ଭୁବନେଶ୍ୱର – ଶ୍ରୀମନ୍ଦିର ସୁରକ୍ଷା କରିଡର ନାଁରେ ସରକାରଙ୍କୁ ବିଶ୍ୱାସ କରି ଜମି ହରାଇଥିବା ପୁରୀର ସମସ୍ତ ବ୍ୟକ୍ତି ଠକାମୀର ଶିକାର ହୋଇଛନ୍ତି ବୋଲି କଂଗ୍ରେସ ଅଭିଯୋଗ କରିଛି । ଆଜି କଂଗ୍ରେସ ଭବନରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କଂଗ୍ରେସ ନେତା ସତ୍ୟ ପ୍ରକାଶ ନାୟକ ଏ ସଂପର୍କରେ ତଥ୍ୟ ପ୍ରମାଣ ସହ ସରକାରୀ ଚଂଚକତାର ଖୁଲାସା କରିଛନ୍ତି । ଶ୍ରୀମନ୍ଦିର ଚର୍ତୁଃପାଶ୍ୱର୍ରେ ୭୫ ମିଟର ପରିଧି ଭିତରେ ଯେତେ ଜମି ଅଧିଗ୍ରହଣ କରାଯାଇଛି ଏ ସଂପୂର୍ଣ୍ଣ ପ୍ରକରଣ ବେଆଇନ୍ ଏବଂ ଅସିଦ୍ଧ । କାରଣ ଭୂମି ଅଧିଗ୍ରହଣ ପୁନର୍ବାସ ଓ ଥଇଥାନ ଆଇନ୍ – ୨୦୧୩ ଅନୁଯାୟୀ ଜିଲ୍ଲା ପ୍ରଶାସନ ଜମି ଅଧିଗ୍ରହଣ କରିନାହିଁ । ଭୂମି ଅଧିଗ୍ରହଣ ଆଇନ୍‌ର ଧାରା ୩୬ ରେ ସ୍ପଷ୍ଟ ଭାବରେ ଉଲ୍ଲେଖ ଅଛି ଯେ ଧାରା ୪ (କ) ରେ ସୋସିଆଲ ଇମ୍ପାକ୍ଟ ଆସେସ୍‌ମେଂଟ ନୋଟିଫିକେସନ ପରେ ଏବଂ ଚୂଡାନ୍ତ ଜମି ଅଧିଗ୍ରହଣ ବିଜ୍ଞପ୍ତି ପୂର୍ବରୁ ସଂପୃକ୍ତ ପ୍ରଭାବିତ ଅଂଚଳରେ ଜମି କିଣାବିକା ହୋଇପାରିବ ନାହିଁ । ଅର୍ଥାତ୍ ଧାରା ୪ (କ)ର ବିଜ୍ଞପ୍ତି ପରେ ଯଦି କୌଣସି ବ୍ୟକ୍ତି ଜମି ବିକ୍ରୀ କରନ୍ତି, ତେବେ ତାହା ଆଇନତଃ ଅସିଦ୍ଧ ଏବଂ ସଂପୃକ୍ତ ବ୍ୟକ୍ତି ପୁନର୍ବାସ ଓ ଥଇଥାନ ଆଇନ୍ ଅନୁଯାୟୀ କୌଣସି କ୍ଷତି ପୂରଣ ପାଇବାକୁ ଯୋଗ୍ୟ ବିବେଚିତ ହେବେନାହିଁ । ସେ ଦୃଷ୍ଟିରୁ ସୁରକ୍ଷା କରିଡର ପ୍ରକଳ୍ପ ପାଇଁ କେବଳ ୪ (କ) ବିଜ୍ଞପ୍ତି ଛଡା ଭୂମି ଅଧିଗ୍ରହଣର ଅନ୍ୟ କୌଣସି ପ୍ରକ୍ରିୟା ଏଯାବତ୍ ହୋଇନାହିଁ । ତେଣୁ ଜିଲ୍ଳା ପ୍ରଶାସନକୁ ଯେଉଁମାନେ ଜମି ହସ୍ତାନ୍ତର କରିଛନ୍ତି ତାହା ବେଆଇନ୍ ବୋଲି କଂଗ୍ରେସ କହିଛି । ବେଆଇନ୍ କାର୍ଯ୍ୟର ଏ ସଂପୂର୍ଣ୍ଣ ପ୍ରକରଣରେ ପୁରୀ ଜିଲ୍ଲାପାଳ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ଏଜେଂଟ ଭଳି କାର୍ଯ୍ୟ କରିଛନ୍ତି ବୋଲି କଂଗ୍ରେସ ଅଭିଯୋଗ କରିଛି ।
ଏଥିସହ ବଗଲା ଧର୍ମଶାଳା ଜମି ପ୍ଲଟିଂ ବିବାଦରେ ଜିଲ୍ଲାପାଳଙ୍କ କେଳେଙ୍କାରୀକୁ ରଙ୍ଗେହାତ୍ ଧରିଛି କଂଗ୍ରେସ । ସଫେଇ ଦେବା ବାହାନାରେ ଯେଉଁ ତଥ୍ୟ ଜିଲ୍ଲାପାଳ ଟୁଇଟରରେ ଦେଇଛନ୍ତି ତା’ର ଅସଲ ତଥ୍ୟ କଂଗ୍ରେସ ଲୋକଲୋଚନକୁ ଆଣିବା ପରେ ଏହା ଓଲଟା ଜିଲ୍ଲାପାଳଙ୍କ ପାଇଁ ବୁମେରାଂ ହୋଇଛି । ଜିଲ୍ଲାପାଳଙ୍କ ପକ୍ଷରୁ କୁହାଯାଇଛି ଯେ ପୁରୀ ମ୍ୟୁନିସିପାଲିଟି ପକ୍ଷରୁ ୨୫ ଅକ୍ଟୋବର ୨୦୧୯ ରେ ବଗଲା ଧର୍ମଶାଳା ଜମିକୁ ରାଜସ୍ୱ ବିଭାଗକୁ ହସ୍ତାନ୍ତର କରିବା ପାଇଁ ଅନୁମତି ଦିଆଯାଇଥିଲା । ତା’ର ଆଧାରରେ ବଗଲା ଧର୍ମଶାଳା ଜମିକୁ ଆଇନତଃ ରାଜସ୍ୱ ବିଭାଗକୁ ଆସିବା ପରେ କ୍ଷତିଗ୍ରସ୍ତ ଲଜିଂ ମାଲିକମାନଙ୍କୁ ଦିଆଯାଇଛି । ଏହି ପରିପ୍ରେକ୍ଷୀରେ ଜିଲ୍ଲାପାଳଙ୍କ ଚଂଚକତାକୁ ଧରିଛି କଂଗ୍ରେସ । ଅସଲରେ ସେହି ଚିଠିରେ ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ ଦର୍ଶାଯାଇଛି ଯେ ଅଭଡା ଯୋଜନାକୁ କାର୍ଯ୍ୟକାରୀ କରିବା ପାଇଁ ବଗଲା ଧର୍ମଶାଳା ଜମିକୁ ରାଜସ୍ୱ ବିଭାଗକୁ ଦିଆଯିବ । ଏହି ଚିଠିରେ ଆଉ ଏକ ଗୁରୁତ୍ୱପୂର୍ଣ୍ଣ ସର୍ତ ରଖାଯାଇଛି । ସେହି ସର୍ତଟି ହେଲା -ଜମି ହସ୍ତାନ୍ତର ପୂର୍ବରୁ ସବିଶେଷ ସର୍ତାବଳୀ ପ୍ରସ୍ତୁତ କରାଯିବ ଏବଂ ସେହି ଆଧାରରେ ଜମି ହସ୍ତାନ୍ତର କରାଯିବ । ଯେତେବେଳ ସବିଶେଷ ସର୍ତାବଳୀ (ଡିଟେ୍‌ଲ ଟର୍ମସ୍ ଆଣ୍ଡ କଣ୍ଡିସନସ୍‌) ପ୍ରସ୍ତୁତ କରାଯାଇନାହିଁ ଏବଂ ଅଭଡା ଯୋଜନା ବ୍ୟତିରେକ ଅନ୍ୟ କୌଣସି କାର୍ଯ୍ୟରେ ଜମି ବ୍ୟବହାର କରିବାକୁ ଚିଠିରେ ଉଲ୍ଲେଖ କରାଯାଇନାହିଁ, ସେତେବେଳେ ଜିଲ୍ଲାପାଳ ବଲବନ୍ତ ସିଂ ମହୋଦୟ କେଉଁ ଆଇନ୍ ଓ କ୍ଷମତା ବଳରେ ଦୁଇଟି ମିସ୍‌କେସ୍ ଜରିଆରେ ଜମିର ମାଲିକାନା ସତ୍ୱକୁ ଲଜିଂ ହାଉସିଂ ଫଣ୍ଡରୁ ରାଜସ୍ୱ ବିଭାଗକୁ ହସ୍ତାନ୍ତର କଲେ ତାକୁ ନେଇ ପ୍ରଶ୍ନ କରିଛି କଂଗ୍ରେସ । ଏ ପ୍ରସଙ୍ଗରେ ସତ୍ୟ ପ୍ରକାଶ ନାୟକ ଚିଠି ନଂ ୮୦୮୮, ତା ୫ ଅକ୍ଟୋବର ୨୦୧୯ ରିଖରେ ପୁରୀ ମ୍ୟୁନିସିପାଲିଟି ପକ୍ଷରୁ ହାଉସିଂ ଏବଂ ଅର୍ବାନ୍ ଡେଭଲପମେଂଟ ବିଭାଗକୁ ଦିଆଯାଇଥିବା ଏକ ଚିଠିର ଉଲ୍ଲେଖ କରିଥିଲେ, ଯେଉଁଥିରେ ବଗଲା ଧର୍ମଶାଳା ଜମି ହସ୍ତାନ୍ତର ବାବଦରେ ସର୍ତ ରଖାଯାଇଛି ଯେ ଜମି ଦେବା ପୂର୍ବରୁ ବଗଲା ଧର୍ମଶାଳା ଜମିର ବଜାର ଦର ଏବଂ ଏହା ଉପରେ ଥିବା କୋଠାର ବଜାର ଦର ସହିତ କ୍ଷତିପୂରଣ ଅର୍ଥ ରାଶି ମଧ୍ୟ ପ୍ରଦାନ କରାଯିବ । କିନ୍ତୁ ଆଶ୍ଚର୍ଯ୍ୟର କଥା ଜିଲ୍ଲାପାଳ ନିଜେ ସ୍ପଷ୍ଟୀକରଣ ଦେଇ ସ୍ୱୀକାର କରିଛନ୍ତି ଯେ ସଂପୃକ୍ତ ଜମିକୁ ବଜାର ଦର ବଦଳରେ ବେଂଚ ମାର୍କ ମୂଲ୍ୟରେ ବିକ୍ରୟ କରିଛନ୍ତି । ଯାହାକି ସର୍ତାବଳୀର ଖୋଲାଖୋଲି ଉଲ୍ଲଘନ ଏବଂ ଏଥିଯୋଗୁଁ ରାଜ୍ୟ ସରକାର କୋଟି କୋଟି ଟଙ୍କା ରାଜସ୍ୱ ହରାଇଛନ୍ତି ବୋଲି କଂଗ୍ରେସ ଅଭିଯୋଗ କରିଛି । ଏଥିସହିତ ଜମି ହସ୍ତାନ୍ତର ସଂପର୍କରେ ସର୍ତାବଳୀ ଚିଠିର ନକଲ ୨୪ ଘଂଟା ଭିତରେ ଜିଲ୍ଲାପାଳ ସର୍ବସାଧାରଣରେ ପ୍ରକାଶ କରନ୍ତୁ ବୋଲି କଂଗ୍ରେସ ପକ୍ଷରୁ ଶ୍ରୀ ନାୟକ ଆହ୍ୱାନ କରିଛନ୍ତି ।
ଏହି ସାମ୍ବାଦିକ ସମ୍ମିଳନୀରେ କଂଗ୍ରେସ ନେତା ମନୋରଞ୍ଜନ ଦାଶ, ଜ୍ଞାନଦେବ ବେଉରା, ପ୍ରଶାନ୍ତ ଶତପଥି, ରଜନୀ ମହାନ୍ତି ଓ ଦୀପକ ମହାପାତ୍ର ଉପସ୍ଥିତ ଥିଲେ ।

