ଯାଜପୁର : ଭଵ ପ୍ରସାଦ ଦାସ। ଏନ.ସି କଲେଜର ପୂର୍ବତନ ଛାତ୍ର ସଭାପତି ଓ ଯାଜପୁର ପୌରପରିଷଦ ପୂର୍ବତନ ଅଧ୍ୟକ୍ଷ। ଛାତ୍ର ଜୀବନରୁ ଲୋକଙ୍କ ପାଇଁ ଥିବା ସେବା ମନବୃତ୍ତୀ ପରବର୍ତ୍ତୀ ସମୟରେ ତାଙ୍କୁ ରାଜନେତା ଆଡ଼କୁ ଟାଣି ଆଣିଥିଲା। ହେଲେ ସେ ରାଜନୀତି  ପାଇଁ ଲୋକଙ୍କ ସେବା କରନ୍ତି ନାହିଁ। ଲୋକଙ୍କ ସେବା ପାଇଁ ରାଜନୀତି  କରନ୍ତି। ଯାହାକି ତାଙ୍କୁ ଯାଜପୁର ନିର୍ବାଚନ ମଣ୍ଡଳୀରେ ଏକ ସ୍ୱତନ୍ତ୍ର ପରିଚୟ ଦେଇଛି। ସେ ମହାମାରୀ ହେଉ କି ପ୍ରାକୃତିକ ବିପର୍ଯ୍ୟୟ। ସବୁଠି ଭଵ ପ୍ରସାଦ (ଲଲ ) ନିଜ ଜୀବନକୁ ବାଜି ଲଗେଇ ପହଞ୍ଚି ଯାଆନ୍ତି ଲୋକଙ୍କ ସେବା କରିବା ପାଇଁ।
ରାଜ୍ୟରେ ଲଗାଣ ବର୍ଷା ଫଳରେ ବିଭିନ୍ନ ସ୍ଥାନରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ବୈତରଣୀ ନଦୀର ଜଳସ୍ତର ଫୁଲିବା ଦ୍ଵାରା ଯାଜପୁରରେ ମଧ୍ୟ ଉତ୍କଟ ବନ୍ୟା ସମସ୍ୟା ଦେଖାଦେଇଛି। ଅନେକ ପଂଚାୟତ ଜଳ ଘେରରେ ରହିଛି। ଏମିତି ସମୟରେ ଲୋକଙ୍କ ପାଇଁ ଭଗବାନଙ୍କ ଦୂତ ହୋଇ ଛିଡା ହୋଇଛନ୍ତି ଭଵ ପ୍ରସାଦ ଦାସ। ଦିନ ରାତିର ଭୟ ନ କରି ପହଂଚି ଯାଉଛନ୍ତି ଲୋକଙ୍କୁ ବନ୍ୟାରୁ ଉଦ୍ଧାର କରିବା ପାଇଁ। କେଉଁଠି ପ୍ରଶାସନ ସହିତ ବୋଟ ସହାୟତାରେ ତ ଆଉ କେଉଁଠି ଅଣ୍ଟାଏ  ପାଣିରେ ପଶି ଶୁଖିଲା ଖାଦ୍ୟ ଦେଇ ଲୋକଙ୍କୁ ବନ୍ୟାରୁ ଉଦ୍ଧାର  କରୁଛନ୍ତି।  ସବୁ ଲୋକ କିପରି ସୁରକ୍ଷିତ ଜାଗାକୁ ଆସି ପାରିବେ ପ୍ରଶାସନ ସହିତ ସମନ୍ଵୟ ରକ୍ଷାକରି ଲୋକଙ୍କୁ ସୁରକ୍ଷିତ ସ୍ଥାନକୁ ନେଉଛନ୍ତି l  ଏପରି କାହାକୁ ଅପେକ୍ଷା ନକରି ସେ ନିଜ କାମ କରୁଥିବା ଦେଖିବାକୁ ମିଳୁଛି । ଉଦାହରଣ ବନ୍ୟାରେ ଉପୁଡି ପଡିଥିବା ଗଛକୁ ନିଜେ ରାସ୍ତା ଉପରୁ ହାଣି ସଫା କରୁଛନ୍ତି। ଏହାସହ ଗାମୁଛା ଖଣ୍ଡେ ପିନ୍ଧି ପାଣି ଭିତରେ ଗୋଟେ ପରେ ଗୋଟେ ଗାଁକୁ ଯାଇ ଲୋକଙ୍କୁ ବିପଦରୁ ଉଦ୍ଧାର କାର୍ଯ୍ୟ ଜାରିରଖିଛନ୍ତି। ଏବେ ଚାରିଆଡେ କରୋନା ମହାମାରୀ କାୟା ବିସ୍ତାର କରୁଛି। ତେଣୁ ଯେଉଁ ଅଞ୍ଚଳରୁ ବନ୍ୟା ପାଣି ଛାଡି ଯାଉଛି। ସେ ଜାଗାକୁ ସଫା କରିବାର କାମ  ମଧ୍ୟ କରୁଛନ୍ତି। ଯେମିତି ସେ ଅଞ୍ଚଳରେ ମହାମାରୀ ନ ବ୍ୟାପେ ସେଥିପାଇଁ ମଧ୍ୟ ସେ ବିଶେଷ ଧ୍ୟାନ ଦେଇଛନ୍ତି। ଏହାସହ ବନ୍ୟା ପରେ ହଇଜା ରୋଗ ହେବାର ଅନେକ ଆଶଙ୍କା ଥାଏ। ତେଣୁ ସେ ଅଞ୍ଚଳରେ କିପରି ବିଶୁଦ୍ଧ ପାନୀୟ ଜଳ ମିଳିପାରିବ ସେଥିପ୍ରତି ମଧ୍ୟ ସେ ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି। ବିଜେଡି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ସେ ଜନ ସେବାକୁ ବ୍ରତ ଭାବରେ ଗ୍ରହଣ କରି କାମ କରୁଛନ୍ତି। ପ୍ରଣବ ସାରା ରାଜ୍ୟର ଦାୟିତ୍ବ ନେଇଥିବା ବେଳେ ଭଵ ପ୍ରସାଦ ଦାସ ତାଙ୍କର ଗୁଣ୍ଡୁଚି ମୂଷା ହୋଇ ଯାଜପୁରବାସୀଙ୍କ ସେବାରେ ନିଜକୁ ସମର୍ପିତ କରିଦେଇଛନ୍ତି। ଯାହା କି ରାଜନିତୀରେ ବିରଳ । ସବୁଠାରୁ ବଡ କଥା ହେଉଛି ଭବଙ୍କୁ କିଏ ସହଯୋଗ କରୁ ଅବା ନକରୁ, ବିରୋଧୀ ଯାହା କୁହନ୍ତୁ ସେ କିନ୍ତୁ ତାଙ୍କ ଦାୟିତ୍ୱ  ତୁଲାଇବାରେ କେବେ ହେଳା କରନ୍ତି ନାହିଁ l  ଜଣେ ଯୁବ ନେତା ଭାବରେ ପୁରା ଯାଜପୁର ଜିଲ୍ଲାରେ ଅନ୍ୟ ଯୁବକଙ୍କ ପାଇଁ ଉଦାହରଣ ସାଜିଛନ୍ତି  ସେ l e

କୋଭିଡ ମୁକାବିଲା
କୋରାପୁଟରେ ରାଜ୍ୟର ଷଷ୍ଠ ପ୍ଲାଜମା ବ୍ୟାଙ୍କ
ଓଡିଶାରେ ପ୍ଲାଜମା ଚିକିତ୍ସା ସଫଳ ଅଧିକ ରୁ ଅଧିକ ଲୋକ ସୁସ୍ଥ ହେଉଛନ୍ତି – ମୁଖ୍ୟମନ୍ତ୍ରୀ
ଭୁବନେଶ୍ବର : ରାଜ୍ୟରେ ପ୍ଲାଜମା ଚିକିତ୍ସା ସଫଳ ହୋଇଛି। ଅଧିକରୁ ଅଧିକ କୋଭିଡ ରୋଗୀ ଏହି ଚିକିତ୍ସା ପଦ୍ଧତିରେ ସୁସ୍ଥ ହେଉଛନ୍ତି ବୋଲି ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ କହିଛନ୍ତି।

ଆଜି କୋରାପୁଟର ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜରେ ରାଜ୍ୟର ଷଷ୍ଠ ପ୍ଲାଜମା ବ୍ୟାଙ୍କ ଉଦ୍‌ଘାଟନ କରିବା ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ କୋଭିଡ ରୋଗ ପାଇଁ ପ୍ଲାଜମା ଚିକିତ୍ସା ପଦ୍ଧତିରେ ଓଡିଶା କେବଳ ଭାରତ ନୁହେଁ, ସାରା ବିଶ୍ବରେ ଏକ ଅଗ୍ରଗଣ୍ୟ ସ୍ଥାନ ହାସଲ କରିପାରିଛି। ଆମର ଡାକ୍ତର ଓ ମେଡିକାଲ ଟିମ୍‌ର ଦକ୍ଷତା ଓ ପ୍ରତିବଦ୍ଧତା ଯୋଗୁ ଏହା ସଫଳ ହୋଇପାରିଛି ଏବଂ ଆମେ ସେମାନଙ୍କ ପାଇଁ ଗର୍ବିତ ବୋଲି ମୁଖ୍ୟମନ୍ତ୍ରୀ କହିଥିଲେ। ରାଜ୍ୟର ସବୁ ନାଗରିକଙ୍କୁ ଅତ୍ୟାଧୁନିକ ଚିକିତ୍ସା ସୁବିଧା ଯୋଗାଇ ଦେବା ପାଇଁ ରାଜ୍ୟ ସରକାରଙ୍କ ପ୍ରତିବଦ୍ଧତାକୁ ଦୋହରାଇ ମୁଖ୍ୟମନ୍ତ୍ରୀ କହିଥିଲେ ଯେ ରାଜ୍ୟର କେହି ଜଣେ ବି ରୋଗୀ ଅତ୍ୟାଧୁନିକ ଚିକିତ୍ସାରୁ ବଞ୍ଚିତ ହେବେ ନାହିଁ। ବର୍ତ୍ତମାନ ଏହି ନୂଆ ପ୍ଲାଜମା ବ୍ୟାଙ୍କ ଉଦ୍‌ଘାଟିତ ହେବା ଦ୍ବାରା ରାଜ୍ୟର ସବୁ ଅଞ୍ଚଳର କୋଭିଡ ରୋଗୀମାନେ ପ୍ଲାଜମା ଚିକିତ୍ସାର ସୁବିଧା ପାଇପାରିବେ।

ଆଦିବାସୀବହୁଳ କୋରାପୁଟ ଜିଲ୍ଲାରେ ଏହି ବ୍ୟାଙ୍କ ଖୋଲିବା ଦ୍ବାରା ସେହି ଅଞ୍ଚଳର ସ୍ବାସ୍ଥ୍ୟ ସେବା କ୍ଷେତ୍ରରେ ଏହା ଆଉ ଏକ ମାଇଲଷ୍ଟୋନ ହୋଇପାରିଛି ଏବଂ ଆଧୁନିକ ଚିକିତ୍ସା ପଦ୍ଧତି ଉପରେ ଆମର ଜନଜାତି ଭାଇଭଉଣୀଙ୍କ ଆସ୍ଥା ଓ ବିଶ୍ବାସକୁ ଅଧିକ ସୁଦୃଢ କରିଛି ବୋଲି ସେ କହିଥିଲେ।
ଏହି ଅବସରରେ କୋଭିଡରୁ ଆରୋଗ୍ୟ ଲାଭ କରିଥିବା ବ୍ୟକ୍ତିମାନେ ପ୍ଲାଜମା ଦାନ କରି ଅନ୍ୟ ମାନଙ୍କ ଜୀବନ ରକ୍ଷା ପାଇଁ ଆଗେଇ ଆସିବାକୁ ମୁଖ୍ୟମନ୍ତ୍ରୀ ପୁଣିଥରେ ଆହ୍ବାନ ଜଣାଇଥିଲେ।
