ଭୁବନେଶ୍ୱର : ସାରା ରାଜ୍ୟରେ ସର୍ଭେ କାମରେ ନିୟୋଜିତ ଆଶା, ଅଙ୍ଗନବାଡି କର୍ମୀଙ୍କ ସହିତ କୋଭିଡ ହସ୍‌ପିଟାଲରେ କାର୍ଯ୍ୟରତ ଯୋଦ୍ଧା ମାନଙ୍କ ପ୍ରୋତ୍ସାହନ ରାଶି ପରିମାଣରେ ବୃଦ୍ଧି
ତା.20.୭.୨୦ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଭିଡିଓ କନ୍‌ଫରେନ୍‌ସିଂ ଜରିଆରେ ଗଞ୍ଜାମ ଜିଲ୍ଲାର କୋଭିଡ ପରିସ୍ଥିତି ସମ୍ପର୍କରେ ସମୀକ୍ଷା କରି ରଣନୀତିକୁ ସୁଦୃଢ କରିବା ପାଇଁ କେତେକ ଗୁରୁତ୍ବପୂର୍ଣ୍ଣ ଘୋଷଣା କରିଛନ୍ତି।
ମୁଖ୍ୟମନ୍ତ୍ରୀଙ୍କ ଘୋଷଣା ଅନୁଯାୟୀ –
• ଆସନ୍ତାକାଲି ଗଞ୍ଜାମ ଜିଲ୍ଲାର ଶୀତଳାପଲ୍ଲୀସ୍ଥିତ ଟାଟା କୋଭିଡ ହସ୍‌ପିଟାଲରେ ପ୍ଲାଜ୍‌ମା ଥେରାପି ଆରମ୍ଭ କରାଯିବ। ଏହାଦ୍ବାରା ଗଞ୍ଜାମ ଓ ଆଖପାଖ ଜିଲ୍ଲାର ଗୁରୁତର କୋଭିଡ ରୋଗୀମାନେ ପ୍ଲାଜ୍‌ମା ଥେରାପି ସୁବିଧା ପାଇପାରିବେ ଏବଂ କୋଭିଡ ମୃତ୍ୟୁ ସଂଖ୍ୟା ହ୍ରାସ ପାଇବ ବୋଲି ଆଶା କରାଯାଉଛି । ସୂଚନାଯୋଗ୍ୟ ଯେ ଭୁବନେଶ୍ବରର ସମ୍‌ କୋଭିଡ ହସ୍‌ପିଟାଲ ଓ କଟକର ଅଶ୍ବିନୀ କୋଭିଡ ହସ୍‌ପିଟାଲରେ ଗତ ୧୮ ତାରିଖ ଠାରୁ ପ୍ଲାଜ୍‌ମା ଥେରାପି ଆରମ୍ଭ ହୋଇଛି ଏବଂ ଏହା ସୁଫଳ ମଧ୍ୟ ଦେଇଛି। ସମୁଦାୟ ୬ ଜଣ ରୋଗୀଙ୍କ ମଧ୍ୟରୁ ୪ ଜଣ ସୁସ୍ଥ ହୋଇଛନ୍ତି ଓ ଅନ୍ୟ ଦୁଇ ଜଣଙ୍କ ଅବସ୍ଥା ସ୍ଥିର ଅଛି ।
• ବ୍ରହ୍ମପୁରର ଅମିତ ହସ୍‌ପିଟାଲରେ ୧୬ଟି ଆଇ.ସି.ୟୁ ବେଡ୍‌ ସହିତ ୧୦୦ ଶଯ୍ୟା ବିଶିଷ୍ଟ କୋଭିଡ ହସ୍‌ପିଟାଲ ପ୍ରତିଷ୍ଠା କରାଯିବ। ଏହାକୁ କଟକର ଅଶ୍ବିନୀ ହସ୍‌ପିଟାଲ ପରିଚାଳନା କରିବ। ଏଥିପାଇଁ ଆଜି ଗଞ୍ଜାମ ଜିଲ୍ଲା ପ୍ରଶାସନ ଏବଂ ଅଶ୍ବିନୀ ହସ୍‌ପିଟାଲ ମଧ୍ୟରେ MoU ସ୍ବାକ୍ଷରିତ ହୋଇଛି।
• ଗଞ୍ଜାମରେ କୋଭିଡ ମୁକାବିଲାକୁ ଆହୁରି ସୁଦୃଢ କରିବା ପାଇଁ ୨ ଜଣ ଆଇ.ଏ.ଏସ୍‌ ଅଫିସର, ୨୫ ଜଣ ଓ.ଏ.ଏସ୍‌ ଅଫିସର, ୧୦୫ ଜଣ ORS ଅଫିସର, ୩୦ ଜଣ MBBS ଡାକ୍ତର, ୧୦୦ ଜଣ ଆୟୁଶ ଡାକ୍ତର ଏବଂ ୨୭ ଜଣ ଲାବୋରେଟୋରୀ ଟେକ୍‌ନିସିଆନଙ୍କୁ ନିୟୋଜିତ କରାଯାଇଛି। ଏହାସହିତ ୩ ଜଣ ଡି.ଏସ୍‌.ପିଙ୍କ ସମେତ ବିଭିନ୍ନ ପାହ୍ୟାର ଅଫିସର ଏବଂ ୧୦ ପ୍ଲାଟୁନ ପୋଲିସ ମଧ୍ୟ ପଠାଯିବା ପାଇଁ ନିଷ୍ପତ୍ତି ହୋଇଛି।
• ଗଞ୍ଜାମ ଜିଲ୍ଲା ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ୨୫ କୋଟି ଟଙ୍କା ମଞ୍ଜୁର କରାଯାଇଛି।
• ଗଞ୍ଜାମ ଜିଲ୍ଲାରେ ଆମ୍ବୁଲାନ୍‌ସ ସେବାକୁ ଆହୁରି ଦକ୍ଷ ଓ ସୁଦୃଢ କରାଯାଇ ରୋଗୀ ମାନଙ୍କୁ ଯେପରି ଠିକ୍‌ ସମୟରେ ସେବା ଯୋଗାଇ ଦେଇପାରିବେ, ତାକୁ ସୁନିଶ୍ଚିତ କରାଯିବ। ଆବଶ୍ୟକତା ଅନୁଯାୟୀ ୧୦୦ଟି ଆମ୍ବୁଲାନ୍‌ସ ନିୟୋଜିତ କରିବା ପାଇଁ ଜିଲ୍ଲାପାଳଙ୍କୁ କ୍ଷମତା ଦିଆଗଲା ।
• କୋଭିଡ ସମୟରେ ଲୋକଙ୍କ ମାନସିକ ସ୍ବାସ୍ଥ୍ୟ ଉପରେ ସ୍ବତନ୍ତ୍ର ଫୋକ୍‌ସ କରାଯାଇ କାଉନସେଲିଂ ପାଇଁ ପ୍ରଫେସନାଲ୍‌ ମାନଙ୍କୁ ଦାୟିତ୍ବ ଦିଆଯିବ।

ସେହିପରି ସାରା ରାଜ୍ୟର କୋଭିଡ ପରିଚାଳନାକୁ ଦୃଢ କରିବାପାଇଁ ମୁଖ୍ୟମନ୍ତ୍ରୀ କେତେକ ଘୋଷଣା କରିଛନ୍ତି। ଏହି ଘୋଷଣା ଅନୁଯାୟୀ