ଭୁବନେଶ୍ୱର : ୧୯୯୭ ମସିହା । ଓଡ଼ିଶାର ବରପୁତ୍ର ତଥା ପୂର୍ବତନ ମୁଖ୍ୟମନ୍ତ୍ରୀ ସ୍ୱର୍ଗତ ବିଜୁ ପଟ୍ଟନାୟକଙ୍କ ଦେହାନ୍ତ ପରେ ଓଡ଼ିଶା ରାଜନୀତିରେ ନବୀନ ପଟ୍ଟନାୟକ ନାଁ ପ୍ରବେଶ କଲା । ଆଉ ଏହା ପରଠାରୁ ଦୀର୍ଘ ୨୦ ବର୍ଷ ହେବ ଓଡ଼ିଶା ରାଜନୀତିରେ ସେ ହୋଇଗଲେ ଅପ୍ରତିଦ୍ୱନ୍ଦୀ ନେତା । ଦେଶରେ ଲମ୍ବା ସମୟ ଧରି ଏକ ଆଂଚଳିକ ଦଳ ଶାସନ କରିବାର ଇତିହାସ ବି ଯୋଡ଼ି ହୋଇଗଲା । ଲଗାତର ୫ଥର ନିର୍ବାଚନ ଜିତି ଶାସନ କରିବା ଏକ ଇତିହାସ । କିଏ ତାଙ୍କୁ ଶ୍ରେଷ୍ଠ ମୁଖ୍ୟମନ୍ତ୍ରୀ ତ ଆଉ କିଏ ଶ୍ରେଷ୍ଠ ପ୍ରଶାସକ ଓ କିଏ ନମ୍ବର ୱାନ ନେତା କହୁଛି । ସ୍ୱଚ୍ଛ ନିର୍ମଳ ଭାବମୃତ୍ତି ପାଇଁ ପୁରା ଦେଶରେ ଏକ ସ୍ୱତନ୍ତ୍ର ପରିଚୟ କରିଥିବା ନବୀନ ଆଜି ବି ତାଙ୍କ ଧଳା ପାଇଜାମାରେ କଳାର ଦାଗ ଲଗାଇ ଦେଇନାହାନ୍ତି ସେ । ସେଥିଲାଗି ତାଙ୍କ ସାଥି ହୁଅନ୍ତୁ ଅବା ଯେତେବଡ଼ ପ୍ରଶାସକ କାହାକୁ ବି ସେ ଛାଡ଼ନ୍ତି ନାହିଁ ଦୁର୍ନୀତି ପ୍ରସଙ୍ଗରେ । ଯେଉଁଥି ପାଇଁ ୨୦ବର୍ଷ ଶାସନରେ ୪୦ରୁ ଅଧିକ ନେତା ଓ ବହୁ ପ୍ରଶାସନକୁ ବିଦା କରିଛନ୍ତି ସେ । ତାଙ୍କ ଶାସନର ସବୁଠାରୁ ବଡ଼ କଥା ହେଉଛି କଥା କମ , କାମ ଅଧିକ । ଅର୍ଥାତ ଲୋକାମିମୁଖୀ ଯୋଜନା କରି ଏହାକୁ ତୃଣମୂଳ ସ୍ତରରେ ସଫଳ ରୂପାୟନ କରିବାରେ ସେ ମାହିର । ଅନେକ ଶାସକ ଆସନ୍ତି ଅନେକ ଯୋଜନା କରନ୍ତି , ହେଲେ ଏଥିରେ ଯେ ଲୋକେ ଉପକୃତ ହୋଇପାରିବେ ତାହାର ଉଦାହରଣ ସାଜିଛନ୍ତି ସେ । ଯେଉଁଥି ପାଇଁ ପୁରା ଭାରତବର୍ଷରେ ସେ ଏକ ମେଡ଼ଲ ହୋଇଛନ୍ତି । ପ୍ରାକୃତିକ ବିପର୍ଯ୍ୟୟ ମୁକାବିଲାରେ ତ ସେ ଆଜି ଆନ୍ତଜାତୀୟ ସ୍ତରରେ ରୋଲ ମଡ଼େଲ ସାଜିଛନ୍ତି । ୧୯୯୯ ମସିହା ମହାବାତ୍ୟା ଠାରୁ ଆରମ୍ଭ କରି ୨୦୨୦ ଅମ୍ପାନ ଓ ଏବେ ପ୍ରଥମଥର ଲାଗି ବିଶ୍ୱ ଯେଉଁ କୋଭିଡ଼ ୧୯ ମହାମାରୀର ସାମ୍ନା କରୁଛି ସବୁକୁ ଓଡ଼ିଶାରେ ସଫଳତାର ସହ ମୁକାବିଲ କରୁଛନ୍ତି ସେ । ଏଥିଲାଗି ଆନ୍ତଜାତୀୟ ସ୍ତରରୁ ଦେଶର ପ୍ରଧାନମନ୍ତ୍ରୀ ପର୍ଯ୍ୟନ୍ତ ନବୀନଙ୍କୁ ପ୍ରଶଂସା କରୁଛନ୍ତି ।ସମସ୍ତେ ନବୀନଙ୍କ ପ୍ରାକୃତିକ ବିପର୍ଯ୍ୟୟ ମୁକାବିଲାର ଋଣନୀତିକୁ ମଧ୍ୟ ଆପଣାଉଛନ୍ତି । ସବୁଠାରୁ ବଡ଼ କଥା ହେଉଛି ସେବା ସର୍ବୋତ୍ତମ ନୀତିକୁ ନବୀନ ଆପଣାଇ ୨୦ ବର୍ଷ ଧରି ଓଡ଼ିଶାକୁ ନିଜର ପରିବାର ଭାବି ନେଇ ଜନ କଲ୍ୟାଣ କାର୍ଯ୍ୟକ୍ରମ ହାତକୁ ନେଇଛନ୍ତି। ସେଥିଲାଗି ଆଜି ସେ ପୁରା ଓଡ଼ିଶା କାହିଁକି ଦେଶରେ ବ୍ରାଣ୍ଡ ହୋଇଛନ୍ତି । ତେଣୁ ବିରୋଧୀ ଯେତେେ ଚେଷ୍ଟା କଲେ ବି ତାଙ୍କୁ ଭେଦିକରି ଆଗକୁ ଯାଇପାରୁନାହାନ୍ତି । ଏବେ ତ ସେ ପୁରା ଓଡ଼ିଶାର ଘରେ ଘରେ ଏକ ବ୍ରାଣ୍ଡ ହୋଇଗଲେଣୀ । ତାହାସହ ବିଜେଡ଼ି ବି ଏକ କ୍ୟାଡ଼ରବେଷ୍ଟ ପାଟିରେ ପରିଣତ ହୋଇଛି । ନବୀନଙ୍କ ଲୋକପ୍ରିୟତା ଏତେ ଅଛି ଓଡ଼ିଶାରେ ଯେ ୨୦ବର୍ଷ ଭିତରେ ଦେଶରେ ରାଜନୈତିକ ପଟ ପରିବର୍ତ୍ତନ ହୋଇଥିଲେ ମଧ୍ୟ ଓଡ଼ିଶାରେ ଏହାର ପ୍ରଭାବ ଶୂନ୍ୟ । ପ୍ରତ୍ୟେକ ନିର୍ବାଚନରେ ନବୀନ ସଫଳତା ପରେ ସଫଳତା ଅର୍ଜନ କରିଚାଲିଛନ୍ତି । ସୁଚିନ୍ତିତ ଷଡ଼ଯନ୍ତ୍ର ତାଙ୍କ ବିରୋଧରେ କରାଯାଇ ତାଙ୍କୁ ବଦନାମ କରିବାକୁ ବହୁ ପ୍ରୟାସ ହୋଇଥିଲେ ମଧ୍ୟ ତାହା ତାଙ୍କ ରାଜନୈତିକ ଜୀବନରେ କେବେ ପ୍ରଭାବ ପକାଇନାହିଁ । କାରଣ ବିରୋଧୀ ଯେତେବେଳେ ନିର୍ବାଚନ ଆସିଲେ ରଣନୀତି କରନ୍ତି ଓ ପ୍ରସ୍ତୁତ ହୁଅନ୍ତି ସେତେବେଳେ ନବୀନ ଷ୍ଟାଇଲ ଟିକେ ଭିନ୍ନ । ସେ ପ୍ରତ୍ୟେକ ଦିନ ରଣନୀତି ପ୍ରସ୍ତୁତ କରନ୍ତି । ସବୁ ନିର୍ବାଚନକୁ ଗୁରୁତ୍ୱ ଦିଅନ୍ତି ଓ ବିଜେଡ଼ି ସଂଗଠନକୁ ବି ଚଳଚଞ୍ଚଳ କରନ୍ତି । ୨୦୧୯ ନିର୍ବାଚନରେ ବଡ଼ ସଫଳତା ପାଇ ମଧ୍ୟ ଏବେ ବିଜେଡ଼ି ୨୦୨୪ ନିର୍ବାଚନ ଲାଗି ଜୋରଦାର ପ୍ରସ୍ତୁତ ଆରମ୍ଭ କରିିଛି । ଯେହେତୁ ବହୁ ଲୋକଙ୍କ ନବୀନଙ୍କ ଭାବମୃର୍ତ୍ତି ଓ ଶାସନରେ ଆକୃଷ୍ଟ ହୋଇ ବିଜେଡ଼ିରେ ସାମିଲ ହେଉଛନ୍ତି ସେଥିଲାଗି ନବୀନ ବିଜେଡ଼ିକୁ ଏବେ ଏକ କ୍ୟାଡ଼ରବେଷ୍ଟ ପାଟି ଭାବେ ପରିଣତ କରିଛନ୍ତି । ପ୍ରଥମଥର ଲାଗି ଦଳରେ ସଂଗଠନ ସମ୍ପାଦକ ପଦ ସୃଷ୍ଟି କରି ଦଳର ପରିଶ୍ରମୀ ଯୁବନେତା ପ୍ରଣବ ପ୍ରକାଶ ଦାସଙ୍କୁ ଏହି ଦାୟିତ୍ୱ ଦେଲେ ସେ । ଏହାପରେ ଦଳରେ ବରିଷ୍ଠ ଉପସଭାପତି, ବହୁ ସାଧାରଣ ସମ୍ପାସକ , ସମ୍ପାଦକ ପରି ପଦବୀରେ ବହୁ ନେତାଙ୍କୁ ସାମିଲ କରିଛନ୍ତି । କେବଳେ ସେତେକି ନୁହେଁ ବିଭିନ୍ନ ବିଭାଗର ମଧ୍ୟ ଗୁରୁଦାୟିତ୍ୱ ଦେଇଛନ୍ତି ନେତାଙ୍କୁ । ୨୦୦୪ ମସିହାରୁ ତାଙ୍କ ନାଁରେ ବିଜେଡ଼ି ଭୋଟ ପାଇଆସୁଛ । ସେ ବିଜେଡ଼ିର ବ୍ରାଣ୍ଡ । ବେଶ କିଛି ବର୍ଷ ହେବ ନବୀନଙ୍କ ବ୍ରାଣ୍ଡ ଓଡ଼ିଶାରେ ଏକ ପାହାଡ଼ପରି ଛିଡ଼ା ହେଲାଣୀ । ଯାହାକୁ ଭେଦ କରି ଯିବ ଅନ୍ୟ ରାଜନୈତିକ ଦଳ ପାଇଁ କଷ୍ଟସାଦ୍ୟ । ବିଜେଡ଼ି କେବଳ ତାଙ୍କ ଉପରେ କି ବ୍ୟକ୍ତି ଉପରେ ନିର୍ଭରଶୀଳ ନୁହେଁ, ବଂର ବିଜେଡ଼ି ଏବେ ଜନ ଆନ୍ଦୋଳନରେ ପରିଣତ ହୋଇଛି । ବିଜୁ ଜନତା ଦଳର ୨୩ ତମ ପ୍ରତିଷ୍ଠା ଦିବସରେ ମଧ୍ୟ ନବୀନ ଏକଥା ସ୍ପଷ୍ଟ କରିଛନ୍ତି । ତେଣୁ ଯିଏ ଦଳ ପାଇଁ କାମ କରିବ ସେ ଦଳର ନେତୃତ୍ୱ ନେବେ ଏକଥା ନବୀନ ମଧ୍ୟ ଇସାରା ଦେଇଛନ୍ତି । କାରଣ ସାଢେ ଚାରିକୋଟି ଲୋକଙ୍କ ସେବା କରିବା ଏକ ଆନ୍ଦୋଳନ । ନବୀନଙ୍କ ଏହି ମନଭାବ ଯୋଗୁଁ ସାରା ଓଡ଼ିଶାରେ ସେ ଏବେ ବ୍ରାଣ୍ଡ ହୋଇପାରିଛନ୍ତି । ସଭିଁଙ୍କ ହୃଦୟରେ ତାଙ୍କ ପ୍ରତି ଭଲପାଇବା ରହିଛି । ବିଜେଡ଼ିର ନିର୍ବାଚନୀ ସଫଳତାର ମେରୁଦଣ୍ଡ ପାଲଟିଥିବା ନବୀନ ବ୍ରାଣ୍ଡକୁ ଅଧିକ ଶକ୍ତିଶାଳୀ କରିବା ପାଇଁ ଦଳର ଯୁବନେତୃତ୍ୱମାନେ ଏବେ ଦିନରାତି ଏକ କରି କାମ କରୁଛନ୍ତି । ଯେଉଁଥି ପାଇଁ ଦଳ ଏବେ ବଡ଼ଟିମ କରୁଛି ପୁରା ସଂଗଠନରେ । ଯାହାର ଲକ୍ଷ ନବୀନ ବ୍ରାଣ୍ଡକୁ ଘରେ ଘରେ ଶକ୍ତିଶାଳୀ କରିବା ।