ଉଦ୍‌ଘାଟନୀ କାର୍ଯ୍ୟକ୍ରମରେ ଯୋଗ ଦେଇ ସ୍ବାସ୍ଥ୍ୟ ମନ୍ତ୍ରୀ ଶ୍ରୀ ନବ ଦାସ ଓ ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ଶ୍ରୀମତୀ ପଦ୍ମିନୀ ଦିଆନ କହିଥିଲେ ଯେ କୋରାପୁଟରେ ପ୍ଲାଜମା ବ୍ୟାଙ୍କ ସ୍ଥାପନ ହେବାଦ୍ବାରା ଓଡିଶାର ଦକ୍ଷିଣାଞ୍ଚଳର କୋଭିଡ ରୋଗୀମାନେ ଉପକୃତ ହେବେ। ମୁଖ୍ୟମନ୍ତ୍ରୀଙ୍କ ଉଦ୍ୟମକୁ ସଫଳ କରି ପ୍ଲାଜମା ଦାନ କରିବା ପାଇଁ ଯୋଗ୍ୟ ବ୍ୟକ୍ତିମାନେ ଅଧିକ ସଂଖ୍ୟାରେ ଆଗେଇ ଆସିବାକୁ ଦୁଇ ମନ୍ତ୍ରୀ ଆହ୍ବାନ ଜଣାଇଥିଲେ।
ସ୍ବାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ପ୍ରଦୀପ୍ତ କୁମାର ମହାପାତ୍ର ସ୍ବାଗତ ଭାଷଣ ଦେଇଥିଲେ ଏବଂ ଜିଲ୍ଲାପାଳ ଧନ୍ୟବାଦ ଅର୍ପଣ କରିଥିଲେ। ପ୍ଲାଜମା ବ୍ୟାଙ୍କ ସଂପର୍କରେ ଏକ ଭିଡିଓ ଚିତ୍ର ପ୍ରଦର୍ଶିତ ହୋଇଥିଲା ଏବଂ ମୁଖ୍ୟମନ୍ତ୍ରୀ ଜଣେ ପ୍ଲାଜମା ଦାତାଙ୍କ ସହ କଥାହୋଇ ତାଙ୍କର ମହନୀୟତା ପାଇଁ ଧନ୍ୟବାଦ ଜଣାଇଥିଲେ। କାର୍ଯ୍ୟକ୍ରମରେ ମନ୍ତ୍ରୀ ଶ୍ରୀ ଜଗନ୍ନାଥ ସାରକା, ନବରଂଗପୁର ସାଂସଦ ଶ୍ରୀ ରମେଶ ଚନ୍ଦ୍ର ମାଝୀ, ଜୟପୁର ବିଧାୟକ ଶ୍ରୀ ତାରାପ୍ରସାଦ ବାହିନୀପତି ଏବଂ କୋରାପୁଟ ବିଧାୟକ ଶ୍ରୀ ରଘୁରାମ ପଡାଲ
ମୁଖ୍ୟ ଶାସନ ସଚିବ ଶ୍ରୀ ଅସିତ କୁମାର ତ୍ରିପାଠୀ, ଉନ୍ନୟନ କମିଶନର ଶ୍ରୀ ସୁରେଶ ଚନ୍ଦ୍ର ମହାପାତ୍ର, ଅତିରିକ୍ତ ମୁଖ୍ୟ ଶାସନ ସଚିବ ତଥା ସ୍ବତନ୍ତ୍ର ରିଲିଫ କମିଶନର ଶ୍ରୀ ପ୍ରଦୀପ କୁମାର ଜେନା ପ୍ରମୁଖ ଉପସ୍ଥିତ ଥିଲେ। ମୁଖ୍ୟମନ୍ତ୍ରୀଙ୍କ ସଚିବ (୫-ଟି) ଶ୍ରୀ ଭି.କେ. ପାଣ୍ଡିଆନ କାର୍ଯ୍ୟକ୍ରମ ସଞ୍ଚାଳନ କରିଥିଲେ।

ଯାଜପୁର : କିଏ ଦୁଃଖରେ ଥିଲେ ସେ ସବୁବେଳେ ସହାୟତାର ହାତ ବଢାଇଥାନ୍ତି । କାରଣ ସେ ଲୋକଙ୍କ ନେତା । ସୁଖ, ଦୁଃଖର ସାଥି । କାମ ତାଙ୍କର ପରିଚୟ । ବତ୍ୟା,ବନ୍ୟା ହେଉ ଅବା ଅନ୍ୟ କିଛିି ସମସ୍ୟା ସବୁବେଳେ ଲୋକଙ୍କ ସହ ରହନ୍ତି ସେ । ଲୋକଙ୍କ ସହ ରହି ସବୁବେଳେ ଲୋକଙ୍କ ସେବାରେ ନିଜକୁ ସର୍ମପିତ କରିଥିବା ମଣିଷଟିଏ ସେ । ଯେଉଁଥି ପାଇଁ ସାରା ଓଡ଼ିଶାରେ ତାଙ୍କର ରହିଛି ସ୍ୱତନ୍ତ୍ର ପରିଚୟ । ନିଷ୍ଠାପର