500ରୁ ଅଧିକ ଲୋକ ଭାଗ ନେଇଥିଲେ | ଅଧିନିକ ଉପାୟରେ ବୈଷୟିକ ପଦ୍ଧତିକୁ ଅବଲମ୍ବନ କରି ଏଭଳି ସମ୍ମିଳନୀର ଆୟୋଜନ ସ୍ୱାଗତଯୋଗ୍ୟ |
ଶ୍ରୀ ପଟ୍ଟନାୟକ କହିଥିଲେ ଯେ ୨୦୧୯ ଜୁଲାଇ ୪ ରଥଯାତ୍ରା ଦିନ ରାଜ୍ୟସଭା ସାଂସଦ ଭାବେ ଶପଥ ଗ୍ରହଣ କରିଥିଲେ। ଇତିମଧ୍ୟରେ ବର୍ଷେ ବିତି ଯାଇଛି। ଏହି ସମୟ ମଧ୍ୟରେ ସେ ମାଓଦମନ ମୁକାବିଲାରେ ରାଜ୍ୟଗୁଡିକର ଅଂଶଧନକୁ ନେଇ ଯେଉଁ ଦାବି ରଖିଥିଲେ ତାହା ସଫଳ ହୋଇଛି। ମାଓଦମନ ଏକ ଜାତୀୟ ସମସ୍ୟା ହୋଇଥିବାରୁ ଏଥିପାଇଁ ରାଜ୍ୟ ସରକାର କାହିଁକି ୯୦ ପ୍ରତିଶତ ଅର୍ଥ ଖର୍ଚ୍ଚ କରିବେ ବୋଲି କେନ୍ଦ୍ର ସରକାରଙ୍କ ନିକଟରେ ଦାବି କରିଥିଲେ। ଯାହାକି ପରବର୍ତ୍ତୀ ପର୍ଯ୍ୟାୟରେ କେନ୍ଦ୍ର ସରକାର ସ୍ବୀକାର କରିଛନ୍ତି। ଏଥିପାଇଁ ଓଡ଼ିଶାକୁ ୨୧୦୦ କୋଟି ଟଙ୍କାର ଫାଇଦା ହୋଇଛି ବୋଲି ସେ ଦର୍ଶାଇଛନ୍ତି। ସେହିପରି ୧୧୪ ପୌରାଞ୍ଚଳ ପାଇଁ ଚତୁର୍ଦଶ ଅର୍ଥ କମିଶନରେ ପାଇବାକୁ ଥିବା ୩୭୨କୋଟି ଟଙ୍କା ରାଜ୍ୟକୁ ମିଳିବାପାଇଁ କରିଥିବା ଲଢ଼େଇ ସଫଳ ହୋଇଛି ଯାହାକି ଗତ 4 ବର୍ଷ ବକେୟା ଥିଲା |

କରୋନା ପାଇଁ ଲକ୍ ଡାଉନ ଯୋଗୁଁ ପ୍ରବାସୀମାନେ ଯେଉଁ ସମସ୍ୟା ଭିତରେ ଥିଲେ ସେମାନଙ୍କ ନିକଟରେ ପହଞ୍ଚି ଆବଶ୍ୟକ ଜରୂରୀ ସାମଗ୍ରୀ ଯୋଗାଇବା ପାଇଁ ସେ ଉଦ୍ୟମ କରିଥିଲେ| ପ୍ରତ୍ୟକ୍ଷ ଓ ପରୋକ୍ଷ ଭାବେ ୧୭ହଜାର ୧୦୦ ଶ୍ରମିକଙ୍କୁ ଜରୂରୀ ସାମଗ୍ରୀ ଯୋଗାଇଥିବାବେଳେ ୨୦୬୪ଜଣ ପ୍ରବାସୀଙ୍କ ବିଭିନ୍ନ ରାଜ୍ୟରୁ ଓଡ଼ିଶା ଫେରାଇ ଆଣିବାରେ ସଫଳ ହୋଇଛନ୍ତି। ଉଲ୍ଲେଖ ଯୋଗ୍ୟ କଥା ହେଲା ସାଂସଦ ପାଣ୍ଠି ଭାବେ ତାଙ୍କୁ ମିଳିଥିବା ଅଢ଼େଇକୋଟି ଟଙ୍କା ମଧ୍ୟରୁ ସେ ୧କୋଟି ଟଙ୍କା ଅସ୍ଥାୟୀ ଚିକିତ୍ସା ଶିବିର ପାଇଁ ସରକାରଙ୍କୁ ଦାନ କରିଥିବାବେଳେ ଆଉ ୧କୋଟି ଟଙ୍କା ଜଟିଳ କରେରାନା ରୋଗୀଙ୍କ ଲାଗି ଭେଣ୍ଟିଲେଟର ସଂଗ୍ରହ ପାଇଁ ସରକାରଙ୍କୁ ଦାନ କରିଛନ୍ତି। ଏହାବାଦ୍ ସେ ୩ମାସର ଦରମା ମଧ୍ୟ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଦାନ କରିଛନ୍ତି।
ସବୁଠାରୁ ବଡ଼କଥା ହେଲା ରାଜ୍ୟର ବରଗଡ଼ ଓ ବିଭିନ୍ନ ସହହର ପ୍ରାୟ ୭୦ହଜାରରୁ ଅଧିକ ଚାଷୀଙ୍କୁ ୨୦୧୭-୧୮ ବର୍ଷ ପାଇଁ ଫସଲ ବୀମା ପାଇବାରେ ସୃଷ୍ଟି ହେଉଥିବା ସମସ୍ୟାକୁ ସମାଧାନ କରିବାରେ ସକ୍ଷମ ହୋଇପାରିଛନ୍ତି। ଏଥିଯୋଗୁଁ ଚାଷୀମାନଙ୍କୁ ତାଙ୍କର ୯୦କୋଟି ଟଙ୍କାର ବୀମା ଅର୍ଥ ମିଳିପାରିଛି।  ଏହା ବ୍ୟତୀତ ଜିଲା ଖଣିଜ ପାଣ୍ଠିକୁ ଆୟକର ପରିସରରୁ ବାଦ୍ ଦେବାପାଇଁ ସଂସଦରେ ଉଠାଇଥିବା ସ୍ବର ଏବେ ସାକାର ହେବାକୁ ଯାଉଛି। ଶ୍ରୀ ପଟ୍ଟନାୟକ କହିଛନ୍ତି ଯେ ଏହି ପାଣ୍ଠି ଉପରେ କେବଳ ସଂପୃକ୍ତ ରାଜ୍ୟର ହକ୍ ରହିଛି। ତେଣୁ କେନ୍ଦ୍ର ସରକାର ଏହା ଉପରେ ଟିକସ ନେବାର କୌଣସି ଯଥାର୍ଥତା ନାହିଁ ଏବଂ ଏହି ଉଦ୍ୟମ ଫଳରେ ଆମ ରାଜ୍ୟ ପାଖାପାଖି 100 କୋଟି ଟଙ୍କା ସଂଚୟ କରିବ | ବିକେନ୍ଦ୍ରୀକରଣ ପ୍ରକ୍ରିୟା ଯୋଜନା ଅଧିନରେ ସର୍ବନିମ୍ନ ସହାୟକ ମୂଲ୍ୟ(ଏମ୍ ଏସ୍ ପି)ବାବଦକୁ ଥିବା ୧୪୧୨କୋଟି ଟଙ୍କା ଓଡିଶା ଫେରିପାଇବାରେ ମଧ୍ୟ ସାଂସଦନଙ୍କର ଅବଦାନ ଉଲ୍ଳେଖ୍ୟଯୋଗ୍ୟ|