ଭୁବନେଶ୍ୱର : ବଜେଟ୍ ସ୍ଵଚ୍ଛତାରେ ଓଡ଼ିଶା ୩ୟ ସ୍ଥାନ ହାସଲ କଲା। ରାଜ୍ୟର ଅର୍ଥନୈତିକ ଗତି ଅନୁଧ୍ୟାନ ପାଇଁ ସମନ୍ୱିତ ଏକକ ପ୍ରସ୍ତୁତ କରିବାକୁ ମୁଖ୍ୟ ଶାସନ ସଚିବଙ୍କ ନିର୍ଦ୍ଦେଶ।
Transparency international ରାଙ୍କି ରେ ଓଡ଼ିଶା ୩ୟ ସ୍ଥାନ ହାସଲ କରିଛି। କୃଷି, ପଶୁପାଳନ, ମାଛଚାଷ ସହ ରାଜସ୍ବ , ଘରୋଇ ଉପ୍ତାଦନ, ବ୍ୟାଙ୍କ ଋଣ, ନିଯୁକ୍ତି ଆଦି ମାନକ ନେଇ ଅର୍ଥନୈତିକ ଗତି ଅନୁଧ୍ୟାନ ନିମନ୍ତେ ଏକ ସମନ୍ଵିତ ଏକକ ପ୍ରସ୍ତୁତ କରିବାକୁ ମୁଖ୍ୟ ଶାସନ ସଚିବ ଶ୍ରୀ ଅସିତ୍ ତ୍ରିପାଠୀ ଙ୍କ ନିର୍ଦ୍ଦେଶ।

ଭୁବନେଶ୍ୱର : କରୋନା ମହାମାରୀ ସମୟରେ ଅନେକ ଲୋକ ନିଜର ଜୀବିକା ହରାଇଛନ୍ତି। ଏମିତି କି ଗାଁରୁ ଯାଇ ବାହାର ରାଜ୍ୟରେ କାମ କରୁଥିବା ଅନେକ ପ୍ରବାସୀ ଗାଁକୁ ଫେରି ବେକାର ହୋଇ ବସିଛନ୍ତି।ସେଥିମଧ୍ୟରେ ଅନେକ କୁଶଳୀ ଶ୍ରମିକ ଏବେ ରାଜ୍ୟରେ କାମ ଖୋଜୁଛନ୍ତି।ଏମାନଙ୍କ ରୋଜଗାର ଦେବାପାଇଁ ଆଜି ରାଜ୍ୟ ସରକାର ଗ୍ରାମୀଣ ଅର୍ଥନୈତିକ ସ୍ଥିତିର ପୁନରୁଦ୍ଧାର ନିମନ୍ତେ କୋଭିଡ୍ ୧୯ ସହାୟତା ପ୍ୟାକେଜ ଘୋଷଣା କରିଛନ୍ତି ।ଏହି ସମୟରେ କ୍ଷତିଗ୍ରସ୍ତ ହୋଇଥିବା ଜୀବନ ଜୀବିକା ପାଇଁ ନବୀନ ପଟ୍ଟନାୟକ ସହାୟତା ପ୍ୟାକେଜକୁ ଅନୁମୋଦନ ଦେଇଛନ୍ତି ।ଗରିବ ପରିବାରରକୁ ଜୀବିକା ପାଇଁ ରାଜ୍ୟ ସରକାରଙ୍କ ବିଭିନ୍ନ ବିଭାଗ ପଞ୍ଚାୟତ ରାଜ ,ଆଦିବାସୀ ଓ ହରିଜନ ଉନ୍ନୟନ ବିଭାଗ ,ମହିଳା ଓ ଶିଶୁ ବିକାଶ ,ଏହି ଦିଗରେ କାର୍ଯ୍ୟ କରିବେ । ଗ୍ରାମାଞ୍ଚଳରେ ବସବାସ କୁରଥିବ ଗରିବ ଓ ପ୍ରବାସୀଙ୍କ ପାଇଁ ୪ ପ୍ରକାର ଆର୍ଥିକ ପ୍ୟାକେଜ ଘୋଷଣା କରିଛନ୍ତି ।
୬୦ଲକ୍ଷ ଗ୍ରାମିଣ ପରିବାରକୁ ମହିଳା ଗୋଷ୍ଠୀରେ ଅନ୍ତର୍ଭୁକ୍ତ କରି ରାଜ୍ୟ ଶକ୍ତିଶାଳୀ ନେଟୱର୍କ ସୃଷ୍ଟି କରିଛି ।ଏହାଦ୍ବାରା ପରିଚାଳନା କରାଯିବ । ଏଥିପାଇଁ ପ୍ୟାକେଜ ଦିଆଯିବ ।ଏହାସହ ଗ୍ରାମିଣ ଅଣୁ ଓ କ୍ଷୁଦ୍ର ଉଦ୍ୟଗକୁ କୁଶଳୀ ଓ ଅର୍ଦ୍ଧ କୁଶଳୀ ପ୍ରବାସୀଙ୍କ କୃଷି ଓ ଅଣ କୃଷି କାର୍ଯ୍ୟ କରୁଥିବା ଉଦ୍ୟଗୀ ମାନେ ଉପକୃତ ହେବେ । ଗ୍ରାମିଣ ଅଣୁ ଓ କ୍ଷୁଦ୍ର ଉଦ୍ୟଗ ବିକାଶ ପାଇଁ ପ୍ରତ୍ୟେକ ଉଦ୍ୟଗୀ ଙ୍କୁ ୫୦ ହଜାର ଋଣ ଦିଆଯିବ ।ସ୍ଵୟଂ ସହାୟକ ଗୋଷ୍ଠୀ ର ସଭ୍ୟା କିମ୍ବା ତାଙ୍କ ପରିବାର କୃଷି ବା ଅଣ କୃଷି ପାଇଁ ଏହି ଋଣ ନେଇ ପାରିବେ । କୃଷି ଓ ଅଣକୃଷି ମାନଙ୍କୁ ,ଏକ କାଳୀନ ୧ଲକ୍ଷ ୫୦ ହଜାର ଟଙ୍କା ଋଣ ଦିଆଯିବ ,୬ମାସ ରୁ ଉର୍ଦ୍ଧ୍ବ ଉଦ୍ୟଗୀ ଗୋଷ୍ଠୀ ଏବଂ ଏକ ବର୍ଷ ରୁ ଉର୍ଦ୍ଧ୍ବ ଉତ୍ପାଦକ ଗୋଷ୍ଠୀ ଏହା ଋଣ ପାଇପାରିବେ ।ଅତି ଗରିବ ଓ ଦିବ୍ୟାଙ୍ଗ ଆଦୀମ ଜନଜାତି ବିଧବା କିନ୍ନର ନିରାଶ୍ରୟ ,ମହିଳା ମୁଖ୍ୟ ପରିବାର ଉଦ୍ୟଗୀ ଙ୍କୁ ୨୦ ହଜାର ପ୍ରଦାନ କରାଯିବ । କୋଭିଡ୍ ୧୯ ସମୟରେ ରାଜ୍ୟ କୁ କୁଶଳୀ ଓ ଅର୍ଦ୍ଧ କୁଶଳୀ ପ୍ରବାସୀ ଙ୍କ ଦ୍ଵାରା ଉଭୟ ପୂରଣା ଉଦ୍ୟଗ ର ବିକାଶ ପାଇଁ ୧ଲକ୍ଷ ଟଙ୍କା ଋଣ ଦିଆଯିବ । ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ର ପ୍ରତ୍ୟେକ ତତ୍ଵାବଧାନରେ ଗୋଷ୍ଠୀ ଭିତ୍ତିକ ସଂଘଠନ କୁ ଏହି ପ୍ୟାକେଜ କୁ କାର୍ଯ୍ୟକାରୀ କରିବା ଦିଗରେ ସହାୟତା କରିବେ । ଏଥିପାଇଁ ୨୦୦କୋଟି ଟଙ୍କା ଲକ୍ଷ ରଖାଯାଇଛି।

ଭୁବନେଶ୍ୱର:କିଛି ବର୍ଷ ହେବ କଂଗ୍ରେସର ପିଛା ଛାଡ଼ୁନି ଦଳୀୟ କଳି। ଉଭୟ କେନ୍ଦ୍ର ଓ ରାଜ୍ୟରେ କଂଗ୍ରେସର ସମାନ ସ୍ଥିତି। ଫଳରେ ରାଜ୍ୟ କଂଗ୍ରେସ ତାର ସଂଗଠନକୁ ମଜଭୁତ କରିପାରିନାହିଁ। ହେଲେ ଗତକାଲି ସୋନିଆ ଗାନ୍ଧୀ କଂଗ୍ରେସର ଅନ୍ତରୀଣ ଅଧ୍ୟକ୍ଷା ହେଲା ପରେ ଏ ସ୍ଥିତିରେ ଉନ୍ନତି ଆସିବା ଅନୁମାନ କରାଯାଉଛି। ଏପଟେ ରାଜ୍ୟରେ ମଧ୍ୟ ପିସିସି ସଭାପତି ନେଇ ଲାଗି ରହିଥିବା କଳ୍ପନା ଜଳ୍ପନାରେ ପୂର୍ଣଛେଦ ପଡିଛି । କାରଣ ଆଜି ପିସିସି ସଭାପତି ନିରଂଜନ ପଟ୍ଟନାୟକ ପୁଣି ସଂଗଠନ ସଜାଡ଼ିବା ପାଇଁ ଅଣ୍ଟା ଭିଡ଼ିଛନ୍ତି। ଖୁବଶୀଘ୍ର ଏଆଇସିସି ତାଙ୍କୁ ନୂଆ ଟିମ ଦେବେ ବୋଲି ପିସିସି ସଭାପତି ଆଶା ରଖିଛନ୍ତି । ଏକ ମଧ୍ୟମ ଧରଣ ଟିମ ଗଠନ କରିବା ପାଇଁ ଏଆଇସିସିକୁ ସୁପାରିଶ କରିଛନ୍ତି ନିରଂଜ। ଯାହା ଏବେ ମୋହର ଅପେକ୍ଷାରେ । ଅନ୍ୟପଟେ ଏହି ନୂଆ ଟିମକୁ ଶୀଘ୍ର ଘୋଷଣା କରିବା ପାଇଁ ଦଳର ଦୁଇ ବରିଷ୍ଠ ବିଧାୟକ ସୁର ଏବଂ ତାରା ଦାବି କରିଛନ୍ତି।
ଦୀର୍ଘ ଦେଢବର୍ଷ ପରେ ପିସିସି ସଭାପତି ନିରଂଜନ ପଟ୍ଟନାୟକ ନୂଆ ଟିମ ଗଢିବାକୁ ଯାଉଛନ୍ତି । ପ୍ରଥମେ ଜିଲ୍ଳା ସଭାପତି, ପରେ ବ୍ଲକ ସଭାପତି ଓ ଶେଷରେ ପିସିସି ଟିମ କରିବାକୁ ପୁଣି ଅଣ୍ଟା ଭିଡ଼ିଛନ୍ତି ପିସିସି ସଭାପତି । ସିଡ଼ବ୍ଲୁସି ବୈଠକରେ ପୁଣିଥରେ ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧୀ ହେବା ପରେ ଓଡ଼ିଶା କଂଗ୍ରେସ ଏପରି ଜୋସ ଆସିଛି । ପିସିସି ସଭାପତି କହିଛନ୍ତି ଯେ ଗଲା ଫେବୃୟାରୀ ମାସରୁ ସେ ନୂଆଟିମ ଗଠନ କରିବା ପାଇଁ ଏଆଇସିସି ପାଖକୁ ତାଲିକା ପଠାଇଛନ୍ତି । ହେଲେ ଅଗଷ୍ଟ ୧୫ ଭିତରେ ଟିମ ଦେବା କହି ଏଆଇସିସି ଏଯାଏ ଏହା ଉପରେ ମୋହର ଲଗାଇନାହିଁ । ଟିମ ଗଠନ ହୋଇନଥିବାରୁ ଦଳରେ ଅସନ୍ତୋଷ ହେଉଥିବା ନିଜେ ସ୍ୱୀକାର କରିବା ସହ ଖୁବଶୀଘ୍ର ନୂଆ ଟିମ ତାଲିକାକୁ ଏଆଇସିସିର ଅନୁମୋଦନ ମିଳିବ ବୋଲି ନିରଞ୍ଜନ କହିଛନ୍ତି । ସେପଟେ ନୂଆ ଟିମ ହେଲେ କଂଗ୍ରେସ ସଂଗଠନ ସୁଧୁରୀବ ବୋଲି ବରିଷ୍ଠ ନେତାମାନେ ମତ ଦେଇଛନ୍ତି। ।