• ସାରା ରାଜ୍ୟର ବିଭିନ୍ନ କୋଭିଡ ହସ୍‌ପିଟାଲ, କୋଭିଡ ସ୍ବାସ୍ଥ୍ୟ କେନ୍ଦ୍ର କିମ୍ବା କୋଭିଡ କେୟାର କେନ୍ଦ୍ରରେ କାମ କରୁଥିବା ଡାକ୍ତର, ପାରା ମେଡିକାଲ କର୍ମଚାରୀ ଓ ଚତୁର୍ଥ ଶ୍ରେଣୀ କର୍ମଚାରୀ ମାନଙ୍କ ପାଇଁ ଦୈନିକ ପ୍ରୋତ୍ସାହନ ରାଶି ଘୋଷଣା କରାଯାଇଛି। କୋଭିଡ ରୋଗୀଙ୍କୁ ଚିକିତ୍ସା କରୁଥିବା ଦିନ ମାନଙ୍କରେ ଡାକ୍ତରମାନେ ଦୈନିକ ୧୦୦୦ ଟଙ୍କା, ପାରାମାଡିକାଲ କର୍ମଚାରୀ ମାନେ ଦୈନିକ ୫୦୦ ଟଙ୍କା ଏବଂ ଚତୁର୍ଥ ଶ୍ରେଣୀ କର୍ମଚାରୀ ମାନେ ଦୈନିକ ୨୦୦ ଟଙ୍କା ପ୍ରୋତ୍ସାହନ ରାଶି ପାଇବେ।
• ଘରକୁ ଘର ବୁଲି ଲୋକଙ୍କ ସ୍ବାସ୍ଥ୍ୟ ପର୍ଯ୍ୟବେକ୍ଷଣ କରୁଥିବା ଆଶାକର୍ମୀ ମାନେ ୨୦୨୦ ଜୁଲାଇ ମାସରୁ ଅକ୍ଟୋବର ମାସ ପର୍ଯ୍ୟନ୍ତ ସର୍ଭେ ଓ ସ୍ବତନ୍ତ୍ର ସର୍ଭେ ପାଇଁ ମାସକୁ ୧୦୦୦ ଟଙ୍କା ପ୍ରୋତ୍ସାହନ ରାଶି ପାଇବେ।
• ଘରକୁ ଘର ବୁଲି ସ୍ବାସ୍ଥ୍ୟ ପର୍ଯ୍ୟବେକ୍ଷଣ କରୁଥିବା ତଥା ସ୍ବତନ୍ତ୍ର ସର୍ଭେ କରୁଥିବା ଅଙ୍ଗନବାଡି କର୍ମୀମାନେ ଏହି ସର୍ଭେ ସମୟ ମଧ୍ୟରେ ମାସକୁ ୧୦୦୦ ଟଙ୍କା ପ୍ରୋତ୍ସାହନ ରାଶି ପାଇବେ।
ଗଞ୍ଜାମରେ କୋଭିଡ ନିୟନ୍ତ୍ରଣ ପାଇଁ ସମୟୋଚିତ ପଦକ୍ଷେପ ନେଇଥିବାରୁ ମୁଖ୍ୟମନ୍ତ୍ରୀ ଜିଲ୍ଲା ପ୍ରଶାସନକୁ ଧନ୍ୟବଦ ଜଣାଇଥିଲେ। ଆଗକୁ ମଧ୍ୟ ଏହିପରି ଭାବେ ଉତ୍ସର୍ଗୀକୃତ ସେବା ଜାରି ରଖିବା ପାଇଁ ସେ ପରାମର୍ଶ ଦେଇଥିଲେ।
ଏହି ସମୀକ୍ଷା ବୈଠକରେ ବାଚସ୍ପତି ଶ୍ରୀ ସୂର୍ଯ୍ୟନାରାୟଣ ପାତ୍ର, ଜଙ୍ଗଲ ଓ ପରିବେଶ ମନ୍ତ୍ରୀ ଶ୍ରୀ ବିକ୍ରମ କେଶରୀ ଆରୁଖ ଓ ସ୍ବାସ୍ଥ୍ୟ ମନ୍ତ୍ରୀ ଶ୍ରୀ ନବ ଦାସ ମଧ୍ୟ ଭିଡିଓ କନ୍‌ଫରେନ୍‌ସିଂରେ ଯୋଗ ଦେଇ ସୁଚିନ୍ତିତ ମତାମତ ଦେଇଥିଲେ। ବାଚସ୍ପତି ଶ୍ରୀ ପାତ୍ର