ସେହିପରି ରାଜ୍ୟରେ ଶିକ୍ଷା ଏବଂ ସ୍ବାସ୍ଥ୍ୟକ୍ଷେତ୍ରକୁ ସୁଦୃଢ଼ୀକରଣ କରିବା, ମହିଳା ସଶକ୍ତୀକରଣ କରିବାସହିତ କୋଲ ରାଲଟି ଏବଂ ଜିଏସଟି ଛାଡ ନେଇ ଶ୍ରୀ ପଟ୍ଟନାୟକ ସଂସଦରେ ଦାବିଉପସ୍ଥାପନ କରିଛନ୍ତି। ଶ୍ରୀ ପଟ୍ଟନାୟକଙ୍କ ଯୁକ୍ତିସଙ୍ଗତ ଦାବି ପାଇଁ କେନ୍ଦ୍ର ସରକାର ମଧ୍ୟ ବିଭିନ୍ନ କ୍ଷେତ୍ରରେ ଏହାକୁ ପୂରଣ କରିଛନ୍ତି। ଯାହାଫଳରେ ଓଡ଼ିଶା ସହିତ ଅନ୍ୟାନ୍ୟ ରାଜ୍ୟ ମଧ୍ୟ ଏହାଦ୍ବାରା ଲାଭାନ୍ବିତ ହୋଇପାରିଛନ୍ତି।

ବିଶେଷକରି ଶ୍ରୀ ପଟ୍ଟନାୟକ ମନରେଗାରେ ଶ୍ରମିକମାନଙ୍କ ମଜୁରିବୃଦ୍ଧି ନେଇ ସଂସଦରେ ଉଠାଇଥିବା ସ୍ବର ସଫଳ ହୋଇଛି। ଯାହାଫଳରେ ଶ୍ରମିକଙ୍କ ମଜୁରି ବୃଦ୍ଧି ହୋଇଛି। ରାଜ୍ୟ ସରକାରଙ୍କ ପକ୍ଷରୁ ୫-ଟି କାର୍ଯ୍ୟକାରିତା ହେବା ଦ୍ବରା ଶାସନରେ କିଭଳି ସ୍ବଚ୍ଛତା ଓ ଉତ୍ତରଦାୟିତ୍ବତା ଆସିପାରିଛି ସେନେଇ ଶ୍ରୀ ପଟ୍ଟନାୟକ ତାଙ୍କ ଅନୁଭୂତି ପତ୍ରରେ ଦର୍ଶାଇଛନ୍ତି।
ସଂସଦରେ ଶ୍ରୀ ପଟ୍ଟନାୟକଙ୍କ ପ୍ରଦର୍ଶନ ଓ ଉପସ୍ଥାନ ସହିତ ସୁନ୍ଦରଗଡ଼ରେ ୫ ଆଦର୍ଶଗ୍ରାମ ସୃଷ୍ଟି କାରିବା ପାଇଁ ଉଦ୍ୟମ ଅବ୍ୟାହତ ରେଖିଛନ୍ତି | ଓଡିଶାର ସ୍ୱାର୍ଥପାଇଁ କାମ କରିବା ପାଇଁ ତାଙ୍କୁ ସୁଯୋଗ ମିଳିଥିବାରୁ ସେ ଶ୍ରୀ ନଵୀନ ପଟ୍ଟନାୟକଙ୍କୁ କୃତଜ୍ଞତା ଜ୍ଞାପନ କରିବା ସହ ପ୍ରଭୁ ଶ୍ରୀ ଜଗନ୍ନାଥଙ୍କ ଶ୍ରୀଚରଣରେ କୃପାଭିକ୍ଷା କରିଛନ୍ତି|