ସେପଟେ ପିସିସି ପରିବର୍ତ୍ତନ ନେଇ କିନ୍ତୁ ରାଜ୍ୟ କଂଗ୍ରେସରେ ଏଯାଏ କମ୍ପନ ଥମିବାରେ ନାଁ ନେଇନାହିଁ । ବରିଷ୍ଠ ବିଧାୟକ ସୁର ରାଉତରାୟ କହିଛନ୍ତି ଯେ ପିସିସି ସଭାପତି ଯିଏ ହୁଅନ୍ତୁ ନା କାହିକିଁ ଟିମ ତୁରନ୍ତ ଗଠନ କରାଯାଉ । ଅନ୍ୟପଟେ ତାରା କହିଛନ୍ତି ଯେ ତୁରନ୍ତ କମିଟି ଗଠନ କରାଯାଇ କଂଗ୍ରେସକୁ ଆକଟିଭ କରାଯାଉ । ଜିଲ୍ଳା ,ବକ୍ଲସ୍ତରରେ କଂଗ୍ରେସକୁ କ୍ରୀୟାଶୀଳ କରିବାକ ପାଇଁ ରଣନୀତି ପ୍ରସ୍ତୁତ କରିବାକୁ ସେ ଦାବି କରିଛନ୍ତି ।
କଂଗ୍ରେସ ଅନ୍ଦର ମହଲରୁ ମିଳିଥିବା ଖବର ଅନୁସାରେ ଡ଼ିସେମ୍ବର ପର୍ଯ୍ୟନ୍ତ ପିସିସି ସଭାପତି ପରିବର୍ତ୍ତନ ହେବା ନାହିଁ । ତେଣୁ ନିରଂଜନଙ୍କ ନୂଆ ଟିମ ଗଠନ ପରେ ଦଳରେ ଥିବା ଅସନ୍ତୋଷ ବଢୁଛି ନା କମୁଛି ତାହା ଦେଖିବାର କଥା ।

ଭୁବନେଶ୍ୱର :ଦିନକୁ ଦିନ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି। ଯାହା କି ଉଭୟ ରାଜ୍ୟ ସରକାର ଓ ସାଧାରଣ ଲୋକଙ୍କ ମୁଣ୍ଡ ବ୍ୟଥାର କାରଣ ପାଲଟିଛି। କରୋନା ମୁକାବିଲା ପାଇଁ ରାଜ୍ୟ ସରକାର ପ୍ରତିଦିନ ନୂଆ ନୂଆ ରଣନୀତି ଆଣୁଛନ୍ତି। ହେଲେ କିଛି ଅମାନିଆଙ୍କ ପାଇଁ ଏହା ଫଳପ୍ରଦ ହୋଇ ପାରୁନାହିଁ। ଏହି ଅମାନିଆଙ୍କ ମଧ୍ୟରେ ଅଧିକରୁ ଅଧିକ ଯୁବ ଗୋଷ୍ଠୀ ରହିଥିବା ଦେଖୁବାକୁ ମିଳିଛି। କାରଣ ସେମାନେ ମାସ୍କ ପିନ୍ଧୁନାହାନ୍ତି,ସାମାଜିକ ଦୂରତା ମାନୁ ନାହାନ୍ତି କି ସଚେତନ ମଧ୍ୟ ହେଉ ନାହାନ୍ତି। ଏହି ପରସ୍ଥିତି ଠିକ୍ ବୁଝି ପାରିଛନ୍ତି ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ। ତେଣୁ ସେ ଅମାନିଆମାନଙ୍କୁ ବୁଝାଇବା ପାଇଁ ବିଜେଡି ଯୁବ ସଂଗଠନକୁ କାମ କରିବାକୁ କହିଛନ୍ତି। କାରଣ ଜଣେ ଯୁବକ ହିଁ ଆଉ ଜଣେ ଯୁବକକୁ ଠିକରେ ବୁଝେଇ ପାରିବ। ଏ ନେଇ ପ୍ରଣବ ଆଜି ପ୍ରଥମ ପର୍ଯ୍ୟାୟରେ ଯାଜପୁର ,ମୟୁରଭଞ୍ଜ, ବାଲେଶ୍ୱର,ଭଦ୍ରକର ସମସ୍ତ ବ୍ଲକର ଯୁବ ଓ ଛାତ୍ର ନେତାଙ୍କ ସହ ଭିଡିଓ କନ୍ଫରେନ୍ସିଂଗ ଜରିଆରେ କଥା ହୋଇଛନ୍ତି।କୋଭିଡକୁ ନେଇ ବ୍ୟାପକ ସଚେତନତା କରିବାକୁ ପ୍ରଣବ ସମସ୍ତଙ୍କୁ ପରାମର୍ଶ ଦେଇଛନ୍ତି। ଯୁବକ ଗୋଷ୍ଠୀ ବର୍ତ୍ତମାନ ସବୁ କାମ ଭୁଲି ମୁଖ୍ୟମନ୍ତ୍ରୀ ଯେଉଁ ନିର୍ଦ୍ଦେଶ ଦେଇଛନ୍ତି ‘ଯେ ଆମ ପାଇଁ ପ୍ରତ୍ୟେକ  ଜୀବନ ବଞ୍ଚାଇବା ଗୁରୁତ୍ୱପୂର୍ଣ୍ଣ । ସେ ଦିଗରେ ସମସ୍ତେ ଏକଜୁଟ ହୋଇ କାମ କରିବା ଉଚିତ।