ଓ ପରିଶ୍ରମ ପାଇଁ ଲୋକେ ତାଙ୍କୁ ଜଣେ ରାଜନେତା ନୁହେଁ, ବଂର ନିଜର ଭାଇ ଭାବନ୍ତି । କରୋନା ସମୟରେ ଲଗାଣ ବର୍ଷା ଯୋଗୁଁ ବିଭିନ୍ନ ସ୍ଥାନରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଅଧା ଓଡ଼ିଶା ଜଳରେ ଉବୁଡ଼ୁବୁ । ଲୋକେ ଜଳବନ୍ଦୀ ଅବସ୍ଥାରେ ଅଛନ୍ତି । ନାନା ସମସ୍ୟା ଭିତରେ ଅଛନ୍ତି । ଆଉ ଲୋକଙ୍କ ଏହି ର୍ଦୁଦଶା ସମୟରେ ତାଙ୍କ ପାଖରେ ଛିଡ଼ା ହୋଇଛନ୍ତି ତାଙ୍କ ନେତା । ବଢାଇଛନ୍ତି ସହଯୋଗର ହାତ । ବିଜେଡ଼ି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ମୟୁରଭଞ୍ଜ, ବାରିପଦା ପରେ ନିଜ ନିର୍ବାଚନୀ ମଣ୍ଡଳୀର ବିିିଭିନ୍ନ ବନ୍ୟା ଅଂଚଳରେ ପହଞ୍ଚି ଲୋକଙ୍କ ଭଲମନ୍ଦ ବୁଝିଛନ୍ତି । ବୈତରଣୀ ନଦୀରେ ବନ୍ୟା ଆସିବାରୁ ଯାଜପୁର ନିର୍ବାଚନୀ ମଣ୍ଡଳୀର ବିଭିନ୍ନ ପଂଚାୟତ ଲୋକମାନେ ପାଣି ଘେରରେ ଅଛନ୍ତି । ଆଉ ଏଥିଲାଗି ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଆଜି ଏସବୁ ପଂଚାୟତକୁ ଯାଇ ଲୋକ ସମସ୍ୟା ପଚାରି ବୁଝିଥିଲେ । ଲାଇଫ ଜ୍ୟାକେଟ ପିନ୍ଧି ବୋଟରେ ବସି ବନ୍ୟାର ସ୍ଥିତି ଅନୁଧ୍ୟାନ କରିବା ସହ ନିଜେ ପାଣିରେ ପଶି ଲୋକଙ୍କ ପାଖରେ ପହଞ୍ଚିଥିଲେ । ଜିଲ୍ଳା ପ୍ରଶାସନ ସହ ଆଲୋଚନା କରି ଲୋକଙ୍କ ତୁରନ୍ତ ସହାୟତା ଯୋଗାଇ ଦେଇଥିଲେ । ବନ୍ୟାରେ ଯେପରି କୌଣସି ଲୋକ ଅସୁବିଧାରେ ନପଡ଼ିବେ ସେଥିପାଇଁ ଲୋକଙ୍କୁ ସୁରକ୍ଷତି ସ୍ଥାନକୁ ସ୍ତାନାସ୍ତରିତ କରିବା ପାଇଁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି ପ୍ରଣବ । ଏହାସହ ଲୋକଙ୍କୁ ଶୁଖିଲା ଖାଦ୍ୟ ଯୋଗାଇ ଦେଇଥିଲେ । ବନ୍ୟା ଜଳରେ କ୍ଷତିଗ୍ରସ୍ତ ହୋଇଥିବା ଲୋକଙ୍କୁ ସରକାରଙ୍କ ସହାୟତା ତୁରନ୍ତ ଦେବାକୁ ପାଇଁ ପ୍ରତିଶ୍ରୃତି ଦେଇଥିଲେ । ଚାଷଜମି ନଷ୍ଟ ହୋଇଥିବା ଓ କଚ୍ଚାଘର ଭାଙ୍ଗିଥିବା