ରାୟଗଡ଼ା:- – ଏଣିକି ଲୋକସେବା ଭବନ ନୁହେଁ, ଜିଲ୍ଲାରୁ ପ୍ରସ୍ତୁତ ହେବ ବିକାଶ ମୂଳକ ଯୋଜନା l ଯୋଜନା ବୋର୍ଡ଼ ଉପାଧକ୍ଷ ସଞ୍ଜୟ ଦାସ ବର୍ମା ଏହି ଲକ୍ଷ୍ୟରେ କାମ ଆରମ୍ଭ କରିଛନ୍ତି l  ରାଜ୍ୟ ଯୋଜନା ବୋର୍ଡ଼ ଉପାଧ୍ୟକ୍ଷ ଶ୍ରୀଯୁକ୍ତ ସଂଜୟ ଦାସବର୍ମା ରାୟଗଡ ଜିଲ୍ଲା ଗସ୍ତରେ ଆସି ସରକାରଙ୍କ ବିଭିନ୍ନ ଯୋଜନା ଉର ଆଲୋଚନା କରିଥିଲେ ।ମାନ୍ୟବର ଉପାଧ୍ୟକ୍ଷଙ୍କ ସହିତ ମାନ୍ୟବର ମନ୍ତ୍ରୀ ଅନୁସୂଚିତ ଜାତି ଓ ଜନଜାତି ବିକାଶ ,ସଂଖ୍ୟା ଲଘୁ ଓ ପଛୁଆ ଵର୍ଗ କଲ୍ୟାଣ ବିଭାଗ ଶ୍ରୀଯୁକ୍ତ ଜଗନ୍ନାଥ ସାରକା,ମାନ୍ୟବର ଗୁଣପୁର ବିଧାୟକ ଶ୍ରୀଯୁକ୍ତ ରଘୁନାଥ ଗୋମଙ୍ଗ,ରାଜ୍ୟ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରଉପଦେଷ୍ଟା ଶ୍ରୀଯୁକ୍ତ ସୁଧୀର ଦାଶ ପ୍ରମୂଖ ଯୋଗଦେଇ ଜିଲ୍ଳାପାଳ ଶ୍ରୀ ପ୍ରମୋଦ କୁମାର ବେହେରା,ପିଡି, ଡି ଆ.ଆର.ଡି. ଏ ଶ୍ରୀ ଅମୃତ ରୁତୁରାଜଙ୍କ ଉପସ୍ଥିତରେ
ସରକାରଙ୍କ ବିଭିନ୍ନ ଉନ୍ନୟନ ମୂଳକ ଯୋଜନା ଓ ବିଶେଷ କରି ମହାମରୀ କୋରନା, ମନରେଗା ଯୋଜନାରେ ଶ୍ରମିକ ମାଆଙ୍କୁ କର୍ମନିଯୁକ୍ତି ଯୋଗାଣ, କୋଭିଡି ମକାବିଲା, ଜାତୀୟ ଖାଦ୍ୟ ସୁରକ୍ଷା ଯୋଜନା ଓ ରାଜ୍ୟ ଖାଦ୍ୟ ସୁରକ୍ଷା ଆଇନରେ ହିତାଧିକାରୀଙ୍କୁ ଚାଉଳ ପ୍ରଦାନ, କୃଷି ଓ ଉଦ୍ୟାନ କୃଷିରେ ଅଗ୍ରଗତି ଓ ଶ୍ରମିକ ମାନଙ୍କୁ ନିଯୁକ୍ତି, ପ୍ରବାସୀ ଶ୍ରମିକ ମାନଙ୍କ ପରିଚାଳନା ଓ କର୍ମନିଯୁକ୍ତି ଯୋଗାଣ ଆଦିଉପରେ ସମୀକ୍ଷା କରିଥିଲେ । ସ୍ବାସ୍ଥ୍ୟ ବିଭାଗ ଉପରେ ଆଲୋଚନା କଲାବେଳେ ମାନ୍ୟବର ଉପାଧ୍ୟକ୍ଷ ଶ୍ରୀଯୁକ୍ତ ଦାସବର୍ମା ମହୋଦୟ କୋରନା ପାଇଁ ଯେପରି ସାଧାରଣ ରୋଗୀ ଅସୁବିଧା ନହୁଅନ୍ତି