ଏହାସହ ପ୍ରଥମ ପର୍ଯ୍ୟାୟରେ ଏହି ଚାରି ଜିଲ୍ଲାର ଯୁବ ଓ ଛାତ୍ର ଗୋଷ୍ଠୀଙ୍କ ସହ ଦଳୀୟ ସଂଗଠନ ସମ୍ପର୍କରେ ମଧ୍ୟ ପଚାରି ବୁଝିଥିଲେ।ପ୍ରଣବ ଏହି ମିଟିଂରେ ଯୁବ ଓ ଛାତ୍ର ନେତୃତ୍ୱକୁ ପ୍ରେରଣାତ୍ମକ ସାଂଗଠନିକ ମନ୍ତ୍ର ପ୍ରଦାନ କରିଥିଲେ। ଏଥିରେ ସେ ଜୟ ଜଗନ୍ନାଥ ଜୟ ନବୀନ ସ୍ଲୋଗାନ ଦେଇ ସମସ୍ତ ଯୁବ ଓ ଛାତ୍ର ନେତାଙ୍କୁ ଉତ୍ସାହିତ କରିଥିଲେ। ବିଜୁ ଯୁବ ଛାତ୍ର ଦଳର ଏହି ସାଙ୍ଗଠନିକ ସମୀକ୍ଷା ବୈଠକରେ ବିଜେଡି ସାଧାରଣ ସମ୍ପାଦକ ପ୍ରଣବ ବଲବନ୍ତରାୟ,ଚାନ୍ଦବାଲି ବିଧାୟକ ବ୍ୟୋମକେଶ ରାୟ, ଯୁବ ସଭାପତି ଅମରେଶ  ପତ୍ରୀ , ଛାତ୍ର ସଭାପତି ରାଣପ୍ରତାପ  ପାତ୍ର ପ୍ରମୁଖ ଯୋଗଦେଇଥିଲେ।

ଭୁବନେଶ୍ୱର : ଓଡ଼ିଶାରେ ପ୍ରତ୍ୟେକ ଦିନ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି ।ପ୍ରଶାସନ ପକ୍ଷରୁ ଜନସାଧାରଣ ସଚେତନ ରହିବା ପାଇଁ ବାରମ୍ବାର ନିବେଦନ କରାଯାଉଛି । ରାଜ୍ୟ ସରକାର, ପୋଲିସ୍ ଓ ସ୍ୱାସ୍ଥ୍ୟ ବିଭାଗ ସମସ୍ତେ କୋଭିଡ ନିୟମ ପାଳନ ଓ ସାମାଜିକ ଦୂରତା ରକ୍ଷା କରିବା ପାଇଁ ନିରନ୍ତର ଅନୁରୋଧ ଓ ପ୍ରଚେଷ୍ଟା ଚଳାଇଛନ୍ତି । ତେବେ ଖୋଦ୍ ଜନପ୍ରତିନିଧି ଏହି ନିୟମକୁ ମାନିବାକୁ ନାରାଜ । କୋଭିଡ ନିୟମ ଉଲ୍ଲଂଘନ କରିବାର ସଦ୍ୟ ନଜିର ଦେଖାଦେଇଛି ଜଟଣୀ ବିଧାୟକ ବରିଷ୍ଠ କଂଗ୍ରେସ୍ ନେତା ସୁରେଶ ରାଉତରାୟଙ୍କ କ୍ଷେତ୍ରରେ । ଏକ ଘରୋଇ ହସ୍ପିଟାଲ୍‌ରେ ରୋଗୀ ମୃତ୍ୟୁକୁ ପ୍ରସଙ୍ଗ କରି ଶତାଧିକ ଲୋକଙ୍କୁ ଏକତ୍ରିତ କରି କୋଭିଡ ନିୟମର ଖୋଲାଖୋଲି ଉଲ୍ଲଂଘନ କରିଛନ୍ତି ଏହି ବର୍ଷିୟାନ୍ ନେତା । ସଂପୃକ୍ତ ରୋଗୀଙ୍କର କରୋନା ସଂକ୍ରମଣ ଯୋଗୁଁ ମୃତ୍ୟୁ ହୋଇଥିବା ବେଳେ ସ୍ଥାନୀୟ ଲୋକଙ୍କୁ ଧରି ହସ୍ପିଟାଲ୍‌ ସମ୍ମୁଖରେ ବିଧାୟକ ଧାରଣାରେ ବସିଥିବା ଦେଖିବାକୁ ମିଳିଥିଲା । ତେବେ ବିଡମ୍ବନାର ବିଷୟ ହେଉଛି ଧାରଣାରେ ବସିଥିବା ବିଧାୟକଙ୍କ ମୁହଁରେ କିନ୍ତୁ ମାସ୍କ ନ ଥିଲା । କେବଳ ସେ ନୁହଁନ୍ତି ଧାରଣାରେ ବସିଥିବା ଆଉ କିଛି ବ୍ୟକ୍ତି ମଧ୍ୟ ମାସ୍କ ପିନ୍ଧିବାର ଦେଖିବାକୁ ମିଳି ନ ଥିଲା । ଶତାଧିକ ଲୋକଙ୍କୁ ବିଧାୟକ ଏକତ୍ରିତ କରାଇଥିବାବେଳେ ସମସ୍ତେ ମିାି ସାମାଜିକ ଦୂରତ୍ୱ ନିୟମକୁ ଫୁ କରି ଦେଇଥିଲେ । ନିୟମ ଅନୁଯାୟୀ ଦୁଇ ମିଟର ତ ଦୂରର କଥା ଅତି ନିକଟତର ହୋଇ ଧାରଣାରେ ବସିଥିଲେ ବିଧାୟକଙ୍କ ସହ ଆସିଥିବା ବ୍ୟକ୍ତିମାନେ ।ତେବେ ଜଣେ ବରିଷ୍ଠ ବିଧାୟକଙ୍କ କ୍ଷେତ୍ରରେ ଏହା କେତେ ଦୂର ସମୀଚିନ? ବିକ୍ଷୋଭ କରିବାକୁ ଆସିଥିବା ବ୍ୟକ୍ତିମାନେ ଅତି ନିକଟତର ହୋଇଥିବା ବେଳେ ଏମାନଙ୍କୁ ଯେ କରୋନା ସଂକ୍ରମଣ ହେବ ନାହିଁ ଏହାର ଗ୍ୟାରେଂଟି କିଏ ଦେବ? ଯଦି ଏଠାକୁ ଆସିଥିବା କୌଣସି ବ୍ୟକ୍ତି କରୋନା ସଂକ୍ରମିତ ହୁଅନ୍ତି ଏଥିପାଇଁ ଜଟଣୀବିଧାୟକ ଦାୟୀ ରହିବେ ତ । ନିୟମ ଉଲ୍ଲଂଘନ କରିଥିବା ସୁରେଶ ରାଉତରାୟଙ୍କ ଠାରୁ ପ୍ରଶାସନ ଫାଇନ୍‌ ଆଦାୟ କରିବା ସହ ଦଣ୍ଡିତ କରିବ ନା ନାହିଁ, ଏସବୁ ପ୍ରସଙ୍ଗ ଏବେ ପ୍ରଶ୍ନ ଘେରରେ ।