ଲୋକେମାଦନଙ୍କୁ ତୁରନ୍ତ କିପରି ସରକରୀ ସହାୟତା ମିଳିବ ସେ ନେଇ ଜିଲ୍ଳାପାଳଙ୍କ ସହ ଆଲୋଚନା କରିଥିଲେ । କେବଳ ସେତିକି ନୁହେଁ, ପ୍ରଥମେ ଲୋକମାନଙ୍କୁ କିପରି ସୁରକ୍ଷତି ସ୍ଥାନକୁ ସ୍ଥାନାସ୍ତରିତ କରାଯିବ ଓ ଶୁଖିଲା ଓ ରନ୍ଧାଖାଦ୍ୟ ଯୋଗାଇ ଦିଆଯିବ ତାହାର ଉପରେ ପ୍ରାଥତ୍ମିକତା ଦେଇଥିଲେ ବିଧାୟକ ପ୍ରଣବ ପ୍ରକାଶ ଦାସ । କେବଳ ନିଜ ନିର୍ବାଚନ ମଣ୍ଡଳୀ ନୁହେଁ, ବାଲେଶ୍ୱର,ମୟୁରଭଞ୍ଜ, ବାରିପଦା ଆଦି ବନ୍ୟା ଅଂଚଳ ବୁଲି ପ୍ରଣବ ଲୋକଙ୍କ ସୁଖଦୁଃଖ ବୁଝିବା ସହ ସହାୟତାର ହାତ ବଢାଇଛନ୍ତି । ଲୋକଙ୍କ ପାଇଁ ତାଙ୍କର ଏପରି କାମକୁ ସବୁ ମହଲରେ ପ୍ରଶଂସା କରାଯାଉଛି । ଲୋକେ କହୁଛନ୍ତି ନେତା ହେବ ତ ପ୍ରଣବଙ୍କ ପରି ।

ଭୁବନେଶ୍ୱର : କରୋନା ମାହାମାରୀ ପାଇଁ ମାର୍ଚ୍ଚ ମାସ ପରଠାରୁ ବିଧାନସଭା ବନ୍ଦ ଅଛି। ଫଳରେ ଗୃହରେ ରାଜ୍ୟର ଅନେକ ଗୁରୁତ୍ୱପୂର୍ଣ୍ଣ ପ୍ରସଂଗ ଆଲୋଚନା ହୋଇପାରୁନାହିଁ। ସେପ୍ଟେମ୍ବର ମାସରେ ସଂସଦ ବସୁଥିବାରୁ ରାଜ୍ୟରେ ମଧ୍ୟ ବିଧାନସଭା ବସିବାର ଆଶା ସଂଚାର ହୋଇଛି। ସଂସଦ ଢାଞ୍ଚାରେ ଅଧିବେଶନ ବସିବ ନା ଆଉ କିଛି ପନ୍ଥାକୁ ଆପଣାଯିବ ସେନେଇ ବିଚାରବିମର୍ଷ କରୁଛନ୍ତି ବାଚସ୍ପତି । ଏହାସହ କରୋନ ପାଇଁ ବିଧାନସଭା ଭିତରେ କି ଲୋକସେବାଭବନର ନୂତନ କକ୍ଷରେ ଅଧିବେଶନ ବସିବ ତାହା ବି ଫାଇନାଲ ହୋଇନାହିଁ । ତାରିଖ ସ୍ଥିର ହେବା ପରେ ସବୁ ନିଷ୍ପତି ନିଆଯିବ ବୋଲି ବାଚସ୍ପତି ସୂର୍ଯ୍ୟନାରାୟଣ ପାତ୍ର କହିଛନ୍ତି । ଅନ୍ୟପଟେ ତୁରନ୍ତ ଅଧିବେଶସନ ଆରମ୍ଭ କରିବାକୁ ବିରୋଧୀ ଦାବି କରିଛନ୍ତି ।