ସେଥିପ୍ରତି ଧ୍ୟାନଦେବାକୁ ନିର୍ଦେଶ ଦେଇଥିଲେ। ଆବଶ୍ୟକ ହେଲେ ଜିଲ୍ଲାର ପ୍ରବେଶପଥ ଗୁଡିକ ସିଲକରିବାକୁ ପରାମର୍ଶ ଦେଇଥିଲେ ଏବଂ ସ୍ଥାନୀୟ ଇଏସଆଇ କୋଭିଡି ସ୍ୱାସ୍ଥ୍ୟ କେନ୍ଦ୍ରରେ ତୁରନ୍ତ ଭେଣ୍ଟିଲେଟର ଵ୍ୟଵସ୍ଥା କରିବାକୁ ନିର୍ଦ୍ଦେଶ ଦେଇଥିଲେ। ସେହିପରି ଜାତୀୟ ଖାଦ୍ୟ ସୁରକ୍ଷା ଆଇନ ଏବଂ ରାଜ୍ୟ ଖାଦ୍ୟ ସୁରକ୍ଷା ଆଇନରେ ଯେପରି ଜିଲ୍ଲାର ଅଧିକାଂଶ ହିତାଧିକାରୀ ସୁବିଧା ପାଇବେ ସେଥିପାଇଁ ଯୋଗାଣ ବିଭଗକୁ ନିର୍ଦ୍ଧେଶ ଦେଇଥିଲେ। ଜିଲ୍ଲାର ସମସ୍ତ ପ୍ରବାସୀ ଶ୍ରମିକମାନଙ୍କୁ ଯେପରି ଲେବର କାର୍ଡ ମିଲିବ ସେଥିପାଇଁ ଡାଟା ବେସ ପ୍ରସ୍ତୁତ କରିବାକୁ ଓ ଦକ୍ଷତା ଅନୁଯାୟୀ ଶ୍ରେଣୀ ଭୂକ୍ତ କରି କର୍ମସଂସ୍ଥାନ ଯୋଗାଇବା ପାଇଁ ମାନ୍ୟବର ଉପ।ଧ୍ୟକ୍ଷ ନିର୍ଦେଶ ଦେଇଥିଲେ।
ଏହା ପୂର୍ବରୁ ଉପ।ଧ୍ୟକ୍ଷ ଶ୍ରୀଯୁକ୍ତ ଦାସବର୍ମା ଗୁଣପୁରରେ ପୂର୍ବାହ୍ନରେ ପହଞ୍ଚି ସେଠାରେ କୋଭିଡ ପରିସ୍ଥିତି ର ସମୀକ୍ଷା କରିଥିଲେ । କୋଭିଡ ମୁକାବିଲା ନିମନ୍ତେ ନିଆଯାଉଥିବା ପଦକ୍ଷେପ ବିଷୟରେ ଗୁଣପୁର ଉପଜିଲ୍ଲାପାଳ, ଗୋଷ୍ଠୀ ଉନ୍ନୟନ ଅଧିକାରୀଙ୍କ ସହ ଆଲୋଚନା କରିଥିଲେ । ଗୁଣପୁର ଆଦର୍ଶ ବିଦ୍ୟାଳୟର କୋଭିଡ କେୟାର କେନ୍ଦ୍ର ପରିଦର୍ଶନ କରିଥିଲେ । କୋଭିଡ କେନ୍ଦ୍ରର ସମସ୍ତ ବ୍ୟବସ୍ତା କିପରି ପରିଚାଳନା କରାଯାଉଛି ତାହା ଗୁଣପୁର ଉପଖଣ୍ଡ ଚିକିତ୍ସା ଅଧିକାରୀ ଶ୍ରୀ ରମେଶ ଚନ୍ଦ୍ର ସାହୁ ପ୍ରକାଶ କରିଥିଲେ । କରନା ମୁକାବିଲା ନିମନ୍ତେ ଆବଶ୍ୟକ ପଦକ୍ଷେପ ଗ୍ରହଣ କରିବା