ସହରାଞ୍ଚଳ ଓ ଅର୍ଦ୍ଧ ସହରାଞ୍ଚଳ ଉପରେ ଅଧିକ ଫୋକ୍‌ସ କରିବା ପାଇଁ ପରାମର୍ଶ ଦେଇଥିଲେ। ଗ୍ରାମାଞ୍ଚଳରେ ଯେଉଁ ମାନଙ୍କର ସୁବିଧା ଅଛି, ସେମାନଙ୍କ ପାଇଁ Home Isolationର ସୁବିଧା କରିବା ପାଇଁ ମନ୍ତ୍ରୀ ଶ୍ରୀ ଆରୁଖ ପରାମର୍ଶ ଦେଇଥିଲେ।
ପ୍ରାରମ୍ଭରେ ଗଞ୍ଜାମ ଜିଲ୍ଲାପାଳ କୋଭିଡ ନିୟନ୍ତ୍ରଣ ପାଇଁ ନିଆଯାଇଥିବା ପଦକ୍ଷେପ ସଂପର୍କରେ ବିସ୍ତୃତ ସୂଚନା ଦେଇଥିଲେ। ଅନ୍ୟମାନଙ୍କ ମଧ୍ୟରେ ମୁଖ୍ୟ ଶାସନ ସଚିବ, ମୁଖ୍ୟମନ୍ତ୍ରୀ କାର୍ଯ୍ୟାଳୟର ମୁଖ୍ୟ ଉପଦେଷ୍ଟା, ପୋଲିସ ମହାନିର୍ଦ୍ଦେଶକ, ଉନ୍ନୟନ କମିଶନର, ସ୍ବାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ, ଅତିରିକ୍ତ ମୁଖ୍ୟ ଶାସନ ସଚିବ ତଥା ସ୍ବତନ୍ତ୍ର ରିଲିଫ କମିଶନର ଏବଂ ଅନ୍ୟ ବରିଷ୍ଠ ଅଧିକାରୀ ପ୍ରମୁଖ ଉପସ୍ଥିତ ଥିଲେ।

ଯାଜପୁର : ଯାଜପୁର ଜିଲ୍ଲାର ଏକ ନମ୍ବର କଲେଜ ହେଉଛି ନରସିଂହ  ଚୌଧୁରୀ  ସ୍ୱୟଂ ଶାସିତ କଲେଜ(ଏନ ସି କଲେଜ)। ୧୯୪୬ମସିହାରେ ପ୍ରତିଷ୍ଠିତ ହୋଇଥିଲା ଏହି କଲେଜ। ଯାଜପୁର ବ୍ଲକ ଅଫିସ ସାମ୍ନାରେ ପ୍ରତିଷ୍ଠିତ ଏହି କଲେଜ ସହ ମୋ ଜୀବନ ଯୋଡି ହୋଇ ଯାଇଥିଲା। ୨୦୦୩ ମସିହାରେ ମା ବିରଜାଙ୍କ ଆଶୀର୍ବାଦ ରୁ ମୁଁ +୨ ପାଠ ଆରମ୍ଭ କରିଥିଲି ଜଣେ କଲେଜ ଛାତ୍ର ଭାବେ। ବାସ୍ ୫ ବର୍ଷ ପୁରା ପଢ଼ିଲି । ଆଉ ୫ ବର୍ଷର କ୍ୟାରିୟର ଭିତରେ ୪ ଥର ଛାତ୍ର ନିର୍ବାଚନରେ ବିଜୟ ଲାଭ କରିଛି। ଏହାସହ ଶେଷରେ ଏନ ସି କଲେଜର ସଭାପତି ହେବାର ମଧ୍ୟ ସୌଭାଗ୍ୟ ପାଇଛି। ଏଥିପାଇଁ ମୋ ସମୟରେ ପଢ଼ୁଥିବା