କେବେ ବସିବ ବିଧାନସଭାର ମୌସୁମୀ ଅଧିବେଶନ । ବିଧାନସଭା ପରିସର ନା ଲୋକସେବା ଭବନର ନୂତନ ସମ୍ମିଳନୀ କକ୍ଷରେ ହେବ ଅଧିବେଶନ । ଏନେଇ ପୁଣି ଆରମ୍ଭ ହୋଇଛି ବିଚାରବିମର୍ଷ । ସେପ୍ଟେମ୍ବର ୧୪ ତାରିଖରୁ ସଂସଦର ମୌସୁମୀ ଅଧିବେଶନ ସ୍ଥିର ହେବା ପରେ ଏ ଚର୍ଚ୍ଚା ଜୋର ଧରିଛି । କୋଭିଡ଼ ନିୟମ ଓ ସାମାଜିକ ଦୂରତା ବଜାୟ ରଖି ତୁରନ୍ତ ବିଧାନସଭା ଅଧିବେଶନ ଡାକାଯାଉ ବୋଲି ବିରୋଧୀ ଦାବି କରିଛନ୍ତି । ତାରିଖ ସ୍ଥିର ହୋଇନଥିଲେ ମଧ୍ୟ ଉଭୟ ବିଜେପି ଓ କଂଗ୍ରେସ ଲମ୍ବା ପ୍ରସଙ୍ଗ ଧରି ଗୃହରେ ଶାସକ ଦଳକୁ ଘେରିବା ପାଇଁ ସଜବାଜ ଆରମ୍ଭ କରିଛନ୍ତି । ସେପଟେ ନିୟମ ଅନୁସାରେ ଅଧିବେଶନ ହେବ ଓ ବିରୋଧୀ ଯାହା ପ୍ରସଙ୍ଗ ଆଣିବେ ତାହା ଗୃହରେ ଆଲୋଚନା କରିବାକୁ ଶାସକ ଦଳ ପ୍ରସ୍ତୁତ ବୋଲି ବିଜେଡ଼ି କହିଛି ।
ସେପଟେ ବିଧାନସଭା ଅଧିବେଶନ ନେଇ ଏଯାଏ କୌଣସି ନିଷ୍ପତି ନିଆଯାଇନାହିଁ ବୋଲି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର କହିଛନ୍ତି । ତେବେ ତାରିଖ ସ୍ଥିର ହେବା ପରେ ଅଧିବେଶନ ବିଧାନସଭା ଭିତରେ ବସିବ କି ବାହାରେ ବସିବ ତାହା ସ୍ଥିର ହେବ । ଏହାସହ ଅଧିବେଶନରେ ଗଣମାଧ୍ୟମକୁ ଅନୁମତି ଦିଆଯିବ କି ନାହିଁ ସେ ନିଷ୍ପତି ନିଆଯିବ ।

ଯାଜପୁର : ସେ ବିପଦର ବନ୍ଧୁ । କେହି ଯଦି ବିପଦରେ ପଢନ୍ତି ସେ ତୂୁରନ୍ତ ତାଙ୍କ ପାଖରେ ପହଞ୍ଚିଯଆନ୍ତି । ସେ ଲୋକର ମନବଳ ବୃଦ୍ଧି କରିବା ସହ ସାହାର୍ଯ୍ୟ ,ସହଯୋଗ ମଧ୍ୟ ଯୋଗାଇ ଦିଅନ୍ତି । ଏପରି ଜଣେ ଯୁବ ନେତା ହେଉଛନ୍ତି ବିଜେଡ଼ି ସଂଗଠନ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ(ବବି) । କେବଳ ନିର୍ବାଚନ ସମୟ ନୁହେଁ, ବଂର ସବୁବେଳେ ଲୋକଙ୍କ ସହ ଜଡ଼ିତ ରହି ଭଲମନ୍ଦ ବୁଝନ୍ତି ସେ । ତାଙ୍କର  ଏପରି ମନଭାବ ଓ ପରିଶ୍ରମ ଗୁଣ ଯୋଗୁଁ ସେ ମୁଖ୍ୟମନ୍ତ୍ରୀଙ୍କ ପ୍ରିୟପାତ୍ର ହୋଇପାରିଛନ୍ତି । ଯୁବ ସମାଜର ପ୍ରତୀକ ସାଜିଛନ୍ତି ସେ । ପ୍ରଣବ ଯେଉଁଠି ଥାଆନ୍ତୁ ଯଦି ଜାଣନ୍ତି କିଏ କେଉଁଠି ଅସୁବିଧାରେ ପଡ଼ିଛନ୍ତି ସେଠି ସେ ଦେବଦୂତ ହୋଇ ଛିଡ଼ା ହୋଇ ଯାଆନ୍ତି । ଯାହା ଆଜି ବି ଦେଖିବାକୁ ମିଳୁଛି । କରୋନା ମହାମାରୀ ସମୟରେ ଯେତେବେଳେ ଅନେକ ଲୋକ ଘରେ ରହୁଛନ୍ତି ସେତେବେଳେ ଗ୍ରାଉଣ୍ଡକୁ ଯାଇ ଲୋକଙ୍କ ସୁଖ ଦୁଃଖରେ ସାମିଲ ହୋଇ ପ୍ରଣବ ଅନ୍ୟ ନେତାଙ୍କ ପାଇଁ ଉଦାହରଣ ସାଜିଛନ୍ତି ।