ନିମନ୍ତେ ମାନ୍ୟବର ଉପାଧ୍ୟକ୍ଷ ପରାମର୍ଶ ଦେଇଥିଲେ । ମାସ୍କ ବ୍ୟବହାର, ସାମାଜିକ ଦୂରତା ଓ ବାରମ୍ବାର ହାତ ଧୋଇବା ଉପରେ ଗୁରୁତ୍ୱ ଦେବା ଓ ସାମୂହିକ ସଚେତନତା କାର୍ଯ୍ୟକ୍ରମ କରିବା ନିମନ୍ତେ ପରାମର୍ଶ ଦେଇଥିଲେ । ଏହାପରେ ମାନ୍ୟବର ଉପାଧ୍ୟକ୍ଷଙ୍କ ରାମନଗୁଡ଼ା ବ୍ଲକ ପରିଦର୍ଶନ କରିଥିଲେ ଏବଂ ସେଠାରେ ବିଡ଼ିଓ ରାମନଗୁଡ଼ା ଓ ଅନ୍ୟ।ନ୍ୟ ଅଧିକାରୀ ମାନଙ୍କ ସହିତ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ । ଏହି ଗସ୍ତ ସମୟରେ ରାଜ୍ୟ ଆଦିବାସୀ ହରିଜନ କଲ୍ୟାଣ ଓ ପଛୁଆ ବର୍ଗ ଉନ୍ନୟନ ମନ୍ତ୍ରୀ ଶ୍ରୀଯୁକ୍ତ ସାରକା, ରାଜ୍ୟ ବିଜୁ ସ୍ବାସ୍ଥ୍ୟ କଲ୍ୟାଣ ଉପଦେଷ୍ଟା ଶ୍ରୀଯୁକ୍ତ ସୁଧୀର କୁମାର ଦାସ, ଗୁଣପୁର ବିଧାୟକ ଶ୍ରୀଯୁକ୍ତ ରଘୁନାଥ ଗମାଙ୍ଗ, ଗୁଣପୁର ଉପ ଜିଲ୍ଲାପାଳ ଡକ୍ଟର ସିଦ୍ଧେଶ୍ଵର ବଳିରାମ ବନ୍ଦୋର, ଗୁଣପୁର ଆଦିବାସୀ ଉନ୍ନୟନ ସଂସ୍ଥା ପ୍ରକଳ୍ପ ପ୍ରଶାସକ ଶ୍ରୀ ଗୋରଚାନ୍ଦ ଗମାଙ୍ଗ, ଗୁଣପୁର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀମତୀ ଶାନ୍ତି ପ୍ରଭା ପ୍ରଧାନ, ଉପଖଣ୍ଡ ଚିକିତ୍ସା ଅଧିକାରୀ ଶ୍ରୀ ରମେଶ ଚନ୍ଦ୍ର ସାହୁଙ୍କ ସହ ବହୁ ପଦାଧିକାରୀ ଉପସ୍ଥିତ ଥିଲେ।
ଆଜିର ଜିଲ୍ଲା ସ୍ଥରୀୟ ବୈଠକରେ ଉପଜିଲ୍ଲାପାଳ, ରାୟଗଡ,ଜିଲ୍ଲା ମୂଖ୍ୟ ଚିକିତ୍ସା ଆଧିକାରୀ, ଜିଲ୍ଲା ମୁଖ୍ୟ କୃଷି ଅଧିକାରୀ,ଉଧ୍ୟାନ ଉପନିର୍ଦେଶକ,ପ୍ରକଳ୍ପ ନିର୍ଦେଶକ ଜଳଛାୟା ମିଶନ,ଓ ଅନ୍ୟାନ୍ୟ ଅଧିକାରୀ ମାନେ ଯୋଗଦେଇଥିଲେ।