ସବୁ ଭାଇ ଭଉଣୀମାନଙ୍କୁ ଆଜିର ୭୫ ବର୍ଷ ପ୍ଲାଟିନଂ ଜୁବୁଲି ଅବସରରେ ଶୁଭେଚ୍ଛା ଓ ଅଭିନ୍ଦନ ଜଣାଉଛି। ନାଲିଆ କୋଠା ସହ ଚାରିପାଖେ ଗାଁର ପରିବେଶ। କଲେଜ ପଛପାଖ ଦେଇ ଯିଏ ଥରେ କଲେଜ ଭିତରୁ ଆସିଛି ସେ ସବୁ କିଛି ଭୁଲି ଯାଇଛି। ପାଠପଢା ସହ ଭାଇଚାରା ସବୁ କିଛି ଶିଖାଏ ଏହି କଲେଜ। ମୋଟାମୋଟି ଭାବେ କହିବାକୁ ଗଲେ କେବଳ ଡିଗ୍ରୀ ନୁହେଁ ଭଲ ମଣିଷ ହେବାକୁ ଜ୍ଞାନ ଦେଇଥାଏ। ପ୍ରକୃତିର ଅପୁର୍ବ ସୌନ୍ଦର୍ଯ୍ୟ କଲେଜ ଚାରିପାଖକୁ  ଘେରି କି ରଖିଛି। ଧାନ କ୍ଷେତ ବଡ଼ ବଡ଼ ଗଛ ମୋ କଲେଜ ଚାରି ପାଖରେ ଦେଖିବାକୁ ମିଳେ।
କଲେଜ  କାନ୍ଥକୁ ଲାଗି ଆଜିବେଷ୍ଟ ସାଇକେଲ ଷ୍ଟାଣ୍ଡ, ଅବଶ୍ୟ ଏବେ ଏହା ଛାତ ପଡ଼ିଗଲାଣି। କଲେଜ କ୍ୟାମ୍ପସକୁ ସୁନ୍ଦର କରୁଥାଏ ଛାତ୍ରାବାସ, ଛାତ୍ରୀବାସ ଓ ବିଭିନ୍ନ ମେସ ।ଯାଜପୁର ସହ ପଡୋଶୀ ଜିଲ୍ଲାର ଛାତ୍ରଛାତ୍ରୀମାନେ ନିଜ ଭବିଷ୍ୟତ ଗଢିବା ପାଇଁ ଏଠାକୁ ପାଠ ପଢିବାକୁ ଆସନ୍ତି। ଏ କଲେଜର ବିଶେଷତ୍ୱ ହେଉଛି ଏଠି ସମସ୍ତେ ସମାନ। +୨,+୩ ପରୀକ୍ଷାରେ ଏହି କଲେଜର ଅଧିକାଂଶ ଛାତ୍ରଛାତ୍ରୀ ବେଶ ଭଲ ନମ୍ବର ରଖି ପାସ କରନ୍ତି। ଅନ୍ୟ କଲେଜ ପରି ଏଠାରେ ବିଶେଷ ଛାତ୍ର ଅଶାନ୍ତି ଦେଖାଯାଏନି। ପୁରା ଜିଲ୍ଲାରେ ଏନସି କଲେଜ ଏକ ପ୍ରତିଷ୍ଠିତ କଲେଜ। ସବୁ କଲେଜ ପରି ମୋ କଲେଜରେ ମଧ୍ୟ ଅଧ୍ୟାପକ ସହ ଭିତ୍ତି ଭୂମିର ଅଭାବ ଥିଲା। ହେଲେ ଏଥିରେ ଧୀରେ ଧୀରେ ସୁଧାର ଆସିଛି। ୧୯୯୯ ମସିହାରେ ସ୍ୱୟଂ ଶାସିତ କଲେଜର ମାନ୍ୟତା ପାଇଲା ଏହି କଲେଜ କଲେଜର ଭିତ୍ତିଭୂମି ବିକାଶ ହେଲା। ଅଧିକ ସ୍ନାତକ ବିଷୟ ସହ ସେଲ୍ଫ ଫାଇନାସିଙ୍ଗ କୋର୍ସ ପଢ଼ିବାର ସୁଯୋଗ ପାଇଲେ ଛାତ୍ରଛାତ୍ରୀ। ଏନସି କଲେଜ ଆଜି ୭୫ ବର୍ଷରେ ପାଦ ଥାପିଛି। ପ୍ଲାଟିନମ ଜୁବୁଲି ପାଇଁ ଏଠାରେ ଶିକ୍ଷାଲାଭ କରି ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ହୋଇଥିବା ପୁରାତନ ଛାତ୍ରମାନେ ସାମାଜିକ ଗଣମାଧ୍ୟମରେ ଗ୍ରୁପ କରି ଯୋଡି ହୋଇଛନ୍ତି। ଅନେକ ଛାତ୍ର ଆଗକୁ କଲେଜରେ କଣ ହେବା ଦରକାର ସେ ନେଇ ମତ ଦେଇଛନ୍ତି। ବିଶ୍ୱ ବିଦ୍ୟାଳୟର ମାନ୍ୟତା ପାଇଁ ଏବେ ଦାବି ହେଉଛି। ହେଲେ ମୋ ମତରେ ଦିନେ ନାଲିଆ କୋଠା ଥିବା ଏନ.ସି  କଲେଜ କ୍ୟାମ୍ପସ ସହ ବହୁ ତଳ କୋଠା ଯୋଡି ହୋଇଗଲାଣି। ନୂତନ ହଷ୍ଟେଲ ,ନୂତନ ଗ୍ୟାଲେରୀ ,କ୍ଲାସ ରୁମ ହୋଇସାରିଛି। ଆଗକୁ ଏନସି କଲେଜର ରୂପ ରେଖ କଣ ହେବ ସେ ନେଇ ମଧ୍ୟ ଖସଡ଼ା ପ୍ରସ୍ତୁତ ହୋଇସାରିଛି। ପୁରା ଏନସି କଲେଜର ନକ୍ସା ଧୀରେ ଧୀରେ ବଦଳି ଯିବ । ଏଥିପାଇଁ ସମସ୍ତଙ୍କର ସହଯୋଗ ଓ ସହଭାଗୀତା ଦରକାର। ଶେଷରେ ଗୋଟେ କଥା କହିବି ମୋ ପାଠପଢା ସରିବା  ପରେ ଅନେକ ନୂଆ ଫର୍ଦ୍ଦ ଯୋଡି ହୋଇଛି ମୋ କଲେଜ ଇତିହାସର ଡାଇରୀରେ। ଆଗକୁ ଆହୁରି ଯୋଡି ହେବ। ହେଲେ ଶିକ୍ଷା ବାତାବରଣକୁ କିପରି ଅଧିକ ଗୁରୁତ୍ୱ ଦିଆଯିବ ସେଥପ୍ରତି ସବୁ ସ୍ତରରେ ଉଦ୍ୟମ ହେବା ଆବଶ୍ୟକ।
ଚିନ୍ମୟ ମହାପାତ୍ର
ପୂର୍ବତନ ଛାତ୍ର ସଂସଦ ସଭାପତି ଏନସି କଲେଜ