ଲଗାଣ ବର୍ଷା ଯୋଗୁଁ ବିଭିନ୍ନ ସ୍ଥାନରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । କେଉଁଠି ରାସ୍ତା ବୁଡ଼ି ପାଣି ଚାଲୁଛି ତ ଆଉ କେଉଁଠି ଚାଷଜମି ବୁଡ଼ି଼ିଯାଇଛି । ଅନେକ ସ୍ଥାନରେ ଗାଁରେ ପାଣି ପଶି ଗଲାଣି। ଜଳକା ନଦୀ  ଫୁଲୁଥିବାରୁ ମୟୁଭଞ୍ଜର ଓ ବାରିପଦାର କେତେକ ସ୍ଥାନରେ ହଠାତ ବନ୍ୟାଜଳ ପ୍ରବେଶ କରିଛି । ସହରରେ ଅନେକ ଅଂଚଳରେ ବନ୍ୟାଜଳ ପଶିବା ସହ କେତେକ ଘର ଭାଙ୍ଗିଯାଇଛି । ଏ ଖବର ପାଇବା କ୍ଷଣି ରାଜଧାନୀରୁ ସିଧାସଖଳ ବାରିପଦାରେ ପହଞ୍ଚିଥିଲେ ବିଜେଡ଼ି ସଂଗଠନ ସମ୍ପାଦକ ତଥା ମୟୁରଭଞ୍ଜ ଜିଲ୍ଳାର ପର୍ଯ୍ୟବେକ୍ଷକ ପ୍ରଣବ ପ୍ରକାଶ ଦାସ । ତୁରନ୍ତ ବନ୍ୟା ଅଂଚଳର ବୁଲିବା ସହ କ୍ଷତିଗ୍ରସ୍ତ ଲୋକଙ୍କ ସହ ଆଲୋଚନା କରିଥିଲେ । ଏହାପରେ ପ୍ରଣବ କ୍ଷତିଗ୍ରସ୍ତଙ୍କୁ ଶୁଖିଲା ଖାଦ୍ୟ ବଣ୍ଟନ କରିବା ସହ ସେମାନଙ୍କୁ ରନ୍ଧାଖାଦ୍ୟ କିପରି ମିଳିବ ସେ ବ୍ୟବସ୍ଥା କରିଥିଲେ । ଏହାସହ ସରକାରଙ୍କ ପକ୍ଷରୁ କ୍ଷତିଗ୍ରସ୍ତକୁ ସମସ୍ତ ପ୍ରକାର ସାହାର୍ଯ୍ୟ ଓ ସହଯୋଗ ଯୋଗାଇ ଦିଆଯିବ ବୋଲି ଲୋକଙ୍କୁ ଆଲୋଚନା ବେଳେ କହିଥିଲେ । ତାଙ୍କ ସହ ବିଧାୟକ ସୁଶାନ୍ତ ରାଉତ କିଛି ସ୍ଥାନୀୟ ଯୁବକ ସାମିଲ ହୋଇଥିଲେ । ବନ୍ୟା ସମୟରେ ଜିଲ୍ଳା ପର୍ଯ୍ୟବେକ୍ଷକ ଦାୟିତ୍ୱରେ ଥିବା ପ୍ରଣବ ପହଞ୍ଚି ଲୋକଙ୍କୁ ସାହାର୍ଯ୍ୟ ଓ ସହଯୋଗ କରିବା ଏବେ ପୁରା ଜିଳ୍ଲାରେ ଚର୍ଚ୍ଚାର ବିଷୟ । ପ୍ରଣବଙ୍କ ଏପରି ସେବା ମନବୃତ୍ତି ଅନ୍ୟ ନେତାଙ୍କୁ ପ୍ରେରଣା ଯୋଗାଇଛି । ସଭିଏଁ  କୁହାକୁହିଁ ହେଉଛନ୍ତି ଯେ ନେତା ହେବ ତ ପ୍ରଣବଙ୍କ ପରି ।