ଯାଜପୁର : ବଦଳିବ ଯାଜପୁର ବିରଜା କ୍ଷେତ୍ରର ନକ୍ସା l ଆଗକୁ ବିରଜା କ୍ଷେତ୍ର ନୂଆରୂପ ନେବ l ରାଜ୍ୟ ସରକାର ଏବେ ଓଡ଼ିଶାର ତୀର୍ଥକ୍ଷେତ୍ରମାନଙ୍କର ଉନ୍ନତି ପାଇଁ ଅଣ୍ଟା ଭିଡ଼ିଛନ୍ତି। ଯେମିତି କି ଶ୍ରୀମନ୍ଦିରର ଓ ଲିଙ୍ଗରାଜ ମନ୍ଦିରର ସମ୍ପୂର୍ଣ୍ଣ ରୂପରେଖ ବଦଳାଇ ଯାଇଛି। ଠିକ୍ ସେହିପରି ନୂତନ ରୂପ ପାଇବାକୁ ଯାଇଛି ଯାଜପୁର ବିରଜା କ୍ଷେତ୍ର। ଏନେଇ ଯାଜପୁର ବିଧାୟକ ତଥା ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ଓ ଜିଲ୍ଲାପାଳ ରଞ୍ଜନ କୁମାର ଦାସଙ୍କ ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା।
ଯାଜପୁରକୁ ସବୁବେଳେ ନୂଆ ଉପ ଦେବାରେ ଲାଗିଛନ୍ତି ବିଧାୟକ ପ୍ରଣବ ପ୍ରକାଶ ଦାସ। ଯାଜପୁରର ଆରାଧ୍ୟ ଦେବୀ ମାଆ ବିରଜା। ବିଧାୟକ ବବି ନିଜେ ମାଙ୍କ ଜଣେ ବଡ ଭକ୍ତ। ତେଣୁ ସେ ଅନେକ ଥର କହିଛନ୍ତି ମାଆଙ୍କ ଆଶୀର୍ବାଦରୁ ମୁଁ ସବୁ କାମ କରିପାରୁଛି। ସେଥିପାଇଁ ବିରଜା ମନ୍ଦିରର ସୌନ୍ଦର୍ଯ୍ୟକରଣ କାମକୁ ଗୁରୁତ୍ୱ ଦେଇଛନ୍ତି ବବି। ଠିକ୍ ଶ୍ରୀମନ୍ଦିର ଶୈଳୀରେ ମଧ୍ୟ ବିରଜା କ୍ଷେତ୍ରର ସୌନ୍ଦର୍ଯ୍ୟ କରଣ କାର୍ଯ୍ୟ ହେବ। ତେଣୁ ମନ୍ଦିର ଚତୁର ପାର୍ଶ୍ଵରେ ଥିବା ଜବର ଦଖଲ ଉଚ୍ଛେଦ କରାଯିବ। ପୁରୀ ସୌନ୍ଦର୍ଯ୍ୟକରଣ କାମର ସଫଳତା ପ୍ରମୁଖ ଭୂମିକା ଗ୍ରହଣ କରିଥିବା ପ୍ରଣବ ଏବେ ବିରଜା କ୍ଷେତ୍ରର ସୌନ୍ଦର୍ଯ୍ୟକରଣ ମୁଖ୍ୟ କର୍ଣ୍ଣଧାରା ହେବେ l ନୂତନ ଯାଜପୁରର ବିନ୍ଧାଣି ପ୍ରଣବ ପୂର୍ବରୁ ବୈତରଣୀ ଘାଟ, ଯାଜପୁର ସହରକୁ ରିଙ୍ଗରୋଡ଼, କୁସୁମା ପୋଖରୀକୁ ପର୍ଯ୍ୟଟନ ସ୍ଥଳୀ ଭାବେ ପରିଣତ କରିଛନ୍ତି l ଯାହା ଯାଜପୁର ସହରର ଆକର୍ଷଣ କରିଛି ପର୍ଯ୍ୟଟକଙ୍କୁ l